المساعد الشخصي الرقمي

مشاهدة النسخة كاملة : تسجيلي اليوم واللي يقدر يساعدني لا يبخل علي وبسرررعه

مطارة شاي
14-12-2009, 12:46 AM
السلام عليكم ..أنا تخصصي إدارة مواد ومعدلي حيل نازل ولازم أرفعه ولا يفصلوني ...

واليوم إنشالله موعدي لتسجيل المواد فكل شخص يقرى موضوعي يكتبلي أسم إستااذ زين بالدرجات ويساعد مع إسم

الماده اللي يدرسها خصووصا المحاسبه لأني اخذت فيها f مرتين بليز ساااااعدوني قبل لا يجي موعدي الساعه 8 بالليل

ولكم مني دعوه بظهر الغيب ...

أتظركم ...(F)
Brawni
14-12-2009, 06:40 AM
و عليكم الـسلام
إذا عندك مواد ماخذ فيهم f من قبل عيدهم هالكورس
لأن الـf بعد الإعادة وايد ترفع المعدل ..
لو فرضـاً أخذت a راح تتدبل الدرجة بمعدلك العام وتصير جنك ماخذ a بمادتين
دام معدلك نازل انت محتاج تسجل مواد الـf " اذا كان في "
مطارة شاي
14-12-2009, 07:39 AM
و عليكم الـسلام
إذا عندك مواد ماخذ فيهم f من قبل عيدهم هالكورس
لأن الـf بعد الإعادة وايد ترفع المعدل ..
لو فرضـاً أخذت a راح تتدبل الدرجة بمعدلك العام وتصير جنك ماخذ a بمادتين
دام معدلك نازل انت محتاج تسجل مواد الـf " اذا كان في "

جزاك الله خير ..
إي عندي مواد ماخذه فيهم f بس على جذي راح أتأخر بزياده في مواد كثيره ماأخذتهم ليما ألحين ...
وأنا بسبة معدلي حدي آخذ 15 وحده فبشنو تنصحني ؟؟؟
Brawni
14-12-2009, 11:32 AM
جزاك الله خير ..
إي عندي مواد ماخذه فيهم f بس على جذي راح أتأخر بزياده في مواد كثيره ماأخذتهم ليما ألحين ...
وأنا بسبة معدلي حدي آخذ 15 وحده فبشنو تنصحني ؟؟؟


صدقيني لا تفكرين بالتأخير اذا على التأخير كلنا متأخريييين بمشاكل هالتسجيل، ما اقولج لا تفكرين بهالشغلـه نهائياً بالعكس بس المعدل أهم وايـد ..

انا متأخره بعد بس وايد ارتحت الحين بعد ما رفعت معدلي، لأني مجربة هالطريقـه معدلي كان 2.19 وكان عندي مادة ماخذه فيها f ، عدتها بالصيفي مع مادة ثانيه ماخذه فيها fA و يبت فيهم A- و ارتفع معدلي إلى 2.85
وآنا حاسبتهـا لو كنت ماخذه A جان معدلي تعدى الـ 3 نقاط ..

فرق كبيـر طبعـاً ان يرتفع هالكثر على مادتين بس .. !

مع ملاحظة ان الـf اذا عدتيهـا تتدبل الدرجـة بعد الإعادة
بس الـFA ما تتدبل الدرجة بعد الإعادة

اذا كان معدلج نازل عيدي المواد الحين لأن راااحة اذا كان معدلج فوق 2.5 بالج يرتاح
بس شالفايدة تاخذين مواد تخصص ومعدلج ما قاعد يرتفع؟

أهم شي المعدل باجر يفيدج حتى بالوظيفـه ترى الأولوية بالتوظيف للي معدله اعلى
ودام عندج فرصة ترفعينه رفعيه الحين ولا تأجلينه بعدين
واخذي زيادة مواد سهله و مادة او مادتين تخصص بس مايكونون حيل دسمين

انا هذا رايي وبالنهايـه القرار لج .. استشيري رفيجاتج بالكليه يمكن مجربينها
والله يوفقج يارب وترفعينه
Brawni
14-12-2009, 11:42 AM
مع العلـم اني بالتكنولوجيـا مو التجـاري بس نظام الـ f والـ fa بكليات التطبيقي واحــد :)