المساعد الشخصي الرقمي

مشاهدة النسخة كاملة : شروط التحويل بين كليات الهيئة العامه للتعليم التطبيقي و التدريب


Brawni
20-07-2009, 01:11 AM
شروط التحويل إلى كليات الهيئة

1) شروط التنافس بين الطلبة المحولين :

تخضع عمليات قبول طلبات التحويل بين كليات الهيئة لإمكانيات الهيئة وفقاً للمقاعد الشاغرة والتي تتغير من عام لآخر و يجب أن تتوافر في الطالب الشروط التالية لقبول طلب تحويله و التنافس على المقاعد الشاغرة :

أ- أن يكون مقيداً بإحدى كليات الهيئة وأن لا يكون مفصولاً لسبب تأديبي أو أكاديمي.

ب- اجتياز (14) وحدة دراسية على الأقل، و الحصول على معدل تراكمي لا يقل عن 3 نقاط و نصف ( 3.5 نقطه ) بالنسبة للراغبين في التحويل إلى تخصصات كلية التربية الأساسية ( باستثناء التخصصات التي لها اختبار قدرات فيكون المعدل المطلوب ثلاث نقاط على الأقل ) و عن نقطتين على الأقل ( 2 نقطة ) بالنسبة للراغبين في التحويل إلى كليات الدراسات التجارية و الدراسات التكنولوجية و العلوم الصحية و التمريض.

ج- في حالة تجاوز أعداد الطلبة المتقدمين للتحويل عن الحد الأقصى لخطة القبول في كل تخصص تتم المفاضلة بينهم بعد نجاحهم في اختبار القدرات أو المقابلة الشخصية طبقاً للترتيب و المعايير التالية:

1) المعدل التراكمي الأعلى للطلبة.

2) في حالة التساوي بالمعدل التراكمي يتم النظر إلى النسبة المئوية الأعلى في الثانوية العامة.




2) الضوابط العامه للتحويل :

يراعي تطبيق أحكام المادة ( 44 ) و تعديلاتها من اللائحة الأساسية لنظام الدراسة بكليات التعليم التطبيقي و الخاصـة بـ (( التحويل إلى كليات الهيئة و فيما بينها )) و ذلك على النحو التالي :

*- يجوز التحويل من كلية إلى أخرى داخل الهيئة أو من إحدى الكليات المماثلة المعترف بها وفق الإمكانات المتاحة و الخطة السنوية للقبول و تقدم طلبات التحويل في المواعيد المقررة إلى عمادة القبول و التسجيل بالهيئة طبقاً للشروط التالية :

أ- الحصول على موافقة الكلية المقيد بها الطالب على طلب التحويل إذا كان من إحدى كليات الهيئة.

ب- استيفاء الطالب لشروط القبول في الكلية المحول إليها.

ج- ألا يكون الطالب المحول موقوفاً بقرار تأديبي.

د- أن يكون الطالب قد أمضى فصلاً دراسياً على الأقل مقيداً في الدراسة بأحد المعاهد أو الكليات و ذلك قبل تقدمه بطلب التحويل مباشرة.


هـ- ألا تزيد الوحدات الدراسية التي اجتازها الطالب عن (45) وحدة دراسية بالنسبة لنظام الأربع سنوات و عن (30) وحدة دراسية بالنسبة للكليات الأخرى إذا كان التحويل فيما بين كليات الهيئة. ويراعى أن لا تدخل الوحدات المشتركة و المعتمدة عند تغيير التخصص ضمن الحد الأقصى للوحدات المجتازة المشار إليها.

و- ألا يكون الطالب قد سبق و سحب أوراقه من إحدى كليات الهيئة.

ز- ألا يكون الطالب قد سبق فصله من إحدى كليات الهيئة بسبب الانقطاع عن الدراسه.

*- عند تحويل الطالب فيما بين كليات الهيئة يحتفظ له بسجله الدراسي كما هو و تدخل جميع المقررات الدراسية التي سجلها في الكلية المحول منها في حساب معدله العام.

*- يعفى الطالب من دراسة المقررات الدراسية التي تدخل ضمن تخصصه الجديد و المعتمدة من الأقسام العلمية المختصة كما جاءت في سجله الدراسي إذا كان محولاً من إحدى كليات الهيئة.

*- لا تدخل الوحدات المعتمدة ضمن حساب معدلات الطالب المحول من معاهد أو كليات خارج الهيئة كما لا يعتمد للطلبة المحولين من خارج الهيئة عدداً من الوحدات الدراسية يزيد عما يعادل 50% من الوحدات الدراسية اللازمة للتخرج من الكلية المحول إليها.

*- تقوم الأقسام العلمية بتحديد المقررات الدراسية التي يتم إعفاء الطالب من دراستها والتي تعادل المقررات التي سبق للطالب اجتيازها بنجاح من معاهد أو كليات خارج الهيئة وبتقدير جيد على الأقل في كل منها.

*- إذا تم إعفاء الطالب من دراسة مقرر أو أكثر نتيجة للتحويل بعد المواعيد المقررة للانسحاب يلغى تسجيله في هذه المقررات .


*- تدخل مدة الدراسة للمقررات المعتمدة في كليات أو معاهد أخرى ضمن الحد الأقصى لمدة البقاء في الكلية المحول إليها الطالب على أساس العبء الاعتيادي تقريباً للفصل الدراسي الواحد.

وترحل صرختي وتذبل
30-07-2009, 12:47 PM
اختي انا بسالج سؤاال اذا سحبت اوراقي وقدمت مره ثانيه على كليه ثانيه مايصير ؟؟!
ويعطيج العافيه

Brawni
30-07-2009, 09:36 PM
اختي انا بسالج سؤاال اذا سحبت اوراقي وقدمت مره ثانيه على كليه ثانيه مايصير ؟؟!
ويعطيج العافيه

الله يعافيج :)
>> لا إذا سحبتي أوراقج من ( كلية ) ما يصير ترجعين تقدمين على أي كليـة من قطاع الكليـات
لكن تقدرين تقدميـن على قطاع التدريب ( المعاهد )

حتحوته
31-07-2009, 03:53 AM
يعطيج العافيـه ماقصرتي

عساج ع القوه يارب

Brawni
31-07-2009, 12:07 PM
يعطيج العافيـه ماقصرتي

عساج ع القوه يارب

الله يعافيج حبيبتي
مشكوووورة على ردج .. :)

الفهد2000
10-09-2009, 12:37 PM
مشكوريننننننننننننننننننن نننننننننن

Brawni
10-09-2009, 01:34 PM
مشكوريننننننننننننننننننن نننننننننن

العفـوووو :)

Rockwillder
10-09-2009, 02:07 PM
انا اليوم حطوا القبول ...
يعني ألحين إذا بحول من تجاري - حاسب آلي ( شنو يعني هالتخصص ) ؟؟

إلى تكنلوجيا - هندسه كمبيوتر

وأي تخصص أحسن حاسب آلي ولا هندسه كمبيوتر ؟

لازم أدرس عشاان أحول ؟؟ .. شنو أحسن من ناحيه الوظيفه والعلاوات .. وأقدر أكمل جامعه بعدين ؟

وشكرًا :)

Brawni
10-09-2009, 02:25 PM
يصير تحول من تجاري لي تكنولوجيـا
بس عشان تنقبل في التكنولوجيا لازم تكون خريج علمي
بالإضافه للشروط المذكوره في الموضوووع :)

و طبعاً لازم تدرس كورس على الأقل عشان تحول
لأن ما يصير تحول لي أي كليه ثانيه أو تخصص إلا بعد ما تجتاز فوق الـ14 وحدة دراسيـة

Rockwillder
10-09-2009, 03:23 PM
يصير تحول من تجاري لي تكنولوجيـا
بس عشان تنقبل في التكنولوجيا لازم تكون خريج علمي
بالإضافه للشروط المذكوره في الموضوووع :)

و طبعاً لازم تدرس كورس على الأقل عشان تحول
لأن ما يصير تحول لي أي كليه ثانيه أو تخصص إلا بعد ما تجتاز فوق الـ14 وحدة دراسيـة


انا علمي .. يعني كلش ما أقدر أحول ألحين ؟؟ ?:|

فيلجاويه عسل
10-09-2009, 07:32 PM
بســـالج اختــي براااونـــي : انا الحيـــن قبلوووني اتصالات وملاحه ... اقدر احول تربيه اساسيه .؟؟
و3.5 يعني جم بالاميه ؟ انا نسبتي 74 لما تخرجت من الثنووي وانشالله اقدر ارفعهاا بس موعارفه الشرووط عدل ؟ّ!!:(

Brawni
10-09-2009, 11:22 PM
بســـالج اختــي براااونـــي : انا الحيـــن قبلوووني اتصالات وملاحه ... اقدر احول تربيه اساسيه .؟؟
و3.5 يعني جم بالاميه ؟ انا نسبتي 74 لما تخرجت من الثنووي وانشالله اقدر ارفعهاا بس موعارفه الشرووط عدل ؟ّ!!:(

ألف مبروك القبـول :)
مع الأسف اختي ما كان ودي أحطبج بس التحويل يتم بين الكليـات فقط يعني مـا يصير تحولين من معهد لي كليـه لو كنتي كليـه التجاري جان قدرتي تحولين لأنها كليـه مو معهد

و هذا الموضـوع راح تلاقين فيـه النقاط جم يعادل بالإميـه في التطبيقي

[Link nur für registrierte Benutzer sichtbar]

موفقـه يارب

lampard-8
17-09-2009, 09:52 AM
يعطيج العافيه اختي

انا في سؤال محيرني واايد والله

انا قدمت رغبات :-

اتصالات وملاحه
المعهد العالي للطاقه
سكرتاريه


للاسف قبلوني سكرتاريه مادري ليش مع اني علمي :(


الحين سؤال الللله يخليج طمنيني اقدر احول من سكرتاريه لي اصالات وملاحه او تكنلوجيا
وجم يبون معدل


وما ادل المعهد وين صاير :p

والله يعطيج العافيه تكفيج جاوبي :(

Brawni
17-09-2009, 01:56 PM
يعطيج العافيه اختي

انا في سؤال محيرني واايد والله

انا قدمت رغبات :-

اتصالات وملاحه
المعهد العالي للطاقه
سكرتاريه


للاسف قبلوني سكرتاريه مادري ليش مع اني علمي :(


الحين سؤال الللله يخليج طمنيني اقدر احول من سكرتاريه لي اصالات وملاحه او تكنلوجيا
وجم يبون معدل


وما ادل المعهد وين صاير :p

والله يعطيج العافيه تكفيج جاوبي :(

اخوي رديت عليك بالخاص

بس انا مو متأكدة من التحويل بين المعاهد 100%

بس ما يصير التحويل من معهد إلى كليـة

انت بس تداوم راح تعرف كل شروط معهدكم

والأفضل لو انك تروح اللقاء التنويري عشان تعرف القوانين والشروط

والله يوفقك انشاءالله

فهوود
17-09-2009, 10:36 PM
اختي انا بكليه الصحه تمريض يصير احول للتربيه وانا سعودي

Brawni
09-01-2010, 06:54 AM
اختي انا بكليه الصحه تمريض يصير احول للتربيه وانا سعودي

آسفه توني انتبه على السؤال .. :\\

التحويل من كليه إلى كلية ثانيه مقتصر على الكويتيين فقط
لكن تقدر تحول تحويل داخل الكليه اذا كانت كليتهم فيها تخصصات متنوعة
واذا مافيها أمرك لله والله يوفقك.. و اسفه عشان حبطتك ..
بس هذي قوانين الهيئه مع الاسف ..

Brawni
11-02-2010, 01:32 PM
up
.
.
.

استاذ
12-02-2010, 04:24 AM
يصير تحويل من معهد اتصالات وملاحة الى معهد سكرتاريه ولا تسحب اوارقه وتقدمه مره ثانيه ولا تاخذ كورس وبعدها تحول؟
الحل مع التطبيقي الى صار اجبار للطالب

Brawni
12-02-2010, 05:08 AM
يصير تحويل من معهد اتصالات وملاحة الى معهد سكرتاريه ولا تسحب اوارقه وتقدمه مره ثانيه ولا تاخذ كورس وبعدها تحول؟
الحل مع التطبيقي الى صار اجبار للطالب

مع الاسف اخوي
مايصير التحويل من معهد إلى معهد .. التحويل بس بالكليات دون المعاهد
و اعتقد ان قبل جم سنة كان يصير بالمعاهد تحويل بس صكروه من زمان

جرب اسأل مكتب التسجيل في المعهد.. عن طريقة سحب الأورااق يمكن تنفع
بس حسب اعتقادي اتصالات وملاحة عليه ضغط اكثر من السكرتاريه
يعني لو حاطه رغبتها الاولى سكرتارية انقبلت بس قدر الله

استاذ
12-02-2010, 05:40 AM
المصيبه الرغبه الاول سكرتاريه مايصير تبدل؟ مع الفرق

Brawni
12-02-2010, 06:19 AM
المصيبه الرغبه الاول سكرتاريه مايصير تبدل؟ مع الفرق

لا شلون تبدل الحين ؟ ما يصير خلص وقت التسجيل و طلع القبول
الحين ماكو شي يتغيّـر الا اذا عندها "و" تقدر الحين قبل الدوامات

بس دام ان رغبتها الأولى سكرتارية وما انقبلت يعني القبول مو مضمون اذا سحبت اوراقها وقدمت ثاني مره على السكرتارية يعني فيه أمل بس ضعيف حيل الأفضل انكم تروحون الهيئة بالعديلية و تسألون عميد القبول اذا سحبت اوراقها وقدمت ثاني مره في أمل تنقبل سكرتارية أو لا ؟

وانشالله يارب يرزقها اللي فبالها

نونووو
13-02-2010, 12:38 AM
انا اليوم حطوا القبول ...
يعني ألحين إذا بحول من تجاري - حاسب آلي ( شنو يعني هالتخصص ) ؟؟

إلى تكنلوجيا - هندسه كمبيوتر

وأي تخصص أحسن حاسب آلي ولا هندسه كمبيوتر ؟

لازم أدرس عشاان أحول ؟؟ .. شنو أحسن من ناحيه الوظيفه والعلاوات .. وأقدر أكمل جامعه بعدين ؟

وشكرًا :)


اخوي نصييييحه نصيييييييييحه نصييييييييييييييييييييييي ييييييييحه لاتففكر انك تقعد على تخصص حاسب آلي
انا كنت مقبوله بتخصص حاسب آلي بس الحمد الله اني سحبت اوراقي وقدمت على التكنلوجياا

تخصص حاسب آلي بس لما توظف تستفيد انك تاخذ بدل شاشه لا اكثر ولا اقل

بس تخصص هندسه كمبيوتر يكون مسماك فنييييي واول ماتوظف 3 علاواااات

ويقولك معلومه ان اقوى تخصصات الدبلوم تخصص هندسه كمبيوتر

وعلى فكره ترا مافي مقارنه بين كليه التجاري وكليه التكنلوجيا

انا اختي تخرجت من التجاري ومعاشها نفس معاش اختي الي تخرجت من الدورات

بس كليه التكنلوجيا كليه فنيه

واي شخص يتخرج منها يصير مسماه مساعد مهندس

وتقد تكمل بالجامعات الخاصه وبجامعات براا

يعني انصحك نصيحه حوووول حق التكنلوجيااا وانت مغمض

وعلى فكره انا تخصصي هندسه كمبيوتر بالتكنلوجيا

Brawni
13-02-2010, 12:45 AM
بس تخصص هندسه كمبيوتر يكون مسماك فنييييي واول ماتوظف 3 علاواااات


بالإضافة إلى كادر هندسي :)

بشوره89
14-02-2010, 10:09 PM
السلام عليكم

بلييييييييييييييز help me رفيجتي بكلية التجاري وهذا 3كورس لها ومعدلها1,58ولما تبطل صفحتها بالسستم يطلع الطالب غير مسمتر شكلها انفصلت ..الزبده ماعليكم امر يصير تحول من كلية تجاري حق معهد سكرتاريه وهذا معدلها والا في شرووط

thaaaaaaaaaaaank yoooooou

Brawni
14-02-2010, 11:56 PM
السلام عليكم

بلييييييييييييييز help me رفيجتي بكلية التجاري وهذا 3كورس لها ومعدلها1,58ولما تبطل صفحتها بالسستم يطلع الطالب غير مسمتر شكلها انفصلت ..الزبده ماعليكم امر يصير تحول من كلية تجاري حق معهد سكرتاريه وهذا معدلها والا في شرووط

thaaaaaaaaaaaank yoooooou

و عليكم السلام
أول شي تروح الهيئة بالعديلية و تتأكد إذا في مجال ترجع
لأن اعرف وايد ناس مستمرين بالدراسه بالرغم انهم حصلوا 3 إنذارات معدل
و في بنات قالولي يصير ترجع بعد الفصل عن طريق طلب استثنائية او شي جذي
لأن حرام لها سنة ونص بالكليه و تطلع . . .

على العموم اذا تأكدت ان ماكو أمل ترجع ذيج الساعه تقدر تسحب أوراقها و تقدم من أول ويديد على التطبيقي
وتحط رغباتها سكرتارية و باجي المعاهد إذا تبي

بشوره89
15-02-2010, 05:37 PM
و عليكم السلام
أول شي تروح الهيئة بالعديلية و تتأكد إذا في مجال ترجع
لأن اعرف وايد ناس مستمرين بالدراسه بالرغم انهم حصلوا 3 إنذارات معدل
و في بنات قالولي يصير ترجع بعد الفصل عن طريق طلب استثنائية او شي جذي
لأن حرام لها سنة ونص بالكليه و تطلع . . .

على العموم اذا تأكدت ان ماكو أمل ترجع ذيج الساعه تقدر تسحب أوراقها و تقدم من أول ويديد على التطبيقي
وتحط رغباتها سكرتارية و باجي المعاهد إذا تبي

مشكووووووره ياقلبي وعسى الله يوفقج:)

Brawni
15-02-2010, 06:04 PM
مشكووووووره ياقلبي وعسى الله يوفقج:)

العفوو اجمعين يا رب:)

boOnita
27-02-2010, 02:37 PM
حبيبتي براوني
انا بحول حق التكنولوجيا جم المعدل 3 ولا 2:50

Brawni
27-02-2010, 03:05 PM
حبيبتي براوني
انا بحول حق التكنولوجيا جم المعدل 3 ولا 2:50

هندسة كمبيوتر 3 نقاط و فوق

اتصالات 2.5 و فوق

كيميا نقطتين حد أدنى

فيزيا مو متأكدة بس يمكن نفطتين

هذي معدلات التحويل للكورس اللي فات

هالكورس للحين ما داومت ما ادري اذا صار فيه زيادة بالمعدلات المطلوبة او لا

boOnita
01-03-2010, 11:31 AM
انزين اللي يدرسون كيميا شنو مسماهم لما يتخرجون ووين يشتغلون

Brawni
01-03-2010, 03:42 PM
انزين اللي يدرسون كيميا شنو مسماهم لما يتخرجون ووين يشتغلون

خريجات الكيميـا مسماهم بكل مكان مساعد مهندس
ما عدا وزارة التربيـه يتغير المسمّى إلى محضره علوم!

راجعي قسم العلوم التطبيقيه فيه موضوع عن مستقبل الكيميا

nononono
05-04-2010, 11:56 PM
انزين عندي سؤال مهم

انا الحين بكلية الدراسات التكنولوجيا حلووو ومن ابناء الكويتيات
وهذا ثاني كورس لي

وراح اخلص تقريبا 20 وحده

هل اقدر احول لكلية التمريض ؟؟؟

واذا اقبلوني في التمريض هل يعطوني اعانة التخصص النادر اللي اهي 300 دينار ؟؟ اتمنى تفيديني وشكرا

Brawni
07-04-2010, 07:17 PM
نونو انتي قدمي طلب تحويل للمكان اللي تبينه و اذا الله كاتبلج انشاءالله تنقبلين

مكافأة التمريض ما عندي فكرة عنهم سألي احد بكلية التمريض يعطيج معلومه اكيدة

ريمااااسه
06-08-2010, 12:46 AM
:rolleyes:ي

ذهب كويتي
06-08-2010, 09:05 AM
:$مشكووووره خيتوه ......
وعساج عالقوه ......

Brawni
06-08-2010, 11:22 AM
العفووو حياج الله :)