المساعد الشخصي الرقمي

مشاهدة النسخة كاملة : آلمــشرف إبـرآهيم * آلضحيّه الأولى لـ كرسي الإعترآف . .


الصفحات : [1] 2

سارا.93
01-05-2012, 04:52 PM
*


السلام عليكم ورحمة آلله وبركآته

طبعآ مثل مآتدرون سوينآ استطلآع تصويت منو تبون يقعد عآلكرسي ,

وآول وآحد طلع *إبرآهيم* بـ 7 أصوات من 16 شخص صوّتوا ,

يلآ نبلّش بأسئلة كرسي الإعترآف ,
من اليوم 1-5-2012 إلى تآريخ 8-5-2012
وعقبهآ نرد نسوي تصويت ,

\'v\'

ابـراهيم
01-05-2012, 05:04 PM
وناااااااسه ، انا عالكرسي p:
اوعدكم من قبل لا تسألوني اني راح اجاوب بمليون سطر هههههه p;
يعني يمكن سؤالكم يكون كلمه كلمتين ، واجاباتي راح تكون مليون سطر p:

على فكره ، بالنسبه لي ، استقبل جميع انواع الاسئله ، محرجه جريئه بسيطه عاديه ، كل شي استقبل عادي جدا
والي ماخذ فكره غلط عني ، ويبي يصححها يسألني وعادي ترى راح اجاوب بكل صدر رحب : )

والي يبي يعرف اي شي لا يتردد ابدا ابدا p;


وناااااااااااطر اسألتكم
وربنااااااااااااا يستر منكم P:

آزهـآر ..*
01-05-2012, 05:29 PM
آوووووووووووووووه ...
آبراهيم آول ضحية ؟!
آهم شي آنك مستآنس خخخ
الحمد لله آني مآ طلعععت آنا جد جدلآني مآحب الآسسئلةة :p

نيهههههاااااااااااااااااا يي .. قلت لي عآدي آي آسئلة هآ ؟!
انطررري مع آسآلتي الجهنميةة :p

رادتلك : )

آزهـآر ..*
01-05-2012, 05:41 PM
. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول عمرك أمامنا ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟


.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

آزهـآر ..*
01-05-2012, 05:42 PM
>> وبعععد ترى فيه آسآله كثيرة فنّد وعلل وآكمل
بس جاوب على هذول اول :p

سارا.93
01-05-2012, 05:46 PM
*

هل تضحّي بكل شيء لأجل من تحب ؟
ايهما أصعب الخيآنه آم الجرح ! ؟
ما الأصعب بين \ خيآنة الصديق - خيآنة الأخ - خيآنة آلحبيب ؟<وليش ؟؟
شتسوي بوقت فرآغك ؟
تؤمن بآلحب بآلصدفه ؟
شنو مفهوم آلحب الحقيقي بآلنسبه لك ؟
من هيَ الأنثى ؟ (وليس المرأه)
واذا تعرف الفرق بين المرأه والأنثى شنو اهوآ بنظرك ؟
تقدر تتخلّى عن مبآدئك و اعتقاداتك او تغيّرهآ بين فتره و فتره ؟
شنو المبدئ أللي مستحيل تغيّره ؟
مآلذي يجذب نظرك واهتمآمك ؟

هذيل على مآ أفكّر بآلبآجي ;p

ابـراهيم
01-05-2012, 06:40 PM
يا ويليييييييييييييي ما قريت الاساله للحين بس شفتهم واخترعت حدي ههههههههه
صج صج ضحيه p: ، اوكي ويت الحين بجاوب عليهم وحده وحده

راجعلكم
وهيييييييييييييييييييين مردكم بتقعدون على الكرسي p: وانا راح اوريكم

ابـراهيم
01-05-2012, 06:42 PM
آوووووووووووووووه ...
آبراهيم آول ضحية ؟!
آهم شي آنك مستآنس خخخ
الحمد لله آني مآ طلعععت آنا جد جدلآني مآحب الآسسئلةة :p

هههههههههههههه
انا عادي احبها P:
بالعكس استمتع وانا اجاوب على الاسئله مادري ليش ، اموت على هالسوالف :$
نيهههههاااااااااااااااااا يي .. قلت لي عآدي آي آسئلة هآ ؟!
انطررري مع آسآلتي الجهنميةة :p

رادتلك : )

اي اي عادي اي اسأله سألي براحتج وكثر ما تبين p; وانا حاضر وجاهز لكل اسألتج ست زهوره

No.Bc
01-05-2012, 07:16 PM
راح أعذبك أسأله و أنشوف خخخ

ابـراهيم
01-05-2012, 07:26 PM
ماذا ستكتب لنا لتعبر عن حياتك التي عشتها الى الان في كلمات قليله ؟

حياتي حلوه الحمدلله
عشت احسن من غيري بوايد اشياء
كافي اني بصحتي وبنعمه وبخير
فليش انقد على عيشتي وحياتي ، الحمدلله عندي امي وابوي واخواني واهلي وقاعد ادرس بالجامعه وكل الامور الي ابيها اتصيرلي ، اللهم لك الحمدوالشكر يا رب
استغرب حيل من الناس الي عايشين ومافيهم شي ، ويتشكون ويتمنون الموت !


. اذا اردت ان تبكي الان , فعلى من تبكي؟

هالسؤال ، كتبت اجابتي عليه 3 مرات ومسحتها بعدين
والحين مابي اكتب اجابه عصبت
بأختصار ما راح ابجي على احد الا واهوا يستاهل اني ابجي عليه

من ستختار ليمسح دموعك ؟

ماماتي الحلوه طبعا :*


لو خيروك بين حبيبك وبين اعز صديق فمن تختار ؟

اممممممممممممممم
ما راح اختار لا وهذا ولا هذا P:


.ماهو تقييمك لهذا المنتدى بصراحه ؟

من اروع المنتديات الي مرت علي بحياتي ، حييييييييييل احب المنتدى ، احسه صار جزء من حياتي ، جزء رسمي لازم ادش واقرى واشوف واتابع اذا في اي شي صاير مني مناك ، وايد احب الاعضاء الي بالمنتدى سواء بنات او شباب ، وايد احب اتناقش واسولف واقرق اهني ، غرااااااااااامي القرقه بالمنتدى p;


.هل تعتقد ان حظك سيئ؟

ما اعتقد ، بس متأكد انه اهوا سيء P:
بس مرات ما اؤمن بفكرة الحظ ، اؤمن بالقضاء والقدر ، وانه هالشي " خيره " اكثر من انه " حظ سيء "


.هل هزمك حزنك في يوما من الايام؟

اي ، وتغلبت وتعديت هالمرحله الحين ولله الحمد
اعترف انه الجامعه " واااااااااااايد " غيرت من شخصيتي وحياتي من عدة جوانب ونواحي
الحمدلله يا ربي على نعمة الجامعه

.((مستحيل انساك)) لمن تقولها ؟

اممممممممم ، مادري محد @^@ ، ممكن انسى اي شخص عادي :$


.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

بوقت الامتحان لما اكون قاعد اقرى معلومه انا ادري اني ما درستها او طوفتها وما كان لي خلق ادرسها ! p;
اقول يا ريتني درستها عدل واكثر ، بس الي راح راح وما تفيد كلمت يا ريت ههههه p;


.(( انت كل شيء بحياتي )) لمن تقولها ؟


اميييييييييييييي p;


متى اخر مره بكيت؟


امممممممممممم من زمان حيل ، والله لا يرد هالايام ان شاء الله



اي الدول تتمنى ان تزورها ؟


ههههههههههه شي طبيعي فرنساااااااااااااا
حلم حياتي وسيبقى وسيظل اني اروح فرنسا
واحب نيوزلندا بعد ، الطبيعه الي فيها شي خيالي ، اتمنى زيارتها : )
وابي ازور بريطانيا لسبب واحد فقط ، عشان اتعلم الاكسنت مالهم ، امووووووووت على طريقة نطقهم للحروف ، بخاطري حيل اني اتعلم هالطريقه وارجع الكويت واتفلسف فيها :$



هل لديك الجرأه ان تقول عمرك أمامنا ؟

15 / 9 / 1993
عندي الجرأه اقولج التاريخ كامل P:



هل انت راضي عن نفسك ؟

اذا تخرجت بأمتياز مع مرتبة الشرف وكملت ماجستير بتخصص " علم نفس الاكلينيكي " وصرت استشاري نفسي واكاديمي بكون راضي عن نفسي بنسبة 100 % -.-<.<
بس انا الحين اكييييييييد راضي عن نفسي ، وراضي حيل بعد ، لأنه الحمدلله متوفق بحياتي الشخصيه ، وبحياتي الدراسيه ، فليش ما اكون راضي عن نفسي ، اللهم لك الحمد والشكر :)

.هل تؤيد الزواج العاطفي ام الزواج التقليدي ؟ ولماذا ؟

العاطفي اكثر من التقليدي ومابي اقول لماذا P:


.ايهما اهم شهادتك الجامعيه أم الزواج ممن تحب ؟

شهادتي الجامعيه


.هل تعترف بشيء اسمه الصداقه بين الرجل والمرأة ؟

جدا جدا جدا جدا جدا جدا جدا جدا جدا جدا
وتكون صداقه محترمه مبنيه على اسس محترمه : )
مو قلة ادب وتفكير سلبي بين الاثنين او احد من الطرفين


.هل انت مدمن تفكير؟

مرات

.من هو اكثر شخص تفكر فيه؟

مافي احد معين

.اذا تم تعيينك ملكا لجميع البلاد العربيه فما اول قرار ستتخذه ؟

ههههههههه ، انا ما اصلح لأني اكون ملك للبلاد العربية او ملك لأي دوله او اي جماعه ، ورحم الله امريء عرف مقدار نفسه :$


.هل تكره شخص بشده في حياتك ؟

شخص واحد بس ؟ هههههههههههههههه ، والله يضحك السؤال ، بصراحه اكره وااااااااااايد ناس مو واحد ولا اثنين ، يمكن الف الفين ثلاث ، عشر


.ما هو اقتراحك الذي تتمنى ان يحدث في هذا المنتدى ولم يحدث الى الان ؟

الحمدلله ، اشوف المنتدى متكامل والاداريين والمشرفين وكذلك الاعضاء كل الطاقم يسعى انه يطلع المنتدى بصوره حلوه فأنا راضي عنه تماما


.هل ملابس الشخص امامك تؤثر فيك لتأخذ عنه انطباع ؟؟

اي
كل شي يسويه الشخص الي جدامي يدل على شخصيته
لبسه ، حركة ايده ، وحتى حركة شفايفه ، لون سيارته ، لون ساعته ، طريقته بالمشي ، طريقته بالكلام ، كل شي يسويه يخليني اخذ عنه انطباع : )


.ماالذي يلفت انتباهك بسرعه في الشخص لكي تعجب به ؟

اسلوبه ، كل ما كان محترم وحبوب واجتماعي والابتسامه على ويهه وذكي وكيوت ، كل ما عجبني اكثر
انا اسعى لرفجة مثل هالناس p;

اذا احببت شخصا في الوقت الخطأ وفي المكان الخطأ فماذا تفعل ؟؟

ماحبه P: اصلا ما عندي وقت للحب P: وراي دراسه انا هههه p;

.حكمة تؤمن بها جدا؟؟
" الي معدنه طيب ما تغيره الايام "
مادري حكمه او لا بس احب هالجمله : )

وكذلك " كما تدين تدان "

" تمنى الخير اضعاف لغيرك بتعيش "

" لا تنظر الى شكلي ، انظر الى عقلي "



.عاده تفعلها دائما تتمنى ان تتركها ؟

واااااااااايد اعض اظافري سواء اسوق ، بالكلاس ، بالبريك ، قاعد امشي
رغم انها تدل على التوتر ، بس انا مو متوتر ، ومو عارف اقعد على بعضي ، كل شوي ماسكلي اصبع واعض عض فيه P:
بعالج نفسي اذا تخرجت من هالعاده P:


ماهو اجمل اسم لولد واجمل اسم لبنت من وجهة نظرك؟
اسم ولد : بدر ، نواف ، عزيز ، عبدالهادي ، حمني
بنت : الزين ، لولوه ، حنان

.ماذا تفعل اول شيء اذا ربحت مليون ؟

اوووووووووووووووووووف
اول شي بسويه برقص وبصارخ وبستانس يمكن انتحر ويغمى علي عادي يعني P:
وطبعااااااااااااااا ، راح احمد ربي قبل كل شي p;
واحتمال يطيرون بنفس اليوم هههه p;

.هل انت من لديهم رغبة حب التملك واذا تملك الشيء اصابه الملل منه ؟
حب التملك لا
بس اني لما يصير عندي الشي ، اي اتملل منه
يعني شريت قبل فتره فون ، كنت بمووووووووووووووت واشتريه
وفعلا اخير شي شريته
ولما شريته لاعت جبدي منه بنفس اليوم ! ، بعد 3 اسابيع ، رحت بعته : )

.اعتذار تريد ان تقدمه لمن؟


لنفسي ، على الايام الي ما عرفت اتحكم واسيطر فيها على نفسي بشكل صحيح



شكرا زهوره :)
اساله حلوه p;

آزهـآر ..*
01-05-2012, 07:26 PM
ههههههههههههههههههههههههه هـ
ان شالله مو كل اللي يدخل يهدد ويمششي :p
ابراهيم خلك قوي بوجه الرياح الصعيبة :p>> دخيييل :p
> بس آهم اسآلتي المتواضعةة :$$ :p
> متابعةة بصمتْ : )

FACELESS
01-05-2012, 07:39 PM
أول سؤال طرى على بالي..

ليش احسك شخص انطوائي وايد؟
و ليش احسك حيل خجول؟

راده للموضوع ان شاء الله

كـوويـت
01-05-2012, 07:39 PM
إنطرني بس يَ محللنآ أوووف بجيب أسئلةة إنمآ أيةة x:D

ابـراهيم
01-05-2012, 07:44 PM
>> وبعععد ترى فيه آسآله كثيرة فنّد وعلل وآكمل
بس جاوب على هذول اول :p

ههههههههههه بعد في ؟
الله يستر عيل p;

*

هل تضحّي بكل شيء لأجل من تحب ؟

اذا كان يضحيلي ، راح اضحيله : )

ايهما أصعب الخيآنه آم الجرح ! ؟

الجرح : )

ما الأصعب بين \ خيآنة الصديق - خيآنة الأخ - خيآنة آلحبيب ؟<وليش ؟؟

خيانة الصديق ، عادي ممكن بعد فتره انرد حق بعضنا
خيانة الاخ ، لو بعد 1000 سنه مردنا حق بعض
خيانة الحبيب = مستحيل ارجعله

شتسوي بوقت فرآغك ؟

اممممممممممممم
ادش المنتدى P: ، اطقطق بالبي بي ، ادرس ، اقعد عند امي ، اكللللل p; ، اطلع بالسياره اتمشى ، كل العوامل الي تساعد على انهاء الملل اسويها P:


تؤمن بآلحب بآلصدفه ؟

اي وحيل P:

شنو مفهوم آلحب الحقيقي بآلنسبه لك ؟

امممممممم ، الحب الحقيقي اهوا انك تكمل نصفك الثاني ، ويكون بينكم توافق اجتماعي وثقافي وعقلي ورومنسي ، وتكون مرتبط بعلاقه مع شخص يشابهك بأطباعك واذا ما يشابهك بأطباعك ، فأكيد اكيد يحبك بعيوبك واغلاطك وراضي فيك ويتحملك ويصبر عليك طول العمر ولو شنو صار ما يتخلى عنك
مادري شكتب بعد P: ، هذا الي براسي حاليا



من هيَ الأنثى ؟ (وليس المرأه)

امممممممم
ترى مادري ماعرف وهقتيني P:
انا احس الانثى اهيا البنت الدلوعه الي بعدها صغيره وكتكوته جذي p; هههههه مادري شلون اوصفلج
يعني اسمها " نثيه " ، يعني so cute وجذي P:



واذا تعرف الفرق بين المرأه والأنثى شنو اهوآ بنظرك ؟

ههههههههههههه ساره وهقيني اكثر P:
المرأه : الي اكبرت وعقلت وفهمت وعاشت الدنيا وصار لها تجارب اكثر
يعني ماقدر اقول عن مرأه عمرها 45 مثلا انها انثى !
المسمى الافضل لها ، امرأه ، بحكم سنها : )
" ترى مجرد رأيي ، ولا يمد للحقيقه بصله P: "


تقدر تتخلّى عن مبآدئك و اعتقاداتك او تغيّرهآ بين فتره و فتره ؟


اعتقاداتي عن الاشياء وايد اختلفت عن لما كان عمري اصغر ، احس كل ما اكبر ، كل ما تتغير مبادئي وافكاري وومعتقداتي

" ما اتخلى عن مبادئي ، اغيرهم للأفضل وللأحسن "


شنو المبدئ أللي مستحيل تغيّره ؟

امممممممم مافي مبدأ معين ، كل شي ممكن يتغير مع الزمن

مآلذي يجذب نظرك واهتمآمك ؟

من اي ناحيه ؟
اممممممممم كل شي ممكن يجذب اهتمامي ونظري اذا انا ابي هالشي
واذا ما ابي هالشي اقدر اصرف نظري عنهم بسهوله تامه p;


هذيل على مآ أفكّر بآلبآجي ;p

الللللللللللله يستر في بعد ؟
ههههههههههههه p; اوكيك

ابـراهيم
01-05-2012, 07:46 PM
راح أعذبك أسأله و أنشوف خخخ



هههههههههههههههههههه الله يستر p;
اوكيك ناطرك :)

ابـراهيم
01-05-2012, 07:51 PM
ههههههههههههههههههههههههه هـ
ان شالله مو كل اللي يدخل يهدد ويمششي :p
ابراهيم خلك قوي بوجه الرياح الصعيبة :p>> دخيييل :p
> بس آهم اسآلتي المتواضعةة :$$ :p
> متابعةة بصمتْ : )

ههههههههههههههههههه
قاعد احاول اصير قوي لا تحاتين P:
انتي عطيني تشجيع بكلماتج وانا ان شاء الله بصير قوي P:

شكرا عالمتابعه :)

شفت شوي تنآقض بآلردود و استغرب ابيك توضّحلي . لو سمحت =$


جواب هالسّؤآل :



ينآقض هالجواب :



وجواب هالسؤآل :



ينآقض :



آللي تحته خط بآلضّبط
آممم .... ؟؟:rolleyes:



اول واحد
صح عيشتي وحياتي حلوه
ما اعتقد انه العيشه تتعليق بالحظ P:
الحظ سيء من ناحية الاشياء الي تعتمد على الصدفه وهيك
يعني مثلا لو شاركت بمسابقه تعتمد على الحظ ، كمثال انه نسحب ورقه من عدة اوراق والفايز يربح سياره مثلا
فأنا متيقن انه هالورقه ما راح تكون خاصه فيني او تحمل اسمي :$
لأنه حظي نحس ههههههه p;
بس بالنهايه اهوا اكيد اكيد " قضاء وقدر وخيره " لا حظ ولا بطيخ : )
ولا تكرهوا شيئا لعله خيرا لكم
يمكن اشتري هالسياره وتنفجر فيني P: شدراج ! كل شي يصير بهالزمن P:




البارت الثاني
لما كتبت لا تنظر الى شكلي ، انظر الى عقلي
كنت اقصد فيها المعاقين
انا انصدمت من عقلية بعض ذوي الاحتياجات الخاصه الموجودين عندنا بالجامعه !
يعني يتناقشون ويتكلمون بأسلوب " احسن مني انا شخصيا "
لما كنت اشوفهم كنت احكم عليهم من اشكالهم ، بس بعدين اكتشفت العكس تمااااااااااامااااااااااا اا
واكتشفت اني حيل ماخذ فكره غلط عنهم ، وتغيرت وجهت نظري فيهم حيل بنسبة 100 %


انشالله اوضحت النقطه ؟

ابـراهيم
01-05-2012, 08:04 PM
أول سؤال طرى على بالي..

ليش احسك شخص انطوائي وايد؟
و ليش احسك حيل خجول؟

راده للموضوع ان شاء الله



بالعكس ترى انا شخص اجتماعي
واحب اضحك واسوي جو وهيك
بس مع الاشخاص الي على نفس طبعي
يمكن عندي مشكله اني اتوجه حق الشخص واسولف معاه واضحك واخذ واعطي
احس اني وايد اتردد لما اسوي هالخطوه
افضل الشخص اهوا الي اييني ويضحك معاي ، واول ما يعطيني ويه ، عاد اهني انا استمله واقرق على راسه p;
بس انه انا اتوجه له واروح واكلمه ، ممكن اسويها اذا كنت فاصل جدا P: ، بس نادر ما تصير واتردد حيل اني اسويها اني اروح وانا اتعرف عليه وجذي يعني



خجول صح ، ويمكن وايد خجول بعد مو شويه
تدريجيا قاعد احاول اتخلص من هالشي واعترف انه الجامعه واااااااااايد غيرت من هالشي
عشان جذي كتبت برد سابق انه الحمدلله على نعمة الجامعه
يعني الحركه والروحه والرده واني اسأل فلان وعلان والمشي مني ومناك تدريجيا قام يكسر حاجز الخجل الي عندي
شنو سبب الخجل هذا ، ما عندي فكره ، اعتقد اني جريء اكثر بالكتابه بالكلام
يعني يمكن يكون ببالي الف كلمه وكلمه ، بس لما اتكلم جدام مجموعه كبيره " فيس تو فيس "من الناس او شخص معين ،، تلاقين الالف كلمه وكلمه صاروا كلمه وحده بس ، واسكر الموضوع بسرعه بسرعه واقول مع السلامه :$
قريت بعدة اماكن وشفت فيديوهات حق اكثر من دكتور شلون اتغلب على هالشي ، والحمدلله ، يوم عن يوم احس هالشي قام يروح
وانشالله يتلاشى قريبا ، دعواتج يعني :$



على فكره ، ملاحظه بسيطه جدا
انا لما اكون مع ربعي ، ما احس ولا بنقطة خجل ، اكون اندفاعي وشخص ثاني تمااااااااماااااااااااااا ااا
يعني ممكن اسوي وااااااااايد اشيااااااااااااااء ما اسويها لما اكون بروحي



وناطر عودتج

FACELESS
01-05-2012, 08:35 PM
شرايك بالسمباثيه و هل تأيدها؟
< قاعده اطبق عليك اسئلة امتحاني باجر :x لوول

لا شسمه سؤال صجي الحين

عمرك بجيت على شي كنت تبيه حييل و الحين لما تتذكر تقول اشوا اني ما حصلته؟
و اذا ممكن تقول شنو الشي قوله و اذا لا عادي

كـوويـت
01-05-2012, 08:47 PM
1 - إذكر 5 أشيآءء تعتبرهآ من عيوبك ؟
2 - شخص بآلمنتدى تحسه قريب منك ؟
3 - هل تحب أحد يتدخل بخصوصيآتك و يجيك ع تليفونك و أي شي يخصك ؟
4 - هل بآلإحترآم تفرض شخصيتك ع آلكل ؟
5 - متى يقل إحترآمك للشخص آللي تكلمه ؟
6 - شي تتنرفز لمآ تشوفه قدآمك ؟
7 - عآدةة فيك مَ تقدر تستغنى عنهآ ؟
8 - طبع فيك ودك تغيره ؟
9 - تحب تعبر عن مشآعرك لشخص تحبه و تقول له كل شي بقلبك ؟ و إذآ لآ ليشش ؟
10 - إذآ خلصت و تخرجت يَ معآلجنآ تحب تعآلج نفسك أول ( مثل مآ تقول )
و لآ تجرب ع آلنآس أول P: ؟
11 - أشيآء تخوفك ؟
12 - صفآت تخليك تنفر من آلشخص ؟ و شنو آلصفآت آللي تقربك من آلشخص ؟


و الله كلهآ من مخي وودي أسأل بعد بس رآده لك < ورآك ورآك و آلمدةة إسبوع x:D

ابـراهيم
01-05-2012, 09:34 PM
إيي فهمت ,
مرّه ثآنيه وضح اكثر لأن في نآس ممكن يفهمونك غلط , انا سألتك لأن استغربت بسس ;p

بآجيلنآ 7 ايآم انطر علي اليوم خلّصت انا .. ;p

اي
سوري سوري حقكم علي -.-<.<
مره ثانيه اوضح اكثر ان شاء الله p;

شرايك بالسمباثيه و هل تأيدها؟
< قاعده اطبق عليك اسئلة امتحاني باجر :x لوول

لا شسمه سؤال صجي الحين

عمرك بجيت على شي كنت تبيه حييل و الحين لما تتذكر تقول اشوا اني ما حصلته؟
و اذا ممكن تقول شنو الشي قوله و اذا لا عادي


ههههههههههههههههههههه شنو السمباثيه ؟ احسها شي بمدخل رعاية اجتماعيه p; قلبي ناغزني مادري ليش p;
عموما انا معها عادي ، خو انا مع كل شي :x

اي
وممكن اقولج : )
الشي كان بعثه اني ادرس برى
وفعلا بجييييييييت وااااااااايد عليها
وقعدوا يواسوني خواتي P: ويدقون علي خالاتي ومادري شنو وصارت قضيه بالبيت ههههه p;

بس الحين
بعد ما قعدت بجامعة الكويت ، تحديدا كلية العلوم الاجتماعيه وبتخصص علم نفس
حسيت براحه كبيره ، اتوقع ما كنت بحصلها لو كنت بالبعثه !
الحمدلله ، هذا من اكثر الاشياء الي اعتبرها " خيره وصارتلي "

ما اقص عليج انه كان بخاطري حيل بالبعثه
بس انه مو بعثه عاد 5 سنين ، واكون بعيد عن امي وجذي
بيني وبين نفسي قمت اقول معقوله انا قدها ؟ معقوله اروح 5 سنين وماشوف اهلي وغربه وجذي
فمادري ، احس مع الايام وخاصتا بهالوقت والحين وبهالفتره احس انه " احسن " اني ما رحت
والحمدلله الي الله وهب لي امي ، انها ما توافق على سالفة البعثه ، ولا جان الحين انا قاعد اتبجبج بالغربه وابي امي تردني الكويت وتدفع فلوس البعثه لما تتكنسل -.-<.<
عاد تعالي وشوفي جم الف امي كانت بتدفع لو رايح ومكنسل البعثه P:


بس على فكره ، ما زال بخاطري اتعلم اللغه الفرنسيه p;
وان شاء الله اذا الله كتب ، راح احقق هالشي واروح فرنسا ، لما اتخرج ويصير عندي القدره والامكانيه ، بأذن الله :)


اي اسأله بعد ، لا تترددين ابدا ابدا

FACELESS
01-05-2012, 09:41 PM
السمباثيه : عباره عن شي مو زين كلش ملش يعني انك تشعر بالحزن و الشفقه للعميل
< قاعده اختبر دراستي p;

ابراهيم جني بستلمك اسئله و ماني دارسه؟


شخص ودك تصادفه و تتحاور معاه؟

شخص ممكن تبجّيه و تستانس بهالشي؟

شخص ما تمل من قرقته؟

شخص عادي تقتله؟

شخص ودك تلته راشدي؟

و بس p;

ابـراهيم
01-05-2012, 10:07 PM
1 - إذكر 5 أشيآءء تعتبرهآ من عيوبك ؟

قرقه
حنان وايد
ابي كل شي بسرعه بسرعه
ملقوف
باجي وحده كمليها عاد انتي ههههه p;

2 - شخص بآلمنتدى تحسه قريب منك ؟

احب الكل ، واحس الكل قريب مني ، والكل احبه ويحبني P: < ثقه ، بس صج صج انا ما اكره ولا احد بالمنتدى ، كلهم احبهم واحسهم قراب مني حيل ، احب افضفض واتكلم بالمنتدى واقول كل شي ايي ابالي بشكل مباشر

3 - هل تحب أحد يتدخل بخصوصيآتك و يجيك ع تليفونك و أي شي يخصك ؟

امممممممممممممم
يمكن مرات اي
ومرات لا
على حسب الشخص يعني
بس في اشياء ماحب احد يشوفها
كمثال المسجات الي تصير بيني وبين شخص معين
اهني مو بس خصوصياتي صارت ، هم خصوصية الشخص الثاني
يعني يمكن واحد دازلي مسج ما يبي احد يقراه غيري ، فعيب اخلي احد ثاني يقراه


4 - هل بآلإحترآم تفرض شخصيتك ع آلكل ؟

طبعا ، بس في ناس " همج " ما يفيد وياهم لا احترام ولا بطيخ ، الله يعينهم على نفسهم هالفئه


5 - متى يقل إحترآمك للشخص آللي تكلمه ؟

لما يقل احترامه لي : )


6 - شي تتنرفز لمآ تشوفه قدآمك ؟


يضايقني لما اشوف واحد يتحرش بوحده ، او العكس
حيل اتضايق من هالمشهد
اتمنى من داخل قلبي يدور الزمن ، ويصير هالشي بأهلهم : )

7 - عآدةة فيك مَ تقدر تستغنى عنهآ ؟


مافي عاده معينه ، كل العادات ممكن استغني عنها

8 - طبع فيك ودك تغيره ؟

اني وايد اصرف فلوسي واقطقطهم يمين ويسار بدون ما افكر عدل : )

9 - تحب تعبر عن مشآعرك لشخص تحبه و تقول له كل شي بقلبك ؟ و إذآ لآ ليشش ؟

شوفي
خل اقولج شغله
قبل لما كنت صغير كنت امشي واشكي وافضفض حق الي يسوى والي ما يسوى ومع الايام اكتشفت انه انا قاعد " اضايق الناس " لما اشكيلهم ، يعني في ناس مالهم شغل فيني ، فليش اصدع راسهم بمشاكلي وهمومي !

احب اعبر حق الشخص الي مهتم فيني ويبي يعرف انا شنو فيني او لما يسالني ويبيني اتكلم وافضفض له عن الي فيني

اما الشخص الي مو مهتم لي وما يبي يعرف عني ، ليش اشكيله ، اهوا مو مجبور يعرف يعني ، فليش اقوم واتليقف واشكيله واخليه يتضايق مني او يكرهني يمكن !


10 - إذآ خلصت و تخرجت يَ معآلجنآ تحب تعآلج نفسك أول ( مثل مآ تقول )

و لآ تجرب ع آلنآس أول P: ؟



اوووووووووووووووووف
من صجج !
حدي بعالج نفسي
اصلا انا من الحين قاعد اعالج نفسي
وايد اتابع باليوتيوب حق كذا دكتور عن طرق العلاج حق كذا مرض نفسي
واتبع النظريات الي يقولونها واشوف نتائجها
وفعلا احس اني تعالجت من وايد اشياء كنت اعاني منها قبل !
الوساس وهيك شغلات مثلا <<
فأحب انا اول شي اكون عارف هالشي وعارف شلون اتصرف واتعالج فيه ، بعدين اطبقه على غيري p;


11 - أشيآء تخوفك ؟

اكثر شي يخوفني بالعالم
اني افقد امي ، انه الله ياخذ امانتها يعني ، بعد عمر طويل يا رب " الله يطول بعمر امهاتنا كلها "



12 - صفآت تخليك تنفر من آلشخص ؟ و شنو آلصفآت آللي تقربك من آلشخص ؟


انفر : لما يكون الشخص همجي ، وغبي او يمثل الغباء ، ويجذببببببب ، وسوالفه كلها جذب ونفاق حمدلله والشكر ، والي يغار ويحسد ويرافجك عشان مصلحه

تقربني : يكون حبوب وطيب وعلى نياته وحنون ولطيف ونظيييييييييييييييييييييف اهم شي نظيف p; ، واميل حق الاشخاص الي يشابهوني بالتصرفات والاطباع ، حيل حيل اميل حق الي يشابهني


و الله كلهآ من مخي وودي أسأل بعد بس رآده لك < ورآك ورآك و آلمدةة إسبوع x:D



هههههههههههههههه
يعطيج العافيه p;
اي اساله ثانيه احنا بالخدمه حجيه
ناطرينج

ابـراهيم
01-05-2012, 10:30 PM
السمباثيه : عباره عن شي مو زين كلش ملش يعني انك تشعر بالحزن و الشفقه للعميل
< قاعده اختبر دراستي p;

هههههههههههههه اهم شي p;
تصدقين عاد سهل التعريف ، حفظته من اول ما قريته :|||
جان زين هذا امتحاني p:

ابراهيم جني بستلمك اسئله و ماني دارسه؟

هههههههههههههههههه شكلج جذي p:
بس عادي وناسه ترى حتى انا مطنش ومو قاعد ادرس
تهقين اخير شي راح نبدع بالامتحان ؟


شخص ودك تصادفه و تتحاور معاه؟

امممممممممممم
رفيجي انا وياه ما نحاجي بعض صارلنا فتره طويله يمكن 3 شهور !
اهوا غلطان بحقي ، ودي اصادفه وايي ويتأسف لي ونرد مع بعض
لاني صج صج اشتقت له ، بس ماني قادر ادق وانزل من نفسي واكلمه واهوا غلطان بحقي !
فودي نتصادف ومن هالصدفه نرجع لبعض : (

شخص ممكن تبجّيه و تستانس بهالشي؟

هههههههههههههه
مو طبعي جذي ، حرام p:
ماحب ابجي احد لوووول p;


شخص ما تمل من قرقته؟


ما امل من قرقة اي شخص حلوه سوالفه
احب اسمع الاوادم p:
واذا ما احب اسمعهم ، لازم اتعود اني اسمعهم p: ، تدرين بعد الوظيفه المستقبليه تتطلب هالشي :x
باجر اييني واحد مريض نفسي اقوله مليت من قرقتك ومرضك p: هههههه ما يصير

شخص عادي تقتله؟


عادي عادي اقتل نفسي اذا ما تخصصت علم نفس
وعادي جدا اقتل التوجيه والارشاد اذا ما خلوني اتخصص علم نفس : )

شخص ودك تلته راشدي؟

شخص اشوفه كل احد وثلاثا وخميس الساعه 2 الظهر ، عرفتيه ولا اقولج عزيزتي ؟ :$

و بس p;


اي اسأله اخرى p: ماوصيج حطي بدون تردد

FACELESS
01-05-2012, 10:35 PM
خل اغير منحنى الاسئله..

تحب سوالف التنبش ورا الاوادم؟
يعني تسوي بحث كامل عن شخص؟

متى تنقد على نفسك؟

جم نسبتك؟

ليش كنت بتدرس بره؟

ماهو سن الزواج المناسب للشاب و الفتاة؟


اسئله عشوائيه قاعده تطلع بروحها p;

ابـراهيم
01-05-2012, 10:41 PM
خل اغير منحنى الاسئله..


اوكي

تحب سوالف التنبش ورا الاوادم؟
يعني تسوي بحث كامل عن شخص؟


انبش ورى الاوادم .. لا
وماحب احد ينبش من وراي !
الا اذا عندي علم انه اهوا بينبش وانا راضي وعادي اوكي
واذا اهوا عنده علم اني قاعد اتابعه وجذي وراضي اوكي
اما غير جذي فــ لا

متى تنقد على نفسك؟

لما اسوي شي بشكل متسرع واتحسف عليه
او افشل عمري بموقف ما كان لازم اسويه
او لما افهم شي غلللللللللللللللللللللط -.-~
هيك شغلات

جم نسبتك؟

89 ادبي
على فكره بعاشر ما كنت ادرس خير شي فنزلللللللت حيييييييييييييل من عاشر
ولا 11 و 12 كنت وايد زين
فعشان جذي طلعت بــ 89 ، ولا كان ودي اتخرج بأمتياز ونسبه عاليه بعد ، حسبي الله على عاشر بس P:


ليش كنت بتدرس بره؟

لاني كنت مدمن شي اسمه " لغة فرنسيه "
كان مو هامني التخصص الي ادشه ، كثر ما كان هامني اني ادرسه " بالفرنسي " و" بفرنسا "
من الثانوي وانا فيني عشق مو طبيعي حق الفرنسي
اي مسابقه ، اي داهيه ، اي مكان فيه فرنسي ، انا موجود ولااااااااازم اشارك واذا ما خلوني اشارك اقتلهم
والحمدلله كنت احقق مراكز عاليه p;

ماهو سن الزواج المناسب للشاب و الفتاة؟

23 - 22 اتوقع زين بالنسبه لمجتمعنا
وممكن يكون اكبر وممكن يكون اصغر ، بس انا اشوف الزواج متى ما كانوا الانثين متفقين عليه ويبون يتزوجون ويعتقدون انهم قادرين يكونون بعض ويسدون احتياجات بعض اهني يتزوجون : )


اسئله عشوائيه قاعده تطلع بروحها p;



اذا في بعد اسأله ، لا تترددين p;

FACELESS
01-05-2012, 10:56 PM
جم طولك
جم وزنك

< الاسئله المليقه بس ما عندي غيرهم و اذا تبي غيرهم

شنو تحب تطلب من ماك؟
p;

ابـراهيم
01-05-2012, 10:58 PM
جم طولك
جم وزنك

< الاسئله المليقه بس ما عندي غيرهم و اذا تبي غيرهم

شنو تحب تطلب من ماك؟
p;


ههههههههههههههههههههههههه ههههه
صج صج ضحكت حيل x:D

طولي مو طويل P:
يمكن امممممممم اقصر منج بشوي اتوقع p;

امووووووت على شي اسمه جكن ناقتس
6 قطع جكن ناقتس غرااااااااااااااامي

واذا ميت ميت ميت من اليوع اطلب ماك جكن سبايسي p;

reese
01-05-2012, 11:00 PM
امم قاعد افكر بسؤال كل الاسألة سألتوها :×

تحب تجاوب على الاسألة ؟

توهقت و انت تحل اي سؤال ؟

متى آخر فاينل عندك ؟

اول يوم داومت بالكلية ضيعت ؟ :×

شنو راح يكون شعورك اذا كان باجر اخر يوم دوام و تخرجت خلااااص XP ؟

و بسp:

FACELESS
01-05-2012, 11:03 PM
ليش ما قلت جم وزنك ؟ xD

لا ما اتوقع اقصر مني ترى انا مو طويله p;

اخر روايه قريتها؟

اخر فلم شفته؟

تتابع مسلسلات اجنبيه؟

ابـراهيم
01-05-2012, 11:08 PM
امم قاعد افكر بسؤال كل الاسألة سألتوها :×

هههههههههههه شفتي شلون p;

تحب تجاوب على الاسألة ؟

اي ، يس وايد p;

توهقت و انت تحل اي سؤال ؟

توهقت بسؤال الانثى والمرأه مال ساره p;
توهقت لما بسمه اكشفت شخصيتي والخجل الي عندي ، شلون صادتني p:
وفي سؤال ، مو توهقت فيه ، بس ما حبيت اكتب سبب الاجابه ، الي كان الزواج التقليدي او العاطفي وليش ، كتبت اي واحد افضل بس ما حبيت اكتب ليش ..

متى آخر فاينل عندك ؟

اخر فاينل 2 / 6 ان شاء الله

اول يوم داومت بالكلية ضيعت ؟ :×

ما ضيعت ، لأني كنت قاز بالكليه قز من قبل لا اداوم فيها وحافظ اماكن كلاساتي
بس وين ضيعت ، ضيعت بالدخله والطلعه
الاداريه صج صج معقده :x
يعني كنت ادش وابي اطلع ارد ادش من الدخله ، مادري شلون افهمج بس المهم انه اضيع بين الدخله والطلعه @^@


شنو راح يكون شعورك اذا كان باجر اخر يوم دوام و تخرجت خلااااص xp ؟

اول شي بسويه انا حالف حلف اوقف بنص النافوره وارقص واصارخ والماي يطشر على ويهي x:d
شفت فيديو باليوتيوب عن القائمة الاجتماعيه انهم داشين بوسط النافوره لما فازوا وقاعدين يرقصون
انا قررت اقلدهم لما اتخرج ان شاء الله x:d
وراح اكون حدي مستانس احتمال اتشقق من الوناسه بعد !
مادري شلون اوصفلج ، مجرد اني تخيلت شعور التخرج ، حسيت بوناسه مو طبيعيه :)

و بسp:

ونستني اسالتج :)
اي اساله بعد ، لا تترددين

ابـراهيم
01-05-2012, 11:13 PM
ليش ما قلت جم وزنك ؟ xD

لا ما اتوقع اقصر مني ترى انا مو طويله p;

اخر روايه قريتها؟

اخر فلم شفته؟

تتابع مسلسلات اجنبيه؟


ههههههههههههههه
بسمه ليش الاحراج ؟
السؤال الي اطوفه لا تردين تسألينه خلاص ، سوي نفسج ما شفتي P:

i know انج مو طويله ، انا متأكد اني اقصر منج P:
انتي اطول ، انا متأكد p;

اخر روايه امممممممممممم ماقرى روايات

اخر فلم
كان فلم بلاك سوان black swan
الفلم معقد ، احتجت اشوفه مرتين عشان افهمه عدل عدل
الي فهمته انه اهيا مسكينه البطله تعاني من مرض نفسي
اذا كنتي شايفه الفلم ، راح تعرفين كل شي
وطبعا رفيجي قالي عنه ، انه اهيا مريضه نفسيا وجذي
فعشان جذي مت عشان اشوفه p;

والي ما يعرف بسوالف الامراض النفسيه ، ما راح يعرف انه الي فيها مرض نفسي قصدي عن البطله الي بالفلم

مسلسلات اجنبيه ، اتابع يس p;

FACELESS
01-05-2012, 11:17 PM
لووول اوكي
بطوف

بس السؤال القوي
شدراك اني اطول منك؟
و شلون قست طولي؟

كان نوعك قبل لما تنام تقرا قصص؟

انت مع ولا ضد المسلسلات المدبلجه؟

ابـراهيم
01-05-2012, 11:20 PM
لووول اوكي
بطوف

بس السؤال القوي
شدراك اني اطول منك؟
و شلون قست طولي؟

كان نوعك قبل لما تنام تقرا قصص؟

انت مع ولا ضد المسلسلات المدبلجه؟



ههههههههههه شكرا p;

لاني شايفج + قاري بمكان مره بالمنتدى انج كاتبه طولج بس نسيت وين بالضبط والله

ما اقرى كانت اختي الكبيره لما تنومني تقولي قصه ، فخلتني احب القصص
واشترتلي وايد قصص لما كنت صغير ، وكنت استانس عليهم ، هالحجي من الف سنه وسنه وللحين الكتب عندي ومحتفظ فيهم

مع المسلسلات المدبلجه ، ابوي متابعهم ويحبهم p:
اما انا ، عادي مو وايد اتابعهم اذا وقت فراغ كلش ، اتطمش ويا البابا

FACELESS
01-05-2012, 11:25 PM
*الله يعافي الكعب* :x

ما علينا

لغه ودك تتعلمها غير الفرنسي

ليش فيك هوس تنظيف؟ شكلك كنت تتابع مسلسل monk وايد p;

تحس انك عشت طفولتك عدل؟

ابـراهيم
01-05-2012, 11:30 PM
*الله يعافي الكعب* :x

ما علينا

لغه ودك تتعلمها غير الفرنسي

ليش فيك هوس تنظيف؟ شكلك كنت تتابع مسلسل monk وايد p;

تحس انك عشت طفولتك عدل؟



هههههههههههههههههههههههه p;

امممممممممم
لغه غير الفرنسي


ودي اتقن الانجليزيه اكثر واكثر بحيث اصير بروفشنل فيها ، بس هالشي مو من اهتماماتي وايد بصراحه ، وابي الاكسنت البريطاني تحديدا ، اموووووووت عليييييييييه ، دكتورنا مال علم النفس مرات يتفلسف علينا بلغه انجليزيه بأكسنت بريطاني ، اموت عليه لما يتكلم جذي p;

ههههههههههههههههههههههههه هههه
اي اي monk = انا هههههههههه p;
لا لا مو لهدرجه ترى ، اهوا صج صج فيه رهاب الجراثيم بنسبة 100000000000 %
بس اممممممم انا ماحب الجراثيم ، ولو حصلت لي الفرصه اقضي عليهم ، راح اقضي عليهم بأي وقت وزمان ومكان P:
احب النظافه ، والريحه الحلوه ، واكره الجرااااااااااثيم @^@

يعني مو هوس تنظيف قوي قوي ، احس عادي ، اي شخص يحب النظافه راح يسوي نفسي p;

ولا شو رأيك p;

آزهـآر ..*
01-05-2012, 11:38 PM
ي جماعةة تونآ بآول يوم وجذي :p

ورانا آسبوع كآمل خخخخ

> جججد موضوع حلو !'
يخليني آدرس الشخصيآت عدلْ :p

ابراهيم اشرايك بـ د. طآرق الحبيب ؟!

FACELESS
01-05-2012, 11:41 PM
^ لول الفضاوه و ما تسوي p;

شلونك مع الطبخ؟

اكره شي بالدنيا شنو؟

لون تحبه حيل و تحسه لايق عليك؟


ما عليه ادري اسئلتي كلها خواره في خواره بس طوف

ابـراهيم
01-05-2012, 11:53 PM
ي جماعةة تونآ بآول يوم وجذي :p

ورانا آسبوع كآمل خخخخ

> جججد موضوع حلو !'
يخليني آدرس الشخصيآت عدلْ :p

ابراهيم اشرايك بـ د. طآرق الحبيب ؟!

ههههههههههههههههه
شفتي شلون p;
عاد شنو درستي بشخصيتي ، الله يستر P:

الدكتور طارق الحبيب من اروع الدكاتره بعلم النفس
كنت متابع للدكتور ابراهيم الفقي حيييييييل ، بعد ما مات الله يرحمه ، اتجهت حق طارق الحبيب وركزت عليه
يعني ما شاء الله عليه ما شاء الله عليه من دكتور ما خلى شهاده الا وحصل عليها ، تحففففففففففففه
اتذكر كلمه له باحد المقاطع وللحين ابالي

وهذا المقطع :

[Link nur für registrierte Benutzer sichtbar]=7s

كلامه هذا يوميا يون بأذوني
الي يبي يدرس علم نفس يا يصير فيه شي قوي ، يا يكون تحت ويمسك اي وظيفه وخلاص

صج صج احبه ، واموت فيه واعشقه وكل شي كل شي P:

جان زين اصير ولو جزء بسيط منه : (

^ لول الفضاوه و ما تسوي p;

شلونك مع الطبخ؟

اكره شي بالدنيا شنو؟

لون تحبه حيل و تحسه لايق عليك؟


ما عليه ادري اسئلتي كلها خواره في خواره بس طوف



هههههههههه p; احلى شي الفضاوه ترى
مع الطبخ ، اوووووووووف اعجبج ، انا طباخ غسيل خمام ههههههههه كل شي p;
كنت اطبخ ويا اختي لما كنت صغير ، وكبرت وصرت احترافي طبخ P:
وطباخي مو اي شي ، بالعكس شغل عدل P:
بس من زمااااااااااان ما طبخت ، صاير اكلي كله من المطاعم

اكره شي بالدنيا ، الجذب والنفاااااااااااق @@

لون احبه ، اممممممممم احب كل الالوان ، احب الاسود باللبس
احب الابيض بالالكترونيات ، يعني لاب توبي ابيض ، اي فوني ابيض ، بي بي ابيض ، كل شي الكتروني عندي ابيض p;
امممممممم مادري ترى احب كل الالوان p;

ابـراهيم
02-05-2012, 12:01 AM
شنو الأسك اف ام مآلك ;p ? <سؤآلي دآش عرض



ههههههههههههههه
ما عندي بصراحه P:
مرات افكر اقول ليش ابطلي اكاونت ؟ احس محد راح يسألني شي P: احس كل شي تعرفونه عني لووول P:

فالموضوع هذا = الاسك مالي P:

اذا في اي سؤال مني مناك ، كتبيه افا عليج p;

آزهـآر ..*
02-05-2012, 12:03 AM
طارق الحبيب ي ليت كل الناس تسمع له جد جد دكتور نفساني يريح نفسيتك وكلامه يشرح الصدر ، تعجبني طلاقته بالحديث ومعرفته الواسعة
آتمنى آنك تتبع نهججه !

طيب !

بعد ما تتخرج بإذن الله وصرت دكتور
راح تعالج الناس تحت اي مبدأ ؟!

يععني هل مبدآ اسلامي ؟!
مثلاً اذا شخص متضايق تقول له اقرى قرآن .،؟!
ولا مثلاً تقول له آخذ لك نفس عمييق وآسمع لميوزك والعب يوجا
ولا تعطيييه من الادوية وتصرفه ؟!



( هههه لا تحليل شخصيتك آخر شي مو الحيين :p

ابـراهيم
02-05-2012, 12:03 AM
المحقق كونان p:
طمطوم p:
مارووووووووكووووووو p:

ابـراهيم
02-05-2012, 12:07 AM
طارق الحبيب ي ليت كل الناس تسمع له جد جد دكتور نفساني يريح نفسيتك وكلامه يشرح الصدر ، تعجبني طلاقته بالحديث ومعرفته الواسعة
آتمنى آنك تتبع نهججه !

طيب !

بعد ما تتخرج بإذن الله وصرت دكتور
راح تعالج الناس تحت اي مبدأ ؟!

يععني هل مبدآ اسلامي ؟!
مثلاً اذا شخص متضايق تقول له اقرى قرآن .،؟!
ولا مثلاً تقول له آخذ لك نفس عمييق وآسمع لميوزك والعب يوجا
ولا تعطيييه من الادوية وتصرفه ؟!



( هههه لا تحليل شخصيتك آخر شي مو الحيين :p



اي والله
صج صج يا ريت
اتمنى امتلك طلاقته بالحديث وخبرته الواسعه


اتوقع اني راح اتبع الثلاث مباديء الي ذكرتيهم

وعلى فكره في حالات ، يكون علاجها بالادويه فقط

وفي حالات ثانيه يكون عالجها عن طريق ممارسة اليوغا وجذي

وفي حالات تحتاج انها تراجع مع ربها وتلجأ له ، لانه بالنهايه اهوا الي بيده كل انواع العلاجات

فعلى حسب المرض النفسي وعلى حسب العلاج الي لازم يتقدم حق المريض نفسه
اذا كان يحتاج ادويه ، محتاج اعطيه ادويه + كلام يهديه ومو يعني " اصرفه " بس انه ياخذ ادويته ويمشي عليها ويراجعني بعد فتره ، ونشوف شنو صار معاه ، هل الادويه يابت نتيجه او لا ، لأنه هذا اهوا علاجه الامثل ، فمحتاج اني اسوي جذي

عرفتي شلون sis

اوكيك ناطرج بأخر الموضوع تحلليني p;

آزهـآر ..*
02-05-2012, 12:26 AM
^
ابراهيم مو جنك شوي بالغت باهتماك للمرضى ؟!
يععني ما تتوقع مستقبلياً أنك ما تعطي المريض آهميةة مثل الآطباء الحين وبجميع تخصصاتهم !!!
يمكن قلت هالكلآم لأنك ششوي متحمس لي هالمهنةة !
*!!!
يعني آلحين الآطبآء يعطون اي مريض بندول وخلآص بدون فحص وبدون ما يسألونه ؟!

مـآدري آشششرآيــكْ ؟!: )

ابـراهيم
02-05-2012, 12:40 AM
^
ابراهيم مو جنك شوي بالغت باهتماك للمرضى ؟!
يععني ما تتوقع مستقبلياً أنك ما تعطي المريض آهميةة مثل الآطباء الحين وبجميع تخصصاتهم !!!
يمكن قلت هالكلآم لأنك ششوي متحمس لي هالمهنةة !
*!!!
يعني آلحين الآطبآء يعطون اي مريض بندول وخلآص بدون فحص وبدون ما يسألونه ؟!

مـآدري آشششرآيــكْ ؟!: )


قريت الكلام مره ومرتين وثلاث
حاولت استوعب ، بس مخي مقفل شوي ، يمكن لاني دايخ ؟
ميخالف ، سوري ، ميخالف تشرحين لي السؤال بطريقه اوضح شوي ، واوعدج بالاجابه
وسوري حيل حيل حيل لاني ما فهمت ، بس صج دايخ ما قدرت اركز ، سوري :$
وضحيلي ، واجاوبج ان شاء الله

Miss Sarah
02-05-2012, 07:13 AM
لووووووووووووووول توه مااااا صار اسبوووووووووع واحنا اكلنا ابراهيم بالاسئله :p
يالله ابراهيم استعد حق اسئلتي :)

شنو هدفك بالحياة؟

أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

اذا دريت انه باقيلك سنه وحده بتعيش فيها شنو راح تسوي؟

هوايتك؟

لو تفاجئت بخيانه شخص عزيز ايا كان كيف تتصرف معه؟

متى تخجل من نفسك ؟

متى يقسو قلبك ؟

حيوان تشعر انه مظلوم ؟

موقف محرج صار لك؟

موقف يضحك صار لك؟

شنو قناتك المفضله ؟

شنو تحب تشاهد ؟

رياضتك المفضله ؟

إبتسامه تحبها ؟

الماده المفضله عندك ؟

مكان تحب تروحله؟

انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

ترى فيه أسأله بععععععد و وااااااااااااااايد الله يعينك :)

ابـراهيم
02-05-2012, 11:49 AM
لووووووووووووووول توه مااااا صار اسبوووووووووع واحنا اكلنا ابراهيم بالاسئله :p
يالله ابراهيم استعد حق اسئلتي :)

ههههههههه شفتي شلون p;
ان شاء الله مستعد
الله يستر من اسالتج شكلهم وايد P:

شنو هدفك بالحياة؟

هدفي اخلص دراستي بأمتياز مع مرتبة الشرف واكمل مرحلة الماجستير في تخصص علم النفس الاكليني وافتح لي عياده ويكون لي مكتب خاص لعلاج المضطربين نفسيا والتعاون وياهم لتشكيل حياتهم بشكل افضل واحسن من الي اهما فيه


أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

مريت بمرحله ما كان عندي اصدقاء ، بصراحه ملل ، احس الصديق اهوا روحي الثانيه ، اهوا الي يساندني ويوقف معاي واهوا افضل شخص اشكيله ، يعني انا وايد افضل الصداقه على الحب ، لو خيروني بين الاثنين راح اختار الصديق اولا واخرا ، مرات ازهق بالكليه كوني بروحي وما عندي احد اعرفه ، بس تمر ايام استانس حييييييل لما احد ايي ويكلمني بالكليه ويكون معاي صداقه وانا ماعرفه ، فأحب الصداقه وايد وانا شخصيا ماقدر اعيش بدونها : ) ، قد اعيش فتره بدونها بس مو للأبد


عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

ما اتناقش واعور واصدع راسي :) انسحب من النقاش بكل برود

عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

يعني انا كان عبالي اني على حق بس اخير شي طلعت غلطان والي جدامي على حق ؟ < انا جذي فهمت السؤال وان شاء الله ما اكون فاهمه غلط
اذا فهمي صح ، فأكيد بعتذر له واتأسف منه ، انا وايد احب الاعتذار اذا غلطت ، ماحب اغلط وما اعتذر ، وانا اولردي وايد افهم اشياء غلط ، مخي ساعات يقفل ويقلب المفهوم رأسا على عقب p; ، فأحتاج للاعتذار ببعض المواقف والاشياء


اذا دريت انه باقيلك سنه وحده بتعيش فيها شنو راح تسوي؟

اتجه لربي فيها ، اتأسف من كل شخص غلطت بحقه ، راح احاول استمتع فيها واجرب كل شي انا ما جربته بعد !

هوايتك؟

ما عندي هوايه محدده احب كل شي
احب اغني ، احب السباحه ، احب الرسم ، احب التلوين ، احب كل شي كل شي
اي شي ايي ببالج اسويه ، حتى اطبخ واغسل واخم P: كل شي اسوي انا ترى لا اغرج هههه p;

لو تفاجئت بخيانه شخص عزيز ايا كان كيف تتصرف معه؟

عادي بخليه ، والله يعينه على نفسه ، بس استحاله ارجع له

متى تخجل من نفسك ؟

اممممممممممم لما ربي يعطيني اشياء وايد وانا احس اني مقصر معا ربي

متى يقسو قلبك ؟

في حال اني وصلت " مرحلة الانفجار " من الغضب ، اهني انا اصلا مادري شنو اقول !

حيوان تشعر انه مظلوم ؟

والله ودي كل الحيوانات ما تنظلم ، ماحب اشوف حيوان يوعان بالشارع او حيوان ينطق او او او .. الخ


موقف محرج صار لك؟

اممممممممممممممم
موقف محرج ، ماكو شي ببالي الحين ، يمكن اخير موقف اخير موقف
لما كنت قاعد اغشش واحد يمي بالامتحان p; ، والدكتور صرخ بويهي جدام الكلاس كله وقومني من مكاني وخلاني اقعد بمكان ثاني ، حسيت بأحراج شوي :$ ، عاد مو طبعي اغش او اغشش بس مادري شنو كان فيني بوقتها P:

موقف يضحك صار لك؟

اممممممممممممم
والله مادري مافي موقف معين ببالي الحين
اول ما يصير ببالي برجع اهني p;

شنو قناتك المفضله ؟
اموووووووووت على mbc 4
وكنت اتابع بعض القنوات الفرنسيه ، بس حاليا ما ابطل التلفزيون خير شر

شنو تحب تشاهد ؟

مسلسل حلو ، في ممثلين انا احبهم ، او شي انا احبه ، اميل للأشياء الحلوه الدراميه امووووووووت على الدراما والبجي اي فلم يبجي احب اشوفه والرعب بعد اوف حده غرامي ، بس مو رعب واحد يطلع ويصارخ وادادادادا ، احب شي رعب مع قصه يعني ، ما يعجبني الخيال وايد او الاكشن والطق وهيك شغلات


رياضتك المفضله ؟


السبااااااااااحه


إبتسامه تحبها ؟

اموت فيها p; ، احب اسناني بعد على فكره p; واستانس من ويهي لما اضحك

الماده المفضله عندك ؟
فرنسي بلا منازع p;
وعلم نفس بعد :*


مكان تحب تروحله؟

احب الاماكن الهاديه ، مافي مكان معين ، كل مكان تقريبا اروح اذا مع ربعي


انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

بكلمتين : فديتج مدينتي \'v\'


ترى فيه أسأله بععععععد و وااااااااااااااايد الله يعينك :)



ههههههههههه سألي لين تملين مني p;
انا تحت امرج p;

منى العنزي
02-05-2012, 12:21 PM
السلام عليكم
خوش موضووع وأساله

بغيت اسالك جم سؤال فضوولي :
1.شنو سالفه توقيعك بلمنتدى؟ :)
منو تقصده يعني

2.لمن اتشوف عضو اسلوبه زفر ويتعدا ع الباجي شنو اتسوي وهذا صارلك باكثر من موضووع ف كنت اتهديهم بس مع انك مشرف

3.ششنو الموضوع الي مكتوب عنك موضوع اسمه تبليغ عن مشاركه بواسطه ابراهيم ????

ووسورري على لقافه :)

ابـراهيم
02-05-2012, 12:33 PM
السلام عليكم
خوش موضووع وأساله


اهلين عليكم السلام
حياج الله ، ما اوصيج سالي كثر ما تقدرين p;

بغيت اسالك جم سؤال فضوولي :
1.شنو سالفه توقيعك بلمنتدى؟ :)
منو تقصده يعني

امممممممممم
سوري بس توني توني غيرت توقيعي p;
فميخالف تردين تقولين لي اي كلام بالضبط ؟
اذا كان قصدج عن " تمنى الخير اضعاف لغيرك ، بتعيش "
هذا الكلام كان بمدونة الاخت زينب ، وعجبني حيييييييييييل
وانا مجربها فعلا ، انه تتمنى الخير لغيرك وبشكل مضاعف ، وراح تعيش انتا احسن منه يمكن : ) ، واحسن من الي تمنيته لغيرك
مافي احلى من انك تتمنى الخير لغيرك ، انا وايد احب هالشغله ، فعجبني كلامها ، وحسيته وصلني ، وهزني ، وحبيت احطه بالتوقيع عشان الكل يقراه ويطبقه نفس ما انا قمت اطبقه بشكل رهيب : )
وعلى فكره ، للحين خليت هالبارت من الكلام موجود بتوقيعي الحالي من كثر ما انا حابه P;


2.لمن اتشوف عضو اسلوبه زفر ويتعدا ع الباجي شنو اتسوي وهذا صارلك باكثر من موضووع ف كنت اتهديهم بس مع انك مشرف

صح ، انا مشرف ، بس ما امتلك صلاحية الاشراف على كل الاقسام
يعني انا مشرف قسم النقاشات الاكاديميه ، قسم الاخبار ، قسم الترفيه والمسابقات
فمن صلاحيتي الي اقدر اسويها اني احذف واعدل ردود موجوده بالاقسام الي انا مشرف عليها" فقط "
اما الاقسام الباجيه ماقدر اتحكم فيها ، ومو بأستطاعاتي اني اوقف عضو او اطرده من المنتدى ، " هذا اختصاص الاداريين اهما عندهم صلاحية الطرد وايقاف العضو والتحكم بكل الاقسام " ،،،، او احذف موضوع مخالف اذا كان خارج عن نطاق قسمي ، هالشي يسوونه الاداريين ، مثل الاخت ساره وامنم وسوسا .. الخ
الي اقدر اسويه ، اني اتابع كافة المواضيع بالمنتدى ، اشوف اذا في اي رد مخالف ، او احتد النقاش بين كذا شخص ، او صار لفظ مخالف ، اعلان ، تجريح بطريقه مباشره او غير مباشره ، او توقيع مخالف ، او اي شي اي شي ايي بالج مخالف
استعمل زر " التبليغ عن مشاركه " واحاول اوصل الموضوع حق الاداره ، يعني ادز مسج حق ساره مثلا ، المشرفه العامه ، واقولها انه دشي هالموضوع وشوفيه ترى صاير كيت كيت ، واهيا ما تقصر ، او حتى اي مشرف ثاني

فلما اشوف عضو زفر على قولتج p; ، استعمل زر التبليغ : ) اما اذا كان بقسمي فأحذف موضوعه او اسكر الموضوع ، او اتخذ اي اجراء لازم وبعدها اوصل خبر للاداره انه ترى العضو كيت كيت ولازم تتوقف عضويته او انه لازم تنبهونه انه ما يسوي هالشي مثلا ، واهما ما يقصرون
وعلى فكره ، كل الاعضاء والمشرفين يقدرون يستعملون زر التبليغ ، حتى انتي لو شفتي اي احد مخالف ، لا تترددين ابدا بالتواصل مع اي مشرف اداري ، واستخدام زر التبليغ ، وشكرا p:


3.ششنو الموضوع الي مكتوب عنك موضوع اسمه تبليغ عن مشاركه بواسطه ابراهيم ????

هذا مو موضوع يا طويلة العمر
شفتي لما اطق زر " تبليغ عن مشاركه "
يطلع من فوق الشريط ، انه تبليغ غن مشاركه بواسطة ابراهيم
فلازم الاداريين ينتبهون ويدشون على هالموضوع ويشوفون ليش انا طقيت زر التبليغ شنو السبب وين المشكله وجذي
ولا اهوا مو موضوع ولا شي ، حتى انتي لو جربتي تضغطين الزر على شي مخالف ، راح يطلع اعلى الشريط ، تبليغ عن مشاركة بواسطة منى العنزي :)

ووسورري على لقافه :)


بالعكس لا لقافه ولا شي
سألي كثر ما تبين ولين تزهقين وتحلليني عدل p;

منى العنزي
02-05-2012, 01:54 PM
مشكووور على الاجااااابات :)

انزين اخر سؤال :
من متابعتي حسيت انك تحب تعطي وتساعد وتعاون غيرك

اكيد صارتلك مواقف ناس عطيتهم وسويت لهم ووبالاخير يطلعون (مو كفوو)

شنو اتسوي بهالحاله او شنو ردك

ابـراهيم
02-05-2012, 02:02 PM
مشكووور على الاجااااابات :)

انزين اخر سؤال :
من متابعتي حسيت انك تحب تعطي وتساعد وتعاون غيرك

اكيد صارتلك مواقف ناس عطيتهم وسويت لهم ووبالاخير يطلعون (مو كفوو)

شنو اتسوي بهالحاله او شنو ردك



العفو ولو ، انتي الي مشكوره على الاسئله ونستيني فيها والله :)

احب اساعد كثر ما اقدر ، واذا في شي ما اقدر اساعد فيه ، احب اتفلسف مرات P:
وفي اشياء ما ينفع لا اتفلسف ولا اساعد فيها خير ، فأسكت اهني واحترم نفسي P:

صح ، صارلي وايد من هالمواقف
بصراحه ما سويت شي ، قبل كنت ازعل واتضايق ، الحين " بطلت " كلش ازعل واتضايق
صار عندي الشي عادي
وبالاخير الاشياء الي اسويها سواء للشخص كصديق او لعضو اهني بالمنتدى او بأي مكان ، فالحمدلله ، اكيد ربي بيجازيني عليها ، فالحمدلله يا رب :)



ليش اخر سؤال ؟ P:
انا مستحل الكرسي اسبوع كامل ههههه p;
اي سؤال ايي ابالج مني مناك ، لا تترددين sis

آزهـآر ..*
02-05-2012, 02:39 PM
قريت الكلام مره ومرتين وثلاث
حاولت استوعب ، بس مخي مقفل شوي ، يمكن لاني دايخ ؟
ميخالف ، سوري ، ميخالف تشرحين لي السؤال بطريقه اوضح شوي ، واوعدج بالاجابه
وسوري حيل حيل حيل لاني ما فهمت ، بس صج دايخ ما قدرت اركز ، سوري :$
وضحيلي ، واجاوبج ان شاء الله


وانا بعد كنت كاتبته وابي اجابته بس ما كان لي خلق آكتب وآشرح :pوكان مخي صج صج مقفل :p
الظاهر ان سؤالي مو بوقته :p

فـ ان شالله الحين مصحصحين ولي خلق اكتب وانت لك خلق تجاااوب :p
_________________________________________

امممم آنا قصدي ي طويل العمر :p.. ان احنا الحين قاعدين نلاحظ دكاترة بكل تخصصاتهم مو قاعد يقدمون واجباتهم بالشكل المطلوب حلو ؟!


فانا ملاحظة انك حيييل مهتم بالناس و عندك نشاط انك تحل مشاكلهم وانك تنطر تقعد على الكرسي وتستقبل هموم الناس برحابة صدرك

سؤالي مو ملاحظ انك بالغت شوي ؟!
وان كل مشاعرك الحين مجرد حماااس ؟!

><

ان شالله فهمت قصددي ؟!:p

Abyar Ali
02-05-2012, 02:45 PM
انا دوري بسأل
راح اقولك جم شغله و انت قول شنو يعنيلك هالشي

الحب ؟
البحر ؟
الام ؟
الضحك ؟
الصديق ؟
السوق ؟
الشعر ؟
الزواج ؟

و انشالله في بعد اسأله

ابـراهيم
02-05-2012, 03:00 PM
وانا بعد كنت كاتبته وابي اجابته بس ما كان لي خلق آكتب وآشرح :pوكان مخي صج صج مقفل :p
الظاهر ان سؤالي مو بوقته :p

فـ ان شالله الحين مصحصحين ولي خلق اكتب وانت لك خلق تجاااوب :p
_________________________________________

امممم آنا قصدي ي طويل العمر :p.. ان احنا الحين قاعدين نلاحظ دكاترة بكل تخصصاتهم مو قاعد يقدمون واجباتهم بالشكل المطلوب حلو ؟!


فانا ملاحظة انك حيييل مهتم بالناس و عندك نشاط انك تحل مشاكلهم وانك تنطر تقعد على الكرسي وتستقبل هموم الناس برحابة صدرك

سؤالي مو ملاحظ انك بالغت شوي ؟!
وان كل مشاعرك الحين مجرد حماااس ؟!

><

ان شالله فهمت قصددي ؟!:p

صح
وانا خايف هالحماس من شدته ، مع الايام يقل يقل يقل لين اتخرج ويختفي تماما P: تخيلي عاد !

بس لا لا انا وايد حاب هالشغله
امس كنت قاعد بالكليه مع واحد كنت توني متعرف عليه
وسالني عن تخصصي فقلت له ان شاء الله علم نفس
فقالي انا اختي واخوي متخرجين من علم نفس

طبعا حدي انفجرت من الوناسه ، قلتله واختك وين توظفت الحين ؟
فقالي انه اهيا مستشاره نفسيه بأحدى المستشفيات

اهوا قال مستشاره نفسيه انا كنت شوي واموووووووت P:


غرامي هالسوالف p; غراااااااااااااااامي P: ، فأنشالله اتخرج واصير مستشار نفسي :cool:

وترى احنا لانه تونا ببداية المشوار كلنا نكتب جذي

يعني الي تخصصه هندسه يكتب ، " تومورز انجنير " والي بيصير دكتور ، يكتب انه الدكتور الفلاني من قبل لا يدش التخصص حتى :$

فبالعكس انا اشوف الاندفاع حلو ، وان شاء الله ينتهي اندفاعنا لما نتوظف ويزيد ويزيد ويزيد يا رب p;

لج مني جلسه استشاريه نفسيه مجانا اذا تخرجت ، بعد شتبين P:

انا دوري بسأل
راح اقولك جم شغله و انت قول شنو يعنيلك هالشي

الحب ؟
البحر ؟
الام ؟
الضحك ؟
الصديق ؟
السوق ؟
الشعر ؟
الزواج ؟

و انشالله في بعد اسأله

اهلين ابيار < اسمج حلو حيل على فكره ، سألي كثر ما تبين

الحب = يا تفهمه وتعيشه صح ، يا بلاها

البحر = مكان شامل ، في منه علم ، على فكره في تخصص اسمه علم البحار ، قريت عنه وعجبني حيل اشتهيت ادرسه كمساند بس ما زلت افكر بهالشي بس افضل علم اجتماع كمساند لتخصصي الرئيسي علم النفس ، عشان يكون بينهم تناسق شوي ، واهوا بعد مصدر للزرق ، وغدار ، والكل يحب يروحله ، وفي ناس فيهم رهاب البحر P: ، انه يخافون من روحة البحر او حتى يخافون انه يشوفونه او يروحون بسفينه فيه وهيك ، احبه عادي مالي علاقه فيه قويه يعني ههه P: مادري شكتب عنه توهقت P:

الام : دنيتك واخرتك وبدونها صعب تعيش

الضحك : شي انا شخصيا احتاجه حيل ، واحتاجه بكل وقت ، وماتوقع في احد ما يحتاجه ، احب اضحك ، احب استانس ، احب كل شي ممكن يضحكني ، ساعات بالمنتدى تشوفيني حاط زر " شكرا لك " الي بالمنتدى على مشاركه عاديه ، بس هالمشاركه ممكن تكون خلتني انا شخصيا اضحك ، فأستعمل زر " شكرا " لانها ضحكتني وونستني ، اموووت عالضحك P:

الصديق : الللللللللللللللللله ، احلى شي بالحياة الصداقه ، اطمح انه يكون عندي ربع وااااااايد كلهم يحبوني واحبهم ، احب الصداقه واعتبرها شي كبير وقوي حيل وممكن ابديها على كذا شغله بحياتي

السوق : ما اروحله الا اذا محتاجه

الشعر : ما اكتب شعر ، جربت مره وحاولت ، قلت يمكن يكون عندي موهبه مخفيه وانا مادري عنها بس طلعت فاشل بنسبة 100000000000 % هههههههه p; فمن يومها بطلت اكتب شعر ، بس احب اقرى الشعر ، واحب كلمات الشعر الي تجذبني وتكون قويه والي احسها قريبه مني ومن حالتي الشخصيه ، اعتقد انه المنتدى مالنا يحتوي على نخبه " مو هينه " ( ما شاء الله ) من الشعراء والشاعرات ، واعتقد الشاعرات والكاتبات اكثر من الكتاب والشعراء ، يعني البنات اكثر من الصبيان p;

الزواج : ما انصح اي احد يكون " متردد " انه يتزوج ، يا يكون ناويها ومعزم ويبي يتزوج صج ، ولا بلاها ، وماحب هالشي يتم الا اذا اثنينهم يبون بعض ويحبون بعض ويعتقدون انه اهما يقدرون فعلا يكملون مع بعض لأخر الطريج




ابيار ، اي اسأله ثانيه لا تترددين p;

FACELESS
02-05-2012, 05:48 PM
هل انت مع او ضد التفكير المتفتح؟

هل انت من اللي ينظرون حق البنت اللي تلبس عباة نظره دونيه
و العكس بعد اللي ما تلبس عباة

ابـراهيم
02-05-2012, 05:52 PM
مع التفكير المتفتح


لا طبعا ما انظر نظره دونيه للفتاة الي تلبس عبايه " ومستحيل اسويها "

ولا راح انظر نظره دونيه للي ما تلبس

خواتي مره يلبسون عبايه ، ومره لبس عادي ، سبورت او جينز او اي شي متستر وعادي

فشلون انظر لخواتي نظره دونيه : )

FACELESS
02-05-2012, 05:58 PM
عادي اقزرها اسئله نفس امس عشان ما انام p;

شرايك بالمعارض اللي قامو يسوونها الشباب
يعني نفس معرض get2gether اللي عندنا بالجامعه بشويخ و راح يبدي باجر؟

تؤمن بتحليلات الابراج قصدي من ناحية الشخصيه
يعني ان احد يحلل شخصيتك من برجك؟

ابـراهيم
02-05-2012, 06:04 PM
عادي اقزرها اسئله نفس امس عشان ما انام p;

شرايك بالمعارض اللي قامو يسوونها الشباب
يعني نفس معرض get2gether اللي عندنا بالجامعه بشويخ و راح يبدي باجر؟

تؤمن بتحليلات الابراج قصدي من ناحية الشخصيه
يعني ان احد يحلل شخصيتك من برجك؟



هههههههههه
عادي اخذي راحتج يبا

امممممممم بصراحه قريت عن المعرض وشفت اعلانات له ، بس ماعرف عنه اي شي ولا عندي اي خلفيه عنه ابدا ابدا

اممممممممممم
من ناحية الابراج ما اؤمن فيها ، بس ساعات اتطمش واقرى ويمكن اقول عن شخص بيني وبينه توافق مثلا وبالصدفه طلعنا من نفس البرج اقول ايييييييييي والله شفت شلون كل برج العذراء فيهم هالصفه ، يعني بس حجي وكلام وصدفه
بس اؤمن واتيقن بشكل تام لا
اصلا حرام ، وادري انه حرام بس اقرى واشوف واطالع P:

عندي سؤال ومادري اذا يصير اسألج او لا بهالموضوع
بس سؤال العبايه لفت نظري
في مره لبستي انتي عبايه بالكليه ؟

صراحه احس انج ما راح تقعدين على كرسي الاعتراف ، فماقدر انطر لما ايي دورج وتقعدين عشان اسالج ، فبسأل الحين :x


المشرفه ساره لا تزفيني بليز :x

FACELESS
02-05-2012, 06:09 PM
أولا بقولك شغله
سالفة الابراج من ناحية تحليل الشخصيه مو حرام
لان حالها حال تحليل شخصيتك من شهر ميلادك و من لونك المفضل و جذي
و ان الحرام انك تقرا شنو راح يصيرلك في المستقبل =)

*اي عادي و بالصيفي ان شاء الله بلبس مع اني كلش ما البس عباة*


شنو اول شي يطري على بالك لما تقرا :

جامعه :

الصبح :

الليل :

ماركه :

تويتر :

ابـراهيم
02-05-2012, 06:16 PM
أولا بقولك شغله
سالفة الابراج من ناحية تحليل الشخصيه مو حرام
لان حالها حال تحليل شخصيتك من شهر ميلادك و من لونك المفضل و جذي
و ان الحرام انك تقرا شنو راح يصيرلك في المستقبل =)

*اي عادي و بالصيفي ان شاء الله بلبس مع اني كلش ما البس عباة*


شنو اول شي يطري على بالك لما تقرا :

جامعه :

الصبح :

الليل :

ماركه :

تويتر :

جامعه = الشي الي ساهم في تغيير حياتي للأفضل : )

الصبح = اكره الشمس استغفر الله ، احب الليل ماحب الصبح كلش !

الليل : اوووووووف احلى شي ، اموت على الليل ، بدون شمس ! احس الجو احلى والطف

ماركه : شي مو وايد اشتريه ، ما اعترف فيه وايد ، برأيي كل ما كان الشي حلو وبسيط كل ما كان افضل ، قد اشتري شي ماركه بس ما يكون سعره " خيالي اوفر " يعني يكون بسعر معقول ، ولا تنسين انه الماركه يظل اسمها ماركه طول العمر ، يعني حتى لو بعد 30 سنه ، هم اسمها ماركه p; ، فممكن اشتري عطر اصلي ماركه اوكي ، نظاره ماركه عشان تكون صج ما تعور عيني مو الي بو طقه اهني اوكي ، اما اشتري تيشيرت ويكون سعره 80 - 90 دينار واهوا ساده وخايس ويحمل اسم ماركه هذي ما راح اسويها !

تويتر : ههههههههههههههههه ، اول ما انزلت اعانتي رحت خذيتلي فون يديد ، وقلتله ينزلي عليه برامج ، وهالحجي يمكن قبل امس اتوقع ماني مثبت المهم كان يوم الاحد واول برنامج لقيته بالفون التويتر ، سيده اتذكرتج مادري ليش :$ ، كل يوم اقول بسويلي اكاونت بسويلي اكاونت بسويلي اكاونت ، اخير شي طااااااااااااف -.-<.< ، صراحه احس حتى لو عندي ، ما راح اجيك عليه ، لأني لاهي شوي بأمتحاناتي ودراستي والمنتدى ، ماحس عندي وقت حق تويتر وفيس بوك وهالبرنامج وهالطقه وادادادا


نيييييييييييكست كوستجن بليز P:

على فكره في سؤال ببالي لج بس احسه سخيف وماله داعي ومابي الموضوع ينقلب جات وبعض الناس يزفوني بعدين ، فبسكت P:

FACELESS
02-05-2012, 06:22 PM
ما شاء الله عليك حللت كل كلمه p;

هل انت تحس ان الجاي الاخضر يضعف كما تعتقد معظم نساء الكويت؟ p;

هل انت مع تنمية اللغه الانجليزيه عند الطفل بمرحله مبكره؟ يعني تدششه نوادي او مدارس خاصه و معاهد؟

هل انت مع دراسة البنت بروحها بالخارج؟

*تبي تسأل شي عندك آسك عشان لا ينقلب الموضوع على قولتك* :x

ابـراهيم
02-05-2012, 06:26 PM
ما شاء الله عليك حللت كل كلمه p;

هل انت تحس ان الجاي الاخضر يضعف كما تعتقد معظم نساء الكويت؟ p;

هل انت مع تنمية اللغه الانجليزيه عند الطفل بمرحله مبكره؟ يعني تدششه نوادي او مدارس خاصه و معاهد؟

هل انت مع دراسة البنت بروحها بالخارج؟


ههههههههههههههههههههههههه ههههه
افا عليج P:

اي احسه يضعف ، ودي اجربه ترى :x
الي سمعته يحرق الدهن ويخليه يروح بعد كل اكله تاكلينها يعني وتكون فيها دهن وجذي تشربين بعدها جاي اخضر ، ويختفي الدهن ويروح :x ، عاد مادري !

تنمية الطفل امممممممممممم مو كل الاطفال
الطفل الي عنده قدرات عقليه اكبر من عمره مثلا ، اوكي مع
بس حرام يعني الطفل الي كلش كلش صغير يعني وبيبي وجذي وتقعد تعقده من اهوا صغير وتخليه يدش دورات غصبا عنه ويدرس غصبا عنه انجليزي ويحفظ كل الكلام بالانجليزي وتجبره على هالشي لين يتعقد ويكره الانجليزي بكبره
اتوقع بالهدواه وخطوه خطوه وشوي شوي كل شي بيتعمله انجليزي وغير انجليزي بعد



مع دراسة البنت بالخارج
اذا البنت قويه وقادره تستحمل الغربه وقدها وقدود ويكونون اهلها واثقين فيها " اكيد مع "
اختي تدرس برى حدي افتخر فيهااااا فديتهاااا \'v\'

reese
02-05-2012, 06:30 PM
باك اقين p:

شنو يعني Eka ؟ و ليش غيرته p: ؟

و ليش اخر صورتين رمزيتين لونهم اسود و عليهم شخابيط :× ؟

و منو اللي رسم الصورة اللي بتوقيعك اللي الحين p: ؟

تعرف ترسم ؟

تعرف تطبخ p: ؟

شنو احلى مطعم عندك ؟

و بس :$

ابـراهيم
02-05-2012, 06:47 PM
باك اقين p:

شنو يعني Eka ؟ و ليش غيرته p: ؟

و ليش اخر صورتين رمزيتين لونهم اسود و عليهم شخابيط :× ؟

و منو اللي رسم الصورة اللي بتوقيعك اللي الحين p: ؟

تعرف ترسم ؟

تعرف تطبخ p: ؟

شنو احلى مطعم عندك ؟

و بس :$

وللللللللللككككككككككككمم ممم

اليووووووووووم وانا ادرس علم نفس عندي باب اسمه " فصل التعلم "
فيه اسامي علماء وكل عالم شلون عرف التعليم
في عالم اسمه ريسكورلا ، قال انه التعليم اهوا تنظيم المعرفه والعقل ومادري شنو ادادادا
المهم مو هذا موضوعنا
انا لما بحفظ اسم اي شخص شسوي ،، اقوم اقسمه لي نصيين
يعني اسم العالم ريسكورلا انا سميته ريس كورلا p;
ولا اركز وادقق ولا اقرى ريس ! ، جان اتذكرج رييسي هههههه p;
جان اكتب اسمج بالكتاب عشان ما انسى كلش ملش P:

[Link nur für registrierte Benutzer sichtbar]

^ ههههههههههههه

المهم p;

eka كان اختصار حق اول حروف من اسمي الكامل
ابراهيم خليل العلي p;

اخير صورتين اسود وعليهم شخابيط
مادري تصدقين لوووووووووول
حبيتهم بس جذي ، حسيتهم حلوين ، كان اثنينهم يشتملون على صوره لقلب الحب
عشان جذي كنت حاطهم اثنينهم
بس الحين توني حسيت انه كله اسود ، جني واحد مقموت P: عاد شلتهم لحين ما الاقي صوره حلوه سنعه احطها p;

الي رسم الصوره الي بتوقيعي ، الاخت زينب ، زينزو الي غيرت نك نيمها حاليا وصار زلابيا زوز \'v\'
وايد اعز هالانسانه صج صج احسها اختي حييييل ، واحبها مثل اختي والله \'v\'
ويعطيها العافيه ، احرجتني حيييييييييييل بالتوقيع ، صج صج ما عرفت شنو اكتب لها ، يعني كتبت ثينكيو وجذي وماعرفت شكتب بعده صج انحرجت حيل

ماعرف ارسم ، بس دائما ارسم P: لأنه الملل يدفعني حق هالشي
كان ودي اصورلج رسوماتي بكتاب مدخل علم الاجتماع واخليج تموتين من الضحك عليهم
بس للأسف الكتاب قاطه بالسياره
ولا الرسومات مو طبيعيه يعني شي خيالي كلها شخابيط واشياء غير مفهومه كلش كلش كلش كلش !
فالحمدلله انج ما تشوفين رسوماتي p;

يس ، خبرة طبخ انا ، اعرف اطبخ كل شي ، اي شي ايي ابالج اعرف اطبخه ، بس مو بأتقان ، يعني احتاج احد يشرف علي شوي ، ويساعدني اكثر ، بس لو انقطيت بروحي هم اقدر اطبخ ، بس ما راح يطلع الاكل بالمستوى المرغوب والمتوقع -.-<.<
بس اعرف اساسيات الطبخ ، اقلي وجذي ، بس الاشياء الصعبه ، يبيلي احد بس يرشدني اكثر ويوجهني اكثر واتقن الطبخه

احلى مطعم جيليييييييييييييييز وفرايديز


اي اسأله ثانيه لا تترددين p;

FACELESS
02-05-2012, 06:48 PM
اذا ما عرفت تحل هوموورك الدكتور قال تسليمه الخميس
شتسوي؟

لو ما كنت انت منو كان ودك تكون؟

لو كنت تقدر تقرا افكار الناس منو ودك تقرا افكاره؟

انت تؤمن ان القطاوه داخلهم ينانوه؟

تخاف من الابره؟

تخاف من طبيب الاسنان؟

ابـراهيم
02-05-2012, 07:31 PM
اذا ما عرفت تحل هوموورك الدكتور قال تسليمه الخميس
شتسوي؟

لو ما كنت انت منو كان ودك تكون؟

لو كنت تقدر تقرا افكار الناس منو ودك تقرا افكاره؟

انت تؤمن ان القطاوه داخلهم ينانوه؟

تخاف من الابره؟

تخاف من طبيب الاسنان؟


هههههههههههه
اقولج شغله
ولا عمره الدكتور عطانا لا هومورك ولا هم يحزنون
بس لو صارت وما عرفت احله ، واذا ما عرفت كلش كلش يعني جربت كل الوسائل والطرق وجذي ودشيت كل مكان وسويت سيرج عدل وما حصلت اجابه كلش ملش ، اخليه فاضي واذا الدكتور سألني اقوله والله ما عرفت احله ! وحاولت اني احله بس ما قدرت ، اي وافضل اني اخليه فاضي على اني انقله من احد : )

لو انا ما كنت انا ، راح افضل اكون الدكتور طارق الحبيب ، على الرغم من اني اختلف حيل معاه ببعض النقاط الي ذكرها بجم حلقه ، بس احب قوته وعزيمته واصراره وطريقة طرحه وكلامه وابتسامته وهداوته وركازته ، اتمنى امتلك نفس طريقة اسلوب الحديث الي اهوا يمتلكها

يمكن اقرى افكارج ؟ واشوف شنو ماخذه فكره عني

اؤمن بوجود الجن ، واتوقع اني كذلك اؤمن انه ممكن يدشون بالقطاوه p: ( شهالسؤال بسمه خرعيني اكثر p: )

اخاف من الابره وذلك لسبب اني ولا عمري جربتها ، جربتها بس مرتين بحياتي كلها ، وولا عمري رحت المستشفى وقعدت فيه وقزيت ابر وجذي ، فأخاف صراحه ! شكلها يخوف جذي طويله وبارزه وحديد وتدش بالجلد ، اكيد تخوفني !

احب طبيب الاسنان ، احب اسناني حيل ، اي شي ممكن يبيضهم وينظفهم ويخليهم حلوين وبراقين ويلمعون احبه p:

FACELESS
02-05-2012, 07:37 PM
من اجابتك استنتجت شي

عندك فوبيا من الظلمه؟
تقدر تنام و الدار خرمس ظلمه؟
تقدر تنام و اكو صوت شي يتحرك او صوت قطرات ماي؟
تقدر تنام بروحك؟

اشكره قاعده احلل شخصيتك p;

ابـراهيم
02-05-2012, 07:38 PM
توني استوعب اني ما جاوبت سؤال ريسي الي ليش غيرت نك نيمك القديم

غيرته لأني احب الناس تناديني بأسمي شخصيا

احس الي بيناديني يحول الكيبورد ماله انقلش وبعدين يكتب ثلاث حروف بعاد عن بعض وتصير قصه p:

احب الشخص الي جدامي يناديني بأسمي ، عشان ما يكون في بينا رسميات واكون قريب من الشخص اكثر

وشكرا p:

ابـراهيم
02-05-2012, 07:41 PM
من اجابتك استنتجت شي

عندك فوبيا من الظلمه؟
تقدر تنام و الدار خرمس ظلمه؟
تقدر تنام و اكو صوت شي يتحرك او صوت قطرات ماي؟
تقدر تنام بروحك؟

اشكره قاعده احلل شخصيتك p;



ههههههههههههههههه
لأول مره واخيرا اقولج انه استنتاجج غلط P:
واخيرا غلطتي P: لووووووول

ما اخاف من الظلمه كلش كلش بالعكس
قبل يمكن " يمممممممممكن " كنت اخاف
بس دكتورنا مال علم النفس ، قالي كلام صج صج حسيت فيه واتخذت بكلامه ومن يومتها
ما قمت اخاف كلللللللللللللللللللللش
مو بس من الظلمه من وايد اشياء
بس قبل يعني كانت نسبة الخوف 20% ، حاليا 0 %
ولو في اقل من الــ 0 % جان قلتلج اياها


انام وفي صوت قطرات ماي امممممممم يمكن اذا تعودت على هالصوت ، بس افضل انه ماكو صوت
ماحب انام على صوت اغاني او صوت ملاقه ، احب انام بهدوء ولما ادوخ كلش واطفي نهائيا

اصلا كله انام بروحي P: ، اذا يمي احد اعصب وماعرف انام ، احسه يضايقني لوووول p; ودي اقتله اطرده من داري اقوله اطلع برى بناااااااااااااااااااااام p;


هههههههههههه حشى من يقول قاعده تحللين شخصيتي لا لا ابدا p;

FACELESS
02-05-2012, 07:45 PM
لووول للاسف غلطت p;

تعرف تعزف على أي آله؟
واذا ما تعرف أي آله ودك تجرب انك تعزف عليها؟

هل أنت مع هذه المقوله
"ظل راجل ولا ظل حييطه"
لوول ترى مادري شكو يت على بالي p; و يا رب تكون سامعها من قبل
او خل اغير السؤال ,,
هل انت مع ان المرأه لازم يكون لها سند "رجل" بحياتها عشان تعيش؟

ابـراهيم
02-05-2012, 07:51 PM
لووول للاسف غلطت p;

تعرف تعزف على أي آله؟
واذا ما تعرف أي آله ودك تجرب انك تعزف عليها؟

هل أنت مع هذه المقوله
"ظل راجل ولا ظل حييطه"
لوول ترى مادري شكو يت على بالي p; و يا رب تكون سامعها من قبل
او خل اغير السؤال ,,
هل انت مع ان المرأه لازم يكون لها سند "رجل" بحياتها عشان تعيش؟



ههههه عادي ، اتوقع راح تصيبين بالمرات اليايه p;

اممممممم للأسف ماعرف
ترى انا فاشل بالمواهب كلها بس اجرب واسوي الشي غصب
يعني ماعرف اعزف ، بس اعزف !
ماعرف ارسم ، بس ارسم
ماعرف الون بس الون
صوتي نشاز شنيع لما اغني ، بس اغني P:

ودي حيل بالبيانو


ظل راجل ولا ظل حييطه يعني شنو ؟ ماعرف هالمثل والله كلش
شرحيلي اياه واعطيج اجابه تفصيليه افا عليج P:

المراه ممكن تحتاج لرجل يسد احتياجاتها العاطفيه يوقف معاها يساندها ويحبها ويخاف ويغار عليها ويحميها
" بس " اهيا ممكن تجاوز الامور العاطفيه وتعيش حياتها وتحمي نفسها بنفسها وتكمل حياتها عادي ، ومتى ما توافر الرجل كان خيرا ، واذا ما توافر ، مو معاناتها نهاية الدنيا ، عادي تكمل عيشتها وتستانس بحياتها

كا شكثر بنات عمرهم صك الــ 30 والــ 40 ولا اتزوجوا وعادي مكملين حياتهم ومستانسين من دون رياييل يسدون ظهرهم

FACELESS
02-05-2012, 07:54 PM
احلى شي البيانو انا اشجعك p;


تحب تقرا شعر؟
و حق منو؟

تعرف تالف شعر؟
في مره ألفت؟
و هل كان في سبب؟

ابـراهيم
02-05-2012, 08:02 PM
احلى شي البيانو انا اشجعك p;


تحب تقرا شعر؟
و حق منو؟

تعرف تالف شعر؟
في مره ألفت؟
و هل كان في سبب؟



اي اي P:

اممممممممممممم احب اقرى شعر
اي عادي احب اقراه ، على المزاج ، يعني اذا حصلي شعر وطاح بأيدي ، او وصلني برودكاست ، او بالمنتدى ، او باليوتيوب ، عادي اسمعه واقراه واستمتع فيه

حق منو ، ما اقرى اشعار ترى مو وايد لي بهالسوالف كلش ، مالي اي خبره فيها

ماعرف االف شعر كلش ملش
الفت لما كنت صغير
السبب كان اختي ، كان تشجعني على اي موهبه ، مسكينه تبي تستكشف مواهبي بأي طريقه p;
وكنت صغير حيل بوقتها
والنتيجه كانت شعر فضييييييييييييييييييييييي يييييع :x
وطبعا كنت ملحن الشعر بمخي ، وكنت مفكر اني اعطيه حق مغنيه مشهوره تغنيه ، وكان ببالي نوال الكويتيه :x ( خيال طفل عادي عادي )

كلمات القصيده :
ذكرى المااااااااااااااضي ، وانا في قلبي الم ، وبعدين يردون كورال : الم الم الم ، ذكرى الماااااااااااااضي ، وانا شايل الحزززززززززن ، الكورال يرد : حزن حزن حزن :x:x:x

الباجي نسيته ، وان شاء الله ما اتذكره بعد !!! :x

لا تضحكني علي اترجاج اترجاج :x

FACELESS
02-05-2012, 08:07 PM
لا من قال ضحكت وايد عجبني الشعر ما شاء الله "خير ان شاء الله" p;
*اسمع اشعار بدر بن عبد المحسن و خالد الفصيل حلوين وايد*

هل انت من النوع اللي اذا كان يوعان و اهوا نايم عادي يفز من النوم و يروح المطبخ؟

عادي عندك تتعشى الساعه 1 بالليل؟

عندك مانع تاكل 5 وجبات باليوم؟

عادي بيوم واحد يكون اكلك كله من مطاعم؟

"كلش مو قاعده احلل"

ابـراهيم
02-05-2012, 08:15 PM
لا من قال ضحكت وايد عجبني الشعر ما شاء الله "خير ان شاء الله" p;
*اسمع اشعار بدر بن عبد المحسن و خالد الفصيل حلوين وايد*

هل انت من النوع اللي اذا كان يوعان و اهوا نايم عادي يفز من النوم و يروح المطبخ؟

عادي عندك تتعشى الساعه 1 بالليل؟

عندك مانع تاكل 5 وجبات باليوم؟

عادي بيوم واحد يكون اكلك كله من مطاعم؟

"كلش مو قاعده احلل"

بس قبل ما اجاوبج

شوفي هالصوره ، هذا قديييييييييييم حيل ، سويته بالمرينا ويا اختي لما كنت صغير
ودتني عشان عيد ميلادي ، وخلتني اختار مجسم ، وانا الونه واختار الالوان الي تناسبه

والنتيجه كانت :

[Link nur für registrierte Benutzer sichtbar]


وعشان تعرفين هالحجي اي سنه
شوفي هالصوره :

[Link nur für registrierte Benutzer sichtbar]

سنة 2006 ، يعني جم كان عمري؟ P; كنت ياهل حدي يحليلي p;


ههههههههههههه تطنزين على شعري العريق ؟
على فكره بدر عبدالمحسن اهوا يمكن الوحيد الي اركز على اسمه من بين الشعراء
يعني مرات اقرى واسمع شعر وما اهتم منو كتبه او منو الفه ، بس فجأه اقرى شي حلو واضطر اشوف الاسم والاقيه بدر عبدالمحسن !
في جمله له ذكرتها من قبل بالمنتدى وبذكرها مره ثانيه بهالموضوع ، كانت " يقولون الذي كاره ، يلاقي للفراق اسباب " للحين ابالي ولازقه ابالي ، احب هالجمله حيل ، وصلتني وحسيت فيها صج

اذا كنت بنام ويوعان اممممممممممممم اذا كنت دايخ كلش كلش كلش ، راح انام
اما اذا دايخ نقط نقط صغار ، وحسيت اني يوعان ، لا راح اروح واقوم واكل P:

عادي اتعشى لو الساعه 4 الفير


5 وجبات ؟ لا ما وصلت هالمرحله عاد P:

عادي اكلي كله يكون من المطاعم ، لأني مجبور بهالشي
بيتنا مافيه الا امي وابوي وانا ، وعيزان اطبخ ، وامي وابوي شي طبيعي ما راح يطبخون لي ، امي كبيره بالسن شوي ، وفيها "دسك" وسكري وضغط وما تمشي مسافه طويله يعني كله " بالكرسي المتحرك " فوين تطبخلي مسكينه
وانا اكون متكيسل اطبخ وتوني راد من الجامعه ومعصب وهلكان فوين لي مزاج حق الطبخ وتصير ريحتي مو شي واضطر اتسبح بعدها ، فأطلب مطعم اختصارا للوقت والجهد


نييييييييييييييكست p;

ابـراهيم
02-05-2012, 08:16 PM
اي وفي كسر صغير صاير بالقلاص الي فوق بالمجسم الي لونته ^
حدي محتر عليه ، ترى طاح بشكل غير مباشر وتضايقت حيييييييل على هالشي
لأنه يذكرني باختي وما حبيت " يتشوه " شكله ، اهيا الحين اتزوجت ، وراحت عن بيتنا ، الله يوفقها : )

FACELESS
02-05-2012, 08:23 PM
يا الله زين طلعت بشي من هالتحليل

هذا اول منتدى تشترك فيه؟

ليش تقول لو سويت لي تويتر ما راح افضى له بسبة الامتحانات؟
كل الناس عندها تويتر فهل هذا يعني انهم كله فاضيين و مو مشغولين؟

لو قالولك تصير مراقب على جميع اقسام المنتدى تقبل؟

ليش احسك انسان لي الحين عالق في عام ألف و تسعميه و احطبه؟ او بمعنى اخر عتيج شوي؟ "مادري شاللي خلاني احس بهالشي بس اذا غلط صححه لي"

تقدر تستغني عن لابك - موبالك - الخدمه ؟

ابـراهيم
02-05-2012, 08:33 PM
يا الله زين طلعت بشي من هالتحليل

هذا اول منتدى تشترك فيه؟

ليش تقول لو سويت لي تويتر ما راح افضى له بسبة الامتحانات؟
كل الناس عندها تويتر فهل هذا يعني انهم كله فاضيين و مو مشغولين؟

لو قالولك تصير مراقب على جميع اقسام المنتدى تقبل؟

ليش احسك انسان لي الحين عالق في عام ألف و تسعميه و احطبه؟ او بمعنى اخر عتيج شوي؟ "مادري شاللي خلاني احس بهالشي بس اذا غلط صححه لي"

تقدر تستغني عن لابك - موبالك - الخدمه ؟


لا مو اول منتدى
كنت مشترك قبل بمنتدى واحد
بس هالحجي من زمااااااااااااااااااااااا ااااااااان
والحين رديت اشتركت بمنتدى طلبة الكويت :)
يعني بحياتي كلها ما اشتركت الا بمنتديين فقط


لا مادري مو قصدي جذي
بس انه لأني مو مجرب التويتر من قبل وماعرف استخدمه ولا اعرف شنو يسوي
عشان جذي قلت انه راح يلهيني " مجرد احساس " لأنه شي يديد بالنسبه لي
فيمكن يعجبني وادمن عليه ويشغلني عن دراستي ، هذا كان قصدي ، لا اكثر ولا اقل


اقبل اني اصير مراقب على كل اقسام المنتدى


بالعكس لا حرام عليج
مو عالق بسنة الف وتسعميه ومادري شكثر p:
بالعكس عادي مواكب العصر وياكم شفيج علي هههههه p:

عشان ما نزلت تويتر صرت ما اواكب العصر ، هههههههه p:
انا بس مجرد اني ماعرف استخدمه ولا انا ترى من اوائل الي سجلوا فيه
بس ما حبيته وما عرفت استخدمه وما عندي احد اسويله فولو فاحتريت جان اقطع عنه وما رديته خير شر
ولهليوم ترى احس اني ما احتاجه ولهليوم كذلك احس انه ما عندي احد اسويله فولو

يمكن لو نزلته بسوي فولو حق اختي وحق اي شي يتعلق بالجامعه وبس

استغنى عن لابي = لا
لأنه اهوا الوسيله الوحيده الي تربطني فيكم

موبايلي ، هم لا

الخدمه = يس ومستغني عنها صارلي يمكن دهر
وماسح " كل اللسته "
لأنه مالي خلق البي بي ، وايد اييب لي عوار الراس p:

لما احس اني فاضي واشتقت صج صج حق الخدمه اهني بردها
واصلا برد الخدمه حق منو @@ ، ماضيف وايد بالبي بي انا ترى ، عدد قليل جدا جدا جدا من الاوادم الي ضايفهم


حاليا اشبك بالايفون ، اتواصل مع الاشخاص المهمين بالواتس اب ، وادش الانترنت من خلاله

منى العنزي
02-05-2012, 08:35 PM
-.-<.< -.-<.<

عندي سؤال بعد :rolleyes:

- كل واحد فينا له قصه لمن سجل بالمنتدى ، انت ابراهيم شنو قصه دخولك المنتدى بكل بساطه ؟ (انا اتذكر ليش دشيت المنتدى وشلون عرفته و.. الخ )

- لاحظت بكل الردود انك تذكر خواتك وذكرياتك وياهم ماشالله الله يخليكم البعض ،
انا توقعت انك ولد وحيد بين بنات ، شنو ترتيبك بين اخوانك ؟
هل لهم اثر على تكوين شخصيه ابراهيم الحاليه ؟
ممكن تتكلم بتفصيل عن علاقتكم بعيد عن الامور الشخصيه :\\

ومشكووور على الاجابات مقدماا
تعبناك :)
اشوف الرد باجر انشالله

ابـراهيم
02-05-2012, 08:43 PM
-.-<.< -.-<.<

عندي سؤال بعد :rolleyes:

- كل واحد فينا له قصه لمن سجل بالمنتدى ، انت ابراهيم شنو قصه دخولك المنتدى بكل بساطه ؟ (انا اتذكر ليش دشيت المنتدى وشلون عرفته و.. الخ )


قصتي الله يسلمج
بالكورس الاول لما سجلت بكلية العلوم الادارية بجامعة الكويت
توهقت ما عرفت شنو اسجل مواد بالكورس الاول
فكوني مستجد ، قررت اسوي سيرج بقوقل
وطحت على المنتدى ، وتجولت بكل قسم فيه
وكتبت سؤالي بقسم كلية العلوم الاداريه - جامعة الكويت
وجاوبتني الاخت سوسا ، وكانت طيبه وايد بالتعامل والاسلوب
فحبيت المنتدى ، جذبتني افكاره ، وطريقته ، حتى الوان المنتدى الهاديه والبسيطه والمريحه للعين ، حبيتها
بعدها ظليت مسجل بالمنتدى من غير ما اشارك ، كنت بس اتابع بصمت ..
مع الايام شوي شوي قمت اشارك ، واتدخل ، وابدي رأيي ، لين ما انطلقت وكملت الحين ووصلت للي وصلت له


- لاحظت بكل الردود انك تذكر خواتك وذكرياتك وياهم ماشالله الله يخليكم البعض ،
انا توقعت انك ولد وحيد بين بنات ، شنو ترتيبك بين اخوانك ؟


ويخليج تسلمين يالغاليه ..

انا اصغر واحد بالبيت
عندي اخت ماتت الله يرحمها كان اسمها ذكريات
وفوقي بنتين ، واخو واحد
كلهم اكبر مني حيل ، يعني انا اصغر واحد فيهم
يعني خواتي اعمارهم على 30 وفوق p;
واخوي اتوقع 23 او 24 شي جذي
انا 18 P:

هل لهم اثر على تكوين شخصيه ابراهيم الحاليه ؟

يس ، اهما اساس تكوين ابراهيم بكل شي فيه
بتصرفاته وبكل شي كل شي ، اهما السبب

ممكن تتكلم بتفصيل عن علاقتكم بعيد عن الامور الشخصيه :\\

امممممممممم شلون يعني ؟
ما فهمت ؟ اتكلم بعيد عن الامور الشخصيه

ما فهمت السؤال بس بجاوب P:
علاقتي بأخواني كانت قويه
حاليا اخوي تزوج ، اختي تزوجت ، اختي تدرس برى
ظليت بروحي بالبيت P: ، بينا فونات ولقاءات بين فتره وفتره p;
مادري اذا جاوبت صح او لا p;

ومشكووور على الاجابات مقدماا
تعبناك :)
اشوف الرد باجر انشالله

ما من تعب
انتي الي مشكوره
اوكيك ناطرج باجر
اذا اي اسئله مني مناك لا تترددين كلش ملش p;

FACELESS
02-05-2012, 08:51 PM
عادي اسأل ولا مصختها وايد انا؟


لو كملت دراسات عليا هل راح تفكر انك تكون من هيئة التدريس في جامعة الكويت؟ و ليش؟

ابـراهيم
02-05-2012, 10:43 PM
عادي اسأل ولا مصختها وايد انا؟


لو كملت دراسات عليا هل راح تفكر انك تكون من هيئة التدريس في جامعة الكويت؟ و ليش؟



سوري سوري حييييييييييل اني طولت سوري سوري سوري

بالعكس
انا حدي مستانس على اسألتج اصلا
سألي لين تشبعين وتملين وتزهقين بعد

طبعا
انا اطمح للماجستير بتخصص علم النفس الاكلينيكي ان شاء الله يا رب ، اذا ربج كتب : )
وابي اكون بجامعة الكويت ، معيد بقسم علم النفس
ما اطمح للدكتوراه بشكل كبير عشان اكون واقعي ، لأنه رحم الله امريء عرف مقدار نفسه ، اعرف وين اوقف ومتى اكمل
واعتقد اني اصلح معيد اكثر من اني دكتور !
بس اذا حصلتلي تجربة الدكتوره قد اخوضها وقد لا : )

ليش ، لأني احب جامعة الكويت
اتوقع اني راح اتربى فيها ، واهيا الي علمتني على علم النفس ، فشلون ما اكمل واتوظف فيها بالعكس كلي فخر لو صار هالشي
افتخر بجامعتي واحبها حيل : )

FACELESS
02-05-2012, 10:56 PM
بس ما تحس ان شوي المعيد بجامعة الكويت مظلوم في بعض الكليات و كأن ما عنده شغل؟

لو خيّرت بوظيفه بمنصب و راتب محترمين
مثلا بجامعة برا الديره
و بين انك تصير معيد بجامعة الكويت
هل راح تصر على جامعة الكويت مع العلم ان راح تكون تقريباً بلا شغل؟

*ترى كل هالكلام من مخي يعني مو واقعي ان شغلة المعيد بطاليه بس فرضاً

ابـراهيم
02-05-2012, 11:00 PM
بس ما تحس ان شوي المعيد بجامعة الكويت مظلوم في بعض الكليات و كأن ما عنده شغل؟

لو خيّرت بوظيفه بمنصب و راتب محترمين
مثلا بجامعة برا الديره
و بين انك تصير معيد بجامعة الكويت
هل راح تصر على جامعة الكويت مع العلم ان راح تكون تقريباً بلا شغل؟

*ترى كل هالكلام من مخي يعني مو واقعي ان شغلة المعيد بطاليه بس فرضاً


مادري والله انا ماعرف حق هالشي عدل عدل
يعني الي اعرفه انه ينسق ويعدل من ورى الدكتور ، وبعض الدكاتره يحتاجون للمعيد
بصراحه ما اطمح اكون معيد كثر ما اطمح اني اكون استشاري نفسي اكثر : )


راح اصر على جامعة الكويت وبلا شغل على الغربه p;


نيييييييييييييكست بليز P:

FACELESS
02-05-2012, 11:10 PM
عندي احساس قوي بتييني زفه من الاداره على هالمليون سؤال

اذا كنت حيييييل دايخ بس ما ودك تنام شتسوي؟
غير انك تشرب قهوه؟

شخصية سياسيه تحبها؟

ليش تحب مادة الفلسفه مع ان فيها اشياء تناقض دينا؟

انت مو من عشاق الكره،، فشنو من هواياتك الذكوريه غير الكره؟

ابـراهيم
02-05-2012, 11:26 PM
عندي احساس قوي بتييني زفه من الاداره على هالمليون سؤال

ههههههههههه ماتوقع ، لانه مافي عدد معين بالاسئله
فأخذي راحتك



اذا كنت حيييييل دايخ بس ما ودك تنام شتسوي؟
غير انك تشرب قهوه؟


ما اشرب قهوه اساسا
ولا عمري شربتها ، مره من زمان حيل ، وما حبيتها كلش !
فما اشربها نهائيا
حتى بستار بكس اطلب مثلا فربتشينو من دون قهوه

اذا كنت دايخ حيل وما ودي انام ، ابطل فوني واطقطق واسولف بالواتس اب واقرق مع خلق الله
ادش اليوتيوب من فوني واطالع شي طويل ، او لقاء مع شخص ، او اي شي من هالقبيل

شخصية سياسيه تحبها؟

اممممممممم ولا شخصيه !


ليش تحب مادة الفلسفه مع ان فيها اشياء تناقض دينا؟

امووووووووووووت على الفلسفه
احبها لأني كنت شاطر فيها حيل
كنت اييب فل مارك دااااااااائما بالثانويه
على الرغم من انه اهيا اصعب المواد الادبيه ، وكان تنقسم حق شقين ، فلسفه ، ومنطق
كانوا كل الطلبه يتشكون من صعوبة الماده ، انا ادري انها صعبه ، بس احبها واموت فيها :*

اشياء تناقض الدين ، ما عندي فكره عن هالشي
وما لاحظت هالشي صراحتا
قد تكون فيه بعض الاشياء " يمكن " وانا مادري عنها بس اعتقد هذي كانت اراء علماء غرب احنا كنا ندرسها مو اكثر ولا اقل

ومادري احس ما يصير تناقض دينا ويدرسونا اياها وجذي

انت مو من عشاق الكره،، فشنو من هواياتك الذكوريه غير الكره؟

اكره الكره !
ولا عمري بحياتي كلها ، 18 سنه ولا عمري تابعت كره
احسها اتفه شي بالعالم
بالنسبه لي : شوية اوادم يركضون ورى شي تافه مدور سخيف بطريقه همجيه !
سوري بس هذا رأيي P:

ما اصنف انه هالهوايه ذكوريه ، او هالهوايه انثويه
اعتقد انه الهوايه هوايه
مالها شغل انثوي ولا ذكوري
كذلك الالوان ماحب انسبهم لأنثى او ذكر
يعني ليش البنات يستخدمون اللون الوردي فقط !
انا احبه ، فهل يعني هالشي اني انثى ؟ !
ماحب هالتفكير ، بأي كتاب وبأي علم وبأي قانون يصنف انه هاللون للبنات ، اكره هالافكار والمعتقدات هذي !
يعني اتذكر كلمت مره وحده ، وسألتها عن لعبه اهيا مو لعبه بس نفس وسيله لتضييع الوقت والتسليه وانتاج شي حلوه مادري اذا تعرفونها او لا
بس اهيا نفس خياطه ، يعطونج نفس شغله ومعاها ابرة وخيوط وانتي تخيطينهم ، عرفتيها ؟
فسألتها عن هالشي انه وين ينباع وجذي ، ولا تقولي هذي بس حق البنات
بطت جبدي ! شكو !!!!!!!!!!!!!! يعني الحين مافي خياط رجالي ؟ !
مافي ريال يخيط ؟
انا ضد هالافكار واحتكار الهوايات للانثى او انه هالهوايه للرجل
البنات يلعبون كرة قدم بالمدارس بعد !
فهل البنات رياييل ؟ !
فتنبط جبدي شوي


هوايتي امممممممممم مادري والله ، احب كل شي انا
اخلط بين كل شي
مالي هوايه اتميز فيها وابدع فيها حيل
بالعكس اجرب كل شي واعتبر كل شي هوايتي p;


نييييييييييييكست p;

♥ ḞeĐiTҜoḾ ♥
02-05-2012, 11:42 PM
شخصيهـ تآرخيهـ تحبهـــآ !

شآعر من الشعراء الجاهلييينـ تحب قصآآيدهمــ ؟

بيت شعر تحبهــ ؟


متزوِج ؟


جمـ عمركك ؟


تمآآرسس الريآآضهـ .. ؟ وأذا إي أي نوع ؟


الله يوفقكـ . والسمموحهـ ..

ابـراهيم
02-05-2012, 11:49 PM
شخصيهـ تآرخيهـ تحبهـــآ !


اممممممممممممم
مالي بالتاريخ كان ودي اتفلسف واجاوب بس ماعرف والله بالتاريخ ، سوري سوري p:

شآعر من الشعراء الجاهلييينـ تحب قصآآيدهمــ ؟

هههههههههههه مالي بالشعر ابدا ابدا p;

بيت شعر تحبهــ ؟

" يقولون الذي كاره يلاقي للفراق اسباب " بدر عبدالمحسن


متزوِج ؟

ههههههههه حرام عليك بعدي صغير 18 سنه


جمـ عمركك ؟


18 p;

تمآآرسس الريآآضهـ .. ؟ وأذا إي أي نوع ؟

امارس بس مو وايد ، السبااااااااااحه
قبل كنت مشترك بنادي سباحه وتعلمت السباحه واحبها حيل بس الحين قاطع فتره طوييييييييله


الله يوفقكـ . والسمموحهـ ..





حبيبي يوفقك معاي وتسلم فديتكم :*****

Abyar Ali
02-05-2012, 11:54 PM
اي اي عندي سؤال حسيتك من طريقه تفكيرك انك بعيييد عن تفكير العرب يعني من ناحيه سياسه الحكم على الاشياء عن طريق الخبره و العقل و طبعا هذا نادر بمجتمعنا فأكيييد في شخصيه اثرت فيك او اذا الايام اهيا الي علمتك ؟؟
*

ابـراهيم
03-05-2012, 12:03 AM
اي اي عندي سؤال حسيتك من طريقه تفكيرك انك بعيييد عن تفكير العرب يعني من ناحيه سياسه الحكم على الاشياء عن طريق الخبره و العقل و طبعا هذا نادر بمجتمعنا فأكيييد في شخصيه اثرت فيك او اذا الايام اهيا الي علمتك ؟؟
*

اممم ، ست ابيار P:
ترى استانست لما اكتب نك نيمج لوول ، صج صج عاجبني P:
قررت اسمي بنتي ابيار ان شاء الله ، بس بستكشف معناته الحين بقوقل

والله شوفي
انا اتعلم من ايييييييي شخص بالعالم
وايد احب اسمع افكار الغير ، وايد احب اتعلم من اي شخص يمر علي بحياتي
من اهلي من ربعي من الناس الي حواليني ، اشوف طريقة تفكيرهم وانتبه واركز على تصرفاتهم بمواقف معينه ، وشلون يتحكمون فيها ، شلون يفكرون ، شلون يحكمون على الامور
اجمع كل هالافكار واختار الي يعجبني ويناسب ميولي واعتقاداتي وشخصيتي واترك الي يناقض شخصيتي وطبيعتي

كمثال :
احب الدكتور طارق الحبيب
احب طريقة اسلوبه
احب اقلده احيانا في طريقة لفظ الكلام ومتى اتكلم ومتى اسكت
اكره بعض المعتقدات عنده ، فما اطبقها بحياتي وما اسمعه ولا انتبه له لما يقولها

احب مثلا افكار شخصيه غربيه معينه ، اركز على افكارها ومعتقداتها ، بس الاشياء الي ما تعجبني اخليها

وانا حيل اعتبر نفسي open mind شوي واختلف يمكن عن البعض ، بس بحدود طبعا : )



ان شاء الله اكون وصلت للأجابه الي كنتي تطمحين لسمعها P:
لأني شوي شوي ما حسيت اني فهمت السؤال بشكل صحيح وعدل
انشالله بس اكون جاوبت صح ، واذا في اي غلط ردي سأليني السؤال بطريقه مختلفه وانشالله اجاوبج ست ابيار
ولا تقاطعين الصفحه بليز p; دوم ساليني

سارا.93
03-05-2012, 12:05 AM
بعض النآس رآح يتآبعون قصّتي ؟

ابـراهيم
03-05-2012, 12:08 AM
^ متابعها ونص

اتوقع نتشابه بالخوف من اول يوم دراسي بمرحلة المتوسط ، والخوف رافقني كذلك بمرحلة الثانوي ، رافقني وبشدة باول يوم جامعه

حسيت اني عشت الجو وفرحت لفرحتكم بالحجاب بالقصه

حبيت شخصيات القصه ، خاصتا وانها واقعيه < امووووووووت على هالنوع من القصص

متشووووووووووووق جدااااااااااااااااااااااا ااا لما توصلين لمرحلة الثانوية ، وتعليقاتج عليها < ودي اعرف شعورج بهالمرحله

متابع القصه حيل : )

Abyar Ali
03-05-2012, 12:11 AM
هههههههههه اي انشالله الله يرزقك ببنوته و اسمها ابيار

لا جاوبك بمحله هذا الي قصدي و سامحني اذا كان مو مفهوم

سارا.93
03-05-2012, 12:17 AM
شنو يتوقعون بيصير؟ ;p

انصدمتوا من آلسّر اللي قلتلكم عنّه تو؟

ابـراهيم
03-05-2012, 12:17 AM
هههههههههه اي انشالله الله يرزقك ببنوته و اسمها ابيار

لا جاوبك بمحله هذا الي قصدي و سامحني اذا كان مو مفهوم


هههههههههه ان شاء الله p;

الحمدلله انه بمحله
لا لا انا الي سامحيني لأنه انا بأخير اليوم مخي يبلش يقفل
وماعرف افهم الاسأله بشكل صحيح :$
فالغلط مني مو منج لا تخافين p;

وشكرا شكرا على الاسأله

ناطرج بأسئله يديده p;

سارا.93
03-05-2012, 12:21 AM
. ....... ؟؟

ابـراهيم
03-05-2012, 12:27 AM
شنو يتوقعون بيصير؟ ;p

انصدمتوا من آلسّر اللي قلتلكم عنّه تو؟

. ....... ؟؟



شنو منو شصاير p:

اطالب بتوضيح بليز p:

سارا.93
03-05-2012, 12:34 AM
اقصد بآلقصه ...

ممممم .. شنهي هواياتك !

ابـراهيم
03-05-2012, 12:45 AM
انا اتوقع انه هالمجهوله راح يصادفج وياها موقف يمكن
ومن بعد هالموقف راح تكونون كلوز ويا بعض ورفيجات لغاية الحين !
احساس مادري ليش p:
على فكره ، ترى ناطر التكمله ، بموت واعرف سالفة هالمجهوله ، داء اللقافه فيني اشتغل p:

هواياتي ، اي شي ايي ببالج هوايتي
كل شي ممكن اسويه واجربه ، بس في اشياء ما اضبطها يعني ماعرف اسوي شغله معينه بس كذلك احب اسويها

يعني مثلا ، الرسم ، ماعرف ارسم ، بس احب اتفلسف وارسم غصب p:

سارا.93
03-05-2012, 01:07 AM
لو بعض النآس بمكآني فونهم سوآ حق نفسه ريستآرت 1000 مره بيسوي نفسي و يبوق فون الخآدمه ؟ :(

و يبطل موقع بلاكبيري ويكتشف انّه يقدر يصلّح فونه بس لآزم وصلة usb
بعدين يروح يفجج كلل كرآتين بلآكبيري اللي بآلبيت و على كثرهم للأسف مآيلقى وصله : (
شيسوي :"(

ابـراهيم
03-05-2012, 01:11 AM
لو بعض النآس بمكآني فونهم سوآ حق نفسه ريستآرت 1000 مره بيسوي نفسي و يبوق فون الخآدمه ؟ :(

و يبطل موقع بلاكبيري ويكتشف انّه يقدر يصلّح فونه بس لآزم وصلة usb
بعدين يروح يفجج كلل كرآتين بلآكبيري اللي بآلبيت و على كثرهم للأسف مآيلقى وصله : (
شيسوي :"(



هههههههههههههههه
حرااااااااااااااااااااااا اااااااام
كسرتي خااااااااااطري P:


تدرين عاد عندي 100000000 وصلة usb طايحه بجبدي بالبيت



افضل حل لهلمشكله ، تروحين باجر محل فونات وتشترين وصلة usb وكان الله غفور رحيم

الحل الاخر / تخلين فونج خربان وتنامين وبلا هم بلا غم ، احلى شي بالعالم النوم ، وعلى قولة ابوي من اصبح افلح P:
ولا تشيلين همه الا باجر ، باجر بوقت فراغج قومي ووديه محل فونات وصلحيه ، منها لقيتلج مشوار حلو تضيعين فيه وقتج الصبح ومنها صلحتي فونج p;

سارا.93
03-05-2012, 01:16 AM
منو تتوقعون آلضحيه الجآيه ;p

ابـراهيم
03-05-2012, 01:23 AM
اذا مو انتي
بخليها انتي : @
لازم اصوت على قعدتج بالكرسي P:

كذلك ودي استلم بسمه نفس ما استملتني هههههه p;

الترف
03-05-2012, 01:33 AM
توووهااا تشووف الموضوع
لووووووووول لهيت بالعروض والامتحانات ب_ب
ماشاءالله الاعضاء ماخلو سؤال
امممممم انا اسئلتي لك
لو قالولك تقدم برنامج شنو نوع هالبرنامج الي ودك تقدمه ....



المكااان الافضل عندك ....



كل توووفيق لك

بَاذِخهْـ !
03-05-2012, 01:35 AM
كنت داشه متحمسه وبراسي الف سؤال


بس انهديت وانحولت وانا اقرا وضاعوا :_(


لي عودة p;

Miss Sarah
03-05-2012, 04:27 AM
احمممممممممم احمممم

يالله ابراهيم هذول اسئلتي :) ترا حدي متحمسه :$


صفه تحبها فيك ؟



صفه تكرهها فيك؟



شي تحبه بشكلك؟



شخصيه تعجبك وتعتبرها قدوتك؟




احلى مراحل حياتك الدراسيه(ابتدائي او متوسط او ثانوي او جامعه)؟



شخص تفتقده هذه الفتره؟



جريمه قمت بارتكابها عندما كنت طفلا؟



شيء قديم لازلت محتفظا به؟




كيف تعبر عن فرحتك الشديده؟



شي كنت تعتبره مستحيل .. وصار لك دون سابق انذار!؟



لو فيه اختراع طاقية الخفا الي تلبسها ومايشوفونك الناس بتلبسها وين؟




عمل منزلي تحب القيام به ؟


ماذا لو طلب شخص منك السماح وقد اخطأ بحقك كثيرا ؟

صفه قد تبتعد عن الاخرين بسببها؟




لو تراجع الزمن بك الى الوراء.. مالذي ستقوم بتغييره؟





تشعر بالوحده والفراغ وتجلس بمفردك ماذا تفعل؟





كلمات اثرت فيك .. ولن تنساها ابد؟





قمة الراحه النفسيه لديك اذا..؟




احسن عطله مرت عليك؟





فتره تعتبرها ذكريات جميله بالنسبه لك؟





اكله مميزه لن تنساها من شدة لذتها؟







هل تخاف من القطط والحشرات؟






شخص يحمل الكثير من صفاتك ..وشخصيته مقاربه لشخصيتك؟






هل تتصرف احيانا بطفوليه؟








هل انت شخص غيور؟








شخصيتك تميل الى الهدوء ام الانطلاق والمشاركه؟





هل انت شخص متحدث ام مستمع ؟


ترا في بعععععععععععععد بس جنه اسألتي واااااااااااااايد

منى العنزي
03-05-2012, 07:58 AM
صباح الخيرر
الله يرحمهاا ذكريات الله يجمعكم بالجنه انشالله ويخليلك اخوانك
اااي جذي كنت بعرف يعني علاقتكم بشكل عام كانت ااجابتك حلووه
عساك ع القوه

ابـراهيم
03-05-2012, 02:06 PM
توووهااا تشووف الموضوع
لووووووووول لهيت بالعروض والامتحانات ب_ب
ماشاءالله الاعضاء ماخلو سؤال
امممممم انا اسئلتي لك
لو قالولك تقدم برنامج شنو نوع هالبرنامج الي ودك تقدمه ....



المكااان الافضل عندك ....



كل توووفيق لك

الله يعينج يا رب
لاحظت انه مشاركتج قلت بالمنتدى ، قلت اكيد عندها ظروف
ربي يعينج ويسهل عليج ويوفقج ان شاء الله

برنامج امممممممم يمكن برنامج انا اكون فاهم فيه ، وعارف اتحدث فيه ، يعني مو برنامج ما يمد لي باي صله واروح اتكلم فيه واتناقش ، يعني يكون عندي خلفيه كامله وواضحه عن الفكره الي بيقدمها هالبرنامج عشان اطلع واتحدث

يعني لا يمكن اطلع اتكلم ببرنامج سياسي وانا مالي بالسياسه خير شر :x

المكان الافضل = بيتي P:



كنت داشه متحمسه وبراسي الف سؤال


بس انهديت وانحولت وانا اقرا وضاعوا :_(


لي عودة p;

لوووووووووووووول
عادي عادي P:
ناطر عودتج باذخه ام الاوفات (F)

احمممممممممم احمممم

يالله ابراهيم هذول اسئلتي :) ترا حدي متحمسه :$


ههههههههههههه اهلييييييين ساااااااااره p;


صفه تحبها فيك ؟

احب اممممممممممم ، مادري كل صفاتي احبهم P:
بس يمكن جم صفه شوي ماحبهم -.-<.<


صفه تكرهها فيك؟

اعاند وايد @@ واحن وايد @@ وابي الشي بسرعه بسرعه

شي تحبه بشكلك؟

اسناااااااااني p;

شخصيه تعجبك وتعتبرها قدوتك؟

كل شخص يأثر فيني بشكل او بأخر اعتبره قدوتي ، مافي شخص معين بحد ذاته
يعني قدوتي ابوي بالصبر ، قدوتي بدراستي احد الدكاتره المعينين بعلم النفس ، وهيك ..


احلى مراحل حياتك الدراسيه(ابتدائي او متوسط او ثانوي او جامعه)؟

ثانوي : )

شخص تفتقده هذه الفتره؟

رفيجي متهاوش وياه P: ، المفروض اهوا يدق علي ويتأسف مني لانه اهوا الغلطان ، بس اهوا ما دق ولا درى عن هوا داري لوول p;

جريمه قمت بارتكابها عندما كنت طفلا؟

وايد جرايم :x

شيء قديم لازلت محتفظا به؟


اووووووووووف كل الاشياء
ترى انا ما اقط شي ، كل شي اخشه عندي ، احب احتفظ بالاشياء القديمه ، حتى الصور القديمه ، كل شي احب احتفظ فيه

كيف تعبر عن فرحتك الشديده؟

ارقص واصارخ واضحك واستانس وانط وكل شي هههه P:

شي كنت تعتبره مستحيل .. وصار لك دون سابق انذار!؟

كان ببالي مستحيل اييب فوق الــ 95 بالثانويه ، بس اخير شي يبت اعلى من 95 بفتره من الفترات

لو فيه اختراع طاقية الخفا الي تلبسها ومايشوفونك الناس بتلبسها وين؟

بلبسها بالجامعه P:


عمل منزلي تحب القيام به ؟

احب اطبخ

ماذا لو طلب شخص منك السماح وقد اخطأ بحقك كثيرا ؟

عادي راح اسامحه بكل بساطه
بس في مواقف الانسان ما يقدر يتسامح او يتنازل فيها ، قد اتنازل اذا كان الشخص مهم جدا بالنسبه لي ، ويمكن اسامحه بس اظل بقلبي شايل عليه : )

صفه قد تبتعد عن الاخرين بسببها؟

يجذبووووووووون وايد ويألفون قصص @@


لو تراجع الزمن بك الى الوراء.. مالذي ستقوم بتغييره؟


واااااااااااااااااااااااا يد اشياء


تشعر بالوحده والفراغ وتجلس بمفردك ماذا تفعل؟


اطقطق بالفون ، بلاب توب ، هيك شغلات


كلمات اثرت فيك .. ولن تنساها ابد؟

" ابراهيم ، انتا اقوى من جذي "



قمة الراحه النفسيه لديك اذا..؟

نمت


احسن عطله مرت عليك؟


عطلة الي كانت بين عاشر ، وبين 11 ، ايام الثانوي


فتره تعتبرها ذكريات جميله بالنسبه لك؟


الثانوي


اكله مميزه لن تنساها من شدة لذتها؟


اووووووف اكل جيليز بكل انواعه




هل تخاف من القطط والحشرات؟


اووووووووووف حدييييييي واكرهم بعد كره شنيع مو طبيعي



شخص يحمل الكثير من صفاتك ..وشخصيته مقاربه لشخصيتك؟


ربعي كلهم فديتهم p;



هل تتصرف احيانا بطفوليه؟


اي واستانس لما اسوي هالشي



هل انت شخص غيور؟


يس ، بس بحدود بسيطه





شخصيتك تميل الى الهدوء ام الانطلاق والمشاركه؟


الهدوء اكثر من الانطلاق والمشاركه " اذا كنت وحداني "
الانطلاق والمشاركه " اذا معاي ربعي "


هل انت شخص متحدث ام مستمع ؟

مستمع اكثر من متحدث
متحدث بمخي واناقش بمخي ، بس ابدي رأيي واشارك فيه بالعلن ، نادر ما تصير

ترا في بعععععععععععععد بس جنه اسألتي واااااااااااااايد

هههههههههههههه
سألي براحتج
انتي تامرين p;

صباح الخيرر
الله يرحمهاا ذكريات الله يجمعكم بالجنه انشالله ويخليلك اخوانك
اااي جذي كنت بعرف يعني علاقتكم بشكل عام كانت ااجابتك حلووه
عساك ع القوه

صباحج ورد
تسلمين تسلمين يالغاليه ، اجمعين يا رب
يقويج ويخليج طال عمرج
اي اسأله ثانيه ، نوريني :)

Abyar Ali
03-05-2012, 02:16 PM
في سؤال ببالي

شنو نقطه ضعفك ؟؟

ابـراهيم
03-05-2012, 02:22 PM
في سؤال ببالي

شنو نقطه ضعفك ؟؟


اشوف شخص جدامي يبجي
ويا ويلي اذا كان ياهل صغير يبجي ، اوووووووووووف !
ماقدر ماقدر ، حتى لو معاه امه وابوه وعايلته وقبيلته كلهم ، لازم اروحله وابوسه واترجاه واقوله تكفى لا تبجي عشاني P:
ماحب اشوف احد يبجي ، احد يتسول ، احد محتاج شغله انا امتلكها وماعطيه اياه

اضعف كذلك لما احد يقولي : برهووووووومي عشااااني P: << ههههههههه لازم البي طلبه اهني لووول p;

وانا ضعيف جدا جدام الككاويات ، يعني اذا رحت الجمعيه وجدامي ككاو !
ماقدر امر وما اشتري ، سوري مو بس اشتري ، اخم الككاو كله الي موجود -.-<.<
والايس كريم طبعا بعد :rolleyes:


وامممممم مادري شنو بعد p;

FACELESS
03-05-2012, 04:14 PM
عرف كلمة التخلف

ابـراهيم
03-05-2012, 04:53 PM
عرف كلمة التخلف

التخلف علميا اهوا موجود وفي ناس فعلا فيهم تخلف عقلي او اضطرابات عقليه الله يكون بعونهم
ماعرف المعنى العلمي الدقيق له ، بس اتوقع راح ادرسه مع الايام ، وعلى فكره التخلف مو بس يقتصر على الانسان بروحه ، التخلف قد يصيب مجتمع بأكمله : ) ، او يصيب فئه من الناس ، يعتقدون انهم على حق ولكن بالواقع اهما " متخلفين "
وفي ناس تمثل انها متخلفه < اللهم لك الحمدوالشكر ، ما امتلك تعريف علمي دقيق ست بسمه للتخلف ، نطريني على سنوات التخرج واجاوبج اقين p;

Miss Sarah
03-05-2012, 04:54 PM
يا الله استعد :)
من أحب الناس إليك ؟
. من الصديق الوفي برأيك ؟
. لو ألفت كتاباً ماذا سيكون عنوانه ؟
. ماهو السر الذي ستقوله الآن ؟
. من الأصدقاء الذين تخليت عنهم ؟
. ما هو أهم انجاز في حياتك ؟
. ما هو اقرب انجاز لك ؟
. ما هو اسعد يوم في حياتك ؟
. ماذا تحب ؟
. مالذي لا تحبه اطلاقاً ؟
. مالعمل الذي تستمتع به لآخر درجة ؟
مالحلم الذي كنت تحلم به منذ الصغر ؟
مو جني مصختها شوي خلااااااص مرااااح اسأل احس انه اسألتي وااااايد :$

No.Bc
03-05-2012, 04:56 PM
شلون الكرسي ؟
ترا حاس فيك :').

FACELESS
03-05-2012, 05:02 PM
متى تخلص مدة قعدتك بالكرسي؟
منو حاط في بالك ان ودك تقعده وراك؟
اصعب سؤال انسألت فيه بهالموضوع؟
في سؤال أحرجك؟

ابـراهيم
03-05-2012, 05:05 PM
يا الله استعد :)

هههههههههه استعديت p;

من أحب الناس إليك ؟
الي يحبوني ، والي يشابهوني بالاطباع ، واميييي :*

. من الصديق الوفي برأيك ؟
اتوقع الاصدقاء الحقيقيون اهما الي يظلون وياك " للأبد " هذيله اهما الاوفياء الي ما يخلونك بأي وقت : )

. لو ألفت كتاباً ماذا سيكون عنوانه ؟
اسرار حياتي الشخصيه بين الطفوله وللنهايه المجهوله

. ماهو السر الذي ستقوله الآن ؟
" وايد اتسرع بخطواتي واتندم بعدين "

. من الأصدقاء الذين تخليت عنهم ؟
وايد ، اي شخص ما يستاهل رفجتي اتخله عنه : )

. ما هو أهم انجاز في حياتك ؟
وصولي للجامعه ، تخرجي من الثانويه بنسبه كنت راضي عنها

. ما هو اقرب انجاز لك ؟
اقرب انجاز لي ، اني دخلت الكليه الي احبها وابيها واقتنعت فيها


. ما هو اسعد يوم في حياتك ؟
اليوم الي اطلع فيه مع كل ربعي ونستانس مع بعض


. ماذا تحب ؟
احب كل شي p;


. مالذي لا تحبه اطلاقاً ؟
الي يجذبون @@

. مالعمل الذي تستمتع به لآخر درجة ؟
لما احد يمدحني ههههههههه استمتع وانا اسمعه P:
بس مو يمدحني على ولا شي !
لا ، لما مثلا اكون طلعت الاول بالدراسه ، والدكتور يمدحني على هالشغله ، اطييييييير من الوناسه اهني
تلاقين الابتسامه شاقه حلجي P:

مالحلم الذي كنت تحلم به منذ الصغر ؟
اصير دكتور اسنان P: ، واتوقع لو اموت ما راح يصير هالشي P:

مو جني مصختها شوي خلااااااص مرااااح اسأل احس انه اسألتي وااااايد :$

لاااااااااااااااااااااااا
سألي بعد
بالعكس والله ترى مستانس عادي
اخذي راحتج بالاسأله

شلون الكرسي ؟
ترا حاس فيك :').


هههههههههههههههههههههه
الكرسي يونس p;
قاعد احاول اجاوب على كل الاسئله اول بأول
اذا عندك اي سؤال مني مناك ، لا تتردد ابدا ابدا p;



وروني اسألتكم الجريئه :cool:

ابـراهيم
03-05-2012, 05:07 PM
متى تخلص مدة قعدتك بالكرسي؟
منو حاط في بالك ان ودك تقعده وراك؟
اصعب سؤال انسألت فيه بهالموضوع؟
في سؤال أحرجك؟

تخلص مدة قعدتي بالكرسي اممممممممم
اتوقع هذا ثالث يوم ؟
يعني باجي تقريبا 4 ايام
اهيا المدة اسبوع
فحلليني كثر ما تقدرين P:

ودي اقعد المشرفه ساره ، او اقعدج انتي P: واوريج العذاب الحقيقي للأسأله P: اتوقع اني برد اسالج كل الاسئله الي سألتيني اياها P:

اصعب سؤال اممممممممممممم ، سؤال ساره يمكن ؟ مال المرأه والانثى ، انه فرق بين المرأه والانثى ، احس توهقت ماعرف شكتب ، بس بعدين طلعت باجابه شوي يعني تمشي الوضع p;

سؤال احرجني ، يس ، سؤال انتي سألتيني اياه ، بس ما راح اقولج اي واحد :x

FACELESS
03-05-2012, 05:13 PM
ليش ما راح تقول اي واحد؟

بسأل أسئله عشوائيه

انت شخص كتوم؟

في مره حسيت ان فيك انفصام؟ و متى؟

شنو أجرأ شي ممكن تسويه؟

ابـراهيم
03-05-2012, 05:19 PM
ليش ما راح تقول اي واحد؟

بسأل أسئله عشوائيه

انت شخص كتوم؟

في مره حسيت ان فيك انفصام؟ و متى؟

شنو أجرأ شي ممكن تسويه؟



اكتم كلام واسرار غيري = يس
كتوم من ناحية مشاعري ، امممممممم يعني اسولف واقول بس مو حق اي شخص ، يعني اذا اعزه واحبه وادري بيسمعني ممكن اقوله
اما شخص ادري ما راح ينتبه لي وجذي لا والله ليش اعور قلبي


فيني انفصام ههههههههههههههههههههه لا الحمدلله p;

ممكن اسوي اي شي ايي ابالج ، اذا كنت بحالة " فصله "
عادي عادي جدا اسوي اي شي يخطر على بالج
خاصتا اذا لقيت تشجيع من الي حواليني P: واذا كانوا ربعي الي يشجعوني ، اعتبري الموضوع انتهى P:
بس طبعا الاشياء الي تنافي الاخلاق والمليقه والتافهه والسخيفه ما راح اسويها حتى لو كنت فاصل

FACELESS
03-05-2012, 05:33 PM
ترجملي احساسك الحين؟

اكثر سؤال انا قلته و كان مليق؟

صنفلي فئه من المجتمع تقدر تقول عنهم كلمة "عقد"

ابـراهيم
03-05-2012, 05:40 PM
ترجملي احساسك الحين؟

اكثر سؤال انا قلته و كان مليق؟

صنفلي فئه من المجتمع تقدر تقول عنهم كلمة "عقد"

احساسي عادي جدا
كل تفكيري بأمتحاني
حاس انه مافي وقت ، احس الوقت وايد ضيج
ودي شوي يكون الفتره اكثر للدراسه ..


سؤال مليق منج : ولا سؤال ، بالعكس وايد احب اسالتج ، حلوه وخفيفه ونايس
بس يمكن سؤال واحد P: الي كتبتلج اياه بالابيض فوق ^ ، ومسحته الحين ترى p: ، قريتيه ؟
واهوا مو سؤال مليق ! بس انا ما حبيته P: هههه ولا اهوا ترى سؤال عادي جدا

العقد : الي عبالهم كل شي ينحل بالطق والمشاكل والهواش والي يمشون ويتحرشون ويصرخون وهمج وفيهم تخلف بتصرفاتهم حمدلله والشكر والي نص معتقداتهم غلط بغلط واي شي يشوفونه يسبونه ويستعطبون عليه ويهلقون فيه ونظرتهم نظره تخلفيه للمجتمع ، عندهم اذا انتا مو همجي نفسهم ، معناتها انك مو عايش وياهم بعالمهم ، لازم تصير نفسهم جذي هيلقي وتفشل عمرك عشان تكون اوكي ريال بنظرهم ، اللهم لك الحمد والشكر
اكثر شي اكرهه بالعالم وبحياتي = العقد ، اتمنى يزولون من الدنيا ويختفون ، ودي يسوون مقابله شخصيه قبل الجامعه ، اذا انتا عقيدي ما تدش الجامعه

FACELESS
03-05-2012, 05:47 PM
شكلك وايد متعقد من سؤالي المليق اشدعوه p;

شنو نوع سيارتك؟

نوعك اذا ضاق خلقك بالليل تتمشى بالسياره؟
"لا تسألني شالسؤال ادري شكو فجأه"

ابـراهيم
03-05-2012, 05:51 PM
شكلك وايد متعقد من سؤالي المليق اشدعوه p;

شنو نوع سيارتك؟

نوعك اذا ضاق خلقك بالليل تتمشى بالسياره؟
"لا تسألني شالسؤال ادري شكو فجأه"


ههههههههههههههههههههههههه هه
لا مو متعقد لوووول p;
بس مادري شفيني علقت عليه بمخي ههههههه p;


نوع سيارتي للامانه وعشان اكون صريح وياج مو انا الي اخترته ترى
انا اول ما طلعت الليسن بنفس اليوم كنت ويا ابوي
وانصدمت صدمة عمري انه ابوي يايبلي سياره هديه للبيت !
فكانت صدمه كبيره بالنسبه لي ، وماعرفت شقول حق ابوي وسكت وتبلعمت وحبيت راسه ولميته حيل ، صج صج تأثرت بموقفه

التيما لونها احمر باب واحد موديل 2012
وطبعا مسكينه شكثر دعمت فيها وشكثر دخلتها الوكاله اصلحها وشكثر حكيت سيارات بيتنا فيها ، ما بقى مصيبه الا سويتها بسيارتي
بس الحين واااااااااااااااايد تحسنت سواقتي ، وقمت اعرف شلون اصفط واطلع " من غير ما ادعم " ههههه p;



اي نوعي اذا ضاق خلقي بليل وايد اطلع بسيارتي واتمشى واروح اي مكان اغير جو فيه
وااااااااااااايد احب اسمع اغاني بسيارتي وايد مو شويه
واذا كانت اغنيه ترقص مثلا واللحن مالها سريع وجذي ، عادي ادوس وافصل واعيش جو الاغنيه وارقص بيني وبين نفسي P:
واذا اغنيه حزينه ، ادوس شوي شوي واخذ الحاره الاخيره من الشارع واتبجبج ويا الاغنيه هههههههه p;

Bent Extra 3sal
03-05-2012, 05:55 PM
ماشالله عليك وايد صريح وشفـااااااف شخصيتك مميزه :)

امبيه في شغلات ماتنقال احسها شوي خصوصيه بس انت عادي تقولها وبالتفصيل بعد لووول :$

ابراهيم ودي تاخذ هالنصيحه مني اذا ممكن ؟؟ لا تكون وايد على نياتك

مو كل شي ينقال حلو مرات تكون ابعض الاجوبه صريح والبعض الآخر تكون غامض

ان شالله تاخذها بصدر الرحب وانا متأكده راح تاخذها من بعد ماتعرفت على شخصيتك :)

انزين بسأل سؤال واحد بس [Link nur für registrierte Benutzer sichtbar]

شنو رايك بتطبيق التكنولوجيا بجميع مدارس الكويت

(طبعا بكل شي مو بس من جانب واحد نفس ما اهما مسوين
وللاسف ماكو خطة مستقبليه حتى سلبياتها مو مفكرين فيها )

وشكرا مقدما

ابـراهيم
03-05-2012, 06:05 PM
ماشالله عليك وايد صريح وشفـااااااف شخصيتك مميزه :)

امبيه في شغلات ماتنقال احسها شوي خصوصيه بس انت عادي تقولها وبالتفصيل بعد لووول :$

ابراهيم ودي تاخذ هالنصيحه مني اذا ممكن ؟؟ لا تكون وايد على نياتك

مو كل شي ينقال حلو مرات تكون ابعض الاجوبه صريح والبعض الآخر تكون غامض

ان شالله تاخذها بصدر الرحب وانا متأكده راح تاخذها من بعد ماتعرفت على شخصيتك :)

انزين بسأل سؤال واحد بس [Link nur für registrierte Benutzer sichtbar]

شنو رايك بتطبيق التكنولوجيا بجميع مدارس الكويت

(طبعا بكل شي مو بس من جانب واحد نفس ما اهما مسوين
وللاسف ماكو خطة مستقبليه حتى سلبياتها مو مفكرين فيها )

وشكرا مقدما





احم احم
ثينكيو ثينكيو احرجتيني p;
مادري شكتبلج والله (F)

هههههههه ضحكتيني لما قلتي في اشياء ما تنقال انا اقولها وبالتفصيل بعد لوووووووووول p;


ان شاء الله ، نصيحتج على راسي من فوق (F)
وبالعكس كل نصيحه انا اتعلم منها ، ومشكوره على نصيحتج sis :)


بالنسبه لتطبيق التكنولوجيا
والله بيني وبينج انا ما حبيتها
كا احنا تخرجنا من غير تكنولوجيا ولا هم يحزنون
ووصلنا لأعلى المراتب وما فينا شي
يعني قبل فتره قالوا بيحطون ايباد مع فلاش مومري يكون اهوا الكتاب او شي جذي
وقالوا بيطبقونه على عاشر بس " هالحجي ايام الثانويه " ، السنه الي طافت <
بصراحه ما كنت ويا هالشي
يعني شلون ادرس من ايباد @@
اقرى الكتاب من الايباد مثلا ؟
شهالملاقه !
احنا متعودين كتاب ونخطط ونكتب ونستعمل ايدنا ونحركها ويصححون لنا المدرسين
انا احب الطرق التقليديه والبسيطه الي كلنا تربينا عليها
شنو ايباد ما ايباد بالدراسه ، اول شي يعور العين ، ثاني شي يبيله شحن بشكل مستمر
يعني مادري ما حبيت التكنولوجيا وايد
انا احب البساطه ، كل ما كان الشي بسيط بنظري ، كل ما حبيته اكثر واكثر واكثر
يعني خوفي باجر بالروضه ، يشيلون الالعاب ، ويحطون ايباد حق عيالنا يلعبون عليه !
وانا مو مع فكرة انه اشتري حق طفل صغير ياهل كلش ، ايباد خاص فيه حقه بروحه !
هذا صغير وعنده ايباد ، باجر لي كبر شنو يبي ؟ طياره خاصه فيه حقه بروحه يسافر باريس وروما وايطاليا بروحه ؟
احب التعليم البسيط الي تربينا عليه احب كتابنا ودفاترنا واقلامنا الي تعودنا نشتريهم قبل المدرسه


المختصر الشديد :
احب البساطه بالتعليم والهداوه : )

ابونواف القريفه
03-05-2012, 06:12 PM
ابراهيم والله دمك خفيف طبعا مثلي بس حتى انا ابي اسئلك الله يعينك لوسمحت قولي قصيده الاصمعي والكعك كعك بشوف تقدر وانا واثق فيك
صديقي واعرفك

ابـراهيم
03-05-2012, 06:22 PM
ابراهيم والله دمك خفيف طبعا مثلي بس حتى انا ابي اسئلك الله يعينك لوسمحت قولي قصيده الاصمعي والكعك كعك بشوف تقدر وانا واثق فيك
صديقي واعرفك



الللللللللللله بو نواف
منور منور الصفحه حبيبي :*

حبيبي دمي ودمك خفيفين p;
فديتنا والله P: ههههه


بالنسبه لسؤالك :

ههههههههههههههههههههههههه هههههههه

قبل ما اقول القصيده
بس بقولكم شغله بسيطه صغيييييييره

بالثانويه ناداني استاذ عبدالمقصود الله يذكره بالخير
استاذ اللغه العربيه مالنا بوقتها
قعدني عنده بالقسم
ويسلم علي ويكلمني بأسلوب محترم P:
فأخترعت
فقالي انه احنا اخترناك من بين الطلاب عشان تلقي قصيده بالطابور
اهوا قال جذي ، كنت شوي وانتحر
بغيت اقوله حبيبي استرييييييييييييييييييييي يح p;
قلت خل اشوف شنو القصيده ، يمكن اقدر اقولها وجذي
ولا يوريني القصيده ههههههههههههههه ، صج صج صج لا تعليق
كانت كع كع كع كع كع كلها تأتأه هههههههههههه p;
قلت حق استاذنا لو يصير زلزال بالدنيا ما طلعت قلتها بالطابور
واخير شي قالها بالطابور ولد مدرس عندنا بالمدرسه ، وكان مصري
والشباب اضغطوه ضغاط مسكين ، مع انه كان مأديها بشكل " تحفه "
بس انا شخصيا مستحيل اقولها بالطابور ههههه :$

نورت نورت يا بو نواف :*
اي اسأله ثانيه احنا حاضرين فديتك :*

منى العنزي
03-05-2012, 06:51 PM
ضضضضحكتني شغلتين :$

سالفه العقد وسالفه كعك كع

ابراهيم .. بكل المواضيع متواجد وترد حتى لو مالك مصلحه ومرات مجامله وترفع من معنويات صاحب الموضوع

وصار لك معارف بكل الاقسام

بعض الاعضاء يدش يسال سؤال وياخذ الجواب وخلاص ما يساعد والبعض يسأل ومحد يرد عليه

شنو تنصح الاعضاء بخصوص هالموضوع ؟ والمساعده ؟ من خبرتك .. باختصار يعني شنو احساسك لمن اترد ع الكل

هل مجامله او مساعده او او قولنا

كـوويـت
03-05-2012, 07:50 PM
ي للهوول حدي إنصدمت جم صفحةة :| و هذآ تووك آلله يعينك أمآ بسممه مآ قصرت أبدآ XD
< ترى مرآعيتك هآ علشآن تذكرهآ بعدين x:D لوووووول

نبدآ ع بركةة الله -.-<.<


- عضو تتمنى تتعرف عليه أكثر و تقوي علآقتك معآه ؟
- موضوع بآلمنتدى تحبه و دآيم تشآرك فيه ؟ < أدري كذآ موضوع
- صفآت تجذبك بآلمره ؟
- شلون تختآر ربعك ؟ ع أي أسآس ؟
- عضو عآجبتك صورته آلشخصيه و توقيعه ؟
- موقف إنصدمت منه و مآ نسيته ؟
- ششغله ندمت إنك سويتهآ ؟
- حلم ودك تحققه بس تحس إنك مآ تقدر ؟
- شي مآ تقدر تسآمح فيه أحد ؟
- جريمةة ودك ترتكبهآ XD ؟


بس كآفي مخي قففل و الله يوسع صدرك أكثر D=

Zlabya Zoz
03-05-2012, 09:14 PM
موقف كلما تتذكره تضحك, ,

وموقف كلما تتذكره تقول ياليت ماصار هالموقف, ,

ابـراهيم
03-05-2012, 09:59 PM
ضضضضحكتني شغلتين :$

سالفه العقد وسالفه كعك كع

ابراهيم .. بكل المواضيع متواجد وترد حتى لو مالك مصلحه ومرات مجامله وترفع من معنويات صاحب الموضوع

وصار لك معارف بكل الاقسام

بعض الاعضاء يدش يسال سؤال وياخذ الجواب وخلاص ما يساعد والبعض يسأل ومحد يرد عليه

شنو تنصح الاعضاء بخصوص هالموضوع ؟ والمساعده ؟ من خبرتك .. باختصار يعني شنو احساسك لمن اترد ع الكل

هل مجامله او مساعده او او قولنا


ههههههههههههه
اي ترى اكره العقد P: ، الله يعينهم على نفسهم مساكين P:
والكعك كع حتى انا من اتذكرها اضحك x:D

اول شي
انا وايد احبكم كلكم بالمنتدى :)
واي شخص موجود بالمنتدى احب ادردش وياه واسولف وياه واضحك واخذ واعطي وياه ، استانس حيل بهالشي :)
فعشان جذي تلاقيني مرتز بكل مكان p; ، واحاول اتابع كل شي موجود بالمنتدى
وبالعكس اصلا المنتدى وايد اضاف لي بحياتي ، يعني تعلمت وايد اشياء عن البعثات وعن التربية الاساسيه والتطبيقي بشكل عام ، وتعلمت اكثر عن جامعة الكويت ، وعن وايد اشياء بالحياة العامه ، استفدت من خبرة كل شخص بالمنتدى ، الحمدلله

ولما ارد على الكل
انا اقولج ليش
لأنه انا مريت بهالمرحله ، لما سجلت بهالمنتدى حطيت مثلا سؤال ببالي
وتمنيت اي شخص يمر ويجاوب علي بأسرع وقت ممكن
يعني كان ودي الشيء كن فيكون ، يعني بمجرد اني حطيت السؤال تمنيت لو اي احد يفيدني بأي معلومه مني مناك اي شي
ولما لقيت الجواب ، طرت من الوناسه ! وارتحت من هم كنت شايله صج صج @@
فالحين لما اشوف اي احد مثلا يبي المساعده ، احسه نفس حالتي ! ودي اساعده بأي شي بأي معلومه ، حتى لو شي بسيط يمكن يخدمه مني مناك ، او يرفع من موضوعه عشان يشوفونه باجي الاعضاء
اتذكر مره قريت موضوع حق شخص بكلية العلوم بجامعة الكويت ، كان يطلب مساعده انه كل ما يحط الباسوورد ماله ، يطلعله انه غلط وجذي ، فأحتريت ما قدرت اساعده بشي ! ، قمت ودزيت مسج حق عضو ويانا بالمنتدى اهوا بكلية العلوم بعد فتوقعت عنده خبره ، وقلتله لو سمحت ولو ما عليك امر جان زين تساعد هذا العضو ، وجذي من هالكلام ، ودزيت له رابط الموضوع وفعلا ساعده ، فأستانست ، حسيت ضميري ارتاح نقط نقط P:
استمتع بالمساعده ، شعور حلو لما تنشكر لأنك ساعدت شخص ما \'v\'


قرقت وايد مو ؟ @^@



ي للهوول حدي إنصدمت جم صفحةة :| و هذآ تووك آلله يعينك أمآ بسممه مآ قصرت أبدآ XD
< ترى مرآعيتك هآ علشآن تذكرهآ بعدين x:D لوووووول

ههههههههههههههههههههههههه ههه

لا لا ما راح اراعيج بعدين
راح اوريج شغل الله
وحده بوحده :$
راح استلمج اول ما تقعدين على الكرسي ان شاء الله p;

نبدآ ع بركةة الله -.-<.<


- عضو تتمنى تتعرف عليه أكثر و تقوي علآقتك معآه ؟
امممممممممممممم ، مادري والله ، كل الاعضاء يمكن ؟ P:
صج صج ودي تكون علاقتي قويه بالكل
ماحب احد يستعمل معاي اسلوب رسمي ، او يكلمني ويخلي بينا حدود او يستحي مني
احب كل شي مباشر وعفوي p;

- موضوع بآلمنتدى تحبه و دآيم تشآرك فيه ؟ < أدري كذآ موضوع
امممممممممممممممم
احب الموضوع هذا :
[Link nur für registrierte Benutzer sichtbar]
اهني اكتب كل يوم شنو يصير معاي بالكليه P:
فأستانس اطلع كل الي بقلبي واقرق واكتب شنو صار وياي حرفيا لوول P:
حتى وانا بالكليه احفظ شنو الاشياء الي تصير وياي عشان لما ارجع ، اكتب كل شي صار بالتفصيل الممل P:
استانس لما ارد اقرى الموضوع من اول ويديد واشوف شنو صار معاي باليوم الفلاني ، وبشنو كنت افكر وشنو كان احساسي
يعني استمتع حيل بهالموضوع
اتوقع حتى لو خلص واتسكر الموضوع بعد ما يخلص الكورس الثاني
راح احتفظ بهالموضوع بالمفضله وبرد اقراه كل ما يضيق خلقي واشوف يومياتي : )


- صفآت تجذبك بآلمره ؟
طبيعيه جدا ، هاديه ، مختلفة بتفكيرها ، تلقائيه ومباشره برايها ، حبوبه حيل \'v\'


- شلون تختآر ربعك ؟ ع أي أسآس ؟
اذا كانوا يشابهوني بالافكار والتصرفات ويدفعوني للأحسن ، يعني على اساس شخصيتهم فقط لا غير ، اما الشكل وباجي الامور ما تهمني بتاتا


- عضو عآجبتك صورته آلشخصيه و توقيعه ؟
الصورة الشخصيه = بسمه ، الي كاتبه فيها never mind i'll find someone like you
التوقيع = سوسا المشرفه الاكاديميه ، لأنه احس انه صج صج الي بالصوره اهيا مسكينه :$
الله يعينها ويوفقها بكورس التخرج مالها ، ساعات ودي اسألها انه شلونج وشصار وياج ، بس احس انها كلش كلش مو فاضيه ، فأتراجع عن هالشي وانطرها تتخرج وابارك لها o;

- موقف إنصدمت منه و مآ نسيته ؟
امممممممم وايد فكرت بالاجابه ، بس مادري ماكو شي معين ببالي حاليا
انصدم من وايد اشياء بشكل يومي

- ششغله ندمت إنك سويتهآ ؟
اوووووووووووف عدي وخربطي ، امشي واتندم

- حلم ودك تحققه بس تحس إنك مآ تقدر ؟
اصير مليونير ؟


- شي مآ تقدر تسآمح فيه أحد ؟

عادي اسامح على كل شي ، بس اخذ بخاطري من " بعض الاشياء " مو كلها
يعني اسامح وانسى عادي
بس انه في اشياء اسامح فيها بس هم تظل حازه بخاطري ومضايقتني من داخلي يعني

- جريمةة ودك ترتكبهآ XD ؟
اقتل دكتوري

بس كآفي مخي قففل و الله يوسع صدرك أكثر D=

هههههههههههه شكرا شكرا
ناطر اسالتج الباجيه اذا في بعد p;

موقف كلما تتذكره تضحك, ,

اممممممممممممممممممم
من زمان مو ضاحك حيل ومن قلب تصدقين ؟
ويت اتذكر شوي موقف يضحك امممممممممم

تصدقين ماكو :$
ماكو ولا اي شي ببالي يضحك الحين :$
الظاهر هذا من تأثير الدراسه ، الدراسه مخليتني ما اتذكر ولا شي يضحك p;

وموقف كلما تتذكره تقول ياليت ماصار هالموقف, ,

كنت بمقابله تلفزيونه
مو مقابله مقابله يعني ، نفس لقاء سريع
لما ياخذون اراء الناس بشكل سريع
فأنا طلعت وقلت كلام ، حسيته " وايد بايخ " ومو اهوا الكلام الي انا كنت بقوله او الي كنت بوصله
فكرهت عمري ، وتمنيت هالموقف ما صار !

FACELESS
03-05-2012, 10:45 PM
تحس نفسك انسان راعي هبّات؟
شنو آخر شي هبّيت فيه؟

ابـراهيم
04-05-2012, 01:26 AM
تحس نفسك انسان راعي هبّات؟
شنو آخر شي هبّيت فيه؟

لا
كلش مو راعي هبات
بس اذا شي حلو وعجبني وانا ابيه ، " مو عشان الناس هبت فيه " لا ، عشان انا ابيه وحبيته راح اشتريه

اخير شي هبيت فيه اممممممممم
ماكو !
اقولج شغله اصدمج فيها ؟
توني اشتري ايفون P:
عقب ما خلاص الناس غيروه وزهقوا وكسروه
انا توني اشتريه
لأنه توني احس اني احتاجه هههههههههه p;

FACELESS
04-05-2012, 01:29 AM
اخر يوم فاينال عندك متى؟

بما ان انت على حد علمي عندك بريك بو ساعتين و ما تدري شتسوي فيه
مفكر الكورس الياي تاخذ محاضرات ما بينهم بريك؟

شالفرق بين البيبسي و الكولا؟ p;

سارا.93
04-05-2012, 01:32 AM
عآدي تضر غيرك عشآن مصلحتك ؟
تسآمح ولآ يتم في قلبك للأبد ؟
تصنف نفسك من أي فئه بالعآلم !؟
شنو اهم شي عندك بالدنيآ ؟ شيء مآدي مو معنوي ,
تعتقد انك انسآن نآجح ؟
محآفظ على صلآتك ولآ هه ؟
قلبك يجرك ولآ يمسكه عقلك !؟

ابـراهيم
04-05-2012, 01:41 AM
اخر يوم فاينال عندك متى؟

بما ان انت على حد علمي عندك بريك بو ساعتين و ما تدري شتسوي فيه
مفكر الكورس الياي تاخذ محاضرات ما بينهم بريك؟

شالفرق بين البيبسي و الكولا؟ p;

اخر يوم فاينل 2/6 انشالله وراح يكون علم نفس

صح بريك ساعتين @@
وعلى فكره ما كنت ابي جذي انا
صج صج اكره البريكات ومتعقد منهم
سكتي ايام الاداريه كان بريكي 3 ساعات ونص : ) لا تسأليني شلون كنت عايش
كنت من الصبح بالكليه وارد بيتنا عل 5 كنت شوي وانتحر @@ ما الوم نفسي لما سحبت اوراقي P:

مستحييييييييييييييييييييي يييييل ومستحيل ومستحيل ومستحيل اكرر الغلطه واخذ بريك فيه ساعتين بجدولي anymore
مستحيييييييييييل اسويها

الفرق بين البيبسي والكولا ، انه اثنينهم مستحيل اشربهم لو شنو يصير
متعقد منهم ، وماحبهم كلش ملش خير شر

عآدي تضر غيرك عشآن مصلحتك ؟
تسآمح ولآ يتم في قلبك للأبد ؟
تصنف نفسك من أي فئه بالعآلم !؟
شنو اهم شي عندك بالدنيآ ؟ شيء مآدي مو معنوي ,
تعتقد انك انسآن نآجح ؟
محآفظ على صلآتك ولآ هه ؟
قلبك يجرك ولآ يمسكه عقلك !؟


اهلييييييييييين ماما كيك مال الله p;

مستحيل اضر غيري عشان مصلحتي لو مهما كان

اسامح وانسى ، بس في اشياء تتم بقلبي وما تنسي !

اصنف نفسي من فئة العالم الي تشوف الحياة بنظره ايجابيه وحلوه شوي وطموحه نوعا ما p;

اهم شي عندي بالدنيا حاليا امي ، واني اتخرج بأمتياز مع مرتبة الشرف واصير استشاري نفسي ، بس شنو يعني مادي ومعنوي ترى ماعرف افرق بينهم وماعرف شنو اهما اصلا P: ، الي اعرفه مادي يعني شي ملموس مو ؟ مادري ترى لول اذا جوابي غلط قوليلي واصلح اجابتي

طبعا انسان ناجح : ) ولله الحمد يا رب

سؤال الصلاة : ماني من النوع الي ينافق ويجذب ويكتب انا اصلي واروح المسيد واقعد وافلم وابينلكم انه محد ملتزم كثري وانا من تحت لي تحت واخير شي لا صلاة ولا هم يحزنون ، بس بصراحه مادري ، ماحس انه من داخلي بجاوب على هالسؤال ، احس هالشي بيني وبين ربي ، وماحب احد يعرف فيه

قلبي يجرني ساعات ، بالنهايه وبالاخير عقلي راح يتحكم ويمسك زمام الامور بشكل صحيح ويوجهني بشكل صحيح : )

سارا.93
04-05-2012, 01:45 AM
^ منو ماما ؟ -_- ;p

إي ,
المآدي الشيء الملموس , مثل تلفون اهم سياره او سفره مثلآ ..
المعنوي مثلآ مثلآ اهم شي عندي الثقه
جذي يعني ..

وآعتذر اذآ آحرجتك . كآن سؤآل عفوي ,
sorry (F)

FACELESS
04-05-2012, 01:46 AM
شنو اللي يجرح ابراهيم؟

شنو اللي ينرفزك؟

هل انت من النوع اللي يتبع الاتيكيت اثناء الاكل؟

هل تعتبر نفسك انسان مثالي؟

ابـراهيم
04-05-2012, 01:54 AM
^ منو ماما ؟ -_- ;p

إي ,
المآدي الشيء الملموس , مثل تلفون اهم سياره او سفره مثلآ ..
المعنوي مثلآ مثلآ اهم شي عندي الثقه
جذي يعني ..

وآعتذر اذآ آحرجتك . كآن سؤآل عفوي ,
sorry (F)

انتي ماما P:
شوفي في باذخه ام الاوفات كله عندها اوف هالبنيه لوول < الله يذكرها بالخير
فسميتها ام الاوفات من اوفاتها

انتي ساره ام النصايح ، عشان جذي صار اسمج ماما ساره

ترى ماما ساره اهون من يدتي ساره @@ فقولي الحمدلله P: لووول p;

اهااااااااا اوكي المادي الملموس
امممممممممممم يمكن فوني ولاب توبي اهم شي ماديين عندي

لا بالعكس سؤالج جدا عادي ، انا الي اعتذر لأني ما حبيت اجاوب عليه ، ولا اهوا سؤال طبيعي ومافيه شي
sorry sorry mama


شنو اللي يجرح ابراهيم؟

شنو اللي ينرفزك؟

هل انت من النوع اللي يتبع الاتيكيت اثناء الاكل؟

هل تعتبر نفسك انسان مثالي؟

شي يجرحني امممممممممممم
مادري ، يمكن يجرحوني ربعي اذا خلوني
احس نقطة ضعفي اهما ربعي ، وايد اتأثر فيهم
يعني اهما لهم تأثير كبير علي : )
وانجرح اذا جرحوني ؟ !

شي ينرفزني ، ينرفزني لما واحد يجذب ويفلم على راسي او يستغفلني بشغله معينه او يستغلني بطريقه او باخرى وينرفزني لما واحد يتحرش بوحده ، ينرفزني لما شخص يفهمني غلط @@

اتبع الاتيكيت جدا جدا جدا جدا جدا جدا P: ، وارفض الطرق الهمجيه بالاكل ههههه p;
وماحب احد يطالعني لما اكل بعد p;

ما اعتبر نفسي انسان مثلي ، اسعى لها بشده :)

سارا.93
04-05-2012, 02:02 AM
بآذخه حبيبتي <3
آم الأوقآت ;p

آممممم ...
رآعي مزآج ؟؟ =\
روتينك وآحد ولآ على حسب مزآجك .. مزآجي يعني ؟

شيءء تفتخر فيه ؟
شنو استفدت وتعلّمت من آلمنتدى !

ابـراهيم
04-05-2012, 02:07 AM
بآذخه حبيبتي <3
آم الأوقآت ;p

آممممم ...
رآعي مزآج ؟؟ =\
روتينك وآحد ولآ على حسب مزآجك .. مزآجي يعني ؟

شيءء تفتخر فيه ؟
شنو استفدت وتعلّمت من آلمنتدى !


ههههههههههههه p;

مو وايد راعي مزاج ، تقريبا لا ..
روتيني مو واحد ، اذا حصلي اي شي ممكن اسويه
يعني مو روتيني اقعد واشرب واكل وانام وخلصنا
عادي اذا حصلتلي طلعه اطلع
اروح اخلص شغلي
اشوف ربعي وين
مني مناك ، هيك شغلات يعني
مو مزاجي لا ما اتوقع اني هيك

افتخر اني طالب بجامعة الكويت - كلية العلوم الاجتماعيه - تخصص علم نفس

استفدت وتعلمت من المنتدى
قولي شنو الي ما استفدته وتعلمته
اول شي تعلمت اني انضبط بمسؤولياتي الي تتوجه لي
تعلمت واستفدت " واااااااااااااااااااااااي د " شغلات من خبرات غيري بمجالات مو بس بالدراسه ، كذلك بالحياة اليوميه العاديه
وايد احب اتعلم من الناس الي اهني بالمنتدى
في اشياء ما كنت اعرفها خير شر ، عرفتها من خلال المنتدى
اشياء بالدراسه ، وبرى الدراسه بعد : )
صج صج احب المنتدى حيل ، واحسه جزء مني ، احلى شي بالمنتدى ، انه كلنا كلنا على قلب واحد ، كلنا نحب بعض ، وناسه :)

FACELESS
04-05-2012, 02:11 AM
لو بيدك تخترع اي شي شنو ودك يكون هالشي؟ و ليش؟

و بجذي تنتهي اسئلتي رسمياً p;

ابـراهيم
04-05-2012, 02:13 AM
^ لااااااااااااااااااااااا
افا ليش اخير سؤال ؟

لو بيدي اخترع شي
بخترع اله تخليج تسأليني بعد وبعد وبعد

عندج باجر والي بعده والي بعده ، سأليني كل يوم عالاقل فيهم سؤال سؤالين ، شدعوه انتهت رسميا p:

FACELESS
04-05-2012, 02:19 AM
Loool!!

لا بس ماكو اسئله خلصت و قاعده أألف اسئله عبيطه احس مالها داعي p;

ان شاء الله ماني سائله الا سؤال سنع طرى على بالي

ابـراهيم
04-05-2012, 02:21 AM
لوووول
لا عبيطه ولا شي

كل حسيتي اكو اي سؤال مني مناك

سألي p;

سارا.93
04-05-2012, 02:37 AM
اختآر عضو وتخيّل شكله شلون ؟ ;p

ابـراهيم
04-05-2012, 02:42 AM
^ ههههههههه

امممممممممممممممم
مادري منو اختار وهقتيني لول p;

اممممممممم
بختار حمني لتل انجل
احسه ضعيييييييييييييف حيييييل
على فكره مو احسه انه اهوا ضعيف ،،، متأكد هههه لانه مره قالي
وانا ودي اوصل لنفس ضعفه ! ، ودي اكون ضعيف حييييييييل يعني يكون وزني 50 !!!
ومو طويل ولا قصير بس مايل للطول اكثر
مادري ليش احسه اسمر @@
واسمر فاتح يعني سماره خفيف شوي
وعيونه وساع
وشعره مو طويل وايد وناعم شعره بعد
وشكله جذي كيوت وحبوب وبيبي فيس نوعا ما
هههههههههههه احس كل الي اتخيله غلط P: الله يستر لو يقرى كلامي هذا لووول p;

Miss Sarah
04-05-2012, 05:55 AM
احمممم احممم ترى انت قلت سئلي :p
ويكون بعلمك ترى هذول الاسئله شويه مقارنه للاسئله اللي رااح اسألك فيها بعد شوي :$
يالله نبدي

ما هي اجمل سنة في حياتك ؟
مالشيء الجيد فيك ولا يعرفه كثير من الناس ؟
كيف ينظر الناس لك؟
ما الموهبة التي كنت ترغب في امتلاكها ؟
خلال دقيقة واحدة ما هي أهم 10 أهداف في حياتك؟
ما أسعد شيء في طفولتك ؟
ما هي أجمل 5 كتب قرأتهم في حياتك ؟
لو اعطيت جائزة نوبل ففي أي مجال تحب ان تكون الجائزة ؟
لو كان لديك كل الوقت الكافي فماذا ستفعل ؟
لو كنت لوحدك بلا أي ادوات ويحق لك أن يكون لديك شيء واحد يسليك فما هو؟
ما السؤال الذي تحب أن يسألك الآخرون ؟
ما هو أكثر أمر مخيف حصل معك ؟
ماذا ستقدم للحياة؟
ما الذي فاق توقعاتك ولم تتوقع أن تفعله في يوم وفعلته؟
لو كنت شخصاً مشهوراً ماذا ستفعل؟ وبماذا تحب أن تنشهر به؟
ما الذي يثير فيك الحماس؟
بعد 100 سنة بماذا تحب أن تذكر؟
ما الشيء الذي تفعله وتنسى الوقت وأنت تؤديه؟
متى تستشير؟ ومتى لا تستشير؟
بماذا يحتاجك العالم؟
ما هي 3 ذكريات مفرحة بالنسبة لك؟
متى تلوم نفسك؟
ما الكلمات التي تقولها لنفسك وتحفزك كثيراً؟
بعد 10 سنوات أين ترى نفسك؟
ما هي حكمتك في الحياة؟
تراااا انا مستلمتك لحد يوم الثلاثاء والله يعينك بعد شوي اسئلتي بتكون اصعب :)

reese
04-05-2012, 11:41 AM
ربااااه كل هذا اسئلة الحمد الله انه مو امتحان :×

امم

تحب تسأل اسألة ؟

منو ابراهيم ؟

شنو اكثر شي ودك يختفي ؟

منو الاعضاء اللي قريبين لك بالمنتدى p:

في اعضاء بالمنتدى يصيرون لك أو تعرفهم بره المنتده ؟

شنو شعورك اول ما صرت مشرف XD ؟

من الاسئلة عرفت انك اصغر اخوانك p: اخوانك اللي اكبر منك شمسوين ابحياتك ؟

يستغلونك ؟ يخلونك تسوي اشيائهم ؟ يمسخرونك :× ؟ مايخلونك تسوي اللي تبي ؟

تسمع كلامهم ؟

موقف صارلك و تفشلت منه جدام الاهل o; ؟

موقف ما تتخيل انه يصيرلك ؟؟

اغرب شي صار ابحياتك ؟

و بس p: << كل مره اقول و بس و ارد اسأل :×

Zlabya Zoz
04-05-2012, 12:11 PM
انا اقرا الأسئله وأضحك ..

الله يعينك ابراهيم .. يارب لا تبليني x:D

بس انت مستانس:$


سؤال ,,

بناءاً على مقولة :: الجوع كافر ,,

فهل ,,

اذا كنت يوعان ومافي أكل تعصب !!


ههه

ابـراهيم
04-05-2012, 02:30 PM
احمممم احممم ترى انت قلت سئلي :p
ويكون بعلمك ترى هذول الاسئله شويه مقارنه للاسئله اللي رااح اسألك فيها بعد شوي :$
يالله نبدي

هههههههههههههههه
يا ويلي
فوق كل هذيله ؟ في بعد
هههههههههههههههه
الله يستر عيل

ما هي اجمل سنة في حياتك ؟

2010

مالشيء الجيد فيك ولا يعرفه كثير من الناس ؟
مافي شي ما يعرفونه الناس ، هههههههه ، امشي واتكلم عادي P:
بس بصراحه مو نوعي الي اقول انا فيني وانا فيني وانا كيت وكيت ، يعني عادي اي صفه زينه فيني ، تبين مع الايام ، وكذلك الشينه هم تبين مع الايام


كيف ينظر الناس لك؟
كيفهم عاد P: ، كل واحد ينظر بالنظره الي تعجبه وتريحه وشلون اهوا طريقة ادراكه للأمور -.-<.<

ما الموهبة التي كنت ترغب في امتلاكها ؟
الرسم ، ودي اصير رسام محترف ، او شاعر اقدر اعبر عن مشاعري بطريقه احترافيه
بس ما امتلك لا هذي ولا هذي o;

خلال دقيقة واحدة ما هي أهم 10 أهداف في حياتك؟
اتخرج بامتياز مع مرتبة الشرف
اكون شخص حبوب يحبونه كل الناس
اكمل ماجستير بتخصص علم النفس الاكلينيكي
افتحلي عياده خاصه فيني للأستشارات النفسيه
اذا ما صارت الي فوق ^ اكون معيد بالجامعه
اخلص دراسة الماده الي علي الحين وافتك منها جد جد @@

وبس P: مادري ما تستحضرني الاشياء الباجيه الحين لول p;


ما أسعد شيء في طفولتك ؟
اني كنت اركب العاب خطره واسوي اشياء جريئه ، بطلت اسويها بالوقت الحالي

ما هي أجمل 5 كتب قرأتهم في حياتك ؟
بصراحه وانا كبير ما قريت كتب وايد ، بس لما كنت صغير قريت كتب بس ضاع مني اساميهم
اتذكر انه كانوا يتكلمون عن الليل وخفايا الليل وشلون يتكون ويصير الليل ، وكنت احب اقرى قصص جحا o; ، والقصص الي تتعلق عن الاشياء النفسيه ، تقاطيع الوجه ، وتعابيره ، والمقاييس النفسيه وهيك شغلات


لو اعطيت جائزة نوبل ففي أي مجال تحب ان تكون الجائزة ؟
بيني وبين ماعرف حق شنو يعطونها :$ ، بس اعرف اسمها جائزة نوبل للسلام اعتقد مو ؟
فمادري ، بس المهم على شي استاهله ، لو شي انا غاش فيه او حسيت بطريقه او باخرى اني ما استهلها ما راح اروح واستلم هالجائزه

لو كان لديك كل الوقت الكافي فماذا ستفعل ؟
اووووووووووووووووووووووف
السؤال يه بمحله
ودي يكون عندي وقت طوووووووووووووووووووويل
حق الدراسه
جد جد مضغوط وقت الامتحان مع كمية الامتحان = ماني قادر اخلصه !
يعني مادري انا للحين ما شفت ولا احد تشكى من هالشي غيري
مادري هل انا بطيء بالدراسه او شنو بالضبط ! ماني عارف
بس صج صج محتاج للوقت جد مو غشمره : (
ودي يكون عندي وقت عالاقل اسبوع واحد بعد عشان يكفيني ادرس فيه :(


لو كنت لوحدك بلا أي ادوات ويحق لك أن يكون لديك شيء واحد يسليك فما هو؟
لاب توبي واذا يصير بعد فوني P:


ما السؤال الذي تحب أن يسألك الآخرون ؟
وين تدرس ؟ P:
افتخر اني طالب بجامعة الكويت p;

ما هو أكثر أمر مخيف حصل معك ؟
ههههههههههههه امممممممممممممم مادري ترى انا خواف P:
اكثر شي مخيف يوم الامتحان لووووول p;


ماذا ستقدم للحياة؟
كل الي اقدر اني اقدمه


ما الذي فاق توقعاتك ولم تتوقع أن تفعله في يوم وفعلته؟
اني اييب فوق الــ 95 بالثانويه ، وقدرت اييب اعلى ولله الحمد


لو كنت شخصاً مشهوراً ماذا ستفعل؟ وبماذا تحب أن تنشهر به؟
انشهر بدكتوراتي ، الي راح اسويه اني اكون متوااااااااضع لأقصى درجه ، ويمكن اعالج الكل بالمجان P:


ما الذي يثير فيك الحماس؟
ربعي اذا قررنا كلنا نسوي مصيبه P:

بعد 100 سنة بماذا تحب أن تذكر؟
ايام الثانويه

ما الشيء الذي تفعله وتنسى الوقت وأنت تؤديه؟
لما اكون قاعد عالمنتدى


متى تستشير؟ ومتى لا تستشير؟
استشير بكل وقت

بماذا يحتاجك العالم؟
راح يحتاجوني وااااااااااااايد اوادم لما اتخرج P: ، اصلا انا بعزمهم على العياده بترجاهم اييون عشان اعدل شوي من شخصياتهم وتفكيرهم


ما هي 3 ذكريات مفرحة بالنسبة لك؟
مافي شي معين ببالي الحين
امممممممممم
فرحة التخرج من الثانويه
فرحة دخولي الجامعه
فرحة اني كبرت P: ؟

متى تلوم نفسك؟
لما اغلط غلطه كبيره ، كنت ادري اني اقدر اتجنبها بس رحت وسويتها

ما الكلمات التي تقولها لنفسك وتحفزك كثيراً؟
اقدر ، انا اقوى من جذي ، الي سووها مو احسن مني


بعد 10 سنوات أين ترى نفسك؟
قاعد بمكتبي P: واستقبل الناس P:


ما هي حكمتك في الحياة؟
ما اتبع حكمه معينه ، عادي كل الحكم اتبعها P: اذا كانت تتعلق بشخصيتي او تتبع طريقة تفكيري


تراااا انا مستلمتك لحد يوم الثلاثاء والله يعينك بعد شوي اسئلتي بتكون اصعب :)


بس هذيله اسألتج P: ؟
شوووووووووووووووووووووووي ه P: !!!!
الي وراهم بليز P:

ربااااه كل هذا اسئلة الحمد الله انه مو امتحان :×

هههههههههههههههه شفتي شلون ، لا لا ترى الاسئله شويه < يقص على نفسه P:

امم

تحب تسأل اسألة ؟

يس وخاصتا اذا شخص بعرف عنه ، في ناس اتوقع راح استلمهم لو اقعدوا عالكرسي ، بس نطري علي شوي

منو ابراهيم ؟
شخص حبوب مسالم مسكين يكسر الخاطر ، يمكن اهوا اكثر انسان موخر عن المشاكل والبلاوي p:


شنو اكثر شي ودك يختفي ؟
ودي يختفون العقد من الحياة الدنيا

منو الاعضاء اللي قريبين لك بالمنتدى p:
الكل p: اي احد ايي ابالج قريب مني واتواصل وياه واستمتع وانا اتوصل وياه
احب اسأل عن الكل ، والي يسأل عني " لابد " اسأل عنه
وحتى الي ما يسأل ، احب انا اروح واسأل عنه : )


في اعضاء بالمنتدى يصيرون لك أو تعرفهم بره المنتده ؟
لا ، كنت مفكر اخلي بنت خالتي تشترك ، بس بعدين خفت لا خالتي تزفني وتقولي شحقه معلم بنتي عالمنتدى اهيا فاضيه حق دراستها ولا حق المنتدى :x
عاد جان اسكت p: ، لأنه اهيا تدرس هندسه معماريه ، فمسكينه مو محصله وقت حق الاب وهيك شغلات
ولا ودي تشترك معانا ، احب عقليتها وتفكيرها واحبها حيل اهيا وايد حبوبه



شنو شعورك اول ما صرت مشرف XD ؟
استاااااااااااااااااااانس ت P; ، ترى كنت متردد اول شي ، واستشرت سوسا بالموضوع ، واهيا شجعتنيييي تشجييييييييع كبييييييييييييييييييييييي يييير ، فخلتني اتشوق على الفكره ، وتخيلي بس استشرتها ولا تخليني مشرف من غير ما اقولها اوكي انا موافق :$ ، فأستانست وعجبني الوضع حيل ، حلو الاشراف ، يعلمج المسؤوليه يعني عرفتي



من الاسئلة عرفت انك اصغر اخوانك p: اخوانك اللي اكبر منك شمسوين ابحياتك ؟
يستغلونك ؟ يخلونك تسوي اشيائهم ؟ يمسخرونك :× ؟ مايخلونك تسوي اللي تبي ؟

ابدا ابدا ،وايد طيبين وزينين معاي وحبوبين حيل ، كلنا على قلب واحد بالبيت وكلنا متفهمين ونحب بعض
لما كنا صغار شطانه يهال وجذي ، بس الحين كل واحد شكبره p: وين يستغلوني وجذي
اصلا حتى اختي تستحي مني تقولي مثلا روح الجمعيه واشترلي اغراض او شي جذي
تدق وتطلب بأدب تام مسكينه p: عشان اوافق لوول P;


تسمع كلامهم ؟

مو دائما ، في اشياء اتعارض وياهم ، فأسوي الي براسي وما اسمه كلامهم " مرات مو دائما "

موقف صارلك و تفشلت منه جدام الاهل o; ؟

دعمت سيارة اختي الكبيره دعمه كبر راسي بس لا تعلمين احد زين بيني وبينج :x
وعلى فكره مو بس سيارة اختي ، كذلك اختي الثانيه ، وخالتي مره كانت يايه زايرتنا بالبيت ، عاد جان ادعم سيارتها بعد :$

ولهليوم خالتي كل ما تيي بيتنا تصفط بعييييييييييييييييييد عني p: تصير اهيا بقاره وانا بقاره
اصلا محد قام يصفط يمي ، الكل تعقد من سواقتي :$

موقف ما تتخيل انه يصيرلك ؟؟
امممممممممممممممم
مادري والله ، وايد اشياء يت ابالي من ورى هالسؤال
بس بفكر عدل وارد اجاوبج على هالسؤال
يمكن ما اتخيل اني اعيش من دون امي او ابوي ؟


اغرب شي صار ابحياتك ؟

لأول مره لأول مره لأول مره بحياتي كلها بقولج سر ما قلته حق ولا اي شخص ابدا ابدا بالمنتدى اهني ، ولأول مره بصرح بهالشي

اغرب شي صار بحياتي : اني سقطت بالفيزيا بعاشر @^@
واخير شي ، يعني اخير السنه اخير السنه نجحت فوق الحفه بدرجتين
وقلت اللهم لك الحمد ، عديت عاشر وعديت الفيزيا @^@
الله يرجع ايام الفيزيا يا رب

و بس p: << كل مره اقول و بس و ارد اسأل :×

اي اي سأليني بعد ترى وناسه \'v\'
ناطر اسألتج الباجيه P;


انا اقرا الأسئله وأضحك ..

الله يعينك ابراهيم .. يارب لا تبليني x:D

بس انت مستانس:$


سؤال ,,

بناءاً على مقولة :: الجوع كافر ,,

فهل ,,

اذا كنت يوعان ومافي أكل تعصب !!


ههه

ههههههههههههههههههههههههه هه
شفتي شلون P;
اعصب ؟ مسكينه انتي
يمكن انتحر
اقتل روحي
ادور اي شي اكله
انتي ما سمعتي الي يقول " اقرب طريق الى قلب الرجل معدته ؟ "
انا اتحدى اي رجل ينكر هالمقوله p:
مافي احلى من الاكل
ترى يوعتيني على هالسؤال لووووول P;


ناطر اسألتج الباجيه \'v\'

كـوويـت
04-05-2012, 03:07 PM
لوووووول مآشي مآشي أجل بستغل آلوقت و أششخلك أسئلةة :@



- شرآيك ببرآمج آلجآت آللي بآلتليفون مثل البآرلينقو و غيره ؟ و برآيك عآدي آلبنت تدخله أو لآ ؟
- متى تفكر بآلإرتبآط ؟ و تفكر فيه حآليآ أو لآ ؟
- أصدقآئك آلمقربين وآجد أو شويه ؟
- تقول كل أسرآرك آلخآصةة فيك لرفيجك آلقريب ؟
- جم دآمت أطول صدآقه لك ؟
- كل يوم تبطل آلمسن و تسولف ؟
- شنو آللي دآيم تستخدمه و شآغلك حيل ؟
- هل إنت من مدمني آلتليفون ؟ و تقدر مآ تستخدمه يوم كآمل ؟
- شي تفكر فيه كل يوم ؟ أو كل فتره تفكر فيه ؟
- تحب تجرب شي جديد ؟
- سيآرةة ودك تشتريهآ ؟
- تحب آلتقحيص ؟
- جم مرةة ختمت آلقرآن ؟
- تحسب ألف حسآب قبل لآ تسوي آلشغله ؟
- " آلعلم بآلصغر كآلنقش ع آلحجر " هل إنت مع هآلكلآم ؟
- لو عندك شهر كآمل فآضي شنو ودك تسوي فيه ؟
- مرآت تصآدق نآس و تطلع لك عيوبهم عقب سنين و تحس إنهم تغيروآ و تنفر منهم
أو تقطع علآقتك فيهم ؟ هل صآرلك هآلشي و شنو سويت ؟



< أعلمك بآقي بعد :$

ابـراهيم
04-05-2012, 03:26 PM
لوووووول مآشي مآشي أجل بستغل آلوقت و أششخلك أسئلةة :@

هههههههههههههههه اوكي p;

- شرآيك ببرآمج آلجآت آللي بآلتليفون مثل البآرلينقو و غيره ؟ و برآيك عآدي آلبنت تدخله أو لآ ؟
حلوه لتضييع الوقت ، صراحه مو مسجل بولا وحده فيهم انا شخصيا ، البنت عادي تدخله بغرض التسليه فقط ، اما الي يستغلونها بشكل خاطيء وسلبي ضد : )


- متى تفكر بآلإرتبآط ؟ و تفكر فيه حآليآ أو لآ ؟
ما افكر حاليا فيه ابدا ، مابي اظلم الشخص الي معاي ، اتوقع تفكيري منصب على دراستي اكثر من الاشياء الباجيه
افضل الارتباط بعد الدراسه ، عشان اكون متخرج وما تتطول فترة الارتباط ونختمها بزواج على طول : )

- أصدقآئك آلمقربين وآجد أو شويه ؟
شويه حيل

- تقول كل أسرآرك آلخآصةة فيك لرفيجك آلقريب ؟
عادي : ) بس في اسرار بطلت اقولهم ، قبل كنت اقول اي شي ايي ببالي ، الحين قمت افكر صح قبل ما اقول اي شي

- جم دآمت أطول صدآقه لك ؟
في صداقات من الروضه للحين ، وانه امي تعرف امه وجذي p;

- كل يوم تبطل آلمسن و تسولف ؟
الواتس اب يس p; ابطل واقرق وحتى المسن شغال واستمتع بالقرقه فيه p: اموت على السوالف بأي مكان كان لوول


- شنو آللي دآيم تستخدمه و شآغلك حيل ؟
المنتدى

- هل إنت من مدمني آلتليفون ؟ و تقدر مآ تستخدمه يوم كآمل ؟
مدمن قرقه بالتلفون ، عادي اقدر ما استخدمه اسبوع او شهر كامل ، ممكن استغني عنه يس

- شي تفكر فيه كل يوم ؟ أو كل فتره تفكر فيه ؟
متى اخلص هالكورس @@
متى اتخرج ؟ p:

- تحب تجرب شي جديد ؟
يس يس ، بس اخاف واتردد وايد


- سيآرةة ودك تشتريهآ ؟
كمارو ، موستنق p;

- تحب آلتقحيص ؟
هههههههههههه اي p: ، بس مو وايد يعني نادر جدا جدا جدا ما اسويه
يعني من اول ما سقت للحين بس قحصت مرتين
المره الاولى عشان كنت توني متعلم السالفه ومستانس عليها لووووول
المره الثانيه كانت معطيني سياره بديله حق سيارتي الاصليه
لأنه سيارتي الاصليه كانت بالوكاله ، فالسياره البديله كنت حدي مستانس عليها امشي واقحص فيها لوووول p:

- جم مرةة ختمت آلقرآن ؟
مره وحده برمضان

- تحسب ألف حسآب قبل لآ تسوي آلشغله ؟
في شغلات احسب لها مليون حساب ، في شغلات تلقائيه سريعه جدا اسويها بأقل من ثانيه وما افكر بعواقبها ابدا

- " آلعلم بآلصغر كآلنقش ع آلحجر " هل إنت مع هآلكلآم ؟
مابي اتفلسف p: ، ماعرف شنو معانته فبسكت p:
بس من خلال فهمي اتوقع يس مع

- لو عندك شهر كآمل فآضي شنو ودك تسوي فيه ؟
اريح فيه نفسي من الضغوط ! ادش نادي ، اخلي وزني 50 ! ، اسوي اي شي يونسني شخصيا !


- مرآت تصآدق نآس و تطلع لك عيوبهم عقب سنين و تحس إنهم تغيروآ و تنفر منهم
أو تقطع علآقتك فيهم ؟ هل صآرلك هآلشي و شنو سويت ؟

صارلي هالموقف
وصارلي مع ناس كنت مرافجهم 7 سنين : )
والحين ما يكلموني " بلا اسباب تخيلي "
بس عادي ، تعودت على هالحركات
ما سويت شي ، لانهم عزيزين علي ، ناطرهم يدقون ويعتذرون ، وراح اسامحهم من اول كلمة اسف يقولونها : )
بس بظل شايلها بقلبي ، وما راح انسى هالحركه ابدا : )
لأنه يتني فتره كنت صج صج محتاج هالانسان او هالناس بشكل عام الي خلوني يعني
وما لقيتهم يمي ، رغم انه انا ما تخليت عنهم ولا مره ، فليش القطاعه جذي بلا اسباب يعني !
شي يصدم الصراحه ويغث ..


< أعلمك بآقي بعد :$

كملي كملي مسمتمع بأسالتج صراحه : )

FACELESS
04-05-2012, 03:27 PM
عصرت مخي وطلعت سؤال ان شاء الله يكون أد المآآم p;

شي فاقده و لو رجعلك راح تكابر و ما تردله؟

ابـراهيم
04-05-2012, 03:30 PM
عصرت مخي وطلعت سؤال ان شاء الله يكون أد المآآم p;

شي فاقده و لو رجعلك راح تكابر و ما تردله؟


بسسسسسسسممممممممممممه P;
ولكم ولكم P;

مس يو SIS

ههههههههه كل اسألتج اد المآآم افا عليج

امممممممممم شي فاقده ولو يرجعلي راح اكابر

فاقد بيتنا القديم p:
فاقد غرفتي القديمه الي اهناك
بس لو يرجعلي كلللللللللش مابيه
حده خايس P: لووووووول الحمدلله طلعنا منه بس هههههههه

Anonymous
04-05-2012, 03:34 PM
OMG .. Aren't u drained from questions? ;p

May Alla Help u ..

Do u believe in Supernatural studies?

FACELESS
04-05-2012, 03:36 PM
على حظك مخي قام يشتغل عدل و طلع معاي سؤال ثاني p;

تأيد ان الواحد يخلي شغله حده حده
يعني عنده تسليم بعد اسبوعين بس كان عنده فراغ طول هالايام و ما بدا بشغله
و ما فكر يسويه الا قبل التسليم بيوم
هل تأيد هالشي؟

هل مادة علم النفس اللي انت ماخذها كمية الامتحان وايد؟؟؟
فيها قرقه وايد؟
*وحده تحاتي الكورس الياي* p;

كـوويـت
04-05-2012, 03:39 PM
- " آلعلم بآلصغر كآلنقش ع آلحجر " هل إنت مع هآلكلآم ؟
مابي اتفلسف p: ، ماعرف شنو معانته فبسكت p:
بس من خلال فهمي اتوقع يس مع



لووووول يعني آلشي آللي تتعلمه من و إنت صغير ينغرس فيك لين تكبر و يبقى معآك ع طول و بقلبك
علشآن جذي يقولون علموآ عيآلكم و إهم صغآر علشآن لآ كبروآ يكونون عآرفينهآ و تعودوآ ع هآلشي و منهآ هآلمقولةة ^^


س : لآحظت إنك أول مره تسمع حكم أو أمثآل أو مقولآت معروفه .. هل أهلك بآلبيت مآ يذكرون حكم أو أمثآل قدآمك ؟
أو هل إنت مو ملم بهآلششغله ؟

ابـراهيم
04-05-2012, 04:04 PM
OMG .. Aren't u drained from questions? ;p

May Alla Help u ..

Do u believe in Supernatural studies?


سوساااااااااااااااااااااا ااا
واخيرا شفناج P;
مس يو sis
فاقدينج والله ، ودي اسأل عنج ، بس احسج مشغوله كله اتخيلج قاعده بين 6000 كتاب ومو ملحقه تاكلين حتى p: ، مرات ودي ادزلج مسج واقولج ها شلونج شمسويه ، بعدين اقول لا لا اكيد ما عندها وقت تحك راسها خل اسكت وانطرها تتخرج بعدين اكلمها احسن لووول p:

بالنسبه للأساله بالعكس عادي حدي مستمع فيهم اصلا P;
صج انه عندي امتحان ولازم ادرس ، فلقيتلي وسيله تخليني اتهرب كل شوي من الدراسه لوول p:
وقاعد احاول اجاوب اول بأول عالاسأله عشان ما يتراكمون علي P;

ثانكس عالدعوه ، وانتي بعد الله يعينج بالدراسه SIS
P;

بالنسبه لسؤالج عشان اكون صريح وامين جدا جدا جدا وياج p:
الي صار اني فهمت كل شي
بس Supernatural studies ، هذي شنو ؟ p: لووول !
دشيت قوقل وطلعلي بترجمتهم الفاشله " دراسات خارق " < طبعا ما فهمت شي
لجأت حق احد الاشخاص بالمسجات وسألته برساله خاصه عن معنى الكلمه ، وقالي كذلك انه اهوا بعد ما يعرف لوووول P;

فممكن تشرحين لي وتوضحين لي اكثر عشان اجاوب
" على فكره ، كنت ناطر وجودج وسؤالج اهني ، SO حدي متشوق اني اجاوب على سؤالج بس وضحيلي اياه بليز P; "

على حظك مخي قام يشتغل عدل و طلع معاي سؤال ثاني p;

تأيد ان الواحد يخلي شغله حده حده
يعني عنده تسليم بعد اسبوعين بس كان عنده فراغ طول هالايام و ما بدا بشغله
و ما فكر يسويه الا قبل التسليم بيوم
هل تأيد هالشي؟

هل مادة علم النفس اللي انت ماخذها كمية الامتحان وايد؟؟؟
فيها قرقه وايد؟
*وحده تحاتي الكورس الياي* p;

ههههههههههههه زين زين الحمدلله انه اشتغل P;
شوفي قبل كنت اسوي جذي ، انه اشتغل حده حده وكنت انجح بهالشي ! واطلع بالنهايه بنتيجه حلوه
بس بالجامعه اكتشفت انه هالشي ما يصير @@
يبيلك تدرس قبلها بفتره ! @@
وانا صاير مالي خلق وكله متكيسل وكله مالي خلق ادرس وكله اتردد بالدراسه
واذا شديت حيلي كلش كلش درستلي 7 صفحات وتلوع جبدي خلاص اوقف وباجي اليوم اقضيه باللعب !
وباجر ارد ادرس نفس الشي بس 7 صفحات ، مادري شفيني @@


مادة علم نفس ، كمية الامتحان انا اشوفها وايد
اهيا عدد الصفحات مثلا يعني بكل فصل خل نقول 37 صفحه تقريبا
وفي فصول تكون 26 واقل يعني اقل شي صادفني فصل فيه 21 صفحه
واحنا ندرس بالمدتيرم الواحد 4 فصول
والفاينل يكون 5 فصول ..
اهوا عدد الصفحات " مو وايد وايد " بالطريقه الي تخيلتها من كلامي
بس انه الكميه الي بالصفحات نفسها وايده @@
يعني انا اقعد عالصفحه الوحده قرن كامل !
لأني انا ما اقرى الصفحه وافهمها وخلاص
اهوا صح الامتحان صح وغلط واختياري وجذي ، بس انا احفظ
يعني حتى لو تعريف احفظه ، بالله يه شي يلخبط مني مناك @@ شكاك حيل بهالسوالف فأضطر اني احفظ
عشان جذي صايره علي الكميه وايد : )
وطبعا مثل ما في صفحات اقعد عليها قرن كامل ، في صفحات تمر مرور الكرام ، يعني بس كلام بسيط وهيك فأقلبها بسرعه
ولا تنسين انه نص الكتاب لازم ينفهم ، ودكتورنا الله بالخير لا يشرح ولا هم يحزنون P:
فأنا اضطر افهم نفسي بنفسي ، حتى لو افهم نفسي غلط بس شسوي مجبور
الدكتور دائما يردد ويقول : الي مو فاهم يسألني ، والي فاهم اييني المكتب والي مو فاهم اداداددادادا
بس انا اتوقعين لي خلق اروح ؟ صح مالي خلق شدراج ! ، افضل افهم نفسي بنفسي p: < اسألج واجاوب على نفسي شرايج فيني P:

بس سجلي الماده ، حلوه ترى : ) ، راح تستفيدين منها بحياتج بواااااااااااايد اشياء " صج صج راح تستفيدين "
مستحيل تطلعين من الماده الا وانتي مستفيده منها بوايد اشياء بحياتج

علم الاجتماع على فكره اخف من علم النفس من ناحية الكميه ، خلصت دراسته بشكل سريع وبسيط ، بس مليقه الماده ما استفدت منها ولا شي بحياتي العامه




لووووول يعني آلشي آللي تتعلمه من و إنت صغير ينغرس فيك لين تكبر و يبقى معآك ع طول و بقلبك
علشآن جذي يقولون علموآ عيآلكم و إهم صغآر علشآن لآ كبروآ يكونون عآرفينهآ و تعودوآ ع هآلشي و منهآ هآلمقولةة ^^


س : لآحظت إنك أول مره تسمع حكم أو أمثآل أو مقولآت معروفه .. هل أهلك بآلبيت مآ يذكرون حكم أو أمثآل قدآمك ؟
أو هل إنت مو ملم بهآلششغله ؟

اها اوكي
دام جذي المقوله
لا بلى مع : )

بالعكس ابوي راعي الامثال ، وايد يتفلسف علي بهالسوالف ابوي لأنه يدري اني ماعرف ولا افهم فيها خير شر P;
بصراحه ما تهمني وايد P; ، مو من اهتماماتي الامثال والحكم وجذي ، يعني اقراهم عادي وافهم منهم ساعات ، بس في اشياء ما تهمني وايد ، فأطنشها p:

FACELESS
04-05-2012, 04:10 PM
دكتوركم ما يفهم؟ و مادحلياه بعد! p;

المهم يا الله سؤال بعد بس انت راح تكره السؤال :x

لاحظت ملاحظه خطيره..

ان انت حاط الصوره الرمزيه مادري الشخصيه صورة بنت لابسه نفنوف "صح ولا انا حوله"؟
ما تعتقد ان هالصوره بناتيه بعض الشيء؟

ابـراهيم
04-05-2012, 05:29 PM
دكتوركم ما يفهم؟ و مادحلياه بعد! p;

المهم يا الله سؤال بعد بس انت راح تكره السؤال :x

لاحظت ملاحظه خطيره..

ان انت حاط الصوره الرمزيه مادري الشخصيه صورة بنت لابسه نفنوف "صح ولا انا حوله"؟
ما تعتقد ان هالصوره بناتيه بعض الشيء؟


مادحلج اياه لسبب واحد P:
انه انتي قلتيلي بترفعين معدلج P: وما تهمج الماده كثر ما يهمج انج ترفعين المعدل صح ولا لا ؟ :$
ترى هذا كلامج انا مالي شغل P:
الدكتور بيعطي كل الكلاس كيرف 10 درجات
وما يحاسب عالغياب والحضور
المحاضره تبلش 11 ، انتي لو تيين 11 و 40 دقيقه ، راح يدخلج ويضحك بويهج ويقولج قعدي P:
ما يزف كلش ، الا نادر جدا جدا يقول جان نمتي ابيتكم بعد P: وبس بعدين عادي ما يهتم يكمل سوالفه
والكلاس يفتح النفس ، كله سوالف وضحك وغشمره بجو حلو
الدكتور راح يسولف لكم عن اشياء حلوه تستفيدين فيها برى المقرر
وساعات يشرح بين فتره وفتره ، ويطير لج بالفصول ! يعني تكونين متابعه معاه بالفصل الاول فجأه تحسين الموضوع تغير ؟! فتلاقين انه الدكتور وصل الفصل الثالث !!! :x
فراح تخلصون المنهج بسرعه P:
واذا حسكم متضايقين يعطيكم اوف p;
وبوقت الامتحان حتى لو انتي كنتي مو دارسه ، لازم تنجحين بالامتحان غصبا عليج !
لأنه في اسئله اشكره اشكره اشكره تقولج انا الاجابه اختاريني اختاريني تكفين
وفي اسئله معقده كلش ، يبيلها تفكير دقيق شوي ، وفي اسئله لها اجابتين صح ، عاد مادري شلون تحلين هالنوع من الاسئله P:
وعلى فكره الاسئله اهما نفسهم نفسهم ملوت 100000 سنه ، فأذا خذيتي عنده قوليلي عشان اقولج كل الاسئله الي راح اييبهم لج
وعلى فكره الدكتور يسجل الحضور والغياب بس جذي ، عبط ، اخير الفصل يلغي كل الغيابات ويقولكم مافي غياب ولا شي : )

يعني كلاس ضحك وغشمره
كيرف 10 درجات زياده
ماكو حضور وغياب ، لو ما تحضرين طول عمرج ، بس تحضرين وقت الامتحانات ، عادي عنده
ماكو ولا ربع واجب : ) ، ولا بحث ، ولا تقرير ، ولا اي مجهود تسوينه ، المطلوب منج تحضرين الكلاس تضحكين تكركرين تجاملين الدكتور تمشين ، واذا ما تبين تداومين بعد كيفج :$

يعني باختصار شديد : اذا انتي من النوع الي يدرس من الكتاب وما يركز ويا الدكتور اخذي الماده : ) ، اذا تبين الماده بحث وتقارير وواجبات وتبين تفهمين الماده صح وتحضرين كل يوم ، اخذيها عند غيره :$

" وعلى فكره الدكتور يكرر بكل محاضره ، اذا في شي مو مفهوم سألوني تعالولي المكتب ومن هالكلام ، يعني اذا في شي ما فهمتيه من الكتاب ، بسطي عنده بالمكتب p; "




بالعكس ما كرهت سؤالج ابدا ابدا p;
الصوره صح بناتيه اكثر مما اهيا رجوليه
احس انا الريال الوحيد الي يحط مثل هالصور P: لووول
بس انا ما اطالع الصوره بهالنظره
اطالعها من نظره اخرى p;
اعجبتني الصوره حيل ، شلون تايهه البنيه ومتعقده ويها اشكره ويه وحده معقده P: وشعرها كشه شويه من صوب معين ومبققه عيونها ولابسه اسود وغامضه ، حسيت صج صج صج انه هذي انا لما ادرس علم نفس لووول P:
ترى جذي ويهي الحين بالضبط بالضبط جذي مبقق عيوني ومتعقد من الدراسه p;
فحبيت الصوره ، اموت على هالنوعيه من الصور


ابي اسأله جريئه اكثر بليز P:

كـوويـت
04-05-2012, 05:49 PM
عُدت \'v\'



- برآيك شنو سلبيآت آلمنتدى ؟ و شنو آللي محتآج له آلمنتدى علشآن يتطور ؟
- أحلى دولةة زرتهآ ؟
- شي أو موقف بجيت منه حييل ؟
- أفضل قسم تشوفه بآلمنتدى ؟
- إعترآف ودك تقوله لشخص ؟
- شي يخطر ببآلك آلحين ؟
- هل ودك تنقد حيآةة نآس ؟ و هل مره سويتهآ ؟
- إذآ كرهت شخص هل تكرهه كره آلعمى لدرجةة تتمنى له آلموت ؟
- عمره صآرلك موقف طحت قدآم أحد مآ تعرفه و تفشلت ؟ و شنو سويت لووول :$
- تحب آلسهههر ؟
- هل تبدي آلمنتدى ع درآستك و إمتحآنآتك ؟ و ليشش تتهرب من آلدرآسه ؟
- هل إنت شخص ملول ؟ و هل تمل من آلنآس آللي معآك حتى و لو بس من أشيآءء معينه ؟



برجع مع أسئلةة ثآنيه مخي آليوم نششيط بس علشآن أشخلك بآلأسئلةة و أحلل قعدتك ع آلكرسي x:D

ابـراهيم
04-05-2012, 05:59 PM
عُدت \'v\'


ههههههههههههه ولكم اهلين اهلين



- برآيك شنو سلبيآت آلمنتدى ؟ و شنو آللي محتآج له آلمنتدى علشآن يتطور ؟
المنتدى ما فيه سلبيات ، انا اشوفه بيرفكت واحبه ، وانا اذا حبيت شي احس انه خالي من السلبيات تماما " حتى لو كان فيه سلبيات احس انه ماكو : ) "


- أحلى دولةة زرتهآ ؟
اصدمج ؟ ولا عمري سافرت !
امي وابوي واهلي سافروا لما كنت صغير مع كل بيتنا وكانوا بياخذوني وياهم بس انا فيني فوبيا طيارات وبجيت بجي لما كنت صغير بس عشان ما يسفروني لوول ، واخير شي قطوني بيت خالتي واهما سافروا وخلوني p; ، كان عندي اموت ولا اركب طياره وما زلت ترى اخاف ، بس اهوا خوف طبيعي لأني مو مجرب هالشي من قبل ، حاليا حدي متشوق على السفر ، وان شاء الله اسافر ، احس شعور ممتع صج صج ودي ! ، ادعيلي اسافر كووويت :(
وعلى فكره ، لما كبرت صار العكس ، قمت ابجي عشان اسافر هههه


- شي أو موقف بجيت منه حييل ؟
حاليا وانا كبير ، بجيت شوي على سالفة البعثه ، والحمدلله انها ما تمت يا ربي



- أفضل قسم تشوفه بآلمنتدى ؟
طبعااااااااااا قسمي الي انا مشرف عليه P: ، احب قسم الاخبار ، اتشقق لما احد يشارك فيه p; ، احب قسم النقاشات الاكاديميه العامه ، بعد لأني مشرف عليه p; ، احب قسم الترفيه والفرفشه لأني مشرف عليه ههه p;

- إعترآف ودك تقوله لشخص ؟
ودي اعترف حق جم شخص اني اكرهم ، بس ماقدر !

- شي يخطر ببآلك آلحين ؟
اني ادرس بعد شوي

- هل ودك تنقد حيآةة نآس ؟ و هل مره سويتهآ ؟
ويت عدلت ردي ، انقد يعني انقذ قصدج ؟
انه انقذ حياة شخص من شي معين ؟
ولا انتقد ؟ << يعني انقد على شخص من تصرفاته

وضحيلي سوري !
ترى جاوبت اجابه بعالم ثاني لووول وصلحتها الحين
وضحيلي خل ارد اجاوب ان شاء الله

- إذآ كرهت شخص هل تكرهه كره آلعمى لدرجةة تتمنى له آلموت ؟
اكره كره العمى اووووووووووووف ، ترى اعجبج بسوالف الكره انا ، عند الكره اوووف نمبر ون انا ، بس ما اتمنى الموت ، ساعات تخطر ببالي اني اتمنى الموت ، بس الدعوه ترجع لصاحبها ، فما ادعي بالموت كلش ملش


- عمره صآرلك موقف طحت قدآم أحد مآ تعرفه و تفشلت ؟ و شنو سويت لووول :$
طحت بالثانوية من اول الدري وصرخت طبعا لا شعوريا ، والي سويته اني قمت نظفت نفسي من الغبار وما كان هامني الناس الي كانوا قاعدين يضحكون ، كثر ما هامني اني ارد بيتنا واتسبح من الغبار الي حاشني والوصخ الي علي P:


- تحب آلسهههر ؟
اووووووووووف حدي ، احب اعاند النوم ، واصارع النوم غصب ، وما انام واظل صامد لأخر لحظه P:
يعني مرات احس بالنوم ، يعني الساعه 12 خلاص احس اني بنام تعبان ، بس اعاند واظل سهران وهالشي صار معاي امس ، وما نمت الا الساعه 4 الفير : )


- هل تبدي آلمنتدى ع درآستك و إمتحآنآتك ؟ و ليشش تتهرب من آلدرآسه ؟
حاليا هذا الي قاعد يصير ، اتهرب لأنه الكميه وايد ، فأدرس مثلا 5 صفحات واريح بعدها شوي واطقطق بالمنتدى واسلي وقتي ولما اخلص ، ارد اكمل دراستي ، يعني شوي شوي ادرس عشان ما احس بضغط كبير على نفسي


- هل إنت شخص ملول ؟ و هل تمل من آلنآس آللي معآك حتى و لو بس من أشيآءء معينه ؟
اي اتملل وايد ، عادي عادي اكون طالع ومستانس وفجأه يصيبني الملل ، امل من الناس الي معاي اذا اهما خلوني اتملل ، بمقدور الشخص الي جدامي يخليني ما احس اني اتملل ، وبمقدوره بنفس الوقت انه يخليني اتملل منه بسرعه


برجع مع أسئلةة ثآنيه مخي آليوم نششيط بس علشآن أشخلك بآلأسئلةة و أحلل قعدتك ع آلكرسي x:D

عاش مخ كوووووووووويت عاااااااااااش p;
كملي كملي p;

Miss Sarah
04-05-2012, 06:03 PM
ترااااا ما في سؤال مااا انسئلت فيه الصراحه الله يعينك :$
قاعده افكر بالاسئله حق بعد شوي :)

قطعة فحم وجدار نظيف ماذا سترسم عليه؟وماذا ستكتب تحت الصورة؟

لا اثق في ..........؟

لوكانوا سيعملون من قصة حياتك فيلم .. ماذا سيكون عنوانه؟

الحياة بكلمتين هي..........؟

كلمة اخيرة تبي تقولها.................؟

انا الحين مزاجي عجيييب يعني توقع اسأله اصعب من هذي>>>> انا قاعده و اهدد لوووول :p

FACELESS
04-05-2012, 06:04 PM
يمه بسم الله كتبت ألف سطر عشان بس قلت كلمه عن الدكتور @@
لوول
تبي أسئله جريئه شلون يعني؟

انت من النوع اللي تحب تتواصل مع اهلك
يعني لازم تروح كل زواره؟
ولا ما تحب هالسوالف؟

تعرف تحدد شنو اهي شخصيتي بكلمه وحده؟
و اشدد على كلمه وحده مو مليون سطر p;

آزهـآر ..*
04-05-2012, 06:04 PM
ابراهيم قبل اسمك كان بالانقلش ليش حطيته بالعربي ! :PD

قلت الاسئلة مو ؟!
>:p

كـوويـت
04-05-2012, 06:14 PM
لووول عآديي عآدي ع آلسفر إن شاء الله تسآفر قريبب :$$

- هل ودك تنقد حيآةة نآس ؟ و هل مره سويتهآ ؟
اي ودي ، وانتقدت ربعي على كذا شغله يسوونها ، وبيني بينج انتقدتهم بطريقه جارحه وكنت ماحب استعمل هالاسلوب بش عشان يبطلون الحركات الي يسونها ، وكل ما بغوا يسوونها يتذكروني ويتذكرون انا شلون جرحتهم وما يسوونها مره ثانيه : )



لوووووول تدري إني غلطت بحرف بآلسؤآل و غير معنآه فوق تحت و إنصدمت من جوآبك لين جيكت ع آلسؤآل :$
و آلسؤآل كآن

- هل ودك ( تنقذ ) حيآةة نآس ؟ و هل مره سويتهآ ؟
+
- عمرك طحت من آلسرير و إنت نآيم ؟
- تحب آلدرآسسه حيل ؟
- هل إنت من نظآم آللي 24 سآعه مآسك آلكتآب و يآكله أكل ؟ x:D
- أكثر شخص تفكر فيه ؟ و مآ يغيب عن بآلك ؟
- أكثر مكآن ترتآح فيه ؟

- هآلكلمآت لمنو تقولهآ :
- جرحتني ......
- أكرهك ......
- أتمنى ترد .......
- محتآجك .......
- الله لآ يردك .....
- مشتآق لك ......
- إنت كل شي بحيآتي .....
- الله لآ يفرقنآ ......
- مآ نسيتك .....


بس أحس قآعدين نضغطك أسئلةة و ورآك إممتحآن بس ترى آليوم آلجمعه ي شآطر x:D





لوووووووول ع تشجيعك جبت آلعيد لنفسك x:D

ابـراهيم
04-05-2012, 06:15 PM
ترااااا ما في سؤال مااا انسئلت فيه الصراحه الله يعينك :$
قاعده افكر بالاسئله حق بعد شوي :)

هههههههههههههه
شفتي شلون
انكرفت نقط نقط كبار p;
بس عادي وناسه



قطعة فحم وجدار نظيف ماذا سترسم عليه؟وماذا ستكتب تحت الصورة؟
برسم ويه انسان شعره اسود غامج طويل ومو ممشطه عدل ، معفوس شوي ويهه ، عيونه طالعين لي برى ، شفايفه مبطله جنه قاعد يصارخ ، وحليو شوي P:
وبكتب تحت الصوره

" اجواء الامتحانات "


لا اثق في ..........؟

شخص كنت مقروص منه من قبل

لوكانوا سيعملون من قصة حياتك فيلم .. ماذا سيكون عنوانه؟

اسرار من الطفوله حتى المراهقه


الحياة بكلمتين هي..........؟

حلوه حتى بصعوبتها


كلمة اخيرة تبي تقولها.................؟

love u all
p;


انا الحين مزاجي عجيييب يعني توقع اسأله اصعب من هذي>>>> انا قاعده و اهدد لوووول :p


لووووووووووووول سألي كثر ما تبين
ناطر الباجي p;

يمه بسم الله كتبت ألف سطر عشان بس قلت كلمه عن الدكتور @@
لوول
تبي أسئله جريئه شلون يعني؟

انت من النوع اللي تحب تتواصل مع اهلك
يعني لازم تروح كل زواره؟
ولا ما تحب هالسوالف؟

تعرف تحدد شنو اهي شخصيتي بكلمه وحده؟
و اشدد على كلمه وحده مو مليون سطر p;

هههههههههههههههه
لا لا عشان مو باجر تسجلين عند الدكتور ، وتقولين ابراهيم وهقني وماقالي جذي P:
وتعصبين علي بعدين ، عاد احسج عصبيه بهالمواقف مادري ليش لووول ، فخايف منج مابي تزفيني بعدين P: ، فقاعد اقولج من الحين كل شي بالتفصيل عن الدكتور


اتواصل مع اهلي
مو كل زواره ، لو حصلتلي زواره " وقدرت " اني اروح ، راح اروح
بس اليوم اهلي رايحين زواره ، وانا بدرس حق امتحاني ، فما رحت ..

ههههههههههههه
ليش عاد كلمه وحده ؟
صعبه علي كلمه وحده P: اوووووووووف عقدتيني
لو معطتني مجال اكتب تعبير كان احسن

بس بكلمه وحده

" جريئه وعاقله بنفس الوقت " << هذي كلمه وحده ترى اوكي :x بس انه مقسمه الكلمه الوحده حق اجزاء معينه فهمتي ؟ :x


ابراهيم قبل اسمك كان بالانقلش ليش حطيته بالعربي ! :PD

قلت الاسئلة مو ؟!
>:p

هههههههههههههههه
سؤال حلو بالعكس p;

كان بالانقلش حسيته سخيف شوي ، ومو الكل راح يقراه
اما لما يصير باللغه العربيه ، احس احسن ، احس الكل يقراه وبسرعه وواضح جذي ومبين وبارز
انا لو اشوف نك نيم طويل بالانجليزي او كلام شخص كاتب بالانجليزي او كلام انجليزي معرب وطويل ما التفتله وايد
يعني اوكي اقراه ، بس اقراه بتملل
اما لما يكون بالعربي ، اووف ارتاح ، اقراه بسرعه بسرعه ، متعود على القرايه السريعه بالعربي
اما الانجليزي لا ، اقرى بطيء
فأحب العربي P:

FACELESS
04-05-2012, 06:22 PM
ضحكتني الكلمه اللي قسمتها p;

و هل لي أن أسأل جريئه من اي ناحيه؟

لما تكون بمكان و اغلبه بنات تمر بسرعه عشان تطلع ولا عادي؟

لما تستحي يبين عليك؟ و شلون؟

لما تعصب شلون تهدي نفسك؟

ابـراهيم
04-05-2012, 06:24 PM
لووول عآديي عآدي ع آلسفر إن شاء الله تسآفر قريبب :$$



لوووووول تدري إني غلطت بحرف بآلسؤآل و غير معنآه فوق تحت و إنصدمت من جوآبك لين جيكت ع آلسؤآل :$
و آلسؤآل كآن


ههههههههههههههههههه
ترى عدلت ردي
وكان قلبي حاس انه في غلط
رديت سويت تعديل ، روحي شوفي التعديل الحين بالرد الي كتبت فيه اجابة اسألتج الي طافت p;
وكتبت انه وضحيلي وجذي فزين انج وضحتيلي عشان ارد اجاوبج

- هل ودك ( تنقذ ) حيآةة نآس ؟ و هل مره سويتهآ ؟

اكيد ودي ، يا ريت ، جان زين ، ولا مره صارت معاي ، او يمكن صارت معاي بس انا ناسي ؟ مادري يمكن ؟ ، بس حاليا بمخي اعتقد لا ..


- عمرك طحت من آلسرير و إنت نآيم ؟

ههههههههههههههههههههههه
اممممممممممممم لا p;
" اوشكت على الطيحه بس ما طحت لوووول p: من وين يه ابالج هالسؤال ، ليش حسيت من بعد هالسؤال انج كل يوم تطيحين لووول p;

- تحب آلدرآسسه حيل ؟
اذا شي احبه ، يس اكيد احب دراسته ، واحب اتفوق بعد بدراستي p;

- هل إنت من نظآم آللي 24 سآعه مآسك آلكتآب و يآكله أكل ؟ x:d
مو 24 ساعه امسكه
بس اذا مسكته احب اكله ، احب استفيد منه ، في اشياء ساعات اطوفها واكنسلها واقول مالي خلق ادرسها ، بعدين اقول ها ! ، لا لا ، خل ادرسه بالله يه بالامتحان شلون @@ ، فأخاف كله اطمح للدرجه الكامله : )

- أكثر شخص تفكر فيه ؟ و مآ يغيب عن بآلك ؟
مافي احد


- أكثر مكآن ترتآح فيه ؟
بيتنا ، فراشي ، داري


- هآلكلمآت لمنو تقولهآ :
- جرحتني ......
شخص من ربعي

- أكرهك ......
ههههههههههههههه واااااااااااااايد ناس p:


- أتمنى ترد .......
شخص من ربعي بعد p:

- محتآجك .......
شخص من ربعي كذلك p:


- الله لآ يردك .....
ههههههههههههه هم شخص من ربعي p:


- مشتآق لك ......
مشتاق حق سوسا بالمنتدى ، واليوم مشتاق حق ماما ساره ، فاقدين مشاركاتها اليوم !

- إنت كل شي بحيآتي .....
اممممممم ماماتي p;


- الله لآ يفرقنآ ......
كل اعضاء المنتدى :$


- مآ نسيتك .....
امممممممممممم اي صح ! مشتاق حق المشرفه الي معاي بقسم الاخبار والنقاشات جوجو ، صج صج ما نسيتها ، مشتاقلها ، مادري وينها : ( ، جان زين ترجع تشارك ويانا ، فقدتها صج صج ما نسيتها ، عساها بخير بس (f)


بس أحس قآعدين نضغطك أسئلةة و ورآك إممتحآن بس ترى آليوم آلجمعه ي شآطر x:d





لوووووووول ع تشجيعك جبت آلعيد لنفسك x:d

هههههههههههههههههه

بس هذي اسالتج ؟

شوووووووووووووويه p:

ابـراهيم
04-05-2012, 06:32 PM
ضحكتني الكلمه اللي قسمتها p;

و هل لي أن أسأل جريئه من اي ناحيه؟

لما تكون بمكان و اغلبه بنات تمر بسرعه عشان تطلع ولا عادي؟

لما تستحي يبين عليك؟ و شلون؟

لما تعصب شلون تهدي نفسك؟

ههههههههههههه


اممممممممم جريئه من كل النواحي ، اي ناحيه اتيي ابالج احس انج جريئه فيها ونشطه فيها وممكن تسوين وتشاركين فيها

امممممممممممم على حسب البنات ، في اماكن امر فيها بسرعه وماحب اطالع يمين يسار ، في اماكن اكون هادي وامشي شوي شوي وبركازه واطوف وعادي
ساعات افضل اني اتعامل مع العنصر النسائي اكثر من الرجالي
احس البنات هاديين ويركزون اكثر ، اما الشباب مندفعين ومنطلقين اكثر
يعني لو بروح حق المشرف الاجتماعي
افضل اروح حق " المشرفه الاجتماعيه " ، وفعلا ترى رحت لها هههههههه P:
وكان كله بنات داخل ، وتوهقت واستحيت شلون ادش ، فنطرت برى لين ما اطلعوا كل البنات ، وبعدين رزيت فيسي عند المشرفه
وترى قطتلي نغزه ، انه هالمكان مخصص حق البنات ولازم تروح عند المشرف
بس كانت نغزتها جدااااااااااااااااا ذرررررررربه ، وقالتلي انه عادي تخلصلي شغلي طول ما انه اهوا بالكمبيوتر وجذي

توقعين المره اليايه راح اروح عند المشرف ولا المشرفه ؟ ، صح المشرفه شدراج !


استحي اممممممممم اي يمكن يبين ، اتبلعم ساعات ، اتوهق ماعرف شقول ، اتردد بكلامي ، وبعدين عادي اقول حق الشخص الي جدامي ، ترى احرجتني P: انه بس خلاص اسكت لووول P: قاعد تخليني استحي ترى P: وهيك شغلات p;

اذا عصبت شلون اهدي نفسي ، اسمع اغاني ؟ اطقطق بفوني ، اسوي اي شي يلهيني عن العصبيه الي انا فيها
او مثلا اذا معصب من موقف
ارتاح نفسيا لما اقوله حق شخص ثاني
يعني مثلا انا معصب انه دكتور علم الاجتماع غايب
اكون معصب صج صج انه طاق طريج ومتعني حقه واهوا غايب فأحتر
فأدق على امي اقولها تصدقين الدكتور غايب ، واقعد اسب الدكتور شويه عند امي P: وامي مسكينه تستحمل وتسكت وتقولي اي اي ميخالف عاد اهني اهدى وخلاص
وبعدين اسمع اغاني بسيارتي وانسى كل الي صار
وارد البيت واكتبلكم بالموضوع انه ترى عصبت انه اهوا غايب ، واهني احس انه خلاص العصبية راحت بنسبة 100%

FACELESS
04-05-2012, 06:42 PM
ما اعجبتني كلمة جريئه من كل النواحي بس بمشيها..

اذا صج صج صج بتستغل وقتك صح شنو تسوي؟

و هل و انت الحين قاعد ترد عالسؤال متحسف عالوقت و ان المفروض تروح تدرس؟

كـوويـت
04-05-2012, 06:44 PM
و الله مو قلت بشخلك بآلأسئله جآن أدور و عجبني هآلسؤآل و سألتك إيآه وآلبآقين من مخي :$
هههههههههههه لآ الحمدلله و لآ مرةة طحت x:D

< تبي أسئلةة صعبه أووكي p:

- شنو آلفرق بين آلوآقع و آلحقيقةة ؟
- شنو آلفرق بين كلمةة ( لو ) و ( ي ليت ) ؟
- شنو آلشي آللي تفكر فيه و بسرعةة تشيله من بآلك ؟ و تكلم نفسك لآ مآ أسويه ووو... ؟
- شغلآت تتمنى إنهآ تتغير في مجتمعنآ ؟ < أدري وآجد و قول كثر مَ تبي xd
- هل تعتقد آلديموقرآطيةة في مجتمعنآ تعدت حدودهآ ؟ و ليشش ؟
- شلون تعرف إذآ كآن شخص معآك متضآيق منك ؟
- لو رفيجك آللي حيل معآه دآيمآ يتضآيق منك ! هل رآح تبعد عنه و تتركه ؟
- شنو تسوي لو تشوف صبي أو بنت بمجمع أو بمكآن عآم يصرخ ع مره كبيره أو عجوز مَ يعرفهآ ؟
تسكت و تمشي ؟ و لآ تتدخل ؟
- شنو آلفرق بين هآوي شغله معينه مثل : هآوي شعر ، و شآعر ؟ أو هآوي رسم و رسآم ؟


< عصرت مخي عصر و أقول يآرب إنهآ صعبه عليه :$

e m i n e m
04-05-2012, 06:47 PM
اخوي وحبيب قلبي ابراهيم

سؤال

شنو الشي الي خلاك تختار تخصصك واخترته على اي اساس


والسؤال الثاني

وين اتشوف نفسك بعد 10 اسنين من الحين

ابـراهيم
04-05-2012, 06:49 PM
ما اعجبتني كلمة جريئه من كل النواحي بس بمشيها..

اذا صج صج صج بتستغل وقتك صح شنو تسوي؟

و هل و انت الحين قاعد ترد عالسؤال متحسف عالوقت و ان المفروض تروح تدرس؟



لحظه شوي !
بوضح نقطه احسها انفهمت غلط
بكلمة جريئه كان قصدي جريئه بطريقه مؤدبه وعلميه وعقلانيه ولاحظي لما كتبت _ جريئه وعاقله بنفس الوقت _@@
مو قصدي جريئه بشكل ثاني او بأخر

يعني لو طلب منج برزنتيشن تقولينه جدام الكليه بكبرها P: عادي ! فيج جرأه من هالناحيه !
عندج جرأه بالمشاركه بمعرض مثلا ، تطرحين فيه افكارج بجرأه
جرأه بالنقاش مع شخص يتعارض مع افكارج
جرأه انج تناقشين الدكتور
جرأه بالحوار بشكل عام !

^ احساس انه فيج هالجرأه هذي

احس ماني قادر اوصلج طريقة الجرأه الي براسي !
يبا خلاص مو جريئه انتي بولا شي زين P:

انا كان قصدي جريئه + عاقله ابي ادمجهم مع بعض
يعني جريئه بعقليتج وافكارج ومشاركتج ، فهمتي حجيه ؟


ترى احس فيني حره ! احسج للحين ما فهمتي الي بقوله P:
ترى صج صج معصب P: ، لوووول فهمتي ولا اشرح بعد نقطتين عملاقتين كبار حدهم ؟
ترى عادي اكتبلج مليون سطر الحين P: بس فهمتي الي قلته فوق اي او لا ؟ ^


اذا بستغل وقتي بشكل صحيح
امممممممممممم ، يمكن راح ادرس بهالوقت p;


مو متحسف عالوقت ابدا
لأني قاعد استمتع وانا ارد عالاسئله
ولما بدرس بعد شوي هم راح تكون نفسيتي منفتحه عالدراسه لاني مو مضغوط فيها حيل
قاعد اريح نفسي اكبر قدر ممكن

انزين لحظه
فهمتي الحجي الي فوق ولا ابرر وافهمج بعد عدل ؟ P: ترى محتر انا شوي P:

ابـراهيم
04-05-2012, 07:01 PM
و الله مو قلت بشخلك بآلأسئله جآن أدور و عجبني هآلسؤآل و سألتك إيآه وآلبآقين من مخي :$
هههههههههههه لآ الحمدلله و لآ مرةة طحت x:D

لوووووووووووووول
زين نايس الحمدلله

< تبي أسئلةة صعبه أووكي p:

يالله نبلش بسم الله


- شنو آلفرق بين آلوآقع و آلحقيقةة ؟

هههههههههههههه
اصدميني اكثر بهالاسئله كويت P:
الواقع : امممممممممم شوفي
خل اقولج شغله
احنا ما نعيش الواقع نفس ما اهوا عليه
احنا نعيش الواقع على اساس ادراكنا للأمور
يعني انا ممكن ادرك انه الزقاير شي غلط مع ذلك ادخن لأنه باعتقادتي انه يريحني ويريح بالي ويخليني افكر صح
بس الواقع والحقيقه عكس هالشي تماما @@
فأنا احس انه محد يعيش الواقع والحقيقه نفس ما اهما ، الناس تعيش على اساس ادراكها للأمور وعلى اساس اهما شنو يبون يختارون وشلون ينتبهون للامور والي يشوفونه " صح " بنظرهم " اهما " مو بنظر الواقع والحقيقه : )

- شنو آلفرق بين كلمةة ( لو ) و ( ي ليت ) ؟
لو ويا ليت ؟
كويت شدراني P:
لو درست جان نجحت
يا ليت درست عشان انجح
اثنينهم للتمني هههههههه p;


- شنو آلشي آللي تفكر فيه و بسرعةة تشيله من بآلك ؟ و تكلم نفسك لآ مآ أسويه ووو... ؟
اقتل دكتوري ؟ لا لا ما اسويها حرام يكسر الخاطر ساعات

- شغلآت تتمنى إنهآ تتغير في مجتمعنآ ؟ < أدري وآجد و قول كثر مَ تبي xd
ودي اغير نظرات بعض الناس عن المجتمع الي اهما عايشين فيه
ودي اخلي الناس تبطل شغل ضغاط ومهزله وافكار وصخه
ودي اغير مجتمعنا بكبره اخليه يتفتح بشكل صحيح ، يغيرون نظرتهم للتطور !

- هل تعتقد آلديموقرآطيةة في مجتمعنآ تعدت حدودهآ ؟ و ليشش ؟
شنو الديموقراطيه عفوا ؟ P: ههههههههه
ترى ماعرفها لووول
الي اعرفه انه اهيا جنه تفتح بالاراء وانه كل واحد له حرية بالتعبير صح ؟
اذا صح قوليلي عشان اجاوب
واذا غلط قوليلي عشان اوضح اكثر !


- شلون تعرف إذآ كآن شخص معآك متضآيق منك ؟
ما يرد على تلفوناتي ، او يطول لما يرد على مسجاتي ، كلامه معاي قليل ورسمي وبسيط ، ما يضحك بويهي ، يتجنبني بشكل او بأخر ، وعلى فكره اول ما احس بهالشي ابتعد عن الشي تماما ، لين ما اهوا يرد يكلمني : ) واذا حسيت يبيني ارد اكلمه ، ارد ، ما يبي ، بالطقاق P:

- لو رفيجك آللي حيل معآه دآيمآ يتضآيق منك ! هل رآح تبعد عنه و تتركه ؟
لا بمسكه وبطقه وبكسر راسه بعد ، بقوله شفيك ؟ شسويتلك عشان تتضايق ؟ ما باجي الا اقطع روحي واعطيك اياها بعد عشان تستانس P: كل الي سويته لك ومتضايق بعد P: ههههه لا لا ما اتوقع ربعي يتضايقون مني : )

- شنو تسوي لو تشوف صبي أو بنت بمجمع أو بمكآن عآم يصرخ ع مره كبيره أو عجوز مَ يعرفهآ ؟
ابلغ الامن : ) واروح حق المره الكبيره واشوفها اذا تبي مساعده او شي من هالنوع ، بس بعد ما يوصلون السكيورتي

- شنو آلفرق بين هآوي شغله معينه مثل : هآوي شعر ، و شآعر ؟ أو هآوي رسم و رسآم ؟

هاوي الي مو مبدع فيها حيل حيل حيل
شاعر الي شاعر ومخلص مو يهوى الشعر وتوه يكتب فيه او مو توه يرسم لا رسام محترف يعني يكتب شعر او يرسم من زمان وعنده خبره


< عصرت مخي عصر و أقول يآرب إنهآ صعبه عليه :$


ههههههههههههههه
بس خلصت اسألتج ؟
شويه هالمره P:
اخوي وحبيب قلبي ابراهيم

سؤال

شنو الشي الي خلاك تختار تخصصك واخترته على اي اساس


والسؤال الثاني

وين اتشوف نفسك بعد 10 اسنين من الحين

اهليييييييييييييييين حبيبي امنم :*
منور منور وربي :*
يشرفني تواجدك اهني والله

الشي الي خلاني اختار تخصصي
معقوله ما سمعت القصه هههههههه ؟
عيل اسمعها للمره المليووووووووووووون الي اكتبها اهني


انا كنت بتخصص مو التخصص الي انا فيه الحين
ودشيت التخصص الي قبل تخصصي الحالي ، بس عشان مركز الوظيفه والمعاش بالنهايه
ولما كملت بالتخصص اكتشفت اني ما احبه ومو ميولي ابدا ، فقررت اسحب اوراقي
وفعلا سحبت ، وبعدها فكرت مليووووووووووون مره وين ادش لين ما قريت عن كل التخصصات
واكتشفت تخصص علم نفس ، وانا اعشق سوالف علم النفس ، اموووووووووت عليها
فما ترددت ولا للحظه اني ادش هالتخصص
وفعلا دشيته ومرتاااااااااح حدي وناوي اكمل فيه للأخر ان شاء الله
والحين لما احد يسألني شنو تدرس ؟
اجاوب بكل فخر " جامعة الكويت - كلية العلوم الاجتماعيه - علم نفس p;

اشوف نفسي بعد 10 سنين ، قاعد بمكتبي P: واييوني الناس عشان اعطيهم استشارات نفسيه p;
او يمكن معيد بالجامعه ؟
كل شي جايز p;
والي كاتبه ربك بيصير


نورت الصفحه امنم حبيب قلبي :*

FACELESS
04-05-2012, 07:16 PM
كلمة عتب توجها حق منو؟

تعرف تتعامل مع اليهال؟

كـوويـت
04-05-2012, 07:20 PM
و الله ضحكتني ههههههههههههههههه مو إنت تبي أسئلةة صعبه p:



- هل تعتقد آلديموقرآطيةة في مجتمعنآ تعدت حدودهآ ؟ و ليشش ؟
شنو الديموقراطيه عفوا ؟ p: ههههههههه
ترى ماعرفها لووول
الي اعرفه انه اهيا جنه تفتح بالاراء وانه كل واحد له حرية بالتعبير صح ؟
اذا صح قوليلي عشان اجاوب
واذا غلط قوليلي عشان اوضح اكثر !



صح إبرآهيم .. آلديموقرآطيه يعني لك آلحريه آلكآمله تقول آللي تبي
بس بحثت و لقيت إن آلديموقرآطيه هي حكم آلشعب نفسه بنفسه و يصوت للي يبي و جذي xd




..
.

lilAngel<3
04-05-2012, 07:20 PM
ابراهيم تدري كسرت خاطري علاسئله اللي انسألتها ؟ p;
لوووووول!!!
جد جد في اسئله مادري شلون قدرت تجاوب عليها
لو انا جان عصبت!
ليش؟ مادري p;
احس ماله شغل

وفي وايد اسئله حسيت انه انت كوبي & بيست مني p;
نفس التفكير بكل شي!!! لووول p;

اممم احس ماكو سؤال ما انسألته, حتى لو تلاحظ انه في أكثر من سؤال متكرر لوول!
وجاوبت نفس الاجابه بعد XD

امم اوكي p;

لو كنت علمي, و تخرجت .. شنو بدش ؟
عطني الكليات - التخصصات بالترتيب p; وليش؟
(اكتب على راحتك XD )

شنو أحسن بالنسبه لك جو الجامعه و لا لثانوي ؟ p;

اشتقت حق لمدرسه ؟

إذا إيي شنو أكثر شي اشتقت له ؟

شنو اكثر نسبه يبتها بلثانوي ؟

جم تعطي نفسك بال % :

بالانقلش ؟
و بالفرنسي؟


احلى سنه مرت عليك بالثانوي ؟


اتذكر انه قلت انقبلت بالاداريه و سحبت اوراقك منها عدل؟

لما طلع قبولك بالاداريه شصار فيك ؟ كانت رغبتك الاولى عدل؟؟

جم يوم داومت فيها ؟

شنو خذيت اول شي ( مواد و اذا تقدر دكاتره ) وعطنا رايك فيهم ؟

ليش سحبت اوراقك منها ؟؟

و لما سحبت اوراقك شنو كانت ردة فعل اهلك ؟

وهل ترددت بهالشي؟


شنو احلى لون عندك ؟


احلى سيارات؟ " عطني اكثر من سياره اذا تقدر " بشوف شنو تحب p;


احلى فنانين عندك تحب تسمع اغانيهم ؟ علشان اعرف شنو نوعك بالاغاني , قديم نظام نفس اللي عندنا بالمدرسه ههه , ولا انقلش, ولا مصري ولبناني وخليجي ولا شنو بالضبط عرفت p;


احلى اماكن بالكويت؟


و عندي سؤال احس كلش ماله شغل اوكي!
انت قلت انه اختك تدرس برا !

شمعنى اهي درست برا و انت ما رضو !

مع انها بنت!! شلون رضو اصلن ؟ لوول p;

وشنو درست بالضبط؟ علشان اعرف يسوى ولا لأ هههههه :$ XD



انت قلت انك شريت ايفون p;
شنو عجبك اكثر الايفون ولا البيبي ؟ XD وليش؟


احس لاسئله مادري شلون صايره بس هذا اللي طلع معاي بسرعه بسرعه p;
و بشوف اسئله مني مناك بسألك علشان نتعرف عليك اكثر هههههه :$

ابـراهيم
04-05-2012, 07:20 PM
كلمة عتب توجها حق منو؟

تعرف تتعامل مع اليهال؟

اوجهها حق نفسي ، اوجه كذلك حق نفسي : متى ناوي تدرس حبيبي ابراهيم ؟ الساعه 12 بليل ؟ P:

اممممممم اليهال مو كلهم
ساعات ودي اكلم اليهال بس ماعرف اطوع لغتي بحيث استخدمها مع الي يتناسب ويا قدراتهم العقليه :x
ماعرف ابسط كلامي عشان يفهمومه ، استعمل مفردات اكبر من عمرهم بوااااااااااااااايد !
بس استانس عليهم وعلى اشكالهم ، واحبهم ، ومن كتاب المدخل مال علم نفس ، تعلمت وااااااايد اشياء عنهم " وايد مو شويه "
وفي بعد عندي مقررات عن النمو والاطفال وايده بعلم النفس ، فكل ماله واتعلم شي يديد عنهم :*

منى العنزي
04-05-2012, 07:43 PM
اممممممم اليهال مو كلهم
ساعات ودي اكلم اليهال بس ماعرف اطوع لغتي بحيث استخدمها مع الي يتناسب ويا قدراتهم العقليه :x
ماعرف ابسط كلامي عشان يفهمومه ، استعمل مفردات اكبر من عمرهم بوااااااااااااااايد !
بس استانس عليهم وعلى اشكالهم ، واحبهم ، ومن كتاب المدخل مال علم نفس ، تعلمت وااااااايد اشياء عنهم " وايد مو شويه "
وفي بعد عندي مقررات عن النمو والاطفال وايده بعلم النفس ، فكل ماله واتعلم شي يديد عنهم :*

معلوومه حلووووه فعلا ..
الشي الي ماتعرفه ما راح اتعرف تتعامل معاه
الاطفال قبل ما احتك وياهم لكن لمن قمت ادرس عنهم والطفل والطفل مواد علم النفس والنمو .. الخ
صاروا يحبوني @^@ وواحبهم
لان افهمهم :)


كان ودي اسألك متى تدرس وهل حاس باحراج انك تطلع من المنتدى والموضوع نششط ؟
والعضو اللي بعدك هل تعتقد انه بتوصل له اساله كثرك من الاعضاء ؟
-.-<.<

مهند نصار
04-05-2012, 07:47 PM
صراحه الله يعينك ع الاسئله اضن ما ظل شي ينسال ما قصرو فيك انا احب بس اتابع هي المواضيع من بعيد
:)
:)

ابـراهيم
04-05-2012, 07:55 PM
و الله ضحكتني ههههههههههههههههه مو إنت تبي أسئلةة صعبه p:




صح إبرآهيم .. آلديموقرآطيه يعني لك آلحريه آلكآمله تقول آللي تبي
بس بحثت و لقيت إن آلديموقرآطيه هي حكم آلشعب نفسه بنفسه و يصوت للي يبي و جذي xd




..
.


هههههههههههه
امممممممم اها اوكي هذي الديموقراطيه
اي اي انا مع P:
عادي مع كل شي انا P:
حلو الواحد ياخذ حريته ويعبر عن رايه ويتكلم ويتحجى بس بحدود الادب والاحترام : )
ابراهيم تدري كسرت خاطري علاسئله اللي انسألتها ؟ p;
لوووووول!!!

لووووووووووووووووووول
حمنييييييييييييي :*
ترى في سؤال وصفتك فيه تدري ؟
قالولي اختار عضو واوصف شكله
عاد مادري منو اختار جان اختارك لوووووووول :$
ووصفتك نقط نقط
واتمنى لو انك ما تشوف وصفي لك x:D

جد جد في اسئله مادري شلون قدرت تجاوب عليها
لو انا جان عصبت!
ليش؟ مادري p;
احس ماله شغل

ههههههههههههه انا عادي p;
استقبل جميع انواع الاسأله ، اتز اوكي فور مي P:

وفي وايد اسئله حسيت انه انت كوبي & بيست مني p;
نفس التفكير بكل شي!!! لووول p;


لوووووووووول وناسه ، انا وياك نتشابه بالافكار من زمان خو p;

اممم احس ماكو سؤال ما انسألته, حتى لو تلاحظ انه في أكثر من سؤال متكرر لوول!
وجاوبت نفس الاجابه بعد XD

لووووووووووووول اي ترى ملاحظ هالشي بس عادي قاعد ارد اجاوب نفس الاجابات P:

امم اوكي p;

لو كنت علمي, و تخرجت .. شنو بدش ؟
عطني الكليات - التخصصات بالترتيب p; وليش؟
(اكتب على راحتك XD )

اول شي كنت بدش مركز العلوم الطبيه - طب اسنان
اذا مو طب اسنان ، صيدله
او راح ادش علاج الاضطرابات والتواصل بس هالتخصص بكلية البنات الجامعيه ، فمضطر ادرسه برى p;
لأنه هالتخصص موجود برى وبس حق طلبة العلمي !
او جان دشيت تربية ، تخصصات علميه ، علوم حق الابتدائي
كلية العلوم ، احصاء
علوم طبية مساعده ، العلاج الطبيعي
احب كذلك علوم التغذيه وهالسوالف

وليش
اممممممممممممم
طب اسنان لأني احب اهتم بالاسنان وعلاجهم وهالسوالف حيل حيل
صيدله ، اوووووف احب سوالف الصيدله ، جان زين انا صيدلاني
اضطرابات اللغه والتواصل ، اموت على هالتخصص اتوقع كنت راح احطه اول شي بالبعثات لو انه مبطل حقي
علوم حق الابتدائي احسه حلو وسهل ولطيف وخفيف واحب سوالف العلوم لما كنت صغير
احصاء ، هم سهل بالنسبه لي واحسه سهل وايد مو شويه بعد p; ، خفيف وتدريسه بعد حلو
العلاج الطبيعي ماعرف عنه ولا شي بس اسمه شدني حيل ، قريت مره المواد مالتهم ، فحبيت هالتخصص حيل !
علوم التغذيه اووووووف شكله حده حلو هالتخصص بس هم بالكويت موجود بس حق البنات بكلية البنات وبس حق العلمي : (


شنو أحسن بالنسبه لك جو الجامعه و لا لثانوي ؟ p;

الثانوي احسن
لأنه " ربعي معاي "
ولا جان زين بالجامعه ربعي معاي


اشتقت حق لمدرسه ؟

حدييييييييييييييييييييي

إذا إيي شنو أكثر شي اشتقت له ؟

اشتقت حق ربعي كلهم الي بالمدرسه وشلون كنا نتيمع كل يوم مع بعض ونسولف ونقرق ونحش ونسوي مقالب مع بعض وجذي ترى كلهم راحوا جامعات خاصه ، او كليات مو بكليتي ، انا الوحيد الي بشويخ : (

شنو اكثر نسبه يبتها بلثانوي ؟

97 p;


جم تعطي نفسك بال % :

بالانقلش ؟ بالتحدث والكلام 60% ، بالكتابه 0 % ، اعرف اتحجى واقول وافهم لو احد كلمني بالانجليزي وايد افهم ، بس انه اكتب كتابيا كله يطلع غلط وبدليات شنيعه :x ، ترى قبل كنت شاطر بس من درست فرنسي نسيت كل شي بالانجليزي !
و بالفرنسي؟ اعرف الاساسيات ، يعني لو بسال احد عن عمره اسمه وين ساكن ، شلون احجز بالطياره ، لو بستعلم عن شغله ، او عن سعر شي ، لو بسال عن الجو وحالة الطقس ، والفنادق ، وهيك شغلات ، يعني درسنا الاساسيات بس ، لو بعرف نفسي لو بقدم نفسي ، جذي يعني ، ودرسنا بالقواعد الماضي والمستقبل والحاضر ، يعني اممممممممم درست بس سنتين وماعرف اشياء برى الي درسناه ، كله بحدود الي درسته بالثانويه فقط


احلى سنه مرت عليك بالثانوي ؟
عااااااااااااااشر
كانت فصللللللللللللللللللللللل لللللللللله
كانت مو للدراسه ابدا ، كانت للوناسه والشطانه فقط

اتذكر انه قلت انقبلت بالاداريه و سحبت اوراقك منها عدل؟
يس يس p;



لما طلع قبولك بالاداريه شصار فيك ؟ كانت رغبتك الاولى عدل؟؟
اي كانت رغبتي الاولى وكان معدلي المكافيء 77 وشي p;
خل اوريك صوره شوف :
[Link nur für registrierte Benutzer sichtbar]

حدي اتشققت من الوناسه
حدي طرت
حدي استانست
يمكن الكويت كلها درت اني انقبلت بالاداريه
كنت امشي واقول انا business student لحد يحاجيني لوووووول p;
كنت امشي واقول انا ادااااااااااااريااااااااا اااه انتوا شنو ياللللللللللله p; ههههههههههه
اخير شي سحبت اوراقي وقعدت بالبيت لووووووووووول


جم يوم داومت فيها ؟
شهر تقريبا


شنو خذيت اول شي ( مواد و اذا تقدر دكاتره ) وعطنا رايك فيهم ؟
خذيت انقلش 106
رياضيات تميهيدي احم

انقلش 106 كان عند مايكل انتوني فيلان
دكتور شديد جدا جدا جدا
طردني مره عشان تأخرت دقيقه وحده
كل يوم يبي برزنتيشن ، حسسني بمعنى كلمة الانضباط والالتزام جد جد
بس حبوب حيييييييييييييييل كلاسه مدته 3 ساعات جنه او اقل
مادري جم بالضبط المهم انه مدة طويله بس بينهم بريكات
كان كلاس للقراءه كلاس للأستماع كلاس للكتابه
كان يخلينا نبتسم بكل كلاس ، ويونسنا ويضحكنا
حبيته رغم شدته
واهوا مادري من وين ، دوله ثانيه مادري من وين بس مو بريطانيا ولا امريكا امممممممممم جنه نيوزلندا مادري وين صج صج نسيت من وين ! كانت بمخي بس نسيت !
بس ما شاء الله ما خلى لغه ما يتكلمها ، يتحجى بكل اللغات !
حتى كويتي يتحجى P: كان يقول حق اي واحد شاطر بالانجليزي ، يقوله " ما شاء الله ما شاء الله انتوا بلبل بلبل انجليزي "

تخيل عاد واحد اجنبي ويتحجى عربي ههههههه يحليله


دكتور الرياضيات التمهيدي ، تخيل انه طول الشهر الي داومت فيها ولا كلاس واحد شفته
كله اهوا غايب

وبيوم من الايام قررت اغيب ، لأنه صج احتريت من كثر ما اهوا يغيب
ولما انا غبت جان اهوا يداوم
حدي احتريت !

عاد كرهته وشفطت على مادته لين سحبت اوراقي P:


ليش سحبت اوراقك منها ؟؟

مو ميولي كلش ، ما حبيتها ابدا ، اهيا حلوه ، بس ما حبيت نوعية دراستها ، ما تجذبني دراستها كله رياضيات وانجليزي وانا ماحب هالسوالف P: كنت متوقع اني احب هالسوالف لو درستها بس اكتشفت العكس p;

و لما سحبت اوراقك شنو كانت ردة فعل اهلك ؟
ردى فعل اهلي = انصدموا صدمه كبيره ، كانوا حاسين من البدايه اني بسحب اوراقي !
وابوي كلش ما كان متوقع هالشي وسمعني كلام كبير ، ضايقني شوي
انه قالي الحين انا شاريلك سياره عشان تداوم فيها بالكليه وبالجامعه مو عشان تروح وتلعب فيها ، وانا ربيتك وكبرتك عشان تبيض ويهي مو تسوده ، فحز كلامه بخاطري !


من ناحية ثانيه ، كانت حالتي النفسيه = مرتاااااااااااااااااااااا ااااااااااااااااااااااااا ااااااااح
ارتحت نفسيا لما سحبت اوراقي
اتضايقت شوي بالبدايه ، بس كنت متيقن انه بالكورس الثاني اختياري راح يكون افضل واحس بمليون مره : )
وفعلا هذا الي صار \'v\'


وهل ترددت بهالشي؟

ترددت لين اقتنعت

شنو احلى لون عندك ؟

اسود - احمر - بني - وردي


احلى سيارات؟ " عطني اكثر من سياره اذا تقدر " بشوف شنو تحب p;
احب كمارو ، موستنق ، بي ام

احلى فنانين عندك تحب تسمع اغانيهم ؟ علشان اعرف شنو نوعك بالاغاني , قديم نظام نفس اللي عندنا بالمدرسه ههه , ولا انقلش, ولا مصري ولبناني وخليجي ولا شنو بالضبط عرفت p;

حبيبي ، شفت كل الي قلتهم ، كلهم اسمعهم لووول P: ، ماكو اغنيه اتيي على بالك الا وانا اسمعها
اسمع كل الانواع
حتى سوري اسمع لووووووول !
حتى عراقي اسمع

كل شي كل شي كل شي اسمع
اي اغنيه حلوه اسمعها وافصل عليها واحبها

احلى اماكن بالكويت؟

امممممممممممممممم
بيتنا احلى مكان بالكويت P:

و عندي سؤال احس كلش ماله شغل اوكي!


انت قلت انه اختك تدرس برا !

شمعنى اهي درست برا و انت ما رضو !

مع انها بنت!! شلون رضو اصلن ؟ لوول p;


اهيا الحين بثالث سنه
يعني تدرس من قبل لا انا اتخرج من الثانويه
فأمي ما كانت مستوعبه انه اختي بتدرس برى وبتروح عنها وما راح تشوفها anymore وجذي
ولما راحت وفقدتها امي وتبجي عليها وتخاف عليها كل يوم
اهني خافت علي انا بعد وما كانت تبي تحس بنفس الي حسته لما فقدت اختي بعد !
يعني ما تبي تفقدنا كلنا p; تبي عالاقل واحد يمها
اختي على فكره كبيره ، وماخذه تفرغ دراسي ، وتدرس على حسابها الخاص
فأمي تقول اهيا تقدر تعتمد على نفسها لأنها كبيره ومسافره من قبل
تقولي انتا بعدك صغير عمرك 17 سنه ، وقتها صج عمري 17 لول P: وولا عمرك سافرت P: ولا تعرف شي P: ، اقعد عندي وجابلني احسن لك لووول p;

وشنو درست بالضبط؟ علشان اعرف يسوى ولا لأ هههههه :$ XD
تدرس حقوق ، 3 سنه \'v\' فديتها p;


انت قلت انك شريت ايفون p;
شنو عجبك اكثر الايفون ولا البيبي ؟ XD وليش؟

ايفوووووووووووووووووووووو وووووووووون
وبشده
البي بي غثيث ، ما وراه الا عوار وصداع الراس P:
كنت ضايف ناس عندي باللسته ، الحمدلله يا ربي انه مخلصه خدمتي ، حسيت صج صج افتكيت من شرهم " كانوا غاثيني من الثانويه ، كانوا وياي اهما بالثانوي وضايفهم وماحب اسوي دليت ، فأفتكيت لما خلصت الخدمه P: "
وتصفحه بالانترنت وايد غثيث
الايفون تصفحه مو طبيعي ، حبيته حيل ، يبيلي بس اتعود على الكتابه السريعه فيه
الحين بالايفون لما احد يكلمني بالواتس اب ، لازم ينطرني قرن كامل عشان ارد عليه P: ، ادور واشوف وين اماكن الحروف لوووووول
" وين قريت اني شاري ايفون ؟ ، ما اتذكر اني قلت هالشي ؟ P: ، حمني قمت اخاف منك لوووووول "


احس لاسئله مادري شلون صايره بس هذا اللي طلع معاي بسرعه بسرعه p;
و بشوف اسئله مني مناك بسألك علشان نتعرف عليك اكثر هههههه :$

بالعكس اسالتك واااااااااااااااااااااااا ااااااااااااااااااااااايد حلوه
صج صج حبيتها
اسألني بعد \'v\'

ابـراهيم
04-05-2012, 07:59 PM
معلوومه حلووووه فعلا ..
الشي الي ماتعرفه ما راح اتعرف تتعامل معاه
الاطفال قبل ما احتك وياهم لكن لمن قمت ادرس عنهم والطفل والطفل مواد علم النفس والنمو .. الخ
صاروا يحبوني @^@ وواحبهم
لان افهمهم :)


كان ودي اسألك متى تدرس وهل حاس باحراج انك تطلع من المنتدى والموضوع نششط ؟
والعضو اللي بعدك هل تعتقد انه بتوصل له اساله كثرك من الاعضاء ؟
-.-<.<

اي صح ترى
وعلى فكره
درست عن الياهل حتى لما يكون ببطن امه
متى يبلش يطلع شعره ، ومتى تنمو اظافره والاطفال الخدج الي ينولودون قبل الموعد الرئيسي للولاده وعن الام المدخنه وعن الامراض الوراثيه وشلون تنتقل واشياء وايد واااااااااايد
حتى عن الياهل شلون يتعرف على امه وابوه وشلون يفرق امه وابوه من بين الناس
اشياء صج صج كانت اتينن
لو بيدي ارد ادرس هالفصل مره ثانيه
راح ادرس وانا مستانس حيل :)

هههههههههه بدرس بعد شوي ان شاء الله
ماحب اخلي سؤال جذي ما جاوبت علي
قاعد احاول ارد على الاسئله اول بأول عشان محد ياخذ بخاطره p;

العضو الي بعدي اممممممممم ودي اعرف
هل راح يستحمل الاسأله كلها الي توجهت لي ؟
وهل بمقدوره يجاوب على كل الاسئله ولا لا P:

ودي اعرف هالشي جد جد P:

ابـراهيم
04-05-2012, 08:00 PM
صراحه الله يعينك ع الاسئله اضن ما ظل شي ينسال ما قصرو فيك انا احب بس اتابع هي المواضيع من بعيد
:)
:)



حبيب حبيب يا مهند :*
يعين الجميع يا رب
ترى انا مستمتع بالاسأله p; فعادي
وتشرفني متابعتك حبيب قلبي :*

Miss Sarah
04-05-2012, 08:00 PM
هذول اسئلتي ترى حدهم سهلين :$
حلم اتمنيته واتحقق فعلا ؟
حلم تتمنى يتحقق؟
شنو رأيك فى حال الدول العربية الان؟
منو اول شخص تفكر تكلمه اذا كنت متضايق او فرحان ؟
اختار 10 اعضاء ووجه لهم كلمة؟

وخلاااااااص خلصت اسئلتي :p
كنت مزهبه اسئله بس خلاااص غيرت راايي نسيت انه عندك امتحااان :)

FACELESS
04-05-2012, 08:02 PM
عادي ادش عرض؟ p;

مايكل ايرلندي و ما يحب احد يقوله انت بريطاني جنك سابه p;


عندي سؤال لما قريت ردك حق حمني

الماث التمهيدي كان الساعه 4 عدل؟
و قبلكم كلاس بنات نفس الدكتور؟
و اتوقع الطابق الاول مو الارضي يم الدري؟
اذا اي
عيل نفس دكتوري و كنت اشفط عليه و ما احضر p;

يا الله سؤال صجي
لو بيدك تذبح احد
بشنو ودك تذبحه؟
بأي سلاح؟
او تزنطه بايدك؟

ابـراهيم
04-05-2012, 08:15 PM
هذول اسئلتي ترى حدهم سهلين :$

ههههههههههه سألي واخذي راحتج تحت امرج انا

حلم اتمنيته واتحقق فعلا ؟
ادرس بمكان ارتاح فيه

حلم تتمنى يتحقق؟
امي تعيش معاي للنهايه

شنو رأيك فى حال الدول العربية الان؟
عادي ، مالي اي رأي

منو اول شخص تفكر تكلمه اذا كنت متضايق او فرحان ؟
محد ، اذا كنت متضايق او فرحان من شغله صايرتلي اكتبها اهني بالمنتدى مرات وخاصتا اذا كانت تتعلق عن الجامعه وهيك

اختار 10 اعضاء ووجه لهم كلمة؟
بسمه : انتي مو جريئه P: ، هههه ، حبوبه وايد ، تنحبين بسرعه ، استانس لما تقرين كلامي بموضوع " شصار وياكم .. " لوول ، ربي يوفقج (F)
حمني : احبك والله :* ، انتا اكثر واحد يفهمني P:
امنم : جان زين كل الناس مثل طيبة قلبك واسلوبك
ساره : الله يعطيج العافيه على كل الي تسوينه بالمنتدى ماما ، تعبناج يالغاليه
سوسا : الله يوفقج يا رب بكورس التخرج ، وايد ادعيلج
ريسي : انتي وايد طيبه p; احب اتابعج ، عقبال ما تدرسين عيالي يا ربP:
منى العنزي : اتوقع انا مسوي واسطه حق عيالي من الحين وياج ها ؟ مو تنسيني بليز P: درسي عيالي انتي بعد لووول
باذخه : تخلينا نشتاقلج ، رغم اني ماعرفج عدل او ماعرفج وايد يعني ، بس حبوبه وتدشين القلب بسرعه sis، مس يو ام الاوفات هههه
كوويت : انتي حبوبه ونشيطه ، ربي يوفقج بكل خطوه تخطينها ، اتوقع راح تكونين ام ناجحه P: وزوجه صالحه كذلك
زهوووره : من اول لحظه لج بالمنتدى ، دخلتي قلوبنا بسرعه بسرعه ، ماتوقع في احد ما يحبج
زلابيا زوز : انتي صج صج اختي p; حبوبه وهاديه وركيزه بأفعالج ، ربي يوفقج
مهند : ودي اعرفك اكثر P: ، شخصيه حبوبه ولطيفه ، لازم اتعمق بشخصيتك على يوم P:
انتي : حبووووووووووووووووبه \'v\' ، اختي الصغيره P: وماي بست فريند P: استانس عليج وايد الله يوفقج بالغربه
بو نواف : دائما تتحفنا بمعلوماتك p;

جم عضو صاروا ؟ الف ؟
وبليز مو احد يقولي ما قلت اسمي ومادري شنو P: ترى المطلوب كانوا 10 ، وانا ما ذكرت الا 10 اسامي فقط -.-<.<
والي اسمه مو موجود مو معناته ما احبه ولا شي ! ترى ماله شغل لحد ياخذ هالفكره بليز @@


وخلاااااااص خلصت اسئلتي :p
كنت مزهبه اسئله بس خلاااص غيرت راايي نسيت انه عندك امتحااان :)

خلصوا ؟
شويه P:
ناطر الباجي

ما عليج امتحاني راح ادرسله بعد شوي p;

ابـراهيم
04-05-2012, 08:23 PM
عادي ادش عرض؟ p;

مايكل ايرلندي و ما يحب احد يقوله انت بريطاني جنك سابه p;


عندي سؤال لما قريت ردك حق حمني

الماث التمهيدي كان الساعه 4 عدل؟
و قبلكم كلاس بنات نفس الدكتور؟
و اتوقع الطابق الاول مو الارضي يم الدري؟
اذا اي
عيل نفس دكتوري و كنت اشفط عليه و ما احضر p;

يا الله سؤال صجي
لو بيدك تذبح احد
بشنو ودك تذبحه؟
بأي سلاح؟
او تزنطه بايدك؟

ايييييييييييييييييييييييي ييييي
ايرلنديييييييي علييييييييييج نووووووووور
اوف صارلي قرن كامل بتذكر شنو جنسيته
مشكوره ، ريحتيني لوول P:

ايييييييييييييييي
الساعه 4 بالضبط -.-~

اووووووووووف غثييييييييييث هالدكتور
لا صج صج جد غثيث
استغفر الله حلل ايام غياباته حللهم بمعنى الكلمه @@
تحسين اشكره ماله خلق يدرس @@
شحقه صاير دكتور مادري @@

بذبح هذا الدكتور مال الرياضيات
بزنطه بقتله ، بخلي كل الطلبه يتيمعون عليه ويطقونه P:
اكره الدكاتره الي يغيبون لوول
انزين بتغيب خو قول بغيب
حط اعلان
قول لا تداومون الشهر الاول كاملا لأني ما راح اداوم
واحنا راح نفهم وخلصنا : @

ويمكن بزنط دكتوري بعد مال علم الاجتماع

شكلي بزنط دكاترة جامعة الكويت كلهم :x

FACELESS
04-05-2012, 08:26 PM
ابراهيم اخر سؤال

شرايك تدرس؟
جم باقيلك و تخلص الكميه؟
انزين..
شرايك تروح تدرس بعد؟

reese
04-05-2012, 08:30 PM
جد جد جد جد الله يعينك مابي اسأل احس حرام

وراك امتحان :×

عندي فكرة x:D

شنو قاعد تدرس ؟

جم فصل داش بالامتحان ؟

اذكر خمس تعاريف مو حافظهم عدل p: ؟

اول تعريف عرفته بالسؤال اللي فوق اكتب اهدافه + خصائصة ؟

بس قو اند ستادي :x

ابـراهيم
04-05-2012, 08:32 PM
ابراهيم اخر سؤال

شرايك تدرس؟
جم باقيلك و تخلص الكميه؟
انزين..
شرايك تروح تدرس بعد؟



ههههههههههههههههههههههه

اوكيك
يالله بقوم ادرس تامرون على شي ؟ P:

وعلى فكره
راح ارجعلكم بعد شوي ، يعني بعد ساعه جذي تلاقوني عندكم :$

فسالوني ، وبعد ساعه اجاوبكم ان شاء الله

شوفي
اهما 4 فصول الي علي

1 - الادراك الحسي
2 - التعلم
3 - التفكير وحل المشكلات
4 - الذاكره

انا خلصت الادراك
خلصت التعلم
خلصت نص التفكير
خلصت نص الذاكره P:

وعيزن اكمل نص التفكير وعيزان اكمل نص الذاكره لووول p;

الحين بقوم اخلص فصل الذاكره ان شاء الله

دعوااااااااااااااتكم بلييييييييييييييييييييييي ييز :)
حدي محتاج دعواتكم جد ، ادعولي : )

طموحي مهندسه
04-05-2012, 10:23 PM
موفق انشالله وفالك الa

الترف
04-05-2012, 10:52 PM
بتووووفيق ابرااااهيم
وفااالك الa

ابـراهيم
04-05-2012, 11:06 PM
موفق انشالله وفالك الa

بتووووفيق ابرااااهيم
وفااالك الa



مادري
هل انا بحلم ولا بعلم
ماني مصدق
جد جد ماني مصدق
خلصت فصل الذااااااااااااكره :|:|:|
فصل الذاكره = اطول فصل :|

مادري من وين نزل علي الوحي ، وياني مزاج دراسي عظيم خلاني ادرس واركز !

لا لا في احد داعيلي من قلب اهني P:
شكلكم كلكم دعيتولي واتحدت دعوتكم ودرست من قلب وضمير

صج صج مشكوووووووووووووورين حق كل الي دعولي P:
الحمدلله يا ربي على نعمة الدراسة ، الحمدلله خلصت فصل الذاكره الحمدلله يا ربي اللهم لك الحمد والشكر

نوره + طموحي
احرجتوني حيل والله :)
والدعوه ترجع لصاحبها
فالكم الي اكبر من الــ a يا رب

ثاااانكس حق كل الي دعولي



وين اسألتكم الي ما تخلص ؟ P:
لا يكون انا صكيتكم عين وانا مادري P: ؟

سألوني ترى باجي جم يوم ويشلعوني من الكرسي لووول p;
حللووني هالجم يوم بعد p;

ناطر اسالتكم (F)

Miss Sarah
04-05-2012, 11:22 PM
اتوقع اسألتي هاذي صعبه :p
يالله استعد :)


كنت في برنامج من سيربح المليون وتريد ان تتصل بصديق من ستختار من الاعضاء؟
غرق المنتدى ومعك قارب لايحمل الاخمسه اشخاص من ستختار من اعضاء المنتدى؟
5 باقات ورد لمن تهديها ؟

FACELESS
04-05-2012, 11:26 PM
ابراهيم..

عرّف عن نفسك
بسطر واحد فقط لو سمحت

الترف
04-05-2012, 11:39 PM
اجمعين ابراهيم

اسئلتي لك ...

شنو تفضل باللبس بالجامعه البدل او دشداشه ...



شنو الشي الي موعاجبك بالجامعه وودك تغيررة ...

ابـراهيم
05-05-2012, 12:01 AM
اتوقع اسألتي هاذي صعبه :p
يالله استعد :)


كنت في برنامج من سيربح المليون وتريد ان تتصل بصديق من ستختار من الاعضاء؟

سوسا ، اتوقع اهيا الانسب حق مثل هالاسئله P:

غرق المنتدى ومعك قارب لايحمل الاخمسه اشخاص من ستختار من اعضاء المنتدى؟

بختار اي احد اشوفه جدامي بطريقه عشوائيه

5 باقات ورد لمن تهديها ؟

كل الباقات حقج P:

ابراهيم..

عرّف عن نفسك
بسطر واحد فقط لو سمحت

هادي ، حبوب ، مسالم P:

ومداااااااااح نفسه يبيله شنووووووووووو ؟ P:
اجمعين ابراهيم

اسئلتي لك ...

شنو تفضل باللبس بالجامعه البدل او دشداشه ...

دائما بدل ، ولا عمري لبست دشداشه
واعاني من مشكلة البدل ، وايد اتوهق واحاول اركب شنو البس باجر
وتوني قبل شوي مخلص من هالمشكله ، لقيت لي جاكيت حفر ، بلبسه يوم الاحد وبخلي تحت " بدي " تيشيرت خفيف
لون الجاكيت ابيض ، فأتوقع راح البس تحته " بدي " " تيشيرت يعني الي يكون تحت الجاكيت " اكيد تعرفونه مادري شحقه اشرحه لكم P: ، لون سماوي ، او شي جذي عشان البس معاه جينز ازرق ، وجوتي " عزكم الله " اسود P:

اتوقع بالصيفي راح اعلق عالدشداشه !

شنو الشي الي موعاجبك بالجامعه وودك تغيررة ...

كل شي بالجامعه يعجبني :* فديت جامعتنا والله p;

FACELESS
05-05-2012, 12:11 AM
شنو قصدك جاكيت حفر؟
مادري ليش حسيت بـ حر لما قريت جاكيت p;

مو ناوي تقوم من الكرسي؟ p;

لا حرام لحظه بسأل صج

انت من اللي يتبعون الموضه بلبسهم؟

سارا.93
05-05-2012, 12:24 AM
كآسر خآآآطري حيييييييييييييل على الأسئله مآدري من وين ابدآ اقرى -_- !
مآيمدي ;p
آلله يعينك ويصبرك ;p

آممممممم آمممممممممممممممممممممم
آمممممممممممم

شنو كنت تلعب بآلمدينه الترفيهيّه ؟ ;p >ماكو اسئله
شنو ترتيبك بالعآيله ؟ بيتكم آقصد ..

شيءء مستحيل ودّك تسويه !
آقوى فصلآتك ؟ ;p
عندك فوبيآ من شي معيّن ؟ زهيوي مثلآ :x ?

ابـراهيم
05-05-2012, 12:37 AM
شنو قصدك جاكيت حفر؟
مادري ليش حسيت بـ حر لما قريت جاكيت p;

مو ناوي تقوم من الكرسي؟ p;

لا حرام لحظه بسأل صج

انت من اللي يتبعون الموضه بلبسهم؟

لوووووووووووووووووول
جاكيت حفر < توني اقراها لوووووووول
تصدقين ماعرف شسمه امممم جاكيت الي يصير اممممم
جاكيت بدون جم !


[Link nur für registrierte Benutzer sichtbar]

تقريبا نفس هالفكره
بس مو نفس هالدزاين يعني بالضبط !
بس اهوا انه جذي هذا اهوا لول تقريبا

بس واااااايد خفييييييييف وبلبس معاه " بدي " اخف منه P:
يعني اللبس على بعضه خفيف جدا ، فما راح احس بحر على قولتج P:

لا مابي اقوم P:
بقعد على الكرسي P: لين تنتهي مدته لووووووول

ااااااااااااخ بسمه جان زين تقعدين على الكرسي
انتي او ساره P: راح استلمكم من قلب وضمير P:

لا ما اتبع الموضه
الرياييل هبوا بالبنطرون البيجي ، جربت البسه بالمحل ، حسيبته مو لايق على جسمي
فماني من النوع الي غصب طيب يتبع الموضه والشي مو لايق عليه :rolleyes:
اذا حسيت الشي حلو علي ، راح البسه ، مو حلو ما اتفلسف فيه والبسه غصب وابين حق الناس ترى انا عالموضه وادادا

الجاكيت الحفر هذا ^ ترى موضته يمكن شوي قديمه
بس انا حبيته وشكله حيل لايق علي ، فبلسبه وكلي ثقه فيه وعاجبني ومو هامني احد بصراحه \'v\'

كآسر خآآآطري حيييييييييييييل على الأسئله مآدري من وين ابدآ اقرى -_- !
مآيمدي ;p
آلله يعينك ويصبرك ;p

آممممممم آمممممممممممممممممممممم
آمممممممممممم

شنو كنت تلعب بآلمدينه الترفيهيّه ؟ ;p >ماكو اسئله
شنو ترتيبك بالعآيله ؟ بيتكم آقصد ..

شيءء مستحيل ودّك تسويه !
آقوى فصلآتك ؟ ;p
عندك فوبيآ من شي معيّن ؟ زهيوي مثلآ :x ?

هههههههههههه شفتي شلون
حدي منهري من الاسأله P:

بس عادي وناسه ترى
مردج بتقعدين يااااااااا ماما ساره وبستلمج صح

كنت العب بالمدينه كل شي
اي شي ايي ابالج كنت العبه
اكثر شي الجندول وقطار الموت ، وطبعا الجندول متسكر صارله دهر ما يفتحونه الا من سنه ضوئيه لسنه ضوئيه ثانيه
وقطار الموت كذلك مسكر :rolleyes:
مادري شنو بقى بالالعاب !

ترتيبي بالعايله اصغر واحد \'v\'

شي مستحيل ودي اسويه
ودي اتعلم كل لغات العالم بس مستحيل اسويها :x


اقوى فصلاتي هههه اممممممممممم مادري كل شي ترى P:
عادي اسوي اي شي ، بس ماكو فصله معينه ببالي الحين
بس ماجذب عليج انه مرت علي ايام ، كنت فاصل فاصل بكل ما تحمله الكلمه من معاني @^@
بس الحين عقلت وقمت اتحكم بفصلاتي :rolleyes:


انا ابو الفوبيات اصلا
عندي فوبيا من كل شي
زهيوي نمله ذبانه نحله كلهم اكرهم P:

بعالج نفسي اذا تخرجت P:
وبعد ما اخلص من علاج نفسي ، بتفرغ حق علاج الاوادم P:
عاد شوفي جم سنه يبيلي عشان اعالج عمري من فوبياتي الشخصيه :$

FACELESS
05-05-2012, 12:41 AM
عندي سؤالين مالهم شغل ببعض

شرايك باللي يبجون اذا شافو نمله او خل نقول حشره؟؟
دلع؟

شنو اغرب اسم ولد و بنت سمعته؟

سارا.93
05-05-2012, 12:48 AM
مآهي آصعب كلمه ممكن تقولهآ ؟

تمنّيت الموت يومآ ؟ ولييش ؟

مآهي الطّريقه آلتي تعبر فيهآ عن غضبك !؟

مآهو دآفعك فـ الحيآه ؟

هل اضطررت لـ آلكذب في بعض الموآقف .. ؟

هل جدث شيءء وغيّر لك حيآتك \ تفكيرك ؟ ومآهوَ ؟

لـ من تهدي ثقتك !

من آلشّخص آلذي تضعف امآمه .. ؟

ابـراهيم
05-05-2012, 12:50 AM
عندي سؤالين مالهم شغل ببعض

شرايك باللي يبجون اذا شافو نمله او خل نقول حشره؟؟
دلع؟

شنو اغرب اسم ولد و بنت سمعته؟



الدلع : حلو بس بحدود
نظام تبجين عشان شفتيلج نمله او حشره
عاد مو تبجين لهدرجه
اوكي صارخي ، تأرفي ، بينلنا انه لاعت جبدج ، هذي اوكي كلها ممكن تكون صجيه بعد مو دلع
اما تبجين عشان نمله ، وااااااااي نمله لا امبييييييييه بقتل نفسي عشان شفت نمله ، ما يدور عندي هالكلام ، تلوع جبدي من الدلع " الماصخ والزايد "
ما توصل للبجي !
اوكي سوي كل شي الا البجي عشان نمله p: < تخيلت الموقف ترى واحتريت ، حسيت جذي بنيه شطولها شعرضها واتبجبج عشان نمله صج صج احتريت p:

اغرب اسم ولد : دغيم ذعار
بنت : ابيار < حلو وغريب حبيته حيل

ابـراهيم
05-05-2012, 12:57 AM
مآهي آصعب كلمه ممكن تقولهآ ؟
اممممممممممم ، مادري والله ، كل شي اقوله عادي p:

تمنّيت الموت يومآ ؟ ولييش ؟
قبل ، يمكن لما كنت صغير حيل ، وما كنت اعرف حق الحياة عدل ، كنت اتمنى الموت عشان مرور حالات نفسيه عابره ، ضيقه وملل وكأبه وهيك شغلات ، الحين مستحيل اتمنى الموت ..

مآهي الطّريقه آلتي تعبر فيهآ عن غضبك !؟
اصارخ p: بس ممكن اهدى بسرعه ، لأنه اذا ما هديت عادي اكسر اي شي جدامي !
وما ابالغ لو قلتلج انه اذا عصبت عادي " اسوي اي شي " يخطر على بالج
جربت هالشي وصار موقف جدامي وخلاني اتعصب ، وبعد ما " فجرت غضبي " انصدمت من الاشياء الي سويتها والنتيجه الي حصلتها بعد هالشي !
فصرت كل ما اعصب ، احاول اهدي نفسي بسرعه بسرعه : ) بأي وسيله كانت
بس طبعا الغضب الي فوق ^ اهوا اشد انواع الغضب الي عندي p:
يعني في مراحل غضب بسيطه وخفيفه ، اعصب اقطلي كلمتين عصبيه جذي وخلاص يتسكر الموضوع p;

مآهو دآفعك فـ الحيآه ؟
كل شي يصير بحياتي اهوا دافع للحياة


هل اضطررت لـ آلكذب في بعض الموآقف .. ؟
اي ، وجذبت مو عشان صالحي ، عشان صالح غيري ، بس هم مرت علي مواقف جذبت فيها عشان صالحي الشخصي ، وعلى فكره ، احب نفسي لما اعترف اني جذبت ، عكس الي يكتبون وينافقون ويكتبون احنا ما نجذب ولا عمرنا جذبنا واهما اكبر نصابين بالعالم : )

هل جدث شيءء وغيّر لك حيآتك \ تفكيرك ؟ ومآهوَ ؟
الجامعه : )
غيرت حياتي وتفكيري ولله الحمد
وغيرتهم للأحسن


لـ من تهدي ثقتك !
حق كل شخص يبادلني الثقه
يعني يكون واثق فيني ، مستحيل ما اثق فيه : )
وحق اي شخص يستحقها وادري انه ما راح يخون هالثقه


من آلشّخص آلذي تضعف امآمه .. ؟

اممممممممممم
الشخص الي يمتلك عقلي + قلبي ، اهوا الي اضعف جدامه يمكن ؟

FACELESS
05-05-2012, 12:59 AM
الدلع : حلو بس بحدود
نظام تبجين عشان شفتيلج نمله او حشره
عاد مو تبجين لهدرجه
اوكي صارخي ، تأرفي ، بينلنا انه لاعت جبدج ، هذي اوكي كلها ممكن تكون صجيه بعد مو دلع
اما تبجين عشان نمله ، وااااااااي نمله لا امبييييييييه بقتل نفسي عشان شفت نمله ، ما يدور عندي هالكلام ، تلوع جبدي من الدلع " الماصخ والزايد "
ما توصل للبجي !
اوكي سوي كل شي الا البجي عشان نمله p: < تخيلت الموقف ترى واحتريت ، حسيت جذي بنيه شطولها شعرضها واتبجبج عشان نمله صج صج احتريت p:

اغرب اسم ولد : دغيم ذعار
بنت : ابيار < حلو وغريب حبيته حيل

لوووووووووووووووووووووووو ووووووووووووووووووووووووو وووووول!!
ماني متحجيه بعد
خليتني انقد على نفسي
انا مره وحده بجيت عشان في حشره بالغرفه و محد قاعد كلهم نايمين و خايفه اقعدهم و يزفوني جان ابجي :x

المهم لا تعقّب عاللي قلته طوف -.-<.<

اشرايك بالبنت اللي تسوق همر H3 ?

ابـراهيم
05-05-2012, 01:13 AM
لوووووووووووووووووووووووو ووووووووووووووووووووووووو وووووول!!
ماني متحجيه بعد
خليتني انقد على نفسي
انا مره وحده بجيت عشان في حشره بالغرفه و محد قاعد كلهم نايمين و خايفه اقعدهم و يزفوني جان ابجي :x

المهم لا تعقّب عاللي قلته طوف -.-<.<

اشرايك بالبنت اللي تسوق همر H3 ?


ههههههههههههههههههههههههه ههههههه
صج انتي تبجين عشان حشره لووووووووووووول x:Dx:D
بس انتي الموقف الي مر فيج ، يستاهل تبجين عشانه P:
اما في بنات ما فيهم بجيه ، بس يتصنعون البجي وغصب غصب نظام انا دلوعه شوفوني ببجي الحين لأني شفت نمله وانتي تعالوا واسوني ولموني وراضوني وبوسوني وقولولي لا تخافين ومن هالحجي زين < ماحب جذي !


على فكره وعلى طاري هالسالفه
امس ، كنت صاعد داري
وقلت خل اشوف دار اخوي ، لأنها يمي بالضبط
فطليت بداره
ولا الاقي زهيوي كبييييييييييييييييييييييي ييييير :)
كثر ما اقولج كبير شويه
اول شي سويته صرخت ناديت ابوي P:
وابوي مسكين يركض بالدري يقولي شفيك شصاير !
اقوله زهيوي بالدار
مو نقدني ، مو سبني ، مو خلاني بيزه ما اسوى ، عطاني نعال " عزكم الله " وقالي تعلم تطقه وتذبحه ، في احد يخاف من زهيوي هذا وانتا ريال ، وسمعني حجي لين قال بس P:
واخير شي رحت بكل برود اعصاب وطقيت الزهيوي وانتهت المشكله P:
وابوي كافأني على هالشغله وسمعني كلام حلو صراحه P:

بس مره ثانيه جربي روحي قتلي الحشره وشوفي شيصير P: ترى الموضوع وايد سهل ، نعال ، تصوبين صوبها ، بعدين طخ ، تقتلينها
اي اي ولا تنسين اهم شي تغسلين ايدج بعدها مليون مره
او ليش تغسلين ايدج ؟
اتسبحي !
وخلصي قاتل الجراثيم قوطي كامل على ايدج " هذي نصيحه مني لج "

على فكره معلومه بسيطه
ترى الزهيوي رفضت اشيله من على الارض واخم الوصخ من بعده يعني من بعد ما قتلته P:
وابوي كمل زفته وعصب علي وشاله وقالي المره اليايه انتا بتغسل مسبح البيت الي كله زهاويه -.-~

بيتنا فيه مسبح
واحنا مو حاطين فيه ماي ، ساحبين الماي كله
فالمسبح فاضي وصاير كله زهاويه : )
بصوره لج بعد شوي
بخليج تنصدمين صدمة عمرج : )

وطبعا مسبح الزهاويه مالنا ، محد يتجرأ ينزل وينظفه
مسكينه اختي الكبيره تيي بيتنا مرات تنظفه وتمشي وتخم لنا البيت وتساعدنا ، الله يذكرها بالخير p;

بس الحمدلله ، خدامتنا القديمه واخيرا بتيي قريبا عندنا واخيراااااااااااااا < امي تموت على هالخدامه وما تبي غيرها وصاير فيها فوبيا من اي خدامه ثانيه تدش بيتنا
على فكره باركيلي وديت ملابسي المصبغه لاني عيزان اغسل :$


جني قلت لج قصة حياتي ونسيت السالفه والموضوع الاساسي ؟
المهم !
عادي البنت تسوق اي سياره كانت
انا ما اصنف هالسياره حق الشباب
وهالسياره حق البنات
السياره سياره لو مهما كانت !
ماله شغل تنسب السياره حق ذكر او انثى
لما حطوا السياره ما قالوا هذي حق بنات وهذي حق شباب
بس هذا تفكيرنا الي ربط هالسياره حق البنات وهالسياره حق الشباب .. !
ولا انا لو اشوف وحده تسوق اي سياره همر او غير همر ، ما راح اقول انه طالع بنيه وتسوق هالسياره ! < كلش مو نظامي

FACELESS
05-05-2012, 01:19 AM
لاااااااااااااااااااااااا ا و الله اترجاك لا تحط الصوره و الله من صجي مو ناقصين لوعة جبد اترجااك و الله وييييييييع و الله!!

و ترى صج اغلب البنات عندهم فوبيا الحشرات و يبجي هالشي اذا شافت حشره ممكن تصارخ اذا شافتها حتى لو جدام الناس و تمسك البجيه
يعني انا و بنت خالتي بالجامعه اذا صار لنا هالموقف نصارخ و ما يهمنا احد و نقعد ندعي عالحشرات كلها بصوت عالي
جد ترى يخرعون مو شي هين بالنسبه لنا :x

المهم سؤال بسرعه عشان لا تحط الزهيوي

ليش احسك شخص مو فاهم بالحياة؟
ولا تفهم قصدي غلط
احس في وايد اشياء متداوله و الكل يعرفها و انت قاعده انصدم من ردودك ما تعرفها مع انها اشياء بسيطه!

و اترجاك
بلاها زهيويه بالموضوع

dlo0ol
05-05-2012, 01:41 AM
متابعه بصمت شديــــــــــــــــــــــ ــــــــد حد امــــهـ:$$

ابـراهيم
05-05-2012, 01:44 AM
لاااااااااااااااااااااااا ا و الله اترجاك لا تحط الصوره و الله من صجي مو ناقصين لوعة جبد اترجااك و الله وييييييييع و الله!!

و ترى صج اغلب البنات عندهم فوبيا الحشرات و يبجي هالشي اذا شافت حشره ممكن تصارخ اذا شافتها حتى لو جدام الناس و تمسك البجيه
يعني انا و بنت خالتي بالجامعه اذا صار لنا هالموقف نصارخ و ما يهمنا احد و نقعد ندعي عالحشرات كلها بصوت عالي
جد ترى يخرعون مو شي هين بالنسبه لنا :x

المهم سؤال بسرعه عشان لا تحط الزهيوي

ليش احسك شخص مو فاهم بالحياة؟
ولا تفهم قصدي غلط
احس في وايد اشياء متداوله و الكل يعرفها و انت قاعده انصدم من ردودك ما تعرفها مع انها اشياء بسيطه!

و اترجاك
بلاها زهيويه بالموضوع

الحين انا مو فاهم بالحياة ؟
شكلي بسوي زوووووم وبوريج صور الزهيوي واهوا عايش واهوا يطير واهوا ميت P:
هههههههه لا لا جوكينق جوكينق sis
على فكره ترى حتى انا اكره الحشرات اكثر منكم يمكن
بس عادي صرت اتعود ، خاصتا عقب ما مشت على ايدي حشره وانا بالجامعه، تخيلي لو يصير فيج هالموقف الي صار فيني
وكنت بالجامعه وبالباص ، ما بالج يعني !!!


امممممممممممم
حدديلي شي واحد وانا اقولج ليش ما كنت فاهمه p;
وضحيلي بس شغله وحده انا كتبت اني مو عارفها واكتبلج ليش انا مو عارفها



متابعه بصمت شديــــــــــــــــــــــ ــــــــد حد امــــهـ:$$



ههههههههههههههههههه

ما عندج سؤال مني مناك ؟
ترى انا حاضر وجاهز حدي \'v\'

dlo0ol
05-05-2012, 01:48 AM
هههههه
لا يباأآإ انا مو شسمه ما اساأآإل يبأآإ وااآإيـــــــــــد
بـــس ربعـــنأآإ كفوؤأآإ وؤ وفوؤأآإ لووؤوؤوؤؤوول

FACELESS
05-05-2012, 01:50 AM
انت حط الزهيوي و شوف منو بيسئلك بعدين!

مثلا..
ما تعرف شنو ديموقراطيه!
ما تعرف معنى العلم في الصغر كالنقش على الحجر
و بعد في اشياء ما اذكرها

ادري ماله شغل ما تفهم بامور الحياة ادري بس من سبة الزهيوي كتبت بسرعه ما عرفت اصيغ السؤال خفت تحطه و الله!

منى العنزي
05-05-2012, 01:54 AM
ليش احسك شخص مو فاهم بالحياة؟
ولا تفهم قصدي غلط
احس في وايد اشياء متداوله و الكل يعرفها و انت قاعده انصدم من ردودك ما تعرفها مع انها اشياء بسيطه!



ووانا بعد لاحظت هالشي حسيت انه ينطبق على شخصيته لقب (شخصيه محافظه)

واتوقع شخصيته برا المنتدى غير عن شخصيته الكتابيه بالمنتدى

ابـراهيم
05-05-2012, 02:01 AM
هههههه
لا يباأآإ انا مو شسمه ما اساأآإل يبأآإ وااآإيـــــــــــد
بـــس ربعـــنأآإ كفوؤأآإ وؤ وفوؤأآإ لووؤوؤوؤؤوول

ههههههههههههههه
اوكيك ، تشرفني متابعتج عيل sis (F)

انت حط الزهيوي و شوف منو بيسئلك بعدين!

مثلا..
ما تعرف شنو ديموقراطيه!
ما تعرف معنى العلم في الصغر كالنقش على الحجر
و بعد في اشياء ما اذكرها

ادري ماله شغل ما تفهم بامور الحياة ادري بس من سبة الزهيوي كتبت بسرعه ما عرفت اصيغ السؤال خفت تحطه و الله!

ههههههههههههههههههههههههه ه
يالخواااااااااااااااااافه ، ترى توني ادري انج جذي تخافين منه لووووووووووول p;

لا لا ترى كنت اعرف شنو يعني ديموقراطيه ، حتى عرفت الديموقراطيه وسألت قلت هل معناتها جذي ، يعني عأساس اتأكد فقط مو اكثر
والعلم في الصغر كالنقش على الحجر ، لأني صج ماعرف شنو معانته P: ، وتوني تعلمته بصراحه
وماعرفه لانه مر علي من فتره طوووووووووييييييييييييييي له ، ايام ما كنت ياهل كنت اسمع هالمثل
الحين نسيته صار بح بذاكرتي p; ، ما اتذكر ولا شي منه ولا اعرف معناته
واصلا حتى لما كنت صغير ما اعرف معناته ! لأنه ولا عمري سألت شنو معناته او شنو المقصد من ورى هالمثل
توني تعلمت
والديموقراطيه كنت اعرفها بس مشكك فرديت سألت واكدت


فحرام عليج ظلمتيني مو عشان ما اعرف جم شغله قلتي ماعرف بالحياة كلها عاد :x
بس هالاشياء ماعرفها ، لأني ما استعملها بحياتي ابدا ، يعني ولا عمري كتبت مثلا بتعبير او بأي مكان كلمة " ديموقراطيه " وكذلك المثل الي انذكر ولا عمري لفظته بلساني
ففي اشياء انا ما اعرفها p; بس عندي خلفيه عنها يعني سامع عنها بس مو ماخذ فكره عن معانتها بشكل واضح وصريح

FACELESS
05-05-2012, 02:05 AM
استغرب
طالب ادبي و ما يستعمل كلمة ديموقراطيه و يحسها كلمه شوي يديده!!

عادةً
الساعه جم تنام ايام الدوامات؟

ابـراهيم
05-05-2012, 02:14 AM
استغرب
طالب ادبي و ما يستعمل كلمة ديموقراطيه و يحسها كلمه شوي يديده!!

عادةً
الساعه جم تنام ايام الدوامات؟



شفيج علي ؟ P:
ههههههههه خلاص حفظت معنى النقش على الحجر مادري العلم مادري شنو المثل حفظته وحفظت معناته
وحفظت كذلك كلمة ديموقراطيه P:
المفروض تشجعيني ، تقولين لي شاطر وليدي ، مبروك حفظتها ، عفيه عليك ، حجي تشجيعي
مو استغرب ، وطالب ادبي وماتعرفها P: < بسمه جنج خالتي لوووووووول P: ما تشجعين على شي
بعدين مو حلوه كلمة ديموقراطيه P: ما احبها P: كرهتهاااااااااااااااااااا ااااااااااااااا P:
هههههههههههههههه جني عصبت ؟ لا لا ترى اتغشمر وياج مو اكثر ولا اقل sis
p;
# غشمره << على قولتكم

اممممممممممممم
والله مادري
انا ترى وايد اعاند النوم
حاليا عيوني تسكر وتفتح من نفسها
مع ذلك طالب مطعم هالحزه ! وبسهر ! وبواصل ! وغصب طيب بخرب نومتي
وبعدين اتحسف واتبجبج واقول جان زين نمت ! وجان زين ما اختربت نومتي ! وجان زين ما رحت الكليه مواصل ! وووو .. الخ

FACELESS
05-05-2012, 02:18 AM
لووووووووووووول
اسفه مو قصدي بس مجرد استغراب

و اهم شي الهاش تاق اللي حاطه بنص الكلام
و ماني معلمتك شنو هاش تاق p;

اغرب كلمه سمعتها لحد الحين؟

اغرب سؤال؟ < مادري اذا انا سائله هالسؤال من قبل بس كيفك لازم تجاوب

احلى مكان بكليتكم؟

لي الحين ما تدل وين كفتيريتكم؟
"ما انصحك تدلها"

ابـراهيم
05-05-2012, 02:24 AM
لووووووووووووول
اسفه مو قصدي بس مجرد استغراب

لووووووووووووووول لا عادي

و اهم شي الهاش تاق اللي حاطه بنص الكلام
و ماني معلمتك شنو هاش تاق p;


نياهاهاااااااااااااااااا اعرفه p;
الهاش تاق
# املق شي بالعالم عرفته هههههههههههه P:

هاش تاق اخر عشان خاطرج :
# عبالج ماعرف شنو الهاش تاق

# نياهاهاها فكر انا مافي معلوم

^ ترى استخفيت يا جماعه

# استخفيت

هههههههههههههههه توني متعلم على الهاش تاق لا تلوموني لووووووووووول

اغرب كلمه سمعتها لحد الحين؟
دغيم ذعار ههههههههههههههههه
اسم الولد لازق بمخي
ترى كان بصفي بثامن مادري بسابع
بالغصب حفظت اسمه مسكين لوووووووووول


اغرب سؤال؟ < مادري اذا انا سائله هالسؤال من قبل بس كيفك لازم تجاوب
اغرب سؤال
لا لا مو سألته
اممممممممممممممممم
كل الاسئله كانت عاديه ما واجهت سؤال غريب
يمكن سؤال كويت ، فرق بين الحقيقه والواقع p;


احلى مكان بكليتكم؟
# النافوره ، ههههههه p;
اموووووووووت على هالمكان حدي حدي حدي ادمااااااااااااان


لي الحين ما تدل وين كفتيريتكم؟
"ما انصحك تدلها"

توقعين متى راح ايي اليوم الي ادل فيه الكفتيريا مالت كليتنا ، بعد جم قرن تهقين ؟
بصراحه لو فكرت اروح الكفتيريا راح اروح مالت الاداريااااااااااه
لأني ادلها p;
وما اضيع فيها كلش ملش
# خبره بالاداريااااااه

ههههههههههههههههههههه
ترى استخفيت رسميا من الهاش تاق هذا لووووووووووول
# حبيت فكرته

FACELESS
05-05-2012, 02:30 AM
امبيه و قسما بالله اني قاعده اضحك و دموعي ترس ويهي!
امبيه اشفيك؟
هاش تاق يستعمل فقط في تويتر
موتني من الضحك الله يهداك وو انت مو فاهم شسالفته xD

شوف
تدل كفتيرية البنات
اللي جنك ياي من الاداريه و تخطر الشارع اللي بين الكليتين
بعدين على يمينك كفتيرية البنات
تدش اكو اصنصير
اصعد فيه
اكو استراحة بنات يمها كفتيريتكم
و شكرا

ليش تحب النافوره؟

شنو الاشياء اللي تنرفزك بطلاب كليتكم؟

ابـراهيم
05-05-2012, 02:39 AM
امبيه و قسما بالله اني قاعده اضحك و دموعي ترس ويهي!
امبيه اشفيك؟
هاش تاق يستعمل فقط في تويتر
موتني من الضحك الله يهداك وو انت مو فاهم شسالفته xd

ههههههههههههههههههههههههه هههههه
والله عاد انا ما عندي تويتر
فيحق لي استعمله بالمنتدى
المنتدى اهوا التويتر مالي
# فاهم المنتدى والتويتر غلط
ترى حتى انا مت من الضحك وانا اكتب الرد لوووووووووول p;


شوف
تدل كفتيرية البنات
اللي جنك ياي من الاداريه و تخطر الشارع اللي بين الكليتين
بعدين على يمينك كفتيرية البنات
تدش اكو اصنصير
اصعد فيه
اكو استراحة بنات يمها كفتيريتكم
و شكرا

اتوقع اني دليتها تصدقين !
بس بصراحه ماحب اروح كفتريتنا
ما زلت افضل الاداريه
# اذرب من الاجتماعيه
# عشان نكون صريحين شوي يعني


" على فكره كنت كاتب كلام اهني وبعدين مسحته "

# خفت انطق

لأنه الكلام عن الاجتماعيه ، وبعد ما قريت الرد مره ثانيه حسيت في اساءه p: فخفت لا يتيمعون علي ويطقوني لوووول ، فقررت اشيل الكلام احسن !

ليش تحب النافوره؟
صوت الماي ، والجو هادي ، ويونس ، وصايره يم كلاسي بالضبط ومنظرها يفتح النفس
# احبها

شنو الاشياء اللي تنرفزك بطلاب كليتكم؟

مادري صراحه ، مرات يقعدون يمي ناس بكلاسي
ودي اقوله وامسكه واصارحه ، اقوله حبيبي تعرف شي اسمه صابون ؟ شور جل ؟ شامبو ؟ انزين عطر ؟ اي شي من هالقبيل ؟ اي شي ممكن يساهم ويعدل ريحتك يعني ؟

# ما يتسحبون

FACELESS
05-05-2012, 02:45 AM
اقولك شغله
تدري شنو اول كلمه طاحت عليها عيوني؟
ما يتسبحون:::::::::::::: *ترى النقط يعني قاعده اظحك فقط للتوضيح"
استغفر الله قاعده اظحك جني مينونه بهالليل على اشياء ما تظحك!

و عادي عبر عن رايك بكليتك و الطلبه اذا كان هذا الواقع ليش خايف تنطق؟
اذا بيطقونك يعني الكلام صح 100%
قول قول

بغير الاسئله

لو اييلك مدمن مخدرات
شلون تتعامل معاه؟
سواء كان واحد بيصاحبك او اذا بعدين فتحت عياده..

شنو الشي اذا شفته ما تتحمل تمسك بجيتك و تبجي جدام الناس؟

ابـراهيم
05-05-2012, 02:54 AM
اقولك شغله
تدري شنو اول كلمه طاحت عليها عيوني؟
ما يتسبحون:::::::::::::: *ترى النقط يعني قاعده اظحك فقط للتوضيح"
استغفر الله قاعده اظحك جني مينونه بهالليل على اشياء ما تظحك!

ههههههههههههههههه بسمه تدرين انا على شنو ميت ضحك الحين
انه ::::::::::::<< هذيله يعني قاعده تضحكين كااااااااااااك
جذي تضحكون بتويتر ولا شنو هذا بعد ؟
# شكله خوش شي التويتر
# بنزله شكله يونس
:::::::::::::::::::::::::::::::: << فهمتيهاااااااا ؟ يعني قاعد اضحك p;

ترى استخفينا احنا ! جد جد مو غشمره p:


و عادي عبر عن رايك بكليتك و الطلبه اذا كان هذا الواقع ليش خايف تنطق؟
اذا بيطقونك يعني الكلام صح 100%
قول قول

اي اي تشجعيني وباجر محد ينطق غيري لووووووووووول
لا اتوقع وصلت واختصرت كل الي كنت بقوله
انه الاداريه " اذرب بوايد " من طلبة الاجتماعيه
وخلصنا p;

بغير الاسئله

لو اييلك مدمن مخدرات
شلون تتعامل معاه؟
سواء كان واحد بيصاحبك او اذا بعدين فتحت عياده..

في مقرر كامل ، راح ندرسه بالجامعه شلون نتعامل مع هالفئه
واهوا من مقررات 400 اتوقع او 300 وفيه ميداني بعد بهالشي
اذا ماني غلطان اسم المقرر غلم نفس الاجرام
والميداني بالسجون : ) ودور الرعايه الاجتماعيه وهالاماكن




شنو الشي اذا شفته ما تتحمل تمسك بجيتك و تبجي جدام الناس؟

امممممممممممممم
مادري عادي
اي شي يبجيني ببجي جدام اي احد خو ماهتم
بعد ببجي شحقه اخش بجيتي p:
ببجي واسوي فلم بعد ما عندي اي مشكله ابدا ابدا
# كلش ماهتم حق الاوادم وقت البجي

FACELESS
05-05-2012, 03:00 AM
اولا النقط مالهم شغل بتويتر
هذي على ايام المسنجر "تذكر المسنجر"؟ p; كنا نحطها يعني قاعدين نظحكp;
مو وايد معروفه قليل يعرفونها

علم الاجرام هذي ماده اختياريه كنت باخذها p;
و ترى الرعايه الاجتماعيه على هالاسبوعين بنروح حق الاحداث
تيي معانا؟ p;

خل اسأل اخر سؤال لاني مصختها جد جد جد

ليش كله تقول كلمة نقط نقط؟
كل ما اقراها اظحك بس ولا مره تجرأت اسأل

و شكرا
و متى تقوم من الكرسي؟ "وايد احن"
نييييييييكست على قولة احلام

ابـراهيم
05-05-2012, 03:12 AM
اولا النقط مالهم شغل بتويتر
هذي على ايام المسنجر "تذكر المسنجر"؟ p; كنا نحطها يعني قاعدين نظحكp;
مو وايد معروفه قليل يعرفونها

علم الاجرام هذي ماده اختياريه كنت باخذها p;
و ترى الرعايه الاجتماعيه على هالاسبوعين بنروح حق الاحداث
تيي معانا؟ p;

خل اسأل اخر سؤال لاني مصختها جد جد جد

ليش كله تقول كلمة نقط نقط؟
كل ما اقراها اظحك بس ولا مره تجرأت اسأل

و شكرا
و متى تقوم من الكرسي؟ "وايد احن"
نييييييييكست على قولة احلام

لووووووووول اها اوكي
عبالي بتويتر بعد p:

علم الاجرام ؟ ولا علم نفس الاجرام ؟


اووووووووووووف
حدي ميت وبروح
ترى شوقتيني اخذ المقرر الي ماخذته عند نفس الدكتور
بس خوفي اخذ واخير شي
# ما يودينا ويشفط علينا

انا عبالي انتي تعرفين شنو يعني نقط نقط
عشان جذي ما سالتيني لوول

قبل سوسا سألتني
وجاوبتها
وكان الجواب كالتالي :


لوووول نقط نقط ، هذي كلمتي من لما كنت صغير ههه p;
دلاله للتحجيم ، اذا احب الشي اقوله احبه نقط نقط كبار ، واذا احبه شوي اقول احبه نقط نقط صغار ، ومن الممكن كذلك اني اقول احبه نقطه وحده بس هههه p: !!!

ومن الممكن اني اكتب نقط نقط من دون صغار او كبار يعني المجال مفتووح p:

امي ساعات لما تدق علي تقولي ابراهيم تبي احطلك من الغدا نقط نقط كبار ولا صغار p: < تضحكني لوول !




وليش اخر سؤال ؟
بالعكس ترى عادي لا مصختيها ولا هم يحزنون
حدي مستمع
اذا في اسأله مني مناك بعد
# عادي سألي



وتبين تقوميني من الكرسي ها
هانت ترى ما باجي وايد
جم يوم واقوم

وياااااااااااا رب انتي او ساره وحده منكم تقعد عالكرسي ياااااااااااااااااااااااا اااا رب
راح استانس اذا وحده منكم
راح اسوي عرس جد جد

ابـراهيم
05-05-2012, 04:24 AM
ووانا بعد لاحظت هالشي حسيت انه ينطبق على شخصيته لقب (شخصيه محافظه)

واتوقع شخصيته برا المنتدى غير عن شخصيته الكتابيه بالمنتدى


توني اشوف كلام منى صراحه سوري سوري

على فكره يمكن غير

بس انه مو يعني اتصنع اهني وبرى المنتدى شي ثاني

لا لا مو هذا التغير

التغير يمكن اني اهني وايد اتكلم واخذ راحتي

برى المنتدى هم اتكلم واقرق وايد بس ماقول كل شي نفس ما قاعد اقوله اهني : )

اهني احاول اتكلم اكثر من الصج ، واهني امسح واوضح واعلق واتناقش اكثر من الصج بوايد

وبس p;

Ahm3do
05-05-2012, 05:12 AM
ماذا ستكتب لنا لتعبر عن حياتك التي عشتها الى الان في كلمات قليله ؟


.هل ملابس الشخص امامك تؤثر فيك لتأخذ عنه انطباع ؟؟

اي
كل شي يسويه الشخص الي جدامي يدل على شخصيته
لبسه ، حركة ايده ، وحتى حركة شفايفه ، لون سيارته ، لون ساعته ، طريقته بالمشي ، طريقته بالكلام ، كل شي يسويه يخليني اخذ عنه انطباع : )


.

اساله حلوه p;

وضح .؟

ابـراهيم
05-05-2012, 05:19 AM
وضح .؟


اممممممممم
مادري شلون اوضحلك
بس انه كل شي بالشخص الي جدامي
بأي تصرف يسويه الي جدامي
يخليني اخذ انطباع عنه

السؤال كان عن الملابس
وهل تأثر او لا عشان تخليني احكم ع الشخص
يعني لو شفت شخص ملابسه غريبه شوي
راح اقول عنه انه هذا شخص ممكن يحب يلفت الانظار

لو شفته لابس ، ازرق ، احمر ، اخضر ، اصفر ، ومدخل الوان ابعضهم
راح اقول انه ما يعرف يلبس وينسق بين الالوان p:

لو شفت وحده لابسه لبس مستر ، ومحتشم ومحترم راح اقول عنها متلزمه وطريقة لبسها محتشمه

وهكذا .. !

وصلت ؟

Miss Sarah
05-05-2012, 05:34 AM
ترااا فيني حمااااااس مو طبيعي :$

اذا اردت ان تبكي الان , فعلى من تبكي؟
اغمض عينيك دقيقه لو سمحت, ماذا خطر على بالك وانت مغمض العينين ؟
هل تقارب السن بين الاصدقاء شي ضروري لنجاح الصداقة؟؟
لو كنت متضايق من شي معين هل اول انسان تفكر بأن تقول له هو صديقك ؟؟
مامعنى الصداقه بوجهه نظرك؟؟؟
هل يوجد فرق بين الصديق والصاحب واذا كان فما هو الفرق؟؟؟
هل تجعل ثقتك كامله فى صديقك ام جزء منها ؟؟و لماذا؟؟؟
هل خنت صديقك لك ؟؟؟
هل خانك صديق لك ؟؟؟
هل يمكنك ان تضحى بحياتك من اجل صديق لك ؟؟؟
اذا كان لديك صديق مخلص لك وصادق يعرف كل اسرارك وتستشيره فى جميع الامور واستشرته فى امر انت تحبه ومتمسك جدا بيه لكنه نهاك ان تفعله ماذا سيكون رد فعلك؟
تراااا في اسئله اصعب من هاذي بس رااح اسألك ايها بعدين خو انا مستلمتك راااح احللك :P

:) Good Luck

ابـراهيم
05-05-2012, 05:39 AM
ترااا فيني حمااااااس مو طبيعي :$


ههههههههههه اهلين ساره
يا ويلي كل هالاسئله
الله يعيني ويصبرني ، عاد حدي دايخ وفيني النوم p:

اذا اردت ان تبكي الان , فعلى من تبكي؟
محد الا اذا شي يستاهل اني ابجي عليه

اغمض عينيك دقيقه لو سمحت, ماذا خطر على بالك وانت مغمض العينين ؟
اني انام p: خفت لا انام وانا مغمض ههههههههههه

هل تقارب السن بين الاصدقاء شي ضروري لنجاح الصداقة؟؟
مو شرط ، بس كل ما كان السن مقارب كل ما صارت احلى واحلى


لو كنت متضايق من شي معين هل اول انسان تفكر بأن تقول له هو صديقك ؟؟
يس ، وايد ابدي ربعي على وايد اشياء

مامعنى الصداقه بوجهه نظرك؟؟؟
اثنينه يحبون بعض كأصدقاء يتشاركون الفرح والحزن ويكونون مع بعض واحد يساند الثاني وينسون لوناسة بعضهم ويزعلون لزعل بعضهم


هل يوجد فرق بين الصديق والصاحب واذا كان فما هو الفرق؟؟؟
مادري يمكن ؟
الصديق يمكن الكلوز حيل
الصاحب الي شوي اخف ؟
ترى مادري لووول p:


هل تجعل ثقتك كامله فى صديقك ام جزء منها ؟؟و لماذا؟؟؟
على حسب الصديق
في ناس اثق فيهم ثقه عمياء ، في ناس بطلت اثق فيهم وصرت ماقول ولا اي شي كلش ملش


هل خنت صديقك لك ؟؟؟
لا


هل خانك صديق لك ؟؟؟
اوووووووووووف عد وخربط


هل يمكنك ان تضحى بحياتك من اجل صديق لك ؟؟؟
اي


اذا كان لديك صديق مخلص لك وصادق يعرف كل اسرارك وتستشيره فى جميع الامور واستشرته فى امر انت تحبه ومتمسك جدا بيه لكنه نهاك ان تفعله ماذا سيكون رد فعلك؟
عادي ، اذا انا مقتنع فيه ما راح اسمعه وراح اسوي الي براسي بالنهايه
الا اذا اهوا عرف شلون يغير وجهة تفكيري وخلاني صج صج اقتنع بكلامه وابطل اغير رأيي او خلاني افكر اني " ما اسوي " هالشي كلش

تراااا في اسئله اصعب من هاذي بس رااح اسألك ايها بعدين خو انا مستلمتك راااح احللك :P

:) Good Luck

ههههههههههههه
اوكي خلاص سألي براحتج
انا بنام الحين
ولما اقعد بجاوب على المليون سؤال ملوتج p: اتفقنا ؟

Miss Sarah
05-05-2012, 08:05 AM
انااااا هذولي اسألتي :$
تراااا هذا لاااا شي مقااارنه بالاسئله اليايه :)



ماهو شعارك في الحياة ؟
ماذا تعني لك الحياة ؟
ماهو اثمن شي فقدته؟
متي تحس بالأمل ؟
متي تحس بخيبة الأمل ؟
ماهو الشي الذي تتمنا ان يرجع عشانه الزمان لتعيشه ؟
ماهي المشكلة اللي متعبتك في الحياة ؟
هل تؤمن بالحظ ؟
كم مره تهاوشت في حياتك؟؟..شخص مشهور تمنيت انك مكااانه؟؟
هل كنت بصراحة شاطر بالمدرسة او لأ
بيت شعر تردده دائما ؟
لقب تحب ان يطلقونه الناس عليك؟

انشااااا الله الاسئله اليايه بتكون اكتب فقره او علل او اذكر السبب فالله يعينك :p

Zlabya Zoz
05-05-2012, 11:56 AM
كؤيت ( ساره ) سلفيني أسأله هههه

ماشاء الله عليج, ,




سؤال يا ابراهيم ,,

فرضا عندك. صديق ووثقت فيه وقلت له يا فلان انت حسبت اخوي, , ويتطلب هالصديق وتقوله حاااضر,,

وتوديه وتييبه المكان اللي يبي وتساعده بدراسته. . عاد يوم طلب منك بيزات أول مره ساعدته عطيته البيزات مثلا نقول (50) وقالك ابراهيم وعد الشهر الياي اردهم لك ,,, صار الشهر الياي قالك ابراهيم عادي تعطيني 60. ,, انت قلت له اسف ما اقدر, , من يومها اللي ماعطيته سحب عليك, , لا انت صديقه ولا اخوه ولا شي, ,

والمتسلفهم منك. صارله 6 اشهر مردهم لك, , وان كلمته قالك لا تخاف ماراح. آكلهم! !!


فإنت أول شي شنو احساسك بالضبط, ,

ثاني شي تحاول ترد علاقتك معاه, ,

ثالث شي تحترمه! !

رابع شي بتاخذ فلوسك منه ولا تقول دفعة بلاء, ,

اذا فهمت من كلامي شي قولي اوك, ,,

Miss Sarah
05-05-2012, 12:05 PM
كؤيت ( ساره ) سلفيني أسأله هههه

ماشاء الله عليج, ,


لوووووووول زلابيه زوزو افااااااا عليج ترا انا مستلمه ابراااهيم ابي اطلع حره الدراسه بالاسئله :$


تبين اسلفج اسأله نقط نقط صعبه وله سهله على قوله ابراهيم نقط نقط لووووول x:D



I’m back
يالله بسم الله ابدأ
ما هو أبعد مكان سافرت له؟
هل مشاركاتك في رأيك جيدة وكثيرة وشاملة؟
هل ترى أنت تستحق عدد النقاط في التقييم ؟
هل مللت من الأسئلة ؟

Zlabya Zoz
05-05-2012, 12:39 PM
نقط نقط متوسطه هههه




سؤال أيهما ألذ


مجبوس دياي ولا معكرونه بالباشميل هههه

Anonymous
05-05-2012, 02:02 PM
،

Supernatural studies = الدراسات المتعلقه بماوراء الطبيعه ، او ما فوق الطبيعه .. =) ،

تؤمن بوجودها ؟

يعني مثال ، الاحتراق الذاتي ؟ التواصل الذهني ؟ استخدام طاقه الذهن لتحريك ادوات ؟ ،

ملاحظه : هذا علم يُدرس و يُبحث فيه حالياً ً ، و ليس شعوذه و سحر p;

ابـراهيم
05-05-2012, 04:50 PM
انااااا هذولي اسألتي :$
تراااا هذا لاااا شي مقااارنه بالاسئله اليايه :)

يا ويلتي ويلتاه
اوكي نبلش

ماهو شعارك في الحياة ؟
اممممم
ما عندي شعار والله
شعاري يمكن يتغير بين فتره وفتره
ماكو شي ثابت عليه يعني

ماذا تعني لك الحياة ؟
شي حلو ، اذا كنت مفائل تعيشها صح ، كنت متشائم ، عمرك ما راح تعيشها

ماهو اثمن شي فقدته؟
فووووووووووووني الدمعه القديم نوكيا مال سنة الطواعين
كنت بالاكوابارك وكنت لابس شورت وداخل مخباة الشورت حاط فوني
ونزلت البحر والاحواض ولعبت وخلصت واتذكرت بعدها انه تلفوني بمخباتي
وطبعا كان كله ماي واخترب P: يمكن هذا اثمن شي
اي ومره ضاع مني بوكي كان فيه بطاقتي المدنيه وهيك شغلات
حدي انتحرت لما ضاع
بس ما كان فيه فلوس وايده لووول ، كان فيه 3 دنانير ونص P:

متي تحس بالأمل ؟
بكل وقت

متي تحس بخيبة الأمل ؟
لما اطمح اني اييب شغله ، انا ادري اني اقدر اييبها ، بس بالنهايه ما اوصل لها

ماهو الشي الذي تتمنا ان يرجع عشانه الزمان لتعيشه ؟
ايام الثانويه

ماهي المشكلة اللي متعبتك في الحياة ؟
امممممممم مادري مافي شي معين ببالي صراحه
عادي ماكو امتعبني بالوقت الحالي ولله الحمد

هل تؤمن بالحظ ؟
اؤمن فيه كغشمره ، بالصج = لا ، قصاء وقدر وخيره لا اكثر ولا اقل

كم مره تهاوشت في حياتك؟؟..شخص مشهور تمنيت انك مكااانه؟؟
ما اتهاوش ، وايد ابتعد عن هالسوالف ، واحاول امسك نفسي كثر ما اقدر ، شخص مشهور تمنيت مكانه الدكتور طارق الحبيب ، بس " بنفس مستواه الدراسي والمراحل الي وصل لها " ، لأني ما اتفق معاه بكل افكاره ،،


هل كنت بصراحة شاطر بالمدرسة او لأ
يب p;

بيت شعر تردده دائما ؟
يااااا ليل مطووووووولك هههههههههه p;
لا لا ماكو بيت شعر دائما اردده ، بس لما قلتي بيت شعر هذا يه ابالي لوول p;


لقب تحب ان يطلقونه الناس عليك؟
كل لقب حلو p;


انشااااا الله الاسئله اليايه بتكون اكتب فقره او علل او اذكر السبب فالله يعينك :p

يااااااا ويلي علل واذكر السبب بعد هههههههه اوكي ناطرج p;

ابـراهيم
05-05-2012, 04:53 PM
كؤيت ( ساره ) سلفيني أسأله هههه

ماشاء الله عليج, ,


لوووووووووووووووول
اهم شي تبون تتسلفون من بعض اسأله وتتأمرون علي p:



سؤال يا ابراهيم ,,

فرضا عندك. صديق ووثقت فيه وقلت له يا فلان انت حسبت اخوي, , ويتطلب هالصديق وتقوله حاااضر,,

وتوديه وتييبه المكان اللي يبي وتساعده بدراسته. . عاد يوم طلب منك بيزات أول مره ساعدته عطيته البيزات مثلا نقول (50) وقالك ابراهيم وعد الشهر الياي اردهم لك ,,, صار الشهر الياي قالك ابراهيم عادي تعطيني 60. ,, انت قلت له اسف ما اقدر, , من يومها اللي ماعطيته سحب عليك, , لا انت صديقه ولا اخوه ولا شي, ,

والمتسلفهم منك. صارله 6 اشهر مردهم لك, , وان كلمته قالك لا تخاف ماراح. آكلهم! !!


فإنت أول شي شنو احساسك بالضبط, ,

احساسي اول شي بكره الشخص ، مستحيل اثق فيه بعد ، اول واخر مره اعطيه فلوس بحياتي كلها


ثاني شي تحاول ترد علاقتك معاه, ,
لااااااااااا


ثالث شي تحترمه! !
شوفي عشان اوضح نقطه صغيره بس ، يمكن اهوا يمر " بضائقه ماليه " او ظروف صعبه ، ومهو قادر يرجع الفلوس ، اهني ممكن اعفي عنه لانه المبلغ مو وايد كبير ، يعني 50 دينار بس ، فعادي اقوله الله وياك انتا والفلوس ، بس انه عاد مو اسلفه كل دقيقتين وبعدها انا اقعد عالحديده " خاصتا وانا ادري انه اهوا ما راح يردهم بالاساس " ،، اما اذا عنده فلوس ، ويقدر يردهم " بس اهوا ما يبي يردهم " اهني اقطع علاقتي ولا احترمه واخليه يولي بسبعين داهيه ، واعتبر الفلوس " صدقه " عليه


رابع شي بتاخذ فلوسك منه ولا تقول دفعة بلاء, ,
دفعة بلاء ما يشوف شر

اذا فهمت من كلامي شي قولي اوك, ,,

فهمت كل شي افا عليج p:

ابـراهيم
05-05-2012, 04:55 PM
كؤيت ( ساره ) سلفيني أسأله هههه

ماشاء الله عليج, ,


لوووووووول زلابيه زوزو افااااااا عليج ترا انا مستلمه ابراااهيم ابي اطلع حره الدراسه بالاسئله :$


هههههههههههههههههه تطلعين حرتج فيني ، ماشي ماشي يا ساره p:


تبين اسلفج اسأله نقط نقط صعبه وله سهله على قوله ابراهيم نقط نقط لووووول x:d

لوووووووووووووووووووووووو ووووول
صج صج ضحكتيييييينييييييييي p;
كااااااااااااااك


i’m back
يالله بسم الله ابدأ
ما هو أبعد مكان سافرت له؟

والله ما سافرت كلش p:
عازمتني على سفره يقولون ؟ صج ؟
بتوديني فرنسا مادري صج جذب مادري p:


هل مشاركاتك في رأيك جيدة وكثيرة وشاملة؟
بالكتابه يس ، بالواقع والحقيقه او جدام ناس ما اعرفهم مو وايد اشارك بصراحه : )


هل ترى أنت تستحق عدد النقاط في التقييم ؟

ان شاء الله استحق : )

هل مللت من الأسئلة ؟

لا p:
في بعد ؟
هذيله شويه p:

ابـراهيم
05-05-2012, 04:56 PM
نقط نقط متوسطه هههه




سؤال أيهما ألذ


مجبوس دياي ولا معكرونه بالباشميل هههه



لوووووووووووووووووول متوسطه P:
ضحكتوني صج من قلب x:D


معكروووووووووووووونيييييي ية بالباشميل
من صجج ؟
حدي امووووووووت فيها
ادمان معكرونية انا
مرت اخوي دائما تسويلي معكرونية وطرشها البيت حقنا خصيصا حقي
مكتوب على المعكرونيه اسمي P:
حدي حدي احبها ، اموت فيها ، اوووووف شهيتيني فيها الحين زييين p;

FACELESS
05-05-2012, 04:57 PM
جم تبي فلوس عشان تدرس بشكل متواصل بدون استراحه؟

متى امتحانك؟

ابـراهيم
05-05-2012, 04:59 PM
،

Supernatural studies = الدراسات المتعلقه بماوراء الطبيعه ، او ما فوق الطبيعه .. =) ،

تؤمن بوجودها ؟

يعني مثال ، الاحتراق الذاتي ؟ التواصل الذهني ؟ استخدام طاقه الذهن لتحريك ادوات ؟ ،

ملاحظه : هذا علم يُدرس و يُبحث فيه حالياً ً ، و ليس شعوذه و سحر p;


سوسااااااااا p;
ولكم ولكم p;

الدراسات المتعلقه بما وراء الطبيعه او فوق الطبيعه وكاتبتلي المسمى بالانجليزي لووول P:
حرام عليج من وين بعرف المعنى انا P:

اؤمن جدا جدا جدا جدا جدا جدا جدا جدا جدا جدا
اتوقع اني اميل حيل حق هالسوالف ، لو طاح بأيدي كتاب يتعلق بهالخصوص او مقرر يندرس او تخصص ، او اي شي من هالقبيل ، من الممكن اني احضره واشارك بمثل هالسوالف واستمتع جدا بمثل هالامور : )

FACELESS
05-05-2012, 04:59 PM
سؤال سقط سهوا

اكثر سؤال استفدت منه؟
ولا ماكو؟
ماكو؟
اوكي
*اقلدك* p;

ابـراهيم
05-05-2012, 05:00 PM
جم تبي فلوس عشان تدرس بشكل متواصل بدون استراحه؟

متى امتحانك؟



لووووووووووووووول
الحين الحين بقوم P:

امتحاني يوم الخميس
10 / 5
بعد 5 ايام بالضبط من الان p;


10 دقايق وبقوم ادرس ان شاء الله p;

reese
05-05-2012, 05:03 PM
شنو احلى هدية اهدوها لك ؟ و من منو ؟ p:

ابـراهيم
05-05-2012, 05:03 PM
سؤال سقط سهوا

اكثر سؤال استفدت منه؟
ولا ماكو؟
ماكو؟
اوكي
*اقلدك* p;


ههههههههههههههههههههههههه ههههههههههههههههه

اكثر سؤال استفدت منه

امممممممممممممم

بصراحه ؟
استفدت حيل لما ضحكت امس على سوالف الهاش تاق وفصلت مره وحده نهائيا

كنت محتاج اضحك صج صج كنت محتاج للضحك عشان ابتعد عن ضغط الدراسه

فأتوقع الضحك الي صار امس اكثر شي استفدت منه : )

شكرا بسمه p:
خليتيني اضحك امس p:

ابـراهيم
05-05-2012, 05:05 PM
شنو احلى هدية اهدوها لك ؟ و من منو ؟ p:

خالتي
عطتني 100 دينااااااار p:
كانت احلى هديه لوووووووووووول

كان عيد ميلادي ، واهيا كانت قاطه علي نغزات انها بتشتريلي هديه وانه شنو تبي هديه ومن هالحجي

عاد خفت لا تييب لي شي انا ما ابيه او ما احتاجه p:
فقلتلها مادري والله انا افضل احد يعطيني الفلوس وانا اشتري الي ابي << توقعين اشكره بطيتها بويها ؟ p:

عاد عطتني 100 دينار بيوم عيد ميلادي

طبعا انصدمت لما شفتهم
جذي كانوا 10
10
10
10
10
وانا قاعد عشره ، عشره ، لوووول لين وصلت 100
واستانست نقط نقط عملاقه

كنت صغير اموت على الفلوس p:

No.Bc
05-05-2012, 05:10 PM
عطني نصيحة ؟
شرائك فيني ؟
شنو تشوف سلبيات فيني ؟
أنا الحين حزين :( شسوي ؟

ابـراهيم
05-05-2012, 05:17 PM
عطني نصيحة ؟
شرائك فيني ؟
شنو تشوف سلبيات فيني ؟
أنا الحين حزين :( شسوي ؟



نصيحه : شد حيلك بالدوله الي انتا فيه وركز بدراستك ولا تغرك الاشياء الي اهناك ، دائما حط بالك وتركيزك على دراستك ، وعسى ربي يوفقك ان شاء الله

رأيي فيك : طموح دراسيا ، حبوب ، بصراحه ما احتكيت فيك وايد وايد ، عشان ابدي رأيي بشكل صحيح p: ، بس بينا قاسم مشترك ، وايد نسهر @^@

سلبيات فيك / اممممممممممم بصراحه ماعرفك عدل ، خل اعرفك عدل مدل وارد اجاوبك على هالسؤال p:

انتا الحين حزين ، اممممممممممم تذكر شخص يسعدك ، ودق عليه ، كلمه ، او غير جو ، سو اي شي يديد ما سويته ، اطلع حاول تستانس ، لا تخلي الحزن يسيطر عليك ، اضحك ، كركر نقط نقط عملاقه x:D ، تذكر سوالف تضحك او تونس ، قوم اطبخ او سوولك نسكافيه واشربه وطالع فلم ، عشان يروح الحزن P; ، سو اي شي ينهي الحزن
# حارب الحزن

reese
05-05-2012, 05:17 PM
لووووول احلى شي انهم عشر عشرات ~o~

امم طيب اسئلة ثانية

اذا كنت معلم راح تدرس شنو ؟

عمرك حطيت مدرسين خصوصيين ؟

هربت من المدرسة p:

موقف لا يمكن تنساه صالك بالمدرسة ؟

اقرب معلم لك اي مادة و اي مرحلة ؟

اول ما تخرجت من المدرسة شصار فيك شنو شعورك ؟

Redberry Dashty
05-05-2012, 05:20 PM
سوسااااااااا p;
ولكم ولكم p;

الدراسات المتعلقه بما وراء الطبيعه او فوق الطبيعه وكاتبتلي المسمى بالانجليزي لووول p:
حرام عليج من وين بعرف المعنى انا p:

اؤمن جدا جدا جدا جدا جدا جدا جدا جدا جدا جدا
اتوقع اني اميل حيل حق هالسوالف ، لو طاح بأيدي كتاب يتعلق بهالخصوص او مقرر يندرس او تخصص ، او اي شي من هالقبيل ، من الممكن اني احضره واشارك بمثل هالسوالف واستمتع جدا بمثل هالامور : )

اذا حاب تقرى كتب مثل جذي عندك كتاب اسمه خلف اسوار العلم حق عبد الوهاب السيد :)

ابـراهيم
05-05-2012, 05:26 PM
لووووول احلى شي انهم عشر عشرات ~o~


لووووووووول اي



امم طيب اسئلة ثانية

اذا كنت معلم راح تدرس شنو ؟

علم نفس ، ودي علوم بعد ، ويمكن لغه فرنسيه p:
# خيالي واسع



عمرك حطيت مدرسين خصوصيين ؟
اي ، حق الرياضيات فقط ، ورياضيات القدرات ، لا وسقطت ويبت 5% بعد تصدقين p:

هربت من المدرسة p:
ولا عمري بحياتي كلها هربت ، هربت اخييييييير يوم دراسه بالثانوية كلش كلش
لانه اصلا ما كان في دوام والاساتذه ما يعطون حصص وماكو الا انا وجم طالب
فمو تهريب p: بما معناه يعني لوول


موقف لا يمكن تنساه صالك بالمدرسة ؟
اممممممم لما كرموني بالطابور o;
كانوا صفنا يصرخون ويصفقون
وعااااااااااااش ابراهييييييييييييم وعاششششششششش ابرااااااااااهيييييييم
وطبعا لا تظنين انه هالتصفيق والتشيجع حبا فيني ، لا لا ، عشان اغششهم بامتحانات القصيره
ومع ذلك ، ما كنت اغشش احد ترى p:



اقرب معلم لك اي مادة و اي مرحلة ؟
معلم اللغه الفرنسيه ، لأنه كنت وايد اشارك بمسابقات بالفرنسي ، فكنت 24 ساعه وياه ، ونتشاور ونتناقش بأفكارنا مع بعض ، يعني قبل سوينا مسرحيه بالفرنسي ، وتناقشنا مع بعض فيها
وعلى فكره كان دوري انه انا " الابو " والله لا يوريج شكلي ..
نتفتين ومو طويل ، واحس شكلي ياهل وقتها p: ، مادري شلون يعني اشكره اشكره ما اصلح اني اكون ابو لوووول
ولبسوني بعد غتره وعقال واحس ما زلت ياهل p:
حتى الموجهين لما يو بيقيمون المسرحيه ، ماتوا من الضحك انه انا الابو
والي ماخذ دور " ولدي " بالمسرحيه ، اهوا واحد لون بشرته غامجه واطول مني بدبلات ، يعني كلش ما اصلح اكون انا ابوه ابدا :x

بس لأنه دور الابو بالمسرحيه كان صعب وطويل ومحد كان راضي فيه ومحد كان له خلق يحفظ كل الكلام الي بالنص مال الابو ، بس انا كان لي خلق وحبيته وحفظته p:


اول ما تخرجت من المدرسة شصار فيك شنو شعورك ؟

اخير يوم مدرسه
الناس كلها تقحص ومستانسه وتصارخ
تدرين انا شسويت ؟
ركبت مع رفيجي سيارته وقلتله ودني البيت بسرعه بسرعه
كان مخي مو بينفجر
احس مخي كله معلومات ، وتعبان ومواصل ، كنت صج صج مختاج حق فراشي ، مو غشمره ابي فراشي مابي شي ثاني
ورحت ونمت وما قعدت الا بعدها بقرون وسطى p:
ولما اطلعت نسبتي ، ارتحت واستانست ، وقلت الحمدلله ، واخوي سوالي عشى ابيتنا وعزم اهلي وهيك وكنت مستانس ، يعني صج صج الحمدلله على نعمة النسبة والجامعه وفرحة الاهل
كنت مستانس بلي وصلتله ، حسيت اني استاهل النسبه الي خذيتيها : )