أهلن وسهلن بالحلوين ..!

[pink0sha]

أول شي هاي شلونكم شخباركم :)
ثاني شي بقوله .. انا لاحظت انه المنتدى إشوي نايم وهدوء وجذي فقررت
بما اني فرده من أفراد المنتدى بظيف شي قد يكسر من الروتين ويعني يصير في رأكشن حركة وانشالله يعني هيهيهي :$$
المهم الموظوع الي انا بقولكم ايا .. بما انكم من عيال الجامة اللاستراليه ..
أبي كل واحد فيكم يصف الجامعة الاسترالية بكلمه .. ويحط ايجابيات \ وسلبيات عنها ..
والي داشها عشان ماعنده معدل لو عنده معدل . يغيرها ولا لأ؟ او وين يروح ؟ وليش؟
يعني قرقه أنتناقش فيها ونشوف وجهة نظركم تفيدونا ونفيدكم opO

[ACK]

اي والله حده ما فيه اكشن القسم :x
ممم الكليه مادري ما اعرف شلون اوصفها
بس رايي فيها بكل صراحة اول كورس دشيت انصدمت بوايد اشياء
لانه قبل لا ندش كانو يقولون لنا اشياء بعد ما دشينا ما شفناها
وايد اشياء كانت بس كلام
و اول كورس بعد وايد اشياء غريبه و البنات كان لبسهم حده فاضح ما جنه بالكويت :×
بس من الكورس الي طاف بدو يشدون عليهم و صار في سحب للid فصار الوضع طبيعي
و هم مدرسين الكليه في وايد مدرسين مو بالمستوى المطلوب
و اول كورس دشيت كان مدرسنا من شدة غبائه لي نهاية الكورس و اهو ما يعرف اسامينا
و الكليه ما فيها دكاترة في قليل جدا ... المفروض يكون في دكاتره مو كله مدرسين عندهم ماستر

و الي ما يعجبني انه الكليه كل مالها و تطمع اكثر و عدد الطليه زايد واااايد
اول ما دشينا كانو 1800 الحين صارو 2400بخلال كورسين و اعتقد انه الكليه غير مؤهلة لأستيعاب هذا الكم من الطلبه

و اكثر شي غثني هالكورس لمن دزو ايميلات حق الطلبه يقولون الي يسفط بره راح نبلغ الدوريات عشان تخالفه و مو عاجبهم الي يسفطون بره الكليه عالشارع
و قبل جم يوم بعد البريك الساعه 11 ما قامو يدخلون الطلبه على ابو انه ماكو مواقف داخل و الي يبي يدش يصفط بره و ايي مشي
و لمن نحط سياييرنا بره عالشارع نتخالف :mad:

هذا من ناحية السلبيات بشكل عام

و من ناحية الايجابيات

الكليه صغيره و ملمومه نوعا ما و ساعات الدوام قصيره


هذا رايي بالكليه بأختصار مطول شوي :\\

و انتي شرايج بالكليه

[pink0sha]

lool thanks 3ala tjawbk bl mw`6oo3 :P w inshalla elly tabeeh e9er inshalla :P
mmmm for me mmm ana lel7en a7s mo mstw3eba eney bl jam3a hehehe :P still high school ,,
3ajbni feha enha ..
more7a ,, 9`3nona wma9ar shay `6aygni lel7en
wetha kan fe shay mo 3ajbni ohwa ena mo ga3den yswolna shay tarfehey oo ena kela class b class w bsr3a ya5thon el `3eyab oo bs
that`s all.

[*pwincess*]

q8_loving

بصراحه كفى و وفى ! كل اللي بغيت أقوله و زياده قاله .. ما اقول الا الله يعدي هالسنه على خير و نتخرج ان شاءالله ونفتك =\

مشكووره حبيبتي على موضوعج ^^

[#ALOOSH#JUM3A#]

امممممممم

انا رايي غير نوعا ما ...

اول شي صح اول مادخلت تنحت من الاشكال وجذي ..

بس كدكاتره فالصراحه انا احب دكتورتي ووايد زينه ...

واحس الكليه زينه انها نونو .. عشان لانتعب وايد لان الحين وايد نتعب من المشي فماله داعي تصير اكبر ...

اما المسافط فانا ما اعاني لان اخوي الي يقطني ويصفط هي هي هي

انا حاليا تعودت على الكليه .. مع ان بالبدايه مابغيتها بس الحين لو يقولون تقدرين تغيرينها راح ارفض لان تعودت وحبيتها :)


مشكوووره زدتي القرقه هي هي هي

[ضاري القطان]

الموضوع وايد حلو لان صج الكليه الأستراليه مبناها مو حلو مو مثل جامعة الخليج لان جامعة الخليج حلو مبناها_____ اتمنى ان يبنون برج داخل الجاااامعه لوووووووووووووووووول




ياكل كله يـاكل

[ACK]

بس الحق ينقال في بعض التعديلات صارت بالكليه

تدري شنو التعديلات ؟؟

حطو ليتات زرق بالاصنصيرات

بعدها باسبوع شالوهم و حطو صفر

كل اصنصير فيه 5 ليتات صغار بس يشبون اثنين يمكن يبون يوفرون :)

[Mr.Ahmad]

وحاطين مظله من مبنى 1 لي مبنى 4

يعني نمشي ونرد بالظل :q

بس السياره محترقه بالشمس :/

وصبغوا مبنى 1 (( شعليكم ))

ووو بعد شنو

افتحوا (( ســـاب وي ))

وشالوا الكفتريا الفاشله

والمواد كل كورس تتغير !! كـ أنهم عارفين السلبيات الكثيره بالمواد

والكمبيوترات صراحه لا تعليق !! الكمبيوتر غصب يشتغل ويبيله نص ساعه عشان يستوعب ان حضرته اشتغل !!

ووايد نعاني من تغيير الكمبيوتر اذا ما فتح ويانا اليوزر !!

غير الحـــــــــــــــــر بالكلاسات واللاب !!

والكليه اسمها (( الكليه الاستراليه )) والمدرسين امريكان وبريطانيين واذا حصلنا مدرس استرالي يكون اصله (( صيني ولا هندي ولا فلبيني وغيره )) وتعال اسمع البدليات واللكنه الصعبه اللي ما تنفهم !!

ما مر علي مدرس استرالي ( اصلي ) :q

صراحه السلبيات اكثر بواااايد من الايجابيات

هذا وانا بكمل عندهم بكالريوس :/

الله يعين

[Twilight]

يسلمووو على هالموضوع ، والفكرة الرائعة

بالنسبة لي توني يديدة بالكلية ،ومعدلي عاااالي واخترت الكلية بنفسي وماندمت اني دشيتها.

مو كل اللي انقال اشوفه ..!

السلبيات : ان المصافط ماتكفي وبدون مظلات والكلية جوها ممل ،والمباني مو كشخة

الايجابيات :يهتمون بالطلبة وتعاملهم راقي ،طبعا اقول هالحجي لاني صارلتلي مشكلة بالكلية وحلوها لي بدون مااتضايق او اتعب ، وافتحوا كلاس زيادة لان الطلبة اطلبوا هالشي، يعني مايكشتون في طلباتنا، بس المشكلة ببعض العرب اللي يشتغلون هناك نفسيتهم خايسة

-الانضباط ،كل شي بمواعيد ولازم تلتزم بمواعيدك ،ووقت اللعب لعب ووقت الجد جد
-ماكو شي اسمه واسطة
-الدراسة موصعبة ولا سهلة ،بس بالاخير على مستوى عالمي وشهادتين

الكلاسات باردة ومرات مانقدر نتحمل البرد ونطفي المكيف

اممممممممم اذا تذكرت او شفت شي يديد بقولكم ...

ومشكورة على الموضوع المميز

[ACK]

مستر احمر للعلم ترا المظلات تخر معاي وقت المطر

و بلدنق 1 ما صبغوه من فراغ لا .. ما اصبغوه الا لمن درو اني راح اداوم فيه من الكورس الياي <<<< اقلب ويهك :× لول

و ساب واي ترا بروحه مو كافي احنا اكثر من 2500 طالب مو معقوله ساب واي و سكند كب بسسس

و المناهج صح كل كورس شي غير لول

و بالنسبه للمدرسين انا اقول حمدي ربج ترا غيرج مدرسينهم هنود

و انا بعد كلاسي ياتنا مس مسويه روحها اجنبيه اخر شي طلعت لبنانيه

<<<<<<<<<<<<<<<<<<<<<<<<<<<<<<<<<<<<<<<<<<<

و توايلات بالنسبه لبعض اللي يشتغلون بالكليه و نفسياتهم مو حلوه

خصوصا مالوت التسجيل

يوم سجلنا صاحبي قال لها ابي اصير بكلاس ربعي اللي توهم سجلو

جان ترد عليه بصوت عالي ((شنو يهال انتو ))

و اكو وحده ثانيه مالت الكاونتر المشكله حاطينها بالويه حق اي زائر يدش الكليه

و هذي بامتحانات الميد سيمستر تهاوشنا وياها و صارت مشكله كبيره بالادارة لانها مو محترمه

و معنها بالاداره بس الادارة وقفو معانا و قالو انها رابع مشكله لها هالكورس

ليش رازينها بالويه حق الرايح و الراد مادري

[المحتاره]

اولا السلام عليكم ورحمة الله وبركاته
ثانيا حابة اشكرج على فكرة اننا نسوي نشاط في المنتدى لانها وللوهلة الاولى كانت نفس فكرتي:$
لان جد المنتدى نايم والمواضيع ما تغيرت من على الصفحه الاولى صارلها فوق الشهر

اما بخصوص رائي بالكليه
صحيح ان رأيي مو مسموع ولا راح يوصل
لكن على قولتج من باب القرقه فقط لوول


الكلية صحيح انها صغيره نوعا ما ولكنها هاديه وااايد اذا صارلت مشكله تعرف وين تروح والحراس منتشرين بكل مكان
المدرسين زينين وعندهم اسلوب حلو ووايد يساعدون
اوقات الدوام قصيره وفي بريكات تناسب الاغلبيه
سب واي وسكند كاب حلووين ويأدون الغرض
نجي عاد للسلبيات واللي غالبا ما في جامعه مو موجوده فيها
اولا وهو الاهم المبالغ اللي قاعده تاخذها الكلية باشياء مالها معنى ((والعداده تحسب))
وفي بعد عندج المصافط
وووما ادري هذا اللي يحضرني الحين
اذا تذكرت شي بقولكم

ومشكوووره يالغلاا
(f)

[العجيل]

الكويتين لو تحطلهم برج خليفه بطلعون فيه عذروب ويقولون عوي هههههه

عموما كل مكان في ايجابيات وسلبيات

بس الحمدالله احنا بالكويت احسن من وايد غيرنا لو تشوفون جامعات الدول الثانيه بطقون على روسكم


الكليه الاستراليه لي حد الان زينه

المواقف x
لبس البنات x

الدكاتره جيدين
الكلاسات واعداد الطلبه الي فيها جيده
النظام جيد
فترتين صبح وعصر ماتخليك تحس بعدد الطلبه الزايد
دوام قصير

:)
بالنهايه الله يوفقنا ووفقكم بهل مرحله ونعديها الكليه مجرد مكان ندرس فيه ونمشي ومو بالضروره تكون قصر بيان :)

موفقين وقواكم الله

[ikarus]

انا ليلحين ماسجلت عندكم وكل هاذا سمعته الله يستر
اهم شي تاخذ الشهاده سواء دبلوم ولا بكلريوس المهم الشهااااده:)

[RwRw]

الحمدالله تخرجنا من ack و افتكينا
المشاكل اللي كانت تواجهنا ان المدرسين يسقطون على اخر الكورس و لازم
نتمرمط عشان ننجرح نروح كل يوم بالعطله و بالشمس عشان نكلم فلان و علان
المواقف شويه و ماكو مضلات .. مكينات الماي كله مخلصه :( ماكو زوار يقدرون
يدخلون الا لمن يقصون عليهم و يقولون لهم بنروح الاداره!
ماكو شي يونس لا اكتيفيتي ولا شي! دراسه دراسه دراسه
تكدش ريبورتات بشكل خيالي جنه الطالب ماعنده شي يسوبه الا يحل و يكتب

[انسان عادي]

شششششششباب

لا تخلوني اهون ولا ادش عندك

ان شاءالله احد يذكر شي زين

كله ذم ششسالفه ..؟