المساعد الشخصي الرقمي

مشاهدة النسخة كاملة : 30 سؤال لاخواننا الدارسين في بريطانيا (المملكه المتحده) واتمنى الاجابه عليه


gzoom
01-11-2011, 10:29 AM
بسم الله الرحمن الرحيم

اول شيء نشكر الاخ ركاد على الفكره الحلوه الموضوع راح يكون منقول بس فيه جم تعديل


هذا الموضوع اعتبره اجتماع مصغر بين الطلبه اللي يدرسون بريطانيا صار لهم فتره وبين الطالب الموجود

بالكويت ينتظر سفرته الى بريطانيا ..


ويا ليت الطالب اللي يدرس في بريطانيا يتعاون معانا في هالنقطه انه كل طالب حاليا يدرس ببريطانيا يدخل ويقول لنا

كل اللي يعرفه عنه الآتي :
1- في اي ولايه تدرس في بريطانيا ؟واي منطقه ؟

2- اشرح لنا عن المنطقه اللي انت تدرس فيها من ناحية المناخ بارد حار قريبه من البحر او صحراويه او ريفيه بشكل عام؟

3- اشرح لنا تعامل الشعب البريطاني مع العرب ونظرتهم والوضع الاجتماعي في المتجمع البريطاني بشكل عام؟

4-ما اسم المعهد الذي تدرس فيه وهل هو تابع للجامعه او منفصل وما هي سلبياته وما هي ايجابياته ؟

5-عندما ذهبت الى بريطانيا ما هي الصعوبات اللتي واجهتك في اكتساب اللغه ؟

6-كم ساعه تدرسها لدراسة اللغه في المعهد وما هي الوسائل المتاحه لتعليم اللغه ؟

7-الشعب البريطاني هل صحيح انه لا يتكلم الانجليزيه بشكل واضح اقصد في اللهجه العامه في استراليا ؟

8-ماذا تنصح لاكتساب اللغه السكن مع عائله او سكن طلبه ؟

9-ما اسم جامعتك ؟وما هو ترتيبها عالميا ؟ وما هو تخصصك في هذي الجامعه ؟؟

10-هل تعاني صعوبه في درستك لهذا التخصص وما هي النصائح التي توجهها لنفس تخصصك ؟

11-كم الساعه تبدا الدراسه عندكم صباحا؟ وكم الساعه تطلع تقريبا؟

12- -هل لك علاقة صداقه مع طلبة الجامعه البريطاني وكيف كانت علاقتهم بك؟

13-هل تذهب للباص بين الجامعه ومكان اقامتك؟

14-اذا كنت تسكن في شقه كم هو اجار شقتك وهل يسكن معك احد ام لوحدك ؟

15-كم عدد غرف شقتك وهل هي مناسبه لك كطالب ومريحه؟

16-كم تكلفة الكهرباء والماء في الشقه شهريا؟

17-كم تكلفة الانترنت شهريا ؟وما هي افضل شركة انترنت توصي بالاشترالك بها في استراليا؟

18-هل انت استاجرت الشقه بدون اثاث؟ ام انت الذي جلبت اثاثها؟ وكم تكفلة الاثاث؟

19- هل تغسل ملابسك بنفسك ؟ ام تغسلها في المغسله وكم تكلفتها شهريا تقريبا؟

20-هل تطبخ لنفسك ام تطلب من المطاعم ؟

21-كم تكلفة الاكل اذا كنت تطبخ لنفسك شهريا ؟ وكم تكلفة المطاعم اذا كنت تاكل من المطاعم ؟

22- ما هي وسائل الترفيه المتاحه في منطقتك؟

23-ما هي الهوايات التي تستهويك دائما في بريطانيا وتداوم عليها؟

24-هل هناك مقاهي عربيه ومطاعم عربيه بكثره وهل اسعارها مناسبه اام هي غاليه ؟

25-ما هي الولايات القريبه منك ؟وكم ساعه بالسياره وكم ساعه بالطياره؟

26- كم عدد اشهر الدراسه وتبدا باي تاريخ وتنهي باي تاريخ وما هي الاعياد الموجوده في بريطانيا؟وكم عدد العطل؟

27-هل هناك رحلات تخرجون بها من الجامعه او مع الاصدقاء والى اين؟

28-كم اسعار تذاكر الطيران الداخلي متوسط الاسعار؟

29-ما هو اكثر شيء اعجبك في بريطانيا تود اخبارنا به ؟

30-هل هناك شيء تود ان تضيفه ؟

اخواني هذي بعض الاساله التي قد تفيد اي مسافر رايح يدرس بريطانيا واتمنى من اخواني اللي دارسين في

بريطانيا يفيدونا في الاجوبه عليها واذا كان يعجز عن الاجابه عليها كلها مره واحده ممكن انه يجيب على بعضها ويؤجل

الاجابه على باقي الاساله بعدين واللي عنده اي سؤال من المستجدين يحطه لكن بعد ما نسمع اجابات اخواننا الدارسين

ببريطانيا..

ركاد
02-11-2011, 07:33 AM
انا مستغرب ليش طلبة بريطانيا باردين ليش ما تتعاونون مع ربعكم وتجاوبون على الاساله تفيدون الطلبه اللي كنتو في يوم من الايام

مثلهم ؟؟

بنت جابر
02-11-2011, 12:48 PM
ان شاء الله يردون عشان نستفيد

gzoom
03-11-2011, 02:21 PM
شنو مافي احد يدرس ببريطانيا !!

ركاد
03-11-2011, 04:47 PM
اتوقع البعض ماله خلق على الاقل يرد على اللي يعرفه او يقسم الاساله على فترات ويرد على جزء اليوم وان شاءالله يردون

abo ali
04-11-2011, 12:19 PM
وين الشباب ليش ما احد منهم رد على الموضوع
مو شرط يرد ع الاسأله كلها نبيه يرد على جم سؤال بس؟؟

Destiny Smile
04-11-2011, 01:27 PM
الصراحة قسم بريطانيا وايرلندا ميت ما اشوف تفاعل بالواضيع :(

m93-
05-11-2011, 01:54 AM
صـج مـثـل مـآ قـآلـووآ الـبـريـطـآنـييـن آبـرد نـآس ,,

فـ آظـآهـر ربـعـنـآ آكـتـسـبـووآ هـذه الـصـفـه مـع درآسـه اللـغـه ,, :p

ركاد
12-11-2011, 01:39 AM
هههههههههههه لا صج فعلا طلبة بريطانيا قمة البرود واللا مبالاه الله يعينكم يا الطلبه المستجدين

gzoom
12-11-2011, 04:48 AM
شدعوه 190 واحد شاف الموضوع ولا واحد فيهم يدرس ببريطانيا
ركاد شكله بناكلها لا من اتحاد و هني محد لا خلق

العليا شرف
22-11-2011, 03:52 AM
احم ششششدعوااا عاد لوووول ننطر اجابتكم لاااااااهنتواا :p اي و الله بناكلها

General.Zemany
28-11-2011, 04:47 PM
- في اي ولايه تدرس في بريطانيا ؟واي منطقه ؟

ليدز

2- اشرح لنا عن المنطقه اللي انت تدرس فيها من ناحية المناخ بارد حار قريبه من البحر او صحراويه او ريفيه بشكل عام؟

والله اهي بالشمال فـ طبعا بتكون ابرد من المنآطق الثآنيه .. بس دآيما ببريطآنيا لو وين ما كنت جاكيتك لازم يكون وياك .. مو لازم جاكيت ثقيل .. بس اهم شئ شئ احتياط

3- اشرح لنا تعامل الشعب البريطاني مع العرب ونظرتهم والوضع الاجتماعي في المتجمع البريطاني بشكل عام؟

بآآآآآرد .. و معقدين و جعوص ههههههههه .. بس يسآعدونك مرآت

4-ما اسم المعهد الذي تدرس فيه وهل هو تابع للجامعه او منفصل وما هي سلبياته وما هي ايجابياته ؟

ادرس بالجآمعه حاليا, والمعهد اللي درست فيه كان تآبع للجآمعه ايجابيته انه يضمن لك مكان اذا نجحت وما يحتاج تقدم اورآققك وتدور قبولات

5-عندما ذهبت الى بريطانيا ما هي الصعوبات اللتي واجهتك في اكتساب اللغه ؟

انا كنت ادرس في بريطآنيا ايام المدرسه .. فـ الحمدلله ما واجهت صعوبآت اللغه .. آسف ماقدر افيدكم بـ هذي هع

6-كم ساعه تدرسها لدراسة اللغه في المعهد وما هي الوسائل المتاحه لتعليم اللغه ؟

ما اقدر افيدكم في هذي بعد

7-الشعب البريطاني هل صحيح انه لا يتكلم الانجليزيه بشكل واضح اقصد في اللهجه العامه في استراليا ؟

لا اابدا .. يتكلمون بشكل واضح بس اكيد كل مدينه لها لهجتها .. وبتتوعد عليها اول الايام والاسابيع .. انا اتكلم عن بريطانيا مو اسكوتلندا ولا ايرلندا لاني ما رحت مناك صراحه

8-ماذا تنصح لاكتساب اللغه السكن مع عائله او سكن طلبه ؟

عآئله

9-ما اسم جامعتك ؟وما هو ترتيبها عالميا ؟ وما هو تخصصك في هذي الجامعه ؟؟

جامعة ليدز .. هندسه مدنيه ووالله ما اشوف التصنيف العالمي ولا يهمني :)

10-هل تعاني صعوبه في درستك لهذا التخصص وما هي النصائح التي توجهها لنفس تخصصك ؟

والله اكيد فيها صعوبه .. بس مع الدرآسه والمذآكره وذكر الله كل شئ يسهل ان شاء الله

11-كم الساعه تبدا الدراسه عندكم صباحا؟ وكم الساعه تطلع تقريبا؟

دوآمي يبدا ٩ .. بس مرآت ١٠ و جذي .. لكن ما بديت بالجامعه قبل التسع

12- -هل لك علاقة صداقه مع طلبة الجامعه البريطاني وكيف كانت علاقتهم بك؟

اي نعم .. علاقه قويه .. نطلع ونروح اماكن ويا بعض وندرس .. بس اذا رآحوا بيشربون و يسكرون .. اسلك طريق ثاني ههههههه

13-هل تذهب للباص بين الجامعه ومكان اقامتك؟

لا اتمشى لها .. انا سآكن عشرين دقيقه عن الجامعه .. مفكر اشتري قآري والله بس للحين ما قررت, المشي زين بعد

14-اذا كنت تسكن في شقه كم هو اجار شقتك وهل يسكن معك احد ام لوحدك ؟

٤٥٠ .. بروحي بس طبعا بدون فوآتير النت و الماي و الكهربآ .. وكلهم تقربا يوصلون ٦٠٠- ٧٠٠ باوند

15-كم عدد غرف شقتك وهل هي مناسبه لك كطالب ومريحه؟

غرفه وحده للنوم .. و في صاله .. نعم منآسبه وجدا مريحه لي كـ طالب و كـ شخص

16-كم تكلفة الكهرباء والماء في الشقه شهريا؟

تترآوح ما بين ٥٠ - ٦٠ .. على حسب الاستخدام و طبعا بالـشتآ تستخدمها حييل

17-كم تكلفة الانترنت شهريا ؟وما هي افضل شركة انترنت توصي بالاشترالك بها في استراليا؟

اللي عندي تقريبا ٢٠ باوند .. النت هني عموما جداااا رخيييص جدددا !!

18-هل انت استاجرت الشقه بدون اثاث؟ ام انت الذي جلبت اثاثها؟ وكم تكفلة الاثاث؟

لا اثاثها موجود ولكن شريت التلفزيون و الستلايت ..

19- هل تغسل ملابسك بنفسك ؟ ام تغسلها في المغسله وكم تكلفتها شهريا تقريبا؟

لا استعمل المغسله طبعا .. في بريطانيا كـ طآلب مو مطالب منك تلبس كل يوم لبس يديد ولا شئ فـ الغسيل ما يكون كل يوم طبعا, بين فتره وفتره .. تكلفة الغسيل باوند او باوندين .. و التنشيف مكينه يمها .. بـ بآوند - مدتها جذي ساعه او ساعتين كلهم تتراوح يعني

20-هل تطبخ لنفسك ام تطلب من المطاعم ؟

اممممم .. اول شئ كنت مطاعم و جذي بس تتعود وتطبخ بـ نفسك .. بديتها بـ بيض و طماط .. و مديتها لـ البرغرز اسويها بالبيت .. يعني اشياء بسيطه .. وان شاء الله نتطور

21-كم تكلفة الاكل اذا كنت تطبخ لنفسك شهريا ؟ وكم تكلفة المطاعم اذا كنت تاكل من المطاعم ؟

مو غآآلي .. على حسب الشخص بعد .. يعني اذا بتطلب من المطاعم .. الوجبه تكون ٣-٤ باوند .. وهكذآ .. بس يكفي يكفي ان شاءءالله

22- ما هي وسائل الترفيه المتاحه في منطقتك؟

والله عندنا كل شئ .. ملاعب كره, مجمعات, حدايق عامه, سينما

23-ما هي الهوايات التي تستهويك دائما في بريطانيا وتداوم عليها؟

انا احب الكره .. وبس هههههه

24-هل هناك مقاهي عربيه ومطاعم عربيه بكثره وهل اسعارها مناسبه اام هي غاليه ؟

اي موجوده والله .. واسعارها معقوله وحلوه

25-ما هي الولايات القريبه منك ؟وكم ساعه بالسياره وكم ساعه بالطياره؟

ماكو ولايات بـ بريطانيا. في يمي مانشستر و ليفربول و شيفيلد .. ولندن تبعد عني ساعتين بالقطار .. ببس ما اروحلها الا اذا كان شئ مهم

26- كم عدد اشهر الدراسه وتبدا باي تاريخ وتنهي باي تاريخ وما هي الاعياد الموجوده في بريطانيا؟وكم عدد العطل؟

نبدا نص تسععه بالجامعه .. و نخلص شهر ١٢ .. ونبدا شهر واحد و نخلص شهر ٣ و نبدا ٤ ونخلص ٦

27-هل هناك رحلات تخرجون بها من الجامعه او مع الاصدقاء والى اين؟

في مسؤول الشعبه في المناطق .. ينظم النشاطات للطلبه بين حين واخر

28-كم اسعار تذاكر الطيران الداخلي متوسط الاسعار؟

اممممم .. ما اتوقع راح تحتاج للطيرآن في بريطانيا .. قطآرآت او بآصآت والاسعار زوينه

29-ما هو اكثر شيء اعجبك في بريطانيا تود اخبارنا به ؟

امممم .. والله مادري . حيآكم وشوفوا اللي يعجبكم

30-هل هناك شيء تود ان تضيفه ؟

الله يوفقنا واياكم

gzoom
28-11-2011, 04:57 PM
واخيرا واحد رد يعطيك العافيه انا للحين ما قريت ردك :p
والله يوفقك ان شاء الله

abo ali
28-11-2011, 05:34 PM
الله يوفقك اخيرا وبعد طول انتظار وصل رد

mechanical engineering
02-12-2011, 11:41 AM
ههههههههههههههه ... انا بصراحه مستجد ماعندي خلفيه عشان اقدر افيدكم .. بس عندي صديقي ببرايتون بالجنوب .. يدرس لغه حاليا وانا رايح له شهر واحد .. قتله عن الشعب انهم ناشفين وجذي .. قالي بصراحه انتوا تقولون كلام وانا ماشفته يقولي شعب طيب وزين .. بس مادري يمكن لانه اهو بالجنوب .. اتوقع كل ماصعدتوا ناحيه الشمال الناشفين يطلعون وشكرأأ جزيلا :)

mechanical engineering
02-12-2011, 11:48 AM
general zemany جامعه ليدز من الجامعات الي حاطها ببالي فـ ياريت ترسل لي ايميلك بالخاص عندي جم سوال لها وشكرا

General.Zemany
05-12-2011, 02:37 PM
والله نتشرف يالحبيب ..
مادري اذا يصير اعطيك اييميلي هني لان ما اقدر ارسل بالخاص ..

homoodalmea@gmail.com

TeEn QuEeN
05-12-2011, 11:33 PM
1- في اي ولايه تدرس في بريطانيا ؟واي منطقه ؟

ادرس في جامعة لفبره منطقة لفبره Loughborough

2- اشرح لنا عن المنطقه اللي انت تدرس فيها من ناحية المناخ بارد حار قريبه من البحر او صحراويه او ريفيه بشكل عام؟

ابرد من لندن وادفى من ليدز :p اهي تقع في منتصف بريطانيا .. بس ترا ما فيه منطقة صحراوية ببريطانيا على فكرة :p

3- اشرح لنا تعامل الشعب البريطاني مع العرب ونظرتهم والوضع الاجتماعي في المتجمع البريطاني بشكل عام؟

يعتمد .. انا ما صادفت عنصرية .. لكن كما يقال " المحترم يفرض عليك احترامه" اذا انت محترم وماشي سيده الكل بيحترمك ..
الوضع الاجتماعي متفاوت

4-ما اسم المعهد الذي تدرس فيه وهل هو تابع للجامعه او منفصل وما هي سلبياته وما هي ايجابياته ؟

ادرس في جامعة لفبره .. سلبياتها : المنطقة ما فيها اسواق وايد :p ما فيه عرب وايد .. بس ترا هذا الشي في بعض الاحيان يكون ايجابي
ايجابياتها جامعة قوية

5-عندما ذهبت الى بريطانيا ما هي الصعوبات اللتي واجهتك في اكتساب اللغه ؟

ما واجهت صعوبة لأني من زمان عندي لغة

6-كم ساعه تدرسها لدراسة اللغه في المعهد وما هي الوسائل المتاحه لتعليم اللغه ؟

ادرس فاونديشن مو لغة

7-الشعب البريطاني هل صحيح انه لا يتكلم الانجليزيه بشكل واضح اقصد في اللهجه العامه في استراليا ؟

اممممم لا بالنسبة لي مفهوم .. بس فيه عدة لهجات

8-ماذا تنصح لاكتساب اللغه السكن مع عائله او سكن طلبه ؟

الاثنين ينفعون الأهم الاحتكاك مع اهل اللغة و التركيز في الدراسة

9-ما اسم جامعتك ؟وما هو ترتيبها عالميا ؟ وما هو تخصصك في هذي الجامعه ؟؟

loughborough university

ترتيبها في تخصصي الثالثة على بريطانيا وتخصصي هندسة كيميائية
الجامعة قوية وممتازة بشكل عام

10-هل تعاني صعوبه في درستك لهذا التخصص وما هي النصائح التي توجهها لنفس تخصصك ؟

اي والله .. التخصص مو هين وحتى المواد المطلوبة للفاونديشن والجامعة مو سهله ويبيلها مجابل ..
بس ان شاء الله نقدر لها

11-كم الساعه تبدا الدراسه عندكم صباحا؟ وكم الساعه تطلع تقريبا؟

٩ تبدي .. افي محاضرات لي الساعة ٦ بس انا ما عندي آخر شي بجدولي ٤

12- -هل لك علاقة صداقه مع طلبة الجامعه البريطاني وكيف كانت علاقتهم بك؟

اي وايد عندي .. من كل الجنسيات .. وعلاقتنا زينة وحلوه ونطلع مع بعض ونروح سوق وسينمات وسوالف ووناسة عادي ^_^
وانصح كل الطلبة انهم ما يضيقون على نفسهم دائرة المعارف وبس يلتزمون بالتعرف على العرب .. لأن انت ياي تدرس في ديرة غير عربية
حلو انك تعرف عاداتهم وتتعرف على الشعب .. والشعوب الثانية .. بس من غير ان تنسلخ من عاداتك وتلتصق بعاداتهم

ترا على فكرة .. اهم يحترمون اللي عندهم مبادئ .. يعني لا تضيعون مبادئكم عشانهم :D

13-هل تذهب للباص بين الجامعه ومكان اقامتك؟

اي ومرات امشي حسب الجو والمزاج :p

14-اذا كنت تسكن في شقه كم هو اجار شقتك وهل يسكن معك احد ام لوحدك ؟

بروحي .. الايجار تقريباً ٥٥٠ بالشهر

15-كم عدد غرف شقتك وهل هي مناسبه لك كطالب ومريحه؟

غرفة وحدة .. واي مناسبة

16-كم تكلفة الكهرباء والماء في الشقه شهريا؟

من ضمن الايجار ما ادفع ماي وكهربا

17-كم تكلفة الانترنت شهريا ؟وما هي افضل شركة انترنت توصي بالاشترالك بها في استراليا؟

شكو استراليا؟ :p

امممم انا هنيه بشقتي الانترنت متوفر من ضمن الايجار سريع وما فيه الا العافية
بس انا افضل فودافون من ناحية التلفون والانترنت

18-هل انت استاجرت الشقه بدون اثاث؟ ام انت الذي جلبت اثاثها؟ وكم تكفلة الاثاث؟

لا الشقة فيها تقريباً كل شي .. انا بس يبت كبت ايضافي لأن هدومي وايد :p ويبت ادراج ومكتبة لأن كتبي وايد :p وطاولة تلفزيون و تلفزيون و شغلات ديكورية بسيطة .. ما كلفتني وايد

19- هل تغسل ملابسك بنفسك ؟ ام تغسلها في المغسله وكم تكلفتها شهريا تقريبا؟

لا بنفسي .. عندي غسالة ونشافة

20-هل تطبخ لنفسك ام تطلب من المطاعم ؟

اطبخ بس مرات اغير واطلب من المطعم

21-كم تكلفة الاكل اذا كنت تطبخ لنفسك شهريا ؟ وكم تكلفة المطاعم اذا كنت تاكل من المطاعم ؟

امممم يعني تقريباً الأغراض اللي اشتريها من الجمعية تكلفني اسبوعياً ٤٠ باوند هذا اذا فيه خرابيط يعني بيبسي وكاكاو :D اذا من غيرهم مثل اليوم كلفني ٢٧ باوند مجرد فواكه و حليب وخضره وما اذكر شنو بعد :p

والمطاعم اصرف تقريباً باشهر ٢٠ باوند لأني ما اطلب وايد

22- ما هي وسائل الترفيه المتاحه في منطقتك؟

منطقتي فيها سينما بس مو ليهناك :p
وفي بعض المحلات السنعة :p
اممممم ما ادري شنو فيه بعد .. بس تقريباً :p

بس فيه منطقتين قريبين يم منطقتي < لستر ونوتنغهام > يعني اكبر واكثر عرب وفيها ترفيه اكثر

بعض الاحيان يكون الترفيه الزايد مو زين :p

23-ما هي الهوايات التي تستهويك دائما في بريطانيا وتداوم عليها؟

القراءة - الرياضة

24-هل هناك مقاهي عربيه ومطاعم عربيه بكثره وهل اسعارها مناسبه اام هي غاليه ؟

عندنا مطعم واحد لبناني .. مو غالي اسعاره عاديه

25-ما هي الولايات القريبه منك ؟وكم ساعه بالسياره وكم ساعه بالطياره؟

ليستر يمي ١٠ دقايق بالقطار .. تاخذ تذكرة روحة ورده بأقل من ٥ باوند
نوتنغهام ٢٠ دقيقة بالقطار .. ٧ باوند تقريباً
امممم لندن تبعد عني ساعه ونص الى ساعة و٤٥ دقيقة .. تكلفتها ٥٢ باوند بدون خصم الطلبة مع الخصم ما اذكر جم تصير

طبعاً كل التذاكر ريتيرن .. روحة وردة :D

26- كم عدد اشهر الدراسه وتبدا باي تاريخ وتنهي باي تاريخ وما هي الاعياد الموجوده في بريطانيا؟وكم عدد العطل؟

دراستنا بداية شهر ١٠ حتى تقريباً ١٥-١٦-١٧ ديسمبر تتغير كل سنه :P
وبعدين نعطل شهر للكرسمس
وبعدها نبي مره ثانيه بعد العطلة نمتحن فاينل
وبعد الفاينل عطلة بين الفصلين اسبوع تقريباً
وبعدها يبدي الكورس الثاني آخر شهر ٣ يكون عندنا عطلة الايستر شهر نبدي بداية ٥ وبداية ٦ نبدي امتحانات

هذا بالنسبة لجامعتنا وتختلف من جامعة الى اخرى

27-هل هناك رحلات تخرجون بها من الجامعه او مع الاصدقاء والى اين؟

فيه رحلات اسبوعيه ينظمها اتحاد طلبة الجامعة بس ما رحت معاهم
رحت مع الاصدقاء الى نوتنغهام و لستر و لندن

28-كم اسعار تذاكر الطيران الداخلي متوسط الاسعار؟

ما ادري ولا ما جربت في تذاكر رخيصة

29-ما هو اكثر شيء اعجبك في بريطانيا تود اخبارنا به ؟

بريطانيا جميلة .. والحياة فيها حلوة .. بس لازم الواحد يتكيف مع الاقليم والوسط والمناخ :D
ومثل ما قلت .. ما يحصر نفسه في دائرة مغلقة ويضيق على نفسه ويقول ما اتعرف الا على عرب .. لا بالعكس حلو يكون عندك معارف وايد


30-هل هناك شيء تود ان تضيفه ؟

اي ... اسأل الله لي ولكم وللجميع التوفيق في الدنيا و الآخره

:)

ركاد
04-01-2012, 02:23 AM
ماشاءالله عليكم والله يوفقكم يارب ويوفق كل الاخوان اللي تفاعلو مع اخوانهم عشان يساعدونهم

shadowq893
04-01-2012, 05:21 AM
1- في اي ولايه تدرس في بريطانيا ؟واي منطقه ؟
منطقه اكسفورد
2- اشرح لنا عن المنطقه اللي انت تدرس فيها من ناحية المناخ بارد حار قريبه من البحر او صحراويه او ريفيه بشكل عام؟
المنطقه حلو الجو فيها بس ماقدر احكم عليه كل مره غير نره مطر و مره بررد مو طبيعي و مره عادي مو برد ههههه
3- اشرح لنا تعامل الشعب البريطاني مع العرب ونظرتهم والوضع الاجتماعي في المتجمع البريطاني بشكل عام؟
والله معاملتهم جدا طيبه و مافيها شي و ودودين حيل
4-ما اسم المعهد الذي تدرس فيه وهل هو تابع للجامعه او منفصل وما هي سلبياته وما هي ايجابياته ؟
embassy ces collage طبعا مو تابع لجامعه لان معهد لغه و من ناحيه التعليم قوي و المعلمين يشوفون شنو نقلط ضعف الطالب وليش يبي يتعلم انجليزي مثلا اذا حق الجامعه يعلمونك القراءه والكتابه ......الخ و سلبياته ان وايد عرب فيه و سعودين لان بالكلاس عادي تلقه ٦ سعودين معاك و وايد يتكلمون عربي بالكلاس بس المعهد يمنع اي واحد يتكلم بلغته
5-عندما ذهبت الى بريطانيا ما هي الصعوبات اللتي واجهتك في اكتساب اللغه ؟
والله المطار ما فهمت شنو قالوا لي و واحد من اهلي فهمني هههه
6-كم ساعه تدرسها لدراسة اللغه في المعهد وما هي الوسائل المتاحه لتعليم اللغه ؟
المعهد يبلش من الساعه ٩ الصبح لي الساعه ٤ العصر و في بريك ساعه بينهم
7-الشعب البريطاني هل صحيح انه لا يتكلم الانجليزيه بشكل واضح اقصد في اللهجه العامه في استراليا ؟
لا عادي يتكلمون وافهم لهم انا و احسن من الامريكان بالنسبه لي من ناحيه الكلام و اللهجه
8-ماذا تنصح لاكتساب اللغه السكن مع عائله او سكن طلبه ؟
والله انا شخصيا سكن خاص قاعد بس العايله اكيد افضل للغه
9-ما اسم جامعتك ؟وما هو ترتيبها عالميا ؟ وما هو تخصصك في هذي الجامعه ؟؟
والله ليلحين بمعهد اللغه اسمحولي ما اقدر افيدكم
10-هل تعاني صعوبه في درستك لهذا التخصص وما هي النصائح التي توجهها لنفس تخصصك ؟
اسمحولي ما اقدر افيدكم :p
11-كم الساعه تبدا الدراسه عندكم صباحا؟ وكم الساعه تطلع تقريبا؟
مثل ما قلت الدوام يبدي ٩ الصبح و ينتهي ٤
12- -هل لك علاقة صداقه مع طلبة الجامعه البريطاني وكيف كانت علاقتهم بك؟
والله ماعرف الا عرب بس ههههه
13-هل تذهب للباص بين الجامعه ومكان اقامتك؟
لا اروح مشي للمعهد ١٠ دقايق بس من السكن لي المعهد
14-اذا كنت تسكن في شقه كم هو اجار شقتك وهل يسكن معك احد ام لوحدك ؟
والله انا ماخذ شقه غاليه شوي ايجارها بالشهر ١٣٠٠ باوند و محد متشارك معاي بس الوالده الحين معاي الله يحفظها
15-كم عدد غرف شقتك وهل هي مناسبه لك كطالب ومريحه؟
٣ غرف بالنسبه لي كبيره علي بس مريحه
16-كم تكلفة الكهرباء والماء في الشقه شهريا؟
والله ليلحين مادري كل شهرين ادفع الفواتير الحين توه اول شهر
17-كم تكلفة الانترنت شهريا ؟وما هي افضل شركة انترنت توصي بالاشترالك بها في استراليا؟
انا الشركه ماخذها اسمها BT و بالشهر 30 باوند 20 ميغا مو لاستراليا بس حق بريطانيا و بالنسبه لي مرتاح مع الشركه
18-هل انت استاجرت الشقه بدون اثاث؟ ام انت الذي جلبت اثاثها؟ وكم تكفلة الاثاث؟
انا الشقه ماثثينها لي المكتب و ما دفعت ولا شي للاثاث
19- هل تغسل ملابسك بنفسك ؟ ام تغسلها في المغسله وكم تكلفتها شهريا تقريبا؟
اغسلها بنفسي بالشقه موجوده الغساله هههه
20-هل تطبخ لنفسك ام تطلب من المطاعم ؟
والله على حسب المزاج بس غالبا اتغدى من المطاعم و العشى انا اطبخلي اي شي ناجت او شبس ;P
21-كم تكلفة الاكل اذا كنت تطبخ لنفسك شهريا ؟ وكم تكلفة المطاعم اذا كنت تاكل من المطاعم ؟
والله الاكل اللي اطبخه بنفسي ما يكلف يمكن كل يمكن بالشهر 20 باوند لان ما اطبخ وايد بس حق العشى اما المطاعم انا عالغدى ادفع كل يوم 5 باوند بس انا اطلب وايد ههههههه
22- ما هي وسائل الترفيه المتاحه في منطقتك؟
والله ولا شي في وناسه ههههههه اكفورد منطقه دراسيه و يمكن بس مجمع عادي كل محلات ملابس و اجهزه بس هذا اللي عاجبني و مدرسه لفلم هاري بوتر موجوده فيها
23-ما هي الهوايات التي تستهويك دائما في بريطانيا وتداوم عليها؟
والله الرياضه كل يوم امشي رايح راز للمعهد و اسمع اغاني بالسماعه و انا امشي هههههه
24-هل هناك مقاهي عربيه ومطاعم عربيه بكثره وهل اسعارها مناسبه اام هي غاليه ؟
اي متروسه بعد مطاعم العربيه و انا اشوف اسعارها عاديه نفس الكويت
25-ما هي الولايات القريبه منك ؟وكم ساعه بالسياره وكم ساعه بالطياره؟
والله انا ما رحت ليلحين بس اروح لندن بالباص ساعه و نص
26- كم عدد اشهر الدراسه وتبدا باي تاريخ وتنهي باي تاريخ وما هي الاعياد الموجوده في بريطانيا؟وكم عدد العطل؟
٩ اشهر تقريبا انا بديت من ٢٥-١١ و ينتهي المعهد ١٧-٨
27-هل هناك رحلات تخرجون بها من الجامعه او مع الاصدقاء والى اين؟
والله انا كل مع الشباب نروح لندن و انشالله عن قريب نحضر مباريات كوره
28-كم اسعار تذاكر الطيران الداخلي متوسط الاسعار؟
والله مادري انا كل بالباص
29-ما هو اكثر شيء اعجبك في بريطانيا تود اخبارنا به ؟
ممممم .... اكثر شي عجبني فيها الطبيعه والله وايد حلوه عندهم و جوهم عجيب
30-هل هناك شيء تود ان تضيفه ؟
والله مافي شي و تعبتوني وانا اكتب ههههههه و موفقين

mhmod
07-01-2012, 05:49 AM
موضوع ممتاز ومفيد .... ++متابع

Mr.Chemical
09-01-2012, 01:35 AM
الاسئله واجد وادوخ :p
بس بتكلم من عندي
وصلت برايتون الجمعه منطقه حلوه والناس ياخذون ويعطون
تووهقت ٣٠ مره بهاليومين اهما الي يساعدوني
ساكن عند عايله بالشهر ٤٠٠ pound
غسيل اككل شرب كل شي عليهم خوش عايله والله ومعطيني كل الحريه اسوي الي بسويه واطلع واود متى ما ابي
وباجر يبتدي دوامي ادرس لغه الكورس ٨ اشهر

والله يسهلها ويوفقنا و يوفقكم

mrahmedinho
09-01-2012, 02:49 AM
الله يوفق الجميع :)

بس زين 3 جاوبوا ع الاسئلة ^_^

General.Zemany
25-02-2012, 01:19 AM
shadowq893

مرحبا يالغالي .. غلطااان اجآر ١٣٠٠ غلطاان حدها ماتسوى, انا انصحك بهالفتره طقطق ع النت وبتلاقي احللللى من هالشقه واوفر لك بعد وبالتوفيج

shadowq893
26-02-2012, 06:18 AM
والله ياخوك شنسوي بعد انا صاحبي الحين معاي ندفع نص بالنص صدقني يتيي اكسفورد بتاخذ شقه حتى لو ٢٠٠٠ باوند ههههههه

gzoom
27-02-2012, 12:01 AM
1- في اي ولايه تدرس في بريطانيا ؟واي منطقه ؟
منطقه مانشستر
2- اشرح لنا عن المنطقه اللي انت تدرس فيها من ناحية المناخ بارد حار قريبه من البحر او صحراويه او ريفيه بشكل عام؟
المنطقه حلوه وكبيره والجو كل مطر وغيم هالايام جو حلو
3- اشرح لنا تعامل الشعب البريطاني مع العرب ونظرتهم والوضع الاجتماعي في المتجمع البريطاني بشكل عام؟
تعاملهم طيب الحمدالله
4-ما اسم المعهد الذي تدرس فيه وهل هو تابع للجامعه او منفصل وما هي سلبياته وما هي ايجابياته ؟
berlitz منفصل سلبياته وايد عرب و مادري احس ما استفدت وايد لان اول شهر كانت وحده ما تعرف تدرس فغيرنها الايجابيات صفنا عدده قليل لانه اعلى مستوى عندهم وفي نشاطات وايد
5-عندما ذهبت الى بريطانيا ما هي الصعوبات اللتي واجهتك في اكتساب اللغه ؟
انا الله يعافي صاحبي تعود على اللهجه البريطانيه ولا انا متوهق
الصعوبات الوكت بسرعه تظلم الدنيا والجو يدوخ ما يشجع عالدراسه -.-<.<
6-كم ساعه تدرسها لدراسة اللغه في المعهد وما هي الوسائل المتاحه لتعليم اللغه ؟
المعهد يبلش من الساعه ٩:٣٠ الصبح لي الساعه ١٢:٤٥ الظهر و في بريك ١٥دق بينهم
والاربعا والخميس عندي كلاس لي الساعه ٥
7-الشعب البريطاني هل صحيح انه لا يتكلم الانجليزيه بشكل واضح اقصد في اللهجه العامه في انجلترا ؟
اصعب شي اللهجه صراحه ما تفهم شي بس مرات اذا شافوك ما فهمت يوضح لما يتكلم
8
٨-ماذا تنصح لاكتساب اللغه السكن مع عائله او سكن طلبه ؟
والله انا شخصيا سكن خاص قاعد بس العايله اكيد افضل للغه
9-ما اسم جامعتك ؟وما هو ترتيبها عالميا ؟ وما هو تخصصك في هذي الجامعه ؟؟
والله ليلحين بمعهد اللغه اسمحولي ما اقدر افيدكم
10-هل تعاني صعوبه في درستك لهذا التخصص وما هي النصائح التي توجهها لنفس تخصصك ؟
اسمحولي ما اقدر افيدكم :p
11
12- -هل لك علاقة صداقه مع طلبة الجامعه البريطاني وكيف كانت علاقتهم بك؟
والله ماعرف الا جم كويتي و صاحبي
13-هل تذهب للباص بين الجامعه ومكان اقامتك؟
لا اروح مشي للمعهد ٥ دقايق بس من السكن لي المعهد
14-اذا كنت تسكن في شقه كم هو اجار شقتك وهل يسكن معك احد ام لوحدك ؟
شقه بروحي اجارها ٦٩٥ باوند
15-كم عدد غرف شقتك وهل هي مناسبه لك كطالب ومريحه؟
غرفه و صاله و حمام
16-كم تكلفة الكهرباء والماء في الشقه شهريا؟
٥٦ باوند
17-كم تكلفة الانترنت شهريا ؟وما هي افضل شركة انترنت توصي بالاشترالك بها في بريطانيا؟
الي اعرفه سكاي احسن شي بس انا مابي عقد سنه لان يمكن انتقل منطقه ثانيه ف خذيت من شركه o2 ب ٢٠ باوند بس مش حالك مو عاجبني الصراحه عقد شهري
18-هل انت استاجرت الشقه بدون اثاث؟ ام انت الذي جلبت اثاثها؟ وكم تكفلة الاثاث؟
انا الشقه ماثثينها لي المكتب و ما دفعت ولا شي للاثاث
19- هل تغسل ملابسك بنفسك ؟ ام تغسلها في المغسله وكم تكلفتها شهريا تقريبا؟
اغسلها بنفسي بالشقه موجوده الغساله
20-هل تطبخ لنفسك ام تطلب من المطاعم ؟
إذا لي خلق بس الغدا كل مره مطعم العشا مرات مطعم مرات انا اسخن شي واكله
22- ما هي وسائل الترفيه المتاحه في منطقتك؟
ملعب مانشستر السوق للحين ما درت المنطقه كلها
23-ما هي الهوايات التي تستهويك دائما في بريطانيا وتداوم عليها؟
ماكو نت كل مشي لي المعهد ان شاء بدش نادي
24-هل هناك مقاهي عربيه ومطاعم عربيه بكثره وهل اسعارها مناسبه اام هي غاليه ؟
في بس ماجربت
25-ما هي الولايات القريبه منك ؟وكم ساعه بالسياره وكم ساعه بالطياره؟
ما رحت غير لندن
26- كم عدد اشهر الدراسه وتبدا باي تاريخ وتنهي باي تاريخ وما هي الاعياد الموجوده في بريطانيا؟وكم عدد العطل؟
للحين مادي احتمال اسحب على المعهد وارد الكويت شهر ٦ او ٧ لان ماراح اكمل لي رمضان هني
27-هل هناك رحلات تخرجون بها من الجامعه او مع الاصدقاء والى اين؟
لا ماطلعت مع الي معاي بالمعهد
28-كم اسعار تذاكر الطيران الداخلي متوسط الاسعار؟
والله مادري
29-ما هو اكثر شيء اعجبك في بريطانيا تود اخبارنا به ؟
وايد اشياء شعب طيب و شلون منظمين و يهتمون بالوقت و الموعد
30-هل هناك شيء تود ان تضيفه ؟
لا والله