المساعد الشخصي الرقمي

مشاهدة النسخة كاملة : هل تعلم ان شهادة الكليه الاستراليه.....


ACK
27-06-2011, 09:54 AM
عزيزي الطالب

هل تعلم انه بعد تخرجك بمرحلة الدبلوم من الكليه الاستراليه و عدم رغبتك في استكمال الدراسه بنفس الكليه

يحق لك استكمال الدراسه في استراليا و امريكا و بعض دول اوروبا (معلومة قديمه)


لكن هل تعلم ان البحرين و الامارات و مصر و الاردن لا يعترفون بشيء اسمه الكليه الاستراليه و لا يوجد اي جامعه بهذه الدول تعادل ولا حتى نص مادة :\\

لا تتم المعادله بالرغم من ان الكليه ستخبرك عند التقديم انك ستحصل على شهادتين (شهادة من الكويت و شهادة من استراليه)

هل تعلم ان المعهد التجاري (اللي طايح حظه) تتم معادلة مواده في جميع الدول السابق ذكرها

هل تعلم ان قائمة الدول التي لا تعترف بشهادة الكليه الاستراليه كبيره جدا

فأذا كنت غير راغب في استكمال دراسة البكالوريوس بالكويت او الدول الاوروبيه فكر مليا قبل دخولك الكليه

لأنك ستنقع شهادتك و من ثم تشرب مايها opO


و هذه المعلومات نصيغها لطلبة الثانوية حديثي التخرج :rolleyes:

Fahad-ACK
27-06-2011, 01:28 PM
لالالا رجاءا ما أسمح لك تتكلم عن هذه الجامعه العريقه الي تاريخها متروس مشاكل ومهزله ومدرسينها مادري من وين يايبينهم ! ههه

يبا هذه الجامعه مفروض تتسكر لو كان عندنا وزاره تربيه وتعليم عالي ينصفون الطالب بس للأسف كلهم شله وحده "أصحاب الدماء الزرقاء"

والله فشله :× من جذي الكل لمه تخرج قط شهادة الاستراليه بالزباله ومسك بشهادة استراليا لوول

خلاص خل يروحون المجاري أحسن opO

طبعا هالمعلومات صدمه لوايد من الناس لان على بالهم الجامعه كلش x:D والي يبطون جبدي وبعضهم يكسرون خاطري يقولون ان شاء الله الجامعه تتعدل وتكون من أحسن الجامعات ! والي تقول ودي الجامعه الي ادرس فيها تكون أحسن جامعه ! انا اقولهم تتعدل لي حجت البقر على قرونها !

صــــــــــــــــــــــــ ــــــــــــج أحلام اليقظه opO

ACK
27-06-2011, 02:38 PM
ساعات يقولون لي انت شهادتك حالك حال التجاري اثنينكم سنتين

ارد عليهم اقول لا يبا احنا غير احنا نقدر نكمل اما التجاري ما يقدر يكمل

اخر شيي طلع العكس ان التجاري يعادلون له وين ما راح

اما احنا شهادتنا مو بس ما يعادلون لنا لا لا مو معترف فيها من الاساس

Fahad-ACK
27-06-2011, 03:06 PM
يمعود طلعت جامعات الفلبين والبحرين الي وقفوها أحسن منا p;

ومشكله تروح الجامعات الخاصه يا مايقبلون شهادتك ولا يعادلونها بكبرها أو يعادلون لك سنه ونص لا والمشكله يدخلونك كورس لغه أول شي ! هههه والله مصخره معناها مو معترفين بالاستراليه ! :$

تخيل صاحبي تخرج دبلوم راح الأمريكيه يبونه ياخذ سنه انجليزي ! ههههههههه قويه بحق الاستراليه :DDD

بس ما ألومهم يشوفون المدرسين بالاستراليه مايعرفون انجليزي فشي طبيعي الطلبه انجليزيهم ضعيف : )

Josef
27-06-2011, 10:22 PM
انزين و الي سجل و صار لي الحين جريب السنة .. و بدش لفل 3 الكورس الياي ان شاء الله:@

و متأمل أخذ الدبلوم و اكمل برا بامريكا او بريطانيا .. علشان أحل مشكلة البكالريوس و تصير عندي شهادة بكالريوس :confused: :confused:

طلع ما يصير و السالفة فيها انه و مو أكيده .. شسوي يعني أطق صبع .. اذا طلعت من الاسترالية أتوقع البعثة تروح علي عدل؟ :confused: :confused:

يعني يبقى لي جامعة الكويت (و أتمصخر هناك) و التطبيقي و راح ينلعن خيري .. او أطيح على كنز علشان أدرس برا على حسابي أو بجامعة خاصة بالكويت :( :confused:

بخصوص كل البيبان تسكرت بويهي و بقعد بطالي و اخرتي مراسل ولا مندوب و اذا كلش كلش مدير قسم بمركز سلطان :@

حسبي الله و نعم الوكيل

شنو اقتراحاتكم يا جماعة؟ و ما هي الخطط المستقبلية؟

و على فكرة ضروري نستجوب وزير التربية .. باجر مسوي مظاهرة منو معاي؟ x:D << ماكو شغل x:D

ACK
28-06-2011, 12:14 AM
خلاص انا باخذ شهادتي و بروح التجاري يمكن يعادلون لي p:

ACK
28-06-2011, 12:20 AM
فهد انا بعد اعرف وحده تخرجت و راحت auk بنص المحاضرة المدرس قال لها انتي متخرجة من ack صح

قالت له اي شدراك جان يقول لها اي انتو طلبة الack تبينون من مستواكم لووووووووول

يوسف امريكا و بريطانيا و استراليا و جم دولة اوروبيه عادي تقدر تروح

بس اي شي غيره ما تقدر ... و يلا انا وياك خل نستجوبه

ولا اقول لك خل نطرح فيه الثقة مره وحده p:

Mr.Ahmad
28-06-2011, 06:11 AM
كلامك صحيح اخي الفاضل :q

تدري بعض ربعنا هالكورس طلعوا من البكالريوس عقب صراع دام لسنة كاملة وراحوا الـ AUK

وعادلوا لهم سنة وحدة بس

وأول شي عطوهم اختبار قدرات انجليزي ومحد فيهم قدر يطوفه !!

لازم يدرسون كورس أو كورسين انجليزي

وبعدين 3 سنين تخصص

يعني اقل شي راح يدرسون 3 سنين ونص وبعضهم 4 سنين !!!

كـ أنه ما عندهم دبلوم من الاساس (:

مرة كنت طالع مع واحد من الربع وصادفنا رفيج رفيجي .. عاد صاحبه يدرس بالـ AUK , يقولي لا تحوّل عندنا لان جنك ما درست شي !! يقول طلبة الاسترالية ضايعين عندنا خصوصا لمه كانوا يعادلون لهم سنتين !! بس عقب ما شافوا مستواهم ان مو قادرين يمشون جان يعادلون لهم سنة وحدة بس .. لان كانوا يعطونهم مثلا فاينانس 2 واهما مخلصين فاينانس 1 بالاسترالية بس مستوى المادة فاشل !!

ACK
28-06-2011, 12:00 PM
اي عدل احنا في ناس بجامعات خاصه يسمون كليتنا كلية الفشله الله يفشل اللي ببالي p:

و هذا كله بفضل المناهج الفاشله و المدرسين اللي مادري من وين اييبونهم حتى انجليزيهم ما ينفهم :)

ACK
28-06-2011, 12:05 PM
شي حلو ان الموضوع قروه 300 شحص تقريبا بخلال يوم واحد

و اتمنى ان الرساله توصل بشكل اكبر عشان لا ينغشون طلبة يدد بالكليه

و عشان الكل يعرف و عشان لا يقصون عليكم و يقولون تاخذون شهادتين من الكويت و استراليا و ثنتينهم ما منهم فايده

و للعلم ترا حتى بالدول الاوروبيه و امريكا في جامعات كثيره جدا اللي ما تعادل لطلبة الack

SickOfACK
28-06-2011, 05:53 PM
شي طبيعي واسم الكليه مرتبط ارتباط مباشر بالفشل لأنها أفشل جامعه في الكويت

والله يزيد عدد المشاركات ان شاء الله وانا متاكد ان في جواسيس من الاداره تجمع معلومات وتحاول تضر الطلبه بكل طريقه لكن بعيد عن شاربهم واذا انضر طالب راح يشوفون شي اكثر من الي شافوه

CraZeYa
28-06-2011, 07:22 PM
wee wee wee
knt mfkra asjl feeha
5la9 hwnt ;p

Mr.Ahmad
28-06-2011, 09:35 PM
wee wee wee
knt mfkra asjl feeha
5la9 hwnt ;p

لو يرد فيني الزمن

والله جان اتخذت نفس هالقرار :/

Charming
28-06-2011, 09:54 PM
انزين انتو الحين طيحتو من حظ الأسترالية وانا بدشها؟؟
شباب بنات ياليت احد يفيدني ويعطيني نصيحة جادة منه للكلية وهل ينصحني فيها ولا لأ؟
بلييييز

Mr.Ahmad
28-06-2011, 10:12 PM
انزين انتو الحين طيحتو من حظ الأسترالية وانا بدشها؟؟
شباب بنات ياليت احد يفيدني ويعطيني نصيحة جادة منه للكلية وهل ينصحني فيها ولا لأ؟
بلييييز

اختي

انا حاولت كثر ما اقدر ان انقل كل الاحداث اللي صارت بين الطلبة والادارة

وخصوصاً الاحداث اللي صارت معاي شخصياً عشان اكون دقيق في نقل الاحداث

ومثل ما قلت حق الاخت اللي فوق , لو يرد فيني الزمن والله ما ادش هالكلية (:

CraZeYa
29-06-2011, 12:30 AM
لو يرد فيني الزمن

والله جان اتخذت نفس هالقرار :/

yallah allah kreem
b3d shtswy !! :(

Charming
29-06-2011, 12:35 AM
يعني تنصحني ما أدخلها انا باخذ بكلريوس فيها؟؟

CraZeYa
29-06-2011, 01:46 AM
waay bss fee wayd t599at hndsa
mu mthl AUM and AUK !!?>.<

SickOfACK
29-06-2011, 02:53 AM
انزين انتو الحين طيحتو من حظ الأسترالية وانا بدشها؟؟
شباب بنات ياليت احد يفيدني ويعطيني نصيحة جادة منه للكلية وهل ينصحني فيها ولا لأ؟
بلييييز

ما طيحنا حظها .. اهي طايح حظها من نفسها ومن ادارتها الفاشله

ولاتقربين للجامعه اذا تبين مستقبلج روحي aum

SuPeR Tk tK
29-06-2011, 04:24 AM
نو قصدك لما قلت ما يعادلون حق ack


تقصد ان احنا نفس حالتكم ؟


اعتقد انك غلطان

احنا اذا خصلنا سنتين يخيرونا اذا نبي ناخذ دبلوم و نطلع ولا نبي نكمل بنفس الجامعه او امريكا

و تقدر تسأل ادارتنا نفسها


و للعلم انا كنت بدش الكليه الاستراليه اول شي


بس مادري شنو الي خلاني ادش كليه الشرق الاوسط الامريكيه و بعدها تحسفت اني ما دشيت الاستراليه

لكن الحين اقول الحمدالله اني ما دشيت الاستراليه انتو عايشين بمشاكل و احنا عايشين بعز و نعيم

و الله يعينكم

ACK
29-06-2011, 05:20 AM
نو قصدك لما قلت ما يعادلون حق ack

تقصد ان احنا نفس حالتكم ؟

اعتقد انك غلطان

احنا اذا خصلنا سنتين يخيرونا اذا نبي ناخذ دبلوم و نطلع ولا نبي نكمل بنفس الجامعه او امريكا

و تقدر تسأل ادارتنا نفسها

و للعلم انا كنت بدش الكليه الاستراليه اول شي

بس مادري شنو الي خلاني ادش كليه الشرق الاوسط الامريكيه و بعدها تحسفت اني ما دشيت الاستراليه

لكن الحين اقول الحمدالله اني ما دشيت الاستراليه انتو عايشين بمشاكل و احنا عايشين بعز و نعيم

و الله يعينكم


انتو acm نفس طريقتنا تخلص دبلوم سنتين و اذا معدلك يسمح يخلونك تكمل بكالوريوس بaum
احنا بعد نفس الطريقة و بالعكس الخيارات اللي عندنا اكثر منكم على فكره
بس هم تظل شوية ... و نفس الشي ترا الدول العربيه ما تعترف بجامعتكم و ما عندكم الا امريكا
و بالنسبه للمشاكل انت تدرس بالكليه و دراستكم مدتها سنتين و سهله اسهل منا فشي طبيعي ماكو مشاكل
بس شوف الaum اللي يمكم هناك راح تشوف المشاكل p: و موفق

ACK
29-06-2011, 05:21 AM
لو يرد فيني الزمن

والله جان اتخذت نفس هالقرار :/


وايد يقولون نفس كلامك



انزين انتو الحين طيحتو من حظ الأسترالية وانا بدشها؟؟
شباب بنات ياليت احد يفيدني ويعطيني نصيحة جادة منه للكلية وهل ينصحني فيها ولا لأ؟
بلييييز

والله هذا مستقبلج و انا غرضي من الموضوع اني ابين للناسمعلومات يمكن ما يعرفونها عشان اهم يحددون اذا هالمكان يناسبهم او لا

Charming
01-07-2011, 02:48 PM
بس بعدين اقدر أكمل بكالريوس بعثة داخلية؟

Mr.Ahmad
01-07-2011, 10:07 PM
بس بعدين اقدر أكمل بكالريوس بعثة داخلية؟

اذا خلصتي الدبلوم ومعدلج 3 نقاط وفوق .. تقدمين على بعثة داخلية

بس مو شرط تنقبلين

لان التعليم العالي راح يحدد عدد معين .. مثلا 100 مقعد

حزتها ياخذون اللي معدلاتهم أعلى

hmadeen
02-07-2011, 11:12 PM
السلام عليكم
و يعطيكم العافيه جميعا

بصراحه عجبني موضوعكم وايد و اشكركم عليه

انا خريج من الكليه الاستراليه دبلوم ميكانيكا و حاليا ادرس في امريكا (لتكملت البكالريوس هندسه)
الاشياء الي صارت معاي لعتم الفائده
1- لما وصلت امريكا عطوني اختبار اللغه (لاني ما اتخبرت توفل او آيلتز) و انصدمت لاني دارس في الكليه الاستراليه بالكويت سنه
ف درسة سنه لغه و بعدها دخلت الجامعه

2- معادلة المواد:-
بصراحه انا راسلة اكثر من جامعه بخصوص معادلة المواد و الي اتضحلي كل جامعات امريكا تعادل مواد الاسترالية كامله يعني سنتين ولكن
في نقطه مهمه لازم الواحد ينتبه لها :-

في فرق بين تخصص الهندسه العلميه و الهندسه التطبيقيه او المهنيه

كل الجامعات قالولي نعادلك في حالة اذا تبي الهندسه التطبيقيه اما الهندسه العلميه عادلولي فقط مادتين (حتى مو كورس كامل)
الزبده كنت بين نارين يا اني اتخرج بسنتين و اصير مهندس تطبيقي او ابلش من يديد مهندس علمي

و بصراحه لما سالة و تبين لي انه مهندس تطبيقي ما ياخذ كادر الهندسه و قررت اني ابلش من يديد و لاحول و لا قوه اللا بالله

و هذي كانت تجربتي و حبيت افيدكم فيها

Mr.Ahmad
02-07-2011, 11:15 PM
السلام عليكم
و يعطيكم العافيه جميعا

بصراحه عجبني موضوعكم وايد و اشكركم عليه

انا خريج من الكليه الاستراليه دبلوم ميكانيكا و حاليا ادرس في امريكا (لتكملت البكالريوس هندسه)
الاشياء الي صارت معاي لعتم الفائده
1- لما وصلت امريكا عطوني اختبار اللغه (لاني ما اتخبرت توفل او آيلتز) و انصدمت لاني دارس في الكليه الاستراليه بالكويت سنه
ف درسة سنه لغه و بعدها دخلت الجامعه

2- معادلة المواد:-
بصراحه انا راسلة اكثر من جامعه بخصوص معادلة المواد و الي اتضحلي كل جامعات امريكا تعادل مواد الاسترالية كامله يعني سنتين ولكن
في نقطه مهمه لازم الواحد ينتبه لها :-

في فرق بين تخصص الهندسه العلميه و الهندسه التطبيقيه او المهنيه

كل الجامعات قالولي نعادلك في حالة اذا تبي الهندسه التطبيقيه اما الهندسه العلميه عادلولي فقط مادتين (حتى مو كورس كامل)
الزبده كنت بين نارين يا اني اتخرج بسنتين و اصير مهندس تطبيقي او ابلش من يديد مهندس علمي

و بصراحه لما سالة و تبين لي انه مهندس تطبيقي ما ياخذ كادر الهندسه و قررت اني ابلش من يديد و لاحول و لا قوه اللا بالله

و هذي كانت تجربتي و حبيت افيدكم فيها

(وشهد شاهدٌ من أهلها)

زين ما سويت وعسى الله يوفقك (:

ACK
03-07-2011, 07:37 AM
السلام عليكم
و يعطيكم العافيه جميعا

بصراحه عجبني موضوعكم وايد و اشكركم عليه

انا خريج من الكليه الاستراليه دبلوم ميكانيكا و حاليا ادرس في امريكا (لتكملت البكالريوس هندسه)
الاشياء الي صارت معاي لعتم الفائده
1- لما وصلت امريكا عطوني اختبار اللغه (لاني ما اتخبرت توفل او آيلتز) و انصدمت لاني دارس في الكليه الاستراليه بالكويت سنه
ف درسة سنه لغه و بعدها دخلت الجامعه

2- معادلة المواد:-
بصراحه انا راسلة اكثر من جامعه بخصوص معادلة المواد و الي اتضحلي كل جامعات امريكا تعادل مواد الاسترالية كامله يعني سنتين ولكن
في نقطه مهمه لازم الواحد ينتبه لها :-

في فرق بين تخصص الهندسه العلميه و الهندسه التطبيقيه او المهنيه

كل الجامعات قالولي نعادلك في حالة اذا تبي الهندسه التطبيقيه اما الهندسه العلميه عادلولي فقط مادتين (حتى مو كورس كامل)
الزبده كنت بين نارين يا اني اتخرج بسنتين و اصير مهندس تطبيقي او ابلش من يديد مهندس علمي

و بصراحه لما سالة و تبين لي انه مهندس تطبيقي ما ياخذ كادر الهندسه و قررت اني ابلش من يديد و لاحول و لا قوه اللا بالله

و هذي كانت تجربتي و حبيت افيدكم فيها


يعني لو مو دارس بالكليه الاستراليه و رايح امريكا على طول احسنلك

و موفق انشالله

LoLiTa
03-07-2011, 09:32 PM
^^ اخوي حبيت اوضح اللي اعرفه ان خريجين الاسترالية صج شهادتهم بكالوريوس تكنولوجي بس يمشي لهم كادر المهندسين لان ديوان

الخدمة ما يفرق للحين بين الهندسة بكالوريوس علوم والتكنولوجية ويوظفهم على نفس الدرجة شي بسيط وهذا كلام دكاترة واهما مو

عاجبه هالشي ويقولون بيغيرونه في الايام الياية..

Fahad-ACK
03-07-2011, 11:03 PM
شباب تدرون اني ما ادري وين الدبلوم مالي؟ :|

ههههههههههههههه قاطه مع الاوراق ومالي خلق ادور ^v^

ههههههههه والله السالفه صج مو غشمره x:D

ACK
04-07-2011, 01:07 AM
ههههههههههههههههه

انا اقول حط بالك عليه يمكن لا سمح الله تحتاجه بيوم من الايام p:

تخيل الشي اللي انت قاطه ما تدري وينه انا قاعد ادرس و بنطر لي شهر 2 الياي عشان اخذه p:

hmadeen
04-07-2011, 02:15 AM
^^ اخوي حبيت اوضح اللي اعرفه ان خريجين الاسترالية صج شهادتهم بكالوريوس تكنولوجي بس يمشي لهم كادر المهندسين لان ديوان

الخدمة ما يفرق للحين بين الهندسة بكالوريوس علوم والتكنولوجية ويوظفهم على نفس الدرجة شي بسيط وهذا كلام دكاترة واهما مو

عاجبه هالشي ويقولون بيغيرونه في الايام الياية..

الله يعطيج العافيه
انا حاليا في امريكا و تخرجة من الاستراليه 2009 و هذا الكلام قبل ما ايي امريكا
وجان غيروه الحين زين على زين
ف ياريت لو تساليلي اذا ما عليج كلافه من جمعية المهندسين و التعليم العالي و ديوان الخدمه و اكون شاكرلج اذا ما عليج
كلافه لاني ماني قادر اتواصل مع هذي الجهات

واذا كلامج صح ترى يمديني اغير تخصصي و ارجع هندسه تطبيقيه اذا يمشيلي كادر الهندسه
جذي يكون باقيلي سنه و اتخرج من الجامعه
وتاخذين فيني اجر و اتفيدين ناس وايد معاي حاليا موجودين معاي نفس وضعي

LoLiTa
05-07-2011, 06:16 PM
^^ اخوي انا اقول افتح موضوع وان شاء الله شباب الاسترالية ما يقصرون معاك مو معقولة ماكو احد بالمنتدى يدرس هندسة بالاسترالية او

مشرف القسم بتاكد من الموضوع مع اني متاكدة منه بس عشان تطمن وانا للاسف ماخذه صيفي ف كلش ما عندي وقت وان شاء الله

الشباب ما يقصرون معاك..

بَاذِخهْـ !
06-07-2011, 01:48 AM
الله يعينكم :x

Queena
06-07-2011, 02:32 AM
وين ابوي عنكم، خل اوريه الموضوع باجر ;~)
من عمر وانا اكره الجامعات الخاصه، اغلبها دبلوم ولا مو معترف فيها بره

ACK
08-07-2011, 07:34 PM
لا مو اغلبها دبلوم تقريبا كلهم بكالوريوس

بس مثل ما قلت اغلبهم مو معترف فيهم بره

a.alshammari
09-07-2011, 02:34 AM
انا بغيت اكتب موضوع من زمان بخصوص شهادة الكليه الاستراليه بس قلت مابي اضيق خلق الناس واكرهم بهالكليه ومن هالامور هذي ،،، لكن دامكم بطلتوا هالموضوع فإخذوا هالقنابل لكم :

1) هل تعلم ان جامعة الكويت ما تعترف بشهادة الكليه الاستراليه : وبما ان جامعة الكويت هي مركز التعليم وهي الجامعه الحكوميه الوحيده وماتعترف بشهادتك يعني شهادتك بطيخ. واعتراف مجلس الجامعات الخاصه بالكليه الاستراليه يصب لمصالح شخصيه للطبقه الارستقراطيه.

2) هل تعلم ان اغلب الجامعات الخاصه يقدرون يحولون لجامعة الكويت الا انت.

3) هل تعلم اني انا شخصياً قدمت على اكثر من 7 جامعات في أمريكا ولا جامعه عادلتلي اكثر من وحدتين من اصل ستين وحده.

4) هل تعلم ان عندما تدقق على عدد وحداتك كـخريج من الكليه الاستراليه قسم الهندسه لا يصلون 60 .

5) هل تعلم ان الشهاده الثانيه اللي قاصين علينا فيها واتيينا من استراليا اهيا من معهد وليس كما سمعنا جامعة تازمينيا او TAFE Studies.

6) هل تعلم ان كنت تريد ان تكمل باستراليا يبقى لك اقل شي 6 كورسات إن ماخلوك تبدأ من جديد

7) إخذ الاخيره : هل تعلم ان بالنهايه شهادتك اسمها VOCATIONAL ؟؟؟؟ واللي مايعرف معناة VOCATIONAL يروح يسئل الجامعات الخارجيه ويسئل التعليم العالي وجامعة الكويت وغيره.

8) هل تعلم ان اغلب جامعات بريطانيا ماقاموا يقبلون شهادة الكليه الاستراليه نظرا لفشل عدد كثير من الطلبه في الجامعات البريطانيا وبالاساس هم خريجوا الكليه الاستراليه
انا خريج دبلوم هندسة ميكانيكا واكثر شخص انصدم من واقع شهادة الكليه الاستراليه (الكليه المزيفه*) والله ان خريج التطبيقي والتكنلوجيا افضل من الكليه الاستراليه وهذا الواقع اللي لمسته عند تقديمي لكذا جامعه.

لذا والله نصيحه من قلب ابعدوا عن الكليه الاستراليه لحد يدرس فيها !!! واللي يبي يتأكد يقدر يواصلني واعطيه معلومات كافيه.. لا تنخدعووون

سوييره
09-07-2011, 02:52 PM
احنا شعلينا بجامعة الكويت اعترفت ولا مااعترفت بالطقاق اللي يطقهم ( مع احترامي للطلبه )
انا اعرف ٧ طلبه تخرجوا من بكالريوس الاستراليه ACK ٣ شباب و٤ بنات واعرفهم عدل عدل ويشتغلون باحسن الاماكن ( وحتى مااشتغلوا بواسطه ) واقل واحد فيهم معاشه ١٤٠٠ دينار هذي اقل وحده اللي تقعد ورا مكتب ومالها خلق تشتغل هذي تاخذ ١٤٠٠ وواحد من ال٣ شباب يشتغل باحدى الشركات اللي كانوا يبون معدل عالي وكان معدله عالي واقبلوه معاشه ٣٠٠٠ دينار ولا معاش طبيب هذا وذابحينهم بالسفرات والدورات لندن وامريكا والمانيا كل جم شهر دوره وسفره وبونص ع الدوره اذا خذوها
ولا هم اشتغلوا بواسطه ولا شي كل الموضوع ان الشركات يبون مهندس تكنولوجي ( يسموونه مهندس عنده خبره عمليه)
واذا بيكملون ماستر ودكتوراه يروحون امريكا ولا كندا ولا استراليا

يعني الامور ماشيه تمام والكل مرتاح
احسن من اللي مطلعهم العبدالجليل متخرجين من جامعة الكويت وبيشتغلون بكول سنتر وين قاعدين !!!!!
كل هذا لان الشركات ماتبيهم





واذا كنتو قاعدين تشتكون من تخصص الاداره فماعرف عنه ولا شي وانا مع قضيتكم بالعكس واعتذر جدا اذا تدخلت بشي ماعرفه بتخصصكم بس لاني ماعرف عن تخصصكم والمشاكل الي قاعدين تعانون منها فمالي الحق اتكلم
بس لان تكلمتو عن الهندسه فتكلمت



وشغله اخيره اذا هندسة الاستراليه مو زينه عيل ليش kmpc وkoc و kpc
كل اللي متخرجين من البترول وبعض التخصصات الثانيه يشغلونهم عندهم ولما يخلصون الدبلوم في بعضهم يشتغل هناك وياخذ معاش وبعثه على حساب الشركه ويكمل بنفس الوقت
وشركات النفط مايبون اي احد بعد !!!

Fahad-ACK
09-07-2011, 11:15 PM
احنا شعلينا بجامعة الكويت اعترفت ولا مااعترفت بالطقاق اللي يطقهم ( مع احترامي للطلبه )
انا اعرف ٧ طلبه تخرجوا من بكالريوس الاستراليه ACK ٣ شباب و٤ بنات واعرفهم عدل عدل ويشتغلون باحسن الاماكن ( وحتى مااشتغلوا بواسطه ) واقل واحد فيهم معاشه ١٤٠٠ دينار هذي اقل وحده اللي تقعد ورا مكتب ومالها خلق تشتغل هذي تاخذ ١٤٠٠ وواحد من ال٣ شباب يشتغل باحدى الشركات اللي كانوا يبون معدل عالي وكان معدله عالي واقبلوه معاشه ٣٠٠٠ دينار ولا معاش طبيب هذا وذابحينهم بالسفرات والدورات لندن وامريكا والمانيا كل جم شهر دوره وسفره وبونص ع الدوره اذا خذوها
ولا هم اشتغلوا بواسطه ولا شي كل الموضوع ان الشركات يبون مهندس تكنولوجي ( يسموونه مهندس عنده خبره عمليه)
واذا بيكملون ماستر ودكتوراه يروحون امريكا ولا كندا ولا استراليا

يعني الامور ماشيه تمام والكل مرتاح
احسن من اللي مطلعهم العبدالجليل متخرجين من جامعة الكويت وبيشتغلون بكول سنتر وين قاعدين !!!!!
كل هذا لان الشركات ماتبيهم





واذا كنتو قاعدين تشتكون من تخصص الاداره فماعرف عنه ولا شي وانا مع قضيتكم بالعكس واعتذر جدا اذا تدخلت بشي ماعرفه بتخصصكم بس لاني ماعرف عن تخصصكم والمشاكل الي قاعدين تعانون منها فمالي الحق اتكلم
بس لان تكلمتو عن الهندسه فتكلمت



وشغله اخيره اذا هندسة الاستراليه مو زينه عيل ليش kmpc وkoc و kpc
كل اللي متخرجين من البترول وبعض التخصصات الثانيه يشغلونهم عندهم ولما يخلصون الدبلوم في بعضهم يشتغل هناك وياخذ معاش وبعثه على حساب الشركه ويكمل بنفس الوقت
وشركات النفط مايبون اي احد بعد !!!





سكت دهراً .. ونطق كفراً !!







عفواً تستخفين بعقولنا ؟؟؟؟؟؟؟؟؟؟؟؟؟؟؟؟؟؟؟؟؟

نعم؟؟؟؟؟؟؟؟؟؟ شنو قلتي؟؟؟؟؟؟؟؟؟؟؟؟

انا "أتحداج" أمام الكل تقولين منو هذا الشخص الي معاشه 3000 دينار

ولا تقولين مايصير اذكر اسمه وافضحه ومن هالكلام، ذكري اسم "الشركه" الي يشتغل فيها وخلي الحكم للأعضاء يتصلون على الشركه ونشوف صحة هالكلام الخيالي الي "حاولت" أصدقه ورقعت كثر ما أقدر بس كلام "مايترقع"

خريج وموظف يديد ومعاشه 3000؟ الدكاتره الي عندهم شهادة دكتوراه وخبره كبيره ماوصل معاشهم 3000 دينار !!! الا قليل منهم

أخوي مهندس متخرج من جامعة Sheffield معاشه ماوصل 3000 ! واهي تسوى تزمانيا عشرين مره، وتزمانيا تسوى كيب بريتون مليون مره !

فمادري الي تقولين عنه متخرج من هارفرد "مثلا"؟؟؟؟؟؟؟

وأخوي قدم على أكبر الشركات "عالميا" ويحلمون خريجين تزمانيا وكيب بريتون انهم يشتغلون فيها ومنها "فندرلاند" و "رولز رويس" بلندن ومعاشه كان 24,000 باوند يعني 2000 باوند بالشهر !! بدون لا يشيلون التاكس بعد !

دافعي عن الجامعه وعن تخصصج "بالحق والباطل" بس مو لهذه الدرجه

كافي ضحك على عقولنا ترا لو هالسالفه انقالت حق "حمار" -مكرم السامع- راح يضحك وماراح يصدق

بانتظار "ردج" وذكر اسم الشركه "بدون تهرب"

شكرا !!

Queena
10-07-2011, 12:14 AM
ان للظلم مرارة لا يشعر بها الا من احترق بناره
فحمدا لله الذي جعل للمظلوم دعوة تصعد للسماء كانها شراره..

الله يعينكم

سوييره
10-07-2011, 10:19 AM
الشركه Agility وصاحبها طارق سلطان العيسى
والمهندس اللي ياخذ ٣ الاف هذا ولد اخته وعلى الرغم ان ولد اخته ماشغله بواسطه
اصلا اهوه صاحب الشركه مواليد امريكا زين يتكلم عربي مايشغل احد بواسطات لو اخوه
والمهندس عنده بكالريوس محاسبه من جامعة الكويت وبكالريوس هندسه من ACK ويشتغل فيهم اثنينهم يمكن هذا اهله
اهله ما اهله بس كا في احد طلع من الكليه ومعاشه ٣٠٠٠
واخي العزيز بتصدق براحتك ماراح تصدق براحتك الموضوع كله راجعلك
وانا ماتدخلت بتخصصك عفوا
ومثل ماانته لما دخلت تخصصك سألت عنه عدل والكل مدحلك اياه
احنا بعد سألنا عن تخصصنا وشفنا نماذج حلوه جدامنا ولله الحمد

وانتو كل ماتثيرون موضوع الكليه انا اروح اسأل يمكن ثلاث ارباع طلبة الهندسه ساءلتهم شلون امورك ماشيه
وكل اللي سألتهم ولله الحمد امورهم طيبه الا اثنين يمكن هذول اهمه الحمدلله والشكر حتى موادهم يمكن مايعرفون اساميها

dino92
10-07-2011, 01:43 PM
9ra7a ana knt mfkra eny a7wl 3ndkom from AUK cuz abe adrs hndst petrol bs al7een after this thread ma adri a7wl wla la :S

Mr.Ahmad
10-07-2011, 01:44 PM
اختي العزيزه سارة

اهلاً وسهلاً

افتقدنا مشاركتج

احنا شعلينا بجامعة الكويت اعترفت ولا مااعترفت بالطقاق اللي يطقهم ( مع احترامي للطلبه )

بالنسبة لي .. في طلبة يخلصون الدبلوم وودهم يكملون بجامعات ثانية ومنها جامعة الكويت !! ولكن جامعة الكويت تعادل حق كل المعاهد وكل الكليات داخل الكويت (إلا) الاسترالية .. وهالشي يعتبر سلبي تجاه سمعة الكلية الاسترالية !!

شنو السبب؟

الله العالم

انا اعرف ٧ طلبه تخرجوا من بكالريوس الاستراليه ACK ٣ شباب و٤ بنات واعرفهم عدل عدل ويشتغلون باحسن الاماكن ( وحتى مااشتغلوا بواسطه ) واقل واحد فيهم معاشه ١٤٠٠ دينار هذي اقل وحده اللي تقعد ورا مكتب ومالها خلق تشتغل هذي تاخذ ١٤٠٠ وواحد من ال٣ شباب يشتغل باحدى الشركات اللي كانوا يبون معدل عالي وكان معدله عالي واقبلوه معاشه ٣٠٠٠ دينار ولا معاش طبيب هذا وذابحينهم بالسفرات والدورات لندن وامريكا والمانيا كل جم شهر دوره وسفره وبونص ع الدوره اذا خذوها

احترم رايج وما اقصد اني اجذبج

ولكن انا موظف بالقطاع النفطي والـ 1400 حتى المهندس ما يحلم فيها !! لان اول ما المهندس يتوظف بالقطاع النفطي يكون راتبه 1100 تقريبا (يمكن اقل أو اكثر شوي !! )

وهم الـ team leader شهادته بكالريوس ( سواء اداري أم مهندس ) ماراح يوصل راتبه 3000 دينار الا عقب كرف بين 20 لي 25 سنة !!

فـ صراحة اللي تعرفينه معاشه 3000 من اول ما توظف يعتبر شي خيال ومعجزة !! ( الله يهنيه وزين انج قلتي اسم الشركة عشان نقدم عليها عقب التخرج :$ )

ولا هم اشتغلوا بواسطه ولا شي كل الموضوع ان الشركات يبون مهندس تكنولوجي ( يسموونه مهندس عنده خبره عمليه)
واذا بيكملون ماستر ودكتوراه يروحون امريكا ولا كندا ولا استراليا

في طلبة ظروفهم الخاصة ما تساعد انهم يدرسون برا .. ليش جامعة الكويت أو الجامعات الخاصة ما تعترف بشهادات الكلية الاسترالية؟ سواء تازمينيا أو كيب برايتون مالت الهندسة؟؟

اكيد في خلل بشهادة الاسترالية :/

احسن من اللي مطلعهم العبدالجليل متخرجين من جامعة الكويت وبيشتغلون بكول سنتر وين قاعدين !!!!!
كل هذا لان الشركات ماتبيهم

هذا اللي انا سمعته قبل لا اقدم على الاسترالية .. ان الجامعات الخاصة ( مسنوده ) يعني أصحاب الجامعات الخاصة مضبطين علاقاتهم مع ناس معينين عشان التوظيف عقب التخرج !! وهالشي مو حباً بالطلبة ولكن عشان السمعة وعشان يكسبون أكبر عدد ممكن من الطلبة واللي اهو بناءاً عليه (الربح المادي)

على سبيل المثال: اعتقد كل كورس الادارة عندنا تفتح معرض عندنا بالكلية حق التوظيف ونشوف القطاع الخاص يفتح مكاتب صغيرة عشان تقديم طلبات التوظيف (شركات الاتصالات - البنوك - شركات النفطية الخاصة .. إلخ) وهالشي انا اشوفه ايجابي

ولكن هذي ميزة ايجابية مقابل سلبيات كثيرة !!

لان لو نشوفها من صوب ثاني .. راح نشوف ان شهادتنا = ولا شي بالنسبة لـ جامعة الكويت وباجي الجامعات الخاصة الثاني .. لان مثل ما قلت في بعض الطلبة ما يقدرون يدرسون برا وحابين يكملون دراستهم بالكويت وهالشي اصبح مستحيل لـ خريج الكلية الاسترالية !!

ولكن المفروض يصير العكس .. ان شهادة جامعة تازمينيا تصفّط جامعة الكويت عاليمين !! لان تازمينيا ترتيبها 320 وجامعة الكويت حتى مو من ضمن الـ 1000 !! يعني المفروض جامعة تازمينيا اللي تتفلسف وما تعادل مواد جامعة الكويت مو العكس !!

اهني الواحد المفروض يصير شاطر ويفسرها (: ان في اتفاقية بين أصحاب الدماء الزرقاء إن يحكرون طلبة الاسترالية وما يخلونهم يكملون بمكان ثاني داخل الكويت عشان الطالب يُجبر يكمل بالاسترالية (خصوصا البعثات الداخلية) عشان الفلوس تروح بـ بطون بعض الناس !

واذا كنتو قاعدين تشتكون من تخصص الاداره فماعرف عنه ولا شي وانا مع قضيتكم بالعكس واعتذر جدا اذا تدخلت بشي ماعرفه بتخصصكم بس لاني ماعرف عن تخصصكم والمشاكل الي قاعدين تعانون منها فمالي الحق اتكلم
بس لان تكلمتو عن الهندسه فتكلمت

الواضح ان جامعة تازمينيا خايفة على سمعتها واللي واضح ايضاً انها حاط شروط ومن هالشروط ان لها الموافقة والرفض والرأي الاول والاخير !! يعني ادارة الكلية الاسترالية الموقرة مجرد زينة !! ( هالكلام يخص تخصص البزنس )

وشغله اخيره اذا هندسة الاستراليه مو زينه عيل ليش kmpc وkoc و kpc
كل اللي متخرجين من البترول وبعض التخصصات الثانيه يشغلونهم عندهم ولما يخلصون الدبلوم في بعضهم يشتغل هناك وياخذ معاش وبعثه على حساب الشركه ويكمل بنفس الوقت

وشركات النفط مايبون اي احد بعد !!!

KNPC وليس KMPE

مثل ما قلت اني موظف بالقطاع النفطي

البعثة اللي تتكلمين عنها فيها شروط (شبه) تعجيزية

والواسطات والمصالح تلعب لعب بشركات القطاع النفطي والموظفين عارفين هالشي واصلا الشركات بدت تخترب والوضع برا يصير ارف بسبت الواسطات

للعلم مؤسسة البترول الكويتية فيها 10 شركات .. أحدى الشركات تم فتحها عشان خاطر (الواسطة) والشركة هذي فيها ما يقارب 2500 موظف و (كلهم) توظفوا عن طريق الواسطات والمعارف و (حبة الخشم) وهالشركة ولا مرة حطت اعلان توظيف بالنت أو بالجرايد (:

وشركات النفط مايبون اي احد بعد

اي نعم صاجه .. يبون واسطة قبل المهارة والكفاءة .. وبصراحة اعرف ناس توظفت بالقطاع النفطي بدون واسطة ولكن هذول (الأقلية) !

سوييره
10-07-2011, 03:22 PM
اهلا فيك احمد اشكرك وحياك الله

اول شي اشكرك على اسلوبك المحترم في غيرك قالوا نفس كلامك بس الناس تقتنع بالاسلوب الراقي
وبعدين كلامك حده صح بسالفة اذا شخص مايقدر يكمل برا وبيكمل هني وهم صح لما قلت ان جامعة الكويت تعادل حق الكل الا حق الack انا ماكنت شايفتها بهالنظره
بس ياربي اللي يشتغل بهالشركه انا متأكده ان هذا معاشه يمكن عنده خبره عنده شي او اهوه قاعد يبالغ بس ماعتقد في احد يجذب بمعاشه لوول

عموما احمد اشكرك على اسلوبك
لان الاسلوب الراقي يقنعك مهما كان

ACK
10-07-2011, 03:26 PM
[Link nur für registrierte Benutzer sichtbar]

Fahad-ACK
10-07-2011, 07:06 PM
والمهندس اللي ياخذ ٣ الاف هذا ولد اخته وعلى الرغم ان ولد اخته ماشغله بواسطه

يا حراااااااام ~.~

مسكين "بالصدفه" انقبل بشركة خاله وصاحب الشركه ماتدخل بالتوظيف كلش :confused:

بصراحه توقعت راح تقولين "كنت أتغشمر" أو "غلطه مطبعيه" لان هذي الاجابه اهي "المخرج" الوحيد لج من هذا "المأزق" الـ"صاروخي" !!

شهادة محاسبه؟ الله يعافي اخوانا المصريين محاسبين على 400 دينار وتارسين الديره :rolleyes:

الناس تاخذ ماجستير ودكتوراه مادري شنو فايدة شهادتين بكالريوس opO لو بكالريوس المحاسبه فيه خير جان مارد اخذ بكالريوس ثاني، فسالفة البكالريوسين "عيب" مو ميزه !!

واكيد اصدق ولا ما اصدق شي راجعلي وانا بصراحه ودي ودي اصدق بس قويه قويه x:D

"بو 3000" هذا معاشه أكثر من "الدكاتره" بجامعة الكويت .. ودي اعرف شنو نوع "الخرزه" الي عنده opO

عموما اذا اهو بنفسه قايلج هالكلام عيل داز عليج "لين قايل" بس x:D بس يالله شركة خاله وحلالهم محد يكلمه يمكن يسوون دعايه للشركه والله اعلم

وأمس الشباب يحسبونها يقولون يعني "مع البونص" 3500؟ بيييه عاد لي تزوج وياب عيال معاشه يصير 4000 ومع الترقيات والزيادات 5000 وبعد 20 سنه معاشه 6000 وراح "يغارون" منه أعضاء مجلس الأمه والوزراء opO

أنا أمس تكلمت عن اخوي بس هالمعاشات ببريطانيا ومو ذاك الزود خل نتكلم عن الكويت أحسن لأن المعاشات اقوى

امس اكلم واحد من الشباب أخوه "رئيس" مجلس اداره شركه عقاريه "كبيره" ومعاشه أقل من 2000 دينار !!

وللعلم بالكويت مهندس أعرفه شخصيا صارله يمكن 20 سنه أو اكثر يشتغل ورقوه وصار مسماه "كبير المهندسين" ومعاشه 1500 بس !!

السؤال الي يطرح نفسه

بعد خسارة الشركه وبعد ماكان سهم اجيليتي من "أقوى" الأسهم بالسوق، الحين سهمه 335 فلس !!

عيل لو صاحبنا "بو 3000" متوظف أول جم بيكون معاشه؟






تدورون الاجابه؟ opO








الاجابه هي نص مليون x:D



بس الله يعين لي كمل ماجستير معاشه يصير 7000

ولي اخذ الدكتوراه 10,000


ومع الخبره يصك 15,000 :|



اهله ما اهله بس كا في احد طلع من الكليه ومعاشه ٣٠٠٠لا ومصرّه بعد؟ opO


لان الاسلوب الراقي يقنعك مهما كان مهما كان ! اووله اووله

أول مره أدري ان الناس تقتنع "بالاسلوب" مو "بالفكره"



وشكراً احمد على المشاركه واسلوبك راقي ;$$ opO بصراحه ما اقتنعت بكلامك بس عشان هالاسلوب بقتنع :$

الله يعينك يا أحمد الجامعه ومشاكلها بصوب والمنتدى بصوب opO


وكل الاحترام "لطالبة الهندسه سويره وخريجة الكليه الاستراليه وجامعة كيب بريتون مستقبلا" وللطلبه الباقين وانا ما انتقص من أحد لكن السالفه ضحكتني وصدمتني شوي من أمس ولي الحين ماني قادر استوعب الصدمه :_(







شكرا (co:)

Mr.Ahmad
10-07-2011, 08:04 PM
اهلا فيك احمد اشكرك وحياك الله

اول شي اشكرك على اسلوبك المحترم في غيرك قالوا نفس كلامك بس الناس تقتنع بالاسلوب الراقي
وبعدين كلامك حده صح بسالفة اذا شخص مايقدر يكمل برا وبيكمل هني وهم صح لما قلت ان جامعة الكويت تعادل حق الكل الا حق الack انا ماكنت شايفتها بهالنظره
بس ياربي اللي يشتغل بهالشركه انا متأكده ان هذا معاشه يمكن عنده خبره عنده شي او اهوه قاعد يبالغ بس ماعتقد في احد يجذب بمعاشه لوول

عموما احمد اشكرك على اسلوبك
لان الاسلوب الراقي يقنعك مهما كان

ما عليه .. انا بعد قبل كانوا يقولولي عن معاشات بعض الاماكن ولكن عقب ما توظفت وبديت اقارن بين رواتب الموظفين اقدر اميّز بين اللي يبالغ او الصاج

لان مثل ما قلت لج .. توا متخرج ويستلم 3000؟؟ صج خيال واعجاز :x

مسئولي بالدوام والله خدمته 28 سنة وحالياً معاشه 2200 !!! هذا واحنا بالبترول اللي الناس عبالهم ان من معاشاتنا نقدر نشتري قصور عالبحر :q

***

يقولون

ليس كُل ما يُعرف .. يُقال

وأيضاً

ليس كل ما يُقال .. يُصّدق

اشكرج على سعة صدرج يا أختي العزيزة

ACK
11-07-2011, 12:12 AM
يمكن اهو مجذب عليكم و قايل ان معاشه 3000 حب يتفلسف شوي p:

و يمكن متوظف بواسطه بشركة خاله بس ماحب يقول انه توظف بواسطه يعني نظام انا اللي اشتغلت بمجهودي لول

و يمكن صج معاشه 3000 لأنها شركة خاله مو عشان سواد عيونه

و في احتمالات وايد يمكن صح و يمكن غلط بس اهم شي هدو اعصابكم p:

Fahad-ACK
11-07-2011, 02:44 AM
يمكن اهو مجذب عليكم و قايل ان معاشه 3000 حب يتفلسف شوي p:

و يمكن متوظف بواسطه بشركة خاله بس ماحب يقول انه توظف بواسطه يعني نظام انا اللي اشتغلت بمجهودي لول

و يمكن صج معاشه 3000 لأنها شركة خاله مو عشان سواد عيونه

و في احتمالات وايد يمكن صح و يمكن غلط بس اهم شي هدو اعصابكم p:


يعني عشان خاله بيزيده 1800 أو اكثر فوق معاشه؟ خل يستريح اشكره فلم ومو أي فلم ! فلم هندي opO

اقولك انت اسكت لاتكلمني :&quot;(

كنت اوري صورة المسج حق اخوي ولابتوبي عالطاوله ويمه عصير

وانا لاف اللابتوب جان يطيح العصير وطشر على ايدي وريلي والقنفه :&quot;( كله منك

جيك الخاص بقولك شي خطييييييييييييييييييييييي يييييييييييييييييييييييير

Josef
11-07-2011, 10:06 AM
الله بالخير يا جماعة

الحين الي ما عنده واسطة ولا أحد يصير له بالبترول شسوي؟ -.-~

يطحس؟ .. يطق صبع؟ .. يشكي حاله؟ .. يحط اييده على خده؟ ?:| ?:| ?:|

ما أنكر إنه توقعت إنه في واسطات .. بس مو لهالدرجة -.-~

لا حول ولا قوة إلا بالله

و فهد هد اعصابك .. احس شوي و تطلع من الشاشة .. لووووووووووول x:D

ما أقول غير .. الله كريم

و ان شاءالله يصير الي فيه الخير لنا .. موفقين

ACK
11-07-2011, 10:41 PM
لوووووووول انا شكو انت ما تشوف p:
سلامات بالعصير ولا فيك <<< شكو

شسمه الرسايل الخاصه عندي ماقدر ارد عليهم ماكو مكان اكتب الرد
قبل كنت ارد عادي الحين ما يطلعلي المكان اللي اكتب فيه

[Link nur für registrierte Benutzer sichtbar]

و فلان اللي سألك عني ماعرفه عدل بس بيننا سلام

و فلان الثاني لا مو رفيجي ماعرفه شخصيا p:

و تويتر لا ما عندي مسوي اكاونت بس مادش كلش

LoLiTa
13-07-2011, 01:39 AM
عندي استفسار شلون جامعة الكويت ما تعادل لكم المواااد والحين فيه بنت معانا تدرس صيفي بجامعة الكويت هندسة واهيا بال ack ؟؟

ثاني شغلة: انا اشوف ان خريجين الهندسة بال ack مثل ما قالت سويره ماشي حالهم والشركات الخاصة تطلبهم واايد مادري ليش واايد

تشتكون عيل اذا كنتوا ب جامعة الكويت شتسوون ؟؟

بس اتوقع المشاكل اللي عندكم لطلبة البزنس..

unreal-future
31-07-2011, 03:33 AM
ana ma a8ool ela el-7amdl-allah eny 6l3t mn el-college b.krha, oo 7eta el-foundations ma kmlta x:D

l2na b.9ra7a 7dha fashla, la oo el-a56r mn hatha ena el-teacher ely tdrsny foundations tshr7 in
:_(


oo 8dmt 3la jam3a in Uk a7san mn hathy el-mhzla

PRUE
31-07-2011, 12:17 PM
السلام عليكم ، شكرا لصاحب الموضوع و للمشاركين كفيتو و وفيتوا

بس في جم نقطة حبيت اوضحها بخصوص تخصص الهندسة بالاسترالية :

١- ان خريج الاسترالية ماياخذ كادر لانه مهندس تكنولوجي ، هالشي غير صحيح

الديوان مايفرق بين المهندس العلمي و بين المهندس التكنولوجي ، لان الاثنين مهندسين (بكالريوس) و لكن بمجالات مختلفة و مافي مجال للمقارنة بين صعوبة و اهمية كل واحد منهم ، لان كل واحد منهم له شغل خاص ودراسة تختلف ،بالاضافة الى ان مؤسسات الاعتماد الاكاديمي العالمية تساوي بين التخصصين و تمنح كل واحد منهم اعتماد خاص فيه مثل مؤسسة ABET و اي طالب هندسة متخصص عارف الفرق بين التخصصين.

و بالديوان الاثنين بنفس المؤهل و نفس الدرجة الوظيفية
[Link nur für registrierte Benutzer sichtbar] (اطلع على الرموز 101977 , 972596 , 972604 , 971674 , 101960 .... )

اللي حاب يتأكد أكثر يراجع ديوان الخدمة المدنية.

و للي مايحب الاسترالية على فكرة مؤسسات الشرق الاوسط الامريكية فتحت تخصص الهندسة الصناعية كبداية للتخصصات الهندسية و لكنها حولت الى تخصصات الهندسة التكنولوجية و فتحوا تكنلوجيا الهندسة الكهربائية (حاليا دبلوم) ، لان الهندسة التكنولوجية نادرة و مطلوبة اكثر ، خريجين جامعة الكويت صاروا يتخرجون مهندسين و مو محصلين وظايف!! و القطاع الخاص يفضل المهندس التكنولوجي عشان عنده خلفية مهنية و خبرة عملية اكثر و فترة تدريبه قصيرة.

اما على المستوى العالمي تقدرون تشوفون اقوى الجامعات تخصصاتها الهندسية شنو نوعها >> [Link nur für registrierte Benutzer sichtbar]

[Link nur für registrierte Benutzer sichtbar]


٢- ان الحاصل على دبلوم الهندسة من الكلية الاسترالية لا تتم معادلة كل مواده بجامعات خاصة أخرى بسبب ان دبلومه اقل قيمة ، هالكلام غير صحيح

المشكلة ان لا يوجد جامعة خاصة داخل الكويت توفر اي من التخصصات الهندسية المتوفرة بالكلية الاسترالية ، و ليس السبب ان حامل الشهادة اقل علماً

مثلا انا عندي دبلوم هندسة الكترونية بروح تخصص محاسبة شلون يعادلون كل موادي اذا اهيا مو موجودة اصلا بتخصص المحاسبة ؟؟؟

الا اذا في احد يعرف جامعة خاصة فيها تخصص هندسة تكنولوجية ميكانيكية او مدنية او الكترونية او طيران او بترول و ماتعادل للاسترالية يقولي .

٣- دبلوم الهندسة بالاسترالية لا تتم معادلة بالدول العربية ! و هذا خطأ

في جامعات تعادل على سبيل المثال و ليس الحصر : مصر : (الجامعة البريطانية ، الجامعة الحديثة للعلوم و التكنولوجيا ، جامعة مصر للعلوم و التكنولوجيا ، جامعة المستقبل ، جامعة اكتوبر للعلوم و التكنولوجيا ، الجامعة المصرية الروسية ، .... الخ )

الاردن : (جامعة العلوم و التكنولوجيا الاردنية ، كلية الأميرة سمية الجامعية للتكنولوجيا ، .... الخ )

و في بالدول الثانية بس انا تعبت من الكتابة ~o~

و عن التحويل لجامعة الكويت فادتنا لوليتنا بما انها طالبة بكلية الهندسة و البترول.

و بالنسبة للتحويل من جامعة الكويت الى هندسة الاسترالية ، اعرف محولين من كلية العلوم و الاسترالية ماعادلت لهم شي ، و اعرف محولين من كلية الهندسة بعد ماخلصوا ٣ سنين بجامعة الكويت بيدرسون بعد سنتين او ٣ بالكلية الاسترالية ، فــ عدد الوحدات المحولة مو مقياس لجودة الجامعة المحول منها او اليها

و الا اذا على مبدأ عدد الوحدات اللي يتم تحويلها بتصير الكلية الاسترالية احسن جامعة بالكويت لانها ماتعادل .

اما ان التحويل من التطبيقي الى الاسترالية تتم معادلة كل المواد ، فهذا غير صحيح ، الكلية ما تعادل ولا مادة.

مو كل الجامعات العالمية تعادل للاسترالية لان مو كل الجامعات العالمية تكنولوجية ، لكن هذا مايغير واقع ان في طلبة تخرجوا بدبلوم الهندسة و راحوا كملوا برا سنة او سنتين و ردوا مهندسين.


٤- دبلوم الهندسة من معهد يعني شهادة ضعيفة ! للعلم اقوى مؤسسة تعليمية اسمها "معهد مانشستر " [Link nur für registrierte Benutzer sichtbar] ، فـــ هل الاسم مقياس ؟


٥- المهندس التكنولوجي (خريج الكلية الاسترالية ) مايقدر يكمل ماجستير ... X

في جامعات بامريكا و بالعالم تسمح للمهندس التكنولوجي انه يكمل ماجستير ، و في جامعات ماتسمحله الا اذا دمج الهندسة العلمية مع تخصصه بدراسه سنة
وهذا يرجع للفرق بين الهندسة التكنولجية و الهندسة العلمية ، و للعلم المهندس العلمي مايقدر يحول الى مهندس تكنولوجي الا بعد دراسة سنتين ، و ايضا في جامعات ما تسمح بالمهندس العلمي انه يكمل ماستر عندهم الا بعد الدمج مع تكنولوجيا الهندسة.

سوييره
31-07-2011, 07:38 PM
الله عليج ياهروبي
عجيبه والله كلامج حده عجيب والحلو اللي فيج ان كل شي تحطينه في دليل عليه
ماتتكلمين ع الفاضي والله

هذا الحجي السنع وينج من زمان والله

اول ماشفت انج مشاركه قلت انج ماتشاركين الا بشي صح وواقعي ومنطق

بدايه حلوه ولله الحمد واشكرج جزيل الشكر كلامج لو تسمحيلي احطه بموضوع كامل مايكون جذي رد على موضوع


واذا تبون احد محول من جامعة الكويت عندكم (( طالب مخضرم ))


واخيرا كل عام وانتو بخير ومبارك عليكم الشهر وعساكم من العايدين والفايزين

Hussien M
31-07-2011, 10:17 PM
السلام عليكم ، شكرا لصاحب الموضوع و للمشاركين كفيتو و وفيتوا

بس في جم نقطة حبيت اوضحها بخصوص تخصص الهندسة بالاسترالية :

١- ان خريج الاسترالية ماياخذ كادر لانه مهندس تكنولوجي ، هالشي غير صحيح

الديوان مايفرق بين المهندس العلمي و بين المهندس التكنولوجي ، لان الاثنين مهندسين (بكالريوس) و لكن بمجالات مختلفة و مافي مجال للمقارنة بين صعوبة و اهمية كل واحد منهم ، لان كل واحد منهم له شغل خاص ودراسة تختلف ،بالاضافة الى ان مؤسسات الاعتماد الاكاديمي العالمية تساوي بين التخصصين و تمنح كل واحد منهم اعتماد خاص فيه مثل مؤسسة abet و اي طالب هندسة متخصص عارف الفرق بين التخصصين.

و بالديوان الاثنين بنفس المؤهل و نفس الدرجة الوظيفية
[Link nur für registrierte Benutzer sichtbar] (اطلع على الرموز 101977 , 972596 , 972604 , 971674 , 101960 .... )

اللي حاب يتأكد أكثر يراجع ديوان الخدمة المدنية.

و للي مايحب الاسترالية على فكرة مؤسسات الشرق الاوسط الامريكية فتحت تخصص الهندسة الصناعية كبداية للتخصصات الهندسية و لكنها حولت الى تخصصات الهندسة التكنولوجية و فتحوا تكنلوجيا الهندسة الكهربائية (حاليا دبلوم) ، لان الهندسة التكنولوجية نادرة و مطلوبة اكثر ، خريجين جامعة الكويت صاروا يتخرجون مهندسين و مو محصلين وظايف!! و القطاع الخاص يفضل المهندس التكنولوجي عشان عنده خلفية مهنية و خبرة عملية اكثر و فترة تدريبه قصيرة.

اما على المستوى العالمي تقدرون تشوفون اقوى الجامعات تخصصاتها الهندسية شنو نوعها >> [Link nur für registrierte Benutzer sichtbar]

[Link nur für registrierte Benutzer sichtbar]


٢- ان الحاصل على دبلوم الهندسة من الكلية الاسترالية لا تتم معادلة كل مواده بجامعات خاصة أخرى بسبب ان دبلومه اقل قيمة ، هالكلام غير صحيح

المشكلة ان لا يوجد جامعة خاصة داخل الكويت توفر اي من التخصصات الهندسية المتوفرة بالكلية الاسترالية ، و ليس السبب ان حامل الشهادة اقل علماً

مثلا انا عندي دبلوم هندسة الكترونية بروح تخصص محاسبة شلون يعادلون كل موادي اذا اهيا مو موجودة اصلا بتخصص المحاسبة ؟؟؟

الا اذا في احد يعرف جامعة خاصة فيها تخصص هندسة تكنولوجية ميكانيكية او مدنية او الكترونية او طيران او بترول و ماتعادل للاسترالية يقولي .

٣- دبلوم الهندسة بالاسترالية لا تتم معادلة بالدول العربية ! و هذا خطأ

في جامعات تعادل على سبيل المثال و ليس الحصر : مصر : (الجامعة البريطانية ، الجامعة الحديثة للعلوم و التكنولوجيا ، جامعة مصر للعلوم و التكنولوجيا ، جامعة المستقبل ، جامعة اكتوبر للعلوم و التكنولوجيا ، الجامعة المصرية الروسية ، .... الخ )

الاردن : (جامعة العلوم و التكنولوجيا الاردنية ، كلية الأميرة سمية الجامعية للتكنولوجيا ، .... الخ )

و في بالدول الثانية بس انا تعبت من الكتابة ~o~

و عن التحويل لجامعة الكويت فادتنا لوليتنا بما انها طالبة بكلية الهندسة و البترول.

و بالنسبة للتحويل من جامعة الكويت الى هندسة الاسترالية ، اعرف محولين من كلية العلوم و الاسترالية ماعادلت لهم شي ، و اعرف محولين من كلية الهندسة بعد ماخلصوا ٣ سنين بجامعة الكويت بيدرسون بعد سنتين او ٣ بالكلية الاسترالية ، فــ عدد الوحدات المحولة مو مقياس لجودة الجامعة المحول منها او اليها

و الا اذا على مبدأ عدد الوحدات اللي يتم تحويلها بتصير الكلية الاسترالية احسن جامعة بالكويت لانها ماتعادل .

اما ان التحويل من التطبيقي الى الاسترالية تتم معادلة كل المواد ، فهذا غير صحيح ، الكلية ما تعادل ولا مادة.

مو كل الجامعات العالمية تعادل للاسترالية لان مو كل الجامعات العالمية تكنولوجية ، لكن هذا مايغير واقع ان في طلبة تخرجوا بدبلوم الهندسة و راحوا كملوا برا سنة او سنتين و ردوا مهندسين.


٤- دبلوم الهندسة من معهد يعني شهادة ضعيفة ! للعلم اقوى مؤسسة تعليمية اسمها "معهد مانشستر " [Link nur für registrierte Benutzer sichtbar] ، فـــ هل الاسم مقياس ؟


٥- المهندس التكنولوجي (خريج الكلية الاسترالية ) مايقدر يكمل ماجستير ... X

في جامعات بامريكا و بالعالم تسمح للمهندس التكنولوجي انه يكمل ماجستير ، و في جامعات ماتسمحله الا اذا دمج الهندسة العلمية مع تخصصه بدراسه سنة
وهذا يرجع للفرق بين الهندسة التكنولجية و الهندسة العلمية ، و للعلم المهندس العلمي مايقدر يحول الى مهندس تكنولوجي الا بعد دراسة سنتين ، و ايضا في جامعات ما تسمح بالمهندس العلمي انه يكمل ماستر عندهم الا بعد الدمج مع تكنولوجيا الهندسة.


تعقيب علا كلامج اختي
تكنلوجيا الهندسه الكهريائيه موجودة بكلوريوس بالشرق الاوسط

سوييره
31-07-2011, 11:19 PM
اهيه موجوده بكلية الشرق الاوسط مو الجامعه يعني دبلوم مو بكالريوس

عزوز الفرس
01-08-2011, 10:43 AM
لا امبله في بالجامعه بكلريوس وبالكليه دبلوم

PRUE
01-08-2011, 11:53 AM
تعقيب علا كلامج اختي
تكنلوجيا الهندسه الكهريائيه موجودة بكلوريوس بالشرق الاوسط

مشكور على اهتمامك اولا :) ويشرفني تعقيبك، عشان جذي كتبها انها حاليا دبلوم

الله عليج ياهروبي
عجيبه والله كلامج حده عجيب والحلو اللي فيج ان كل شي تحطينه في دليل عليه
ماتتكلمين ع الفاضي والله

هذا الحجي السنع وينج من زمان والله

اول ماشفت انج مشاركه قلت انج ماتشاركين الا بشي صح وواقعي ومنطق

بدايه حلوه ولله الحمد واشكرج جزيل الشكر كلامج لو تسمحيلي احطه بموضوع كامل مايكون جذي رد على موضوع


واذا تبون احد محول من جامعة الكويت عندكم (( طالب مخضرم ))


واخيرا كل عام وانتو بخير ومبارك عليكم الشهر وعساكم من العايدين والفايزين

شكرا سارون هذا من ذوقج و الحلو وجودج :cool: ، دام ان الكلام يتعلق بمستقبل طلبة لازم استعين بأدلة

اسمحلج تسوين اللي تبينه


لا امبله في بالجامعه بكلريوس وبالكليه دبلوم
شكرا على مشاركتك :)

ACK
01-08-2011, 01:18 PM
انا بعد مشاركتج حسيت ان الجامعه يدفعون لج عشان تكتبين
لو كنتي مدافعه بشي واقعي جان ما قلنا شي بس بعض كلامج يفتقد للمصداقيه :)



المشكلة ان لا يوجد جامعة خاصة داخل الكويت توفر اي من التخصصات الهندسية المتوفرة بالكلية الاسترالية ، و ليس السبب ان حامل الشهادة اقل علماً
مثلا انا عندي دبلوم هندسة الكترونية بروح تخصص محاسبة شلون يعادلون كل موادي اذا اهيا مو موجودة اصلا بتخصص المحاسبة ؟؟؟
الا اذا في احد يعرف جامعة خاصة فيها تخصص هندسة تكنولوجية ميكانيكية او مدنية او الكترونية او طيران او بترول و ماتعادل للاسترالية يقولي .

لا في جامعات توفر تخصصات هندسه غير الاستراليه ..
و انتي حطيتي مثال و انا بحط مثال : انا خلصت دبلوم ادارة اعمال بالاستراليه و بدش الامريكيه يعادلون لي كورس من السنتين اللي درستهم بالرغم من انه نفس التخصص .. محد قال ان ما يعادلون تخصصات الهندسه و الكلام عن تخصص الاداره .. الامريكيه قبل كانت تعادل سنتين كاملين بعدها صار سنه بعدها صارو يعادلون كورس واحد بس لأنهم اكتشفو ان الطالب اللي اييهم من الاستراليه يكون ضعيف جدا و ما يقدر يجاري طلبة الامريكيه


في جامعات تعادل على سبيل المثال و ليس الحصر : مصر : (الجامعة البريطانية ، الجامعة الحديثة للعلوم و التكنولوجيا ، جامعة مصر للعلوم و التكنولوجيا ، جامعة المستقبل ، جامعة اكتوبر للعلوم و التكنولوجيا ، الجامعة المصرية الروسية ، .... الخ )

الاردن : (جامعة العلوم و التكنولوجيا الاردنية ، كلية الأميرة سمية الجامعية للتكنولوجيا ، .... الخ )

و في بالدول الثانية بس انا تعبت من الكتابة



عفوا بس منو قال ان هالجامعات تعادل حق طلبة الكليه الاستراليه ؟؟
الجامعة البريطانيه اللي تقصدينها اسمها msa و ما تعادل و جامعة اكتوبر هم ما تعادل
شكلج تكتبين اسامي و بس ... يا ريت لو كنتي متأكده من مشاركتج قبل لا تحطينها
و انا اتتحداج جدام الاعضاء ان هالجامعات ما يعادلون لطلبة الكليه الاستراليه و اتحداج تثبتين العكس :)
و ياريت بعد ما تريحين تكتبين اسامي باجي الجامعات اللي تعبتي و انتي تكتبين اساميهم بس مع دليل x:D

و حق اللي يقرا مشاركتي .. اكو مكاتب وايد حق الطلبه اللي يبون يدرسون بره الكويت بس في قله قليله منهم عندهم اعتماد من التعليم العالي .. في واحد ببرج رياض صوب دسمان معروف و في مكتب ثاني صوب العاب شرق عند مكتب مياه الروضتين و المحلين اثنينهم عندهم اعتماد من التعليم العالي روحولهم و قولو لهم انكم متخرجين من الكليه الاستراليه و تبون تكملون بالجامعات اللي ذكرتهم الأخت و ردو قولو لنا شصار معاكم ... و اذا ما تبون مكاتب راسلو الجامعات بنفسكم و تأكدو بنفسكم لأن مو كل شي ينكتب يتصدق :rolleyes:



و الا اذا على مبدأ عدد الوحدات اللي يتم تحويلها بتصير الكلية الاسترالية احسن جامعة بالكويت لانها ماتعادل

اما ان التحويل من التطبيقي الى الاسترالية تتم معادلة كل المواد ، فهذا غير صحيح ، الكلية ما تعادل ولا مادة.

كلامج غير صحيح الكليه الاستراليه تعادل مواد و يعادلون بعض مواد التطبيقي بشرط ان الدرجة تكون a و انا بنفسي سائلهم


ياريت لو كنتي دقيقه اكثر بمشاركتج و قواج الله (F)
و مبارك عليج الشهر







واخيرا كل عام وانتو بخير ومبارك عليكم الشهر وعساكم من العايدين والفايزين


و انتي بخير و علينا و عليج يتبارك انشالله

و مبارك عليكم الشهر

PRUE
01-08-2011, 03:39 PM
السلام عليكم ، ack رغم ان بداية النقاش ماكانت حلوة بحقي الا اني بحترم انك قريت ردي و اوضحلك اكثر


انا بعد مشاركتج حسيت ان الجامعه يدفعون لج عشان تكتبين
لو كنتي مدافعه بشي واقعي جان ما قلنا شي بس بعض كلامج يفتقد للمصداقيه :)



سؤال : بما انك تهمك المصداقية ليش كتبت هالموضوع بدون ادلة ؟
لأن بعض كلامي يفتقد للمصداقية بنظرك ، صرت مستفيدة مادياً؟ انزين البعض الآخر شنو موقفه من الاعراب ؟
الغريب لو اني وافقتك الراي و كتبت معلومات غلط و بدون دليل واحد ماراح تشكك بمصداقيتي ، مثل اللي مشاركين قبلي




لا في جامعات توفر تخصصات هندسه غير الاستراليه ..


بطلب منك تقولي شنو الجامعات اللي الكويت اللي توفر اي من تخصصات الهندسة التكنولوجية اللي بالكلية الاسترالية ؟؟
عطني جامعة وحدة على الاقل فيها تخصص واحد .


و انتي حطيتي مثال و انا بحط مثال : انا خلصت دبلوم ادارة اعمال بالاستراليه و بدش الامريكيه يعادلون لي كورس من السنتين اللي درستهم بالرغم من انه نفس التخصص .. محد قال ان ما يعادلون تخصصات الهندسه و الكلام عن تخصص الاداره .. الامريكيه قبل كانت تعادل سنتين كاملين بعدها صار سنه بعدها صارو يعادلون كورس واحد بس لأنهم اكتشفو ان الطالب اللي اييهم من الاستراليه يكون ضعيف جدا و ما يقدر يجاري طلبة الامريكيه

بداية كلامي كانت : "في جم نقطة حبيت اوضحها بخصوص تخصص الهندسة بالاسترالية"

يعني انا ماتكلمت عن ادارة الاعمال ، ولو ان كلامك منطقي ان مستواكم ضعيف لأن اذا ماقدرتوا تجارون طلبة البكالريوس بالاسترالية نفسها اكيد ماراح تقدرون تجارون الطلبة بالامريكية ، بس شنو الدليل على كلامك بخصوص المعادلة ؟ ولا بس انا المطلوب مني احط ادلة و اذا حطيت دليل صرت آخذ فلوس ؟؟


عفوا بس منو قال ان هالجامعات تعادل حق طلبة الكليه الاستراليه ؟؟
الجامعة البريطانيه اللي تقصدينها اسمها msa و ما تعادل و جامعة اكتوبر هم ما تعادل
شكلج تكتبين اسامي و بس ... يا ريت لو كنتي متأكده من مشاركتج قبل لا تحطينها
و انا اتتحداج جدام الاعضاء ان هالجامعات ما يعادلون لطلبة الكليه الاستراليه و اتحداج تثبتين العكس :)
و ياريت بعد ما تريحين تكتبين اسامي باجي الجامعات اللي تعبتي و انتي تكتبين اساميهم بس مع دليل x:d



مع ان هالفقرة اسلوب استهانة و تطنز ، لكن انا اقبل التحدي اذا قدرت تطلعلي جامعة خاصة وحدة بالكويت فيها تخصص هندسة تكنولوجية ، مع الدليل

وللعلم الجامعة اللي اقصدها اسمها bue ، اذا كنت ماتدري عن اي جامعة اتحجى على اي اساس تشكك بصحة كلامي ؟


و حق اللي يقرا مشاركتي .. اكو مكاتب وايد حق الطلبه اللي يبون يدرسون بره الكويت بس في قله قليله منهم عندهم اعتماد من التعليم العالي .. في واحد ببرج رياض صوب دسمان معروف و في مكتب ثاني صوب العاب شرق عند مكتب مياه الروضتين و المحلين اثنينهم عندهم اعتماد من التعليم العالي روحولهم و قولو لهم انكم متخرجين من الكليه الاستراليه و تبون تكملون بالجامعات اللي ذكرتهم الأخت و ردو قولو لنا شصار معاكم ... و اذا ما تبون مكاتب راسلو الجامعات بنفسكم و تأكدو بنفسكم لأن مو كل شي ينكتب يتصدق [/ :rolleyes:

ونفس النصيحة اوجهها للكل ،


كلامج غير صحيح الكليه الاستراليه تعادل مواد و يعادلون بعض مواد التطبيقي بشرط ان الدرجة تكون a و انا بنفسي سائلهم

انت طالب ادارة الاعمال و اكيد تعرف مني بخصوص معادلة مواد الادارة ، لكن انا طالبة هندسة و كنت اتكلم عن معادلة مواد الهندسة و ارد اقول ما يعادلون

ACK
01-08-2011, 07:04 PM
سؤال : بما انك تهمك المصداقية ليش كتبت هالموضوع بدون ادلة ؟

بكل بساطه لأن اللي قلته انا كله صح و ما يحتاج ادله و اللي قلتيه انتي كلام مادري من وين يايبته :)


بطلب منك تقولي شنو الجامعات اللي الكويت اللي توفر اي من تخصصات الهندسة التكنولوجية اللي بالكلية الاسترالية ؟؟
عطني جامعة وحدة على الاقل فيها تخصص واحد

جامعة الشرق الاوسط الامريكيه
-هندسه صناعية
-هندسه كمبيوتر
-تكنولوجيا هندسة الكهرباء


بس شنو الدليل على كلامك بخصوص المعادلة ؟ ولا بس انا المطلوب مني احط ادلة

بالله بهذي شلون تبيني اييب لج دليل .. اييب لج ورقة من الكليه تثبت كلامي مثلا؟
انتي و اي شخص غيرج يقدر يروح الكليه و يسألهم و ان طلع كلامي غلط لج مني ما ادش هالمنتدى مره ثانيه
و انا اذا غلطت اعترف بس انتي بتكابرين .. قطيتي الجمله من غير دليل بس ما تبين تعترفين انج كنتي غلطانه
عموما مثل ما قلت اي شخص يقدر يروح الكليه و بسألهم و انا بنفسي سائلهم محد قال لي :)



وللعلم الجامعة اللي اقصدها اسمها bue ، اذا كنت ماتدري عن اي جامعة اتحجى على اي اساس تشكك بصحة كلامي ؟

ثنتينهم جتمعات بريطانية بمصر و سواء هذي ولا ذيج انا ما زلت عند رايي ان اللي قلتيه كله غلط و اعتقد تأليف من عندج :)
خليتي كل هالجامعات و رحتي على هالجامعه و مو هالجامعه
انا اتكلم عن كل الجامعات اللي قلتي عنهم و اتحداج تثبتين انهم يعادلون لطلبة الكليه الاستراليه
انا طالب ادرة اعمال و بتخرج الكورس الياي و اذا هالجامعات كلهم يقبلوني لج مني اللي تبين x:D
و انا عن نفسي رحت و سألت و انتي قلتي الكلام بارده مبرده و دامج قبلتي التحدي عطيني دليلج ان الجامعات هذي تعادل لطلبة الكليه الاستراليه والله اتحداج تثبتين هالشي و بدل لا توجهين لي النصيحة تذكري ان


حبل الجذب قصير -.-<.<

Fahad-ACK
01-08-2011, 08:16 PM
ان شاء الله جامعتنا يعادلون لها كل الجامعات وفيها تخصصات مو موجوده حتى بالقمر

شنو تفسير المشاكل الي صارت بجامعتنا وما انحلت لحد الحين؟ -.-<.<

ووين وعود الاداره الي صارلها سنين؟ -.-<.< ومجمع المطاعم؟ x:D

شكله راح يصك على شارع المطاعم لووووووووول opO

< يبقى متفرج .. ويتجنب كل نقاش عقيم !!

MS^S.F.A
02-08-2011, 12:36 AM
وووويه الله يعينكم بصراحه ..نو وي افكر ادرس فيها!شكرا للأفاده

My Revenge
02-08-2011, 07:34 AM
صحيح شهادة الدبلوم من أضعف الشهادات وهي من معهد تدريبي ومدتها أقل في استراليا (ما يقارب السنه) ولكن تم العمل على جعل مدة (الدوره) سنتين حتى يتم اعتمادها من قبل التعليم العالي

والمصيبه تكمن في الإداره وتصرفاتها الغير مسؤوله الصادره عن بعض الموظفين الذين هم أشبه بالعبيد حيث جعلوا من الباطل حقا ومن الحق باطلا وكل ذلك لإرضاء (المعزب) !!

والسبب الثاني هو ضعف الطاقم التدريسي الذي لا يمتلك أي خلفيه في التربيه ولا يجيد التدريس ويفتقر الى سعة البال في الشرح ولكن ماذا عسانا أن نتوقع من موظفين في شركات وأصبحوا مدرسين في ليله وضحاها !

أكرر

الخلل اداري

ma7ah
02-08-2011, 10:49 AM
أظن انه كلام هروبي كان واضح و فيه ادله
يعني لا تقعدون تألفون على كيفكم ..
اهم شي انه في بعض الاعضاء يجذبون الجذبه و يصدقونها و عايشين الدور
انا اقولكم روحوا جابلوا دراستكم احسن ..
تعليقي على سارونه بخصوص الطالبين اللي في الهندسه اللي ما يعرفون اسامي موادهم لوووووووول
ترى حتى عندنا في الادارة و التسويق اغلبهم لما احد يوقف يبي يجاوب على اي شي يقعد يتأتأ في الحجي و يعرق
و فوق هذا كله يبون ينجحون .
انا مره شفت واحد لابس بلوسوت النفط سألته انت موظف في النفط قالي ايه و.. و طبعا يدرس هندسه في الكليه . كنت اسولف معاه بالانجليزي و كان كل شوي يسألني شنو .. عفوا ما فهمت لوووووووول

و في الختام اقولكم مبارك عليكم الشهر و الله يوفق الجميع :)

PRUE
02-08-2011, 02:17 PM
[Link nur für registrierte Benutzer sichtbar]

[Link nur für registrierte Benutzer sichtbar]

[Link nur für registrierte Benutzer sichtbar]

[Link nur für registrierte Benutzer sichtbar]

[Link nur für registrierte Benutzer sichtbar]

[Link nur für registrierte Benutzer sichtbar]

ختام هالنقاش ، انا تكلمت بنقطة معينة و واضحة احتراما لعنوان الموضوع ، عن شهادة الهندسة ، ان خريج دبلوم هندسة الاسترالية يقدر يكمل دراسته برا الكويت سواء بالوطن العربي او اوروبا او امريكا ، و ان خريج بكالريوس الهندسة مسماه مهندس تكنولوجي و ياخذ الكادر و يعامل كمهندس من قبل ديوان الخدمة المدنية ، و التفاصيل و الادلة موجودة بردي السابق.

و شكرا لكل من ناقشني و يشرفني قراءته لردي (F) ، و احتراما للموضوع اعتذر عن التطرق الى مواضيع ثانية او الرد على اتهامات شخصية.

ACK
02-08-2011, 05:34 PM
شكرا على مشاركتج اختي و صوتج وصل (F)



و الاخوان اللي يدشون الموضوع اكرر لكم ان ماكو ولا جامعه من الجامعات ((اللي يعترف فيها التعليم العالي الكويتي)) بمصر و الاردن و البحرين و الامارات تعترف بشهادة الكليه الاستراليه

لا تعورون راسكم و لا تسمعون لا مني ولا من غيري انتو بنفسكم راسلو اي جامعة بالدول السابق ذكرها و تأكدو :rolleyes:




يعني لا تقعدون تألفون على كيفكم ..
اهم شي انه في بعض الاعضاء يجذبون الجذبه و يصدقونها و عايشين الدور


اي والله صاجة :rolleyes:

الا تعالي شخبار مجمع المطاعم اللي قبل 6 اشهر قلتي راح يسوونه على شكل حرف الـ U opO

و شخبار مبنى بو 4 طوابق و المبنى اليديد اللي قلتي عنهم للأعضاء هني x:D

على قولتج يجذبون الجذبة و يصدقونها و عايشين الدور لول :cool:

~o~

SickOfACK
02-08-2011, 11:27 PM
أتمنى يكون في احترام شنو تأليف ؟

وياريت تجاوبين على سؤال ack ومنو المؤلف طلع؟ :)

وكلامك صح اخوي والله يلعنها من شهاده مالها قيمه

اول مره اشوف جامعه ما بقى احد ماذمها

بدل ما اقط من جيبي انا بسحب اوراقي باقرب وقت وراح ادرس بره وايد احسن لي

My Revenge
03-08-2011, 07:44 AM
أؤيد ما قلته أخي ACK بما يخص الدبلوم فقط لجميع التخصصات

المعروف ان شهادة بكالوريوس الهندسه لا تعادلها الجامعات في لندن وأمريكا ! وهذا ماحصل مع صديق لي

أرجو من طلبة الهندسه المطلعين (كما أرى) ذكر الترتيب العالمي وليس المحلي لجامعة cape breton لو تفضلتم

شكرا

ma7ah
03-08-2011, 09:55 AM
ما راح ارد على اسلوب الاستهزاء مالك .. بس شكلك مطول في الكليه عندنا و بتاخذ دكتوراه

ان شاء الله قبل ما تتخرج راح تشوف اللي قلتلك عنه من جم شهر ... ان على بالك اي احد يبي يبني مبنى في يوم و ليله صح ...؟؟؟؟؟
ماكو شي اسمه اجراءات قانونيه لبناء اي مبنى و الكل يدري تاخذ وقت ...
بس للعلم قريبا جدا ً راح تشوف اللي قلت عنه

ACK
03-08-2011, 11:26 AM
أتمنى يكون في احترام شنو تأليف ؟

وياريت تجاوبين على سؤال ack ومنو المؤلف طلع؟ :)

وكلامك صح اخوي والله يلعنها من شهاده مالها قيمه

اول مره اشوف جامعه ما بقى احد ماذمها

بدل ما اقط من جيبي انا بسحب اوراقي باقرب وقت وراح ادرس بره وايد احسن لي


لا ما راح ترد ما تقدر و في ناس بأكثر من موضوع يناقشونك و بنص النقاش لي توهقو قالو ما راح ارد و تطلع الاعذار :)

والله احسن لك و موفق انشالله


ما راح ارد على اسلوب الاستهزاء مالك .. بس شكلك مطول في الكليه عندنا و بتاخذ دكتوراه

ان شاء الله قبل ما تتخرج راح تشوف اللي قلتلك عنه من جم شهر ... ان على بالك اي احد يبي يبني مبنى في يوم و ليله صح ...؟؟؟؟؟
ماكو شي اسمه اجراءات قانونيه لبناء اي مبنى و الكل يدري تاخذ وقت ...
بس للعلم قريبا جدا ً راح تشوف اللي قلت عنه

تقول ما راح ارد على اسلوب الاستهزاء مالك تالي تقول لي شكلك مطول و بتاخذ الدكتوراه عندنا (تناقض)

و عموما اذا الكليه تبي تبني مبنى داخل اسوارها صدقوني الأجراءات القانونيه (المزعومه) مستحيل تاخذ 6 اشهر قويه بصراحه :)

و صوتج وصل :) (f)

أؤيد ما قلته أخي ack بما يخص الدبلوم فقط لجميع التخصصات

المعروف ان شهادة بكالوريوس الهندسه لا تعادلها الجامعات في لندن وأمريكا ! وهذا ماحصل مع صديق لي

أرجو من طلبة الهندسه المطلعين (كما أرى) ذكر الترتيب العالمي وليس المحلي لجامعة cape breton لو تفضلتم

شكرا



شكرا على تأييدك و انا نفس الشي حصل مع وايد ناس اعرفهم

صاحبي (عنده دبلوم بزنز ack) راسل اكثر من جامعه بالبحرين قالو له ما نعادل لك ولا شي و ولد خالتي (عنده دبلوم معهد التجاري) راسل 3 جامعات بالبحرين و كلهم يعادلون له و اختار الجامعه اللي تعادل له اكثر و كاهو الحين يدرس فيها

ACK
04-08-2011, 05:33 PM
هل تعلم

هل تعلم ان طلبة البكالوريوس اللي تخرجو بشهر 3 اللي طاف لي الحين ما استلمو شهاداتهم

هل تعلم ان طلبة البكالوريوس لي الحين ما استلمو درجات الكورس اللي انتهى من شهر 6


هل تعلم اني يوعان و ناطر الفطور :)

Zumorida
04-08-2011, 11:04 PM
من صجججججججكم انزين شلون اذا بيقدمون على وظايف وعلى مايتوظفون :(

ACK
05-08-2011, 09:04 PM
ينطرون لمن الادارة تعطيهم شهاداتهم :×

و درجات الكورس اللي طاف مالت شهر 6 توها تطلع

الناس بتخلص صيفي و باجي الجامعات خلصو الصيفي و كليتنا توهم ينزلون درجات الكورس اللي طاف :×

My Revenge
05-08-2011, 09:41 PM
منهم من ينتظر وصول الشهاده من الجنه والعياذ بالله

وآخرون كثيرون وصل بهم اليأس أنهم توظفوا على شهادة الدبلوم

يعيش الطلبه وضع غريب ومع ذلك ترى من يجعل من نفسه محامي للجامعه ويدافع عنها بكل وقاحه

ACK
05-08-2011, 11:26 PM
ومع ذلك ترى من يجعل من نفسه محامي للجامعه ويدافع عنها بكل وقاحه


بكل وقاحه ... صح لسانك اخوي

Zumorida
06-08-2011, 02:52 AM
اهئ اهئ اهئ ببجي شهالحظ الخايس اللي خلاني ادش هالكليه لو مسجله بجامعه الكويت تربيه وايد احسن لي:(

unreal-future
06-08-2011, 03:36 AM
اهئ اهئ اهئ ببجي شهالحظ الخايس اللي خلاني ادش هالكليه لو مسجله بجامعه الكويت تربيه وايد احسن لي:(



wallah lw dasha KUni wayd a7san lch mn el-ACk

Zumorida
06-08-2011, 04:28 AM
wallah lw dasha kuni wayd a7san lch mn el-ack

الله كريم الله يفرج لنا كربتنا:(

ACK
06-08-2011, 05:58 AM
اي والله لو داشه جامعة الكويت احسن لج

Zumorida
06-08-2011, 03:19 PM
اي والله لو داشه جامعة الكويت احسن لج

غلطه وسويتها وان شاءالله ما تتكرر مع غيري:( الله كريم

ACK
06-08-2011, 03:34 PM
غلطه وسويتها وان شاءالله ما تتكرر مع غيري:( الله كريم

امين انشالله

persona
24-08-2011, 09:04 PM
ياجماعة لا تتهمون الناس انها تدافع وهي بس تحب تشرح وجهة نظرها الخاصة ، ماارضى احد يقولكم فشلة وبنفس الوقت ماارضى احد منكم يتهم احد ويقول عنه محابي للإدارة وللكلية!!!
واصلاً لو شخص محابيها جان ماشفتوه يرد ويجايلكم ، شله بعوار الراس .

ماكو ولا جامعه من الجامعات ((اللي يعترف فيها التعليم العالي الكويتي)) بمصر و الاردن و البحرين و الامارات تعترف بشهادة الكليه الاستراليه



الشيء نفسه مع الجامعات الخاصة بينها بين بعض ، الخلل من مجلس الجامعات الخاصة.

المهم ياجماعة نسيتوا اهم شي بالنقاش انه ..الكلية لازم عليها تحافظ على أعترافها بمجلس الجامعات الخاصة ، وعليه بعد التخرج تتوظفون بأي قطاع حكومي\خاص.

بنت جابر
30-09-2011, 06:21 PM
الحممممممدلله اني ما سجلت فيها

ACK
01-10-2011, 01:08 AM
الحممممممدلله اني ما سجلت فيها

الحين الوضع فيه تفاؤل شوي و انشالله الأمور راح تتحسن عقب ما غيرو الجامعه الام في استراليا

بس سالفة معادلة شهادة الكليه بالجامعات اللي بره مثل ما اهي ما تغيرت

حسين جواد
07-10-2011, 02:46 AM
الحين انا ابي اعرف الي عندة دبلوم تطبيقي اعادلولا ولا لا

ACK
07-10-2011, 01:16 PM
الحين انا ابي اعرف الي عندة دبلوم تطبيقي اعادلولا ولا لا

بالكثير يعادلون لك اقل من كورس

و احتمال ما يعادلون لك ولا شي على حسب التخصص

NaMoLa
13-10-2011, 04:38 AM
حطمتو طموحاتي ,,, زييييين جذي يعني ....! :_( :@

ACK
13-10-2011, 07:17 AM
بييييي شخباااري نمولة p:

الحين الجامعة غيروها و انشالله الامور بتكون للأحسن

NaMoLa
17-10-2011, 07:35 AM
انشالله اتمنى و الله
يوم الاربعه حفلة التخرج .. انا مع المتفوقين ..!
ادعولي بالتوفيق ..!

ACK
17-10-2011, 02:37 PM
مبروك و بالتوفيق

احنا الكورس الياي انشالله

NaMoLa
20-10-2011, 03:26 AM
الله يبارك فيك ...
الحفله كانت روعه وايد مرتبه و حلوه ...!
الفال لكم انشالله ,, الله يوفقك ...!

ACK
20-10-2011, 03:46 AM
عليكم بالعافيه
و اجمعين انشالله

ENG.ANWAR
20-10-2011, 08:07 PM
السلام عليكم ورحمة الله وبركاته

أنا إخترعت من كلامكم وفكرت ماأدش الكليه

أنا لين ألحيني مافهمت إذا حلصت الدبلوم ويبت 3 نقاط ماأقدر أكمل باكالريوس !!!

وشلون يعني الوضع تحسن وفي تفائل يعني تنصحوني فيها !!!

ACK
20-10-2011, 08:51 PM
انا حاليا انصح فيها و قبل فتره ما كنت انصح

لأن الحين تغيرت مناهج البكالوريوس اللي كان الكل يسقط فيه

و الامور باديه تتحسن تدريجيا

مع ان الطلبة للحين ما جربو النظام اليديد مال البكالوريوس بس مبين ان الوضع صار احسن من قبل بوايد

ENG.ANWAR
20-10-2011, 09:34 PM
بس أنا وضعي مختلف أنا لازم أييب شهادة البكلريوس عشان ماأدفع حق الدوله إلي دفعتلي إياه

لأني منسحبه من بعثه خارجيه

فسؤالي هل أقدر ايب البكلريوس ولا لأ إذا قدرت أييب ثلاث نقاط يعني السالفه تعجيزيه إنا الواحد ياخذ البكلريوس

وإذا يبت أربع نقاط أكمل بالكويت ولا لازم برا

هذي مشكلتي أحس إني ضايعه وماأدري شسوي

يعني aum قالو يمكن مايفتحون والإستراليه عليها مشاكل والأمريكيه السنه إلي طافت مافتحو فشنو الحل :( :'(

وآسفه على الإزعاج

PRUE
20-10-2011, 11:13 PM
بس أنا وضعي مختلف أنا لازم أييب شهادة البكلريوس عشان ماأدفع حق الدوله إلي دفعتلي إياه

لأني منسحبه من بعثه خارجيه

فسؤالي هل أقدر ايب البكلريوس ولا لأ إذا قدرت أييب ثلاث نقاط يعني السالفه تعجيزيه إنا الواحد ياخذ البكلريوس

وإذا يبت أربع نقاط أكمل بالكويت ولا لازم برا

هذي مشكلتي أحس إني ضايعه وماأدري شسوي

يعني aum قالو يمكن مايفتحون والإستراليه عليها مشاكل والأمريكيه السنه إلي طافت مافتحو فشنو الحل :( :'(

وآسفه على الإزعاج

انتي تبين بترول ، تخصص اصلا ماكان في مشاكل ، لا بالدبلوم و لا بالكالريوس و على فكرة دبلوم البترول اسهل تخصص هندسي عندنا ، و البكالريوس بعد ماعندهم مشاكل ، و رغم جذي كل شي قاعد يتطور للاحسن

و بعدين خريج الدبلوم او البكالريوس ينطرونه شركات البترول يتخرج عشان يتوظف عندهم، و و ظيفته تنعرض عليه و اهوا يدرس آخر كورس.

و الاولوية بالتوظيف للي متخرج من داخل الكويت ، لانهم برا ياخذون مواد مالها فايدة ببيئة العمل الكويتية و في مواد احنا ناخذها هني مهمة و برا ماياخذونها ، ليش تتغربين ؟

مطلوب منج اتيبين ٣ نقاط عشان تكملين بكالريوس عندنا بعثة، و سهلة مو صعبة.

و بالنهاية انا بقولج نصيحة ، كل الجامعات الخاصة نفس الشي ، فدشي التخصص اللي تبينه لان وايد طلبة تخلوا عن تخصصاتهم عشان يدشون جامعة معينة ، و بعدين توهقوا ، ماقدروا يحولون و لا حبوا تخصصاتهم .

Allah Kareem
08-09-2012, 06:55 PM
السلام عليكم
الصراحه موضوعك يخرع وصرقعني. انا الحمدلله تخرجت دبلوم وان شاءالله اكمل بكلريوس عندهم وحديييييييييي خاااااايفه شسالفت الاوادم كلمن يسقط ومايقدر يكمل فيها شسالفه!!!!
انا ماودي اكمل فيها بس ماعندي حل ثاني! رحت كل الجامعات الخاصه
الامريكيه: ماقامو يعادلون!
الشرق الاوسط: مايعادلون!
الجامعه المفتوحه: يعادلون كورس! جني مادرست شي!!
والخليج: ٣ سنين بس شبي فيها

ياربي انا ضايعه وطول الصيف احاتي ودوامي قرب وخايفه من موادي البكلريوس
-Economic Principles
-Business Statistics
-Critical thinking and problem solving
-introduction to marketing


HEEEEEEEELLLLLLLLLLLPPPPPPP:'(

عبير٣٠
15-09-2012, 04:18 PM
شلونكم
بليز جاوبوني انا عندي شهاده تكنولوجيا فيزيا وبدرس عندكم وادري من جديد راح ابدي الحين انا خفت اخاف ادفع هالمبالغ واتعب واخرتها بس دبلوم ماسويت شي في احد تخرج مهندس واشتغل تكفون طمنوني ماعندي خيار غير الاستراليه


وثاني شي انا موظفه وام لثلاث عيال شنو اسهل تخصص ممكن امشي فيه لظروفي وانا اساسا موظفه يعني بس ابي اعدل شهادتي الله يجزاه خير اللي يرد علي

Allah Kareem
15-09-2012, 09:28 PM
عبير،،

اذا بتدخلين بكلريوس لازم تييبين ٣ نقاط عشان منحه
و 2.67 تدخلين بحسابج اذا يبتي اقل من هالنسبه يخلونج تعيدين سنه عشان ترفعين معدلج وتدخلين بكلريوس

اهي مو صعبه عاديه بس انتي جابلي لاتخلين يعني اول ماترجعين راجعي عشان بوقت الامتحان ماتتعبين بالدراسه يكون عليج سهل
والله يوفق الجميع

عبير٣٠
17-09-2012, 11:09 PM
مشكور عالرد
بس بعرف في احد تخرج مهندس وخذا شهادته وشنو اسهل تخصص اقدر امشي فيه