المساعد الشخصي الرقمي

مشاهدة النسخة كاملة : موضوع للنقاش هل انت راضي عن تخصصك؟؟؟


مثقفة كيوت
10-03-2011, 04:39 PM
هل انت راضي عن تخصصك او هل انت راضيه عن تخصصج؟؟؟

موضوع بالايام الاخيرة يشغلني
في تخصصات تناسب ميولنا و اهتماماتنا وفي تخصصات مجبورين نأخذها "سواء من النسب النازله او الاكتفاء او يسكرون التخصص فترات"

انا عن نفسي موو راضيه مووو من سبه نسبتي بالعكس نسبتي تدخل اي مكان"ولله الحمد"
بس المشكله والكل حاصله معااه ان ما عندنا معلومات كاافيه عن الحياة الاكاديميه والدراسه بعد الثانويه ولا انعرف ولا عندنا خلفيه عن التخصصات

انا توني اكتشف هالشي ولو انه متأخر وتوني اعرف الدراسه وعرفت كل هالمعلومات اللي المفروض يعلمونا قبل ما نتخرج

او ع الاقل يخلونا كورس نسأل ونعرف وبعدها نقدم ع الكليات

المشكله اهي ان تتخرج بعد اسبوع او اسبوعين التسجيل للكليات
واحنا مشغولين بالدراسه والمذاكرة ولا عندنا وقت للسؤال او اخذ المعلومات

انا ابي ادخل علم نفس بس طاف علي حتى التحويل انا 53 وحده خلصت ولا في مجال احول رياض اطفال "لان تخصصهم كله علم نفس" اتمنى اللي عنده معلومه يساعدني اذا في امل لي او لا؟؟؟؟ابي رايكم وهل انتم راضين عن تخصصاتكم وكلياتكم وهل اهي مع ميولكم واهتماماتكم؟؟؟؟؟

ارجو التثبيت:)

PRUE
10-03-2011, 05:19 PM
في اسباب ثانية ممكن تجربنا على تخصص مثل ضغط الاهل

هذا غير ان تفكير اغلب الخريجين ينصب على شنو المركز و المسمى و جم المعاش مانفكر شنو طبيعة التخصص يناسب ميولنا او لأ ...

بالنسبة لي راضية عن تخصصي بنسبة ٧٠٪ ، احسن من تخصص ثاني كنت بدشه و انا مابيه كلش ، و الحل اللي جدامي اني اخلص من هالتخصص و ارد اعادل موادي و ادرس التخصص اللي حابته و كان طموحي ، ويصير عندي شهادتين

و مشكورة ع الطرح المميز :)

مثقفة كيوت
10-03-2011, 05:52 PM
ثانكس هروبي ع الرد والمرور الطيب

اتمنى لج التوفيق وتروحين للتخصص اللي تبينه

فعلا الاهل امي ما تبيني اتعب مع اليهال وما تبيني اروح رياض اطفال ولو انها موو مدرسه رياض اطفال بس تسمع من المدرسات اهني وهناك

بنت الرفاعي
10-03-2011, 06:09 PM
الحمدلله أنا راضيه عن تخصيصي 100% لان على ميولي . :)

مثقفة كيوت
10-03-2011, 06:40 PM
ثانكس حبيبتي ع المرور

وان شاء الله ربي يوفقج

محمد الخليفي
10-03-2011, 07:12 PM
شكرا اختي مثقفه على الموضوع المميز و من زماان ودي اكتب عن هالشي

انا رااضي عن تخصصي بنسبه 40% ما ادري احسن انه التطبيقي ماله مستقبل

و ربي يوفقكم اجمعين :)

king511
10-03-2011, 07:44 PM
السلام عليكم ورحمة الله وبركااته.


تخصصج زين..تربية الاسلاميه

ليش تغيرينه..؟؟

انا من وجهة نظري ومن نصيحتي لج لا تغيرينه مع انه صعب..


على العمووم بالنسبة لسؤالج..


انا غلطتي اني كنت كبداية راضي على اي تخصص بس يكفيني شهادة بكايروس..

لاني تفكيري وحياتي كله من جهة واحده فقط الا وهي العسكريه..

لان اي شخص بالدنيا ممكن له القدره معينه انه يدرس ..

وانا احس اني اكتفيت بشهادة ثانوي

ومع ذلك مجبور اكمل لان الدنيا تطورت والعلم نافع.

بس خلال دراستي بالتخصص اخطأت هناا بأن احط احتماال عدم قبولي بالمكاان الي ابيه..الله لا يقوول..

هنا مصيبه وكاارثه..

وحالياا بالتخصص الي انا فيه..


شبه رااضي ..


لاني مراات اقوول انه زين

ومراات اقوول انه مو زين..

بس اولااا واخيرااا الارزاق بيد الله..



شااكر لج على هالمووضوع

مثقفة كيوت
10-03-2011, 07:59 PM
اخوي محمد الخليفي

شاكرة لك ع المرور ومنو قالك ان التطبيقي ماله مستقبل مادامك كملت وما وقفت ع شهاده الثانويه انا اعتبره انجاز وبيدك اتكمل دراستك حتى لو تخرج وتكمل برا وبجذي ماراح يضيع المستقبل ولكل مجتهد نصيب


اخوي King511
ثانكس ع المرور الطيب \
العسكريه انا اقولك شغله اذا شهادتك تقبلك تدخل ضباط ممكن تدخل لكن وانا اقولها لك لان ابوي واعيال عمي وخوالي كلهم بالجيش والشرطه
لاتدخل اذا نسبتك تدخل عسكري عاادي
لان تعب حييل
والله الضباط مرتااحين وشغلتهم حلووه ولو ان فيها تعب بالبدايه
انا ابوي ولله الحمد ضابط والصراحه انا اشوف ان شغلته حييل حلووة بس عسكري لا ما انصحك فيه
والدراسه حلوووه وربي يوفقك ان شاء الله
.................................................. ....
انا ادري ان التخصص حلو وموو صعب علي بالعكس انا قربت اخلص موااد التخصص
بس موو مع ميولي احس لو اغير علم نفس هناك احس راح ابدع واقدر ادخل التخصص اللي كنت ادور عليه من زمان
ولو اني متأخرة حيييل بالقرار
وادري ان التحويل مستحيل لاني خلصت 53 وحده

Mr.BaDr
10-03-2011, 08:02 PM
إن شاء الله راضي ..

ولو إني مو راضي ..

جان ما كملت ..

و تشكرات ع الطرح .. !

مثقفة كيوت
10-03-2011, 08:10 PM
ثانكس كوكتيل"صمدي" ع المرور الطيب

وان شاء الله دووم راضي

وموفق بدراستك....

AL.WA7SH
13-03-2011, 01:17 AM
مااقول راضي

انا اقول راضي بما كتبه الله لي
بس مو راضي على مستواي اايقاف قيد 3 مرات ومع اعذار ومادري شنو المفرووض باجي لي كورس واتخرج بس شنسوي قضاء وقدر

مثقفة كيوت
13-03-2011, 08:13 AM
ثانكس اخوي الوحش ع المرور منوور
الشكوى لله والحمدلله ع كل حال

انا افكر اسحب اوراقي واسجل جامعه ما ابي اتحسف زيادة ولا اتوظف وظيفه ما ابيها

ريماس 3
26-03-2011, 06:22 PM
مشكووووووره اختي مثقفه علي هالموضوع اناراضيه عن تخصصي 90بالميه واهو رياااض اطفال بالرغم من الحجي اللي سمعته عنه انه كرررررراف وتعب بس انابصررررراحه مااصدق كل الحجي اللي ينقال مادامه كراف وتعب ليش مااستقالوا وتركواااا الوظيفه بس فيه ناس ماتحب الخير للغير وانامقتنعه بان كل تخصص فيه كررراف وتعب بس ميزه الرياض انج تردين مبجر تعطلين اول النااااس وماتحطين درجات وتقعدين تحاتين لايكون ظلمتي احداوماعطتيه حقه وامبييييييه وتكفي دعوات الامهات عليج لي نزلت درجات بناتهم وااااااي موصج وانااااااا افكر انشاءالله اخذالماجستير لي تخرجت واسفه حبيبتي علي الاطاله عليج:)

مثقفة كيوت
26-03-2011, 07:36 PM
هلا اختي ومنور الموضوع
شاكره لج ع المشاركه

انا كنت ابي رياض اطفال والحمدلله شخصيتي جدام اليهال اوكي واقدر اسيطر عليهم
بس حبيت اريح نفسي من كلام اهلي وليش وما ليش
والحمدلله انا مقتنعه بتخصصي وان شاء الله اكمل دراستي :)

BuTteRfLy
27-03-2011, 01:29 PM
بصراحه سؤالج بالنسبه لى صعب ومحيير
لانه طول عمرى اشوف نفسي دكتوره واخر شي تخصص تمويل
ويوم دشيت الجامعه تعلقت بالبزنس وكرهت الاحياء
بس ساعات ما اتاقلم مع وضع البزنس

فا اختيارى لتخصص من ناحيه صعوبته من بين التخصصات المرتبطه بالاقتصاد
والحمدالله على كل حال

مثقفة كيوت
27-03-2011, 02:11 PM
ثانكس butterfly
عالمرور منور خيتي :)

اهم شي موجود القبول في نفسج وانج مرتاحه فيه :)
ربي يوفقج ان شاء الله

Anonymous
04-04-2011, 11:43 AM
llمم
عن نفسي كان ميولي ادش طب مساعد مختبرات ، او صحافه و اعلام .. و اهما ميولين مختلفين تماماً
واحد علمي و الثاني ادبي .. و بعد التخرج من الثانويه كان بخاطري اكثر من تخصص و مو عارفه شنو اختار ..

لكن !

ضغط الوالده الله يحفظها و كلمتها للي ظلت تزن براسي بوقت التسجيل " اللي ما يطيع يضيع " خلتني ادش كليه ما كنت حاطتها بالبال و يوم حطيتها ببالي لقيت التخصص المناسب لي جداً جداً مع اني واجهت رفض بالعايله ككل يوم اخترته لكن كملت فيه (الرفض ما كان من من ابوي و امي، كانوا داعميني باللي ابيه عقب ما دشيت هالتخصص :$ ، كان من عمامي و خوالي و و و )

نوعي بشكل عام انطوائيه و ماحب اكون اجتماعيه زياده عن اللزوم ، لكن تخصصي اللي حسن هالشي عندي و للي اعتبره شي سلبي و
قلبني نقدر نقول 89% ..

تخصصي اضطرابات اللغه و التواصل ، و الحمدالله من احسن التخصصات و اندرها بالكويت و مستقبلها الوظيفي مضمون 100% ، غير هذا كافي انه تخصص انساني و كافي كافي فرحه الاهل لما يشوفون عيالهم تحسنوا

الحمدالله راضيه كل الرضى عن تخصصي ، رغم انه دراسته من اصعب المناهج بجامعه الكويت ، لأنه مزيج خلفيته طبيه اكثر من ما اهيا اجتماعيه و برنامجه يوازي برامج ماستر بامريكا .. لكن حيل استمتع بدراسته ، و حيل حابتها ، رغم التعب لكن اشوف نفسي مرتاحه فيه و ما اتخيل نفسي باي مكان ثاني او اي تخصص ثاني ..

< من زمان ما ناقشت او حطيت راي ، استمتعت و انا اروي هالحكايه عن تخصصي :$

مثقفة كيوت
04-04-2011, 04:40 PM
خيتي Anonymous

منوره وربي يوفقج ان شاء الله بدراستج

شاكره لج ع صراااحتج وحكايتج عن تخصصج :)

راقيه
05-04-2011, 10:06 PM
جبتهاااااا ع الجرح وكنكـــ مادريتــ....

اهااااااا من وين ابدآ ... سؤال محير ؟؟؟-.-<.<

اناعن نفسي اعيش صراع داخلي مع نفسي بسبه هالسالفه ...:mad:

بما اني تربيه خاصه اهو 50 بالميه راضيه على التربيه الخاصه 50 لانه ممتع مو راضيه على المساند (( الاسلاميه ))

لاني الصراحه ما اتخييل نفسي مدررررررررررسه ولا كان حلمي هالشي ولاopO

وتربيه اسلاميه صراحه للحين مو قادره اتآقلم :x ... ولا عندي حل اني احول ماكو تخصصات تجذبني ؟؟؟:(

لو يبطلون اجتماعيات ولا علم نفس انا اول وحده ...x:D

كنت اتمنى الخدمه الاجتماعيه لكن تآتي الرياح بما لا تشتهي السفن:&quot;( ... مالنا غير الصبـر

الله يسامحج مثقفه ع الموضوع بس معليش تمونين>>>:&quot;(

مثقفة كيوت
05-04-2011, 10:08 PM
ثانكس خيتي ع المرور وربي يوفقج ان شاء الله :)

تربيه خااصه تخصص نادر ومستقبله حلوووو اتمنى لج التوفيق

والتربيه الاسلاميه موااادها حلوووه والدكاترة حييييل متساهلين :)

Dayzheart
23-04-2011, 08:45 PM
انا تعبت لمن اخترت الكلية الي أبيها مع التخصص إلي أبيه ( ان شاء اتأكد الكورس الاول الياي ) علم البئة تخصص يناسبني من طبيعة موداه وتوافقها مع شخصيتي
الحمدالله كلية العلوم طايحة من عين الناس وهذا اصعب شي علي لأني أحبها وما أرضى عليها
والحمدالله نسبتي كانت وايد زينة و تدخلني أي كلية لكن بغيت تخصص مطلوب بالديرة و احبها و مكس بين ميداني و مكتبي
الحمدالله و الله يوفق الجميع

صمت الحزن
15-05-2011, 02:21 PM
انا كنت راضيه ٤٠٪ بس حاليا و من اللي اشوفه من الدكاتره اللي يبون يطفرونا و يعاملونا جنه ياهال لا ولا حتى ١٪ و جد قاعده افكر اسحب اوراقي و ادش جامعه خاصه ..،، الدكاتره لعبوا بنفسيتي و مو هذا التخصص اللي كنت ابيه كنت ابي ادارة اعمال و بزنس .،،و ان شاءلله اقدر ابدى من جديد .،،.

LuLu-19
17-05-2011, 09:35 PM
حمدالله انـــا 100% وهذا الي آمبييه من زمــــان
ومنهـــا صحــــه ودراسه في نــاااس يقــولوون لعــب وتعــب بس ليــاقه تختلف

تســلمين على المـــوضووع يعــطيج العـــافيه

والي مــو حـــاب تخــصصه تراا مــاتدروون يــمكن خيـــره لـــكم

حمودي
17-05-2011, 10:29 PM
انا الحمد الله راضي علي التخصص
باجر اكمل هندسة
وبتوفيق للجميع

shona
17-06-2011, 08:47 PM
ضغط الأهل دائماً و أبدا لان يخافون ان نضيع - و ما اعتقد ان سمحوا الفرصة ان اختار اللي ابيه و أتحمل مسولية قراري - خذيت خمس سنين - ٣ سنين ثانوية ادبي درست عشان خاطر الأهل - و سنتين جامعة الي ان تقبله امر الواقع و صرت لما ادرس ادارة اعمال و افهمه الحين بديت اتعلق فيه ..
دائماً احس نفسي ضائعة مع اني ادرس و ايب زين بس الحمدالله على كل حال ... للحين يحز في خاطري لانه الكل ضغط علي احول ادبي و يفكرون دائماً اذا درست يقولون بتخترعين الذرة و الا عالمة ...
احيانا الأهل يضيعون مستقبل عيالهم من غير قصد .. و المفروض يسمعونهم يشرفون رغباتهم ويشجعونهم .... بس هذا اللي زرقني ربي و الحمدالله يمكن رزقي من أدارة الاعمال..*

Yara
17-06-2011, 09:14 PM
والله مو انا اللى اخترت هم اللى اختاروو لي ههههههه
هو كان من ضمن رغباتي بس ماكان لي هدف معين
والحين الحمدالله راضيه بس متى اتخرج
ابي الفكه ~

محققه
18-06-2011, 05:32 PM
الحمدلله مقتنعه 100% والفال الدراسات العليا ياااارب :)

كان يامكان في قديم الزمان << خلصينا هههههههههههه x:D

في البداية كنت أتمنى وأبي اتخصص" علم النفس " لأني احبه وايد .. لكن عشان نسبتي ماقدرت فقلت إن شاء الله خيره يارب ..

عقبها تخصصت " قانون " لحكم معدلي كنت أحب القانون بس بشكل عادي .. لكن عقب ماتخصصته حبيته وايد والحمدلله مقتنعه فيه 100% وأفتخر فيه << صارت لي هيبه أكبر في المجتمع لازم أفتح لي مكتب لوووووووووووول << كلج ثقه يا انتي ههههههههههههه x:D

والحمدلله توني تخرجت من الدبلوم وبقدم إن شاء الله هالشهر على الليسانس إن شاءت الأقدار بإذنه الواحد الأحد بس اعدي هالتوفل المليق وآنا بخير :@

وطبعا تخصصته بإرادتي محد جبرني ولا شي بالعكس الخيار كان مفتوح جدامي والحمدلله الكل يشجعني بدراستي :)

والفال للدكتوراه ياااااارب والحمدلله طبعا أكيد ميولي :)

ولااااازم الكل يقتنع باللي اهوا فيه عشان يقدر يحقق أكبر نجاح ممكن :)

أسأل الله العلي القدير التوفيق للجميع :)

وشكرا كل الشكر لأختي " مثقفه كيوت " على طرح هذا الموضوع الجميل :)

unreal-future
18-06-2011, 06:31 PM
hi all
b.el-nsba 78y ana m8tn3a 100% thanks 4 God, ana t599y al7en Computer Engineering, m3a eny knt aby hndsa m3mareeia, bs b.sbb eny ma ybt el-nsba ely td5lny el-jam3a oo b.el-a59 t599 handsa m3mareia, t5lt el- t6bee8y fi CTS oo d5lt computer Enginering oo el--7amdl-allah 7beet el-t599 oo ymkn 5eera oothanks for God t5rjt in the last year oo ybt m3dl zeen oo al7een 8a3da akml





Good luck all

dr.victor
22-06-2011, 06:46 AM
موضوعج مميز ويخلي الواحد غصبن عليه يشارك فيه

بالنسبة لي مقتنع فيه 85% تقريبا
انا طب اسنان....وكنت احلم بطفولتي انه اصير طبيب عام
بس مادري احس اخترت الاسهل >>اعتقاد خطأ أصلا<< واخترته لأنه دراسته بسنوات اقل
اتمنى مع السنين اقتنع فيه اكثر

بس هم الغربة كربة :\
ساعات اتحسف اني دارس برّا لأنه خذت مني اشياء وايد...بس هم استفدت من غربتي وايد....وأشجع الناس انه يدرسون برّا

والحمد لله على كل حال

Aljoker
28-06-2011, 11:14 PM
انا محد تدخل لووووووووووول حتى تخصص قاعد رجل على رجل واسجل بالنت تخصص محاسبة :$
وراضي فيه الحمدلله