المساعد الشخصي الرقمي

مشاهدة النسخة كاملة : هل يمكن تكمله البكالريوس بعد التخرج من المعهد التطبيقي


dreamer
18-03-2009, 07:27 PM
تم الدمج

السلام عليكم ورحمته الله وبركاته>>^^<<


انا حبيت أعرف أذا اي أحد من أعضاء المنتدى عنده فكره عن البعثات الخارجيه اذا ابي أكمل بره
1) شنو المتطلبات المطلوبه عشان أحصل بعثه
يعني ممككن المعدل التراكمي والتخصص يأثر على النسبه التخرج أذا كنت ما خذه نقطتين وشي بالكورس الأول والثاني أما الكورس الثالث والرابع 3.70


ولكم جزيل الشكر :\\ سوري على الموضوع أول مره أكتب موضوع بحياتي في منتدى >>^^<<

Brawni
18-03-2009, 11:39 PM
يا هلا فيج اختي Dreamer
بالعكس كتبي عشر و مليون موضوع يسعدنـا هالشي :)
بس بالنسبة لسؤالج الصراحة ما عندي فكرة عن الجامعات في [الخارج .. ! ]
لكن عطيني وقت اسألج وأيمع لج المعلومات ان شاء الله

dreamer
19-03-2009, 05:35 PM
يا هلا فيج بوجودج:)
مشكوره وايد وأخذي راحتج لأن انا موستعجله باقيلي 10مواد على التخرج انشالله اخلصهم كورس ثاني اشكرج جدا على ردج :)

dreamer
18-04-2009, 01:15 PM
السلام عليكم

هل هنالك بعثات خارجيه لطلبه كليه الدراسات التكنولوجيه وماهي شروطها ؟؟ تخصص هندسه كمبيوتر ؟

أرجو الرد !!!!!!!!! plzzz :"(

Brawni
18-04-2009, 05:24 PM
و عليكم السلام و رحمة الله و بركاته

والله اني سألت لج من بعد موضوعج الأول

بس محد رد علي ..

وآنا مع الأسف من قبل ما عندي خبره بالبعثات الخارجية

يعني ما اقدر اعطيج معلومه أكيدة 100%

بس في وحدة قالت لي ان الهيئة تاخذ أعلى 3 معدلات من الخريجات للكورس

ويعطونهم بعثـه خارجيـة إذا ما وافقوا عليهـا تروح للي بعدهم .. وجذي ..


آسفـه لأنج ما أفدتج ..
بس أكيد أول ما احصل معلومات احطهم بالمنتدى

والأفضل تسألين الكلية من وين تحصلين معلومات أكيدة بخصوص البعثات
>>^^<<

أو نزلي سؤالج في قسم البعثات الخارجية في هالمنتدى
[Link nur für registrierte Benutzer sichtbar]

والله يوفقج انشالله :)

Brawni
18-04-2009, 05:46 PM
لقيت هالسايت

[Link nur für registrierte Benutzer sichtbar]

في على اليسار كليات الهيئة العامه للتعليم التطبيقي

من امس والنت عندي مرة يفتح مواقع ومرة ما يفتح .. وهذا ما قاعد يفتح عندي جربي يفتح عندج لا ضغطتي عليها ؟

بعيوني اضمك
18-04-2009, 09:45 PM
وعليكم السلام

انا اقول محد يعطيج الاجااابه عن موضوعج الا رئيس القسم الهندسه الكترونيه
واالي اهوا د.فيصل التركي
او الاخصائي الاجتمااعي
يعني الافضل تسمعين منهم
اهم ادرى بالهشي
سامحينا هذا اللي قدرت اقولج عنا

misstomey
06-12-2009, 11:45 AM
يا جماعه الخيـر انا تخرجت شهر واحد 2009 تخصص هندسه كمبيوتر والحين توظفت بس ودي أكمل
بغيت أعرف بيبطلون بكالريوس هندسه كمبيوتر ؟؟؟؟؟ ولا لأ
ولازم معدل معين ولا عادي
ارجوكم الي عنده خبر (((مــؤكد ))) يفيدني ..



بـإنتظـــار ردودكـــم :)

Brawni
06-12-2009, 05:33 PM
مافي خبر عن تطبيق البكالوريوس لهندسة الالكترونية للحين ما سمعنا شي ولا أحد قال
أذكر أول ما قدمت على التطبيقي " قبل سنة و نص " كانوا قايليلنا خلاص هالبرنامج من السنة الياية متطبق
هذا اخر كلام سمعـته لوووولز :\\..

lolokaty
07-12-2009, 06:51 PM
نفس كلام الاخت برااوني من سنة يدي نسمع بالوعوود بس طللللللللللل

انزين ماعليه انا بسأل كم سؤال اذا ماعليك امر هههههههه

ممكن اتقولنا وين توظفت وشنو طبيعة الشغل؟؟ والمعااش اذا مافي احراااج ^^"

ومشكووور مقدماااا

misstomey
20-01-2010, 09:59 AM
ان توظفت فني كمبيوتر بمدرسه (( درجه خامسه مع 3 علاوات )) والمعاش 680 دينار >>> الاصلي 580

sara87
12-06-2010, 01:59 PM
بغيت استفسر عن كليه التكنولوجيا صج بتصير بكالوريس ؟؟

وانا خريجه اتصالات وملاحه تخصص الكترونات يصير اكمل عندكم اذا صارت بكالوريس

بعيوني اضمك
13-06-2010, 06:30 AM
حسب اللي سمعته
ان لازم يكون المعدل3 نقاط وفوق
واعتقد الشهاده علمي
واللي اعرفه اتصالات وملاحه ادبي بس مادري شلون يدرسونكم هالتخصص العلمي
اهوا للحين ماطبق
انا سألت رئيس القسم الاكترونيه عندنا دكتور نجم الحمدان قالي للحين
لازم يضبطون المنااااااااهج الدراسيه للحين محد يشتغل عليها
يعني للحين حجي
وسامحني طولت عليج
انا تخرجت وللحين بهالسالفه للحين ماصارت

sara87
13-06-2010, 03:31 PM
شكرااااا
ويارب يطبقوونه :(

Brawni
13-06-2010, 11:23 PM
بغيت استفسر عن كليه التكنولوجيا صج بتصير بكالوريس ؟؟

وانا خريجه اتصالات وملاحه تخصص الكترونات يصير اكمل عندكم اذا صارت بكالوريس

كل اللي صار كلام للحين ماكو تطبيـق
و محد يدري متى بيطبقونه يعني اهم يقولون فيه نيه بس ماقالولنا متى
وهالنية موجودة من ايام اجدادنا لووووووووول:$$
-.-<.< أول مرة اسمع انه يصير تكملون عندنا ..شي حلو >> بس ما أدري اذا يصير

‎Berlant Bright‎
28-06-2010, 04:31 PM
أولا أحب أسلم على الكل

(f)

أنا خريجة من هالقسم
هندسة الكترونات اتصالات

بس أبي أعرف هل افتحوا باب التسجيل لتكمله الدراسه بعد الدبلوم
بصراحة ما ادري عن أخبار الكليه من تخرجت

بليـــز.... لأن خاطري أكمل

LooK
28-06-2010, 07:00 PM
للأسف للحين ما بطلوا شي ...

الله يعينج مدام بخاطرج مافي الا بره الكويت ..

لانه اهني بس كلام بنسوي وبنفتح على الفاضي

Brawni
28-06-2010, 07:16 PM
لا والله للحيـن مافي شي..
مع الاسف

بنت جابر
06-08-2010, 12:13 AM
انا اللي اعرفه ان الطالبة اللي تنفصل من عندنا تروح تكمل عندكم بس انكم تيون عندنا والله ما سمعت :(

اما عن البكالريوس ما دام طبقو تخصص الكيميا عندنا فان شاء الله راح يمشون ع الباجي بس اللي سمعته ان في مباني تنبني يقولون انها حق التكنولوجيا بس بكالريوس والله العالم !!

Brawni
06-08-2010, 12:19 AM
بنت جابر آنا من اسبوعين تقريبا كنت عند العميد و حبّطنا بالنسبة للبكالوريوس للبنات خصوصا تخصصنا العلوم التطبيقية يقول حاليا مو ناوين او ماكو فكرة لتطبيق البكالوريوس للبنات :(
إلا إذا كانت فيه نيّه وما يبي يعطينا خبر و يحمّسنا
>> غصب أبي اعطي نفسي امل لووول

بنت جابر
06-08-2010, 12:34 AM
لوووووووول لا ان شاء الله الامل موجود بس بعرف ليش ما يبون اخاف يغارون الجامعيين منا لووووول والله اني ادعي يطبقونه بس حتى لو ما طبقو انا راح اكمل ان شاء الله ماراح اوقف ع الدبلوم :)

Brawni
06-08-2010, 12:39 AM
انشاءالله حبيبتي موفقـه ..
بس الجامعيين مو من حقهم يغارون لأن تطبيق نظام البكالوريوس راح يشترطون معدّل معيّن حق قبول خريجين الدبلوم
يعني ما راح يقبلون أي ناس ولا راح يقبلون الناس اللي هامله نفسها بالدراسه
واحنا كليتنا دراستنا مو سهله ما ادري ليش عبالهم الجامعه دراستنا خرطي و احنا بالأساس ناخذ مقررات نفس اللي عندهم تقريباً

و آنا أشجع فكرة تطبيق البكالوريوس للدبلوم بشرط معدّل معيّن ما يقل عن جيدجدا او جيد

ولا ننسى ان نسبة قبول الجامعه أدنى شي جيّد واهي 70 يعني محد يقدر يتكلم ;)

miss rose
06-08-2010, 06:53 PM
انا اللي سمعته انهم ارفضوا تصير بكلوريوس لان ما يبون يساوون شهادة الجامعة مع شهادة التطبيقي

Brawni
08-08-2010, 03:47 PM
لا عادي فيه تخصصات صارت بكالوريوس بالتطبيقي نفس صحة البيئة و طواريء طبية و السنة اليايه انشاءالله هندسة كيميائية بنين .. والتربية الاساسيه تطبيقي المدرّسين يتساوون مع مدرسين الجامعه .. يعني انشاءالله هذا مو عائق ..

بنت جابر
08-08-2010, 05:24 PM
والله اللي كملوا كلهم تخصصهم كمبيوتر اما تخصصنا للاسف :( ماكو خبر

بنت جابر
28-08-2010, 05:29 AM
سالت هالسؤال حق د. نجم قبل لا ينتهي الكورس الصيفي وقال ان الوزيرة رافضة انها تكون بكالريوس ليشششش زييييين ؟؟!!! اللــه العالم

ah_zo_2010
31-08-2010, 10:35 PM
لو سمحت ممكن مساعده.....
هل يمكن ان اكمل البكالريوس من الكويت او من مصر بعد التخرج من المهد التطبيقي من تخصص هندسه كمبيوتر ؟؟؟؟؟
الرجاء المساعد لأني خايف حدي:$$

unreal-future
01-09-2010, 02:32 AM
sure fi da5l el-kwuait fi el-AUK, oo fi bra fi UK or USA

LooK
01-09-2010, 04:18 AM
اي نعم اخوي ممكن في الكويت ..

في كذا جامعة خاصة تعادل لك الدبلوم .. واذا تبيها تكون على حساب الدولة لازم يكون معدلك فوق 3 نقاط ...

أما بخصوص مصر كل يوم طالع قرار من التعليم العالي والوضع متكهرب ... لي ما تتخرج يحلها الف حلال ان شاء الله ..

ah_zo_2010
01-09-2010, 06:45 AM
يعني انا اللحين لو كملت علي جامعه تانيه يقبلون السنتين ولا أبدء من جديد؟؟؟؟؟
لأني سمعت ان جامعه الكويت يقبلونك وتكمل معاهم من اول وجديد يعني السنتين اللي دراستهم علي الفاضي

ǮђaÐ
01-09-2010, 08:16 AM
هلا اخوي

ايه تقدر تكمل في جامعة الكويت ... بس بشرط تكون متخرج بمعدل التخصص فوق 3 نقاط عشان تقدر تكمل
بس اذا على سالفة ما يحسبون السنتين اللي طافت ... اللي اعرفه ان اللي ماخذ دبلوم مساعد مهندس يقدر يكمل سنتين في الجامعه وياخذ بكالوريوس يعني يحسب له سنتين الدبلوم بس هل ينطبق هالشي عليك ولالا >>> والله ما عندي اي فكره
بس ان شاء الله اسالك وارد عليك ولايهمك

ah_zo_2010
01-09-2010, 09:06 PM
اي تكفا لأني حاسس راح يضيع مستقبلي وانا اسف لأني راح اتعبك

Brawni
02-09-2010, 01:11 AM
اي تقدر ان شاء الله
مثل ما قالت اختي عندك الأسترالية
و هالتخصص موجود في الجامعه الأمريكية و الخليج و فيه احتمال يفتح السنة اليايه بجامعة الشرق الأوسط الأمريكية
اسأل هالجامعات عن شكثر يعادلون لك مواد اذا حاب تدرس بالكويت

و إذا كنت ناوي ع البعثه الخارجية إضمن انك تاخذ معدل عالي عشان تنقبل حسب الشروط
بنت خالتي قاعدة تكمل بكالوريوس هندسة كمبيوتر في البحرين
و فيه كملوا في بريطانيا

بس ما فهمت سؤالك انت قصدك تبي تكمل في الكويت أو مصر ؟

princess2010
02-09-2010, 06:43 AM
والله يا جماعه جان زين احد يفيدنا بالجامعات الخاصه اللي تعتمد شهادتنا ( هندسة الكترونية ) وكم يعادلون لنا

technology girl2009
05-09-2010, 08:13 PM
شوفو ياجماعة الخير

خلوني أقولكم شغلة انا خريجة تو وماقصرت سالت جامعة الكويت عن قبولي كون تخصصي هندسة كمبيوتر واسمحولي مضطرة أزعلكم لكن مايعادلون إلا بس ثلاث وحدات يعني ولاشي وتدرسون من أول وجديد وأنا ساألتهم بتاريخ 26-8 -2010 ولازم يكون معدلك العام مايقل عن 3.60 فما فوق وماتكون متخرج ومار على شهادتك الدبلوم أكثر من ثلاث سنين

بالنسبة للأسترالية ماسألتهم لكن اللي أعرفه عندهم بس هندسة إلكترونية مو هندسة كمبيوتر وتفرق ترى وإسألو وتأكو أحسن بعد

وبالنسبة للأمريكية الله أعلم لأني سمعت كلام من أ. نجم قالي فيه انه مكلمهم علشان يفتحون هندسة كمبيوتر وموافقين موافقة مبدئية بس مادري على التطبيق راح يصير هالسنة ولا السنة الجاية لللي بكمل على حساب الدولة ماأقدر أفتي بهالشي

أما البعثات الخارجية مثل ماقالو الخوات أعلى 3 من كل تخصص وبتكون لبريطانيا وأمريكا وانتو سألو إذا عندكم إستفسار حق قسم البعثات اللي بالعديلية عند وحدة إسمها هدى العتيبي خوش وحدة

واللي يبي يكمل من قلب ومابذنه ماي وعلى حسابه عندكم الأردن كل التخصصات فيها بس مادري على معادلة المواد بس تركدوا ونقوا الجامعات الزينة لأن في جامعات بالأردن مو معترف فيها ولاغينها


وأي إستفسار أنا حاضرة للحلوين :)

PRUE
05-09-2010, 08:19 PM
هذا بالنسبة للكلية الاسترالية

[Link nur für registrierte Benutzer sichtbar]

ah_zo_2010
06-09-2010, 06:32 AM
بس اختي اللحين يصير اخز الدبلوم من التطبيقي واكمل في مصر ولو يصير كام يعادلون لي مواد يعني يعادلون لي نفس جامعه الكويت ؟
عاد والله حرام ادرس 4 كورسات ويعادلون منهم 3 وحدات بس يكون ظلم!!!!!!!!!!!!!
وتسلمين علي الافاده

بنت جابر
06-09-2010, 01:34 PM
يعطيج العافية بنت التكنولوجيا بس اذا تقدرين تحطين رقم مكتب البعثات للاخت هدى العتيبي بالعديلية عشان انا هم استفيد :)

technology girl2009
06-09-2010, 02:48 PM
رقم قسم البعثات بالعديلية 22526739


وبالنسبة للأخ اللي يبي يكمل بمصر سجل ياخوي بمنتدى جامعات مصر وسولف معاهم وسألهم عن اللي تبيه ولا أقوله إكتب في قوقل

موقع التعليم العالي وإلقي نظرة على الجامعات اللي بمصر ومعترف فيها وسجل أسما هالجامعات عندك وإكتب أساميهم على جوجل ودش

منتديات وأكيد راح يجاوبونك وإخذ أرقامهم بالمرة وإتصل على قسم التسجيل أكيد راح يفيدونك بهالشي أكثر وأهما يعرفون كم راح يعادلونلك


وسلامتك وانشالله ماأكون ماقصرت وياك

بنت جابر
06-09-2010, 03:00 PM
يعطيج العافية يا بنت التكنولوجية كفيتي ووفيتي وموفقة ان شاء الله

technology girl2009
08-09-2010, 04:30 AM
العفو ياقلبي هذا واجبي وأنا حاضرة لكم


تحــيــــــــــــــــــــ ــــــــــاتي لكم