ياللـــــــه :( مشكله ألي ماييب نسبه :(

[saron '3eeer]

قـــوه .... أنا ناويه أدش التجاري كورس واحد وأحول تربيه,, نسبتي 74 .. ألي أعرفه انه المعدل المطلوب : 3,5 أو 3 ...

بقيت أسأل : يعني لازم كل المواد امتياز ؟؟ :( ... وهم ألي اعرفه انه لازم اجتاز 14 وحده >> شنو يعني ؟؟
وشلون أعرف إني اجتزتهم ؟؟ مو عارفه شي :( ....

وإذا خلص الكورس ومايبت المعدل المطلوب : أقدر أكمل ليما أييب المعدل ؟؟
وإذا خلصت أول سنه وهم مايبت المعدل :( شلون ؟؟ يعني لي متى أقدر أكمل عشان أييب المعدل ؟؟
ويحسبون معدل أول سنه مع ثاني سنه عشان أوصل ولا لأ ؟؟

وإذا كلش كلش ماكو أمل إني أييب هالمعدل : أقدر أحول كلية بوكسهل ؟؟

[Brawni]

لا .. مو شرط كل المواد امتياز
اذا مثلا انتي مسجله 6 مواد و يبتي على كل وحدة b+ مثلاً .. عادي تعدين الـ 3 نقاط :)

كل مادة بالكلية لها عدد وحدات معيّن فلنفرض انج ماخذه هالمواد .. مثلاً :::
ثقافة اسلامية عليها وحدتين
انجليزي عليه 3 وحدات
رياضيات عليه 3 وحدات
محاسبة عليها وحدتين
^
^
تحسبين مجموع وحدات هالمواد يطلع لج 10 وحدات .. يعني ما يصير تحولين لازم توصلين 14 وحدة و أكثر
المهم إنّ ما يصير وحداتج تكون أقل من 14 و لا أكثر من 30 :)

يعني عادي تقدرين اذا ما يبتي المعدل المطلوب أول كورس تحولين بالكورس اللي وراه بس شرط ما تسجلين بالكورس الثاني وايد مواد علشان لا تعدّين الـ 30 وحدة .. لأن اذا تعديتي 30 وحدة ما يصير تحولين بعدها .. وهالشغله بيدج عادي لأن انتي اللي راح تسجلين جدولج اذا ما تبين تتعدين الثلاثين وحدة لا تسجلين وايد مواد ..

وأكيد بيحسبون معدل كل كورس درستي فـيه .. معدلج بالكليه يعتبر معدل تراكمي نفس نظام المقررات قبل .. يعني كل كورس ينضاف المعدل لمعدلج العام ..

كلية بوكسهل عادي تقدرين تسجلين فيها من غير تحويل .. تسحبين اوراقج من التطبيقي و تسجلين اهناك ..

وانشالله اكون وصلت المعلومه

[saron '3eeer]

وااااااااي فديتج والله .. تعبتج معااااي ... ماااااااااااقصررتي حيااتي :)

[Brawni]

وااااااااي فديتج والله .. تعبتج معااااي ... ماااااااااااقصررتي حيااتي :)

بالعكس حبيبتي ما تعبتيني
اذا فـيه شغله ما فهمتيها قووولي
..
:)