المساعد الشخصي الرقمي

مشاهدة النسخة كاملة : قروب البنات اللي راح يتغربون بامريكاا


Dr.shosho
25-07-2010, 05:41 PM
السلاام عليييييكم

شخبااركم بناات انشاءالله تمام


حبييييييييت احط قروب حق البنات اللي راح يتغربون بامريكاا


بحيييث انه نتعرف على بعضنا فيه

وشنو التخصص اللي انقبلت فيه وشنو الجامعات اللي سجلت فيهاا واذا اهياا ماخذه التوفل او الايلتز او راح تاخذ كورس لغه

وباي ولايه مقرره تقعد فيها وسولفوا عن استعدادكم حق السفره شلونه واذا خايفين ولا عاادي ومهأيين نفسكم حق

الغربه واذا في احد من اهلكم راح يسافر ويااكم ويقعد فتره وبعدين يرجع و وين مفكره تسكنين عند عايله او بشقه وتتحاططين فيها ولا بروحج او بتقعدين بسكن الجامعه

وبعد ماا يطلع قبول الجامعه انشاءالله تقوليين لنا باي جامعه انقبلتي

لاانه اكيييييييد في وااااايد بناات نفس حالتي يحاااتون ومايعرفون لهم احد هناك

واحلااام وكواابيييس وخوف >>>طبعا هااذي اناا هههههه


فقلت يعني ع اساس نتساااعد كونا كلنا راح نتغرب

فشرااايكم نسوي لنا هالقروب ونتعرف على بعض فيه

وحياااكم الموضوع موضعكم جااي قهوه اللي تبونه :d

Dr.shosho
25-07-2010, 05:42 PM
طبعاا انا راح ابلش واعرفكم على نفسي

انا انقبلت هندسه كهربائيه ومفكره اني اسكن بولايه فيرجينيا او اوهايو او بنسلفانيا لانه حسب ماسمعت انه فيها واايد

كويتين وطبعا بما اني ماخذت التوفل فباخذ لي كورس لغه هنااك

وطبعاا سجلت ب 6 جامعات وهذيلاا اهما

1- varginia state university
2- varginia commonwealth university
3- ohio state university
4- university of dayton-ohio
5- drexel university
6- pennsylvania state university

وطبعاا ابوي راح يسافر وياي وبيقعد حوالي شهر وياي بعديين بيخليني بروحي :"(:"(

وانا مفكره اني يا اسكن عند عايله او بشقه لمه اتعرف لي على بنت تكون اوكي انشاءالله لاني اخاف اسكن بروحي :p

وبالنسبه حق استعدادي حق الغربه والله ماادري بس صااايره واايد خوافه واحاتي وكل ساعه تخنقني العبره اني ما راح اكون ويا اهلي جني ياهل ههههه بس لاا انشاءالله سهالات والله يسهل عليناا ياااااارب

ويلاااا انا بانتظار تفاعلكم مو طنشون موضوعي وتفشلوني وتحسسوني بس انا اللي متغربه :p

Dr.shosho
25-07-2010, 05:44 PM
سوري على البدليات للي واااايد بالموضوع :p

FARASHA-Q8
25-07-2010, 06:50 PM
انا ان شالله لاحقتكم السنه اليايه شهر 12 بقدم على الجامعات اب واشنطن وفلوريدا وبوسطن وان شاالله راح اتخصص علم نفس اكلينيكي
الجامعات :
1- University of Washington
2- Boston University
3-Boston College
4- Florida State University

افكر اني اعيش اب شقه ومعاي وحده بس للحين ما اعرف ولا لاوحده راح تدرس برا وطبعا مو اي وحده بخليها تسكن معاي واكيد راح نتحاطط عشان ايصير عندها مسئوليه وماتعتمد على >> شنو انا ادفع واهيا لا

انا امسجله حق امتحان التوفل وان شاءالله انجح لان بالتجريبي بدعت مع اني اعرف انجليزي وبس
اللي راح تروح امريكا تقولي عشان نتعرف على بعض ولما اروح امريكا اكوون متعرفه على وحده <<< مابي اقعد ابروحي
GOOD LUCK :)

Dr.shosho
25-07-2010, 11:31 PM
مشكوووره انج عبرتيني لوول

وانشاءالله يااارب نشوفج ويانا السنه اليايه وتلقين بناات بنفس الولايه اللي راح تكونين فيهاا

وموفقه انشاءالله

Dr.shosho
25-07-2010, 11:32 PM
يلااااا بناات وينكم مافي احد راح يتغرب حق امريكا


اب

اب اب

كما الريشة
26-07-2010, 12:55 AM
خوووووووووووش موضوع انا تخصصي تسويق و بدرس لغه و قدمت التوفل و مانجت علي ٥ درجات فبقدمه برمضان وسجلت للايتلز و بكون همن برمضان و شكلي بقدم علي arizona stat university
varginia commonwealth university
univresity of florida
colorado state university
*ohio state university
و احتمال امي تروح وياي او ابوي لمدة جم يوم عشان ادور شقة و اذا لقيت ابنيه معاي بنفس الجامعه و زينه تسكن ماي احس ان احسن

ZAINA
26-07-2010, 02:20 AM
محد معاي؟؟ انا سجلت اول رغبتين

university of colorado - boulder < قالولي وايد كويتيين فيها و امان و حلو المكان بس حسافه مسكرين اللغه لان وايد قدموا فاحتمال ما يقبلوني

drexel university < هم فيها كويتيين و المدينه زينه


و انا بعد امي راح تكون معاي و لما تطمن علي بتخليني بروحي و قاعده احاتي التوفل من الحين لول

كما الريشة
26-07-2010, 03:31 PM
انصحج ان تقدمين التوفل اللحين

طالب ثانويه عامه
26-07-2010, 04:57 PM
انا ان شالله لاحقتكم السنه اليايه شهر 12 بقدم على الجامعات اب واشنطن وفلوريدا وبوسطن وان شاالله راح اتخصص علم نفس اكلينيكي
الجامعات :
1- university of washington
2- boston university
3-boston college
4- florida state university

افكر اني اعيش اب شقه ومعاي وحده بس للحين ما اعرف ولا لاوحده راح تدرس برا وطبعا مو اي وحده بخليها تسكن معاي واكيد راح نتحاطط عشان ايصير عندها مسئوليه وماتعتمد على >> شنو انا ادفع واهيا لا

انا امسجله حق امتحان التوفل وان شاءالله انجح لان بالتجريبي بدعت مع اني اعرف انجليزي وبس
اللي راح تروح امريكا تقولي عشان نتعرف على بعض ولما اروح امريكا اكوون متعرفه على وحده <<< مابي اقعد ابروحي
good luck :)



ايه احسنلج روحي السنه اليايه علشان يكونون رفايججاللي بالمنتدى عندهم خبره ويصيرون (كبار بديره) وتجين عاد انتي وعندج من يستقبلج ويسكنج وياه وهما يكونون ويه المدفع



======================

عسألله يوفقكم ويحفظكم ويستر عليكم وانا ادري بنات الكويت قلوبهن صخر مايخوفهم زهيويي لووووووووول


وتقبلوووو مرووووري

Dr.shosho
26-07-2010, 07:42 PM
كما الريشه زيين اشوا عندج جامعتين نفس الجامعات اللي انا فيها انشاءالله يقطونا بنفس الجامعه
وي عااد حسافه على 5 درجات معناته راح تاخذين كورس لغه موو ؟
وانا نفس الشي انشاءالله بقدم التوفل اهني بس باخذ كورس اللغه عشان لا اتوهق هناك بس بعدي ماسجلت له

ZAINA
امبلاا انا مسجله بنفس جامعتج دركسلبس حسافه ليش سجلتي جامعتين حصرتي روحج فيهم
جان حطيتي جم وحده زياده و ولايه كولورادو سمعت عنها انه فيها وايد كويتين بس ماقتنعت اني احطها لانه لمه رحت التعليم العالي
غالبيتا اسمع الطلاب يقولون اوهايو او اريزونا بس هم بعد كولايه واايد مدحوها من حيث تعامل الشعب حتى وانشاءالله ننحط بجامعه وحده :p
وانتي تقدرين الحين تاخذين كورس اللغه وتمتحنين التوفل هناك او اهني عاادي

Dr.shosho
26-07-2010, 07:46 PM
طالب ثانويه عاامه

لووووووووووووول وااضح قلبونا صخر السفره توالناس عليها واحنا من الحين متصروعيين :p

طالب ثانويه عامه
26-07-2010, 08:21 PM
ههههههههههههه بتوفيق انشأألله

FARASHA-Q8
26-07-2010, 09:12 PM
ايه احسنلج روحي السنه اليايه علشان يكونون رفايججاللي بالمنتدى عندهم خبره ويصيرون (كبار بديره) وتجين عاد انتي وعندج من يستقبلج ويسكنج وياه وهما يكونون ويه المدفع



======================

عسألله يوفقكم ويحفظكم ويستر عليكم وانا ادري بنات الكويت قلوبهن صخر مايخوفهم زهيويي لووووووووول


وتقبلوووو مرووووري


اهم شي اهما بويه المدفع لا عادي بس احلى شي اكوون متعرفه على وحده عشان اتاقلم مع الجو و لا عاد انا خوافه انا النمله اخاف منها

كما الريشة
26-07-2010, 10:43 PM
عاد سجلت بامتحانين الايتز و توفل برمضان

ZAINA
27-07-2010, 01:12 AM
zaina
امبلاا انا مسجله بنفس جامعتج دركسلبس حسافه ليش سجلتي جامعتين حصرتي روحج فيهم
جان حطيتي جم وحده زياده و ولايه كولورادو سمعت عنها انه فيها وايد كويتين بس ماقتنعت اني احطها لانه لمه رحت التعليم العالي
غالبيتا اسمع الطلاب يقولون اوهايو او اريزونا بس هم بعد كولايه واايد مدحوها من حيث تعامل الشعب حتى وانشاءالله ننحط بجامعه وحده :p
وانتي تقدرين الحين تاخذين كورس اللغه وتمتحنين التوفل هناك او اهني عاادي

شسوي مابي اروح مكان ثاني مارتحت الا حق هالمكانين و هم الحين بس لغه نفس الشي و انا مسجله امتحان هني برمضان

Dr.shosho
27-07-2010, 04:37 AM
كما الريشه بس امتحان الايلتز مو جنه بس حق بريطانيا ولا عاادي


زيينه ايي انا بعد انشاءالله باجر راح سجل له ولقيت اقرب موعد 21\8 احاتي المقاعد تروح علي

Dr.shosho
27-07-2010, 04:45 AM
حبيت افيدكم بشي واهوا ينفع سواء لنا احنا البنات او الشباب

واهيا سالفه السياره طبعاا امريكا تحتاج انك تستاجر او تشتري سياره لقله المواصلات فيهاا

والاغلبيه ينصحون انه نشتري السياره هناك لاانه التاجير اغلى والشراء راح يطلع حييييل اوفر لك

وينصحون انه ناخذ سياره نوعها امريكي وهم اذا تخرجنا انشاءالله بامكانا انه نبيعها على الطلبه اللي بعدناا

وهااذي المواقع اللي يبعون فيها السياير

[Link nur für registrierte Benutzer sichtbar]

[Link nur für registrierte Benutzer sichtbar]

[Link nur für registrierte Benutzer sichtbar]

اي وهم نسيت اقول شغله طبعا حسب ماسمعت ومو متأكده من هالخبريه بانك اذا طلعت ليسن امريكي سعر السياره يرخص عليك شوي

Dr.shosho
27-07-2010, 04:47 AM
واللي عنده معلومات او مواقع تفيدنا ياليت مايقصر ويانا سواء من بنات او شباب

وياليت لو في بناات هم من الدفعه اللي قبلنا يفيدونا بتجربتهم ومافي مانع من مشاركتهم معانا وبذكر التجارب لنا

ZAINA
27-07-2010, 11:55 AM
انا باص مو سياره كل الي يدرسون هناك قالولي سكنهم قريب و ما يحتاجون سياره

Dr.shosho
27-07-2010, 02:39 PM
والله ماادري انا قالولي انه قليل ما يمرون المواصلات بس شلون على الباص يعني مثلا لو بطلع مكان اهواا يمر باي وقت يعني ولا مختص بس حق توصيل الجامعه

Dr.shosho
27-07-2010, 02:48 PM
تأجير الشقه

طبعاا اختي FARASHA-Q8 ماقصرت وعطتنا هالمواقع

فيهاا راح تقدر دور لك شقه وتتواصل مع المالك وتقدر تحدد السعر اللي تبيه مع الغرف والمساحه وهم تحدد التوقيت او بعد جامعه عن سكنك مثلا توصل بربع ساعه او 20 دقيقه او عشر دقايق وغيره وهم تقدر تطلب غرفه وحمام خاص فيك
لك بروحك او مشترك

[Link nur für registrierte Benutzer sichtbar]

[Link nur für registrierte Benutzer sichtbar]

[Link nur für registrierte Benutzer sichtbar]

واذا كانوا مو حاطين بعد الجامعه عن سكنك تقدر تاخذ العنوان تحت اسم الشقه وتروح على قوقل ماب واضغط على الحصول على الاتجاهات وحط عنوان الجامعه وعنوان الشقه وراح يطلع لك جم دقيقه عشان توصل واذا كان السكن بعيد او لا

NAJD
27-07-2010, 05:09 PM
موفقين يارب

محد يدرس بهارفرد ؟؟

Fawaz.hks
27-07-2010, 09:53 PM
لول بتسوون قروب تحالف
عز الله بتخربون الاجانب ابجاي الضحى الحش بيووووصااال لي السما
"هاو ما شفتي ريل آشلي طلع بشتغل زبال و اهي دكتوره تدرس ويييه شلوون ترضى فيه" ياااااااااااااااو:\\

لول اتغشمر معاكم
عسى الله يوفقكم و تردون سالمين لاهاليكم:)

طالب ثانويه عامه
28-07-2010, 03:01 AM
لا والله الا دج الشعب الأمريكي اذا مني ام بهذلينا بسواقه يأله نعلمكم شلون مناك انا اقول لو تأخذون قواري احسن لكم واوفر ترى مناك الدعوه فري وناسه اهم شي حطي تيبي تواير القاري وقحصي عليه (لووووووووووووووول)


وهذا هم موقع بعد حق السكن وكاتبين وصف البيت واللي ساكنين فيه وكل شي وجم سعره وجم يبعد عن محطة الباص
انتم بس اكتبو اسم الولايه وعلى فكره ترى اهوى لكل الدول في مربعين اكتب الدوله اللي تبيها والمنطقه

[Link nur für registrierte Benutzer sichtbar]

وهم هذا موقع لأسعار العملات في مربعين المربع الأول حطو اسم الدوله اللي بتعرفين سعر عملتها وتحت اسمك دولتك ( الكويت) وهم فوق في مربع اصغير اكتبو فيه جم العمله اللي عندك وتطلع جم بعملت دولتك

[Link nur für registrierte Benutzer sichtbar]


ســـٍافروٍ وترجـــُعوا بسلامــه أنشـــٌأأأللـــٌهٍ

seniorita
28-07-2010, 11:05 PM
بالتوفيق حبايبي ،




جامعات امريكا مو بعضهم يقبلون ايلتز ولا اغلبهم تووفل ؟ ؟؟؟؟؟؟؟


واي بقدم شواغر وبخلي شغلي جاهز ،

مالي خلق توفل ، لاني دارسة الأيلتز وكلشي

FARASHA-Q8
28-07-2010, 11:19 PM
الايلتز سهل ولا صعب ؟؟
تنصحوني فيه ولا لا ؟؟
انا سجلت حقه بس يمكن الغيه لانه صعب ! الغيه ولا لا ؟؟

كما الريشة
28-07-2010, 11:30 PM
الايتيز اسهل من توووفل بس قدموا علي الاثنين او دشوا علي مواقع الجامعات اللي مقدميلها و شوفوا شنو يبون

FARASHA-Q8
29-07-2010, 12:14 AM
انا الجامعه اللي ابيها تقبل الاثنين بس قبولها صعب مابي اتوهق

Mas
29-07-2010, 01:05 AM
السلام عليكم و رحمة الله وبركاته،،

انا انقبلت هندسة كمبيوتر بامريكا،، و توني ما وديت الملف لاني متوهقه شوي بالجامعات و يقولون لازم اختار مكتب ثقافي واحد.. فمتوهقه شوي..

شرايكم اي جامعه اختار !!
اللي تبع واشنطن :
goerge washington university
boston university
florida international university
northeastren university
university of florida
ohio state university
university of michigan-ann arbor
drexel university
university of virginia


و اللي تبع لوس انجلوس :
colorado state university
university of colorado - boulder
university of californa - irvine
washington state university

اللي لونهم احمر اهما اللي اخترتهم لحد الحين

لوول لاحظتو إنا الجامعات وااايد p;p;
لاني ماكنت متوقعه اني انقبل هندسة كمبوتر بامريكا!!!
سو بليز اللي عنده اي معلومه عن هذولي الجامعات يقولي

شكرآآآ :):)

Rose123
29-07-2010, 06:44 AM
يا حلوكم يا بنات ... ذكرتوني بحالتي السنة اللي فاتت ، كنت نفس الشي خايفة وأحاتي ، وما بقى موقع على الانترنت يتكلم عن الدراسة بأمريكا ما تصفحته .. وآنا ألحين بأمريكا ، وعدت أول سنة على خير .. أقولكم لا تحاتون سهالة انشالله ، بس أهم شي استحملوا أول فترة ، لأنكم راح تعانون من الـ home sick يعني الحنين للوطن .. آنا كنت أسمع بهالشي وأضحك عليه .. لكني عانيت منه في البداية لدرجة إني بغيت أرجع الكويت .. لكن الحمد لله عدت أول سنة على خير:)

Rose123
29-07-2010, 06:46 AM
نست أقولكم .. السيارة مهمة في أمريكا .. إهني مثل الكويت .. ما تمشي أموركم إلا بالسيارة .. لأن كل مكان بعيد عن الثاني

Rose123
29-07-2010, 06:54 AM
بالنسبة للأخوات اللي راح ايون مع أهلهم ... اشتروا جهاز ماجيك جاك عشان لما أهلكم يردون للكويت يتصلون عليكم وتتصلون عليهم .. والتكلفة شبه مجانية .. آنا شريته بـ 65 دولار وهذي قيمة الجهاز واشتراك سنة .. واتكلم مع الكويت كل يوم بالساعات ...طبعا الجهاز يكون عند أهلكم بالكويت .. ويكون رقمه أمريكي .. يعني لما تتصلون عليه كأنكم تتصلون على شخص بأمريكا .. مو مكالمة دولية...وأنصحكم لما تشترون موبايل في أمريكا ان يكون خطكم unlimited يعني تدفعون فاتورة بالشهر ، ما يحاسبونكم على الدقايق .. آنا أدفع 79 دولار ..وأتكلم كثر ما أبيx:D

كما الريشة
29-07-2010, 01:50 PM
مشكوووووووره علي النصايح

كما الريشة
29-07-2010, 01:52 PM
السلام عليكم و رحمة الله وبركاته،،

انا انقبلت هندسة كمبيوتر بامريكا،، و توني ما وديت الملف لاني متوهقه شوي بالجامعات و يقولون لازم اختار مكتب ثقافي واحد.. فمتوهقه شوي..

شرايكم اي جامعه اختار !!
اللي تبع واشنطن :
goerge washington university
boston university
florida international university
northeastren university
university of florida
ohio state university
university of michigan-ann arbor
drexel university
university of virginia


و اللي تبع لوس انجلوس :
Colorado state university
university of colorado - boulder
university of californa - irvine
washington state university

اللي لونهم احمر اهما اللي اخترتهم لحد الحين

لوول لاحظتو إنا الجامعات وااايد p;p;
لاني ماكنت متوقعه اني انقبل هندسة كمبوتر بامريكا!!!
سو بليز اللي عنده اي معلومه عن هذولي الجامعات يقولي

شكرآآآ :):)




نصيحه روحي الاتحاد و هم ينصحووونج باي جامعه دشين و انارحت اهناك و حطولي الجامعات اللي تناسبني

Dr.shosho
30-07-2010, 03:24 PM
موفقين يارب

محد يدرس بهارفرد ؟؟

والله مااعندي فكره بس انشاءالله الاعضاء يفيدونج

لول بتسوون قروب تحالف
عز الله بتخربون الاجانب ابجاي الضحى الحش بيووووصااال لي السما
"هاو ما شفتي ريل آشلي طلع بشتغل زبال و اهي دكتوره تدرس ويييه شلوون ترضى فيه" ياااااااااااااااو:\\

لول اتغشمر معاكم
عسى الله يوفقكم و تردون سالمين لاهاليكم:)

لوووووووول انشاءالله اجمعين
حراام عليك عااد مو لي هدرجه :p



لا والله الا دج الشعب الأمريكي اذا مني ام بهذلينا بسواقه يأله نعلمكم شلون مناك انا اقول لو تأخذون قواري احسن لكم واوفر ترى مناك الدعوه فري وناسه اهم شي حطي تيبي تواير القاري وقحصي عليه (لووووووووووووووول)


وهذا هم موقع بعد حق السكن وكاتبين وصف البيت واللي ساكنين فيه وكل شي وجم سعره وجم يبعد عن محطة الباص
انتم بس اكتبو اسم الولايه وعلى فكره ترى اهوى لكل الدول في مربعين اكتب الدوله اللي تبيها والمنطقه

[Link nur für registrierte Benutzer sichtbar]

وهم هذا موقع لأسعار العملات في مربعين المربع الأول حطو اسم الدوله اللي بتعرفين سعر عملتها وتحت اسمك دولتك ( الكويت) وهم فوق في مربع اصغير اكتبو فيه جم العمله اللي عندك وتطلع جم بعملت دولتك

[Link nur für registrierte Benutzer sichtbar]



ســـٍافروٍ وترجـــُعوا بسلامــه أنشـــٌأأأللـــٌهٍ

لووووووووول ثاانكس على مواقع السكن
عااد قواري مره وحده
لالالالا بروستيجنا مايسمح لنا :p



بالتوفيق حبايبي ،




جامعات امريكا مو بعضهم يقبلون ايلتز ولا اغلبهم تووفل ؟ ؟؟؟؟؟؟؟


واي بقدم شواغر وبخلي شغلي جاهز ،

مالي خلق توفل ، لاني دارسة الأيلتز وكلشي

انا انصحج قدمي الاثنين لانه مو كل جامعات امريكا تقبل الايلتز

الايلتز سهل ولا صعب ؟؟
تنصحوني فيه ولا لا ؟؟
انا سجلت حقه بس يمكن الغيه لانه صعب ! الغيه ولا لا ؟؟

والله على حسب ماسمعت انه الاغلبيه تقول انه الايلتز اسهل
بس عموما الايلتز او التوفل يحتاج وحده عندها لغه شوي

Dr.shosho
30-07-2010, 03:29 PM
السلام عليكم و رحمة الله وبركاته،،

انا انقبلت هندسة كمبيوتر بامريكا،، و توني ما وديت الملف لاني متوهقه شوي بالجامعات و يقولون لازم اختار مكتب ثقافي واحد.. فمتوهقه شوي..

شرايكم اي جامعه اختار !!
اللي تبع واشنطن :
goerge washington university
boston university
florida international university
northeastren university
university of florida
ohio state university
university of michigan-ann arbor
drexel university
university of virginia


و اللي تبع لوس انجلوس :
Colorado state university
university of colorado - boulder
university of californa - irvine
washington state university

اللي لونهم احمر اهما اللي اخترتهم لحد الحين

لوول لاحظتو إنا الجامعات وااايد p;p;
لاني ماكنت متوقعه اني انقبل هندسة كمبوتر بامريكا!!!
سو بليز اللي عنده اي معلومه عن هذولي الجامعات يقولي

شكرآآآ :):)

انا انصحج تروحين مال واشنطن
لانه مال لوس انجلوس يقولون باي لحظه يصير فيها زلازل وكوارث يممه بسمله

Dr.shosho
30-07-2010, 03:39 PM
روز123 مشكوره حبيبتي على النصايح
بس انتي باي ولايه ؟؟
و اول ما رحتي سكنتي بروحج ولا عند عايله ولا سكن طلبه
وااي والله يعيطينا القوه والصبر وانشاءالله مانخق بسرعه

Rose123
31-07-2010, 08:07 AM
أولا آنا رايحة مع زوجي و عيالي ، كنت حاجزة فندق من الكويت ، وقعدنا فيه 20 يوم ، طلعت روحنا من كثر ما افترينا يالله حصلنا بيت ، بس الحمدلله الله وفقنا في البيت / مريح ، وفي منطقة آمنة ، وجيراني طيبين ، أغلبهم عرب ، آنا في ألاباما ، ما أعتقد أحد فيكم يحب اييلها .. صراحة ما فيها كويتيين ولا خليجيين ..بالنسبة للسكن ، ما أنصحكم كبنات تسكنون عند عايلة ، إحنا ديننا وعاداتنا غير عن الأمريكان ، ما يصلحون لنا ، وبعد ما أنصحكم تسكنون كل وحدة بروحها ، لأن الوحدة صعبة ، صدقوني ، وبعدين العيشة هني غالية ، لما تصيرون 2 او3 في شقة تتشاركون بالإيجار والفواتير وغيره , وتونسون بعض .. حاولوا تتعرفون على بعض ، ودخلوا على موقع الجامعة اللي انقبلتوا فيها ، إذا فيها عرب راسلوهم ، واسألوهم عن الدراسة بالجامعة ، وعن أي معلومات محتاجينها في الولاية اللي بتروحون لها ، ترى الناس هني متعاونين ، وبعدين دخلوا على موقع اتحاد طلبة الكويت في أمريكا NUKS.com وشوفوا مندوبي الاتحاد .. وسجلوا أرقامهم واتصلوا علي الشخص المسئول عن ولايتكم ..ما راح يقصرون

Rose123
31-07-2010, 08:16 AM
في شي مهم تذكرته .. بما إنكم عنكم وقت كافي ألحين قبل لا تنشغلون باجراءات السفر .. كل وحدة تحط لها دفتر للعناوين .. تكتب في عنوان السفارة الكويتية .. وأرقام التلفونات الخاصة فيهم ، وإيميلاتهم .. وإذا طلعت قبولاتكم .. كتبوا عنوان الجامعة ، وتلفوناتهم ، واسم الشخص المسئول عن الطلبة الانترناشونال ..وكتبوا عنواان الفندق اللي حاجزين فيه
وبالنسبة للسياقة هني .. ترى تحتاجون للجي بي إس ضروري .. إما تشترونه من الكويت أو من أمريكا

وانشالله كل ما أتذكر شي ، راح أكتب لكم ، وإذا عندكم أي سؤال آنا حاضرة ، لأني في يوم من الأيام كنت محتاجة لأحد يعطيني معلومات مثلكم

FARASHA-Q8
31-07-2010, 08:09 PM
يسلمو روز وما تقصرين
عساج على القوه

FARASHA-Q8
31-07-2010, 11:13 PM
جهاز ماجيك جاك وين اشتريه في بالكويت ولا بس بامريكا وفي مكان معين بامريكا يبيعونه واشلون طريقته ؟؟

Rose123
01-08-2010, 07:08 AM
جهاز ماجيك جاك اشتريته من أمريكا .. من Radio Shake وطريقته سهلة فيه وصلة USBوحدة توصلينها بجهاز تلفون عادي والثانية توصلينها بالكمبيوتر .. ولازم يكون الانترنت اللي عندك سريع عشان يكون الاتصال واضح وما يقطع الصوت ..استخدامه سهل جدا .
في شغلة مهمة : تأكدوا من صلاحية جواز السفر .. خله يكون فيه 4 سنين على الأقل عشان ما تحتاجون تجددونه وبالتالي تتأذون في نقل الفيزا من الجواز .. لأن إذا انقبلتوا انشالله راح اتسوون فيزا بالسفارة الأمريكية.. وصراحة مقابلتهم غربال ، ودكم ما تيونهم مرة ثانية .
الشي الثاني : إذا كنتي تسوقين في الكويت ، طلعي إجازة قيادة دولية ..عشان السياقة في أمريكا .. تنفعك أول الأيام لحد ما تطلعين الليسن الأمريكي .

FARASHA-Q8
01-08-2010, 05:34 PM
يسلموووووووووووووووو وماتقصرين

Dr.shosho
05-08-2010, 12:26 AM
مشكوره حبيبتي روز صج افديتنا باشيا ماكان عندنا علم عنهاا

وانشاءالله ياارب الله يسهل امورنا >>>حدي احاتي :"(

lilAngel<3
06-08-2010, 04:36 AM
لوولز ونـآإسـه وآلـله يآ حـظكم =$ !!
آنـآ قآعد وآشوف معآكم مآدري شكو آللي يقول بسٍآفر بآجر ككك !!
<= يـ آلـله إن شآ آلـله بعد سنتين لآحقكم xD !!
بس شسمآ آلسسكن مو صج عندهم .. آلـله يعينكم Lol'z !!

يـ آلـله موفقين x'D !!

شاطي ميامي
07-08-2010, 02:54 AM
الله يوفقكم ويسدد لكم الخطايا ^وتحرسكم عيون الكويت بكل ديرة وولاياه

Hope
09-08-2010, 05:50 AM
ان شاء الله موفقين ..

انتم السابقون ونحن اللاحقون .. البحر من امامنا والعدو خلفنا خخخ

الله يحفظكم ويوفقكم انشالله

هندساوي مملوح
09-08-2010, 01:41 PM
اختي انا انقبلت نفس التخصص وسجلت بجامعه اوهايو وفلوريدا ونورثكورلينا وابي رايج ...
ولا تحاتين انشالله مافي شي وترفعين راس امج وابوج بالشهاده العاليه...
اما بالنسبه حق السكن فانصح بالسكن مع عايله لان ماراح تلتزمين فيهم اذا كان ودج تغيريين..وبيني وبينج السكن بالجامعه في عقد 6 اشهر ولابد تلتزمين بالعقد..اما فرضا بتسكنين بروحج او مع صديقه لج فانصح بعد العايله..
وبالتوفيق....

Mostajedaa
24-08-2010, 03:07 AM
قووة بنات انا بسجل للدراسة على شهر 12 لما يبطل التسجيل مرة ثانية
عندي جم سؤال منو ممكن تساعدني؟

Dr.shosho
27-08-2010, 02:56 AM
هلااا والله اعضاء سوري تاخرت عليكم بالرد بس كنت مشغوله

وحمدالله طلع قبووووولي وانقبلت في فيرجينيا جامعه commonwealTH والسفره شهر 10


بشرووا انتو شصاار عليكم ؟؟!!


=)

Dr.shosho
27-08-2010, 03:07 AM
لوولز ونـآإسـه وآلـله يآ حـظكم =$ !!
آنـآ قآعد وآشوف معآكم مآدري شكو آللي يقول بسٍآفر بآجر ككك !!
<= يـ آلـله إن شآ آلـله بعد سنتين لآحقكم xd !!
بس شسمآ آلسسكن مو صج عندهم .. آلـله يعينكم lol'z !!

يـ آلـله موفقين x'd !!

لوووول لاااحق انشاءالله
وبالتوفيق لك بعد انشاءالله :)



الله يوفقكم ويسدد لكم الخطايا ^وتحرسكم عيون الكويت بكل ديرة وولاياه

تسلم انشاءالله اجمعين =)


ان شاء الله موفقين ..

انتم السابقون ونحن اللاحقون .. البحر من امامنا والعدو خلفنا خخخ

الله يحفظكم ويوفقكم انشالله


يلاااا انشاءاله بالتوفيق وتتحقق لكم امالكم يارب


اختي انا انقبلت نفس التخصص وسجلت بجامعه اوهايو وفلوريدا ونورثكورلينا وابي رايج ...
ولا تحاتين انشالله مافي شي وترفعين راس امج وابوج بالشهاده العاليه...
اما بالنسبه حق السكن فانصح بالسكن مع عايله لان ماراح تلتزمين فيهم اذا كان ودج تغيريين..وبيني وبينج السكن بالجامعه في عقد 6 اشهر ولابد تلتزمين بالعقد..اما فرضا بتسكنين بروحج او مع صديقه لج فانصح بعد العايله..
وبالتوفيق....


هلا اخوي بالنسبه للجامعات بالولايات اللي انتا مسجل فيها حسب ماسمعت انهم اوكي الحمدالله

وبالنسبه على السكن انا كلللللللش مافكر بسكن جامعه لااانه الغرف والحمام عزكم الله مشترك

فانشاءالله مع عايله او مع احد اعرفه

وانشاءالله الله يسهل علينا يااارب وبالتوفيق لك اخوي =)


قووة بنات انا بسجل للدراسة على شهر 12 لما يبطل التسجيل مرة ثانية
عندي جم سؤال منو ممكن تساعدني؟


هلاا اختي سالي باللي تبين حااضرين وانشاءالله نقدر نساعدج =)

NAJD
27-08-2010, 06:16 AM
انا اذا بدرس

بدرس طب بجامعة هارفرد :$

بس القبول فيها صعب و مو اي احد :(

بشد حيلي

و موفقيييييين :)

كويتيه بامريكا
28-08-2010, 10:40 AM
الله يوفقكم بنات

FARASHA-Q8
28-08-2010, 11:47 PM
مبرووووووك القبول Dr.shosho
والفال لنا :)

3aJeeB17
02-09-2010, 06:40 AM
طبعاا انا راح ابلش واعرفكم على نفسي

انا انقبلت هندسه كهربائيه ومفكره اني اسكن بولايه فيرجينيا او اوهايو او بنسلفانيا لانه حسب ماسمعت انه فيها واايد

كويتين وطبعا بما اني ماخذت التوفل فباخذ لي كورس لغه هنااك

وطبعاا سجلت ب 6 جامعات وهذيلاا اهما

1- varginia state university
2- varginia commonwealth university
3- ohio state university
4- university of dayton-ohio
5- drexel university
6- pennsylvania state university

وطبعاا ابوي راح يسافر وياي وبيقعد حوالي شهر وياي بعديين بيخليني بروحي :&quot;(:&quot;(

وانا مفكره اني يا اسكن عند عايله او بشقه لمه اتعرف لي على بنت تكون اوكي انشاءالله لاني اخاف اسكن بروحي :p

وبالنسبه حق استعدادي حق الغربه والله ماادري بس صااايره واايد خوافه واحاتي وكل ساعه تخنقني العبره اني ما راح اكون ويا اهلي جني ياهل ههههه بس لاا انشاءالله سهالات والله يسهل عليناا ياااااارب

ويلاااا انا بانتظار تفاعلكم مو طنشون موضوعي وتفشلوني وتحسسوني بس انا اللي متغربه :p

هااي ..

سوري علي قطت الفيس لول ..

بس حصلج نصيب مع اهايو ستيت اور نت؟

Mostajedaa
05-09-2010, 05:45 AM
شرايكم في بورتلاند - اوريغون؟

ibrahim.q8
07-09-2010, 11:15 PM
شرايكم بجامعة Wright state university
او شرايكم بالجامعات اللي مو مصنفه من قبل موقع الجامعات بأمريكا ؟

EnG.R
25-09-2010, 06:28 PM
سلاااااام
انا ياية شهر 12 انشاءالله بروح كاليفورنيا سان دييغو و تسجيلي بهالجامعة san diego state university و طبعا بدرس لغة هناك

تخصصي هندسة مدنية بس راح اكمل اكاديمي بولاية كولورادو بجامعة university of colorado _boulder

اول شي امي بتيي معاي بس بتقعد شهر و تروح بس يلا لازم اعتمد على نفسي :( :(
ومشكووووورة شوشو على هالموضوع والله كنت ادور جذيي :(

ZAINA
16-10-2010, 04:50 AM
سلاااااام
انا ياية شهر 12 انشاءالله بروح كاليفورنيا سان دييغو و تسجيلي بهالجامعة san diego state university و طبعا بدرس لغة هناك

تخصصي هندسة مدنية بس راح اكمل اكاديمي بولاية كولورادو بجامعة university of colorado _boulder

اول شي امي بتيي معاي بس بتقعد شهر و تروح بس يلا لازم اعتمد على نفسي :( :(
ومشكووووورة شوشو على هالموضوع والله كنت ادور جذيي :(

تبين نصيحتي لااااااااااااااااااااااا تحولين بولدر انا الحين فيها لغه و مو مصدقه متى يطلعلي قبول جامعه باي مكان ثاني !! صراحه ممله و ما فيها شي حدج مطعم و سينما بس و لا تقولين انا رايحه دراسه لما تجربين راح تعرفين انج مستحيل تقدرين تعيشين فيها انا تحسفت طعت كلام بنتين هني!! و بعدين قالولي وين ما تلتفتين كويتيين و لما داومت البنات الي الي باللغه معاي بس 4 حتى 3 اعرفهم من قبل و طبعا كلنا قصوا علينا يعني بس 1 يديده علي و هم شويه الشباب و سمعت بعضهم راح يحولون و طبعا الجو حدث ولا حرج الصبح برد بس اي مكان في شمس حرررر مووووووت يعني اذا طالعه الشمس حررر و خيسه و بنفس الوقت تشوفين الثلج بادي يطلع بالجبل و حر مادري شلون !! حتى مره قالنا التاكسي ان هني شبه صحرا و صج انا انصدمت لما طبت الطياره اقولهم ليش لونها اصفر من فوق!! الجامعه المكان الاخضر الوحيد.. و ما صار لشتا و بدا الثلج ينزل ليلحين بس سمعت ان اذيه و مو شي يونس بتستانسين يومين و الباجي بتعانين حتى الي خلوني ايي قالولي اروح ميامي حق الموتمر معاهم لانه محد بيقعد هني على قولتهم بالثلج ممل و ما تقدرين تتحركين! و فوق هذا قبولها صعب و يقولون الهندسه صعبه .

بس صراحه حسيت بالذنب مابي يصير فيج نفسي لول فقلت اسوي خير و انبهج لان يحقلج تغيرين مره وحده فتاكدي من المكان الي بتحولين له و موفقه.

Ahm3do
26-10-2010, 03:57 AM
تبين نصيحتي لااااااااااااااااااااااا تحولين بولدر انا الحين فيها لغه و مو مصدقه متى يطلعلي قبول جامعه باي مكان ثاني !! صراحه ممله و ما فيها شي حدج مطعم و سينما بس و لا تقولين انا رايحه دراسه لما تجربين راح تعرفين انج مستحيل تقدرين تعيشين فيها انا تحسفت طعت كلام بنتين هني!! و بعدين قالولي وين ما تلتفتين كويتيين و لما داومت البنات الي الي باللغه معاي بس 4 حتى 3 اعرفهم من قبل و طبعا كلنا قصوا علينا يعني بس 1 يديده علي و هم شويه الشباب و سمعت بعضهم راح يحولون و طبعا الجو حدث ولا حرج الصبح برد بس اي مكان في شمس حرررر مووووووت يعني اذا طالعه الشمس حررر و خيسه و بنفس الوقت تشوفين الثلج بادي يطلع بالجبل و حر مادري شلون !! حتى مره قالنا التاكسي ان هني شبه صحرا و صج انا انصدمت لما طبت الطياره اقولهم ليش لونها اصفر من فوق!! الجامعه المكان الاخضر الوحيد.. و ما صار لشتا و بدا الثلج ينزل ليلحين بس سمعت ان اذيه و مو شي يونس بتستانسين يومين و الباجي بتعانين حتى الي خلوني ايي قالولي اروح ميامي حق الموتمر معاهم لانه محد بيقعد هني على قولتهم بالثلج ممل و ما تقدرين تتحركين! و فوق هذا قبولها صعب و يقولون الهندسه صعبه .

بس صراحه حسيت بالذنب مابي يصير فيج نفسي لول فقلت اسوي خير و انبهج لان يحقلج تغيرين مره وحده فتاكدي من المكان الي بتحولين له و موفقه.
اول شي اعتذر، لأن ادري قروب بنات .. ومو مسموح لي اشارك ..
ولكن هالمشاركة وايد شدتني .. ومضطر اني ارد عليها ..

بدايةً
مع احترامي لج يا استاذة زينه .. انتي اول انسان ينتقد بولدر بهالطريقة ..
انه تمنيتج رايحه كانساس .. رايحه اكلاهوما .. رايحه كنتاكي .. بس عشان تشوفين انج قاعده بنعمـــة .. محسوده عليها ..
انتي ما تدرين شكثر يبون مكانج بهالمنطقة ..
أول شي .. اذا بتقولين "حررررررررر" مستحيل تقارنينه بحر الكويت .. لأن حر بسيط .. بو ساعة ساعتين .. بعدين يقلب الجو بارد . وهل بتقارنين حرها ( بفلوريدا؟ وكاليفورنيا؟ وتكساس؟ الي يكثر فيها الاماكن السياحية الي ماخذه عقلج وبالج؟)
ثاني شي .. على موضوع السينما ومطعم .. اغلبية الطلبة هذي حالتهم بالويك اند .. سينما مطعم مطعم سينما .. الا من رحم ربي ( شباب فلوريدا كاليفونيا تكساس ) المناطق الي تكثر فيها اماكن الترفيه
ثالث شي .. انتي بكولورادو .. وكولورادو معروفه .. بينج وبين دنفر 30 دقيقة .. عندج دنفر؟ فيها متاحف (قريب من قولدن متحف ديناصورات مكان اكتشاف الديناصورات) .. فيها حدائق ولا احلى .. فيها داون تاون تحسدون عليه خاصةً بالاعياد .. مثل الهالوين .. فيها مجمعات الجريكريك..
رابع شي .. على موضوع كل ما تلتفتين كويتيين .. كولورادو فيها النسبة الاكبر من البنات .. قولدن فيها بنتين .. فورت كولنس اتوقع فوق الـ 5 .. بولدر انتي ادرى وعلى كلامج 5 .. اقل شي تقدرين تسوينه دام انج وايد محتاجتهم .. تتصلين على الملحق الثقافي ..ممكن ارقام البنات الموجودين بكولورادو .. بيعطونج لستت ارقام .. بامكانج تتصلين عليهم .. وتتيمعون مع بعض تروحون مطعم .. او تتيمعون بسكن وحده فيكم .. او تطلعون الداون تاون .. وصدقيني بتكون من احلى الطلعات .. وراح تكرر اكثر من مره لين تصيرون قريبات من بعض .. يوم انتو تزورونهم يوم اهمه يزورونكم
خامسا .. بولدر منطقة بين جبال .. كافي المناظر الي حواليج .. الي الاف الكويتيين يحسدونج عليهم .. ومئات الطلبة (بآميركا) ودهم بس يصير عندهم عطلة .. عشان يزورونكم؟ وإنتي مو عاجبتج؟؟
سادسا .. انتي طالبة بعثة من دولة الكويت .. ومعروفة بعثات الكويت .. 95% من الجامعات المعتمدة بالتعليم العالي .. من الجامعات المميزة .. وقبولها مو سهاله .. اذا على سي يو بولدر قاعده تتحلطمين؟ لو قطوج بـ Colorado School of Mines شنو بتسووين انتي؟؟؟ الي كل الطلبة الكويتيين هناك يعانون وبس يبون يتخرجون منها!! .. الي بالويك اند .. انتي رايحه سينما ومطعم على قولتج .. واهمه ماسكين الكتاب؟ مو قادرين يغيرون جو ؟؟؟؟!
سابعا .. عفوا شنو الي لونها اصفر؟ لوول .. يعني بالذمة .. على وشك شتاء ..! شتبين يكون لونها اخضر؟ أو احمر؟؟؟ .. كل موسم وألوانه .. لو آنه مكانج .. احمد ربي ان في 4 فصول يمرون علي بالمنطقة .. مو فصلين بالديرة ( شتاء وصيف ) والمطر بالحسره .. ثاني شي كولورادو يمر فيها سلسلة جبال الروكي؟ كل مكان جبال ومرتفعات .. شتبين اكثر من جذي ..

تدرين شنو المشكلة ..؟ إن انتي مارحتي وشفتي الولايات الثانية .. عشان تقولين الحمدلله يارب .. تبين تستانسين اوكي .. ماقلنا شي .. بس مو بهالطريقة ..! اذا كولورادو مو عاجبتج!؟ شنو بيعجبج؟؟؟؟ غريب أمرج .. بس آنه اتمنى تفضين نفسج نص ساعه ..
وتقرين على الولاية الي انتي فيها .. لأن اتوقع ما قريتي عنها شي .. تفضلي
[Link nur für registrierte Benutzer sichtbar]


شكرا

ZAINA
26-10-2010, 07:16 AM
اول شي اعتذر، لأن ادري قروب بنات .. ومو مسموح لي اشارك ..
ولكن هالمشاركة وايد شدتني .. ومضطر اني ارد عليها ..

بدايةً
مع احترامي لج يا استاذة زينه .. انتي اول انسان ينتقد بولدر بهالطريقة ..
انه تمنيتج رايحه كانساس .. رايحه اكلاهوما .. رايحه كنتاكي .. بس عشان تشوفين انج قاعده بنعمـــة .. محسوده عليها ..
انتي ما تدرين شكثر يبون مكانج بهالمنطقة ..
أول شي .. اذا بتقولين "حررررررررر" مستحيل تقارنينه بحر الكويت .. لأن حر بسيط .. بو ساعة ساعتين .. بعدين يقلب الجو بارد . وهل بتقارنين حرها ( بفلوريدا؟ وكاليفورنيا؟ وتكساس؟ الي يكثر فيها الاماكن السياحية الي ماخذه عقلج وبالج؟)
ثاني شي .. على موضوع السينما ومطعم .. اغلبية الطلبة هذي حالتهم بالويك اند .. سينما مطعم مطعم سينما .. الا من رحم ربي ( شباب فلوريدا كاليفونيا تكساس ) المناطق الي تكثر فيها اماكن الترفيه
ثالث شي .. انتي بكولورادو .. وكولورادو معروفه .. بينج وبين دنفر 30 دقيقة .. عندج دنفر؟ فيها متاحف (قريب من قولدن متحف ديناصورات مكان اكتشاف الديناصورات) .. فيها حدائق ولا احلى .. فيها داون تاون تحسدون عليه خاصةً بالاعياد .. مثل الهالوين .. فيها مجمعات الجريكريك..
رابع شي .. على موضوع كل ما تلتفتين كويتيين .. كولورادو فيها النسبة الاكبر من البنات .. قولدن فيها بنتين .. فورت كولنس اتوقع فوق الـ 5 .. بولدر انتي ادرى وعلى كلامج 5 .. اقل شي تقدرين تسوينه دام انج وايد محتاجتهم .. تتصلين على الملحق الثقافي ..ممكن ارقام البنات الموجودين بكولورادو .. بيعطونج لستت ارقام .. بامكانج تتصلين عليهم .. وتتيمعون مع بعض تروحون مطعم .. او تتيمعون بسكن وحده فيكم .. او تطلعون الداون تاون .. وصدقيني بتكون من احلى الطلعات .. وراح تكرر اكثر من مره لين تصيرون قريبات من بعض .. يوم انتو تزورونهم يوم اهمه يزورونكم
خامسا .. بولدر منطقة بين جبال .. كافي المناظر الي حواليج .. الي الاف الكويتيين يحسدونج عليهم .. ومئات الطلبة (بآميركا) ودهم بس يصير عندهم عطلة .. عشان يزورونكم؟ وإنتي مو عاجبتج؟؟
سادسا .. انتي طالبة بعثة من دولة الكويت .. ومعروفة بعثات الكويت .. 95% من الجامعات المعتمدة بالتعليم العالي .. من الجامعات المميزة .. وقبولها مو سهاله .. اذا على سي يو بولدر قاعده تتحلطمين؟ لو قطوج بـ colorado school of mines شنو بتسووين انتي؟؟؟ الي كل الطلبة الكويتيين هناك يعانون وبس يبون يتخرجون منها!! .. الي بالويك اند .. انتي رايحه سينما ومطعم على قولتج .. واهمه ماسكين الكتاب؟ مو قادرين يغيرون جو ؟؟؟؟!
سابعا .. عفوا شنو الي لونها اصفر؟ لوول .. يعني بالذمة .. على وشك شتاء ..! شتبين يكون لونها اخضر؟ أو احمر؟؟؟ .. كل موسم وألوانه .. لو آنه مكانج .. احمد ربي ان في 4 فصول يمرون علي بالمنطقة .. مو فصلين بالديرة ( شتاء وصيف ) والمطر بالحسره .. ثاني شي كولورادو يمر فيها سلسلة جبال الروكي؟ كل مكان جبال ومرتفعات .. شتبين اكثر من جذي ..

تدرين شنو المشكلة ..؟ إن انتي مارحتي وشفتي الولايات الثانية .. عشان تقولين الحمدلله يارب .. تبين تستانسين اوكي .. ماقلنا شي .. بس مو بهالطريقة ..! اذا كولورادو مو عاجبتج!؟ شنو بيعجبج؟؟؟؟ غريب أمرج .. بس آنه اتمنى تفضين نفسج نص ساعه ..
وتقرين على الولاية الي انتي فيها .. لأن اتوقع ما قريتي عنها شي .. تفضلي
[Link nur für registrierte Benutzer sichtbar]


شكرا



شكرا على ردك و حياك الله اي وقت .. هذا رايي و هذا الواقع الي عايشه فيه و مازال موجود للاسف لول

و انا اتكلم عن بولدر و صح ما شفت ولايات ثانيه بس سمعت و شفت بالانترنت بس انشالله رايحه ميامي بعد شهر و اذا مهم اني اقارن بقارن .. و ضحكت على جبال الروكي اوكي انا كل يوم اشوف جبل من بعيد و بعدين بقعد اجابله و اقول الله جبال الروكي ؟؟ ماراح اروح استكشف الجبل طول اليوم شنو المتعه الي بالموضوع ؟؟ و بالنسبه للبنات اعرف كل البنات سواء الي باللغه ولا الي بالجامعه و عددهم قليل ! و بالنهايه الناس اذواق و كل واحد حر يعبر عن رايه :)

Ahm3do
26-10-2010, 11:32 AM
شكرا على ردك و حياك الله اي وقت .. هذا رايي و هذا الواقع الي عايشه فيه و مازال موجود للاسف لول

و انا اتكلم عن بولدر و صح ما شفت ولايات ثانيه بس سمعت و شفت بالانترنت بس انشالله رايحه ميامي بعد شهر و اذا مهم اني اقارن بقارن .. و ضحكت على جبال الروكي اوكي انا كل يوم اشوف جبل من بعيد و بعدين بقعد اجابله و اقول الله جبال الروكي ؟؟ ماراح اروح استكشف الجبل طول اليوم شنو المتعه الي بالموضوع ؟؟ و بالنسبه للبنات اعرف كل البنات سواء الي باللغه ولا الي بالجامعه و عددهم قليل ! و بالنهايه الناس اذواق و كل واحد حر يعبر عن رايه :)

هذا الواقع الي عايشه فيه ( إنتي ) .. يعني صراحة يوم انج نصحتي البنات وقلتي لهم .. المفروض ما تكون بهالطريقة .. يعني الافضل ان تعددين الاسباب .. مو والله سينما ومطعم والمنطقة مو حلوه!؟ لوول ..

وعلى فكرة بالعكس احترام الاذواق مطلوب .. والانتقاد هم مطلوب .. والي ما يحترم اذواق الاخرين هذا ماعنده سالفة..

بس الانتقاد مايكون بهالطريقة .. لأن طريقتج مو واضحة .. وماعرفنا شنو الي مو عاجبج فيها بالضبط؟ نبي سبب مقنع ماكو ..

يعني قلتي حرر؟؟ والصدمة انج رايحه فلوريدا ;p تناقض صراحةً .. وعلى كلامج واضح انج بالكويت ساكنه فوق جبل الاندلس .. وزهقانه من الجبال والطبيعة الخلابه والجو الشاعري المطل على انهار السرة ومشرف ;p..

موفقه خير ان شاءالله .. وشدي حيلج بفلوريدا ..
تحياتي لج

ZAINA
29-10-2010, 05:10 AM
لووووول لا تعليق و الوناسه الي بفلوريدا تنسيني الحر و طوايفه ;)

Ahm3do
01-11-2010, 08:25 PM
إي مثل الحالة تقريبا, لأن البرد والجبال الي بكولورادو .. نستني البرد وطوايفه ;p

موفقه بفلوريدا, استاذة وناسة.

بوعلي
10-11-2010, 03:47 PM
سؤال بس للاخت زينة

انتي رايحة تستانسين وتطلعين واسوقة ومطاعم
ولا رايحة دراسة ؟
اتمنى انه مايكون تفكيرج بس اسوقة ومطاعم واماكن ترفيه !!
اذا تبين هالامور ووايد شاغلة بالج فيهم جان رحتي شيكاغو وفكيتي عمرج !!

وانا الصراحة استغرب اذا بنت جذي تفكيرها ! هديتي كل شي وراكضة ورى الوناسة .. الخ وهالمرة وانتي بامريكا بعد !



سلآم

usa-mon
11-11-2010, 02:51 AM
ماكووووووووووو احد بشيكاغو زهقت بروحي ماكو احد

star Washington
14-11-2010, 01:01 PM
اللي محتاجه قبول لغه فقط او اكاديمي مشروط
بواشنطن دي سي/وست فرجينيا/اركانسس
تكاليف الابلكيشن فقط
نعين ونعاون

star Washington
14-11-2010, 01:29 PM
طبعاًً بعد أذن ادارتنا العزيزه

FARASHA-Q8
15-11-2010, 12:50 AM
سلام عليكم
حبيت اعرف الجامعه ممكن تقبل اقل بالايلتز من اللي اهما طالبينه ؟
يعني انا يايبه 5 واهما يبون 6 في مجال يقبلوني ؟؟
والجامعه اهيا يونيفيرستي اوف واشنطن اب سياتل ؟
ويعطييج العافيه وماتقصرين

ZAINA
17-11-2010, 10:48 AM
الي قالوا مستغربين انا ابي وناسه .....الخ ! انا لو بدور وناستي على قولتكم جان ما غامرت و ييت بولدر و انا ما اعرفها .. انا تكلمت لاني شفت كلام بس الصج كلام ثاني فحبيت انبه على هالشغله بس هذا كل ما في الموضوع و الي بيسمع يسمع و الي مو حاب صحتين على قلبه بولدر ما راح تفرق معاي :)

شاطي ميامي
11-02-2011, 01:30 AM
الله يوفقج يارب وصراحه ادمعة عينى من كلامج والله الله يحفظج وتردين بالسلامه

جمالي يجنن
18-02-2011, 01:41 PM
انا ابي ادرس لغة هالصيف بس شنو احسن معهد او جامعه ادرس لغة عندها ؟
وبالبداية وين اروح ومنو اسأل ؟؟