المساعد الشخصي الرقمي

مشاهدة النسخة كاملة : تجمع طلبة الهندسة للاستفسار عن المواد +الدكاترة,,


LoLiTa
08-07-2010, 10:12 AM
السلام عليكم...

بما ان التسجيل للفصل الاول قرب او نقدر نقول بدا فعليا ..,,<< @^@


فتحت هذا الموضوع للاستفسار عن المواد وافضل الطرق لدراستها + احسن نوت او مذكرات للمادة + طريقة الدكتور في

الشرح والدرجات وهكذا,,

وان شاء الله اشوف تفاعل في هالموضوع ,, << ولا بزعل لوووول x:D

واهم شي التقييم يكون بحيادية وبدون تجريح ,,(F)

وانا ببدي..
:cool:


ودي استفسر عن مادة البروبليتي..

اللي منزلينها : ماجد الديحاني-فؤاد قاسم-فواز عبدالملك-احمد بوشهري..

منو الافضل وطريقته في المادة من حيث الشرح و توزيع الدرجات ؟؟


وشكرا لحسن استماعكم,,,

Anonymous
08-07-2010, 01:35 PM
يعطيج العافيه

انشالله الطلبة يتفاعلون معاج

تم التثبيت : )

LoLiTa
08-07-2010, 09:15 PM
مشكورررررررة سوسا الله يعافيج على التثبيت ما قصرتي,, :)

مجهووود تشكرين عليه,,


يالا وينكم يا طلبة الهندسة ؟؟

LoLiTa
09-07-2010, 10:04 PM
شدعوة يا جماعة 22 مشاهدة ولا رد @@,,,

ولا ماكوووووووو طلبة بهالمنتدى,,!!

LoLiTa
10-07-2010, 08:10 PM
uuuuuuuuuuuuuuup

LoLiTa
13-07-2010, 12:28 AM
على الاقل رفع للموضوع مو فوق ال50 مشاهدة بدون حتى ولا رد,,

Eng.Hadeel
26-07-2010, 03:12 PM
جزاج الله الف خير ..

والله ما عندي فكرة انا مستجدة بعد

حبيت اسأل عن دكتور بالعلوم :&quot;(

اسمه حسن رأفت دكتور الفيزيكس ..

يا ليت تفيدوني لأني اخذت عنده وما اعرف اذا زين ولا مو زين (F)(F)

عاشق البلوغرانا
31-07-2010, 12:07 AM
اتمنى ان هالموضوع يتحرك شوي لان ما بقى شي

على التسجيل :(

LoLiTa
05-08-2010, 02:46 PM
ما توقعت عقب هالغيبة الموضوع للحين واقف,,

على العموم اللي عنده اي استفسار عن الدكاترة يحطه هني,,

LoLiTa
05-08-2010, 02:47 PM
هذا تقييم حسن رافت :

لنجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 101 التاريخ: 2010-07-29
الطالب: montaser رقم التقييم: 21454
على راسي هالدكتور وانصح فية وايد لان فيزياء 1 عندة احلي اهو والجناعي وايد زينين نوتة وايد زين ويشمل 95% من الامتحان اذا كان كندك نوت حسن رأفت وعدنان الجناعي تطلع منها a

- النجوم:
- المستوى: متوسط الصعوبة
- الشرح: شرح غير مفهوم
- حصلت على: C
ننصح به
المـادة: فيزيا 1 التاريخ: 2010-07-20
الطالب: السندريلا رقم التقييم: 21366
دكتوور حبوب صج ان عنيييييييد ورااااسه يااااااااااااااااابس بس والله الحق ينقال تصليحه رووعه والله ماكان يحاسب عالناتج تلقاه ينقصك بعدين يراع ورقتك تلقاه يحطلك +1 وتصليحه والله رووعه ومو واايد يعطي كويزاات مادري ينسى مادري شسالفته بس فجاه جذي يعطيك مرات مره وحده عنده مرتين امتحنت كويز مره بجابتر 1 كان سؤال اختياري ومره بجابتر 4567 جنه مد تيرم كااان الكويز صج يخرع كان بس انحل لوول وبالمحاظرات يعطيك بونصاات واايد بس ترا هذي حضورك يعني لو ماتحل البونص عادي يحطلك 10 حضور

- النجوم:
- المستوى: متوسط الصعوبة
- الشرح: شرح متوسط
- حصلت على: C
ننصح به
المـادة: فيزياء 1 التاريخ: 2009-04-24
الطالب: المهندسه المتفائله رقم التقييم: 17131
دكتووور عجيييب
طيب ويشرح إلي يقدر علييه
تصليييحه حلوو
يحاول كثر ما يقدر يساعد الطلبة ويوصل المعلومة
مرات أفهم منه
ما يعطي كوزات إلا ما ندر
يرفع قريد

- النجوم:
- المستوى: متوسط الصعوبة
- الشرح: شرح غير مفهوم
- حصلت على: F
لا ننصح به
المـادة: فيزياء 1 التاريخ: 2009-01-13
الطالب: klbdny رقم التقييم: 15981
دكتور ماله داعي ان يدرس عمره ما فهمنا شي عدل يعني حرام ضيعت كورس من حياتي عنده

- النجوم:
- المستوى: متوسط الصعوبة
- الشرح: شرح ضعيف
- حصلت على: D
ننصح به
المـادة: فيزكس 1 التاريخ: 2008-08-08
الطالب: eng.maryam رقم التقييم: 14887
الدكتور بالنسبه للشرح موذاك الزود شرحه
اهو يساعد لكنه ما يعرف شلون يساعد الطلبه

يحب اللي يقوله مو فاهم يعيد ويزيد ويحب
اكثر شي اللي كل يوم راز فيسه عنده بالمكتب
يعني اذا كل يوم رزيت ويهك عنده بالمكتب
وسألته وسولفت وياه ولو يحصلك باليوم روحله
اكثر من مره يرحب فيك وايد وتضمن النجاح

كوزاته لا تحاتيها يعني يحل نصها ومرات
جماعي او يعطيكم هنت قوي يعني سهالات

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: C
لا ننصح به
المـادة: فيزكس 1 التاريخ: 2008-02-09
الطالب: zidaneez رقم التقييم: 13209
يالله على هالدكتور شنو يموت من الملل ومايفهم
بصراحه من بداية الكورس ماسمعته قال شي مفيد
يشرح مفاهيم دارسينها ماني قايله بالثانويه ...الا بالمتوسطه بعد وآخر شي الامتحان يشق شق واهو يقول كله ماخذينه
...

- النجوم:
- المستوى: صعب
- الشرح: شرح ممتاز
- حصلت على: C
ننصح به
المـادة: فيرزياء101 التاريخ: 2008-01-14
الطالب: كيميائيــه رقم التقييم: 12535
بصراحه الظليمه شينه

الدكتور كبير بالسن لكنه يعطي من قلب

يشرح مره ومرتين وثلاث ويعيد هذا غير انه يرحب فينا لي رحنا المكتب

وبالنسبه للكوزات اهوو اقصااه كوزين طول الكورس امتحناه واحد بجابتر 5 والثاني 7

يعني شيء لايذكر والاسئله حيل مباشره

وبالنسبه للدرجات انا صارلي موقف معاه بالمدتيرم الثاني الافرج كان 13 والمصيبه انا من بين بد البنات الي بالسكشن ماخذه 5 صج صج زعلت وحسيت حقدت عليه

حتى يوم رحت له المكتب قال بعظمة السانه انه درجتج موزينه وراجع الامتحان لكن مازيدني وايد صرت 7.5 معني دارسه وذابحه عمري مني حسيت باحباط قلت خلاص راح اعيدها بس الحمدلله عديتها

الواضح انه مو اهو الي يصلح الامتحان المعيده اهي الي تصلح فانصحكم عقب كل مدتيرم راجعووه

وبالنسبه لدرجات الفيزياء هالكورس اعلى الدرجات عند دكتور حسن بالقريد يعني صج خسراانالي مايسجل عنده

وبالنهايه الفيزيا يبيلها مجابل صرااحه الماده نفسها تهد الحيل

لكن الدكتور لاغبار عليه وان لقيتوو الشبعه مبطله لاتفووتكم

- النجوم:
- المستوى: صعب
- الشرح: شرح متوسط
- حصلت على: B
ننصح به
المـادة: 101 التاريخ: 2007-09-18
الطالب: samar1 رقم التقييم: 11756
دكتور جيد ،يشجع الطلبة على الدراسة ويعطي اكثر من كوز ، ويخلي الواحد غصب ينتبه في المحاضرة لانه يعطي كوز في الدرس الجديد بس حله جماعي......................والله يوفقكمز

- النجوم: لا يستحق نجوم
- المستوى: صعب
- الشرح: شرح ضعيف
- حصلت على: F
لا ننصح به
المـادة: فيزيا 101 التاريخ: 2007-06-15
الطالب: ENG رقم التقييم: 10406
لا أحد يسجل عنده ... ما يفهم وتصليح مو زين ..كل يقول بونص و آخر شي ماكو شي ...
اللي بخاطره يعيد الفيزيا يسجل عنده
شرح جدا جدا ضعيف .....

- النجوم:
- المستوى: صعب
- الشرح: شرح غير مفهوم
- حصلت على: D
لا ننصح به
المـادة: فيزيا أ التاريخ: 2007-02-06
الطالب: Angela رقم التقييم: 8786
في شي واااحد يبط جبدي فهالدكتور !! يا ربي يدش القاعه معاه بس كلكوليتر بسسسس !!!!

وشرحه عفسه وكوزاته من امها صعبه !

وما يعطي دراجات ولا يسوي كيرفات ..
- النجوم:
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: فيزياءA التاريخ: 2006-09-14
الطالب: كتكوتة رقم التقييم: 7237
دكتور مو زين .. وما يفهمّ عدل .. وخربوطة .. وكلامه كله انجليزي مصري .. يعني .. زس از :)

- النجوم:
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: 101 التاريخ: 2006-09-10
الطالب: منار رقم التقييم: 7070
اسوء دكتور بالعالم

ما ابي اكتب كلام اكثر من هذا

- النجوم:
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: 101 التاريخ: 2006-08-26
الطالب: ManaR رقم التقييم: 6748
كل يوم يقول بونص وبونص واخر شي الشعبه كلها ساقطه شرحه ممل وينوم

- النجوم:
- المستوى: صعب
- الشرح: شرح غير مفهوم
- حصلت على: F
لا ننصح به
المـادة: فيزياء1 التاريخ: 2006-08-13
الطالب: ؟؟؟ رقم التقييم: 6557
عدم التنظيم بالشرح

عاشق البلوغرانا
06-08-2010, 06:33 PM
ابي تقييم حق حسين المطيري يدرس انجليزي بكليه الهندسه

محمد العقاد يدرس فيزيا

LoLiTa
06-08-2010, 06:47 PM
محمد العقاد اللي اعرفه عنه انه عادي يعني احسن من غيره وهذا تقييمه:

النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: 101 التاريخ: 2010-06-09
الطالب: deisler رقم التقييم: 20600
مستغرب من اللي ينتقد البروفوسور ..
ما شاء الله عليه ممتاز في كل شي وما قصر !

صحيح إن محاضراته تنوم بس طيب ويعطي درجات ..
وغير جذي الأسايمنت ياخذ أفضل 7 وأسوء 3 يحذفهم !
قليل دكاتره يسوون هـ الشي ، وكوزات ماي وكلها في نوتاته إنت ما عليك سوى إنك إداوم ..

وفي مرة إمتحنا كوز رقم 9 وكان الحضور بس 5 قال إنتو الـ 5 راح تاخذون 10 من 10 في الكوز رقم 10 ..

طيب وحبوب ،
والله يوفقك يا دكتور

- النجوم:
- المستوى: صعب
- الشرح: شرح ضعيف
- حصلت على: B
لا ننصح به
المـادة: 0430101 التاريخ: 2010-05-20
الطالب: al_3aidaroos رقم التقييم: 20508
دكتور طيب واخلاق عاليه وحبوب يتساهل بالغياب وايد وكويزاته سهله .
بس شرحه مووشي ومايعطي مسائل وايد
وانا كل امتحان اروح له اشوف مطوف لي سؤال ولا مصحح لي غلط . ساعات يغلط بالجمع فنصيحتي جيكو عالامتحان بعد التصحيح عادي تلقون 2 او 3 درجات مو حاسبهم

- النجوم:
- المستوى: صعب
- الشرح: شرح متوسط
- حصلت على: F
لا ننصح به
المـادة: فيزياء1 التاريخ: 2009-08-12
الطالب: f1sh رقم التقييم: 18565
أحسن من غيره

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: 101 التاريخ: 2009-08-02
الطالب: mrgucci رقم التقييم: 18509
ااااااخ على الي كان السبب و خلاني اخذ عند العقااد
كنت توني داش الجامعه و مستانس و بعدين تحسفت اني دشيت الجامعه بسبته
الدكتور كلش ماكو شرح يكتب مسائل من عنده و فجأه تطفي البطارية و يوقف بمكانه
ما اقول الله ياخذ الي سجلتلي عنده
المشكله كنت توني داش اول كورس يعني ما اعرف شي :"(

- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: physics 121 التاريخ: 2009-07-01
الطالب: moon رقم التقييم: 18163
الدكتور مشالله عليه يكتب بالسبوره ويعلق عل المسأله يعطيك بو خمس دقايق وإهو واقف

مرات ينكت بس بالغصب تضحك عليه
المهم الدكتور عطانا نظام تصحيح بالميدتيرمات غير عن الفاينل وهذا السبب إلي خلاني أنزل عن ال أ
المهم تناقشه يوم يطلع من الشرح تحس تكلم نفسك ويهدك ويمشي ولا جنك قاعد تكلمه وتنصدم إنك قاعد تسأل الهوا!!
بالنسبه حق الشرح زين بعض الشي ولو إنه بس يكتب المسائل يعني بشكل عام ما يعتبر شرح يعني

حط بالك لا يحلك مسأله غلط

لا تناقشه وإهو يمشي يفشلك والله ما أحس إن هذي أخلاق الدكاتره ولا البشر
شنو تمشي ويكلمك من ورا ظهره إحنا شنو !!؟؟

المهم الله يسامحه على إلي سواه

وصراحه إهو نوت فير -غير عادل- بسالفة الحضور والغياب وتقييم الطلاب بالنهايه يعني أنا مداوم ما عطاني حقي

وبالنسبه له ما يجيك على طلبته لدرجة إن كان في طالب إيي القاعه ويمتحن عن واحد من ربعي

ما أدري شالإسلوب بس بصراحه يموتك قهر


إلي يحبه ولاحظته
تضحك عليه يوم يضحك
تقعد جدام
تداوم يوميا
تقرق ولو إنك مو فاهم تسوي نفسك بروفيسور وتناقشه بالكلاس

ديرو بالكم ترا الكورس عنده يبدا بهدوووووء وبعدين عاصفه


الله يوفقكم ويصلح هالدكتور
بس ما أقول إلا
الله يسامحه
الله يسامحه
الله يسامحه

- النجوم:
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: فيزياء 1 التاريخ: 2009-05-05
الطالب: donot-be-saad رقم التقييم: 17332
دكتور غريب الأطوار ... ما يعرف يشرح أبدا أبدا ... ما شميت منه درجة ... ماقول الا انجو بانفسكم منه

- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: فيزياء101 التاريخ: 2008-08-03
الطالب: decision maker رقم التقييم: 14823
شرحه احسن من غيره

مصطل حده بالتصحيح اذا الناتج المهائي غلط ومحلول بطريقة جديده غير النموذج يحطصفر



انا نسي يحطلي درجة السكند ميدتيرم وحط -B
بعدين راجعته وبيقولي معرفش ازاي دي دروب من هنا هعههعهع

- النجوم:
- المستوى: صعب جدا
- الشرح: شرح جيد جدا
- حصلت على: D
ننصح به
المـادة: فيزيا 101 التاريخ: 2008-01-15
الطالب: Q8_NuNo رقم التقييم: 12548
كوزاته صعبة حيل..

يزيد درجات بس مو بالهبل!!

بشعبتنا ماشفت لا A ولا Bحتى عقب الكيرف!!

بس مو غلطته لأن المادة صعبة حيل والامتحانات فيها أفكار

شرحه حلو بس ولا شي ايي بالامتحان ليش ما ادري!

عالعموم آنا مستواي مو شي بالفيزيا اساسا..

فالنجاح خاب علي لووووول=)

- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: 121 التاريخ: 2007-09-17
الطالب: samar1 رقم التقييم: 11751
اهم شي انه يعطي درجات بالهبل بس عيبه ان محاضرته تنوم حتى لو مافيك نومة...........................والله يوفقكم

- النجوم:
- المستوى: متوسط الصعوبة
- الشرح: شرح ضعيف
- حصلت على: C
لا ننصح به
المـادة: فيزيا 1 التاريخ: 2007-06-15
الطالب: q8yy1 رقم التقييم: 10385
دكتور ماساوي

انا كنت مميز بالفيزيا وتخرجت من رابعة بدرجة 78من80
وعنده رغم المادة سخيفة زين طلعت ب سي

كويزاته سهلة
شرحه ماساوي محاظرته مملة جدا من الستين طالب يحظر 10 الى 7
تصليحه شديد احيانا
ما يسجل غياب

من الدكاترة اللي ماتحضر عنده شهر من دون ما تتحسف عليه ، اذا ما قدرت تاخذ عند الجسارين والقناعي وغيره اخذ عنده

كل الدكاتره احسن منه ماعدا لطفي وصباح :)

- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: فيزيا 1 التاريخ: 2007-06-15
الطالب: ينبوع رقم التقييم: 10379
بذكر اهم صفات الدكتور بحيادية

1- اهو بريفسور و كبير في السن و شرحة جيد حدا

2- اغلب هوم ورك في بونس وعبارة اسئلة من الكتاب يعني
تقدر تنقل حلهم

3- يسوي مراجعة قبل الامتحان

4- نوته جيدة الى متوسطة

5- تصحيحه يعني بس يعطيك نص درجة السؤال اذا انت حال نص السؤال صح

6- عيبه انه اي بدون ما يحضر فتلاقيه يحل مساله بعدين
نص الحل يقول عندي غلط فيمسح الحل ويكتب من يديد

7- اهو ما ياخذ الغياب ويمدد بوت الهوم ورك

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: فيزياء 1 التاريخ: 2007-05-20
الطالب: AL-3need رقم التقييم: 9803
ظااالم ظالم ظالم ظالم
اللهم لاشماته

- النجوم:
- المستوى: صعب
- الشرح: شرح متوسط
- حصلت على: C
ننصح به
المـادة: فيزيا 101 التاريخ: 2007-05-06
الطالب: ABCD..F رقم التقييم: 9663
دكتور بس تشوفه تحس صج إنك واقف جدام عالم فيزيائي
اهوه البروفيسور الوحيد بالقسم
كنت أحضر عنده استماع:
- شرحه لا بأس به
- قبل الميدتيرم يعطيك أسئلة شقاقية وتفيدك بالامتحان
- Bonus مال الهوموورك حسب ما شفت صعب
بصراحة في دكاترة وايد أحسن منه
بس أنصح به لو ضاقت عليك الأرض والسماء أنه يوجد دكاترة مو شي ، هنا أنصح تسجل عنده



بالنسبة حق حسين المطيري: اللي اعرفه انه حقاني:

النجوم:
- المستوى: سهل جدا
- الشرح: شرح متوسط
- حصلت على: A
ننصح به
المـادة: English 123 التاريخ: 2010-06-17
الطالب: wfoii رقم التقييم: 20842
بصراحه الدكتور حسين المطيري دكتور ممتاز
و شرحه حلو حق اللي فاهم
يحب الشطار و يعاملهم معامله خاصه بس ما يقلل من شأن باجي الطلبه
و دمه خفيف و يونس
وانشالله اخذ عنده English 221

- النجوم: لا يستحق نجوم
- المستوى: متوسط الصعوبة
- الشرح: شرح غير مفهوم
- حصلت على: B
لا ننصح به
المـادة: 221 التاريخ: 2010-01-18
الطالب: Schneider رقم التقييم: 19434
للاسف اني خذيت عنده
باختصار مايعرف يشرح (مشيناها)
بس وايد يظلم بالتصليح ولا يقدر الشغل عدل
مع اني خذيت اعلى درجه بالكلاس بس هم ما انصح فيه
لأن هل معقول اعلى درجه بكلاسين -B

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: 123 التاريخ: 2009-07-26
الطالب: Eng.7mon رقم التقييم: 18421
بصراحه انا قريت الي كاتبين بالتقييم واخترعت .. وكان اهوا الوحيد الي شعبته مبطله وخذيت عنده ولقيت عكس الكلام المكتوب وايد ظالمين الدكتور بالتقييم الدكتور حيل حبوب ومتفاهم مع الطلبه صج انه يمصخرك شوي اذا تأخرت ويطلع ويسولف بمواضيع بره المنهج بس وايد حبوب ويشرح بضمييييير ... انا انصح فيه :)

- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: C
لا ننصح به
المـادة: english 123 التاريخ: 2009-04-28
الطالب: EnsaNa رقم التقييم: 17221
لاتاخذون عنده

انا اضطريت اخذ عنده

مايشرح كله سوالف ، وايد يتحلطم

نحيس بالدرجات ووايد يتفلسف

الله يعينكم اذا طحتو عنده

الامتحانات موحده

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: C
لا ننصح به
المـادة: 221 التاريخ: 2009-01-16
الطالب: ForcaBarca رقم التقييم: 16015
ما انصح فييه بشده .. انشالله تتأخر ولا تاخذ عنده ..

استغفر الله .. انا الحمدلله اعرف نفسي شاطر وناجح بالتوفل من اول اختبار .. يعني انجليزيتي توووب .. الوحيد اللي يبت A بالميد تيرم الاول عنده ..

بس آخر شي بط ويهي بالبرزنتيشن .. معطيني 10 من 25 .. طير مني ال A @@ حسبي الله عليه

نفسيه .. وما يعجبه اي شي تسويه .. ويوعدك ببونس وما يعطيك اياه بأعذار بايخه جدا !! ( صارت فيني )

من الدكاتره اللي راح امر عليهم المكتب بعد التخرج واعطيه هديه وااااااااايد وااااااايد يستانس منها .. مو اهو اللي يستانس .. قلبي P:

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: 123 التاريخ: 2008-05-30
الطالب: الجبلي رقم التقييم: 13792
بصراحه انا ما احب اكتب ردود

لكن لاني شفت الناس هنيه حييل ماخذين موقف من الدكتور ..


اسمعوا كلامي ومالكم شغل <<< الله يالواثق خخ


-------------------
1) الدكتور ياخذ الغياب يومي .. لكن مايطرد .. صج باسلوبه يخليك ماتحب تتاخر .. يعني ليش تاخرت .. او ترا الساعه كذا
2)شرحه بالنسبه لي قووي يعني ليلة الامتحانات ماكنت ادرس بس اراجع لان شرحه قوي .. يعني يسال في الشغله عشرين مره على فترات ... لحد مايخليينا حافظين هالشغله من غير ماندرس
3) درجتك تاخذها .. انسى تاخذ زياده .. ماعنده قبليه نهائيا
4) يكلم الناس باسلوب .. فيه اللي يقول نفسيه وفيه اللي يقول هو جذيه .. لكن بالتاكيد مو نظام تسلم عليه بعد الكورس :)



امانة ..
احتماال كبييير اخذ عنده 221

- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: 090 التاريخ: 2008-01-16
الطالب: بوحمود رقم التقييم: 12564
الدكتور عادي مو سيء

انا سمعت عنه حجي مو طبيعي بس يمكن لانه تمهيدي فمشانه؟؟؟؟؟؟؟؟

عاشق البلوغرانا
06-08-2010, 07:31 PM
الاراء متفااااوتة حدها مادري اصدق منو واجذب منو بس في مدح هذا اهم شي والله كريم

ومشكووووووووورة

LoLiTa
07-08-2010, 01:55 AM
العفوو ترى التقييم ما راح تغرف منه الدكتور زين ولا لأ ,, لما تداوم بتعرف كل شي التقييم بيفيد عشان تعرف نظام الدكتور وطريقته بالشرح والدرجات,,

LoLiTa
12-08-2010, 05:07 AM
ابي اسأل منو اخذ استاتيك شرايكم بالمادة صعبة ولا سهلة ..؟؟

Anonymous
15-08-2010, 01:44 AM
رفيجتي خذتها ، اسألها لج باجر و اقولج ان شاء الله

LoLiTa
16-08-2010, 02:41 AM
تسلمين سوسا,,

ناطرتج..

Anonymous
19-08-2010, 04:24 PM
ابي تقييم حق حسين المطيري يدرس انجليزي بكليه الهندسه

محمد العقاد يدرس فيزيا

رفيجتي تقول المطيري ، كلش كلش موزين ، تقول الاسلوب مو شي


ابي اسأل منو اخذ استاتيك شرايكم بالمادة صعبة ولا سهلة ..؟؟

تقول الماده كانت حلوه بالنسبه لها ، و كلها فيزيا

سوالف متجهات و جذي و تقول اذا حبيتيها تصير سهله

و تقول اذا تحصصج مدني راح تحبينها و تاخذين فيها a

و تقول بس اغلب الطلبة من التخصصات الثانيه ، يبون فيها باس لأنهم ما يحبونها

LoLiTa
25-08-2010, 07:27 PM
>>>> thanx sosa

LoLiTa
29-08-2010, 05:57 AM
ودي اشوف تفاعل بهالموضوع :(

SiLver
30-08-2010, 12:36 AM
بالنسبة حق حسين المطيري كل اللي خذوا عنده يذموونه بصراحه ماشفت طلبه يذمون دكتور كثره
انا ماخذت عنده بس مره في امتحان كان مراقب علينا والاسلوب والنفسيه موو شي

بالنسبه حق مادة الستاتيك احلى مادة واخف مادة مرت علي بالهندسة وبنفس الوقت هي اهم مادة لانها تمهيد وتأسيس لباقي مواد الهندسة وكلها تعتمد عليها وراح تحتاجينها بكل المقررات يعني احتفظي بأوراقها معاج بعد ماتخلصينها هذا اذا كان تخصصج مدني

ووبس (:

LoLiTa
30-08-2010, 01:32 AM
تسلمين silver زين شرايج بالدكاترة اللي نازلين انا قالولي كلهم مو زينين قوليلي منو احسنهم:

جمال الدعيج - حسن عسكر- خلدون رحال -محمد الحق ,,,

shwa8a
31-08-2010, 04:51 AM
السلام عليكم..
بغيت اسأل عن دكتور اسمه .. مازن ابو خزام يعطي كالكولس وانا طالبة مستجدة وبعرف مستوى هالدكتور بالشرح واهم شي تعامله مع الطلبة ,, اللي يعرف لا يبخل علي بالرد لانه يهمني ,, وشكرا :)

LoLiTa
31-08-2010, 05:05 AM
اول مرة ادري انه يعطي كالكلس اي اللي اعرفه انه يعطي كالكلس سي المهم انا خذيت عنده الدكتور يشرح امثلة الكتاب بالكلاس شرحه زين للي يركز معاااه يعني قعدي جدام وحاولي تركزين لانه ينوم شوي,,

وفي اشياء ما يحبها واللي يسويها بيكره عمره مثل : لازم التلفون سايلنت - لا تتكلمون بالكلاس-اللي يدش متأخر يطرده,, يحب النظاام

ما كان ياخذ غياب بس بعدين الكلاس قاام يسحب على المحاضره فقام ياخذه بس مو مهم عنده,,

صج واهم شي اذا كان في بروفات :اثباتات حلي بطريقته لانه ينقص اذا حليتي بطرق ثانية,,

وبالنسبة للتصليح حقااااني حيل ما يرفع ولا شي,,

موفقة,,

رماديهـ
31-08-2010, 05:22 AM
الســلاآمـ عــليكمــ~

LoLiTa موضوعجـ وااآو صراحهــ....


انج هديل..د.حســن رأفت واايــد طيبــ اناا اخذت عندهـ فيزكس1..وكـااانتــ صعبه بالنسبه لي لان اول مره ادرس الماده بالانجليزي..اماا عن محتوى الماادهـ فهي سهـلهــ.. و د.حسن رأفتــ..دكتوور حدوو قديمـ بالجامعهــ.وحافظ المادهـ حفظــ.. واهواا مصري فـ لمااا يشرح بالانجيليزيــ يصير تعقيد... فأنصحجــ من اول الكورس ع الاقــل تاخذينــ ورقهـ المصطلحاتــ وتقعدين تحفظينهـاا.. والدكتوور.. امثلته زينه بس كلش ماا تنفع للمدتيرمـاتــ.. فيبيلج تاخذين دوراتــ بالاضافه للتيتوريلــ.راح يسـاعدج اكثر..^__^




LoLiTa....انتي شنوو تخصصجــ!!

LoLiTa
31-08-2010, 05:06 PM
اهلين رمادية,,,

ان شاء الله راح يبين قبل الكورس الاول,,,

انتي معانا بالهندسة ؟؟ وشنو تخصصج ؟؟

رماديهـ
01-09-2010, 04:34 AM
يس يس انآ معاكم وتخصصي c p eng.
^___^

بحارر الحب
01-09-2010, 05:23 AM
شلووونكم حبايبي
في احد يعرف الدكتور عدنان الشطي والدكتورة نازك التركي مادة مدخل علم نفس
و الدكتور برايان كالكلس والدكتور حسن الزيد ?: الي يعرف يفيدني قرب التسجيل

LoLiTa
01-09-2010, 07:34 PM
بحار اللي اعرفه برايان شرحه عادي و شديد بالتصحيح اما حسن الزيد ما عندي فكرة بس حاولي تاخذين عند دكاترة احسن وموفقة,,

اذا تبين تقييم حسن الزيد اقدر اطلعه لج..

LoLiTa
01-09-2010, 07:37 PM
يس يس انآ معاكم وتخصصي c p eng.
^___^




[COLOR="Navy"][B]رمادية ما عليج امر تقدرين تحطين لنا المواد اللي خذيتيهم بالهندسة عند اي دكاترة وتقييمج للمادة بشكل عام واحسن

طريقة لدراستها حتى لو المواد المشتركة بس,,

ويعطيج العاافية.. (F)

Anonymous
01-09-2010, 07:57 PM
عدنان الشطي ، اذا في دكتور غيره يفضل ما تاخذ عنده ، الدكتور يدرس مادة عندنا بكلية البنات

شديد ، امتحاناته غير عن شرحهه و كشخصيه ما ينصحون فيه ..

رماديهـ
02-09-2010, 06:17 AM
ان شاء الله عن قريب بحط كل شي عن المواد اللي اخذتهم^__^


بحاار<< انا اخذت لينير عند حسن الزيد

الدكتور كبير بالسن وماله خلق يشرح الماده. يعني مثلا يكتب مسأله ويسولف عن مرته وعيالهـ. وكانت المحاضرهـ تونس لناا يالبناات.
طبعاً احنا كنا ماخذين دورات والحمد لله فادتناا كثير.

واللينير. الفيرست مدتيرم الدكتور يحطه وكان الكلاس اغلبه درجات كامله لان كان يغشناا ^__^

اماا السكند والفاينل كانوو موحد. بس تقريباً نفس اسأله الدوره والامتحانات السابقه.

والدكتوور يعطي كيرف بالاخير. اتذكر كنت يايبه b- وحطالي بالسستم b+ عقب ماكلمته بالمراجعه النهاائيه.

هذا تقيمي بالنسبه لكلاسات البنات عاد مادري اذاا يختلف اسلوبه مع الشبااب؟!!



امااا عن علم النفس اناا اخذتهاا عند ناازك

والمااده غلطه كبيره اني اخذتهاا لانهااا ملياانه نظرياات وحفظ. واناا ما احب الحفظ.
بس طريقه الامتحان كان موضوعي وسهل علينااا.

والدكتوره شديده بالحضور والغيااب ومااا اتحب احد يسولف بالكلاس وطريقتهاا اللي يجاوب معاهاا تعلق عليه وتحفظ اسمه>_<

وبالتوفيق^_^*

بحارر الحب
03-09-2010, 04:50 AM
مشكورة سوسا يسلموو

بحارر الحب
03-09-2010, 04:54 AM
بحار اللي اعرفه برايان شرحه عادي و شديد بالتصحيح اما حسن الزيد ما عندي فكرة بس حاولي تاخذين عند دكاترة احسن وموفقة,,

اذا تبين تقييم حسن الزيد اقدر اطلعه لج..

مشكورة لوليتا ما تقصرين بس برايان شنو اصله اهو مو عربي صح ؟

LoLiTa
04-09-2010, 06:07 AM
بحار اهوا اجنبي واعتقد بريطاني..

رماااادية نااطرينج ان شاء الله.. :)

بحارر الحب
05-09-2010, 04:57 AM
ان شاء الله عن قريب بحط كل شي عن المواد اللي اخذتهم^__^


بحاار<< انا اخذت لينير عند حسن الزيد

الدكتور كبير بالسن وماله خلق يشرح الماده. يعني مثلا يكتب مسأله ويسولف عن مرته وعيالهـ. وكانت المحاضرهـ تونس لناا يالبناات.
طبعاً احنا كنا ماخذين دورات والحمد لله فادتناا كثير.

واللينير. الفيرست مدتيرم الدكتور يحطه وكان الكلاس اغلبه درجات كامله لان كان يغشناا ^__^

اماا السكند والفاينل كانوو موحد. بس تقريباً نفس اسأله الدوره والامتحانات السابقه.

والدكتوور يعطي كيرف بالاخير. اتذكر كنت يايبه b- وحطالي بالسستم b+ عقب ماكلمته بالمراجعه النهاائيه.

هذا تقيمي بالنسبه لكلاسات البنات عاد مادري اذاا يختلف اسلوبه مع الشبااب؟!!



امااا عن علم النفس اناا اخذتهاا عند ناازك

والمااده غلطه كبيره اني اخذتهاا لانهااا ملياانه نظرياات وحفظ. واناا ما احب الحفظ.
بس طريقه الامتحان كان موضوعي وسهل علينااا.

والدكتوره شديده بالحضور والغيااب ومااا اتحب احد يسولف بالكلاس وطريقتهاا اللي يجاوب معاهاا تعلق عليه وتحفظ اسمه>_<

وبالتوفيق^_^*

مشكووورة عل رد بس دكتورة نازك شلون امتحاناتها سهله ؟؟ لانج خرعتيني من المادة لان حتى انا ما احب الحفظ

LoLiTa
05-09-2010, 07:41 AM
بحار علم نفس مادة غثيثة معروف يبيلها وقت وحفظ..:x

المواد الاختيارية اللي انصحج فيها: ثقافة اسلامية- مدخل اعلام- مبادىء تربية- مهارات اتصال..

بحارر الحب
06-09-2010, 04:57 AM
انزين بالنسبة حق مدخل علم اجتماع اذا ما حصلت الباجي هم سامعة في بنات ماخذينها اهي اسهل من مدخل علم نفس ؟ ولا ماعندج علم :)

LoLiTa
07-09-2010, 03:31 AM
اللي اعرفه اهيا اسهل من علم نفس بس هم على حسب الدكتور في دكاترة تسهلها..

LoLiTa
12-09-2010, 12:34 PM
حبيت اخذ رايكم شنو احسن نوت للدفرنشل ؟؟

It's me :)
13-09-2010, 03:27 AM
حبيبتي شوفـي نوت المدرس اشرف ..

وخاصة اللي على اخر الكورس والميدتيرم الثاني ( اللابلاس)

احســن شـــي

الله يوفقج :)

LoLiTa
14-09-2010, 11:20 PM
^^ تسلمين على الرد :)

شموعة !
19-09-2010, 03:37 PM
السلآم عليكم ,

سوال الله يعافيكم ,

شنو المادة اللي هي مسبق أسس هندسة كهربائية 205 ؟

بسرعة عفيآ , :(
ومشكووورين ,

رماديهـ
19-09-2010, 07:10 PM
وعليكم السلام.~


- مسبقهاا لاب فيزيا٢..

-المعادلات التفاضليه مسبق او متلازم..

شموعة !
20-09-2010, 01:21 AM
مشكوُووووورة (f)

LoLiTa
20-09-2010, 03:20 PM
شلونكم مع البايفورس ؟؟

cr9
20-09-2010, 06:07 PM
شنو الباي فورس؟؟
وهل هذا التسجيل حق المستجدين؟؟

رماديهـ
22-09-2010, 12:33 AM
الحمدلله مااا احتجت الباي فورس

سجلت مواادي كلهاا عن طريق السستم>_<

بسأل اذا احد يعرف او سامع عن د.عدنان غزال "مهارات اتصال"!؟؟

وجدولي راح يكون

هياكل بيانات ولابها
مختبر ديجيتال
اقتصاد هندسي
مهارات اتصال
محادثه انجليزيه
عقيده

LoLiTa
22-09-2010, 01:48 AM
موفقة رمادية.. :)

عند منو خذيتي ايكونومي وعقيدة ؟؟

وليش ماخذة اكثر من اختياري !

وبالنسبة للمهارات احسن شي زكريا وابراهيم محسن حدهم زينين وفي يديد بس ما اعرفهم هم زينين..

رماديهـ
24-09-2010, 03:52 AM
ربي يوفق الجميع~

الايكونومي ماخذتهاا عند طارق البحري>> مدحووه ليي وطيروه للسماا السابعه والله يستر ^_^
عقيده ماخذتها عند فلاح السعيدي>> سجلت عنده بدون لا اسأل >_<

ومسجله اكثر من اختيااري لاني ابي ارفع معدلي شوي>_<
ومحادثه بالانجليزي اوفرلوود!

وعن مهارات الاتصال>> اناا بحالتي حتى زكريااا صعب علي لاني مييييح بالنحوو..
وكنت ماخذتهاا عند قبااني.. وكاان طيب بس ماانفع معااي ويبت قريد عفس معدلي..
فالمهندسه سعاد قالت لازم تعيدينهاا. واناا سمعت كلامهاا وعدتهاا كأن ماعندي شغل غير هالمااده<<لووول
واخذت عند عدناان غزال لان امتحانااته كلهاا اختيااري والحين ع ماااعتقد خلوو المهارات اغلبه اختيااري<< الحمدلله ع حظي><

وانتي شلون جدولج! ان شالله مو فلم نفسي><

LoLiTa
24-09-2010, 06:57 PM
سجلت دفرنشل بس حدي خايفة من الدكتور الله يستر وايكونومي عند العمير وبروبيلتي واختياري محتارة بيت مدخل رعاية او عقيدة 1 بس

سجلتها و ان شاء الله سهالات.,,

وبالنسبة للمهارات صدقيني حاولي تسجلينها عند دكتور مضمون حرام والله سهلة انا خذيتها عند ابراهيم محسن شوفي الميدتيرم الاول

نسخة من النوت بالامثلة والثاني هم سهل والفاينل نفس المستوى واللي ما يغيب يزيده قررريد حاولي تاخذين عنده..

وموفقين جميعا..

رماديهـ
25-09-2010, 02:52 AM
الدفرينشل ان شاااء الله سهالاتـــ

والعمير للايكونومي حدوو زين كنت باخذ عنده بس تعاارض مع الداتاااا

و مهارات الاتصاال خلاص ماا اقدر اسوي شيـــ..وان شاء الله خير ويعدي الكوورس ع خيــر ^___^

وانااا مسجله بعد عقيدهـ وشكلي بسحبهاااا...~ حدي مترددهــ...

Eng.F6oom
10-10-2010, 07:11 PM
السلام ,,
لو سمحتو بس بغيت اسأل عن تحديد التخصص
يعني بعد جم سنه نحدد تخصصنا بالهندسة ؟
وشنو اهيا شروط تحديد التخصص ؟
و حق كل تخصص هل فيه نسبة محدده يعني لو مثلا ابي اتخصص بترول ونزلت عن النسبه المطلوبه مايقبلوني ولا شلون الوضع ؟
وياريت اللي يعرف يقول كل تخصص من تخصصات الهندسة و جم اقل معدل يقبلون

LoLiTa
23-10-2010, 11:52 AM
السلام ,,
لو سمحتو بس بغيت اسأل عن تحديد التخصص
يعني بعد جم سنه نحدد تخصصنا بالهندسة ؟

بعد سنة تقريبا بدون تمهيدي..


وشنو اهيا شروط تحديد التخصص ؟

اجتياز 6 مواد موجود في المرشد..
و حق كل تخصص هل فيه نسبة محدده يعني لو مثلا ابي اتخصص بترول ونزلت عن النسبه المطلوبه مايقبلوني ولا شلون الوضع ؟

كل سنة في عدد معين بس معروف اذا تخصصتي بسنة تنقبلين باللي تبين بعد سنة تصكر التخصصات اللي عليها ضغط مثل المدني والبترول..

وياريت اللي يعرف يقول كل تخصص من تخصصات الهندسة و جم اقل معدل يقبلون

رديت فوق.. ماكو معدل اللي اييب 3.5 يتخصص باللي يبي واللي يتخصص بسنة يدخل اللي يبيه حتى لو معدله مو شي..


موفقة :)

LoLiTa
14-11-2010, 01:31 AM
سلااااااااااااااااااااااا ااااااااااااام..


صخه ماااااااااااااااااااااااا ااااااااااااااااكو احد..


شخباركم؟؟

شرايكم بالعطلة الحلوة ان شاء الله,,

حللوهااااااااااا عدل :)

حبيت اعرف منوووو خلص فيكم دفرنشل ؟؟

نااااااااااطرتكم..

LoLiTa
28-01-2011, 11:30 AM
سلااام...

شخباركم بعد نهاااية الكورس الاول؟؟

شنو الانجاز اللي حققتوه هالكورس؟؟

نااطرة تفاعلكم..

LoLiTa
03-02-2011, 01:37 AM
وينكمممممم ؟؟؟

عاشق البلوغرانا
03-02-2011, 06:34 AM
انجازي اللي حققته هالكورس كمستجد اني ما سقطت بولا ماده

مع ان الظروف كانت صعبه دكتورنا كان كلش الكالكلس والفيزيا دكتورنا سحبله شهر كان بالمستشفى

والانقليزي الدكتور ماله خلق يدرس بس الحمدلله مشيت مع ان معدلي كلش بس ما الوم نفسي

الصراحه يعني الفيزيا جنه احنا 45 بس 14 واحد ناجح والكالكلس احنا 30 بس 11 واحد ناجح يعني قصتي قصه اول كورس

و الحين الله يستر من دكتوري بالفيزيا 2 بحاول اشوف احسن بس الكالكلس ماخذ عند البرت انصحوني فيه بس مادري

الله يستر وجني قلت قصه حياتي :)

اتمنى ما طولت عليكم وثانكيووو لوليتا

LoLiTa
03-02-2011, 02:45 PM
اهم شي الحمدالله انك نجحت هذا انجاز عشان ان شاء الله تتخصص بسنة وتدخل التخصص اللي تبيه..

بس شلون قريداتك؟؟ ان شاء الله فوق الd ؟؟

لان وراك فيزيا 2 يبيلها وكالكلس بي..

على العموم انت عرفت الحين نظاام الجامعة سوو شد حيلك بالكورس الياي ان شاء الله لانكم هالسنة كلكم راح تتخصصون ورا الصيفي فأكيد راح يكون في منافسة وترى التخصص على معدل موااد العلوم..

شوف انا جيكت لك اللي نازلين فيزيا 2 احسن شي : بيتر حدهم يمدحوونه -ادوارد وسيد راضي واسأل عن محمد احمد يمكن زين..

ان شاءالله بالسحب والاضافة سوي رفرش يمكن احد يسحب مني منااك..

والبرت يمدحوونه حق الكالكلس احسن من غيره وحقاني..

وترى الحين بما انهم قبلوا طلبة واايد قاعدين كل كورس يصعبون موااد العلوم عشان يصفون الدفعة سووو شد حيلك..

وحياااك الله بأي وقت..

صج شنو ناوي تتخصص ان شاء الله ؟؟

عاشق البلوغرانا
03-02-2011, 11:51 PM
انا المشكله عندي كيميا تمهيدي وانا يايب بالفيزيا -c

وبالكالكلس d والانجليزي والله حرام يبت c حسافه ما اقدر

اعيدها لانها سهله بس دكتورنا كان مو ذاك الزود وللحين مادري

شنو ناوي اتخصص كل شوي اغير رايي بس راح اشوف بمادة

مقدمه في الهندسه وقتها اشوف ميولي واختار

وبيتر مشكلته متعارض مع البرت يعني ما اقدر اختارهم اثنينهم انا حطيت ادورد بس خايف

الصراحه وحطيت مادة اختياريه عشان المعدل واهمه صح كلامج وايد مشددين

عشان يصفون بس انا قريداتي معقوله مع اللي قاعد اشوفهم باللي معاي والله يسهل

انزين الاختياري اذا رفعت معدلي فيه ما يحسبونه بالمعدل اللي حق يوم تحديد التخصص ولا ماله شغل ؟!

LoLiTa
04-02-2011, 05:05 PM
تمهيدي الكيميا مو مشكلة الحين لأن التخصص ورا الصيفي يعني ان شاء الله تاخذ الكيميا في الصيفي وتتخصص مع دفعتك يعني ماشي عااادي,,

شوف درجتك في الفيزيا اوكي بس صراحة الكالكلس مو شي لان وراك كالكلس بي وسي ..

المهم الحين التركيز على كالكلس بي وفيزيا 2 شوف بما انك سجلت عند ادوارد لازم تتحمل شوي وتمشي على نظامه.. ترى كلش ما يفهم لازم تحط مدرس عشان اتييب قريد وتدرس امتحانات قديمة..

وكالكلس بي يبيلها اول باول نوتات وامتحانات قديمة (اهم شي),,,

والمادة الاختيارية راح ترفع معدلك العام بس ما تدش بمعدل التخصص ..التخصص بس مواد العلوم ال6

بس اخذ اختياري احسن يرفع المعدل وحااول المادة تكون سهلة عشان اتيي a مثل: ثقافة اسلامية - مدخل اعلام-مهارات اذا تحب القواعد..

شوف المادة اللي وقتها يضبط مع جدولك واعطيك الدكاترة الزينين..




موفق..

عاشق البلوغرانا
04-02-2011, 06:37 PM
انا راح اغير دكتور الفيزيا باخذ عند بيتر بس جذي راح استغني

عن البرت وراح اخذ بدال البرت عند ادريس وانا خذيت مدخل الاعلام

بالخالديه راح تكون عند محمود عبدالنبي الموسوي بس ما اعرفه

اذا اتعرفينه فيديني عفيه وع درجتي بالكالكلس لا تلوميني الدكتور كان

مو شي العموم مزفت مو بس انا

LoLiTa
04-02-2011, 09:35 PM
بالنسبة حق مدخل اعلام مو ساامعة فيه كلش الظاهر يديد انا اقول لا تغامر في مادة اختيارية اسأل عدل عن الدكتور انا خذيت عند عالية

المتروك عجيبة وتغريد الملا هم زينة بس تكرف شوي وانس الرشيد الكل يمدحه هذول اللي اعرفهم..

وجيكت دكاترة كالكلس بي صراحة اللي اعرفه ادريسي مو زين واغلب الدكاترة مو شي المم اللي اعرفه البرت حقاني- وفتحي يمدحونه في كالكلس بي بس سي لأ يذمونه,,

علي الزامل لا تاخذ عنده..

جيك موقع تقييم الدكاترة [Link nur für registrierte Benutzer sichtbar] .net <<

بالتوفيق

عاشق البلوغرانا
05-02-2011, 05:40 AM
انا تعبت نفسيا وايد من التسجيل انا يمكن اكثر واحد قعد يغير بجدوله

انا الحين فيزيا ارتحت حطيت بيتر وهذي الحسنة الوحيدة اللي صارت معاي

وانا سجلت عند ادريس واعتقد ان اهو مو ذاك الزود بس اهو احسن الموجودين

لان المتاحين اهمه الزامل ومارجيت يعني اهو رحمه بالنسبه حق هالاثنين

وانا عندي مشكله ان مادة مدخل الى برامج الهندسه مو مسجلها للحين لان كل الشعب مصكرة

مو قاعدين يفتحون مادري شسوي

واعيوني كلها بالسحب والاضافه رايح وراد عليه ابي احصل دكتور سنع

ومشكورة وايد لوليتا ادري ازعجتج بس كل هذا بميزان حسناتج يا رب

وربي يعطيج الف عافيه :)

LoLiTa
05-02-2011, 01:40 PM
الله يعافيك لا ازعاج ولا شي..

ادري والله حاسه بشعورك لاني اذكر تعبت من قلب اول 3 كورسات تخيل اسوي الجدول بعدين اعيده من الاول على مادة هذا غير الباي فورس فلم هندي خااصة موااد العلوم..

والمقدمة سجلها بالباي فورس مو مشكلة لازم يسجلونك فيها..

واستخير اهم شي وان شاء الله تتوفق بدكتور كالكلس بي زين..

والاختياري حاووول بثقافة اسلامية حدهااا سهالات حتى لو باي فورس..

وبالتوفيق ..

عاشق البلوغرانا
05-02-2011, 02:28 PM
اجمعين يا رب وان شاء الله ربي يسهلها

وراح انطر الباي فورس واذا حصلت دكتور كالكلس احسن

راح اختاره وانشوف ثقافه

وثااانكيوووو :)

LoLiTa
18-03-2011, 05:44 AM
شلونكم مع الدوام هالكورس؟؟

عاشق البلوغرانا
19-03-2011, 05:23 AM
والله يا لوليتا

كوووورس صعب حده فيزيا ٢ وكالكلس بي

داااهيه احس مخي قفل والله

الكالكلس للحين اشوف نفسي ماشي فيه بس الفيزيا انا الصراحه

مادري شقاعد يصير وعن شنو يتكلم

الدكتور عربي غصب يبي يشرح كله بالانقليزي وهذا من حقه

بس اهو بالعربي غصب استوعبه الانقليزي في اشياء ما القطها

وجذي يتراكم علي مالي الا النوت والدورات ويحلها الف حلال

واهو كلاسنا فيه زلمات شكثر عباااقرة حدهم مشاءالله فالدكتور مكمل ع اسلوب شرحه

لان فاهمين اهمه وشكثر عايدين المادة يمكن انا الوحيد اللي اول مرة وكويتي

ضايع بينهم وعندي تمهيدي كيميا اللي وقته حده مو شي ساعه ٦ المغرب

حاس نفسي اينشتاين بينهم عكس الفيزيا كلهم طلبه العلوم

وعبط واستهبال وغباء وكل شي يطرا ابالج بالكلاس والله الدكتورة مسكينه

تشرح شي محاضرة كامله وانا فهمته بدقيقه ودي انام من كثر ما تعيد

ومن الازعاج اتقول واللهي انا مش سامعه صوتي

ان شاءالله ما اقول قصه حياتي خخخ

عاشق البلوغرانا
13-04-2011, 05:41 PM
ياااا نااس ياااهو اصحو وين مهندسينا

ابي عملية انقاذ بفيزيا 2 شلووون ارفع نفسي فيها

المدتيرم الاول لا تعليق والاسيمنتات اعجاز والقوزات بعد مو ملحق والله

انزين بس سؤال انا كالكلس b ما امتحنت صارلي ظرف والدكتور رضى اني اعيده

السؤال شلون اعرف موعد المؤجل والمؤجل صج يكون حده صعب ؟ Help me :(

NaNa
22-04-2011, 05:15 PM
ابي عملية انقاذ بفيزيا 2 شلووون ارفع نفسي فيها
سوري إذا انا داشه عرض بس في استاذ يمدحونه يدرس فيزيا 2(co:)
اسمه ابو احمد هذا رقمه(٩9646487) انشالله يفيدك

LoLiTa
26-04-2011, 08:24 PM
البلوغرانا شصار عليك ؟؟ أجلت الكالكلس ترى تعجيزي المؤجل !! ان شاء الله قدمت عددل

والخصوصي ما احبه بس انصحك تحطه بفيزيا 2 عشان ترقع عمرك عندك محمد حسن وبواحمد نوته موجودة بالتصوير ماله داعي تروحله..

عاشق البلوغرانا
28-04-2011, 12:22 PM
امتحنت مؤجل خلصت اهو كان صعب بس درجتي حلوة مستانس منها

ماراح اقولها خلوني ساكت ؛p

LoLiTa
30-04-2011, 02:10 AM
شنو بتسجلون للصيفي ان شاء الله ؟

عاشق البلوغرانا
30-04-2011, 02:20 PM
اذا طفت كل المواد اللي عندي بذاتا فيزيا 2

راح اسجل فيزيا 1 وكالكلس a وكيميا 1

لانهم سهلين وقريدات مو شي فيهم ابي ارفع معدلي واتخصص بشي ابيه

LoLiTa
05-05-2011, 04:59 PM
موو من صجك اخاف تعيدهم وتقوع فيهم 3 موااد وااااااايد بعدين مواد علوم ما تضمن يمكن تاخذ درجة اقل من اليي اخذتها انت بس طووف موادك هالكورس وان شاء الله تتخصص اللي تبيه الشباب شوية فيعطونهم اللي يبيونه الدوووس على مقاعد البنات..

ما قلت لنا شنو ناوي تتخصص ان شاء الله؟؟

عاشق البلوغرانا
05-05-2011, 05:40 PM
انا باخذهم لاني دارسهم من قبل وسهلين والله

بس طبيت عند دكاترة كانو كلش وانا ابي اعادل مواد معدلي ماراح يدخلني اللي ابيه

والدكاترة اللي نازلين عجيبين

ومو كل التخصصات اللي نص شباب نص بنات

وفي تخصصات ما يقبلون الا شويه ونسبهم تكون عاليه

انا فيزيا ٢ ماراح اقدر عليها حدي اكثر شي c

ما اقدر ووايد صعبه اييبها بس فيزيا ١ اقدر حتى b

اخذها صيفي والدكتور طارق الرفاعي شغل عدل

LoLiTa
05-05-2011, 07:35 PM
ما فهمت شنو تعادل موااد ؟؟

اقولك الشباب مقاعدهم غير عن البنات وكل السنين اللي طافت اللي تخصصوا بسنة حتى لو معدلهم 2 دشوا اللي التخصص اللي يبونه لانهم خلصوا مواد التخصص اسرع من غيرهم..

بالنسبة حق دفعتكم راح تتخصون كلكم بعد الصيفي يمكن السنة في فرق بس دايما الشباب لهم الاولوية المهم على راحتك بس لا تاخذ اكثر من مادتين بالصيفي..

وشنو التخصص اللي ناااوي عليه لا يكون سر ؟؟

عاشق البلوغرانا
05-05-2011, 07:42 PM
انا باخذ ثلاثه صيفي

فيزيا ماخذها من قبل وسهله والكالكلس لازم ارفع والكيميا انا ماخذ

تمهيدي يعني كل شي نفس الشي كلهم سهلين

انا ما بين تخصصين بين المدنيه والصناعيه

مادري ليش الصناعيه عاجبتني احب السوالف اللي فيها

بس المشكله ان ما يقبلون وايد يمكن بس ٤٠ واحد ويقولون ان السنه اللي طافت اقل واحد كان ٣ نقاط

صراحه صعبه اييب هالمعدل عشان جذي بعيد مادتين لان قريداتي مو شي

LoLiTa
06-05-2011, 02:40 PM
الله يوفقك على العموم الكيميا لازم تدش دورة العلوم وفالك ال a بس الدراسة من الدورة,, + المواد اللي ب تعيدها سهله بس عشان صيفي قلت لك اخذ 2 لان ما يمديك كل يوم 3 محاضرات وجذي بالحر بس انت تعرف قدراتك..

وبالنسبة للهندسة الصناعية اهيا حلوة وسهلة واغلبها بنات عشان جذي معدلاتهم عالية,, مأخذي عليها بس ان الشغل محدود حيل في الحكومة ويبيلها واسطة حسب اللي سمعته..

بس على فكرة الطلبة اللي يتخصصون فيها كل سنة شوية وهم القسم ياخذ شوية 30 بس بس مو شرط 3 عادي اقل بوايد بس اللي تاخروا في التخصص لازم معدل عالي واذا كلش عندك التحويل الداخلي..

عاشق البلوغرانا
06-05-2011, 03:36 PM
انا شفت الصناعي مجالاته واايد اقدر بالطيران

اقدر بالبترول واقدر بالجيش والمستشفيات والبنوك

ما اعتقد ان محدود واللي ينقبلون ٤٠ واحد

هالكلام مو من طلبه هالكلام من دكاترة القسم

وانا باخذ ٣ مواد لان قتلج ابي ارفع معدلي انا حتى معدلي اذا

ما خذيت صيفي ماراح يوصل نقطتين وجذي ما اتخصص

خل ارفع وبمعدل حلو كلها شهر ونص مادري شهرين اشد حيلي فيهم

واتخصص وارتاح بعدين

LoLiTa
07-05-2011, 08:15 PM
اي لازم ما يقل معدل مواد العلوم عن 2 استخير والله يكتب اللي فيه الخير..

وبالنسبة للصناعي قلتلك معروف ان ديوان الخدمة ما يوظفهم بسرعة ومو مطلوب في الحكومة ومثل ما قلت اذا اشتغلت في بنك ما يوظفونك مسماك مهندس بس في النفط والقطاع الخاص مجالاته حلوة..

عاشق البلوغرانا
07-05-2011, 08:23 PM
اهم شي ادش شي انا حابه مابي مسمى ولا معاش يكسر الدنيا

اتوظف بمكان حلو ومعاش حلو وشي انا حابه واعيش حياتي :)

عاشق البلوغرانا
07-05-2011, 08:27 PM
انزين لوليتا وقت تحديد التخصص اللي بالنت

احط رغبات ولا بس رغبه وحده واذا ما انقبلت فيها يقطوني

بالتخصص الفاضي ؟؟

LoLiTa
10-05-2011, 09:09 PM
ما يصير لازم تحط كل التخصصات بس بالترتيب اللي تبيه يعني اذا ما انقبلت 1 تنقبل رقم 2 اذا ماكو 3 وهكذا ما يصير اي شي فاضي..

عاشق البلوغرانا
11-05-2011, 01:41 AM
اي اشوه بشرتيني الله يبشرج بالخير :)

كنت خايف يكون ان بس احط تخصص واحد واذا ما انقبلت فيه يقومون يسجلوني

بتخصص فيه ناس شويه

انزين متى يفتحون شعب يديده حق الصيفي ؟

azoooz
29-05-2011, 12:12 PM
شنو احسن مواد حق اول كورس شنو احسن الدكاتره حق هالمواد ..؟
قولولي عشان لمن اروح اسجل بسرعه افتك اخلص بسرعه :$

عاشق البلوغرانا
29-05-2011, 01:06 PM
عزوز رديت عليك قبل هالمرة قتلك انطر اول شي

خل ينزلون دكاترة الكورس الاول بعدين اقولك

مادري منو راح ينزل وهم قتلك ما تضمن نفسك عند

اللي قتلك عنده تسجل لان في غيرك مليون واحد

يمكن يفول ويروح عليك انطر في العجله الندامه تو الناس

في صيفي بعدين الكورس الاول

azoooz
30-05-2011, 10:35 AM
انزين خلاص لاتزف
انا مابي اتوهق لازم اخاف على روحي ومصلحتي

فدك
30-05-2011, 02:13 PM
السلام عليكم ..

بغيت استفسر منو افضل يدرس كالكولس a
نجيب السماوى و لا علي كانسو ؟!

و يعطيكم العافيه ..

عاشق البلوغرانا
30-05-2011, 04:38 PM
انزين خلاص لاتزف
انا مابي اتوهق لازم اخاف على روحي ومصلحتي

ههههههههه شدعوه عزوز ما زفيت

ادري خايف ع مصلحتك

يلا فكر بالامتحانات الحين وهد الهندسه ع صوب

عاشق البلوغرانا
30-05-2011, 04:45 PM
السلام عليكم ..

بغيت استفسر منو افضل يدرس كالكولس a
نجيب السماوى و لا علي كانسو ؟!

و يعطيكم العافيه ..

وعليكم السلام يا هلا بفدك :)

نجيب السماوي اهو افضل الموجودين مثل ما قلت من قبل

علي كانسو سمعت ان مو شي وكل التعليقات عليه اغلبها

سلبيه واذا واحد مدحه مدحه باخلاقه بس شالفايده

اهو الحين المشكله ان شعبهم صكرت عاد بيفتحون غيرهم ولا

شنو بصير مادري او وقت لمن يحطون الدرجات نص الكلاس

ينشالون لان ما طافو التمهيدي هم مادري عاد انتي وحظج

بس اعتقد بيفتحون شعب يديده واعتقد دكاترة غير

فدك
31-05-2011, 04:35 AM
هلا فيك .. :)

اي لانه سالت رفيجتي الكورس الي طاف عند منو خذت قالتلي عند علي كانسو و ما تمدحه و عادت المادة :s
الحين نجيب السماوى زين بس شلون ع الشعب و التسجيل تفيدني متازمه :s
انا دخلت شفت موعد تسجيلي ٢-٦ و بس احاتي أخاف ما احصل ..

في دكاترة غيرهم بنزلون و لا بس اهما ؟!
الله كريم مادري شبصير هل اليومين ..
حدي مضغوطه و لوووويه :s

سامحني تعبتك ..

عاشق البلوغرانا
31-05-2011, 04:07 PM
والله يا فدك حالي من حالج هذا اول صيفي ومادري

شنو السالفه وكل ما اسأل واحد قديم يقولي راح يفتحون اذا شافو

العدد وايد بس اعتقد دكاترة ثانين لان راح يصير ضغط ع الدكتور

اذا فتح اكثر من شعبتين او شعبه

وتسجيلج بكون اول يوم هالمرة حظج حلو اهو راح يفتحونه تاريخ 2/6

ذيج المرة كنتي وايد متاخرة والشعب صكرت

عاد اللويا عندي انا لان انا ابي كيميا ١ لازم اخذها عشان اتخصص

واهمه فاتحيلي شعبتين ولمن ييت وشفتهم كان فيهم كراسي بس متعارضين

معااي مابي بعد يفتحولي شعب ثانيه هم متعارضه معاي

جذي راح انتحر :'(

فدك
31-05-2011, 04:52 PM
حتى انا كل ما اسأل يقولون لــي بيفتحون بعد ..
و مادري اي دكتور ..

صج زين هل المرة احسن ..
ان شاء الله احصل انا كنت خايفه صج هل اليوم مادري شبصير بس يلا المهم اسجل حتى لو اخلي
اي احد يسجلي :s

وييي ان شاء الله اتحصل
اتوقع ببطلون شعب بعد و ان شاء الله يكون في وقت يناسبك
و الكيميا اكثر قسم عليه ضغط ..
و لا تنتحر و لا شي عشان مادة :p
الله يوفقك و يسهل أمورك

عاشق البلوغرانا
31-05-2011, 08:02 PM
اووف حده قسم فاااشل واللي قاهرني يفتحون مليون شعبه حق البنات

والشباب زين اذا فتحو ثنتين ودفعتنا كلهم يبون كيميا مادري

الوضع شلون صاير حده مو شي وانا تسجيلي يوم 6/6

شوفي الحظ راح انتحر مو بسبه ماده بسبه تخصصات راح يروحون

علي اللي اهمه مدني وصناعي وبترول :'(

فدك
31-05-2011, 08:43 PM
ههههه لا حرام عليك انتوا يفتحون لكم شعب وايد إحنا لا
لا ان شاء الله اتحصل مواد و اكيد بيفتحون دام الكل يبي هل المادة

و ان شاء الله ما يروحون التخصصات الي تبيها
انا بعد ابي يا مدني او صناعيه ..
بترول مو حق بنات احس المكان في شباب اكثر

انا سمعت في تحويل داخلي بين التخصصات
يعني لا سمح الله ما انقبلت بالتخصص الي تبيه اتحول
انته اسأل فيها و شوف بس ان شاء الله تتخصص المكان الي تبيه من غير عباله
و ربي يووووفقك 

عاشق البلوغرانا
31-05-2011, 10:38 PM
اللي يبي يحول نفسج ما عنده كل التخصصات يعني مردج تحويل

داخلي الا اذا معدلج 3,5 عاد هذا شي ثاني :p

انا درست هالكورس مقدمه بالهندسه الدكتوره تقول

والله ارحملكم اتييبون 3,5 من دوامة التحويل الداخلي

راح تاخذين مواد التحويل وخوفج ما يقبلون وتندبسين بالتخصص اللي انتي فيه

انا قاعد احاول اييب نسبه عاليه عشان انقبل وارتاح

بس انا حدي متشلخ من فيزيا ٢ صراحه هالماده مو قادر ابلعها

اهيه كلها كهربا ما كهربا وانا حدي اكره الكهربا والدكتور الحبيب يشرح بالانقليزي

انا منسطل حدي والمشكله اهو عربي والله خوفي اسقط بالماده مابي

اعيدها صج مو قادر ابلعها هالمرة اخذها صيفي يبوووي انتحر

عاد انا ابي صناعي بس حدي متردد ع المستقبل الوظيفي

سمعت ان بالكويت عندنا مشكله ان سوق العمل ما يعرفون شنو اهو

المهندس الصناعي مع اني لمن سمعت دوره ووظيفته وماده صراحه

حسيت انها ميولي يايه بالضبط حبيتها حدي

بس المشكله هالقسم يقبلون شويه والمشكله ان مو محددين بنات وشباب

يعني البنات ماراح يرحموووني كلش ان شاءالله انقبل بالغلط :p

عاد يبووووي فشله قسم كامل كله بنات والصبيان ينعدون ع الاصابع :p

فدك
01-06-2011, 12:46 AM
هههههههه عاد و الله لو ابي شي اوصله بس انا بظروف الله العالم فيها ضغط مو طبيعي
بس و الله بجابل الكتب عدل عشان الهندسه 
و الي علي بسويه و ان شاء الله الله يعطيني ع قد نيتي ..

قمت احاتي سالفه التحويل و التخصص بعد
أخاف ادخل تخصص ما احبه
لا انا بالعكس الكل مدح لــي هل التخصص انا اخوي مهندس كهربا سالته شنو احلا تخصص و جذي
قالي صناعيه وايد حلو و شغله مطلوب حاليا و اي مكان يقبلونج لانه مطلوب
و في وحده اعرفها تخرجت من جامعه الكويت صناعيه بس ما سألتها شلون دوامها و مسمى الهندسه
صج ما يهمني المسمى اهم شي تخصص حابته و شغل ارتاح فيه

انا كان ودي احول معماريه بس صعبه سالفه التحويل أخاف ع درجه ما أنقبل و اتوهق لانه موادهم تختلف عن الهندسه العاديه
معماريه انا حابه شغلها اكثر بس مادري فكرت بالصناعيه و سالفه التحويل

و ع سالفه الفيزيا ٢ الكل يقول صعبه و مو حلوة الا الي حاب الكهربا
انا كنت ما احب الكهربا مالت الفيزيا و جذي بس من ١٢ حبيته وايد
و كنت شاطرة فيه بس مادري شلون طريقه الجامعه اكيد بتختلف بس بشد حيلي بكل المواد عشان اوصل حق الهندسه
لانه ما خذيت فيزيا 

ان شاء الله تنقبل بدعيلك
انته شد حيلك و لا تفكر وايد عشان لا تتشتت و بإذن الله السنه اليايه متخصص
و سالت المرشدة ع المواد قالتلي بيفتحون شعب حتى لاول يوم
و تقدر اتكلم الدكتور اذا كان عليه اكتفاء و تبي تكون عنده يقدر يسجلك
بس ع حسب كل دكتور ..

>> مو جنه قرقت وايد :p
بالتوفييييچ .. 

عاشق البلوغرانا
01-06-2011, 01:20 PM
شدعوه قرقتي وايد هههههه لا عادي فدتيني اصلا

والله انا بعد لمن سمعت مجالات عمل الصناعي الصراحه حيل عجبني

وصح العمارة يبيلها شغل ويبيلها نسبه قويه اللي ينقبلون فيها شويه

كاني شاق عمري بالدراسه والله يستر والله العله ان يوم امتحان الفيزيا عندي

فاينل ثاني بنفس اليوم راسي افتر بس يلا الله كريم وموفقه يو تو :)

فدك
01-06-2011, 04:41 PM
ويي الله يعينك ..
بس قسم دراستك بين هل المادتين و ربي يسهل عليك :)

انا خذت رقم الي تشتغل بالصناعيه قلت اسألها ع الوظيفه و الدراسه و اذا عرفت شي بفيدك فيه ان شاء الله

و الله يعينك و يساعدك ..
سامحني آذيتك معاي .. :)

عاشق البلوغرانا
01-06-2011, 09:35 PM
فدك انتي ما اذيتيني الا بشغله وحده :p

وااايد اتقوليلي سوري اذيتك ازعجتك

ترااا عادي ملل الكلام احسن من من قسم ميت

زين في احد يشاركني السوالف :p

يلا ناطرك ادقين عشان اقرر الله يستر

موفقه في الامتحانات :)

LoLiTa
02-06-2011, 02:24 PM
سلاااااااااااااااام..

شلونكم؟؟

البلوغرانا خل المنتدى هالاسبوع وشد حيلك الفاينلات بلشت ما بقى شي..

والله يعينك على الكيميا اكثر مادة تخصص عليها ضغط واحتمال كبير ما ينزلون شعب اذكر البنات بجوااا عشان يفتحون لهم شعبة زيادة فاذا بلش التسجيل سجلها بسرعة اهيا اهم شي عشان تتخصص..

واللي تسأل عن العمارة حدده التحويل لها سهالات بس كالكلس اي وفيزيا 1 واايد بنات حولوا من العلوم بس يبون معد ل3.33 ومو صعب لانكم بس تاخذون مادتين علميتين ومادتين من العمارة وموادهم سهالات كلها نظرية او عملي مثل الخزف بس ماكو رياضيات وفيزيا وهالسوالف..

وبالنسبة حق السماوي رفيجاتي حييل يمدحونه وكانسو ما يعرف يشرح بس زوين وحقاني يعني ومرات يزيد اذا شاف الواحد مهتم..

وبس لا تحاتون كل تاخيره وفيها خيرررة وادعولي خااايفة من فاينلاتي واااايد ماكو وقت..

مووفقين..

عاشق البلوغرانا
02-06-2011, 06:03 PM
ههههههه هاده والله ما ادخله الا جذي عشر دقايق

من الايفون ما ياخذ وقت مني

ولا جذي خرعتيني اكثر خل يفتحون ما يصير جذي ظلم

خل يحطون معيدين دكاترة بس المهم يفتحون شعب

وكا الكتب والنوتات مطشرة بالغرفه قاعد ادرس p:

فدك
08-06-2011, 07:38 PM
بااك سوري تأخرت عليك بالرد
لهيت بالامتحانات و بكذا شي و الحين يالله قدرت ادخل

أنا سألتها من زمان اول ما أخذت الرقم كلمتها بالواتس اب
قالتلي الصناعيه حلوة و مطلوبه بس مو سهله مثل ما يقولون و مو الكل يقدر يمشي فيها الا الي حابها
و اساسا مافي شي اسمه سهل او صعب الي يدرس و يتعب ع روحه يحصل .. :)
و مواد الصناعيه فيها من الميكانيك يمكن ٦ مواد ميكانيك و اغلب المواد فيها مشاريع
و من ناحيه الشغل تشتغل مهندس بس مو مسماك مهندس
بس مثل ما قلت تخصص مطلوب ..

و الله يوفقك و اذا تبيني اسأل ع الهندسه المدنيه اعرف بعد وحده بهندسه مدنيه بجامعه الكويت
قريب اتخرج ..

و سوري ع التأخير ..

و ان شاء الله سجلت و حصلت مادة الكيميا عشان اتخصص
و الله يسهل أمورك ..

عاشق البلوغرانا
08-06-2011, 08:41 PM
مشكوووورة فدك وان شاءالله خير ع التخصصات

والله ما حصلت كيميا وفاينل حدي ويع احباط ورا احباط

شكله بغسل ايدي بعد الصيفي اتخصص

لا شعب لا دنيا وساقط ولويا والمعدل ومعدل التخصص اللي ابيه

اووف الحياة مو شي مادري شسوي محتار بشيين واثنينهم احتمال اندم

اذا ما سويت الثانيه ابي مصلحتي مادري شقرر

وانتي عسى الامتحانات تمام

فدك
09-06-2011, 12:38 AM
العفووو ما سويت شي و اذا تبي شي ما راح اقصر ان شاء الله ..

لا تحبط روحك ميخالف صج ماكو شعب و لويه و الدرجات مو ذاك بس
شنسوي لازم نتحمل عشان نوصل الي نبيه .. :)

و الي عليك سوه و الله ما يضيع تعب احد لا تتضايق يمكن تدخل احسن تخصص
الحين ركز بالمواد و المعدل و ان شاء الله تدخل المكان الي تبيه ..

التمهيدي رياضيات عرفت درجته باس
و الانقلش ١٦١ تماام ناجحه
باقي مادة الاختياري و مادة الكيميا و ان شاء الله خير
و الي علي أني بشد حيلي و الله كريم ..

و الصيفي قصه ثانيه .. يلا ان شاء الله احصل شعبه زينه ..

عاشق البلوغرانا
09-06-2011, 02:23 AM
الحمدلله ع كل حال شكلها خيرة بعيد ترتيب كل شي

خل اتاخر بالتخصص شوي عادي بس المهم اضمنه وارفع معدلي

والحين عرفنا النظام وان شاءالله انبلش من البدايه قوي

والصراحه متحمس حق الصيفي واهيه مواد عايدهم يعني

بكون سهالات مع المجابل والدكتور العدل القريدات اتيي

والحمدلله ومبروك ع البري عاد اليوم كنت اطالع النتايج حق ارفيجي

وانقليزي عسى c او فوق عشان التحويل مع الاختياري بعد

ويلا شدي حيلج بالكيميا معاي يوم السبت ترا سهل في نوتات

حقه اذا تبين وماي الماده مافي شي انا بالفاينل اييب 19

انجح وتقريبا مضمونه واذا حق الصيفي تبين مساعدات حاضرين

ويلا افتكينا من هالكورس الثقيل والخير باللي ياي وان شاءالله

كل واحد يقدر ع اللي يبيه موفقه وشدي حيلج :)

فدك
09-06-2011, 02:17 PM
اي و الله صح يمكن خيره ما تدري ..
اي ابتدي تدرس من اول و يديد حق المواد الي عدتهم عشان ترفع معدلك ..
و ان شاء الله الصيفي يكون سهالات بالنسبه لك ..

الله يبارك فيك ..
الحمدلله عديته ما احب أعيد المواد اتازم نفسيا
و الانقلش ناجحه يبت C توقعت ايب اكثر بس الحمدلله ع كل حال اهم شي اقدر احول
و الاختياري ان شاء الله تمام و القريد يكون حلو
بس خايفه من الكيميا مو عشان صعب لانه الميدترم الثاني سقطه :(
ما درست له عدل كان قبلها علي بيركالكولس و رديت البيت ع ٨ و نص مادري ٩ الا
رديت هلكانه و تعبانه درست جابترين و دخلت بالثالث ع ٣ نمت ابي اكمل ماني قادرة طاقتي خلصت
و ما قعدت الا ع ١٠ و نص جابتر كامل مو دارستله و باقيلي بعد من الجابتر الي ما كلمته بغيت أخذه مآجل و خفت
امتحنت و سقطت

و أخاف ما أعدي المادة مالي خلق أعيد
>> قلت قصه حياتي هههههه :p

يلا الحمدلله ع كل حال أنا الي علي بدرس و ان شاء الله اعديها .. :)

عاشق البلوغرانا
09-06-2011, 06:17 PM
لا لا سهالات والله درسيهم عدل وراح اطوفين

انا بس نسيت توزيع الدرجات المدتيرم الاول ١٥ والثاني ١٥

والاسايمنت بالنت بعشرة ولا عشرين والفاينل عليه ستين ولا خمسين

والله مادري دخت

المشكله بالكيميا ما كنت اداوم لان مليون محاضرة الصبح واهيه ٦ المغرب

والدكتورة طيبه فكان فري بس كنت ادرس النوت اي كلام وادش المدتيرم

بس سهل حده

فدك
12-06-2011, 04:00 AM
و اخيرا خلصت امتحانات أنا الي علي انه درست و قدمت بالكيميا و الله كريم حاطه ايدي ع قلبي
مادري بعديها و لا لا :S
رحت مواصله و نسيت الي درسته من كثر ما أنا راسي مصدع
اساسا مادري شلون رديت البيت ههههه

يلا موقفين و have fun بالعطله
و ان شاء الله أتكون درجاتكم مثل ما كنتوا متوقعين

عاشق البلوغرانا
12-06-2011, 07:47 PM
ههههههه حالج مو احسن من حالي بالكيميا انا رحت مواصل ما درست

الا ثلاث جباتر كان صج مالي خلق الدراسه بس ان شاءالله اعديها

كنت بحسب اشوف جم درجه باقيلي ولا تنحت الفاينل ٢٨ سؤال يعني من جم

تعقدت بالحسبه وماني حاسب شي وماني رايح اشوف درجتي بانطرها بالسستم تنزل

المهم خلصنا ويلا استانسو بهالاسبوعين وراكم صيف حااار حده وتسجيل ما يبشر بالخير

موفقه فدك وكل يوم دشي التسجيل في ناس قاعده تسحب لانهم شافو انهم ساقطين

اخذي الدكتور اللي تبينه يلا ع قولتج have fun :)

فدك
12-06-2011, 08:23 PM
هههههه منو كان له خلق الدراسه
أنا رحت نسيت كل الي درسته
و ما كان لي خلق الامتحان و اول ما خلصت ركض ع البيت ابي اناااام

يلا ان شاء الله اتعديها و متى ما نزلت بالسستم بشوفها :)

الله يوفق الجميع اي ان شاء الله بحاول ادخل و يارب اسجل
أنا سجلت عند دكتور امين مادري منير نسيت اسمه هههه
مادة كالكولس بس يقولون ما يعطي الا c و d !!

و الله يوفقك و يسهل أمورك .. *

عاشق البلوغرانا
13-06-2011, 01:25 AM
والله مادري منو امين هذا حتى بموقع التقييم مو موجود اسمه

شكله يديد او كان معيد والله ما يندرا يلا ان شاءالله اتحصلين

عند نجيب او اهو يكون خوش واحد

طالب علوم
13-06-2011, 02:24 AM
قوة شباب وبنات شلونكم وشلون العطلة لوووول

عندي سؤال

الحين صاحبي مسجل فيزيا بالصيفي

اول مرة يأخذها ، والاب كله مغلق

السؤال هو هل تنسحب المادة لانه مو مأخذ اللاب ؟؟؟

ولا ماله علاقة ؟؟

عاشق البلوغرانا
13-06-2011, 03:28 AM
الله يقويك

لا ماله شغل اللاب بالماده

انا مخلص فيزيا ١ وفيزيا ٢ وللحين ما خذيت لاب

LoLiTa
13-06-2011, 04:17 AM
قوووة...

الحمدالله اخيرااااااااااااااااااااا ااااااااااااااااااااااااا اااااااااا خلصت ما بغينااااااااااااااااااا صج تعبت ومن الوناسة ما نمت للحين..

شلونكم وشلون قريداتكم الوضع مااا يطمن ؟؟

عاااشق اي اسبوعين الصيفي الاحد الياي لوووووووووووووول مادري شلون بنداااااوم @@...

عاشق البلوغرانا
13-06-2011, 06:01 AM
هههههههه اسبوعين الزقت ابالي لان واحدقالي بطلع حرتي بهالاسبوعين

بس حافظ التاريخ مالي خلق احسب خل اقص ع نفسي شوي

والقريدات الله بالخير فيزيا وكالكلس راحو علي

الامتحانات صج ما كانت ترحم اذكر الفيزيا يومين ما نمت الا ثلاث ساعات كنت

ادرس مادري شصار بالامتحان مولي حدي

شكله بتخصص بعد الكورس الاول لان كالكلس وفيزيا وكيميا صيفي مستحييييل

فقلت ابدي من يد ويديد خذيت صيفي فيزيا ١ وكالكلس ١

عشان اذا قدرت ارفع معدلي منها خوش دكاترة ومنها ارفيجي معاي

ومنها اعرف المنهج بعيد لان قريداتي مو شي فيهم حدهم وهالمرة

التخصص حالتي اصعب يبيله معدل اعلا لان بعد الكورس الاول فقلت اشد

ع عمري فيهم بالصيف وانتي شسويتي وين وصلتي شصار وياج

LoLiTa
24-06-2011, 11:41 AM
والله الحمدالله ماشي الحال طاحسة بمواد الهندسة.. شنو ماخذ الحين بالصيفي؟؟

وليش بتعيد كل المواد عيد اقل القريدات بس لا تخلص مواد الاعادة وانت للحين بالعلوم لان مثل ما قلت انك صبي فالفرص عندكم بالتخصص كبيرة اذا تخصصت مع دفعتك...

وسمعت ان من الكورس الياي النجاح بيصير 60 بمواد الرياضيات الله يعينكم اذا الخبر صحيح..

عاشق البلوغرانا
24-06-2011, 02:06 PM
انا قلت اعيد لان فيزيا ٢ وكالكلس بي صعب اطلع بقريد عالي

ولو ما طلعت عالي فيهم ماراح اعدي النقطتين انا مو مشكلتي مع القبول

مشكلتي مع النقطتين صعبه اخذ صيفي كالكلس بي وفيزيا ٢ وكيميا ١

واطلع فيهم بقريد فوق النقطتين مستحيل قلت عشان لا يضيع الصيفي عدت فيزيا ١ وكالكلس ١

وانا الحين مجابل حدي وشاد حيلي وحاس اني بطلع فيهم بقريدات وايد زينه

LoLiTa
24-06-2011, 04:12 PM
^^ اهااا الحين فهمت وضعك .. ان شاء الله سهالات موادك سهلة وحاول تييب قريدات عالية..

زين نجحت بكالكلس بي و فيزيا 2 ؟؟

فيزيا 2 عادددي سهالات ان شاء الله النجاح من 40 الى 50 يكون بعد الكيرف..

بس صراحة اذا يطبقون عليكم النجاح من 60 بالكالكلس صعب شوي تيبوون قريد فاذا نجحت فيها لا تعيدها تخصص وافتك..

وبالتوفيج..

عاشق البلوغرانا
25-06-2011, 03:08 AM
ما نجحت فيهم خخخخ كنت شوي مستهتر

فيزيا ٢ انا ما قدرت استوعب وايد اشياء لان دكتورنا انقليزيته حيل حيل صعبه

ابي افهم شرحه مو قادر مع ان اهو عربي ( سوداني )

اعتمدت ع روحي ودشيت دورة بس ضعت وتعبت لان وايد اشياء تكدشت علي

بس ان شاءالله الكورس الياي اخذها واجابلها عدل ويكون عند دكتور زين

فدك
11-07-2011, 01:06 PM
السلام عليكم
شلونكم عساكم بخيير .. :)

شلون الصيفي و الحر معاكم ؟!
ان شاء الله ماشيين بالدراسه ..

بالتوفيق للجميع ..

عاشق البلوغرانا
11-07-2011, 10:34 PM
والله ماشي تمام انا مع ان ضغط وماخذ ثلاث مواد وحر مو طبيعي ومافي وقت

بس والله احس في وناسه شويه معاي ارفيجي الروح بالروح بكل المواد

ومجابل هالمرة ودرجات حلوة وانتي فدك شمسويه شنو الاخبار

فدك
12-07-2011, 10:32 AM
اي الحمدلله
الله يوفقك
شي حلو انه في احد معاك عشان أتشجع

انا الكورس الي طاف بالنسبه لي احسن
احس اغلب الوقت بروحي !
و من ناحيه الدراسه ادرس بس تحبطت وااايد
مادري ليش كنت ابي مادتين صار تضارب ظليت ع مادة وحده
إدرس احس أني مو قاعدة احصل درجات !
فمتحبطه شوي لي درجه ما أظل اي دقيقه بالجامعه بس اخلص المحاضرة ع البيت

بشد حيلي اكثر و اسجل بدوره مابي ينزل معدلي عشان المادة
و بالنسبه لي سهله مو صعبه وايد ..

بس الحمدلله ع كل حال
و الله ما يضيع تعب احد

الله يوفقك و يسهل أمورك و اتيب درجات حلوة .. :)

عاشق البلوغرانا
12-07-2011, 09:30 PM
اللهم امين ويلا انتي بعد شدي حيلج ماكو شي مستحيل

بس عاد شنو مسجله يمكن في ماده نفسي p:

سوييره
12-07-2011, 09:31 PM
مرحبا شلونكم مهندسين المستقبل وشخباركم

بغيت منكم خدمه صغيره
ومن البنات خصوصا اهمه بفيدوني اكثر
في احد هني يدرس هندسه مدنيه سنه ثانيه بتروح ثالثه او مقارب لها

فيدوني تكفون يا بنيات :)

فدك
12-07-2011, 11:14 PM
هلا حبيبتي سويره
انا اعرف وحده اتصيرلي هندسه مدنيه سنه ثالثه مادري رابعه
أمري حبيبتي شنو بغيتي ؟
يمكن اقدر افيدج ...


انا مسجله ماده كالكولس a اهي سهله و انا ادرس بس مادري شفيني ://
إن شاء الله بشد حيلي و يارب يصير الي في بالي و ادخل المكان الي ابيه ..
نفسيتي xxx و الله بس الحمدلله ع كل حال .. :)

LoLiTa
13-07-2011, 01:18 AM
سويره امري شبغيتي ؟؟ ان شاء الله اقدر افيدج ..

عاشق البلوغرانا
16-07-2011, 06:39 PM
فدك يلا وياي بالكالكلس اول مدتيرم ماي كان

والدكاترة متساهلين شوي عسى بيضتيها باول مدتيرم p:

LoLiTa
16-07-2011, 07:45 PM
شلون التسجيل للكورس الاول ..؟؟

سوييره
16-07-2011, 08:44 PM
لوليتا وفدك شوفوه الخاص ماعليكم امر :)

عاشق البلوغرانا
17-07-2011, 10:59 PM
الكورس الاول اسمه كورس رد الدين :@

بطلع حرتي بفيزيا 2 وكالكلس بي << الي تساهلت معاهم وايد

ما ينعطون ويه لازم اكلهم اكال << شاد حيلي p:

طبعا موادي فيزيا 2 وكالكلس بي كيميا 1 ويمكن اسجل لينير او ماده اختياريه

لينير ودي فيها بس الشعب نصهم متعارضين او وقتهم حده مو شي

فمادري :(

سوييره
17-07-2011, 11:48 PM
فدك ،،،،،، لوليتا >>>>>> وينكم مابينتوا بالمره ماطلع معاكم شي !!! !!!!

eng.momo
18-07-2011, 12:28 AM
السلام عليكم

شلونكم يا مهندسين

بالنسبة حق البروبابلتي شرايكم بطلال البذالي؟

ومنو احسن اهو ولا فؤاد قاسم

والايكونومي منو الاحسن عادل علي ولا محمد الخضر؟

وابي استفسر عن انقلش 221 الي ماخذه ابي يعطيني فكره عن الماده شنو اهيا بالضبط

thnxxxx (F)

lilAngel<3
18-07-2011, 12:55 AM
عآشق سؤآل : هآلموآد آللي آنت قلتهآ آلمفروض مخلصهآ p;
فـ ليش آترد تآخذهم آلكورس آليآي ؟ o.O

و سؤآل ثآني : ليش لآزم كل وآحد يدش لهندسه يآخذ صيفي!!!!!! o.O
آلسنه آليآيه وآللي ورآهآ اتوقع رمضان بـ بدآية 7 فـ انقول انا دشيت < مآشآءلله وآيد وآثق !
شلون رآح نقدر نآخذ صيفي ( حرررررر + صآيمين p; ) منو بيقعد آلصبح بآلله =p

و سؤآل ثآلث : موآد آلهندسه كآلكلس a و b و c يالله اتخصص ؟ o.O
مو جنه وآيد لوول p; !
ولآ بس a و b !!
وشنو بعد موآد قبل آلتخصص ;$

< فضول مو طبيعي أدري ;$
بس بـ بآلي هآلآسئله من زمآن لوول قلت اسأل =)

عاشق البلوغرانا
18-07-2011, 02:37 AM
يصير تعيدين الماده اذا خذيتي فيها من c- وتحت انا هالمادتين شوي دسمين

وما جابلتهم عدل << اعترف بالذنب ما اقعد اقول الجامعه تعجيزيه !!

والصيفي بكل الكليات الناس تاخذه بقوة مو بس هندسه

واهو عشان تعوضين شي تاخرتي فيه او تعيدين ماده او

تبين تتخرجين اسرع او تتخصصين اسرع او ترفعين معدلج بمواد سهله

وبالنسبه حق الثقه بالنفس ان اقول صيفي ترى عادي مو شي يدل ع الفشل

اهو كورس عادي اخذ مواد واخلصهم اهو صح مده قصيره انا احتجت ارفع

معدلي والحمدلله للحين مسوي الي ابالي وبالنسبه للحر بعد امري لله شسوي

وبالنسبه لمواد التخصص اهمه فيزيا 1 , 2 وكالكلس 1 , 2 وكيميا 1 وانجليزي ومقدمه

في الهندسه هذا اذا ماكو تمهيدي طبعا

ان شاءالله غطيت ع كل الاسئله اذا في بعد شي سئلي :)

LADS
18-07-2011, 08:39 PM
اختي من وين اطلعين تقييم الدكاتره ؟؟

LoLiTa
19-07-2011, 01:23 AM
^^ [Link nur für registrierte Benutzer sichtbar]

LoLiTa
19-07-2011, 01:31 AM
عآشق سؤآل : هآلموآد آللي آنت قلتهآ آلمفروض مخلصهآ p;
فـ ليش آترد تآخذهم آلكورس آليآي ؟ o.O

و سؤآل ثآني : ليش لآزم كل وآحد يدش لهندسه يآخذ صيفي!!!!!! o.O
آلسنه آليآيه وآللي ورآهآ اتوقع رمضان بـ بدآية 7 فـ انقول انا دشيت < مآشآءلله وآيد وآثق !
شلون رآح نقدر نآخذ صيفي ( حرررررر + صآيمين p; ) منو بيقعد آلصبح بآلله =p

شوف انا اقولك اول سنة الطلبة ياخذون صيفي عشان مواد التخصص اهما 6 اوكي

( كالكلس اي وبي - فيزيا 1 و2 -كيميا -انجليزي) فيركزون عليهم وياخذونهم خلال سنة مع مواد اختيارية عشان

يتخصصون بعدين في مادة رياضيات وراهم اسمها لينير هذي كل الطلبة ياخذونها بالصيفي عشان اهيا تبطل كالكلس

سي ودفرنشل اللي اهما مواد رياضيات ورا التخصص ليش؟؟ عشان يفتكون من كلية العلوم بسنة ونص ويمشون

بسرعة,, انا مثلا خذيت لينير باول سنة عشان جذي ما احتجت اخذ صيفي..وصح كلامك الله يعين كل واحد ماخذ

صيفي ماني متخيلة الفاينلات السنة برمضان شلون السنة الياية الدوام برمضان والحرارة فوق ال 50 + بعد اللي

صيفي اغلبهم يعيدون مواد العلوم عشان يتخصصون او المواد الباجية اغلب الطلبة يعيدونهم او الطلبة المتاخرة تلحق

على دفعتها او مثلا يكون دكتور زين ما يتطوف منزل المادة وهذا ( نادرا) عشان جذي ياخذون ,,<<< ادري قتلك قصة

حياتي وادري وايد معلومات ما فهمتها لما تدش هندسة ان شاء الله اقرى ردي مرة ثانية وبتعرف كل شي :)

و سؤآل ثآلث : موآد آلهندسه كآلكلس a و b و c يالله اتخصص ؟ o.O
مو جنه وآيد لوول p; !
ولآ بس a و b !!
وشنو بعد موآد قبل آلتخصص ;$

جاوبت على هالسؤال فوق..

< فضول مو طبيعي أدري ;$
بس بـ بآلي هآلآسئله من زمآن لوول قلت اسأل =)



(co:) بالتوفيج ان شاء الله

فدك
19-07-2011, 04:04 PM
السلام عليكم ..

شلووونكم عساكم بخير

هلا اخوي عاشق .. اي كان سهل اول ميدترم مااي بس انصدمت بالدرجه و تحبطت حييييل @@ كان سهل و مباشر و حاله !!
بس الله يخلي رفيجتي وقفت معاي و شجعتني و انا حاليا تمااام حتى كميه الميدترم الياي دارستها و خالصه
قمت اكل الكتاب ع قولتهم و ان شاء الله يرتفع معدلي لانه كان بالنسبه لي تحبيط مو طبيعي !!

و بالنسبه حق الكورس الياي بسجل كالكولس b
و باخذ فيزيا ١ و كيميا تمهيدي (( ما نجحت فيه لوول كنت امبدعه باخر امتحان :p )) و مادة اختياريه

اخوي عاشق نصيحه لا تاخذ كالكولس b ولينير اختي خذتهم مع بعض و أسقطت بالكالكولس و اثر ع معدلها و انجحت باللينير ع الحفه
بس اذا انته تقدر أخذها بس عشان معدلك ..

سارة حبيبتي سوري تاخرت و الله لهيت علي ضغط مو طبيعي !
رديت عليج .. :)

بالتوفييييييج للكل ..

عاشق البلوغرانا
19-07-2011, 09:19 PM
نصيحتج بالبال بس لان انا ماخذ كالكلس بي من قبل

وصج اني ما نجحت بس والله كنت اقدر اييب قرييد وعاالي

تخيلي اول ميدتيرم 15 وكان مؤجل يعني اصعب والثاني يبت 18

يعني لو اييب فول مارك بلقوزات والفاينل ابدع اطلع حتى b

بس القوزات اهملت والفاينل اهملت حيييل واهو بنفس الوقت يالنا

صعب بس هم الوم نفسي اني ما درست يعني الصراحه ماده سهله

واشوفها اسهل من كالكلس a

واللينير لمن اشوف الطلبه قريداتهم عاليه وانا شفت مقررهم ومذكرات

جذي ع الطاير كنت اعرفهم واعرف حلهم لان من كالكلس a , b

والفيزيا 1,2 خذيت خبره بالجبر وهالكلام فإن شاءالله اشد حيلي

فدك
19-07-2011, 11:02 PM
ماشاء الله
الله يوفقك و يسهل أمورك
اي سمعت انه كالكولس b اسهل من a

اختي الله يهداها كانت ماخذه كالكولس b ولينير و فيزيا ٢ و ماده اختياريه و في مادة بعد !!
مادري شلون ادرست ! و كلهم اول مرة تأخذهم
الحمدلله انها تخرجت و ارتاحت :)

و اذا ما صارت لك مادة او شي لا تتحسف يمكن خيره الدكتور مو زين و لا شي
اهم شي المعدل عشان التخصص المطلوب
شد حيلك ياخوي و ان شاء الله سهالات

و ان شاء الله تحصل مواد و شعب عند دكاتره زينيين

صج كل ماله و اتحبط من الدكاترة و المواد بس أحاول انه ما أتراجع عن شي ابيه
و دعواتكم انه احول هندسه .. :) *

lilAngel<3
20-07-2011, 05:52 AM
لوليتآ و عآشق
مشكوريين ويعطيكم آلف عآفييه =D

لوليتآ : لآ وآلله فهمت كل شي p;
شدعواا ما يبيلها ذكآء .. بس الحيين فهمت بالتفصيل عرفتيي ;p
شي حلوو ^,^
thanks alot =D
مآ قصرتي p;

و عاشق : btw i'm a guy not girl =p
لوول ..
ومشكووررر وآيد وآيد :) ^^

:

موفقين حبآيبي بـ آلهندسه ^^
وعقبآلي آبي آدششهآ :$ !

eng.momo
25-07-2011, 06:03 PM
السلام عليكم

بالنسبة حق مستجدين الهندسة شنو المواد الي يسجلونهم فيها اذا كان عنده تمهيدي كيميا وانجليزي؟

LoLiTa
25-07-2011, 06:50 PM
اللي عنده تمهيدي انجليزي ما ياخذ معاه الا مادة واحدة فاختاري كالكلس اي مثلا وتمهيدي الكميا الكورس اللي وراه..

eng.momo
25-07-2011, 07:23 PM
يعني ما يصير تمهيدي الانجليزي والكيميا مع بعض؟

LoLiTa
26-07-2011, 01:50 AM
مادري بالضبط بس اتوقع يصير بس حرام انتي متاخرة متاخرة فاخذي كالكلس عشان لا يضيع عليج الكورس على الفاضي بدون وحدات لان الكميا عادي لو تاخذينه الكورس اللي وراه لان الكميا بس مادة تخصص واحدة اما الكالكلس 1 و وراه 2..

eng.momo
26-07-2011, 02:25 AM
ثنكس حبيبتي ما قصرتي

انا قاعده اسأل حق اخوي

ادعوله يقبلونه هندسة(f)

LoLiTa
27-07-2011, 12:20 PM
بالتوفيق ان شاء الله ينقبل لا يحاتي اذا فوق 75% مكافىء .. انج مومو انتي تدرسين بالجامعة ولا برا ؟

eng.momo
31-07-2011, 03:29 AM
ادرس بجامعة الكويت :)

karbo0osha
31-07-2011, 11:40 PM
السلام

انا انقبلت وبااجر بسجل مواد

فيدوني باحسن الدكاتره لان ماعندي تمهييدي ... بليز احد يجاوبني

fatma 93
01-08-2011, 12:42 AM
سلام ابي اعرف منو احسن الدكاتره ومنو اللي اتجنبه
حسبان ١ : هاني فران ،عبدالله العازمي, علي كاسو, لطيف حنا ,امين, مريم الكندري ,احمد القره بلى.
فيزياء ١ : عبد المحسن علي ، محمد العقاد ، طارق الرفاعي ، حسان مانع ، طارق رمضان ، اشرف زاهر ، *

LoLiTa
01-08-2011, 06:08 AM
سلام ابي اعرف منو احسن الدكاتره ومنو اللي اتجنبه
حسبان ١ : هاني فران ،عبدالله العازمي, علي كاسو, لطيف حنا ,امين, مريم الكندري ,احمد القره بلى.

توني انتيه ان العزمي منزل المهم الاحسن: هاني-عبدالله--احمد (عجيب بالشرح بس نفسية ما يرضى ينسال بالكلاس)-مريم-لطيف تقريا اغلبهم زينين حيل..

فيزياء ١ : عبد المحسن علي ، محمد العقاد ، طارق الرفاعي ، حسان مانع ، طارق رمضان ، اشرف زاهر ، *

طارق الرفاعي-طارق رمضان-اشرف هذول احسن شي ولا تاخذين عند عبدالمحسن..

موفقة,,(f)

karbo0osha
01-08-2011, 12:27 PM
انزين بسال مكتوب بجدولي اني ماقدر اغيره لاني مستجدة
وبما اني ماخذة عند عبدالمحسن

شسوي شالحل ياجمااعه

مابي من اولها اسقط

LADS
01-08-2011, 01:24 PM
السلام عليكم
ممكن تشوفين لي هالدكاتره و ابي رايج الشخصي اذا سجلتي عندهم من قبل

عبدالمحسن حبيب الله حجي لطفى علي ( فيزياء )
حسين راشد محمد المطيري ( انجليزي )
منصور حميد عباس جراغ ( مدخل الى برامج الهندسه )

LoLiTa
09-08-2011, 09:17 PM
مبارك عليكم الشهر............

شلونكم بعد الصيفي بشرونا شسويتوا ؟؟

LADS
14-08-2011, 12:46 AM
اختي ماقلتي لي التقييم مال الدكاتره الي قلت لج عنهم

طالب علوم
16-08-2011, 12:40 AM
السلام عليكم ورحمة الله وبركاته

شلونكم شباب وبنات

ما عليكم امر بغيت اسأل عن فيزياء 2 سهلة ولا صعبة وشنو مواضيعها

وتهقون اقدر امشي فيها ؟؟!!

أنا بالنسبه لي

فيزياء 1 كانت عاديه بس متعبه شوي o; وطلعت فيها بقريد وايد حلو والحمد لله

والحين حيل خايف من فيزياء 2 تهقون اسهل من فيزياء 1

-.-<.<

عاشق البلوغرانا
16-08-2011, 03:03 PM
فيزيا ٢ اصعب من فيزيا ١ شي طبيعي فيزيا ١ كانت اساسيات الفيزيا

فيزيا ٢ ادخلو بعمق اكثر واهو اكثر شي عن الكهربا واللي اعرفه

ان الدكاتره كلهم يشرحون فيزيا ٢ بالانقليزي فيزيا ١ سهله

فيزيا ٢ يبيلك تجابله كل يوم بيومه ولا راح تضيع انسى ايام ادرس بس قبل القويز

ولا قبل الامتحان الحين كل شي بايدك موفق

LADS
17-08-2011, 09:16 PM
مارديتوي عليي ابي تقييم

عبدالمحسن حبيب الله حجي لطفى علي ( فيزياء )
حسين راشد محمد المطيري ( انجليزي )
منصور حميد عباس جراغ ( مدخل الى برامج الهندسه )

فدك
26-08-2011, 12:15 AM
السلام عليكم

شلونكم عساكم بخير ؟!
ان شاء الله حصلتوا مواد و شعب مثل ما انتوا تبون
الله يوفقكم 

عاشق البلوغرانا
26-08-2011, 12:50 AM
سجلت كل شي باقيلي كيميا شكله باي فورس :(

سجلت دكاتره يمشون حالهم بس المشكله بالاوقات مو شي

وانتي بشري فدك شسويتي :)

فدك
26-08-2011, 01:28 AM
الحمدلله سجلت مواد مثل ما ابي بس مادري اذا دكاتره زينين و لا لا
و الوقات زينه و مو زينه
بس شسوي اوقات الجامعه جذي ..
ما توقعت اخلص كل موادي اليوم
و رفيجتي ما قصرت أهي تسجلي من صوب و أنا من صوب
و الحمدلله صار بنفس الوقت ..
ع النيه و الله .. :)

يارب تحصل مثل ما تبي
و الله يوفقك 

LoLiTa
26-08-2011, 02:44 AM
تسجيل هالجامعة فلم هندي كل ماله ويصعب اكثر الله يعينااا المفروض كل واحد فيكم اذا حصل اختياري زين او مادة مشتركة بسرعة ياخذها

لان هالشي ما يتكرر @@ اما مواد القسم مقدور عليها بس الباجي طق مطاقق من الحين اشوف كل الشعب فولت وصج هالمره مابي باي

فورس مليت الوضع لوعة وزبالة ورايحين رادين طول اليوم واخر شي ردوا البيت وجيكوا السستم يمكن نفتح شعبة لووول حدي تحلطمت..

LoLiTa
30-08-2011, 01:35 PM
كل عام وانتم بخير مهندسين المستقبل ان شاء الله..

Shahoudiiii
03-09-2011, 06:43 PM
كل عـام وانتـوا بخير :)
بس بسـألكم انا مستجدهـ وابي اعرف طبيعـة المواد شــنوو يعني اقدر اييب قريد عـالي انا الحمد الله نظـامي احب اقعد ادرس واجابل دراســتي يعني مو من النوع الملولـه :) ابي نصايحكم لان كل ما اسأل احد يحبطنـي يحسسني انه ماكو امـل
بس بعـرف طبيعـة المـواد :)

LoLiTa
03-09-2011, 10:20 PM
المواد ما فيها اي شي من الصعوبة وخاصة الكورس الاول حاولي تيبين معدل لان كل كورس تصعب المواد تبدي سهلة ثم متوسطة والخ..

كالكلس اي: منهج رابعة ثانوي رياضيات بالضبط نهايات واتصال بعدين اشتقاق وقاعدة السلسلة وجذي بعدين مسائل الرسم واخر شي بدايات التكامل يعني بس الاختلاف ان المادة بالانجليزي ف تعودين ايدج على الحل..

فيزيا 1: هالمادة يبيلها تركيز وحل امتحانات قديمة صج اغلبها ماخذينه تقريبا ب3 ثانوي اول جابتر المتجهات بعدين تصير القوة والاحتكاك والعزم بس شوي تحتاج فهم مصطلحات بالانجليزي وحل امتحانات سابقة واااايد..

انجليزي:يعنمد على مستوى الطالب واغلبه قواااعد وسهالات ان شاء الله..

شدي حيلج..

Shahoudiiii
04-09-2011, 12:52 AM
اوكـي ثانـكيوو حبيبتي ماقصــررتي :)

LoLiTa
09-09-2011, 04:08 AM
شخباااااااااااااااااااااا ااركم بعد عطلة العيد؟؟؟


ما بقى شي على الباي فورس عسى كملتوا جداولكم..؟؟

منو بيروح الباي فورس ؟؟

طالب علوم
10-09-2011, 01:33 AM
شباااااب بناااات بشروااا ;~)

شصار تخصصتو ؟؟؟

:confused:

ENG.Dalool
16-09-2011, 04:53 PM
السلام عليكم

الحمدلله هالكورس الباي فورس كان جدا سهل ومنظم الله يعطيهم العافية
وقدرت اسجل المواد اللي ابيها


بس عندي استفسار عن بعض الدكاتره اذا في احد ماخذ عندهم او سامع عنهم اتمنى يفيدنا

د.كريستفر بيكر - هندسة كيميائية
د.عادل علي - هندسة صناعية
د.اسامة الراشد (البوفرسن ) - هندسة كيميائية

عاشق البلوغرانا
17-09-2011, 03:59 AM
[Link nur für registrierte Benutzer sichtbar]
دشو وعطونا رايكم :)

عاشق البلوغرانا
17-09-2011, 04:19 AM
السلام عليكم

الحمدلله هالكورس الباي فورس كان جدا سهل ومنظم الله يعطيهم العافية
وقدرت اسجل المواد اللي ابيها


بس عندي استفسار عن بعض الدكاتره اذا في احد ماخذ عندهم او سامع عنهم اتمنى يفيدنا

د.كريستفر بيكر - هندسة كيميائية
د.عادل علي - هندسة صناعية
د.اسامة الراشد (البوفرسن ) - هندسة كيميائية

ما اعرفهم الصراحه بس نقلتلج هذا وسوري اذا قصرت

د.كريستوفر
المختصر المفيد- معظم الطلبة يقولون
5/4
ان مستوى الاختبارات سهل
وشرح المدرس شرح غير مفهوم
والأغلبية حصلو على تقدير B
بإختصار ننصح به
التقييم ملاحظات الطلبة
- النجوم:4/5
- المستوى: سهل
- الشرح: شرح غير مفهوم
- حصلت على: B
ننصح به
المـادة: Heat التاريخ: 2006-11-28
الطالب: us44ever رقم التقييم: 8155

بالنسبه للفهم ابشركم ماراح تفهمون شي و لكن ضبطو نفسكم بنوتات و امتحانات سابقه بالإضافه الى الكتاب و سلاداته (المختصر المفيد) راح تاخذون اكثر من حقكم. انصحكم بمراجعه ورقه الإمتحان بعد تصحيحها.
وكله يكتب Good Approach و يعطيك اكثر من نص الدرجه و انت حال اي كلام :)
الصراحه احترم هالدكتور محترم و معاملته ممتازه مع الطلبه

- النجوم:4/5
- المستوى: سهل جدا
- الشرح: شرح ضعيف
- حصلت على: A
ننصح به
المـادة: Heat transfer التاريخ: 2006-06-22
الطالب: poltroni رقم التقييم: 5374

الدكتور نااااااايم و يشرح من السلايدات و ما تفهم شي
بس امتحاناته سهله و لو كتبت اي شي او تركت السوال فاضي يعطيك اكثر من نص الدرجه :)

د.عادل علي

المختصر المفيد- معظم الطلبة يقولون
5/2.3
ان مستوى الاختبارات متوسط الصعوبة
وشرح المدرس شرح ضعيف
والأغلبية حصلو على تقدير C
بإختصار لا ننصح به

التقييم ملاحظات الطلبة
- النجوم:
- المستوى: سهل جدا
- الشرح: شرح متوسط
- حصلت على: A
ننصح به
المـادة: Quality التاريخ: 2010-06-20
الطالب: lolo رقم التقييم: 21016

آلماده كانت سهله لأنه كان يكرر الاسأله بالامتحانات بالارقام حتى الفاينل كان مكرر00 بس بالدرجات على المإاج ما يمشي على شي معين000 المهم مافي حظور فكان الوضع مريح حق البعض

- النجوم:
- المستوى: سهل
- الشرح: شرح جيد جدا
- حصلت على: C
ننصح به
المـادة: economy التاريخ: 2009-09-14
الطالب: مدمن^قز رقم التقييم: 18832

دكتور محترم جدا من ناحية التعامل مع الطلبة

نظامه في التدريس امريكي...نادرا ياخذ الغياب...ماله شغل بالكتاب يشرحلك من عنده...والي يشرحه اهوا الي ايي بالامتحان وبس
تصحيحه وااايد زين
طيب حيل بكل شي
مصري بس جنسيته امريكيه
كان عميد جامعة اوكلاهوما ... كل محاضره يقولنا (( انا كنت عميد جامعه اوكلاهوما)) ككككككك مومصدق بس من حقه:)

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: مواد وايد التاريخ: 2007-04-15
الطالب: i.eng رقم التقييم: 9236

دكتور عادل علي يحب السوالف و يحب يربط المادة بالحياة العملية يعني لازم مشروع و يخليك تطلع من المادة فاهمها و فاهم شلون تطبقها بالواقع

- النجوم:
- المستوى: متوسط الصعوبة
- الشرح: شرح متوسط
- حصلت على: C
لا ننصح به
المـادة: اقتصاد هندسي التاريخ: 2006-05-28
الطالب: مهندس رقم التقييم: 4487

دكتور المحاضره 60 دقيقه بالصيفي
50 دقيقه يسولف عن اوكلاهووما والعشره الباجيه يسولف عن نفسه و ويألف حيل ماده اكونمي مخلي فيها بروجكت وبيزنتشسن
بصراحه دكتور ممل وما انصح فيه

- النجوم:
- المستوى: سهل
- الشرح: شرح غير مفهوم
- حصلت على: A
لا ننصح به
المـادة: Cost التاريخ: 2006-04-27
الطالب: engineera رقم التقييم: 3900

دكتور محاضرته تملل بشكل مو طبيعي جنك داش فلم بايخ وودك تطلع بسرعه
وطول المحاضره يقول قصص وسوالف عن الهندسه الصناعية ومستحيل يشرح شي بالمنهج
وكل مواده يكرر نفس القصص
يخليك تكره محاضرته وتطالع الساعه كل دقيقتين عشان تخلص المحاضره

امتحاناته سهله بس تصليحه مو شي وااايد ظاااااااااااااااااالم

- النجوم:
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: Cost التاريخ: 2006-04-14
الطالب: رنا رقم التقييم: 3416

باختصار وبكلمه وحده هذا الدكتور ظااااااالم بكل مافي الكلمه من معنى :)
وشكرا.

د.اسامه الراشد

المختصر المفيد- معظم الطلبة يقولون
5/4
ان مستوى الاختبارات متوسط الصعوبة
وشرح المدرس شرح جيد جدا
والأغلبية حصلو على تقدير B
بإختصار ننصح به

التقييم ملاحظات الطلبة
- النجوم:
- المستوى: متوسط الصعوبة
- الشرح: شرح جيد جدا
- حصلت على: F
ننصح به
المـادة: ثيرمو 2 التاريخ: 2011-01-31
الطالب: eng رقم التقييم: 22632

شرح جيد جدا
امتحانات نص ونص
تعامل راقي
تصحيح مو شي

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: 321 التاريخ: 2008-04-15
الطالب: fwawzinter رقم التقييم: 13589

الدكتور ممتاز في هذي الماده امتحاناته سهله و من الهوم ورك ويسوي كيرف

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 308 التاريخ: 2008-04-15
الطالب: fwawzinter رقم التقييم: 13585

الدكتور شرحه ممتاز و امتحاناته سهله جدا بس ما يعطي كيرف لكن معظم الشعبه يأخذون A

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: numerical 308 التاريخ: 2007-08-11
الطالب: Basel رقم التقييم: 11247

دكتوور جداً رائع و متمكن من المادة
شرحه زين، يمكن سريع شوي بس هم تفهم.
امتحاناته ما فيها أفكار أبداً، نفس مستوى الهووم وورك.
نصيحه: لا تاخذ المادة بالصيف لأن فيها هووم ووركات وايد (سواء عند هالدكتور أو غيره)

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: طرق عددية 308 التاريخ: 2007-07-27
الطالب: koc رقم التقييم: 10987

الدكتور ممتاز جداً من ناحية الشرح
اسلوبه راقي جداً
متفهم لضروف الطلبة

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 308 التاريخ: 2007-07-05
الطالب: nm رقم التقييم: 10730

من افضل الدكاتره اللي مرو علي
تعامله روعه ومحترم لابعد الحدود وشرحه روعه يكفي انك تحضر المحاضره وتفهم كل شي منه
مايرد اي سؤال ويجاوب حتى اتفه الاسئله
بصراحه خوش دكتور والله
الله يوفقه

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: numerical 308 التاريخ: 2007-06-30
الطالب: Super_GiRL رقم التقييم: 10634

صراحه الدكتور حددده روعه ومن أحسن الدكاتره اللي خذيت عندهم ..
وااايد متفهم وامتحاناته حلوه ..

ENG.Dalool
17-09-2011, 11:40 PM
يعطيك العافية أخوي والله ما قصرت وجزاك الله خير

LoLiTa
27-04-2012, 12:06 AM
السلام عليكم,,

عدنا اليكم من جديد بعد غياااب طويل,,

شلونكم وشلون موادكم؟؟

ان شاء الله ماشين بالدراسة,, اللي عنده اي مشكله يطرحها مني..

ووأتمني تردووون تشاركون بالموضوع بكل حماااس..

عاشق البلوغرانا
07-05-2012, 08:41 PM
لوليتا غبااااااار لي هالدرجه الهندسه ماكو وقت p:

LoLiTa
09-05-2012, 12:09 AM
ادررررررررررري والله انشغلت وحاشتني ظروف صحية الكورس اللي طاف كنت تعبانة..

بشرنا شنو تخصصت وشنو موادك هالكورس؟؟

عاشق البلوغرانا
09-05-2012, 05:06 PM
حمدلله ع السلامه اول شي
احم احم
تخصصت مدني >> مو لان سهل لان ميولي فيه طبعا
موادي اذا قلتهم بتقوليلي انت فيك خلل او مو صاحي
ماخذ ثيرمو كالكلس سي ودفرنشل واستاتيك :$
ادري ادري بتفكرين تلقائي هذا بيتخرج ولا شقصته :$
بس هذا الي صار هيهي

LoLiTa
09-05-2012, 06:24 PM
الله يسلمك اولا..

ثانيا عالبركة زميلي بالتخصص لووول..

ثالثا كالكلس سي ودفرنشل اوكي مع انه ضغط شوي وستاتيك لازم مهمه للقسم.. الثيرمووو شكو ؟؟ اذا انا للحيني مو ماخذتها من الرعب لووول شلون طرا علي بالك تاخذها ..

رابعا شلونك بالمواد؟؟ ان شاء الله ماشي الله يعينك شد حيلك...

عاشق البلوغرانا
11-05-2012, 05:05 AM
مو جنه كنتي كمبيوتر ؟؟!
والله ثيرمو بالغلط هههههههه
والله ماشي تمام بس الدفرنشل لج عليه شوي
احس اني فاهم احل بالامتحان انصدم بالدرجه
اغلاط حسابيه اكثر شي والدكتور عادي من ٤ درجات السؤال
ينقص درجتين ثلاث ع الحساب هذا الي طشرني فيها
ولا الاساس كله عدل

Marok
15-05-2012, 03:55 AM
موفقين ان شالله

LoLiTa
19-05-2012, 02:27 AM
الله يعينك صح سمعت ان صعبوا امتحانات الدفرنشل حيل والكل درجاته نازلة ان شاء الله تطلع منها..

عندي برزنتيشن يوم الاحد ادعولي اسوي عدل..

شوري
29-05-2012, 10:16 PM
السلام عليكم
بليز ابي اسال عن الدكتور فيصل دشتي اشكناني وابياعرف اميل له وشكرا بليز ضرووووووووووري

LoLiTa
10-06-2012, 12:57 AM
مو سامعة فيه والله,,

q8ya wft5r
28-06-2012, 12:27 AM
انا ناويه ادش هندسه بس جد مادري شسالقه و الحين شنو لازم اسوي و يبيلي قعده و احد يقدر يتبرع و يفهمني شالسالفه ؟:(

آلمحيطُ آلهآدِئ
29-06-2012, 10:58 PM
^^^^

إمتحني قدرآت ! لآزم ع آلآقل مكآفئج آللي هو ( نسبة آلثآنوية آلعآمة + إختبآر آلقدرآت ) فوق 83
علشآن تضمنين آلقبول ..
آلمطلوب منج , تختبرين إنقلش و ريآضيآت بآلقدرآت ..
وآلكيميآء آنصحج إنج تختبرينهآ بعد علشآن م تضطرين تآخذينهآ مآدة تمهيدي ..

إذآ آنقبلتي هندسة .. و كنتي نآجحة بآلقدرآت ,
رآح تآخذين موآد تآهلج للتخصص ..
كيميآء 101 / كآلكلس إي / كآلكلس بي / فيزيآء 1 / فيزيآء 2 / إنقلش 123 / مدخل إلى برآمج آلهندسة
, معدلج فيهم مآ يقل عن نقطتين ..
و تجتآزين هآلموآد ب مدة 4 فصول درآسية مآ تشمل آلفصل آلتمهيدي ..
عقبهآ تتخصصين .. وتبلش رحلتج ,


ف لنفرض م إمتحنتي قدرآت , آو آمتحنتي ونسبتج تحت 83
تبين هندسة و مصره إنج تدخلينهآ , عندج حلّين ..
آلحل آلآول : تدخلين كلية آلعلوم ريآضية وطبيعية ..
تآخذين موآد آلتحويل آللي ذكرتهآ لج قبل شوي ( وآلإنقلش رآح يكون رقمه 161 ) ب آلإضآفة ل 4 موآد إختيآرية , آو موآد ثآنية مطلوبة ف آلهندسة ..
تكملين 30 وحدة ب معدل لآ يقل عن 2.67 , وكل مآدة تجتآزينهآ ب c آو فوق ..
تحولين هندسة , تآخذين مدخل إلى برآمج آلهندسة , تجتآزينهآ تتخصصين على حسب آلشوآغر
ل دفعتج .. و تبلش رحلتج ,

آلحل آلثآني : تنتظرين إختبآر آلقدرآت آلجآي , تمتحنين
في إحتمآل إنج تجتآزينه آو مآ تجتآزينه وبهآلحآلة بتدخلين علوم وتحولين !

جني سولفت كثير , لكن آتمنى فهمتي عليّ
وإذآ عندج آي إستفسآر حآضرين ..


* هآلموضوع فيه رد كآفي و وآفي [Link nur für registrierte Benutzer sichtbar]

عاشق البلوغرانا
20-08-2012, 04:23 AM
يا جماعة تعرفون احد يبيع كراسي ؟ opO
والله اوصلت الحاله اني راضي بدكتور مو ذاك الزود
ووقت كلش راااضي من صجي
بس الي ابيه يفتحوووون شعب
ناوي على 3 مواد شكلي بهون لان ثلاثتهم نفس يوم
الفاينل يا بشر opO
باي فورس بشتغل طرار وادري بصير دوامي من 8 الصبح لي 8 بليل :x
وينكم يا علميه بس شغالين حق المستجدين :\\
هم انا طالب مظلوم وماكو غيرهم اقدر اسجلهم هالمواد :_(

Dm3aT.MaLaK
26-08-2012, 04:45 AM
عندي استفسار,
آنا مسجلة عند شعبة n56 سيركت, مكتوب عليها "هيئة تدريسية".
بس لمن جيكت عالجدول الي نزلوه حق الكورس الأول لقيت اسم الدكتور مصطفى الغنام
يعني غيروا دكتور المادة ولا أهوا نفسه بس غيروا الاسم عشان محد كان مسجل فيها؟
واللي يقدر ينصحني بنوت أو دورة أدرس منها راح أكون حيل متشكرة :)
وشلونها المادة لان الكل مخرعني منها -_-"
اي والي عنده بعد تقييم الدكتور بعد => جنها مصخت لووول

Dm3aT.MaLaK
26-08-2012, 04:49 AM
عاشق البلوغرانا,
كسرت خاطري, مسجلة ثقافة اسلامية ودي اسحبها بس مشكلة شعبة بنات لووول
إن شالله تصير أمورك سهالات.. وكلنا ننطر الشعب تفتح -_-
بس جن 3 مواد يصير كورس مخفف؟
وأتوقع مشكلة الثلاث فاينلات بيوم تنحل إذا درست قبلهم بمدة كافية
=> يامعلم الناس علم نفسك خخخ
الله يكون بعونك

ANQ_94
29-08-2012, 05:41 AM
انا مستجده بكليه الهندسه وماخذه حسبان 1 عند الدكتور احمد قره بلا شلونه؟؟؟

برشلوني كويتي
29-08-2012, 06:53 AM
بصراحة يمدحونة حيل شرحة ممتاز ومفهوم
بس شديد بالكلاس
وبالتوفيق

آلمحيطُ آلهآدِئ
29-08-2012, 03:56 PM
.
.

.



د. آحمد قره ملك آلريآضيآت ..
بإختصآر لا تطوفين محآضرآته آبد , ونوتي معآه ..
لآن بكآلكلس سي كآن آلميدتيرم آهو حآطه و آلآسئلة م طلعت برآ آلنوت ..
و بآلإمتحآن خل يشوف حلج مرتب , و آلورقه نظيفة
و آلجوآب يبين إنج فآهمه , و حتى لو فيه آخطآء طفيفه يعطيج درجة آلسؤآل ..
و عطآنآ كويز بونص من عنده ..
يعني للآمآنة م يقصر ..