السلام عليكم

صج الخبر اللي سمعته
ان الجامعه ترفع النسب القبول للعام المقبل من 70% الى 73% للعلمي
و 78% الى 80 % حق الادبي ؟ :s

الي انه اعرفه انه كل سنه تتغير النسب ..على حسب عدد الدفعات ..اذا وايد يرفعون النسب اكيد ..

اممممممممممممم ما يندره عادي كل يوم لهم قرار
وكل يوم يطلع خبر

والله مادري
بس صج هذول يخلون الواحد ينحاش و يفكر بالبعثات
أنا اللي ميته على جامعة الكويت الحين ابي بعثه داخليه
الله كريم مادري شنو بيضرهم اذا العدد اووووفر و وايد
شنو يعني ما تبون عيالكم يتعلمون؟

اوووف حداا جيكتي :s
بعد سنتين تلقين نسبه 90 :\
الله كريم بس

لول

ترى جامعة الكويت ماتتحمل طلاب وايد. كافي إنها قديمة والطلاب اللي فيها مو راضي يتخرجون.

والدكاتره فيهم شوي لعانه ما ينجحك الا بطلعة العين. بس رغم من هذا كله جامعة زينه ومحترمه.

بس اهما يرفعون النسب كل مره او ينزلونها على حسب عدد الدفعات ، اذا عندك ٢٠٠ دفعه غير اذا عندك ١٠٠ دفعه.

سنة اللي طافت كانت دفعاتهم اقل من دفعاتنا فكانوا مرتاحين وماخذين اكبر عدد ممكن. بس هالسنه وايد ناس متخرجه.

وهمن في شغله ثانيه ، يعني اهما يحطون النسب المطلوبه للتخصص على حسب متوسط النسب. يعني سنة اللي طافت كان اول سنه مطبقين الموحد فكانت نسبتهم شوي نازله ، فمنزلين نسب القبول. وهالسنه لا رافعيها شوي لان دفعتنا اشطر من سنه اللي طافت.

والقبول هذا قبول فوري ، يغني انا اللي شفته طلاب طب ٩٠ قبول فوري وقابلين جم واحد واللي انصدمت منه بالقبول العادي قابلين طب ٧٩ صج صج صدمه. بس يعني يقبلونه كلية الطب وبعد سنه من الفاونديشن يذلفونه طب مساعد وهذا معروف عن جامعتنا يبون عدد محدد لطلبة الطب يدورون الاحسن ويقطون المتوسط او المو زين.

وشغلة ان البنات نسبتهم اكثر من الصبيان في اسباب لها يعني ، اولاً دايماً البنت او عايلة البنت تفضل انها تدرس بالكويت. فتشوفين اقبال البنت على جامعة الكويت وايد. وبعدين جامعة الكويت اللي فيها البنات اكثر من الصبيان. والصبيان عادتهم العكس يبي يدرس بره بعدين يفكر بالكويت، فمنزلين للطلاب علشان يجذبونهم كويت كويت تعال وين تروح بعيد جذي عرفتوا؟ يعني السالفة فيها تكتيكات وخرابيط. وان شاء الله ياارب يوفق الجميع ويقبل كل الن بمكان يرتاحون له ويتمنونه. يااااارب :)