المساعد الشخصي الرقمي

مشاهدة النسخة كاملة : لكل من لديه سؤال عن الدراسة في بريطانيا


الصفحات : [1] 2 3 4 5

نهجاوي
15-04-2010, 01:08 PM
السلام عليكم ورحمة الله وبركاته ....

نفتتح هذا الموضوع للرد على استفسارات الإخوة والأخوات الطلبة والطالبات المقبلين على الدراسة في المملكة المتحدة باختلاف المواضيع والأسئلة ، حيث ندعو كل من لديه سؤال أو استفسار أن يقوم بطرحه في هذا الموضوع ....


وبانتظار أسئلتكم ..... :)

Q8yUK

Mas
15-04-2010, 10:15 PM
وعليكم السلام و رحمة الله و بركاته,,,

اول شي يزاك الله خير على هالموضوع ...

انا حابه ادرس طب بالمملكه المتحده انشالله.. و بقيت اعرف شنو احسن جامعه هناك حق هالتخصص؟؟و على اي اساس اختار الجامعه ؟ يعني لمه اسوي بحث عن الجامعات شنو لازم ادور!!!
و شلون طريقة دراسة الطب عندكم ؟يعني شنو تقسيمة الدراسه ؟وبالنسبه حق الفاونديشن ييير ؟ شنو طريقتها!!
وشلون طريقة معاملة المتحجبات من قبل الدكاتره عندكم ؟؟

مشكور و ما قصرت و يعطيك الف عافيه

بنت جابر
16-04-2010, 04:28 PM
انا عندي سؤال اذا حبيت اكمل بعد ما اتخرج من التطبيقي تخصص هندسة الكترونية ( اتصالات ) وعلى حسابي الخاص شلوون مع العلم ان شهادتي بعد التخرج من المعهد اهيا دبلوم وانا ابي اكمل بعد الدبلوم

ومشكوور ع الموضوع المهم

جامعيه مزاجيه
17-04-2010, 11:58 PM
وعليكم السلام و رحمة الله و بركاته,,,

اول شي يزاك الله خير على هالموضوع ...

انا حابه ادرس طب بالمملكه المتحده انشالله.. و بقيت اعرف شنو احسن جامعه هناك حق هالتخصص؟؟و على اي اساس اختار الجامعه ؟ يعني لمه اسوي بحث عن الجامعات شنو لازم ادور!!!
و شلون طريقة دراسة الطب عندكم ؟يعني شنو تقسيمة الدراسه ؟وبالنسبه حق الفاونديشن ييير ؟ شنو طريقتها!!
وشلون طريقة معاملة المتحجبات من قبل الدكاتره عندكم ؟؟

مشكور و ما قصرت و يعطيك الف عافيه


مثل الاسأله ..

و بعرف صج الدراسه ببريطانيا صعبه مثل مانسمع ؟؟:confused:

a.alshammari
26-04-2010, 02:24 AM
السلام عليكم ،،،
بليز ممكن مساعده : ابي معلومات عن الجامعات التاليه : زينين ولا موزينين !!! ابي معلومات اذا تعرفون هالجامعات
University of BrimingHam
University of EdinBurgh
University of Portsmouth
University of Warwick

بليز أي شي تعرفونه عن هالجامعات

dahamood
14-05-2010, 02:11 PM
السلام عليكم ،،،
بليز ممكن مساعده : ابي معلومات عن الجامعات التاليه : زينين ولا موزينين !!! ابي معلومات اذا تعرفون هالجامعات
University of BrimingHam
University of EdinBurgh
University of Portsmouth
University of Warwick

بليز أي شي تعرفونه عن هالجامعات

حلوه صراحه و المسافه بينها و بين لندن حوالي بس ١٥٠ كمuniversity of Birmingham

university of Edinburgh جامعه محترمه و من احسن الجامعات في بريطانيا بس انها بعيده في الشمال و الجو بارد عليهم حيل و امطار

university of warwick من اخيس ال جامعات و هذا من كلام صديق و قالي لو شنو لا تروح هناك بس عن نفسي ما عندي معلومه اكيده

university of portsmouth ما عندي مع لومه والله

ibrahim.q8
14-05-2010, 03:46 PM
ابي اكمل هندسة كمبيوتر ببريطانيا
شنو في جامعات سهله ؟و يبون ايلتز 5 او بالكثير 5.5 او اقل من 5 اذا فيه :d

cr9
16-05-2010, 03:11 PM
السلام عليكم

اول شي يزاك الله خير على هالموضوع الحلو

بغيت اسألك انا انشالله راح ادرس طب يمكن بريطانيا او ايلندا او مالطا شنو احسن ديرة
وهل دراسة الطب في بريطانيا صعبة
وهل الناس طيبين لاني سألت واحد قالي اذا تبي تدرس لغة هناك لا تتكلم عربي مع احد لانهم يحقدون عليك

واسف على الاطالة

brown-sugar
20-05-2010, 12:22 AM
السلام عليكم ورحمة الله وبركاته
اولا أسأل الله للجميع التوفيق والنجاح
ثانيا لكي لا أطيل عليكم بالكلام والمقدمات أنا حاصل على شهادة دبلوم من كلية الدراشات التكنلوجيه بتخصص هندسة ميكانيكيه وأود ان اكمل دراسة البكاليوس في بريطانيا في نفس التخصص فما هي افضل ثلاث جامعات في الهندسة الميكانيكيه مع العلم انه ليس لدي ايلتس وهذه مشكلة ولاكن اريد ان ادرس لغة في احدى المعاهد هناك او اذا كان في جامعة تعطي لغة مدة 6 شهور وبعدها يتم القبول الفوري بالجامعه ولكم مني جزيل الشكر والعرفان .............

ولمن يعرف افضل ( وأصدق ) مكتب يخدم الطالب في الكويت بهذا الشأن ياريت ونأسف على الإطالة ....

نهجاوي
22-05-2010, 07:44 PM
السلام عليكم ...

اول شي اعتذر للجميع عن عدم توفير الردود المطلوبة بسبب انشغالنا بفترة الامتحانات وعسى الله يوفقنا واياكم لما يحب ويرضى.

الأخت Mas ...
- نظام الدراسة للطب يختلف عن غيرها من التخصصات سواء بمدة الدراسة او الفاونديشن او طريقة الدراسة.
- ما في معيار معين لتحديد افضل جامعة من غيرها ، ولكن غالباً ما ينتشر الطلبة الكويتيين في جامعات أبردين وليفربول وكاردف وليدز.
- الفاونديشن سنة دراسية كاملة تعتبر كمعادلة سنة الـ A Level في النظام البريطاني ، وتقريبا مثل رابعة ثانوي مع اضافات على المناهج وطبعاً اللغة الانجليزية اهم شي مع اختبار الايلتز ، لان طالب الطب لازم يحصل على 7 على الأقل في الايلتز ليدخل للسنة الأولى.
- تعامل الجامعة مع المحجبات راقي جدا ولله الحمد واهما متعودين علينا لانتشار المسلمين من الجالية الباكستانية في كل مكان.

اتمنى ان اكون جاوبت على اسئلتج واستفساراتج وحياج الله

نهجاوي
22-05-2010, 07:50 PM
الأخت بنت جابر ...

استكمال الدراسة بعد الدبلوم متوفر في بريطانيا ، وحسب قرار وزارة التعليم العالي يمكن للجامعة معادلة دراستج للسنة الثانية ، بمعنى أنج تدرسين سنة ثانية وثالثة وتتخرجين ، ويمكن للجامعة ان تطلب منج اختبار الآيلتز ولكن مو شرط

جامعية مزاجية ...
الدراسة مو صعبة ولكن ممارسة اللغة والتعود عليها اهوا الشي الأصعب للطالب في بريطانيا ، ولكن المواد وغيرها بالعكس مو أصعب من جامعة الكويت على الأقل

نهجاوي
22-05-2010, 07:56 PM
الأخ ibrahim.q8 ...
اذا كنت تبي تدرس على حساب التعليم العالي فتحتاج 5.5 بالآيلتز لبداية الفاونديشن ، أو إنك راح تضطر تدرس لغة للحصول عليها.

الأخ brown-sugar ...
أنصحك بالسؤال في إدارة البعثات قسم بريطانيا مبنى 1 في وزارة التعليم العالي ، وراح يقدمولك المعلومات المطلوبة

beLdozer
23-05-2010, 03:33 AM
اخوي انا خريج الثانويه العامه تخصص ادبي

نسبتي انشالله تدخلني جامعة الكويت بس حاب اعرف وين احسن الدراسه بجامعة الكويت ولا ببريطانيا تخصص اداب انجليزي ولا حقوق

وجم نسب القبول حق البعثه حق هالتخصصات انا نسبتي اتوقع راح تكون 81%

Mas
30-05-2010, 07:23 PM
بالعكس مشكور وما قصرت ,,, على العموم الله يوفقك انشالله ويسر امورك :)
بغيت اسأل عن شي واحد بعد اللي اهوه انا ما عندي لا ايلتز ولا توفل فعادي اقدم على طول علي التعليم العالي ويعطوني سنه لغه ولا لازم اييب الايلتز اول!!?
مع اني وايد زينه بالانجليزي بس مادري الصراحه شنو الطريقه وحبيت اني اخذ سنه او كورس لغه علشان اتعود على الوضع واصير احسن..و ايييب درجه حلوه بالايلتز

ويعطييك الف عافيه على ردك لأن صج صج فادني :):)
وشكرآا،،

bo7anon
31-05-2010, 12:07 AM
اللي يدليني على جامعة ببريطانيا حق هندسة ميكانيكية سنتين اكون له الشاكرين :)

نهجاوي
02-06-2010, 05:17 PM
اخوي beLdozer ...

على حد علمي إن ما في ابتعاث لتخصصات الأدب الإنجليزي أو الحقوق من وزارة التعليم العالي ، ولكن ممكن تسأل هناك أو ننتظر خطة البعثات لهالسنة

اخت Mas ...
اي حاليا عادي ممكن تقدمين وبعدين يدزونج لغة لمدة سنة تييبين فيها الآيلتز 5.5 وبعدين تبدين دراسة التخصص اللي انتي مقبوله فيه وحياج الله

اخوي bo7anon ...
للأمانة حاليا في تشديد من المكتب الثقافي على الدبلوم وتم الغاء الاعتراف باكثر من جامعة لهالسبب ، وراح أحاول اسألك بأقرب فرصة إن شاء الله

::وهم::
05-06-2010, 03:30 AM
...اول شي..مشكوور..على...الموضوع ..وانك تجاوب على اسألتنا ....الحين بالنسبه لي..انا علمي..واتوقع نسبتي 85 .. شلون اذا بدرس بره ببريطانيا طب..ايصير والا لا ....وشلون هل من احسابي الخاص..او ..على الحكومه..

ibrahim.q8
05-06-2010, 11:38 AM
يعطيك العافيه يا نهجاوي عالمجهود المشكور

عندي سؤال
انا الحين
بالثانوية ادبي (تجاري)
وبالمعهد الاتصالات و الملاحه عندي دبلوم صيانة حاسب الي (علمي)
بكمل ببريطانيا هندسة كمبيوتر
بكمل عن طريقه الوزارة لأني موظف

اللي اعرفه الحين انه راح اخذ كورس لغه لما اييب الايلتز
يعني هذي سنه خل نقول

ثاني شي الدراسة سنتين فقط ؟ في شي اسمه فاونيشن هذا شنو ؟ هل اخذه ولا يكون مع كورس اللغه ؟

PRINCESS MEME
05-06-2010, 06:49 PM
السلام عليكم
شكرا لك اخوي على هالموضوع
عندي استفسار تعبت وانا ادور
يجزاك الله خير انا اخر سنه لي بالثانويه وحابة اني ادرس ببريطانيا تخصص هندسه معماريه او عماره اذا تقدر تفيدني بالجمعات الي فيها هالتخصص وابأي منطقه
اسفه طولت عليك
وشكرا

نهجاوي
11-06-2010, 03:01 PM
وهم ...
العفو ولا شكر على واجب ... سيتم فتح خطة البعثات في وزارة التعليم العالي ويمكنكم التقديم ومعرفة امكانية الدراسة على حساب الدولة واذا لم يتم القبول لا سمح الله يمكنكم الدراسة على حسابكم الخاص

ابراهيم ...
دام انك حاصل على دبلوم ما تحتاج الفاونديشن ... ولكن تحتاج شهادة اللغة الآيلتز وقت التقديم للجامعة لأنها من الشروط

برنسس ميمي ...
حياج الله اختي ... على حسب معرفتي ان الهندسة المعمارية ما يتم الابتعاث لها عن طريق الوزارة لبريطانيا ... ولكن اذا تبين على حسابج الشخصي فممكن اسألج

PRINCESS MEME
11-06-2010, 03:24 PM
مشكور اخوي
بس بعرف واذا على طب اسنان له ابتعاث على بريطانيا ؟؟

ســديم
14-06-2010, 02:01 PM
:confused:

جمالي يجنن
14-06-2010, 03:15 PM
سلام عليكم ...
عندي استفساار ..انا تخصصي رياض اطفال تربية اساسية معدلي مرتفع
وابي اكمل دراستي ببريطانيا واخذ الماستر والدكتوراة؟؟
شنو افضل الجامعات هناك لتخصص علم النفس واصول تربية ؟؟
وجم يبيلي سنه عشان اخلص ؟؟
وشلوون نظام الدراسة بالنسبة لحالتي وشلون طريقة الامتحانات ؟؟
وهل الدراسة صعبة او سهلة ؟؟
شنو تنصحني بالنسبه للغه لاني افكر اخذ دورات انجلش واقوي لغتي وشنو افضل المعاهد اللي بكويت لتعلم اللغه ؟؟

اخوي ضعيف بالانجلش وحاب يكمل ببريطانيا شنو اسهل التخصصات له ؟؟ علما ان لديه شهادة دبلوم 9شهور

جمالي يجنن
14-06-2010, 03:27 PM
عندك فكرة عن هذي الجامعات ؟


جامعة بتسيرج بأمريكا
جامعة وسترن متشجن بأمريكا
جامعة مانشستر ببريطانيا
جامعة برمنجهام ببريطانيا
جامعة شيفلد ببريطانيا

جمالي يجنن
14-06-2010, 03:29 PM
شرايك فيهم زينات او الدراسة فيها شلوون وكل شي تعرفه عن هالجامعات ؟؟
ومشكوووووور

جمالي يجنن
16-06-2010, 01:47 PM
اب اب اب اب اب

نهجاوي
16-06-2010, 02:57 PM
Princess MEME:
اي نعم في ابتعاث طب اسنان في بريطانيا ... ويتركز الطلبة في مناطق ليدز ودندي ومانشستر وليفربول

جمالي يجنن :
اختي انا معرفتي قليلة بتخصصات الماستر والدكتوراه ولكن اذا دزيتيلي اسم التخصص بالانجليزي انشالله اقدر افيدج


اسمحولنا على التأخير ... بدينا امتحانات :)*

جمالي يجنن
16-06-2010, 03:07 PM
مشكوووور اخوى والله يوفقك


اسم التخصص Economics of Education

اقتصاديات التعليم

Om_yasmeen
17-06-2010, 08:05 AM
السلام عليكم اخوي
انا عندي دبلوم هندسة كمبيوتر من التطبيقي
ومعدلي 3.58
اذا ابي اكمل اقدر اكمل على حساب الحكومة ولا على حسابي الخاص
وبغيت اسأل وين احسن بريطانيا ولا أمريكا
ومشكوور اخوي عالموضوع

zolox1
17-06-2010, 08:47 AM
السلام عليكم انا خريج دبلوم معهد التكنولوجيا تخصص هندسة مدنية و حاب اكمل بكالريوس
فا ياريت ترشدوني للجامعات الي تقبل تخصصي و تعادلها على حسب خبرتكم للجامعات و تكاليفها و تكاليف المعيشة اذا ممكن و كذلك الجامعات المعتمدة لدى التعليم العالي

بأنتظار ردودكم وشكرا

soso.log
19-06-2010, 08:50 AM
السلام عليكم
حبيت استفسر عن أحسن الجامعات هناك لطب الأسنان من ناحيه الصعوبه. لأن بنت إختي انشألله أبادن الله حابه أتروح واهيا وأيد اتحاتي ان بريطانيا أتكون صعبه عليها لدرجه ما تقدر أتكمل وجذي ،
أو هم بعد حبيت اسئل عن المناطق إلي يرتأحون فيها الطلبه أكثر يعني شنو أحسن لندن ولا لفربول ولا كامبرج و غيره
ومشكوورين وانشالله بالتوفيق للجميع

soso.log
19-06-2010, 08:56 AM
السلام عليكم
حبيت استفسر عن أحسن الجامعات هناك لطب الأسنان من ناحيه الصعوبه. لأن بنت إختي انشألله أبادن الله حابه أتروح واهيا وأيد اتحاتي ان بريطانيا أتكون صعبه عليها لدرجه ما تقدر أتكمل وجذي ،
أو هم بعد حبيت اسئل عن المناطق إلي يرتأحون فيها الطلبه أكثر يعني شنو أحسن لندن ولا لفربول ولا كامبرج و غيره
ومشكوورين وانشالله بالتوفيق للجميع

Ehrgeiz
20-06-2010, 12:34 PM
انا ابي اكمل ماستر ان شاءالله تخصص ( اصول تربيه واداره تربويه )

ابي اعرف هالتخصص موجود بجامعه Edinburgh ؟؟ او جامعه cambridge ؟؟ او جامعه bristol؟؟ او جامعه Nottingham???

شرايكم بالجامعهات اللي ذكرتهم ؟؟

جم لازم اييب بالايلتز؟؟


في الجامعات المعتمده لبريطانيا حاطين institute of education شرايكم فيه ؟؟ احس من اسمه ان معهد عادي مو جامعه للماستر ؟؟ من عنده خبر عنه ؟؟


سؤال اخير
شنو الفرق بين اللي بالصفحه 1 و2 ؟؟؟؟؟ مادري صراحه معهد ولا جامعه ضعت صراحه ؟؟

[Link nur für registrierte Benutzer sichtbar]

جامعيه مزاجيه
26-06-2010, 12:09 AM
نهجاوي ..


يعطيك العافيه عالردود ..

و عندي استفسار بخصوص الهندسه ببريطانيا

..جم سنه ؟

و شنو اسهل تخصص هندسه (كيميا-مدنيه)..؟

و موفق ان شاءالله

نهجاوي
04-07-2010, 08:46 AM
Om_yasmeen :
أكثر الطلبة يتوجهون إلى أمريكا لدراسة هندسة الكمبيوتر ، ووزارة التعليم العالي تقوم بابتعاث الطلبة للدراسة هناك ، أرجو الذهاب إلى قسم البعثات الأجنبية الدور الأول مبنى 1 في وزارة التعليم العالي في المنطقة الحرة وستجدين كل الأجوبة التي تفيدك إن شاء الله

zolox1 :
التعليم العالي قام بتحديث الجامعات التي تقبلها في جميع التخصصات وقريباً سأرد على كل أسئلتك بإذن الله

نهجاوي
04-07-2010, 08:54 AM
soso_log :
يكثر وجود الطالبات في منطقة ليدز ممن يدرسون تخصص طب الأسنان ، والكل ماشي والحمدلله ولكن تحتاج بعض الجهد والتعب خاصة في السنة التمهيدية للتأهيل لبداية الدراسة ، وحياج الله اختي والله يوفقك كل اخواننا واخواتنا

Ehrgeiz :
اذا ممكن تعطيني اسم التخصص بالضبط باللغة الانجليزية عشان اقدر افيدك اكثر بالجامعات اللي تقدم هالتخصص

جامعية مزاجيه :
على حسب علمي تخصص الهندسة المدنية متوفر في جامعات وايد واسهل من تخصصات الهندسة الثانية ، مدة الدراسة 3 سنوات + سنة تمهيدية قبل بدء الدراسة ، وموفقين ان شاء الله


اسمحولنا على التأخير في الرد لأني توني مخلص امتحانات وموفقين ان شاء الله :)

Dr.shosho
04-07-2010, 05:09 PM
دراسه طب الاسنان جم سنه هناك ؟؟؟؟؟؟؟؟

نهجاوي
05-07-2010, 01:58 PM
5 سنوات + سنة تمهيدية (فاونديشن) = 6 سنوات

Dr.shosho
05-07-2010, 02:35 PM
بس اذا اخذيت توفل او الايلتس ماتصير 5 سنين صافيه ولا لازم مع سنه الفاونديشن


وبغيت اسال بريطانيا بس تقبل الايلس ولا هم يصير توفل ؟

نهجاوي
06-07-2010, 02:16 AM
التوفل او الآيلتز شي بروحه

يعني لازم تيبين 5.5 على الأقل عشان تدشين فاونديشن ، وبعد سنة الفاونديشن تطلب الجامعة 7 بالآيلتز

أكثر الجامعات تقبل توفل أو آيلتز بس يفضلون الآيلتز لأنه بريطاني والتوفل أمريكي

Dr.AsooL
06-07-2010, 11:35 AM
شكـــرا عالموضوع القيم

سؤالي شنو احسن جامعه و منطقة لدراسه الصيدله ببريطانيا ؟!

ZAINA
06-07-2010, 12:50 PM
اذا بدرس هندسه مدنيه ببريطانيا وين باي جامعات و اي مناطق؟؟

و في كويتيين معاي ولا لا ؟؟

و شلون اتواصل مع اتحاد الطلبه هناك او وين مكانهم ؟؟

و انا متخرجه من الحكومه مو خاص يعني لغه عاديه عندي مو توب فهل اقدر ادرس هناك ؟؟

اذا ابي مدرسيين خصوصيين هناك شلون لول احاتي مواد الماث مثلا انا كله مدرسين بالثنويه احس افهم اسرع منهم

نهجاوي
07-07-2010, 02:56 AM
Dr.AsooL :
تم تغيير تقييم الجامعات في بريطانيا ، وتعتبر جامعة مانشستر وجامعة ستراث كلايد في جلاسجو وجامعة برادفورد وجامعة هارتفورد شاير وجامعة بورتسموث من أرقى الجامعات في تخصص الصيدلة في بريطانيا

ZAINA :
في عدد لا بأس فيه يدرس هندسة مدنية في جامعة ليفربول وهم طلبة متفوقين بهالتخصص ... في وايد أشخاص أو مؤسسات أو قوائم ممكن تساعدج واحنا انشالله ما نقصر ... تحتاجين لغة قبل بداية السنة التمهيدية 5.5 بالآيلتز وبالسنة التمهيدية راح تدرسين انجليزي وهذا راح يساعدج في تقوية اللغة للهندسة ... انشالله ما تحتاجين مدرسين خصوصيين لأن التخصص مو وايد صعب والجامعة وايد زينة بتخصصج

عذبي العصيمي
07-07-2010, 03:54 AM
السلام عليكم ,,,

انا خريج علوم سياسيه من القاهره ,,, وحاب اكمل الماجستير ,, في تخصص اقتصاد وعلاقات دوليه فياليت الى عنده معلومات عن الماستر ,, بالمجال هذا وعن الجامعات وعن كل شي يفيدي والله يجزاااه خير

MeMa
07-07-2010, 05:39 AM
أنا حابه ادرس طب اسنان بس جم نسبه القبول وجم سنه وثانكس على كل المعلومات

Dr.AsooL
07-07-2010, 11:37 AM
dr.asool :
تم تغيير تقييم الجامعات في بريطانيا ، وتعتبر جامعة مانشستر وجامعة ستراث كلايد في جلاسجو وجامعة برادفورد وجامعة هارتفورد شاير وجامعة بورتسموث من أرقى الجامعات في تخصص الصيدلة في بريطانيا

zaina :
في عدد لا بأس فيه يدرس هندسة مدنية في جامعة ليفربول وهم طلبة متفوقين بهالتخصص ... في وايد أشخاص أو مؤسسات أو قوائم ممكن تساعدج واحنا انشالله ما نقصر ... تحتاجين لغة قبل بداية السنة التمهيدية 5.5 بالآيلتز وبالسنة التمهيدية راح تدرسين انجليزي وهذا راح يساعدج في تقوية اللغة للهندسة ... انشالله ما تحتاجين مدرسين خصوصيين لأن التخصص مو وايد صعب والجامعة وايد زينة بتخصصج


مشكووور اخووي جزاك الله الف خير

عندي سؤال صغير جامعه ليفربول شنو تعرف عنها
زينه لدراسه الصيدله ؟!... وااايد ناس يقولون لي اروح مناك ؟؟

و اسفه عالاطاله

Dr.GUCCI
07-07-2010, 02:06 PM
قوه
انا اليوم قدمت بعثه ع بريطانيا كانت رغبتي الاولى
والاردن رغبتي الثانيه

بس انا ابي بريطانيا تتوقعون يقبلوني لان نسبتي 85 :(
؟

انا بدرس طب بشري

Dr.shosho
07-07-2010, 02:36 PM
التوفل او الآيلتز شي بروحه

يعني لازم تيبين 5.5 على الأقل عشان تدشين فاونديشن ، وبعد سنة الفاونديشن تطلب الجامعة 7 بالآيلتز

أكثر الجامعات تقبل توفل أو آيلتز بس يفضلون الآيلتز لأنه بريطاني والتوفل أمريكي

يماااا والله عباله


انزين بس بغيت اسالك سؤال لانه طلعت لي سالفه ثانيه الحين مع امتحان UKCAT

يعني عشان اقدم على برطانيا وادخل سنه الفاونديشن على طول يصير اخذ هالامتحان بدون الايلتز ولا لازم الاثنين ويا بعض ..رحت التعليم العالي عشان بسالهم هالسؤال ومن الزحمه ماجاوبوني :"(

سوري اذيتك معااي -.-<.<

Dr.shosho
07-07-2010, 02:39 PM
قوه
انا اليوم قدمت بعثه ع بريطانيا كانت رغبتي الاولى
والاردن رغبتي الثانيه

بس انا ابي بريطانيا تتوقعون يقبلوني لان نسبتي 85 :(
؟

انا بدرس طب بشري

اقولج شي لاتحطين بمكان ماتبينه

لانه الاغلبيه يبون دول اوربيه فاذا خلصت المقاعد المخصصه حق بريطانيا بيحطونج في الاردن لانه دوله مو مرغوبه مثل بريطانيا

جان قدمتي على دوله ثانيه تبينها

Dr.GUCCI
07-07-2010, 03:17 PM
اقولج شي لاتحطين بمكان ماتبينه

لانه الاغلبيه يبون دول اوربيه فاذا خلصت المقاعد المخصصه حق بريطانيا بيحطونج في الاردن لانه دوله مو مرغوبه مثل بريطانيا

جان قدمتي على دوله ثانيه تبينها


:(وربي شسوي انا كنت ابي يامالطا يا بريطانيا :(
بس ابوي مارضى مالطا
فخفت مايقبلوني بريطانيا فحطيت الاردن
:(

نهجاوي
07-07-2010, 04:06 PM
عذبي العصيمي:
اسمحلي ياخوي معلوماتي بسيطة في الماستر ، ولكن اكتب لي اسم التخصص بالضبط بالانجليزي واحاول اساعدك انشالله


MeMa :
حياج الله اختي ... دراسة طب الأسنان مدتها 5 سنوات + سنة تمهيدية (الفاونديشن) ... تعتبر من أصعب الدراسات في بريطانيا وتحتاج لجهد وتعب خاصة في السنة التمهيدية ... وياريت تكتبين اسئلتج بالتفصيل عشان اعرف ارد عليها


Dr.AsooL :
اي نعم كلامج عدل ... وايد طلبة يدرسون صيدلة في ليفربول ولكن الوزارة وقفوا الاعتراف بالجامعة هذي من قبل جم شهر ... بس الجامعات الثانية هم زينة ووايد مفيدة ... ما اعتقد ان من صالحج تروحين هناك بعد وقف الاعتراف بالجامعة .. اي شي ثاني احنا بالخدمة


Dr.GUCCI :
حياك الله اخوي ... والله اسمح لي ما عندي فكرة عن طريقة القبول بالبعثات ... بس انشالله الله يكتب لك اللي فيه خير ... وحياك الله :)

نهجاوي
07-07-2010, 04:09 PM
Dr.shosho :
مطلوب منج الأثنين ... الآيلتز اختبار لغة انجليزية ... أما اليوكي كات فهذا اختبار قدرات عامة للطلبة اللي يبون يدرسون طب بشري أو طب أسنان ... وانتي تحتاجين تسوين اليوكي كات قبل بداية الفاونديشن

ZAINA
07-07-2010, 06:19 PM
انا باجر موعدي و كنت حاطه لما سجلت بالنت الموعد على اساس بريطانيا بس اهلي اليوم يبوني اسجل بامريكا عشان مع وحده اعرفها فشلون اغير الحين من بريطانيا لي امريكا ؟؟؟

Dr.shosho
07-07-2010, 06:25 PM
حبوبه دخلي مره ثانيه رقم بطاقتج المدنيه وضغطي على next وسوي remove وعدلي التخصصات

Dr.shosho
07-07-2010, 08:18 PM
dr.shosho :
مطلوب منج الأثنين ... الآيلتز اختبار لغة انجليزية ... أما اليوكي كات فهذا اختبار قدرات عامة للطلبة اللي يبون يدرسون طب بشري أو طب أسنان ... وانتي تحتاجين تسوين اليوكي كات قبل بداية الفاونديشن

مشكور اخوي على التوضيح

MeMa
07-07-2010, 08:38 PM
ثانكس تعبتك معاإك بس أبي أسهل تخصص بطب شنو ممكن أدرس بصراحه ضعت وموعافه شنو ادرس ممكن تساعد

عذبي العصيمي
07-07-2010, 09:35 PM
اخوي نهجاوي اسم التخصص..

Economy and International Relations

اقتصاد وعلاقات دوليه

Dr.AsooL
07-07-2010, 09:40 PM
:|||
متأكد انه الجامعه مو معترف فيها ؟؟

university of liverpool

اسم الجامعه موجود بالجامعات المعترف فيها

[Link nur für registrierte Benutzer sichtbar]

اسفه عالازعاج

luvuk
07-07-2010, 09:43 PM
سلام عليكم
انا يبت نسبة :(تفشل ودي اكمل على احسابي في بريطانيا تخصص طبx:D لووووول رحت مكتب وقالي في جامعات تقبلك بأي نسبة فوق 60 تاخذ سنة تمهيدي(قالي المكتب الي يايب نسبة عالي او ضعيفة لازم ياخذون فونديشن وهمن المعرض البريتش كونسل الي صار بيناير واحد من ليفيربول قالي نقس الحجي) وبعدها حسب معدلك تشوف وين تدخل وخاصتا جامعة ليفربول ادشلها بنسبتي واول سنة فاونديشن وبعدها اشوف شراح يصير معاي وسالت التعليم العالي وعطوني أسامي الجامعات الي فيها طب هالسنة2010
aberdeen
cardiff
dundee
edinburgh
glagow
leeds
liverpool
sussex
واتوقع manchester

وانا يايب يالايتلز 5ونص او 6
وgalsgow or leeds فيهم فاونديشن ولا ما فيهم وامتحان ukcat قبل ولا بعد الفاونديشن واذا انقبلت مثلا طب اقدر احول بين الجامعات مثلا liverpool or leeds or glasgow

واسمحلي على الاطالة وما تقصر حبيب

ZAINA
07-07-2010, 10:09 PM
شنو الاسهل هندسه مدنيه بريطانيا ولا هندسه عماره بامريكا لاني سجلت بامريكا و محد يعرف الجامعات الزينه هناك ؟

نهجاوي
08-07-2010, 12:58 AM
MeMa :
ما فهمت سؤالج ... شلون يعني اسهل تخصص بالطب ؟

عذبي العصيمي :
ان شاء الله احاول اسأل وادور عن ناس تدرس هالتخصص او تعرف شي عنه ونقدر نفيدك ياخوي

Dr.AsooL :
اي اختي متأكد لأن الصيدلة مو بجامعة ليفربول ... الصيدلة بجامعة ثانية بمنطقة ليفربول اسمها جون مورس وهذي الوزارة لغت الاعتراف فيها من جم اسبوع ... ما من ازعاج حياج الله

luvuk :
واصلني على الخاص اخوي وانشالله اقدر افيدك باللي تحتاجه

ZAINA :
بحسب معرفتي ان الاثنين زينين ومو صعبين ... ونفس ما قلت من قبل اني اعرف طلبة يدرسون هنسة مدنية ومتفوقين بالتخصص بجامعة ليفربول ... الدراسة 3 سنوات + الفاونديشن ... ونظام الدراسة في بريطانيا سنوي مو نفس امريكا كورسات


وموفقين كلكم انشالله :)

Alturky
08-07-2010, 01:21 AM
السلام عليكم اخوي
بغيت اسال عن جامعه امبيريال كوليج لندن
انا عندي دبلوم بتخصص هندسه البترول استكشاف وتطوير وحاب اكل اخذ بكالوريوس
اللي اعرفه ما عندهم هندسه بترول بس قريت بموقعهم ان في تخصص علم جيولوجيا البترول هل اذا قدمت عليه بياخرني ؟
يعني يعادلولي وايد مواد ويستاهل هالشي ولا لا
وجم ياخذون بالسنه لان بروح على حسابي
مع العلم انا اول ما شفت جيولوجيا بترول استانست لان الجيولوجيا شي مستحيل اني ما احبه
اتمنى تفيدني وتقبل مرووري

Dr.AsooL
08-07-2010, 01:25 AM
mema :


Dr.asool :
اي اختي متأكد لأن الصيدلة مو بجامعة ليفربول ... الصيدلة بجامعة ثانية بمنطقة ليفربول اسمها جون مورس وهذي الوزارة لغت الاعتراف فيها من جم اسبوع ... ما من ازعاج حياج الله



وموفقين كلكم انشالله :)

:(

شكــــــــــرا عالتوضيح

the life name
08-07-2010, 01:41 AM
السلام عليكم ويعطيك العافيه أخوي نهجاويعلى هالموضوع وبعداد حسناتك إن شاءالله

حبيت أسأل .. عن كذا شغله

الطب البشري ببريطانيا أو الاسنان كم سنه دراستها مع اللغه والفاندويشن ؟

واذا قبلوني البعثه صيدله يصير أحول بعد الفاندويشن للطب أو لا ؟

وشلون نظام العطل هناك .. ؟

نهجاوي
08-07-2010, 02:00 AM
Alturky :
اسمح لي اخوي ... ما اقدر افيدك بخصوص هالجامعة أو هالتخصص ... بس انشالله بحاول اسأل وأرد عليك بأقرب وقت

the life man :
اخوي الرجاء قراءة الردود السابقة وانشالله بتلقى كل الأجوبة اللي تحتاجها

the life name
08-07-2010, 02:06 AM
وهم بعد عندي سؤال .. يصير لا أنقبلت بالبعثه أختار أي جامعه أبيها أو لا

وشنو أحسن الجامعات الي تنصح لهم لدراسة الطب والجامعات لطب الاسنان ..؟

الكل يدري ان الطب يبيله تعب وصعبه بس نبي الجامعات الي فيها شوي سهالات ودكاترتهم زينين
وتتخرج بسرعه بدون عثرات ولا شي ويعطيك الف عافيه

the life name
08-07-2010, 02:09 AM
alturky :
اسمح لي اخوي ... ما اقدر افيدك بخصوص هالجامعة أو هالتخصص ... بس انشالله بحاول اسأل وأرد عليك بأقرب وقت

the life man :
اخوي الرجاء قراءة الردود السابقة وانشالله بتلقى كل الأجوبة اللي تحتاجها

توني أفتريت بالسبع صفحات مالقيت .. أدري متعبينك معانا والسموحه وياليت إتحملنا

luvuk
08-07-2010, 02:32 AM
هلا اخوي انا اليووم سجلت ما اقدر ارد عليك بالخاص ولو تكتب بالعام يكون احسن علشان الكل يستفيد واسمحلنا خبرتنا بهالمجال ضعيفة اقصد معدومه وانشالله بميزان حسناتك حبي يب

ZAINA
08-07-2010, 10:31 AM
عندي اخر سؤالين الحين بريطانيا مو كاتبين عندها ( satتشترط الجامعات حصول الطلبة على توفل 550 أو اختبار ال ) بس عند امريكا فاذا درست ببريطانيا بدون توفل و 4 سنسن بس ؟؟ و امريكا فرضا ما يبت التوفل شلون ادرس زياده عن 4 سنسن لغه و لا شلون ؟؟؟؟

و شنو احسن نظام سنوات بريطانيا و لا كورسات امريكا ؟؟

+ اهلي كلوني يقولون ما فيه امان و صعبه تنصحوني وين اروح مكان فيه امان لول

the life name
08-07-2010, 01:14 PM
alturky :
اسمح لي اخوي ... ما اقدر افيدك بخصوص هالجامعة أو هالتخصص ... بس انشالله بحاول اسأل وأرد عليك بأقرب وقت

the life man :
اخوي الرجاء قراءة الردود السابقة وانشالله بتلقى كل الأجوبة اللي تحتاجها

عرفت جواب السؤال الاول .. بس الصيدله لقبلووني بعثه يصير أحول طب بشري أو اسنان

وشلون نظام العطل لاكنت تدرس طب بشري أو أسنان ؟

luvuk
08-07-2010, 03:41 PM
سلام عليكم
انا يبت نسبة :(تفشل ودي اكمل على احسابي في بريطانيا تخصص طبx:D لووووول رحت مكتب وقالي في جامعات تقبلك بأي نسبة فوق 60 تاخذ سنة تمهيدي(قالي المكتب الي يايب نسبة عالي او ضعيفة لازم ياخذون فونديشن وهمن المعرض البريتش كونسل الي صار بيناير واحد من ليفيربول قالي نقس الحجي) وبعدها حسب معدلك تشوف وين تدخل وخاصتا جامعة ليفربول ادشلها بنسبتي واول سنة فاونديشن وبعدها اشوف شراح يصير معاي وسالت التعليم العالي وعطوني أسامي الجامعات الي فيها طب هالسنة2010
aberdeen
cardiff
dundee
edinburgh
glagow
leeds
liverpool
sussex
واتوقع manchester

وانا يايب يالايتلز 5ونص او 6
وgalsgow or leeds فيهم فاونديشن ولا ما فيهم وامتحان ukcat قبل ولا بعد الفاونديشن واذا انقبلت مثلا طب اقدر احول بين الجامعات مثلا liverpool or leeds or glasgow

واسمحلي على الاطالة وما تقصر حبيب

هلا حبيب اسمحلي بس ما رديت على سؤالي علشان يمكن ناسي ادري اذيناك لان الحين قاعدين نبلش اجراات ما عليك امر
سوالي انا يايب يالايتلز 5ونص او 6
وgalsgow or leeds فيهم فاونديشن ولا مافيهم
وامتحان ukcat قبل ولا بعد الفاونديشن واذا انقبلت مثلا طب اقدر احول بين الجامعات مثلا liverpool or leeds or glasgow

نهجاوي
08-07-2010, 04:42 PM
the life man :
الطب البشري وطب الأسنان ٥ سنوات + سنة فاونديشن + سنة لغة ( اذا ما كنت يايب الايلتز المطلوب )
لا ما يصير تحول من صيدلة الى طب لان التعليم العالي ما راح يوافق
نظام العطل يختلف بين الجامعات بس أكيد في عطلة الكرسمس وعطلة الايستر وعطلة الصيف
تقدر تختار المكان اللي تدرس فيه الفاونديشن في حالة انك يايب درجة عالية بالايلتز بس اذا كانت درجتك مو عالية بتكون صعبة
ما في عندنا جامعة سهالات او جامعة صعبة ، مستوى الطب في بريطانيا تقريبا واحد وبنفس القوة فما اقدر أفيدك بهالموضوع ، اما الجامعات ففي أبردين وليفربول وكاردف وليدز واسكوتلندا

ZAINA :
ببريطانيا تحتاجين اختبار لغة قبل الفاونديشن واكثر الجامعات تقبل الايلتز او التوفل ، يعني ببساطة ٤ سنوات ( هندسة + فاونديشن ) في حالة عندج لغة و ٥ سنوات في حالة ما يبتي المعدل المطلوب قبل بداية السنة ، كل مكان وله سلبياته وايجابياته والاختيار يكون لج

luvuk :
ليدز وجلاسجو فيهم فاونديشن ولكن ما انصح تروح جلاسجو لأن القبول فيها صعب وايد
امتحان اليوكي كات تقدمه قبل الفاونديشن يعني قبل لا تسافر من هني ، وتقدر تقدمه بمبنى هيومن سوفت بمنطقة شرق
لا ما تقدر تحول بين جامعات الطب لأن هذا ضد القانون البريطاني

وموفقين اسمحولنا على التأخير بالرد

ابو عتقى
08-07-2010, 04:56 PM
السلام عليكم ورحمة الله وبركاته

انا كويتي وادرس بالسعوديه طالب ثانوي وانا الصراحه استفدت من المنتدى لكن ولا اعلم شي غن البعثات لكن اشوف اكثر العالم يقولون ايلتز وتوفل ماهم ابغى معرفه عنهم

luvuk
08-07-2010, 08:52 PM
سلام عليكم
يعني اقدم على ليفربول او ليدز افضل مو؟
واذا ما نجحت بال ukcat ما اقدر اقدم على الفونديشن؟
شلون الامتحان ukcat صعب ولا نفس الايتلز سعمت اسئلته مو بس عن الدراسة الي بالثانوية بس عن الشخصية وعن مصطلحات الطبية وجذي

اغلب الكويتيين يروحون ليفربول واغلب السعوديين يروحون جلاسجو مثل ما اشوف بالمنتديات وماتقصر حبيب على معلومات تسلم

نهجاوي
09-07-2010, 01:56 AM
ابو عتقى:
اختبار الآيلتز والتوفل هما اختبارات لتقييم مستوى اللغة الانجليزية .. وعادة كل الجامعات البريطانية تطلب نسب معينة في هالاختبارات لتحديد القبول من عدمه

luvuk :
اختار المكان اللي يرحيك وحاول تسأل الناس اللي تدرس بهالمناطق عن هالموضوع .
اختبار اليوكي كات اختبار ذكاء حاطينه لطلبة الطب البشري وطب الأسنان ... حاول تسوي بحث بقوقل عن هالامتحان لان في مواقع عندها نماذج حلوة لطريقة الاختبار ... حسب علمي ان ما في نجاح وسقوط بس لازم تقدمه قبل لا يبدأ الفاونديشن ... لان الجامعات تحتاجه لبدء دراسة الطب بعد الفاونديشن

ZAINA
09-07-2010, 02:40 AM
وين احسن شي اقدم الايلتز او التووفل ؟ و ما فهمت الفرق بين نظام الكورسات و السنوات و شنو الاحسن !

the life name
09-07-2010, 05:00 AM
يعطيك العافيه نهجاوي ماتقصر .. أنا صراحه ودي ودي أقدم بريطانيا طب بشري و أسنان بس سمعت إن دراسة بريطانيا صعبه ودكاترتها شينين ومن سمعت هالسالفه إحترت صراحه وبديت أخاف شوي ياليت تطمني

وبعد في شغله إمتحان اليوكات كاتبين لازم تتعداه أو مادري شنو بالضبط يااليت تعطيني نبذه عن هالامتحان وليش نقدمه ومتى ؟

Alturky
09-07-2010, 05:06 AM
شكرا على اهتمامك اخوي وبانتظار ردك القادم

luvuk
09-07-2010, 03:14 PM
شكرا اخوي نهجاوي وايد استفدت منك وريحتني الله يوفقك ويناولك الي تبيه ما قصرت ويانا

Ehrgeiz
09-07-2010, 10:23 PM
[QUOTE=نهجاوي;161166]soso_log :
Ehrgeiz :
اذا ممكن تعطيني اسم التخصص بالضبط باللغة الانجليزية عشان اقدر افيدك اكثر بالجامعات اللي تقدم هالتخصص

QUOTE]

foundation of education


:)

نهجاوي
10-07-2010, 01:43 AM
Zaina :
تقدرين تقدمين الآيلتز بالـ British Council بمنطقة المنصورية مقابل النادي العربي ... و باللنك هذا فيه المواعيد
[Link nur für registrierte Benutzer sichtbar]

التوفل تقدمينه في معهد الأمديست بالسالمية على البحر مقابل مطعم ريز ون ... وتلقين التفاصيل باللنك هذا
[Link nur für registrierte Benutzer sichtbar]

نظام الكورسات أو السنوات انتي اللي تحددين شنو اللي يعجبج ... بمعنى هل تبين نظام الثانوي مقررات القديم اللي اهو الكورسات او نظام العامة القديم اللي اهو سنوات

the life man :
اخوي هذا الموقع الرسمي للامتحان وراح تلقى فيه كل المعلومات اللي تحتاجها انشالله
[Link nur für registrierte Benutzer sichtbar]


حياكم الله جميعاً وانشالله اكون قدرت اني اوفر لكم الاجابات اللي تبونها :)

ZAINA
10-07-2010, 03:28 AM
احس كورسات احسن بس الحين ما فهمت بالضبط متى اقدم التوفل. .صج اذا بدرس ببريطانيا اول ما اروح لازم ادرس لغه اجباري جم شهر بعدين امتحن توفل او ايلتز و اذا ما يبت الدرجه المطلوبه ادرس سنه زياده ؟

و نفس الشي امريكا اول شي ادرس لغه بعدين اقدم توفل يعني ما اقدم توفل قبل ما اروح ؟؟

و انا لغتي متوسطه لاني مو من مدرسه خاصه فمو صعبه علي اذا درست برا ولا عادي ؟ لاني وايد اشوف ناس يروحون و اهما مو ذاك الزود باللغه

Dr.AsooL
10-07-2010, 04:44 PM
الســلام عليــكم...

عندي استفسار

university of manchester
university of cardiff

شنــو تعرف عنها ؟! دراسه الصيدله فيها سهله و لا صعبه ؟!
المعيشه فيها اشلون ؟! الكويتين موجودين بهلمنطقه ؟!
اخيرا الجو عندهم اشــلون برد.مطر...ثلج ؟!

و شكــرا مقدما عالرد

دمعة فرح
10-07-2010, 06:45 PM
قوة يعطيك العافيه اخوي انا مجالي مختبرات طبيه دبلوم حلوو والصرااحه ابي اكمل بلندن شنو الجامعات الزينة وها يقبلوني لازم جم نسبتي اكون متخرجه عشان اقدر ادرس برا وجم سنة يعطيك االعافيه والله

luvuk
11-07-2010, 12:36 AM
هلا اخوي شنو اتعامل مع الجامعات صعب ولا لازم مكاتب
صج في جامعات الفاونديشن مالها 4 مواد وفي جامعات 6 لين 8 مواد
leeds or liverpool or glasgow
شنو خلفيتك فيهم عن الفاونديشن حق التخصص الطب (لان سمعت الفونديشن حق الطب يختلف عن الهندسة)
وما تقصر

نهجاوي
12-07-2010, 12:56 AM
ZAINA :
مطلوب منج تيبين شهادة اختبار الآيلتز 5.5 أو التوفل اذا تبين تبدين دراسة الفاونديشن شهر 9 ، أما إذا ما قدرتي فالوزارة تعطيج سنة كاملة تدرسين لغة ببريطانيا على حساب الوزارة عشان تيبين الدرجو المطلوبة وتطورين لغتج ... اذا حاسه ان اللغة مو قوية عندج وممكن تتعبج انصحج بدراسة اللغة لأنها مفيدة جداً ومهمة للمعيشة والدراسة بنفس الوقت.


Dr.AsooL :
مانشستر من أهم المناطق ببريطانيا ومشهورة وايد لكثرة المسلمين فيها ... دراسة الصيدلة للأمانة صعبة مو سهلة والمنطقة فيها عدد لا بأس فيه من الكويتيين وفيها مثل ما ذكرت مسلمين وايد ... الجو صعب ان اجوابج عنه لان ما تدرين باجر مطر او حر او ثلج ... جو بريطانيا توقعي غير المتوقع ... يعني ممكن طول اليوم حر وشمس وبنص اليوم يقلب مطر وهوا وبرد !!


دمعة فرح :
اختي اذا ما عليج امر تقوليلي اسم التخصص بالضبط وبالانجليزي عشان اعرف ادور عليه واسأل عنه.


luvuk :
هلا اخوي ... والله برايي انك تتعامل مع الجامعة على طول وماله داعي مكاتب وبالعكس الموضوع مو صعب ... التعليم العالي بعد القبول يخلي الطالب يختار المكان اللي يبيه ولكن مو مضمون انك تحصل المكان اللي اخترته ... وصحيح ان الفاونديشن يختلف من جامعة للثانية او من منطقة للثانية ... وصحيح ان فاونديشن الطب يختلف عن الهندسة ببعض المناطق مثل ليفربول او ليدز ... بس بشكل عام المواد تكون احياء وانجليزي وكيمياء ورياضيات.

موفقين انشالله واسمحولنا على التأخير بالرد :)

hamood
12-07-2010, 04:52 AM
يعطيك العافيه اخوي انا بس عندي سؤال انا لغتي ضعيفه كم يبيلي عشان اتقن للغه الانجليزيه وكيف؟

نهجاوي
13-07-2010, 02:00 AM
hamood :
اخوي اللغة تعتمد على مجهود يعني ما اقدر اقولك جم تحتاج ... لازم تسوي اختبار آيلتز اول شي وتشوف مستواك وجم تحتاج تدرس

hamood
13-07-2010, 03:10 AM
يعطيك العافيه اخوي ادري ثقلنا عليك بس انا ابي اختبار ukca صعب والا سهل واذ ما نجحت فيه شنو يكون مصيري

Dr.Saroona
13-07-2010, 03:18 PM
السلام عليكم ورحمه الله وبركاته
ممكن اسالكم سؤال عن البعثه لبريطانيا انا باجر موعدي للتسجيل وحدي خايفه ارووح ولا لا وانا حاطه المملكه المتحده ثاني رغبه وماادري خايفه ..وابوي بعد متردد ما ادري يقول منو يسافر معاج وشلون الوضع بليييز ردو علي : )

bloushi
13-07-2010, 03:33 PM
شكرا لجميع العاملين في هذا المنتدى الراقي

و اخص بالذكر اخوي نهجاوي

بصراحة باذل مجهود جبار بالرد على جميع الطلبة

عساك على القوة والله يعطيك العافية

حبيت اسأل عن تخصص الصيدلة جم الايلز المطلوب بهذا التخصص ؟
ادري ان تختلف من جامعة الى جامعة

بس حبيت اخص بالذكر جامعة مانشستر صج المطلوب 7

و في جامعات تقبل 6 بالايلز تخصص صيدلة ؟



شكرا

abo 9ager
13-07-2010, 03:47 PM
السلام عليكم....
يعطيك العافيه اخ نهحاوي وموفق باذن الله
عندي جم سوال عى موضوع فيزا الطالب
1- هل اقدر ادرس ولو مده تيرم (سيمستر) واحد بالجامعات البريطانيا بفيزا سياحيه لحين اصدار فيزا الطالب؟1
2-كم الفتره لاي تستغرقها فيزا الطالب اذا بقدم عليها من الكويت؟
3- هل ممكن احول من فيزا السياحيه الي فيزا الطالب وانا في بريطانيا؟ وكم تاخذ وقت؟

وجزاك الله خير

PRINCESS MEME
13-07-2010, 08:07 PM
السلام عليكم
شلونك اخوي شخبارك ؟
بس بغيت استفسر اذا عندك معلومه عن هندسة كيميائية في بريطانيا هل هي صعب احد يتفوق فيها ولا في نسب كبيرة من المتفوقين ؟مقدور عليها؟
واذا تقدر تعطيني اسامي الجامعات الي فيها وايد عرب
اكون شاكرة لك /]

نهجاوي
14-07-2010, 02:00 AM
hamood :
اخوي الامتحان انشالله مو صعب بس حاول تتدرب على نوعية الأسئلة اللي بالامتحان وراح تلقى وايد اذا دورت بقوقل وعسى الله يسهل عليك

Dr.Saroona :
اختي توكلي على الله وانشالله بتتسهل الأمور .. فكري عدل وهالله هالله بالاستخارة والله يكتب لج اللي فيه الخير

نهجاوي
14-07-2010, 02:15 AM
bloushi :
حياك الله اخوي ومشكور على كلامك الطيب ... كلامك عدل يختلف الآيلتز من جامعة لجامعة بس كبداية للفاونديشن ما راح تحتاج اكثر من 6 وبعد الفاونديشن راح يتطور مستواك باللغة وتقدر تييب الدرجة المطلوبة حق اي جامعة ... حسب علمي ان مانشستر من اقوى الجامعات بالصيدلة بس للأمانة مو متأكد إذا تبي 7 أو لا بس ترى ما استبعد لقوة الجامعة ... ونعم صحيح ان في جامعة تقبل بـ 6 أو 6.5

abo 9ager :
هلا اخوي والله يعافيك وجزاك الله خير على دعائك
- لا اخوي القانون البريطاني يمنع انك تدرس بفيزا سياحية وما انصحك ابداً انك تخاطر بهالشي وحتى الجامعة ما تسمح لأنهم يطلبون صورة من الفيزا الدراسية قبل بداية الدراسة ... ( هذا القانون الجديد اللي بدأ تطبيقه من شهر فبراير )
- مدة الحصول على الفيزا تعتمد على توفر كل الأوراق المطلوبة والزحمة على التقديم ... يعني ممكن تاخذ يوم وممكن اسبوع وممكن أكثر
- حسب القانون الجديد ما تقدر تقدم على فيزا دراسية في بريطانيا ... ممكن تجددها ولكن فيزا لأول مرة ما يصير

PRINCESS MEME :
بحكم ان التخصص جديد على خطة البعثات فعدد الطلبة اللي يدرسونه مو كبير ... حسب معرفتي ان التخصص مو صعب وايد ولا سهل وايد ... يعني في المستوى المعقول ... ويدرس في جامعات وايد منها نيوكاسل و مانشستر و شيفيلد و باث و سيري وتي سايد ... وانشالله بعد القبول نقدر نفيدكم اكثر

موفقين وانشالله اكون قدرت اني اجاوب على اسئلتكم بالقدر المطلوب :)*

hamood
14-07-2010, 02:30 AM
يعيك العافيه اخوي نهجاوي ابي شنو نظام العطل هناك وتراك ما قصرت معانا

bloushi
14-07-2010, 07:45 AM
شكرا نهجاوي على الرد السريع

ابي اثقل عليك شوي يا خوي و تحملني

انا ابي اسامي الجامعات اللي تقبل بالايلز 6 و لا عليك امر

و راح اكوووون مشكور لك وااااايد


ملاحظة : اذا احتاج الامر اني اكلمك اشلون ؟

نهجاوي
14-07-2010, 01:47 PM
hamood :
تختلف العطل من جامعة لجامعة او من تخصص للآخر ... لكن العطل الثابتة هي عطلة الكريسمس وتكون نهاية شهر 12 وعطلة الإيستر وتكون نص شهر 3 وعطلة الصيف ممكن تكون اول شهر 6 او آخره ... الله يعافيك وموفقين انشالله

bloushi :
العفو اخوي وما سوينا الا الواجب ... انشالله راح ادور لك الجامعات بس احتاج شوي وقت ... اذا تحتاج اي شي كلمني على الخاص


موفقين انشالله

bloushi
14-07-2010, 02:13 PM
اخذ وقتك يالغالــي و بارك الله فيك

persona
14-07-2010, 02:30 PM
السلام عليكم

قواك الله نهجاوي واشكر تفهمك واحترامك قوانين المنتدى

نهجاوي
15-07-2010, 06:26 PM
حياكم الله اخواني وعسى الله يقدرني ارد على كل اسئلة طلبتنا وطالباتنا في بريطانيا

Brawni
16-07-2010, 12:50 AM
الـسلام عليكم
أخوي آنا سألت واحد من المهندسين قالي بريطانيا فيها جامعه تعادل جميع موادنا بالتكنولوجيا
و الدراسه عشان البكالوريوس تكون سنة وحدة بس متواصله .. مو نظام فصلين
و طلبت منه اييب لي اسم الجامعه و ناطرته .. بس يمكن عندك فكرة عن هالجامعه ؟
مع العلم تخصصي كيمياء تطبيقية ..
و في وحدة من المدرسات عندنا بالكلية كانت خريجة التكنولوجيا كملت دراستها ببريطانيا ودرست سنة بكالوريوس
فـ شنو هالجامعه اللي اقدر ادرس فيها سنة و أكمل بكالوريوس .. اذا عندك فكره ؟
و يزاك الله خيـر

N&M
16-07-2010, 01:25 AM
الســ عليكم ــلام

التعليم العالي لي الساعة جم ؟! لأن ودي أروح له بس ما أقدر الصبح لأن عندي جامعة :( ..

و آنا الحين تخصصي نظم معلومات .. اذا تخرجت من الجامعة بهالتخصص في مجال اني أكمل هندسة نظم ببريطانيا ؟! و جم سنة ؟!

Ehrgeiz
16-07-2010, 03:13 AM
اخوي نهجاوي ما رديت علي
التخصص اللي ابيه هو foundation of education ؟

موفق اخوي :)

Garminq8
16-07-2010, 04:20 AM
السلام عليكم اخوي وجزاك الله الف خير وبميزان حسناتك ان شاء الله مساعدتك لاخوانك واخواتك ودي تفيدني بخبرتك او اذا تعرف احد درس ماستر محاسبة لان لله الحمد طلعت لي بعثة لدراسة الماجستير فشنو رأيك بالجامعات ( ليدز / كينت / واورويك ) من ناحية الدراسة وهل يساعدون الطلبه الاجانب وهل معقدين بالتعامل ولا سمحين ؟ وشاكر اهتمامك

عبدالرحمن العنزي
16-07-2010, 10:27 PM
السـلآم عليكم .. !


بآلآول مشكورين ومآ قصرتم على هالموضوع ..


الحمـدلله انقبلت ببريطآنيـآ " هندسه مدنيـه " .. بـس وآللـه كلـش مآني فآهم شيء يعني من نآحيه الجآمعه الزينـه ومن نآحيه اللغه " مش ولآ بـد " ومن نآجيـه ..آلخ .. وآللـه آني متوهق على آلآخـر ..


يآشبآب فيدوني يآعل الله يفرج همكم ..


اللي عنـدهـ شيء لآ يبخـل علينـآ الله يرضى عليكم ..


دمـتم بـود .. !

روح....القلب داعيلك
17-07-2010, 01:32 AM
اناادري اني داش بينكم غلط لاني مو معاكم انا مقبول في امريكا

وتقبلو فايق احترامي لكم
والله يوفقكم في دراستكم

Garminq8
17-07-2010, 11:33 AM
من طول الغيبات

نهجاوي
19-07-2010, 01:24 AM
Brawni :
اختي هذا النظام كان موجود عندنا من قبل بس الحين المكتب الثقافي والتعليم العالي ما يعترف الا بالدراسة سنتين بعد الدبلوم ... كلامج صحيح 100% بس هذا كله تغير الحين

N&M :
بالتوفيق انشالله بس هل سؤالج عن الماجستير او شنو لأني مو فاهمه والله ... وحياج الله

Ehrgeiz :
ما عليه اخوي اعذرني بس والله سألت اكثر من شخص وناطر يردون علي ... ما عليه طولنا عليك :)

Garminq8 :
مشكور اخوي على كلامك الطيب وانشالله بينا تواصل على الخاص :)

عبدالرحمن العنزي :
مبرووك اخوي ومنها للأعلى انشالله ... تواصل معاي على الخاص وان شاء الله اقدر افيدك بالتفاصيل اللي تحتاجها



اسمحولي على التأخي بالرد يا شباب وبنات وان شاء الله راح احاول اكون متواجد اكثر وقت ممكن ... وموفقين ان شاء الله :)

عذبي العصيمي
19-07-2010, 01:55 AM
اخوى ماصار شي على سؤالى

نهجاوي
19-07-2010, 02:25 AM
اخوي عذبي انا سألت وايد شباب عن تخصصك وقالولي ان افضل طريقة انك تتواصل مع قسم الدراسات العليا في المكتب الثقافي في لندن ، وقالولي ان في دليل خاص بطلبة الدراسات العليا وحصلت لك الرابط

[Link nur für registrierte Benutzer sichtbar]

ممكن انك تشوف التخصص اللي ودك تدرسه بالإضافة إلى الجامعات اللي تعترف فيها الكويت ، وحياك الله واسمح لي على التأخير :)

al5aldy
19-07-2010, 03:39 AM
اخواني عندي سوال واتمنى اللي عنده فكره عنده يجاوبني


انا خريج معهد كهرباء وماي (المعهد العالي للطاقه) دبلوم كهرباء

وابي اكمل هندسه ببريطانيا شنو المطلوب مع العلم اني خريج ثانويه ادبي وهل المعدل له علاقه بالقبول والمعادله

ومشكووورين

Brawni
19-07-2010, 07:12 AM
brawni :
اختي هذا النظام كان موجود عندنا من قبل بس الحين المكتب الثقافي والتعليم العالي ما يعترف الا بالدراسة سنتين بعد الدبلوم ... كلامج صحيح 100% بس هذا كله تغير الحين
:)

ما قصرت اخوي نهجاوي يعطيك ألف عافيه:)

عبدالرحمن العنزي
19-07-2010, 10:23 PM
آوكي آخوي ..

NICE^TAGWeeM
20-07-2010, 01:44 AM
قواك الله : )
وانشالله تفوزون بالانتخابات بدون ما تتحالفون مع الاتحاد : )
وسلم على فيصل العقل وموضي شويحان وشباب ليفربول كلهم : )
>>>موفق

نهجاوي
20-07-2010, 01:48 PM
al5aldy :
حياك الله اخوي ... في قرار من التعليم العالي يمنع خريجي الادبي من استكمال دراستهم على التخصصات العلمية ولكن انا ماني متأكد اذا هالقرار ينطبق عليك او لا ... اتمنى انك تسأل في التوجيه والارشاد في وزارة التعليم العالي قبل لا تتخذ أي خطوة

Brawni & عبدالرحمن العنزي :
حياكم الله وبالتوفيق ان شاء الله

NICE^TAGWeeM :
الله يقويك: )
ونتمنى الخير لكل طلبتنا في بريطانيا بانتخابات او بدونها : )
عفوا اخوي الاسماء اللي ذكرتها مو اعضاء عندنا
وشكرا : )

NICE^TAGWeeM
21-07-2010, 12:25 AM
العفو شلون مو اعضاء ؟
ثامر الزعبي..ومبارك العسعوسي..فواز الكندري..وموضي شويحان..وعلي الفيلجاوي
هذول كلهم اذكر كانو من النهج...وكلهم كانوا بمنطقه ليفربول بستثناء الفيلجاوي ..
>>>>درست اهناك سنتين ..وكنت تبعكم لول
موفق خيو مره ثانيه وسوري على الازعاج

نهجاوي
21-07-2010, 01:24 AM
حياك الله اخوي : )

اي نعم وصح لسانك .... الأخ مبارك العسعوسي اهو المنسق العام الحين والأخ علي الفيلكاوي نائب المنسق والزعبي والكندري من قواعد القائمة بس الاسماء الأخرى طلعت من النهج إلى قائمة أخرى

وحياك مرة ثانية وسعيدين بالنقاش معاك : )

حسن الصقري
21-07-2010, 07:34 AM
السلام عليكم ورحمه الله وبركاته .......


صبحكم الله بالخير جميع ...


انا صراحه شدني الموضوع وحبيت اسألكم جزاكم الله خير :$


يا الربع انا خريج تكنولجيا
تخصص نقل وتزويع الطاقه الكهربائيه ...
وحاب اكمل دراسه بلندن طبعا اكمل ع الدبلوم .؟
فقالو لي الشباب كل الجامعات تبي اختبار آيلتز
يقولون هالاختبار صعب وانا مو جيد بالانجليزي .

فقالو لازم تاخذ سنه لغه يعني 3 سنين واتخرج...؟
الاسئله كالتالي .....:: لووول

شلون اسجل بالجامعات وهل في جامعات تقبلني بدون ايلتز بشرط اني اخذ سته شهور عندهم لغه
يكون اكون مقيد عندهم بس لازم اخذ الايلتز

هل في جامعات تقبل بدون ايلتز وبدون لغه يعني سيده ادخل سنتين واتخرج .؟

واذا ماكو الا اللغه او اني اجيب اختبار الايلتز
جم تكاليف دراسه اللغه .؟
وجم تكاليقه المعيشه اهناك يعني شقه ما شقه ؟
وتكاليف دراسه الهندسه

<< يا عمي قزرتها اسئله


ويعطيكم العاااااااااااااافيه

~SaRaH
21-07-2010, 07:52 PM
السلام عليكم و رحمه الله و بركاته

أول شي حبيت أشكرك أخوي على الجهد اللي قاعد تبذله في مساعده الطلبه ما تقصر والله :)

ثاني شي ..أنا الحمدلله مقبوله طب أسنان في بريطانيا ، و سويت بحث عن الجامعات هناك و عجبتني هالجامعه
بس عندي وايد استفسارات عنها .. ياريت تساعدوني و أنا بكون شاكره لك

جامعه Liverpool
عندك فكره عن طبيعه الجو الدراسي فيها ؟
فيها كويتيات ؟
و شلون السياحه فيها ؟ لأني سمعت أن فيها وايد سياحه .. أو انا خوفي أن ما يتوفر لي جو للدراسه بسبب هالشي
و بنفس الوقت مابي مكان واايد هادي و ممل
و جم نسبه العرب هناك ؟ و الأجانب شلونهم ؟ حليوين بالتعامل ؟


و إذا ما عندك معلومه عن هالجامعه ..
هل عندك فكره أي من هذي الجامعات أفضل لدراسه طب أسنان ؟
Liverpool , Aberdeen, Dundee, Cardiff or Leeds ?


آسفه على الإطاله والله يعطيك العافيه ..

نهجاوي
22-07-2010, 02:01 AM
عليكم السلام ورحمة الله وبركاته

اول شي حياج الله اختي ... ولا شكر على واجب وان شاء الله نقدر نوفر لكم الأجوبة اللي تحتاجونها

ثاني شي مبروك القبول ومنها للأعلى إن شاء الله وحياج الله بين اخوانج وخواتج في بريطانيا

اي نعم عندي فكرة ... وإن شاء الله راح احاول اوصلج حق وحدة من الطالبات في جامعة وإن شاء الله تقدر تساعدج

وحياج الله مرة ثانية :)

~SaRaH
22-07-2010, 04:51 PM
الله يحييك أخوي و يبارك فيك

الله يعطيك ألف عافيه والله ما تقصر
و مشكور مره ثانيه :)

كويتي777
23-07-2010, 01:51 AM
ناوي اكمل ماجستير في بريطانيا تكون جامعه سهله بأحدى تخصصات العلوم الاداريه ..للعلم ان اللغه عندي ضعيفه ... اي جامعه تنصحوني انا سمعت في جامعات مدة الدراسة سنة واحد فقط... وشكرا

luvuk
23-07-2010, 09:04 PM
هلا اخوي نهجاوي والله فيك الخير ما قصرت وياي او ويا غيري

بغيت اعرف تكاليف السكن تقريبا بleeds or liverpool والمعيش وجم المكافاءة الي تعطيها الدولة حق الطلبة (اذا رايح على حسابها او حسابي)
وشي الثاني شباب هناك ودودين او نفس اهني خز مخازز (معظمهم)
ونت رديت علي قتل انجليزي وكيميا ورياضيات واحياء يعني صج يمكن بس اربع مواد او تقريبا
سؤال داش عرض اقدر اشتري شقة او استوديو بالتقسيط

وحق امتحان الايتلز بالمنصورية قبال نادي العربي برتش كونسل وحق امتحانukcat بالهيومن سوفت او نيوهرايزن بشرق بس ما ادري وين

Bojan
23-07-2010, 10:06 PM
السلام عليكم

شنو الأفضل جامعة ليدز ولا ليفربول بالفاونديشن ؟؟
و أيهم أحسن كمدينة ، ترفيه وناسة و الناس اللي بالمنطقة نفسهم ؟؟
أنا انقبلت هندسة مدنية أنا أراسل الجامعة أحسن ولا أعتمد عالتعليم العالي ؟

و شكراً جزيلاً

crackjas
25-07-2010, 03:22 AM
ممكن اعرف الجامعات اللي تقبل دبلوم التكنولوجيا حق تخصص BEng 3 years with Honour هندسة مدنية
وتدخلني سنة ثانية (2nd year entry) شرط ادرس عندهم اللغة او الفاونديشن مع العلم باني خذيت بالايلتز 5.0
راسلت الجامعات التالية
كوفنتري لا تقبل وعطوني فرست يير ولازم ايلتز 6.0
سوانزي لا تقبل وعطوني فرست يير ولازم ايلتز 6.0
كارديف لا تقبل وعطوني فرست يير ولازم ايلتز 6.5
برونيل لا تقبل وعطوني طاف
لفبرا لا تقبل وعطوني طاف
كنقستون لا تقبل وعطوني طاف
برادفورد ما ردو علي
بورتسموث ما ردو علي
دندي ما ردو علي
ابردين ماردو علي
ياليت تنورني وتدليني على جامعات تقبل الدبلوم اللي احس انه البطة السودا شسالفة ولا جامعة بالعالم تقبله لازم من الصفر مع اني تقديري فيه جيد جدا!

LITTLE DOLL
30-07-2010, 05:59 AM
شنو احسن جامعه لتخصص التسويق؟

&*خالد &*
30-07-2010, 03:33 PM
السلام عليكم
أخواني أنا خريج معهد الأتصالات والملاحه تخصص أتصالات حاب أكمل الهندسه في ويلز جامعه كاردف
كم رسوم الجامعه
يعادلون شهاتي وجم سنه دراسه
وشكر

N&M
01-08-2010, 11:13 AM
التسجيل المتأخر شهر 10 ؟!! و اذا سجلت و كل شي متى أبدي دراسة؟ و اذا كانت عندي شهادة الآيلز أقدر أدخل بالمواد الدراسية على طول ولا أبدي سبتمبر 2011 ؟ و شنو تكاليف الجامعات ببريطانيا مثل UCL و KUL و غيرهم؟!

thanxxx a lot

نهجاوي
02-08-2010, 05:52 AM
حياكم الله اخواني واخواتي ...

وبإذن الله سيتم الرد على كل اسئلتكم واستفساراتكم قريباً

وشكراً

Garminq8
07-08-2010, 11:14 PM
مرحبا اخوي


اذا ممكن توصلني لاي طالب يدرس ماستر محاسبة في بريطانيا عندي بعض الاستفسارات وودي احد يفيدني اذا ممكن ؟

fq888
21-08-2010, 09:11 PM
السلام عليكم ...

انا طالب مبتعث من التعليم العالي الكويتي لبريطانيا ,جالي قبول في معهد اللغه ef ,
مكتوب في ورقة القبول accommodation in own accommodation مادري هل المقصود ان المعهد يوفر السكن ؟؟

والسؤال الثاني : أول ما اوصل لندن اروح الملحق الثقافي او اروح المعهد و بعدين اتصل على الملحق الثقافي ,علما ما في وقت والدوام بعد يومين و المعهد في اوكسفورد.وفي احد يستقبلني بالمطار؟؟

مع العلم هذي أول سفره لي حق بريطانيا و برمضان الله يكون بعوني .
وانا ما استفدت من التعليم العالي في الكويت بأي معلومه , وما عندي احد اهناك.

new-1
23-08-2010, 01:26 AM
ابي قبول في جامعة ليدز مع العلم ان ماعندي توفل شلون الطريقة ؟؟

new-1
23-08-2010, 01:31 AM
السلام عليكم ...

انا طالب مبتعث من التعليم العالي الكويتي لبريطانيا ,جالي قبول في معهد اللغه ef ,
مكتوب في ورقة القبول accommodation in own accommodation مادري هل المقصود ان المعهد يوفر السكن ؟؟

والسؤال الثاني : أول ما اوصل لندن اروح الملحق الثقافي او اروح المعهد و بعدين اتصل على الملحق الثقافي ,علما ما في وقت والدوام بعد يومين و المعهد في اوكسفورد.وفي احد يستقبلني بالمطار؟؟

مع العلم هذي أول سفره لي حق بريطانيا و برمضان الله يكون بعوني .
وانا ما استفدت من التعليم العالي في الكويت بأي معلومه , وما عندي احد اهناك.

accommodation in own accommodation
معناة
الإقامة في أماكن الإقامة الخاصة

ممكن اتفيدني:
ابي قبول بجامعات بريطانيا خاصتا جامعة ليدز وانا بروح على حسابي الخاص؟
وماعندي توفل؟ شنو تنصحني؟

the life name
23-08-2010, 07:48 PM
السلام عليكم ويعطيك العافيه أخ نهجاوي

أنا توني مقبول هندسة ميكانيكيه وراح يدزوني سنه لغه

فأبي أعرف متى أختار الجامعه بعد اللغه أو لا .. وهل يصير يكون مكان الي درست فيه اللغه غير مكان الجامعه الي راح أدرس فيها بعد سنه

والسؤال المهم وين تنصحني أدرس لغه ؟ ووين تواجد الكويتيين بتخصص الهندسه وشنو الجامعات الي تنصحني فيها ؟

وأهم شي عندي نظام المنطقه إنه يكون وناسه مو غثه ويعطيك الفين عافيه

NAJD
27-08-2010, 06:25 AM
يعطيك العافيه ع الموضوع ..

بس بغيت أسأل ..

شلون دراسة الطب اهناك بجامعة اكسفورد ؟؟

و جم سنه للطب البشري ؟؟

و مشكور و بميزان حسناتك :)

meme -92
31-08-2010, 07:38 PM
بغيت اسال الدراسة الصيدلة في ليرلندا نظامها سنوي و لا كورسات بلييز ابي رد سريع

crackjas
01-09-2010, 03:44 AM
ارجو اغلاق او حذف الموضوع لعدم تواجد صاحب الموضوع وشكرا

جمالي يجنن
08-09-2010, 02:49 AM
سؤال .... شلوون الدراسة هناك امتحانات موضوعية ولا مقالية ولا رسالة ولا شنو وتكون بمجال تخصصي وبلمواد اللي ادرسها
بليييييييز جاوبوني

تحديداا شلون طريقة دراسة الماستر ببريطانيا

عساها تساهيل
12-09-2010, 06:42 AM
ابي اخوي شنو تعني هالشهاده scqf level 6 وهل هي تعادل ال A level

عساها تساهيل
15-09-2010, 10:08 AM
شنوو توهق البطل ماكو احد يرد

Maryam55
15-09-2010, 01:12 PM
أخواني أبي رقم المركز الثقافي ببريطانيا ضرووووووووووووووووووووووو وري عند مشكله كبيره

تكنولوجي
22-09-2010, 12:09 AM
يعطيك العافيه لو سمحت انا معاي دبلوم المعهد العالي للطاقه ومتفوق وحاصل على بعثه من التطبيقي؟ شلون وضع طلبة التطبيقي؟وما تعرف احد مبتعث من التطبيقي؟وشلون الدراسه بالنسبه للهندسه؟وجم سنه الدراسه مع العلم اني ضعيف بالانجليزي؟ولك مني جزيل الشكر.

cr9
22-09-2010, 02:45 PM
هل شعب بريطانيا طيب مع الناس الي ما يتكلمون انجليزي بطلاقة ؟
الصراحة انا سمعت انه شعب معقد ولازم تتكلم انجليزي بطلاقة علشان يحترمونك
هل هذا الكلام صحيح؟؟

Bo Jweas
23-09-2010, 09:30 PM
ابي قبول في جامعة ليدز مع العلم ان ماعندي توفل شلون الطريقة ؟؟

أهلاً عزيزي

صعبة أنك تييب قبول من جامعة بدون ما تمتحن الآيلتز أو التوفل إذا استثنينه اللغة طبعاً

Bo Jweas
23-09-2010, 09:45 PM
السلام عليكم ويعطيك العافيه أخ نهجاوي

أنا توني مقبول هندسة ميكانيكيه وراح يدزوني سنه لغه

فأبي أعرف متى أختار الجامعه بعد اللغه أو لا .. وهل يصير يكون مكان الي درست فيه اللغه غير مكان الجامعه الي راح أدرس فيها بعد سنه

والسؤال المهم وين تنصحني أدرس لغه ؟ ووين تواجد الكويتيين بتخصص الهندسه وشنو الجامعات الي تنصحني فيها ؟

وأهم شي عندي نظام المنطقه إنه يكون وناسه مو غثه ويعطيك الفين عافيه


أولا مبروك ع القبول

خلال سنة اللغة تقدر تمتحن الآيلتز ولمن تييب الدرجة المطلوب لقبول الفاونديشن (غالباً 5.5) و بعدها تقدر تييب قبول فاونديشن من الجامعة الي تبيها بشرط أن تكون الجامعة معترف فيها ( هذي لستت الجامعات المعترف فيه ([Link nur für registrierte Benutzer sichtbar]))

بالنسبة لالغة أنصح بأوكسفورد او كامبردج لقلة نسبة العرب مقارنة بباجي المناطق

للأسف معلوماتي عن التخصصات الهندسية مو ذاك الزود بس حسب معلوماتي الهندسة الميكانيكية لحسن الحظ موجودة تقريباً بكل مكان بس عن نفسي أفضل ليدز أو ليفربول لوجود وايد طلبة كويتيين هناك

لمعلوماتك يصير تنقبل بجامعة غير الجامعة و الكلية إلي درست فيها الفاونديشن
أنا درست الفاونديشن بمانشستر و انقبلت بليدز بس يفضل أنك تدرس الفاونديشن بنفس المكان إلي بتدرس فيه التخصص عشان توخر عن عورا الراس

بالتوفيق عزيزي و إذا عندك أي استفسار ثاني لا تتردد

Bo Jweas
23-09-2010, 09:57 PM
أخواني أبي رقم المركز الثقافي ببريطانيا ضرووووووووووووووووووووووو وري عند مشكله كبيره

تفضلي أختي

هنا ([Link nur für registrierte Benutzer sichtbar])

بالتوفيج

Bo Jweas
23-09-2010, 10:05 PM
سؤال .... شلوون الدراسة هناك امتحانات موضوعية ولا مقالية ولا رسالة ولا شنو وتكون بمجال تخصصي وبلمواد اللي ادرسها
بليييييييز جاوبوني

تحديداا شلون طريقة دراسة الماستر ببريطانيا


أختي العزيزة

كل جامعة و لها طريقتها بوضع الأمتحانات

الماجستير ببريطانيا سنة وحدة تقدرين تاخذين فيها المواد إلي تفيدج في بحثج

بالتوفيق

shahad
08-10-2010, 02:21 PM
السلام و عليكم ابي احد ايعرف اب هل التخصصين


1-علاج طبيعي في ايرلندا اقدر اخذ فيه ماجستير و اصير دكتورة و لا بس اخصائي و بسس؟ و شنو لازم اسوي عشان يقبلوني ؟





2- تخصص هندسة بحرية في لندن اذا قبلوني اقدر احول هندسة مدنية و اذا م حولوني هل هو تخصص زين ؟؟ كلمن يقول ما يصلح حق بنات ممكن اعرف ليشش ؟

the life name
13-10-2010, 11:51 PM
أولا مبروك ع القبول

خلال سنة اللغة تقدر تمتحن الآيلتز ولمن تييب الدرجة المطلوب لقبول الفاونديشن (غالباً 5.5) و بعدها تقدر تييب قبول فاونديشن من الجامعة الي تبيها بشرط أن تكون الجامعة معترف فيها ( هذي لستت الجامعات المعترف فيه ([Link nur für registrierte Benutzer sichtbar]))

بالنسبة لالغة أنصح بأوكسفورد او كامبردج لقلة نسبة العرب مقارنة بباجي المناطق

للأسف معلوماتي عن التخصصات الهندسية مو ذاك الزود بس حسب معلوماتي الهندسة الميكانيكية لحسن الحظ موجودة تقريباً بكل مكان بس عن نفسي أفضل ليدز أو ليفربول لوجود وايد طلبة كويتيين هناك

لمعلوماتك يصير تنقبل بجامعة غير الجامعة و الكلية إلي درست فيها الفاونديشن
أنا درست الفاونديشن بمانشستر و انقبلت بليدز بس يفضل أنك تدرس الفاونديشن بنفس المكان إلي بتدرس فيه التخصص عشان توخر عن عورا الراس

بالتوفيق عزيزي و إذا عندك أي استفسار ثاني لا تتردد

بعد راسي والله ويعطيك الف عافيه وماتقصر

سؤال الله لايهينك شنو تخصصك ؟

Dr.AsooL
17-10-2010, 05:05 PM
اشلون معهد kaplan international collages اللي في مانشستر يالي قبول منه ؟؟

TeEn QuEeN
26-10-2010, 04:13 AM
^
^

kaplan ممتاز ويعد من افضل المعاهد لتعليم اللغه

ما ادري عن مانشستر بس ادري ان اللي بكل المناطق ممتازين عموما ^_^

Elite
26-10-2010, 08:07 AM
يعطيك العافية اخوي ..

عندي استفسار بخصوص دراسة الهندسة ببريطانيا ..

نسبتي بالثانوية تفشل تحت الـ 60 ومتخرج قبل اربع سنوات ..

بس الحسنة الوحيدة اني قاعد بامريكا سنة ودرست لغة ويبت توفل 620 ..

في جامعات ببريطانيا تقبل نسب ثانوية ضعيفة نفس نسبتي ؟ ..

تحياتي ..

Eng.Saad
27-10-2010, 03:22 AM
اشلون معهد kaplan international collages اللي في مانشستر يالي قبول منه ؟؟


مبروك على القبول

ومنطقه مانشستر حلوه حيل
انا قعدت فيها تقريبا 6 اشهر
المنطقه رخيصه بالنسبه لي لندن

شدي حيلج والله يوفق الجميع

واي استفسار انا حاظر

Dr.AsooL
27-10-2010, 01:17 PM
thnx alot
Eng.Saad wTeEn QuEeN

فزاع
31-10-2010, 09:28 PM
مرحبا اخوي نهجاوي .. اسمح لي على المداخله

اخوي انا معاي دبلوم هندسه وحااب اكمل الدرااسه .. وين تنصحني بدراسه الهندسه
تخصص ميكانيكا
امريكا او بريطانيه اوغيرها
ابي جامعه سهله و رخيصه وجزاك الله خير
بانتظار ردك

TeEn QuEeN
31-10-2010, 09:49 PM
يعطيك العافية اخوي ..

عندي استفسار بخصوص دراسة الهندسة ببريطانيا ..

نسبتي بالثانوية تفشل تحت الـ 60 ومتخرج قبل اربع سنوات ..

بس الحسنة الوحيدة اني قاعد بامريكا سنة ودرست لغة ويبت توفل 620 ..

في جامعات ببريطانيا تقبل نسب ثانوية ضعيفة نفس نسبتي ؟ ..

تحياتي ..

اذا على حسابك قدم على الايلتز و راسل الجامعات
في جامعات وايد تقبل نفس نسبتك ومعترف فيها

الله يوفقك

Eng.Saad
01-11-2010, 01:01 AM
الاخوان كفو وردو على الاستفسار
:)

عبدالرحمن علي العنزي
04-11-2010, 02:12 AM
السـلأم عليكم ورحمـه الله وبركـآته . ’


إللي عنده معلومـآت عن منطقه ادنبره ومعهدهـآ لآ يبخل علينـآ ..


وإلله يعطيكم العـآفيه .. ،

MeMe's
04-11-2010, 03:07 PM
انا نقبلت بجامعة ليفربول هندسة، بس انا ماخذة لغة ، يصير احول طب السنة اليايه؟ شلون العيشه هناك؟ امي و ابوي وايد يحاتون، يبوني اكنسل البعثة

Eng.Saad
05-11-2010, 12:18 AM
انا الي اقدر افيدج فيه
مدينه لفربول حلوه
واذا ساكنه بسكن الطلاب اتوقع كل شي امان
او تسكنين مع عايله
بكل الاحوال الامان موجود
ولاتحاتين في مطاعم عربيه واكل عربي هناك

وكل شي سهل في بريطانيا

MeMe's
05-11-2010, 01:26 PM
مشكور اخوي، طمنتني :)

TeEn QuEeN
06-11-2010, 01:35 AM
Meme
لا ما يصير تحولين طب
يصير تحولين بين تخصصات الهندسة فقط

وترا بريطانيا أأمن من غيرها
وانا الحين صار ٣ اسابيع تقريبا هنيه وكل شي تمام

الله يوفقج

فواز العتيبي
20-11-2010, 06:40 PM
اسلام عليكم ياخون
حبيت استفسر عن جامعة دندي من حيث مستوي الجامعة و المعيشه في دندي لأني رائح ادرس الهندسه علي حسابي الخاص وهل في كويتين يدرسون اهناك
ولكم جزيل الشكر

i need help
21-11-2010, 07:16 PM
السلام عليكم و رحمة الله و براكته

انا خريج ثنوية انقليزيه ونسبتي فوق ال95 و ناوي ادرس طب اسنان ابريطانيا بس للاسف سكرو باب التسجيل قبل ما ايي الكويت المهم خيره ان شاء الله
انا عندي 5 اسئلة مع العلم اني رحت التعليم العالي فوق ال1000000 بس ما اقدرو ايفودوني فقلت انتو فيكم الخير و البركه
الي ما يعرف ايجاوب على كل الاسئلة ايجاوب على الي يقدر عليه
السؤال الاول: انا ما عندي A LEVELS هل الفاونديشن راح ايكون صعب علي ليش مو ما خذهم ؟
السؤال الثاني: انا الي راح اسوي الUCAS APPLICATION و لا التعليم العالي واذا انا متى لازم اسوي ؟
السؤال الثالث: بالنسبة حق امتحان الUKCAT راح اسوي قبل ما ابلش الفونديشن و لا و انا اسوي الفونديشن ؟
السؤال الرابع: وين راح اسوي الفاونديشن ابنفس الجامعة الي راح اكمل فيها دراستي و لا مكان ثاني ؟
السؤال الخامس: العادة شنو مواد الفاونديشن ؟
الي يقدر ايفيدني بدعيله من قلب هههه لاني صج تعبت من المحاتات :&quot;(
سامحوني علاطاله و بارك الله فيكم

د.كويتي
30-11-2010, 01:51 AM
السلام عليكم
يعطيكم العافيه يا اخوان حبيت استفسر شنو احسن معهد لتعليم اللغه في مانشستر ويا ريت تفيدوني باقرب وقت ممكن

Dr.AsooL
28-12-2010, 11:31 PM
السلام عليكم
يعطيكم العافيه يا اخوان حبيت استفسر شنو احسن معهد لتعليم اللغه في مانشستر ويا ريت تفيدوني باقرب وقت ممكن


و عليكم السلام و رحمه الله و بركاته

انا حاليا ادرس في مانشستر

و افضل المعاهد

manchester academy
manchester college
salford

و خر عن معهد ef و kaplan

موفق

بوعبدالرحمن
03-01-2011, 12:04 AM
الاخوه والاخوات الكرام
(سؤالي الاول)
كم مدة دراسة الهندسة في بريطانيا علما أني حاصل على دبلوم تكنولوجيا معدل نقطتين؟

(سؤالي الثاني)
هل حصولي على توفل اللغة يقلص المدة الدراسية؟

تقبلوا خالص الشكر والاحترام

Dr.AsooL
04-01-2011, 01:49 AM
منو عنده معلومات عن الفاونديشين في into manchester ?

زين و لا لاء ؟

unreal-future
31-01-2011, 08:32 PM
Hello everybody,

HOw r u?

plz aby quick answer, when does the second semester (2010-2011) start?

YOurs
Haya M Ebraheem

محمد الخليفي
08-02-2011, 12:13 AM
يعطيك العافيه اخووي مشكور عل المجهود الي تقدمه للطلبه عندي سؤال انا ادرس بالتطبيقي تخصص طوارئ طبيه e.m.t و حااب اعرف في جاامعاات ببريطانيا تقبل هالتخصص و تدرسه لاني حااب اكمل البكالريووس هنااك

ســديم
08-02-2011, 06:12 AM
اختى بتدرس اللغه الانجليزيه بأمريكا

وتبي اتكمل دراسة الماستر ببريطانيا


السؤال هل تفرق عليها اللغه ولا نفس الشي ؟

N A J M A H
16-02-2011, 04:18 AM
السلام عليكم

اخوي انا طالبه بالعلوم الاداريه وحابه ادرس تخصص ببريطانيا

فشنو التخصصات الموجوده ؟ .. و جم النسبه المطلوبه للتحويل ؟؟

علما باني مجتازه 22 وحده فقط لغايه الحين

شكرا,, ^_^

كويتيه طموحه
11-03-2011, 03:15 AM
السلام عليكم


شلووونكم؟؟


انا حاليا ادرس ماجستير تمريض في مصر..


حابه احول لاحد الجامعات في بريطانيا..


طبعاا انتم عارفين بقرار التعليم العالي بخصوص الــ84 جامعه المعتمده في بريطانيا..


حابه اعرف شنو افضل جامعه فيهم؟

ووشلون ابدا بامر التحويل؟

هل عن طريق السفاره الكويتيه بمصر؟ ام عن طريق الديوان؟ بما اني مبتعثه!!


ولكم جزيل الشكر


اختكم كويتيه..

qwert
11-03-2011, 03:44 AM
مرحبــــــــــــااااااااا اااا

الله يعطيكم العافيـــــــة .... إذا ممــــــكن أحـــــد يفيدناااااااااااا من أهل كاردف
* شنو رايكم في جامعة كـــاردف ؟ وهل الدراسة صعبه وشلون تعاون الدكاترة مع الطلبه ؟
** شنو أفضل معهد لدراسة اللغة فــي كـــاردف !!

لانه جاني قبول مشروووط بالايلتس 6.5

راجاااااااااااااء لا بخلون علينا برددودكم ادري كثرت عليكم ,,,

عسى الله يوفقكم لما هو خير لنا ولكم .....

كويتيه طموحه
11-03-2011, 06:23 AM
السلاااام عليكم


ماهو المقصود بــ Research Degrees و Taught Degrees

للماجستير..

وماهو الفرق؟؟


:)

Easy Steps
11-03-2011, 10:51 AM
السلام عليكم و رحمة الله و براكته

انا خريج ثنوية انقليزيه ونسبتي فوق ال95 و ناوي ادرس طب اسنان ابريطانيا بس للاسف سكرو باب التسجيل قبل ما ايي الكويت المهم خيره ان شاء الله
انا عندي 5 اسئلة مع العلم اني رحت التعليم العالي فوق ال1000000 بس ما اقدرو ايفودوني فقلت انتو فيكم الخير و البركه
الي ما يعرف ايجاوب على كل الاسئلة ايجاوب على الي يقدر عليه
السؤال الاول: انا ما عندي A LEVELS هل الفاونديشن راح ايكون صعب علي ليش مو ما خذهم ؟
السؤال الثاني: انا الي راح اسوي الUCAS APPLICATION و لا التعليم العالي واذا انا متى لازم اسوي ؟
السؤال الثالث: بالنسبة حق امتحان الUKCAT راح اسوي قبل ما ابلش الفونديشن و لا و انا اسوي الفونديشن ؟
السؤال الرابع: وين راح اسوي الفاونديشن ابنفس الجامعة الي راح اكمل فيها دراستي و لا مكان ثاني ؟
السؤال الخامس: العادة شنو مواد الفاونديشن ؟
الي يقدر ايفيدني بدعيله من قلب هههه لاني صج تعبت من المحاتات :&quot;(
سامحوني علاطاله و بارك الله فيكم

السؤال الاول:

الفاونديشن بلا شك اسهل من A LEVEL

ثانية الكويت ما تدفع رسوم A Level لانه غالي فقط فاونديشن

السؤال الثاني :
لو بتقدم عن طريق مكتب او ايجنت في بريطانيا مثلا مو محتاج تسوي UKAC اما اذا بدونهم انت بتسويه

السؤال الرابع :

ukcat

من شروط القبول في الجامعة مع المقابلة الشخصية

بالنسبة للفاونديشن يفضل ان يكون في نفس الجامعة

السؤال الخامس:

مواد الفوانديشن لغة انجليزية وعلوم في الغالب

Easy Steps
11-03-2011, 10:54 AM
السلام عليكم
يعطيكم العافيه يا اخوان حبيت استفسر شنو احسن معهد لتعليم اللغه في مانشستر ويا ريت تفيدوني باقرب وقت ممكن

المعاهد كثيرة في مانشستر

كابلان ممتاز لكن ابعد عن فرع مانشستر

وفي كليات اخرى ومعاهد اخرى

الرغبات وشنو الطالب يبي هي اللي تحدد المعهد

Easy Steps
11-03-2011, 10:55 AM
و عليكم السلام و رحمه الله و بركاته

انا حاليا ادرس في مانشستر

و افضل المعاهد

manchester academy
manchester college
salford

و خر عن معهد ef و kaplan

موفق


كابلان لا يمكن ان نضعه مع ef ابدا مو انصاف

لكن فرعهم في مانشيستر فعلا فيه مشاكل وايد لكن باقي الافرع ممتازة جداً

Easy Steps
11-03-2011, 10:57 AM
الاخوه والاخوات الكرام
(سؤالي الاول)
كم مدة دراسة الهندسة في بريطانيا علما أني حاصل على دبلوم تكنولوجيا معدل نقطتين؟

(سؤالي الثاني)
هل حصولي على توفل اللغة يقلص المدة الدراسية؟

تقبلوا خالص الشكر والاحترام


البكالوريوس في بريطانيا مدته ٣ سنوات في غير التخصصات الطبية

هذا من غير الفاونديشن طبعا

بهذا المعدل في الغالب ستدرس فاونديشن و٣ سنوات


السؤال الثاني :

اللغة الانجليزية لا علاقة لها بتقليص المدة الدراسية في البكالوريوس

Easy Steps
11-03-2011, 10:59 AM
يعطيك العافية اخوي ..

عندي استفسار بخصوص دراسة الهندسة ببريطانيا ..

نسبتي بالثانوية تفشل تحت الـ 60 ومتخرج قبل اربع سنوات ..

بس الحسنة الوحيدة اني قاعد بامريكا سنة ودرست لغة ويبت توفل 620 ..

في جامعات ببريطانيا تقبل نسب ثانوية ضعيفة نفس نسبتي ؟ ..

تحياتي ..

بسيطة جدا بس قول لي شنو نوع الهندسة اللي تبي تدرسها

واذا حصلت التخصص ابشر بالقبول يوصلك لين باب بيتك

Easy Steps
11-03-2011, 11:03 AM
مرحبا اخوي نهجاوي .. اسمح لي على المداخله

اخوي انا معاي دبلوم هندسه وحااب اكمل الدرااسه .. وين تنصحني بدراسه الهندسه
تخصص ميكانيكا
امريكا او بريطانيه اوغيرها
ابي جامعه سهله و رخيصه وجزاك الله خير
بانتظار ردك

لو يسمح لي من وجه له السؤال بالاجابة

كم معدلك في الدبلوم

اذا 2.0 وفوق ابشر

امريكا الدراسة فيها اطول من بريطانيا

والدراسة والمعيشة بلا شك ليست رخيصة في امريكا وبريطانيا

عندك دراسة مناسبة ورخيصة جدا مقارنة مع امريكا وبريطانيا

في نفس تخصصك في ( ماليزيا ) جامعة معترف فيها من التعليم العالي وجامعة ممتازة

البكالوريوس في بريطانيا هندسة لا يقل عن ٤٠٠٠ دينار في السنة

هذا غير رسوم المعيشة

اما في ماليزيا ما يتجاوز ٢٠٠٠ دينار في السنة

والمعيشة فرق كبير جدا في الاسعار

Easy Steps
11-03-2011, 11:05 AM
اسلام عليكم ياخون
حبيت استفسر عن جامعة دندي من حيث مستوي الجامعة و المعيشه في دندي لأني رائح ادرس الهندسه علي حسابي الخاص وهل في كويتين يدرسون اهناك
ولكم جزيل الشكر

في كويتين لان اغلبهم الحين بيروحون يدرسون فيها هندسة المقدمين عليها وايد

دندي ارخص من كثير من مناطق اسكتلندا نوعا ما

مستوي الجامعة الجامعة عادية لاهي فوق توب

ولا هي تحت حيل *

Easy Steps
11-03-2011, 11:07 AM
يعطيك العافيه اخووي مشكور عل المجهود الي تقدمه للطلبه عندي سؤال انا ادرس بالتطبيقي تخصص طوارئ طبيه e.m.t و حااب اعرف في جاامعاات ببريطانيا تقبل هالتخصص و تدرسه لاني حااب اكمل البكالريووس هنااك

كم المعدل العام المتوقع عند التخرج

بعدها ندور على الجامعات اللي تقبل هذا التخصص

Easy Steps
11-03-2011, 11:08 AM
اختى بتدرس اللغه الانجليزيه بأمريكا

وتبي اتكمل دراسة الماستر ببريطانيا


السؤال هل تفرق عليها اللغه ولا نفس الشي ؟

نفس الشي اذا مستوي اللغة زين

Easy Steps
11-03-2011, 11:13 AM
السلام عليكم

شلووونكم؟؟

انا حاليا ادرس ماجستير تمريض في مصر..

حابه احول لاحد الجامعات في بريطانيا..

طبعاا انتم عارفين بقرار التعليم العالي بخصوص الــ84 جامعه المعتمده في بريطانيا..

حابه اعرف شنو افضل جامعه فيهم؟

ووشلون ابدا بامر التحويل؟

هل عن طريق السفاره الكويتيه بمصر؟ ام عن طريق الديوان؟ بما اني مبتعثه!!

ولكم جزيل الشكر

اختكم كويتيه..


عن طريق الديوان هم بيفهمونج الاجراءات شلون تصير لكن اعتقد لازم تجيبي قبول اول عشان يحولون


بالنسبة للجامعات ما نقدر نقول اي هي احسن جامعة فيهم الامر لا يتم بهذه الطريقة

لازم نعرف نسبة البكالوريوس كم كانت ومن اي جامعة

بعدين نشوف التخصص موجود في اي جامعة من الجامعات هذه

شنو متطلبات القبول في هذا التخصص عند كل جامعة وكم الدرجة اللي يبونها

ثم بعدين نشوف موضوع اللغة الانجليزية ( وهذي في لها حل بالنسبة لطلبة الماجستير )

للاستفسار والشرح

info@es-kw.com

Easy Steps
11-03-2011, 11:17 AM
مرحبــــــــــــااااااااا اااا

الله يعطيكم العافيـــــــة .... إذا ممــــــكن أحـــــد يفيدناااااااااااا من أهل كاردف
* شنو رايكم في جامعة كـــاردف ؟ وهل الدراسة صعبه وشلون تعاون الدكاترة مع الطلبه ؟
** شنو أفضل معهد لدراسة اللغة فــي كـــاردف !!

لانه جاني قبول مشروووط بالايلتس 6.5

راجاااااااااااااء لا بخلون علينا برددودكم ادري كثرت عليكم ,,,

عسى الله يوفقكم لما هو خير لنا ولكم .....

لست من اهلها لكن اقدر اجاوب

كاردف من الجامعات الزينة والدراسة صعبة للشخص اللي ما ركز في دراسة اللغة وحسن مستواه عدل

والدكاتره في كل جامعة حظوظ هذا بشكل عام

في معاهد لغة كثيرة ( للتوضيح مو شرط الواحد يدرس لغة في كاردف اذا قبوله في كاردف )

يمكن يدرس في مكان ثاني ويجي الجامعة في كاردف

في كل الاحوال امر اللغة سهل جدا

Easy Steps
11-03-2011, 11:19 AM
منو عنده معلومات عن الفاونديشين في into manchester ?

زين و لا لاء ؟

ممتاز اختي الفاضلة

Easy Steps
11-03-2011, 11:22 AM
السلاااام عليكم


ماهو المقصود بــ Research Degrees و Taught Degrees

للماجستير..

وماهو الفرق؟؟


:)
Taught Degrees

عبارة عن دراسة ومواد

Research Degrees

الدراسة عن طريق البحث ( بربوزل ) خطة بحث معينة في موضوع معين بالتخصص

لكن ما عاد معتمد في التعليم العالي دراسة الماجستير عن طريق Research Degrees

فقط للدكتوراة

محمد الخليفي
11-03-2011, 01:33 PM
كم المعدل العام المتوقع عند التخرج

بعدها ندور على الجامعات اللي تقبل هذا التخصص

والله ماني عارف بالضبط جم بس انشاله اضمن الامتيااااز :)

Eng.babosh
11-03-2011, 01:52 PM
السلام عليكم

انا صراحه عندي سؤالين
السؤال الاول :انا حاليا طالبه لغه في كيمبرج وابي قبول للفاونديشن فحابه اعرف اذا تعرف مكاتب في بريطانيا ممكن اطلعلي قبول لان المكتب الثقافي يومه عن سنه وانا ابي قبولي حق شهر سبتمبر بجامعه نيوكاسل و ثاني سؤال هل تنصحني بجامعه لتخصص الهندسه افضل من نيوكاسل.

ويعطيك العافيه اخوي ع الموضوع

qwert
11-03-2011, 04:24 PM
السلام عليكم

انا صراحه عندي سؤالين
السؤال الاول :انا حاليا طالبه لغه في كيمبرج وابي قبول للفاونديشن فحابه اعرف اذا تعرف مكاتب في بريطانيا ممكن اطلعلي قبول لان المكتب الثقافي يومه عن سنه وانا ابي قبولي حق شهر سبتمبر بجامعه نيوكاسل و ثاني سؤال هل تنصحني بجامعه لتخصص الهندسه افضل من نيوكاسل.

ويعطيك العافيه اخوي ع الموضوع


مرحبا اختي الله يوفقك في دراستك

بخصوص قبول من مكاتب بريطانيا
انا اعرف دكتوره اسمها بثينه محترمه سوريه

تييب قبول وعندها مكتب في كاردف وانا شخصينا جابتلي كذا قبول
و هذا رقمها 00447855705884 \ 0044292152333

لكن كم تأخذ بينك وبينها ....
اتمنى اكون ساعدتك لوجه الله .......... واتمنى منك دعوة صادقة لا اكثر


ا

Easy Steps
11-03-2011, 07:10 PM
السلام عليكم

انا صراحه عندي سؤالين
السؤال الاول :انا حاليا طالبه لغه في كيمبرج وابي قبول للفاونديشن فحابه اعرف اذا تعرف مكاتب في بريطانيا ممكن اطلعلي قبول لان المكتب الثقافي يومه عن سنه وانا ابي قبولي حق شهر سبتمبر بجامعه نيوكاسل و ثاني سؤال هل تنصحني بجامعه لتخصص الهندسه افضل من نيوكاسل.

ويعطيك العافيه اخوي ع الموضوع

وعليكم السلام ورحمة الله وبركاته

شنو الهندسة اللي بتدرسينها عشان اشوف لج وين الفاونديشن

والقبول مجاناً اذا كنتي طالبة ثانوية مبتعث

فقط ارسلي لي بياناتج والتخصص المطلوب على هذا الايميل

info@es-kw.com

اذا تخصصج موجود القبول جداً سهل وسريع باذن الله

مع التحية

كويتيه طموحه
12-03-2011, 01:56 AM
taught degrees

عبارة عن دراسة ومواد

research degrees

الدراسة عن طريق البحث ( بربوزل ) خطة بحث معينة في موضوع معين بالتخصص

لكن ما عاد معتمد في التعليم العالي دراسة الماجستير عن طريق research degrees

فقط للدكتوراة


هلافيك اخوي..


بس مافهمت يعني المسموح فيه من التعليم العالي للماجستير هو البحث فقط؟؟

:(

Easy Steps
12-03-2011, 02:01 AM
هلافيك اخوي..


بس مافهمت يعني المسموح فيه من التعليم العالي للماجستير هو البحث فقط؟؟

:(

لا العكس هو الصحيح

البحث في الماجستير ما عاد معتمد من التعليم العالي

بمعنى اصح لازم دوام كامل في الجامعة في الماجستير والبكالوريوس

يعني تقديم بحث للدكتور والرجوع للكويت ثم الواحد يروح كل فترة للدكتورة

هذا في الماجستير ما عاد مقبول

والله اعلم

كويتيه طموحه
12-03-2011, 02:19 AM
اي عارفه اخوي

لانه انا قريت بجامعة ابردين انه الفل تايم بخلصها بسنه

اما البارت تايم بخلصها بسنتين...


انا ابيها فل تايم بس بخلصها فعلا بسنتين؟؟ يعني ماراح يكون علي موااد لازم اخذها قبل الدراسه؟ مثل للمعادله او مادة الانجليزيه بتكون ضمن الفترة ؟

Easy Steps
12-03-2011, 02:22 AM
اي عارفه اخوي

لانه انا قريت بجامعة ابردين انه الفل تايم بخلصها بسنه

اما البارت تايم بخلصها بسنتين...


انا ابيها فل تايم بس بخلصها فعلا بسنتين؟؟ يعني ماراح يكون علي موااد لازم اخذها قبل الدراسه؟ مثل للمعادله او مادة الانجليزيه بتكون ضمن الفترة ؟

لا هي مو جذي بس

باجر باذن الله اشرحها لج عدل عشان تكون الصورة واضحة جدامج بالكامل

كويتيه طموحه
12-03-2011, 02:26 AM
انزين المعادله للشهادة البكالريوس مطلوبه للماجستير؟ واذا اي؟؟ شلون اسويهااا؟؟

:(


الله يعييينكم :(

كويتيه طموحه
12-03-2011, 02:26 AM
حلووووو


بأذن الله..


جزاك الله خيررررر

qwert
12-03-2011, 03:07 AM
لست من اهلها لكن اقدر اجاوب

كاردف من الجامعات الزينة والدراسة صعبة للشخص اللي ما ركز في دراسة اللغة وحسن مستواه عدل

والدكاتره في كل جامعة حظوظ هذا بشكل عام

في معاهد لغة كثيرة ( للتوضيح مو شرط الواحد يدرس لغة في كاردف اذا قبوله في كاردف )

يمكن يدرس في مكان ثاني ويجي الجامعة في كاردف

في كل الاحوال امر اللغة سهل جدا

شكور اخوي على الرد السريع لكن ما ذكرت لي اي معهد لغة في كاردف او خارجها تنصح فيه .

Easy Steps
12-03-2011, 03:23 AM
شكور اخوي على الرد السريع لكن ما ذكرت لي اي معهد لغة في كاردف او خارجها تنصح فيه .

في معاهد وايد

مثلا في كاردف

Cardiff College International

Cardiff Academy

Peartree Languages

هذي كلها معاهد لغة زينة

مستجد بريطانيا
12-03-2011, 08:53 PM
السلام عليكم
شباب شنو الجامعانت الي تنصحوني فيها (هندسه مدنيه ) في انجلترا من حيث المنطقه والدراسه بالجامعه
ويفضل تكون قريبه من لندن
ومشكورين

Easy Steps
12-03-2011, 09:17 PM
السلام عليكم
شباب شنو الجامعانت الي تنصحوني فيها (هندسه مدنيه ) في انجلترا من حيث المنطقه والدراسه بالجامعه
ويفضل تكون قريبه من لندن
ومشكورين

هل انت طالب ثانوية ولا دبلوم

لو كنت طالب ثانوية فانت تعلم انه لابد من الفاونديشن

اما في الجامعة نفسها ( سيكون عليك ان يكون لدى الجامعة فاونديشن لتخصصك )

او في مكان اخر غير المعهد وهذا يرجع لك

ولماذا تريدها قريبة من لندن ؟

مع التحية

كويتيه طموحه
19-03-2011, 06:47 AM
السلااام عليكم

شلووونكم خوااتي واخواااني...

عندي استفسارااات الله يخليكم


واللي عنده خبره لايبخل عليناااا

سؤالي..


ايهمااا افضل من الجامعات التاليه:

bristol-
cardiff-
birmingham-
manchester-
leeds-
liverpool-
aberdeen-
edinburgh-
city university london-

ياليت تذكرون ايهم افضل من حيث السكن وهدوؤ المنطقه
والمرافق بشكل عام وطبيعة جوهاا.. والاماااااان اهم شي
ووجود طلبة وطالبات كويتيين(للعون..فديتهم) ووجود العرب بشكل عام..

وسؤال ثاااني :)

دراسة اللغه يفضل بنفس الجامعه ولا بمعهد خاص للغه؟!

مع ذكر الاسبااب فدييتكم


:؛)

ادري ثقلت الچيله عليكم

بس اعرف انكم قدهاا وقدوووود



اختكم كويتيه طموحه...

9999
02-04-2011, 03:18 PM
انا على وشك التخرج من التجاري تخصص محاسبة شنو في جامعات ببريطانيا تدرس هالتخصص
وشنو شروط البعثة على حساب الحكومة و جم التكلفة تقريبا اذا على حسابي مع العلم ان معدلي 2.96 يعني ان شاء الله لي التخرج اكون صاعد فوق ال3 و شكرااااا

Easy Steps
02-04-2011, 04:41 PM
انا على وشك التخرج من التجاري تخصص محاسبة شنو في جامعات ببريطانيا تدرس هالتخصص
وشنو شروط البعثة على حساب الحكومة و جم التكلفة تقريبا اذا على حسابي مع العلم ان معدلي 2.96 يعني ان شاء الله لي التخرج اكون صاعد فوق ال3 و شكرااااا

65 جامعة معترف فيها ببريطانيا تدرس هذا التخصص للبكالوريوس

q8-uk
02-04-2011, 05:38 PM
السلام عليكم

يعطيكم العافيه على هالمتدى الرائع

عندي سؤال لو تكرمت

الحمدلله حصلت قبول في جامعة لفبرا-بس اشترطوا ادرس عندهم لمدة 10اسابيع بس ماني متأكد اذا فيهامتحان عد الدوره ولا لا؟
مع العلم انه عندي آيلتز 6.0 وشكرااا

Easy Steps
02-04-2011, 05:57 PM
جامعة شنو ؟ ممكن تكتب اسم الجامعة بالانجليزي

هل بكالوريوس ولا ماستر ؟

بالنسبة للكورس 10 اسابيع

هذا كورس اسمه بريسيشنال كورس لرفع مستواك باللغة الانجليزية ليست فيه امتحان اذا كان في نفس الجامعة

q8-uk
02-04-2011, 07:44 PM
مشكور أخوي على الرد

جامعة
loughborough





يعني مافيه امتحان أيلتز ثاني و نتيجته مالها شغل بالدراسه؟؟

q8-uk
02-04-2011, 07:46 PM
اسف اتكلم عن باكلريوس هندسه

Easy Steps
02-04-2011, 07:48 PM
مشكور أخوي على الرد

جامعة
loughborough
يعني مافيه امتحان أيلتز ثاني و نتيجته مالها شغل بالدراسه؟؟

العفو

لا مافي امتحان ايلتز ثاني تخلص الكورس وتبدأ الجامعة مباشرة

q8-uk
02-04-2011, 08:16 PM
عزيزي يعطيك العافيه على الاجابه

ناوي بإذن الله أدرس باكلوريوس هندسة كيميائيه وحصلت قبولين في
1-loughborough
2-swansea

ايهم افضل من ناحية المدينه والدراسه؟؟؟؟



وشكراا جزيلاا مسبقاا

Easy Steps
02-04-2011, 11:14 PM
عزيزي يعطيك العافيه على الاجابه

ناوي بإذن الله أدرس باكلوريوس هندسة كيميائيه وحصلت قبولين في
1-loughborough
2-swansea

ايهم افضل من ناحية المدينه والدراسه؟؟؟؟



وشكراا جزيلاا مسبقاا

اي جامعة اللي طلعت رسوم الدراسة اغلى عليك

وكم سنة راح تدرس

على حسابك ام مبتعث

q8-uk
03-04-2011, 10:32 AM
أخوي easy steps

طالع أجازه دراسيه على حساب الدوام انشاء الله

وكل الجامعتين اقبلوني سنه اولى والدراسه 3 سنين

Easy Steps
03-04-2011, 12:17 PM
الحبيب ما قلت لي اي جامعة طلعت رسومها اغلى من الثانية

كم رسوم كل جامعة

q8-uk
03-04-2011, 12:46 PM
اخوي مثل ماقلت لك على حساب الدوام اهم بيدفعون رسوم الدراسه

بس أبي أعرف اي الجامعتين أفضل؟؟

Easy Steps
03-04-2011, 01:26 PM
1-loughborough
2-swansea

ايهم افضل من ناحية المدينه والدراسه؟؟؟؟
وشكراا جزيلاا مسبقاا

بالنسبة لـ loughborough

في الشمال

وبالنسبة لـ swansea

في اقصى الغرب


الشمال سيكون عليك ارخص نوعاً ما وابرد

kamel lboston
04-04-2011, 02:18 AM
السلام عليكم اخوي ما عليك امر انا عندي ثنوية عامة من مدرسة خاصة ابي ادرس هندسة ميكاتروني انا الصراحة للحين ما قررة و الصراحة حدي متوهق ابي اعرف شنو الجامعات اللي تنصحني فيها حق هندسة ميكاترونيك و ميكانيك 2 اذا لازم اسجل على النت ول وزارة التعليم و اذا مكتب اعطوني اسم او رقم مكتب همن نصحوني ب جامعة ليفربول يقولون الدراسة زينة و العيشة هناك تمام !!! اذا اقدر الحق ابلش الدراسة شهر تسعة الياي و اذا ممكن تقولي كل ل لازم اسويه عشان التسجيل انا مظيع
و ااااااااااااااسف على الازعاج

على نياتي
06-04-2011, 02:53 AM
اخواني تكفووووووووون ساعدوني ,,, انا في حيره ومتردد وماني عارف شسوي ,,,opO

انا خريج تكنولوجيا قسم فيزياء تطبيقيه سنة 1995 م ,,, بتقدير 2,11 جيد :$

فشنو تنصحوني فيه من كليه اكمل فيها واي تخصص اسجل فيه على اساس احد اقسام الهندسه وعلى حسب علمي ان الهندسه المدنيه اهي اسهل قسم ,,, x:D

جهزت شهادة الثانويه والدبلوم طبعآ صور ,,, وحسن سير وسلوك من الهيئه التطبيقي واحتمال ادخل دورة الآيلز في المركز البريطاني في آخر شهر 4 وما تخلص الدوره ألا في نص شهر 6 \'v\'

فدلوني السنع وينه الله يدليكم الجنه ~.~

بومبارك
08-04-2011, 12:05 AM
easy steps
السلام عليكم
يعطيك العافيه اخوي
انا مفكر ادرس هندسه مدنيه وعندي شهاده معهد الكهرباء والماء والثانوي علمي
شنو احسن جامعه من ناحيه السهوله :)) والرخص يكون معترف فيها بالكويت
انا بدرس على حسابي الخاص ف ممكن نصيحه ( سابقا يقولون النصيحه بجمل ) وابشر بالجمل :)

Easy Steps
08-04-2011, 12:25 AM
السلام عليكم اخوي ما عليك امر انا عندي ثنوية عامة من مدرسة خاصة ابي ادرس هندسة ميكاتروني انا الصراحة للحين ما قررة و الصراحة حدي متوهق ابي اعرف شنو الجامعات اللي تنصحني فيها حق هندسة ميكاترونيك و ميكانيك 2 اذا لازم اسجل على النت ول وزارة التعليم و اذا مكتب اعطوني اسم او رقم مكتب همن نصحوني ب جامعة ليفربول يقولون الدراسة زينة و العيشة هناك تمام !!! اذا اقدر الحق ابلش الدراسة شهر تسعة الياي و اذا ممكن تقولي كل ل لازم اسويه عشان التسجيل انا مظيع
و ااااااااااااااسف على الازعاج

وعليكم السلام ورحمة الله وبركاته

جامعة ليفربول ممتازة اذا نويت عليها

وبخصوص التسجيل الموضوع بسيط جدا

راجع الخاص

Easy Steps
08-04-2011, 12:31 AM
اخواني تكفووووووووون ساعدوني ,,, انا في حيره ومتردد وماني عارف شسوي ,,,opo

انا خريج تكنولوجيا قسم فيزياء تطبيقيه سنة 1995 م ,,, بتقدير 2,11 جيد :$

فشنو تنصحوني فيه من كليه اكمل فيها واي تخصص اسجل فيه على اساس احد اقسام الهندسه وعلى حسب علمي ان الهندسه المدنيه اهي اسهل قسم ,,, x:d

جهزت شهادة الثانويه والدبلوم طبعآ صور ,,, وحسن سير وسلوك من الهيئه التطبيقي واحتمال ادخل دورة الآيلز في المركز البريطاني في آخر شهر 4 وما تخلص الدوره ألا في نص شهر 6 \'v\'

فدلوني السنع وينه الله يدليكم الجنه ~.~


التخصص انت اللي تختاره ما يناسب دراستك ورغبتك بعد التحديد نتكلم في ما سواه بارك الله فيك

Easy Steps
08-04-2011, 12:35 AM
easy steps
السلام عليكم
يعطيك العافيه اخوي
انا مفكر ادرس هندسه مدنيه وعندي شهاده معهد الكهرباء والماء والثانوي علمي
شنو احسن جامعه من ناحيه السهوله :)) والرخص يكون معترف فيها بالكويت
انا بدرس على حسابي الخاص ف ممكن نصيحه ( سابقا يقولون النصيحه بجمل ) وابشر بالجمل :)

وعليكم السلام ورحمة الله وبركاته

هنالك 33 جامعة معترف بها في هذا التخصص بارك الله فيك

اول شي شلون لغتك هذا اهم شي لانها راح تحدد امور وايد ؟

من ناحية السعر كل الجامعات تقريبا اسعارها متقاربة

بومبارك
08-04-2011, 01:23 PM
ما اعطيك الاكيد لكن طول وقت دراستي من مدارس حتى المعهد كانت افضل ماده الانجليزي
يعني اقولك نص ونص
وعندي صديق نفس حالتي اقل مني مستوى بالانجليزي
شنو اللي يصير ! لازم ندرس لغه ولا بس مده الدراسه

Easy Steps
08-04-2011, 03:00 PM
ما اعطيك الاكيد لكن طول وقت دراستي من مدارس حتى المعهد كانت افضل ماده الانجليزي
يعني اقولك نص ونص
وعندي صديق نفس حالتي اقل مني مستوى بالانجليزي
شنو اللي يصير ! لازم ندرس لغه ولا بس مده الدراسه

لازم تدرس لغة لانك اذا حصلت قبول سيكون مشروط بلغة وغالبا 6.0 او 6.5

فبدون ان تجيب هالدرجة على الاقل 6.0 القبول ماله معنى

لان مع 6.0 ستاخذ كورس لغة ايضا في نفس الجامعة *

بومبارك
08-04-2011, 04:19 PM
حلو الكلام يعني مده الدراسه سنتين
ومع كورس لغه
سنتين ونص المده الاجماليه امممم
طيب الكلفه بالسنه جم والمعيشه هناك !!
اذا في مكان ثاني اتواصل وياك فيه مسن او تلفون او اي شي ياريت تعلمني لان معزم ادرس بس لازم ادرسها من الجوانب وافهم شنو لي واللي علي واتوكل على الله

Easy Steps
08-04-2011, 05:48 PM
حلو الكلام يعني مده الدراسه سنتين
ومع كورس لغه
سنتين ونص المده الاجماليه امممم
طيب الكلفه بالسنه جم والمعيشه هناك !!
اذا في مكان ثاني اتواصل وياك فيه مسن او تلفون او اي شي ياريت تعلمني لان معزم ادرس بس لازم ادرسها من الجوانب وافهم شنو لي واللي علي واتوكل على الله

راجع الخاص يا الحبيب

GhadeerS
14-04-2011, 09:21 AM
السلام

أنا خريجة أدب انجليزي معدرلي 3.64 يعني جيد جدا مرتفع
و بعد يومين عندي اختبار أيلتز ان شالله (اذا اخذت 7 هل لازم فاونديشن؟)
أبي اعرف شلون أجيب قبول غير مشروط لدراسة الماستر في الادب إذا سمحتوا

و ابي أعرف أي احسن كمدينة و أمان قبل أي شي من عالجامعات :
University Of Southampton
University of Nottingham
University of Sussex
University of Sheffield

و آخر سؤال .. أنا كلمت أحد المكاتب قالولي أعطيهم أوراقي و يطلعولي قبول بس اتعابهم 300 دينار؟ مو غالي؟

و مشكورين

Easy Steps
14-04-2011, 03:06 PM
السلام

أنا خريجة أدب انجليزي معدرلي 3.64 يعني جيد جدا مرتفع
و بعد يومين عندي اختبار أيلتز ان شالله (اذا اخذت 7 هل لازم فاونديشن؟)
أبي اعرف شلون أجيب قبول غير مشروط لدراسة الماستر في الادب إذا سمحتوا

و ابي أعرف أي احسن كمدينة و أمان قبل أي شي من عالجامعات :
University of southampton
university of nottingham
university of sussex
university of sheffield

و آخر سؤال .. أنا كلمت أحد المكاتب قالولي أعطيهم أوراقي و يطلعولي قبول بس اتعابهم 300 دينار؟ مو غالي؟

و مشكورين

انتي خريجة بكالوريوس ( الفاونديشن لطلبة الثانوية فقط )

البري ماستر لطلاب البكالوريوس اللي بيسون ماستر

كل هالجامعات المذكورة في مدن امان وممتازة

بخصوص اتعاب المكتب اللي كلمتيهم هذا امر يرجع لج انتي

اما بخصوص السؤال الاول كيف تحصلين على قبول غير مشروط هذا امره هين باذن الله

مع التحية

Man UniteD
15-04-2011, 10:33 PM
يعطيكم العافيه على مجهودكم .. في ميزان اعمالكم ان شاء الله ..

اخواني انا عندي دبلوم قانون من التطبيقي ومعدلي جيـّد .. وحاب اكمّل دراسه في مانشستر .. واذا ما يعادلون شهادتي آي جامعه
قريبه من هـ المدينه .. بـ النسبه لـ إنجليزتي مو شي بصراحه وبحسّنها بـ التسجيل في معهد ان شاء الله ..

هل اقدر اكمّل دراسه ؟! .. فيه جامعات يعادلون شهادتي ؟! .. واذا عادلوها جم سنه بيعادلون ؟! أخيراً .. جم الميزانيه ؟! يعني مع
مصاريف الدراسه والسكن ..

مشكورين مقدماً ..

Easy Steps
15-04-2011, 10:52 PM
يعطيكم العافيه على مجهودكم .. في ميزان اعمالكم ان شاء الله ..

اخواني انا عندي دبلوم قانون من التطبيقي ومعدلي جيـّد .. وحاب اكمّل دراسه في مانشستر .. واذا ما يعادلون شهادتي آي جامعه
قريبه من هـ المدينه .. بـ النسبه لـ إنجليزتي مو شي بصراحه وبحسّنها بـ التسجيل في معهد ان شاء الله ..

هل اقدر اكمّل دراسه ؟! .. فيه جامعات يعادلون شهادتي ؟! .. واذا عادلوها جم سنه بيعادلون ؟! أخيراً .. جم الميزانيه ؟! يعني مع
مصاريف الدراسه والسكن ..

مشكورين مقدماً ..

اسال في جمعية المحامين عن دراسة البكالوريوس في بريطانيا

لانك لازم تدرس قانون فرنسي اما في فرنسا او مصر او الدول المشابهة

لكن بكالوريوس في بريطانيا قبل لا تفكر فيه اسال عن هذا الامر في جمعية المحامين

وبعدها تعرف وين تروح بالضبط

على نياتي
18-04-2011, 01:25 AM
التخصص انت اللي تختاره ما يناسب دراستك ورغبتك بعد التحديد نتكلم في ما سواه بارك الله فيك

استاذي العزيز ,,, ماني فاهم كلامك !! :$$$$$:$$$$$

شلون اقدر أتواصل معاك !؟ لأن موقادر اتواصل وياك على الخاص !! عدد المشاركات لايسمح :x

Easy Steps
18-04-2011, 01:26 AM
راجع الخاص بارك الله فيك

هنودة
20-04-2011, 02:41 PM
السلام عليكم انا هنودة البدودة خريجة جامعة الكويت كلية الحقوق حييييل بخاطري اكمل دراستي في بريطانيا حاولت اكملها عن طريق البعثات بس حيييل كانت صعبه لان معدلي 75% انا خريجة سنة 2008 ومن ذاك اليوم وانا انطر اي قانون او ثغرة اقدر اكمل من خلالها عن طريق بعثة بس للاسف لي يومكم مافي لي ما توصلت ان اكملها على حسابي الخاص بس سؤالي اهوا جم تكلفة دراسة القانون في بريطانيا ؟وصج مدة الدراسة فيها 9 شهور ؟ ونظام الدراسة متواصل 9 شهور ولا اقدر اضبطها مع الجامعه كوني موظفه بليييز بليييز ردو علي لان انا الحين قاعدة اجهز نفسي حق هالشغله

Easy Steps
20-04-2011, 03:44 PM
السلام عليكم انا هنودة البدودة خريجة جامعة الكويت كلية الحقوق حييييل بخاطري اكمل دراستي في بريطانيا حاولت اكملها عن طريق البعثات بس حيييل كانت صعبه لان معدلي 75% انا خريجة سنة 2008 ومن ذاك اليوم وانا انطر اي قانون او ثغرة اقدر اكمل من خلالها عن طريق بعثة بس للاسف لي يومكم مافي لي ما توصلت ان اكملها على حسابي الخاص بس سؤالي اهوا جم تكلفة دراسة القانون في بريطانيا ؟وصج مدة الدراسة فيها 9 شهور ؟ ونظام الدراسة متواصل 9 شهور ولا اقدر اضبطها مع الجامعه كوني موظفه بليييز بليييز ردو علي لان انا الحين قاعدة اجهز نفسي حق هالشغله

وعليكم السلام ورحمة الله وبركاته

تكلفة الدراسة

تبدا من 10 الف باوند وصاعد

ومدة الدراسة حسب الجامعة

لا تستطيعي ان تدرسي ماجسيتر بهذه الطريقة وانتي موظفة

لان قبولج لن يتصدق من الملحق الثقافي الا باجازة دراسية

مع التحية

فهد المـطيري
20-04-2011, 04:33 PM
وعليكم السلام ورحمة الله وبركاته

تكلفة الدراسة

تبدا من 10 الف باوند وصاعد

ومدة الدراسة حسب الجامعة

لا تستطيعي ان تدرسي ماجسيتر بهذه الطريقة وانتي موظفة

لان قبولج لن يتصدق من الملحق الثقافي الا باجازة دراسية

مع التحية


بخصوووص النقطه اللي اثرتها ان لا تستطيع اكمل دراسة المااجستير وهي موظفه
يحق للموظف رصيد اجازه دراسيه 45 يوم من ديوان الخدمه المدنيه لدراسة الماجستير غير الاجازه الدوريه اللي اهي 35 يووم يعنى المجمووع 80 يوم بالسنه ..

وملاحظه دراسة الماستر غير دراسة البكالوريوس حيث لايشتراط التعليم العالي في دراسة الماستر ان لايكون موظف.

وطلباتهم بسيطه و مدة الاجراء بديوان الخدمه تقريبا 10 دقاايق ..

مع تحيااتى

Easy Steps
20-04-2011, 04:38 PM
بخصوووص النقطه اللي اثرتها ان لا تستطيع اكمل دراسة المااجستير وهي موظفه
يحق للموظف رصيد اجازه دراسيه 45 يوم من ديوان الخدمه المدنيه لدراسة الماجستير غير الاجازه الدوريه اللي اهي 35 يووم يعنى المجمووع 80 يوم بالسنه ..

وملاحظه دراسة الماستر غير دراسة البكالوريوس حيث لايشتراط التعليم العالي في دراسة الماستر ان لايكون موظف.

وطلباتهم بسيطه و مدة الاجراء بديوان الخدمه تقريبا 10 دقاايق ..

مع تحيااتى


بارك الله فيك

هذا الكلام قديم ام جديد ؟

حسب علمي انه الان فقط هذا الامر لطلبة الدكتوراة

الماجستير اصبح حتى غير ممكن ان يكون ( بحث ) لابد من مواد

يعني التعليم العالي يطلب دوام كامل في البكالوريوس والماجستير

واجازة دراسية للاثنين بكالوريوس وماجستير

مع التحية

فهد المـطيري
20-04-2011, 04:58 PM
بارك الله فيك

هذا الكلام قديم ام جديد ؟

حسب علمي انه الان فقط هذا الامر لطلبة الدكتوراة

الماجستير اصبح حتى غير ممكن ان يكون ( بحث ) لابد من مواد

يعني التعليم العالي يطلب دوام كامل في البكالوريوس والماجستير

واجازة دراسية للاثنين بكالوريوس وماجستير

مع التحية


هذا الكلام من زمان ولم يطرا عليه اي تغيير

والمااستر فيه نظااامين نظااام دبلوومين عاالي ( اختباار شاامل ) ونظااام اطرروحه وجميعهم يتم به درااسة عددت مقراارات قبل الاختباار الشاامل او الاطروحه .

Easy Steps
20-04-2011, 05:01 PM
هذا الكلام من زمان ولم يطرا عليه اي تغيير

والمااستر فيه نظااامين نظااام دبلوومين عاالي ( اختباار شاامل ) ونظااام اطرروحه وجميعهم يتم به درااسة عددت مقراارات قبل الاختباار الشاامل او الاطروحه .

جميل اذا تتكلم عن النظام القديم

خليها تراجع التعليم العالي حول هذه النقطة

وهل نظام الاطروحة معمول به الان في الماجستير ام لا؟

وهل يجب فيه الدوام الكامل ام لا؟


مع التحية

الوحش 2009
20-04-2011, 05:33 PM
السلام عليكم
انا متخرج من التكنولوجيا تخصص هندسة بحرية وابي اكمل ببريطانية تخصص هندسة ميكانيكا اشلون الطريقة وشنو المطلوب اسوية ولغتي الانجليزية مو ذاك الزود وابي اعرف التكالفين وجم يعادلون حق الي متخرجين من التكنولوجيا ارجو الرد وسنو الجامعات السهله الموجود


ارجو افادتي ضروري

Easy Steps
20-04-2011, 05:37 PM
السلام عليكم
انا متخرج من التكنولوجيا تخصص هندسة بحرية وابي اكمل ببريطانية تخصص هندسة ميكانيكا اشلون الطريقة وشنو المطلوب اسوية ولغتي الانجليزية مو ذاك الزود وابي اعرف التكالفين وجم يعادلون حق الي متخرجين من التكنولوجيا ارجو الرد وسنو الجامعات السهله الموجود
ارجو افادتي ضروري

وعليكم السلام ورحمة الله وبركاته

كم معدلك في البداية

وفي اي سنة تريد ان تبدأ الدراسة

فهد المـطيري
20-04-2011, 05:47 PM
جميل اذا تتكلم عن النظام القديم

خليها تراجع التعليم العالي حول هذه النقطة

وهل نظام الاطروحة معمول به الان في الماجستير ام لا؟

وهل يجب فيه الدوام الكامل ام لا؟


مع التحية

اخى الكريم ال 45 يوم من ديوان الخدمه المدنيه للموظفين لدراسة الماستر وليست تفرق دراسي مثل البكالوريوس وحتى ان قلنا تفرق دراسي فاءن التعليم العاالي لا يختص فهي ليست من صلاحيااته ولا حتى اختصااصااته الا في المعاادله وحتى في المعاادله تم الغااء قراار عدم الجمع بين الوظيفه والدراسه منذ عدة سنوااات .

وفي سؤالك الثااني بخصووص الاطرووحه او ماايسمى بالرسااله اتضح من كلامك انك لا تفقه بها شي وردي عليك انه ماازااال معموول بها .

وبخصووص هل يجب الدوام بها او لا دراسة المواااد تستلزم التوااجد ولكن قد تتسااهل بعض الجاامعاات بالحضوور اما بكتاابة الرسااله او الاطروحه يكفي التنسيق مع المشررف والاستمااع الى توجيهااته وتعليقاته على مااطرا عليها .

Easy Steps
20-04-2011, 06:05 PM
اخى الكريم ال 45 يوم من ديوان الخدمه المدنيه للموظفين لدراسة الماستر وليست تفرق دراسي مثل البكالوريوس وحتى ان قلنا تفرق دراسي فاءن التعليم العاالي لا يختص فهي ليست من صلاحيااته ولا حتى اختصااصااته الا في المعاادله وحتى في المعاادله تم الغااء قراار عدم الجمع بين الوظيفه والدراسه منذ عدة سنوااات

يا استاذي طول بالك حفظك الله

انا عندما قلت التعليم العالي كان بخصوص اعتماد الشهادة بعد التخرج اذا كانت الشهادة بدوام كامل او بدون دوام كامل



وفي سؤالك الثااني بخصووص الاطرووحه او ماايسمى بالرسااله اتضح من كلامك انك لا تفقه بها شي وردي عليك انه ماازااال معموول بها .


ما اقول اللهم علمنا ما نجهل

كيف عرفت انني لا افقه فيها شي حفظك الله

انما غاب عنك مقصدي بارك الله فيك

كان قصدي ان عند المعادلة اذا كان الطالب من البداية مقدم بحث فهذا يعني انه يمكن

ان لا يكون بدوام كامل ويتفق مع الدكتور وياتيه كل فترة معينة متفق عليها

ويرجعنا هذا للنقطة الاولى حول معادلة الشهادة بدوام كامل ام لا





وبخصووص هل يجب الدوام بها او لا دراسة المواااد تستلزم التوااجد ولكن قد تتسااهل بعض الجاامعاات بالحضوور اما بكتاابة الرسااله او الاطروحه يكفي التنسيق مع المشررف والاستمااع الى توجيهااته وتعليقاته على مااطرا عليها .

وهذا امر معلوم ولا نتكلم هل الجامعة الغت نظام الرسالة ام لا

والامر كله اخي الفاضل ان هنالك طالبة بتدرس ماجستير طالبها الملحق بارفاق الاجازة الدراسية

مع القبول وهذا ما بنيت عليه كلامي يا الحبيب

حتى انهم اخبروها في التعليم العالي ان هذا اصبح معمم على البكالوريوس والدكتوراة

انظر للصورة ادناه

[Link nur für registrierte Benutzer sichtbar]

فهد المـطيري
20-04-2011, 07:24 PM
يا استاذي طول بالك حفظك الله

انا عندما قلت التعليم العالي كان بخصوص اعتماد الشهادة بعد التخرج اذا كانت الشهادة بدوام كامل او بدون دوام كامل

الدراسه النتظمه غير عن طريق الانتساااب او عن بعد والتسهل المقصوود بالغياااب عن المحااضراات الخااصه بالموواد التى تسبق الرسااله ولكن الرسااله لا تحتااج بالاغلب الحضووور .

ما اقول اللهم علمنا ما نجهل

كيف عرفت انني لا افقه فيها شي حفظك الله

انما غاب عنك مقصدي بارك الله فيك

كان قصدي ان عند المعادلة اذا كان الطالب من البداية مقدم بحث فهذا يعني انه يمكن

ان لا يكون بدوام كامل ويتفق مع الدكتور وياتيه كل فترة معينة متفق عليها

ويرجعنا هذا للنقطة الاولى حول معادلة الشهادة بدوام كامل ام لا


اخي الكريم لدراسة المااستر اااول شي تدرس عددة موااد وبعد اجتياااز الموواد بمعدل معين اما تختبر اختباار شاامل ( الدبلوومين ) او تسجل اطرووحه يعنى المااستر مو بس بحث ولو عندك خلفيه عن المااستر مااقلت بحث :|

وهذا امر معلوم ولا نتكلم هل الجامعة الغت نظام الرسالة ام لا

والامر كله اخي الفاضل ان هنالك طالبة بتدرس ماجستير طالبها الملحق بارفاق الاجازة الدراسية

مع القبول وهذا ما بنيت عليه كلامي يا الحبيب

حتى انهم اخبروها في التعليم العالي ان هذا اصبح معمم على البكالوريوس والدكتوراة

انظر للصورة ادناه

[Link nur für registrierte Benutzer sichtbar]


بخصووص الاجاازه الدراسيه له اكثر من صووره تفررق دراسي الاغلب للبكالوريس او اجااازه دراسيه لطلبة المااستر والدكتوووره والدكتووره لا تشتررط التفررق التااام للدكتووررره

والصووره المررفقه
1- ان تكوون الدراسه بالجاامعه نفسها واضح لايحتاااج توضيح
2-كذلك وااضح .
3-يجب ان تكوون الدراسه بنظاام الدواام الكااامل اي دراسه منتظمه
4-الانتساااب اي حضوور الاختباارات فقط وعن بعد عن طرريق الشبكه

Easy Steps
20-04-2011, 07:44 PM
يا الحبيب اين قلت انا ان الماجستير بس بحث ؟

بعدين ماجستير نظام دبلومين هذا في مصر موجود وفي الاردن يمكن الله اعلم ما ادري عن الاردن

لكن ما سمعت به في بريطانيا

بل وازيدك من الشعر ٤ ابيات طالب حقوق لديه دبلومين من مصر والتعليم العالي عادلوا له الدبلومين على انهم ماجسيتر

لما قدم على الدكتوراة اول رد من الجامعات كان اننا لا نعترف بالدبلومين على انهم ماجستير اصلا

ومن شهر مارس ٢٠١٠ وحتى ١٩ فبراير ٢٠١١ وهو يقدم على الجامعات البريطانية ولا اعتراف بالدبلومين

والحين رجع وحول بلد الايفاد لمصر مرة اخرى

-----------

وبالنسبة للاجازة الدراسية هذا ردهم للبنت عندما ارادت تصديق قبولها

ومعروف ان بعض الدوامات تسمح لطالب الدراسات العليا بالدراسة اثناء دوامه

دون الحاجة لاجازة دراسية

وكما قلنا من قبل الدكتوراة لا تحتاج تفرغ كلامنا الحين عن الماجستير

اذا لم يتغير شي فخير وبركة بالعكس الله يسهلها على كل من يفكر في الدراسة

ولكن بما انني واجهت حالة بنفسي لابد للطالب ان يتاكد ويسال

كل يوم قرار شكل

فهد المـطيري
20-04-2011, 10:01 PM
بارك الله فيك

هذا الكلام قديم ام جديد ؟

حسب علمي انه الان فقط هذا الامر لطلبة الدكتوراة

الماجستير اصبح حتى غير ممكن ان يكون ( بحث ) لابد من مواد
يعني التعليم العالي يطلب دوام كامل في البكالوريوس والماجستير

واجازة دراسية للاثنين بكالوريوس وماجستير

مع التحية


يبدو ان المووضوع سووف يصبح شرررح لمفرداات اللغه العرربيه

معنى مااتقووول باللغه العربي ان بالساابق كاان مجرررد بحث وانه الان يشترط مواااد وهذاا كلام مغلوووط :rolleyes:

وبخصووص الدبلوومين لا تعااادل المااجستير وهي درجة اقل من الرساااله وعااادة في مصر من يرسب بالرسااله يحصل على دبلوومين وهي لا تمكن صااحبها من اكمااال الدكتورااه

بخصوووص عدم سمعاااك بالدبلوومين ببريطاانياا اتووقع وضحت السبب في مشااركه ساابقه نظااام المااستر في اغلب الدول الاوروبيه والامريكيه ليست اطروحه بل مواد وهي مااتقااارب الدبلوومين .. واشدد عى كلمة الاغلب وليس الكل .


طبعااا كي لا اخووض لكثير من المشااركااات الجاانبيه التى لا تفيد الاعضاااء اعلق الرد على هذا المووضوع ..

مع تحيااتى الغااليه لك

Easy Steps
20-04-2011, 10:05 PM
وخالص الود والتحية لك حفظك الله

ما حدث هو سوء توصيل المعلومة بشكل صحيح ولم اتمكن من توضيح مقصدي

وما صار الا الخير بارك الله فيك

Dr.Exc
29-04-2011, 12:07 AM
السـلام عليكم

انا طالبة ثانوية آخر سنة
و ناوية اني لا تخرجت اقدم طلب بعثة خارجية حق بريطانيا

عندي جم سؤال

- جم النسبة المطلوبة للطب ؟
- شنو احسن الكليات هناك ؟
- شلون ظروف المعيشة هناك ؟
- متى اقدم عالايلتز او التوفل ؟






.

Abdullah al kefeef
05-05-2011, 06:23 AM
السلام عليكم يا شباب
انا طالب لغة في بريطانيا وناوي ادخل جامعة بريطانية في الكورس الجاي
ابي منكم معلومات عن الجامعات التالية اذا عندكم معلومات لا تبخلو علينا
نسيت اقولكم انا ناوي ادرس هندسة كيميائية
وهذي هي الجامعات :-
University of Manchester
University of Surrey
University of Birmingham
University of Sheffield
Aston University
Swansea University
University of Nottingham
اسف ادري كثرت الجامعات بس ابي اعرف كم يبون في الايلتس عشان ادخل فاونديشن
واذا في احد يعرف احد يدرس بوحده من هذي الجامعات يعطيني رقمه البريطاني او ايميله
تكفون ساعدوني ما بقا شي على بداية الكورس الجديد وانا مطلوب من الايلتس بس ما اعرف كم يبون هالجامعات

Easy Steps
05-05-2011, 07:54 AM
اقصى فاونديشن للهندسة لن يتجاوز

5.5 overall

and

5.0 writing

ويمكن اذا حصلت على

4.5 overall

and

4.5 writing


تحصل فاونديشن بكل سهولة